الدولي الاسلامي !! .. وحماية بطاقات الاي تي ام

[محمد]

السلام عليكم ,,

قبل فترة انترس قسم الحوار العام بالمشكلة الشهيرة لسرقة بطاقات الاي تي ام .. وقد يكون اكثر ضحاياها الاخوان اصحاب الحسابات في المصرف الاسلامي ..

حينها قرأت ان بنك قطر الدولي الاسلامي كان متبع نظام شديد حول هذه القضية وانه مرت الازمة دون ان تلقي بظلالها على عملاء الدولي .. بعكس بقية البنوك .. وصراحة انا ماكنت افكر بهالمشكلة ولا عانيت منها الحمدلله .. لكن اليوم صار موقف اول مره يصيرلي صراحة مع اني كنت في بنك قطر الوطني الي هو الرائد على ما يقولون على مستوى الدولة قبل ما انقل للدولي ..

قمت بالاشتراك عن طريق الانترنت في قناة ابوظبي الرياضية .. و وجدت طريقتين للدفع .. الفيزا و بطاقة الاي تي ام .. وبما ان الفيزا فيها الي يكفيها :shy: قلت بدفع ببطاقة السحب .. ودفعت بشكل عادي وخلصت الموضوع ..

بعد هالشي بنص ساعه جاني اتصال على جوالي من الدولي الاسلامي !!
احد موظفين خدمة العملاء .. وكان يسألني عن هالعملية .. قلت له اي نعم انا قمت بهالعملية من خلال موقع بوظبي الرياضية .. فقال كنا نبي نتاكد لان ننراقب كل العمليات الي تصير من خلال الانترنت على بطاقات الاي تي ام وتعقب اي محاولة نصب او سرقة للبطاقات كما حدث في الفترة السابقة في البنوك الاخرى .. وصراحة عجبني هالموقف القوي .. فالكم الهائل من الترانساكشنز بالوقت الواحد في اي بنك عدد مهول فمراقبتهم لكل هالعمليات وتعقب العمليات الي تصير عن طريق الانترنت و التواصل مع الشخص بعد حدوث العملية شي يثير الاعجاب على حرصهم وجهدهم المبذول بهذا الجانب ..

حبيت اكتب هالموضوع فقط من باب لا يشكر الله من لا يشكر الناس و لان ما لاحظت هالشي في بنكي السابق بالرغم من اني اقوم بنفس هالعمليات بشكل متكرر !! ..

فـ شكرا للدولي ونتمنى يواصلون على تطوير خدماتهم في كافة المجالات لانه فعلا بنك متطور من يوم ليوم ..


تحياتي

[FCB 123]

بارك الله فيك وفيهم

صحيح كلامك قبل فترة شهر كنت مسافر واستخدمت البطاقة في السحب الكاش .. خمس دقايق ولا جاني اتصال منهم يسألني أنت ولا لا ؟ قلت له اي نعم انا وسألني كم يوم بتجلس في ذيك البلاد .. قلت له اسبوع .. قالي بس بتسحب كاش ولا بعد مشتريات مباشرة .. قلت له الأثنين كاش ومباشرة

وحتى لما شريت من البطاقة اتصلي واحد وسألني نفس الأسئلة

بالتوفيق إن شاءالله للجميع

[ثاني]

هل هاي خاص ببطاقة الفيزا credit card؟

ممتاز بصراحة

[بوخالد911]

حتى ببنك الوطني الاسلامي

لما كنت باستراليا واستخدمت بطاقتي
وجاني اتصال للتأكد من وجودي هناك؟
قلت اي نعم موجود باستراليا

ولما رجعت بعدها الى بانكوك بعد اتصلوا فيني

وأكدت لهم بانني فعلا موجود ببانكوك

ولما ووصلت قطر نصحوني باستبدال البطاقة

وهااي اللي سويته

لهم كل الشكر



تحياتي قبل سرقة بطاقاتي

[q6ryah]

صراحه خدمتهم هذي ممتازه وتحمي من السرقه اذكر من سنتين برمضان شريت من النت بدولارين والله حرقو تلفوني والرقم من الامارات


ويوم رديت قالو انه سيستم البنك واستفسرو عن عمليه السحب اذا انا ساحبه او غيري


لكن نفس البطاقه الحين اسحب منها للايتونز بس مايتصلون ماعرف السبب

[بوعلي 8]

وعندك الي يتصلون لك أول باول الاهلي ماتمر 5 دقايق الا اتصلو

[al-obaidly]

لان ما يصرف البنك المبلغ للفرع الثاني قبل مايتأكد من العمل وشكرا

[al-obaidly]

لان ما يصرف البنك المبلغ للفرع الثاني قبل مايتأكد من العميل وشكرا

ممممممممممممممممممممممممممممممممممممممم

[LiL iNVe$ToR]

يعطيهم العافيه على هالمستوى من خدمة العميل والخوف على اي ترانزاكشن مشكوك فيه.

لكن عندي سؤال لكل اللي يستخدم " بطاقة السحب " للمشتريات.

ليش ماتستخدمون الكردت كاردز ؟!؟! أأمن لكم من استخدام بطاقة السحب الشخصيه اللي هي متصله دايركت بحسابكم الجاري/التوفير !! مانصح ابد استخدام بطاقة السحب لمشتريات وبالاخص في خارج البلاد ..لان لو انسرقت او صارت اي طريقة احتيال لك بتكون خسارتك اكبر (لو قلنا فالحساب مبلغ كبير) من لو استخدمت الكردت كارد .

المبلغ اللي فالكردت كارد ملك للبنك ..لو صارت اي عمليه انت ماسويتها مابتتحمل المسؤوليه لانها فلوس البنك وانت محمي 100% من اي عمليات مثل ذي ..واللي يقول ان الكردت كارد ياخذون على المبلغ المسحوب نسبة ارباح ..ايه عدل ..لكن سددها اول بأول قبل وقت السداد مابيكون عليك ولاشي..او اختار انك تسددها 100% كل شهر.

صراحه عني انا ..ينباق مني الكردت وفلوس كلها تروح منها ..ولاتنباق "بطاقة السحب" اللي متصل بحسابي الخاص واللي ينزل عليه معاشي.

[جينير]

انا كل ماسحبت من برا وانا مسافر يتصلون فيني يتاكدون

مع ان الرصيد متواضع

[طموحي عالي]

ؤالله زين ‏​آللَّــْـه يجزاك خير
وألا المصرف قاهريني مسروقه فلوسي من أسبوعين الحين وهم خبر خير يقولون راجعينا عقب 3 أسابيع
والادهى والامر أن شهر 7. ؤانا اسحب مره من المرات تمت فلوسي بالأي تي أم ومن ذاك الوقت ؤانا أراجعهم كل فتره وهم يسوون بلاغات ؤالله بالخير. بصراحه. خدمتهم ‏​فيےّ تدني مستمر

الحين أفكر ببنك ثاني ‏​بـَـَـّّـس لازم يكون إسلامي

[محمد]

يعطيهم العافيه على هالمستوى من خدمة العميل والخوف على اي ترانزاكشن مشكوك فيه.

لكن عندي سؤال لكل اللي يستخدم " بطاقة السحب " للمشتريات.

ليش ماتستخدمون الكردت كاردز ؟!؟! أأمن لكم من استخدام بطاقة السحب الشخصيه اللي هي متصله دايركت بحسابكم الجاري/التوفير !! مانصح ابد استخدام بطاقة السحب لمشتريات وبالاخص في خارج البلاد ..لان لو انسرقت او صارت اي طريقة احتيال لك بتكون خسارتك اكبر (لو قلنا فالحساب مبلغ كبير) من لو استخدمت الكردت كارد .

المبلغ اللي فالكردت كارد ملك للبنك ..لو صارت اي عمليه انت ماسويتها مابتتحمل المسؤوليه لانها فلوس البنك وانت محمي 100% من اي عمليات مثل ذي ..واللي يقول ان الكردت كارد ياخذون على المبلغ المسحوب نسبة ارباح ..ايه عدل ..لكن سددها اول بأول قبل وقت السداد مابيكون عليك ولاشي..او اختار انك تسددها 100% كل شهر.

صراحه عني انا ..ينباق مني الكردت وفلوس كلها تروح منها ..ولاتنباق "بطاقة السحب" اللي متصل بحسابي الخاص واللي ينزل عليه معاشي.



مبدأك سليم وصحيح ..
زيد عليها ان اصلا بالخارج لو دفعت بالبطاقة فيه تشارج اكثر ينخذ هو قليل لكن موجود .. في الخارج انا اسحب كاش .. لكن في الدوحة الوضع امن الحمدلله ..

اكيد الكردت كارد فيها ريسك اقل .. لكن حتى البطاقة العادية تقدر تحمي حقك لكن استعادة المبالغ بيكون ابطء من الكردت كارد ..

[محمد]

ؤالله زين ‏​آللَّــْـه يجزاك خير
وألا المصرف قاهريني مسروقه فلوسي من أسبوعين الحين وهم خبر خير يقولون راجعينا عقب 3 أسابيع
والادهى والامر أن شهر 7. ؤانا اسحب مره من المرات تمت فلوسي بالأي تي أم ومن ذاك الوقت ؤانا أراجعهم كل فتره وهم يسوون بلاغات ؤالله بالخير. بصراحه. خدمتهم ‏​فيےّ تدني مستمر

الحين أفكر ببنك ثاني ‏​بـَـَـّّـس لازم يكون إسلامي

والله اختي اذا تبين تحولين انا انصحج بالدولي لكن بعد عندج خيارات ثانية مصرف الريان ممتازه خدماته ..

الدولي اخر سنتين قفزوا قفزه كبيره بعدد عملاءهم و طوروا من خدماتهم بشكل كبير مع زيادة كبيرة في عدد فروعهم بالدولة ..

المصرف غالبية هلي عندهم ومشاكلهم ماتخلص خصوصا مشكلة الاحتيال في سحب مبالغ الاي تي ام .. وغريب انج من الناس الي للحين مانحلت مشكلتهم بعد

[طويل الرمح]

ما تفرق كريدت و لا ديبت

انا انسرق مني 18000 من بطاقتي الديبت مالت السحب في يوم واحد و رحت البنك و ردوا لي اياها
للعلم البنك الدولي الاسلامي
اخر عملية سحب كانت في السعوديه و من بعدها انسرقت