الرتز كارلتون - كوالالمبور [الأرشيف] - منتديات شبكة الأسهم القطرية

مشاهدة النسخة كاملة : الرتز كارلتون - كوالالمبور

AL HAJRI

11-10-2011, 01:11 PM

السلام عليكم ورحمة اللة

ابي رايكم لو سمحتوا بخصوص فندق الرتزكارلتون في كوالالمبور ..
وهل مستواه ممتاز او فيه افضل منه !؟

شموخ-qtr

11-10-2011, 01:16 PM

الماريوت افضل منه بواااااااااااااااااااااااااااااااااااااااااااااااا اااايد
من حيث الغرف ومن حيث موقعه على شارع الماركات وشارع العرب ..

Hamad7788

11-10-2011, 01:30 PM

سكنت في الاثنين

موقع الماريوت افضل من الرتز

والماريوت فخم وروووووعه

بس الرتز افخم بدرجه

يعني مابتندمون

سواء سكنتوا في الماريوت او الرتز

بس انا اذا بروح مره ثالثه باخذ الماريوت لانه قريب من كل شي

طماطه

12-10-2011, 08:48 AM

الماااريوت لا يعلى عليييه ..

ماراح تندمون لووو سكنتوه ..

المتحدث الرسمي

12-10-2011, 08:58 AM

.....

أخوي فندق الريتز فخم

و عندك فندق مندرين أورينتال من أفخم الفنادق في كولالمبور و مقابله مجمع سوريا مول بجانب البرجين و قريب من العرب

فندق الماريوت على خامته لكن غرفه ضيقه

و درب السلامه ان شالله

.....

A bin M

12-10-2011, 09:32 AM

الماريوت قريب من شارع العرب ..

إما الريتز بعيد شوي .. بس مسوين لك مثل الخرطوم تمشي فيه .

وأفضل الريتز

شبح الصمت

12-10-2011, 10:57 AM

اخوي تبي نصيحتي

ابعد عن شارع العرب والزحمه

انا توني راد وكنت حاجز

فندق Boulevard Hotel

4 نجوم ولكن نظيف 28 طابق ومكان راقي ويبعد عن شارع العرب مسافة 10 دقايق بالتاكسي

وفيه طبعا المطعم كبير + مساج سبا + بركه سباحه + جم

غير المجمع الي تحت الفندق مجمع كبير وفيه نفس الانبوب يوصلك بمجمع ثاني ارقى منه ..

ونصيحه اخو نصيحه

اصرف الرنقت من اهنيه من قطر لا تصرف من اهناك لاني صراحه انصدمت

صرفت الدولار 3.65 ويوم رحت اهناك حولته لـ 2.95

خذ معاك المبلغ الي يكيفك وعقب العب في البطاقة لعبه ..

وبضرب لك مثال

وعن التاكسي امورك طيبه انا رايح بتاكسي لجنتـق بـ 60 رنقت

والفندق قالي بوديك بس روحه 200 رنقت

والعالم تخوفك انه مافي امان اقولك الامان موجود بس حاول تاخذ تاكسي الي قدام الفندق

اي شيء اي استفسار حاضرين

سعد

16-10-2011, 12:17 AM

وانتوا في كل بلاد تدورون شارع العرب :)

واحشينكم يعني قطر مافيها عرب رايحين تدورونهم هناك ههههههه

موفق اخوي في سفرتك

ذيب ولد ذيب

16-10-2011, 01:20 AM

الماريوت افضل من ناحية انه على شارع العرب على طول عند الكوفي شوب والمطاعم ,, اما الرتز بعيد شوي ,, بس الرتز افخم بكثير

fa6ma

16-10-2011, 03:08 AM

الفندقين جمب بعض ' الرتز في غرف وفيه شقق ال ٢ في فندقين مختلفين يعني اذا انت ساكن في فندق الرتز غرف وتبي تطلع للسوق اتمر على فندق الرتز ٢ وبعدين في مجمع مفتوح على الرتز الشقق كله ماركات ومفتوح على فندق الماريوت السالفة جداً بسيطه يعني ٣ فنادق مفتوحين على بعض و بعدين تطلع على شارع العرب وفي مجمع عود مشاهد فندق الماريوت *

AL HAJRI

16-10-2011, 08:37 AM

اشكر الجميع على الرد والإضافة ..
بس شكلي خلاص قررت ااخذ في مندرين اورينتال لان واحد من الربع زن على راسي ههههههه ..

فيه شغله ثانيه !!؟ عطاني واحد من الربع رقم سايق واعتقد انه تونسي او جزائري شئ كذا المهم ياخذ على اليوم 400 بعملتهم تقريبا مع الرحله طول اليوم طبعا .. شرايكم ؟

طماطه

16-10-2011, 09:42 AM

ليش تبون سايق طول اليوم ..

احلا شي التمشي في شارع العرب ..

والاماكن الثانيه وايد قريبه لو بتروحونها وماتكلف الرحله الوحده 20 رنجيت ماليزي ..

والتكاسي يا مكثرهااا هناك .. يعني مايحتاج ينطركم ..

النطره بس خلوها حق جنتنغ .. لان صعب تلقى تكسي يردك .. وياخذون تقريبا 200 ماليزي

وبخصوص فندق مندرين اورينتال .. هو فخم وحلو .. بس عيبه بتمشون مسافه شوي طويله .. لين شارع العرب .. ( انا شخصيا ما حبيته) ..

warq-3nb

16-10-2011, 09:46 AM

فخم وايد :)

al-buainain

17-10-2011, 12:37 PM

XXX

17-10-2011, 01:34 PM

انا سكنت مندرين ف شهر العسل روعه الفندق

بس نصيحه

قبل لا تحجز فندق اسال اذا الحمامات الله يعزك فيهم هوز ماي او لا

هاي اهم شي :)

رحله سعيده انشالله

AL HAJRI

18-10-2011, 09:15 AM

انا سكنت مندرين ف شهر العسل روعه الفندق

بس نصيحه

قبل لا تحجز فندق اسال اذا الحمامات الله يعزك فيهم هوز ماي او لا
هاي اهم شي :)

رحله سعيده انشالله

http://tl8h.com/uploads/images/tl8h-383cd52cfe.png

FCB 123

18-10-2011, 12:02 PM

الماريوت افضل منه بواااااااااااااااااااااااااااااااااااااااااااااااا اااايد
من حيث الغرف ومن حيث موقعه على شارع الماركات وشارع العرب ..

أتفق في الكلام .. الماريوت افضل منه بوااااااااااااايد وهو يكون ورى الماريوت يعني الماريوت مغطي عليه

في الماريوت في مجمع الماركات .. وعند كل محل واحد واقف بسلاحة :omg: للأمن
وتحت في مطعم حلو
والفندق يطل مباشرة على مجمع تجاري كبير ناسي اسمه ويطل مباشرة على المطاعم العربية

واذا ودك في غيره .. عندك مندرين يكون ملاصق للأبراج التوأم

بالتوفيق إن شاءالله

بوناصر 1

19-10-2011, 01:45 PM

السلام عليكم أخواني الأعضاء بخصوص التاكسي في ماليزيا ياجماعة الخير مايحتاج تاخذ التاكسي يوم كامل والسعر 400 واااااااايد نصيحة للجميع أخذ التاكسي بالمشوار أحسن لأنه مافي داعي للأنتظار والتاكسي متوفر بكثر وفي كثير من المجمعات التجارية في الخارج يوجد مكاتب لسيارات الأجرة ورخيصة .وعلى الجميع التصفح على النت قبل السفر والله بتستفيدون وااااااااااااااااااااااااااااااااااااااااااااااااي د وبتوفيق للجميع

مهندس اسهم

19-10-2011, 04:47 PM

مرحبا اخوي الهاجري

انا توني ياي من كوالالمبور ما صار لي اسبوع وسكنت في الريتز وسكنت في اورينتال مندرين

الريتز يميزه قربه من شارع العرب " مع اني ما احبه " وقريب جدا من المجمعات مثل افخم مجمع عندهم اسمه بافلون مول وقريب من التايمز سكوير عشر دقايق مشي وعشر دقايق مشي من مجمع لويات مجمع الالكترونيات يعني حق تسوق ممتاز جدا والانترنت السلكي بالمجان

عيب الفندق انه الله يعزك ما فيه شطافات في الحمام ويمكن يكون البديل فندق الماريوت انه جنب بعض

بالنسبه لاوريانتل مندرين فندق فخم وقريب من البرجين والحديقه ومجمع suria klcc ومن قاعة المعارض ومتحف الاحياء المائيه بس الانترنت بفلوس تقريبا 70 ريال لليوم

التاكسي ما اعتقد تحتاج غير اذا بتروح جنتنغ وما يكلفك اكثر من 200 ريال واذا بتروح سن واي لاجون ما يكلفك 60 ريال من اوريانتل مندرين

ولك الخيار عزيزي

واتمنى اكون افدتك

بوناصر 1

19-10-2011, 06:46 PM

السلام عليكم أخواني الأعضاء بخصوص الأستفسار عن ماليزيا أنا أتمنى للجميع سفر سعيد ونصيحتي لكم عدم التعامل مع الجنسيات العربية في أي شيئ بماليزيا لأنهم يستغلون المسافرين الخليجيين ويأخذون منهم أموال كثيرة منها سيارات الأجرة والجولاات السياحية وغيرها .هؤلاء يتواجون في شارع العرب وينظرون للخليجيين بأنهم أغنياء ويقومون بنصب عليهم وأرجو من الجميع أخذ الحيطه والحذر منهم .وبخصوص التاكسي متواجد بكثره في كل مكان ولاداعي للخوف ويجب التفاوض معهم على السعر .ونصيحة أخذ معلومات من النت أفضل وبتوفيق للجميع وسفر سعيد

جنون قطر

19-10-2011, 09:36 PM

فعلا ما يحتاج سياره طوال اليوم احنا كنا ناخذ تاكسي

Invisible

20-10-2011, 08:07 AM

الرتز مايبيله كلام انا سكنته ممتاز

A bin M

20-10-2011, 12:03 PM