نادي الامتياز والتلاعب بحجز التذاكر ونقاط العضوية

[we-r-sawa]

أول ملاحظة:لاحظت أكثر من مرة وعلى عدة فترات وفي الاجازات المهمة مثل الأعياد والصيف وراس السنة وغيرها واللي يصير ضغط على السفر يقومون المسئولين الهنود والفلبينيين في نادي الامتياز التابع للخطوط القطرية باغلاق حجز التذاكر في هذه الفترة لكل الدول المرغوبة للسفر مثل دبي وتركيا ولندن وبعض الدول العربية والخليجية (وجربوا بنفسكم)وراح تشوفون صحة كلامي،،ولما اتصلت فيهم في مقرهم بقطر قالوا لي كلها محجوزة !!وطبعا هذا غير صحيح لأن هذا غير منطقي أبدا ان تكون كل الحجوزات بنفس التواريخ مغلقة ولكل الدول!!!واحد منهم بعد ماتخانقت معاه وقلت له ليش تسكرون الحجوزات ومانقدر نستخدم الأميال اللي تتجمع عالفاضي ونضطر كل مرة نشتري تذاكر عادية قال: بكل صراحة ان هذا كله بزنس ومصلحتنا ان نطلع فلوس من بيع التذاكر بدل استخدامها لتذاكر نادي الامتياز ويتم دفع الضريبة فقط!!
ثاني ملاحظة:اذا اشتريت تذاكر على مدار السنة تضاف لك نقاط لدرجة العضوية وتضاف لك الأميال،والسؤال ليش تحذف كل النقاط حتى لو كانت آخر تذكرة أخذتها بشهر ديسمبر ولازم تبدأ بتجميع النقاط مرة ثانية من السنة الميلادية الجديدة عشان تحتفظ بمستوى العضوية!!مهب هذا حرام ولعب على ذقون الناس؟المفروض لو كانت عندي نقاط لهذي السنة فمن حقي أحتفظ فيها وقبل هذي السنة خلهم يحذفونها مهب مشكلة..
من الملاحظة الأولى والثانية النتيجة الحتمية ان الخطوط القطرية يبون منك فلوس وبس من شراء التذاكر !!!اما انت يالمسافر مهب مستفيد من الأميال لما تبي تسافر بالاجازات لأن يسكرون على الحجوزات ولا من النقاط في ترفيع العضوية لأنها تروح عليك مع بداية كل سنة!!

[eXpert*]

أنا أختلف معاك في الأولى وأتفق في الثانية

ولامرة قدمت على الـ Award Ticket الإ وطلعت لي . لازم تحط في بالك بأن عدد كراسي إستخدام الـ Q.Miles محدودة وإذا إنحجزت راحت عليك.

بس بالنسبة للـ Q.Points صراحة أتفق معاك .

[we-r-sawa]

أنا أختلف معاك في الأولى وأتفق في الثانية

ولامرة قدمت على الـ Award Ticket الإ وطلعت لي . لازم تحط في بالك بأن عدد كراسي إستخدام الـ Q.Miles محدودة وإذا إنحجزت راحت عليك.

شكرا على التعقيب ولكن هذا الحاصل فعلا ولم أكتب عن هذا الموضوع الا لأني تأكدت منه وصار معاهم جدال من يومين وواحد منهم قال لي بصريح العبارة بعد ماحاصرته ان منطق البزنس هو السائد!!يعني حتى المقاعد اللي خصصوها للأميال يتم تقليلها وتحويلها الى تذاكر حرة اذا كان في طلب على التذاكر...
وفي احدى المرات فتحوا لي الحجز يدوي مهب عن طريق الانترنت عن طريق ناس عرفتهم بالصدفة يشتغلون بالقطرية بس ماأخذت التذكرة لأن الوقت كان غير مناسب والدفع للمكتب كان أعلى من الانترنت!!

[بـنـت ڪرز]

انا من تقريبا اسبوع ابي احجز تذكره بالكيو مايلز حق العيد ومافي ولا كرسي

اضطريت اخذ تذكره جديده

علل شنسوي فيهم

[N7eEeS]

هذا حال الدنيا لازم يكون لك علاقات في كل مكان انا مره خذت حق لندن ذهاب اولى والعوده بزنس في عز الصيف وانا معاك انه يتم حجز حق ربعهم ويقدرون يفتحون لك من عندهم وصارت معاي كذا مره.

[£عبدالعزيز£]

في مقاعد معينة للتذاكر المحجوزة بالاميال

لو انحجزت هالمقاعد خلاص .. وطبعا شي طبيعي انها تنحجز بسرعة في الصيف لان كل الناس يسافرون

اما عن الاميال من قال انها تروح مع نهاية السنة ؟ اظن كل 5 سنين

..

وترى هاذي فالنهاية شركة طيران مب تكسي

يعني يمشون على استراتيجية معينة وما بيطيحون سمعتهم عشان الكيومايلز

القانون معروف ولو تبي تحجز لازم تحجز قبلها بفترة

انا من فترة بسيطة حاجز تذكرة الى لندن بالاميال قبل الرحلة بيوم !!

ومعاملتهم كانت من احسن ما يكون .. حتى الاميال ما كانت كفاية وشريت من القطرية

والاجراءات كانت سهلة ومريحة بدون عوار راس وروح وتعال

..

يمكن انت فاهم الموضوع غلط اخوي

[we-r-sawa]

في مقاعد معينة للتذاكر المحجوزة بالاميال

لو انحجزت هالمقاعد خلاص .. وطبعا شي طبيعي انها تنحجز بسرعة في الصيف لان كل الناس يسافرون

اما عن الاميال من قال انها تروح مع نهاية السنة ؟ اظن كل 5 سنين

..

وترى هاذي فالنهاية شركة طيران مب تكسي

يعني يمشون على استراتيجية معينة وما بيطيحون سمعتهم عشان الكيومايلز

القانون معروف ولو تبي تحجز لازم تحجز قبلها بفترة

انا من فترة بسيطة حاجز تذكرة الى لندن بالاميال قبل الرحلة بيوم !!

ومعاملتهم كانت من احسن ما يكون .. حتى الاميال ما كانت كفاية وشريت من القطرية

والاجراءات كانت سهلة ومريحة بدون عوار راس وروح وتعال

..

يمكن انت فاهم الموضوع غلط اخوي

السلام عليكم،أشكرك على المرور الكريم والطرح ولكن والله أنا ماقلت هالكلام الا عارف ايش اللي قاعد أقوله حرفيا وبالتفصيل الممل وبدون أي تحريف وأقسم لك بالله ان الموظف قال بالحرف الواحد بعد ماصكيت عليه بالأسئلة وهو تنرفز:هذا بزنس والتذاكر الحرة تجيب لنا فلوس أكثر من التذاكر بالأميال...
يعني ايش مصلحتي من طرح هالموضوع اذا ماكان له هدف ومغزى؟؟ وبحيث تكون في مصلحة المسافر،واحنا المسافرين نعرف ان هذا طيران مهب تاكسي مثل ماعلقت ولكن المهم ان القطرية هي اللي تصحح هذا المفهموم
وأنا ذكرت ان النقاط تنتهي بعد مرور سنة وهي اللي تتعلق بمستوى العضوية وليس الأميال اللي تنتهي كل 5 سنوات مثل ماتفضلت ياخوى
وسلامتك

[Abdullah_89]

انا معاك