الي جرب السيكويا ضروري [الأرشيف] - منتديات شبكة الأسهم القطرية

العساس

12-10-2011, 07:07 AM

السلام عليكم ياخوان

انشالله ناوي عن قريب أني أخذ سيكويا
والسيارة ماعرف حد خذها من الربع او قرايبي
لذالك ارجو منكم من الي جربها او يعرف حد من ربعه عند سيكويا

انه يساله عن السياره وهل فيها مشاكل
ومكيفها وهل هي ثابته في الخطوط

وتعزل صوت الهواء

صرفية البترول

هل فيها مشاكل وخربات

او

دق سلف وتوكل على الله

لأن أخوكم من عشاق الخطوط الطويله

او بالاحرى مسفار

أتمنى أني اجد إجابة لتسألاتي

وانتم دايم فيكم الخير

وأهل لهذي المواقف

*

حياة البراري

12-10-2011, 07:14 AM

السيارة يكفي انها (toyota) يعني وارد اليابان (تصنيع امريكا)
توكل على الله وشتر والله يعطيك خيرها ويكفيك شرها

Store

12-10-2011, 10:20 AM

،، فالك التوفيق ،،

tawareq

12-10-2011, 11:07 AM

عندي واحد من الشباب عنده فل ابشن ما شءالله عليها ما عليها كلام ثبات للسفر ووسيعه
ومعزوله تقريبا نفس اللكزس

الشامخ

12-10-2011, 11:17 AM

موتر عجيب عائلي ،، قومته قوية أقوى من الكروزر 8 سلندر وتحس انه خفيف والموتر ثابت على الخط ،، والخربات انسى ، مكينته وقيره نفس اللكزس ، وصرفية البترول مثل اللكزس ، وعزل الصوت جيد ، والسفايف تعيش اكثر من سفايف الكروزر ، والجديد فيه ثلاجة وفتحة ودبل ، مثل الكروزر،، ولاتنسى انه تويوتا

والحين قام يتنشر خاصة بعد غلاء الكروزر بشكل جنوني

والله يوفقك

العساس

12-10-2011, 01:04 PM

حياة البراري
أستور
طوارق
الشامخ

جزاكم الله خير على المرور والنصيحه
والله وبعد معاناه اتصلو فيني الشركة
وقالو موترك وصل

بس في شباب خرعوني قالو مشاكل في القير
وتقطيع وكلام فاضي

وقالو خذ يوكن أحسن او ارمادا

بس أنا اميل للسيكويا

بس حد منكم يقدر يتاكد من موضوع القير

واعتقد انه كلام فاضي

ولكن ليطمئن َ قلبي

وجزاكم الله خير ياخوان روضه

العساس

12-10-2011, 01:06 PM

والتكيف هل فيه عذاريب

على كلام البعض

بوعلي 8

12-10-2011, 01:52 PM

بس السؤال كم سعرها عند عبدالغني شربت

waham333

12-10-2011, 02:59 PM

اخوي السكويا عملي جدا
خفيف وقوي

يعيبة
الحجم كبير جدا
المساحة بين السيت الاخير والباب صغيرة

وفيه عيب بالمكيف لكن تغير فلتر الهواء حق الوكالة وتركب صيني ويضبط الوضع معاك

الشامخ

12-10-2011, 10:18 PM

حياة البراري
أستور
طوارق
الشامخ

جزاكم الله خير على المرور والنصيحه
والله وبعد معاناه اتصلو فيني الشركة
وقالو موترك وصل

بس في شباب خرعوني قالو مشاكل في القير
وتقطيع وكلام فاضي

وقالو خذ يوكن أحسن او ارمادا

بس أنا اميل للسيكويا

بس حد منكم يقدر يتاكد من موضوع القير

واعتقد انه كلام فاضي

ولكن ليطمئن َ قلبي

وجزاكم الله خير ياخوان روضه

كلام فاضي اخوي القير قير لكزس ستة تبديلات ولا فيه اي مشاكل والتكيف ممتاز ، بتستانس على الموتر عزيمة وقومته قوية ، توكل على الله وخذه

ASK2

12-10-2011, 10:22 PM

مافي اي مقارنه مع اليوكن والتاهو والسكاليد و الدنالي

بسعره اخذ يوكن او تاهو على الاقل

هذا عن تجربه ..

Rayane

12-10-2011, 10:45 PM

افضل اختيار في سوق السيارات العائليه هو السيكويا...

قصب ظهر الجمس والشفر...

مكينته اقوى وأحسن...

مركبه أوسع وكراسي الوسط تتحرك قدام وورى نفس الكراسي الاماميه... حتى اللي يركب في الشنطه يقدر يركب بكل اريحيه...

وأهم شئ بالنسبه لي ((((( الثلاجه )))))... ياخي اذا تسافر بموتر في ثلاجه نفس الجكسار ... تحس انك قاعد في غرفتك... تحصل البارد والماي ((( والبور هورس ))) ^_^ وأي شئ تبغيه يكون بارد.

خل منك السيارات اللي كل شئ سنسر وكل شئ له عمر افتراضي قصير...

الا طرمبة بترول.... ولا قال لك سنسر الهوا.... ولا كرنك سنسر...؟

لكن الحق ينقال.......... ما أعرف أسعار قطع الغيآآآآآر.... من سفايف و درام ويلات وقطع استهلاكيه..

والسلام ختام...

العساس

13-10-2011, 12:16 AM

جزاكم الله خير على النصيحة

وبنسبة للسعر ١٥٩ ويقول في خصم ٢٠٠٠ ريال

العضوask2
احترم وجهة نظرك لكن ممكن تذكرلي اسباب تفضيل التاهو او اليوكن على السيكويا

وانشالله أني مقتنع بنسبه كبيره ع السيكويا

والله يقدم الي فيه الخير

بن رومي

13-10-2011, 12:38 AM

الله يوفقك

افتح الرابط

http://www.toyota4arab.com/forum/f57.html

واسهر عليه اليوم

الله يبارك لك

بن رومي

A-Alansari

13-10-2011, 01:27 AM

الموتر ماعليه كلام اخوي .. توكل على الله

توني مطلع واحد للبيت و ماشاءالله احسن من اليوكن بمليون مره << وجهة نظر :)

بالتوفيق

keep calm

13-10-2011, 02:29 AM

العساس نبيك تحط صورة للموتر انشالله بعد ماتطلعه نبي(( نكحل عيونا بشوفته))
والله يبارك لك فيه و يعطيك خيره ويكفيك شره مقدما وعطنا العلوم عشان نستفيد

الزجاجي

13-10-2011, 05:26 AM

ما اقدر اقارن سياره عمرها 75 سنه مع سياره توها لها كم سنه ظاهره :)

السوبربان او اليوكن الطويل له مميزات خاصه فيه لانه امريكي .. اخطف الوكاله وشوف العروض .. اهم شي عرض ما بعد البيع .. وكيف قطع الغيار .. ومو عيب تمر لوكاله الكدلك هم موترهم عجيب

السكويا انصح فيه لانه من تويوتا ووقت البيع معروف سيارات التويوتا مطلوبين .. غير السعر العجيب الي ذكرته لاني اخبر السكويا فل اوبشن بـ 200 الف .. اطلب انك تجربه وشوف مواصفاته .. ولا تسال الوكاله عن قطع الغيار لان الجواب اكيد وهو موجود بس بالوكاله بسبب ان الموتر جديد وصعب يتحصل في الموزعين

وفي النهايه عليك بالاستخاره .. ومبروكـ مقدماً

العساس

13-10-2011, 07:14 AM

جزاكم الله خير ع النصيحه

وفعلا ماخاب من استخار
وملتزم من استشار

بونوره لو اعرف انزل صور كان نزلت
عشان الشباب

لكن بحاول انشالله

بن رومي جزاك الله خير ع الموقع

وشكراً لجميع الاعضاء على المرور والنصيحه

ولاتنسونا من الدعاء

المخفي

13-10-2011, 10:00 AM

يعطيك خيره و يكفيك شره الي عندك ستاندر و لا ليمتد

العساس

13-10-2011, 10:45 AM

هلا اخوي

توه في الميناء انطر اوراقه تخلص

وهو sr5 فتحه شد كرسي السواق كهربا

ASK2

13-10-2011, 02:08 PM

جزاكم الله خير على النصيحة

وبنسبة للسعر ١٥٩ ويقول في خصم ٢٠٠٠ ريال

العضوask2
احترم وجهة نظرك لكن ممكن تذكرلي اسباب تفضيل التاهو او اليوكن على السيكويا

وانشالله أني مقتنع بنسبه كبيره ع السيكويا

والله يقدم الي فيه الخير

اول حاجه قبل اتكلم بقولك

في البيت عندنا سيكويا موديل 2010 وعندنا التاهو ولا اليوكن

اولاً ك ثبات ك رفاهيه ماله اي مقارنه تعال اركب اليوكن واركب السيكويا شوف بس فرق السيتات

ك ثبات السياره بين السيارتين بتعرف

ناحية القوه صحيح المكينه 5.7 ومكينة اليوكن او التاهو 5.3 بس مافي اي مقارنه

ودناالي او السكاليد 6.2 للعلم مكينة 5.3 من انجح مكاين 8 سلندر وهذا تقدر اتأكد منه في النت

من ناحية السواقه اليوكن احسن في السواقه ..

كحجم السياره واضح ان اليوكن الم وانسيابيه اكثر من السيكويا

تعال في الرمله وشوف قوة اليوكن مقارنه مع السيكويا انا ماقولك قارنه مع السيكويا اليوكن في الرمله قارنه بعد اذا حبيت مع الكروزر ونيسان

في الاخير يكفي ان الموتر صناعه امريكيه بتقنيه امريكيه ذاك ياباني بصناعه امريكيه بتقنيه امريكيه ..

طبعاً الدنالي والسيكاليد هذا كلام ثاني

العساس

13-10-2011, 02:34 PM

هلا اخوي ask2

ومشكور ع المعلومات

بس ان جينا للعيوب المصنعية

فاعتقد ان ال جي ام مشهوره فيها

ان جينا لسيرفس الشركة

المناعي والجيدة مش عارفين العطل او سببه
اذا الموتر تعطل

ان جينا لقطع الغيار

ال جي ام اعلى قطع غيار

ان جينا لمشاكل للسياره

ابحر مع ال جي ام في الجوجل
وبتشوف خرابات (مالا عين رأت او إذن سمعت)

ومن ناحية العزم

شف السيكويا أش سوى بالمواتر

رغم ان الموتر ابيه للسفر مب للمسابق

وفي الاخر

أنا احترم وجهت نظرك

وجزاك الله خير على المعلومات

بوعلي 8

13-10-2011, 02:36 PM

كم سعره

أبو راكان

13-10-2011, 02:44 PM

توكل على الله وخذ السيكويا ولاتتردد
مكينة وجير لكزس فورويل
موتر ماعليه كلام والناس لين الحين ماتعرف هالموتر
على فكره السيكويا من سنة 2000 مكتسح سوق الفورويل في امريكا وفايز بعدة جوايز
ومافي مقارنة كلششش مع الجمس والتاهو

العساس

13-10-2011, 02:56 PM

بوعلي سبق ذكرت انه ١٥٩ فتحه شد كرسي كهربا

قبل الخصم

بوراكان شاكر مرورك

وفعلا هو نسخة من التندرا

وتندرا اكثر مبيعاً في امريكا

وربك يسهل

ASK2

13-10-2011, 03:20 PM

هلا اخوي ask2

ومشكور ع المعلومات

بس ان جينا للعيوب المصنعية

فاعتقد ان ال جي ام مشهوره فيها

ان جينا لسيرفس الشركة

المناعي والجيدة مش عارفين العطل او سببه
اذا الموتر تعطل

ان جينا لقطع الغيار

ال جي ام اعلى قطع غيار

ان جينا لمشاكل للسياره

ابحر مع ال جي ام في الجوجل
وبتشوف خرابات (مالا عين رأت او إذن سمعت)

ومن ناحية العزم

شف السيكويا أش سوى بالمواتر

رغم ان الموتر ابيه للسفر مب للمسابق

وفي الاخر

أنا احترم وجهت نظرك

وجزاك الله خير على المعلومات

انا عن تجربه اتكلم

اي خرابات تتكلم عنه

عندنا في البيت مواتر الجي ام من جميع الموديلات

عندي موتر موديل 2001 يوكن

تعال شوفه انت بنفسك واحكم وللعلم استعمال دريول

ايل فلتر بترول غيره ماسويت له شي سفايف تقريباً كل سنه ونص سنتين اما التويوتا احنا الفيكسار مالحق في من كثر مانبدل له سفايف ..

بعدين شركة المناعي او الجيده افضل من التويوتا اللي يذلونك كنك ماخذ الموتر من عندهم ببلاش مب دافع فلوسه ..

شوف بقولك عن تجربه بعد عشان اتعرف قوة الاستحمال 2004 خذت كامري لاستخدام معين 2006 خبطت من 2006 لين هذا اليوم خذت كابرس حق نفس الاستخدام لين الحين شغال الموتر ..

طبعاً هذا تجربتي

بين شركات المواتر

ASK2

13-10-2011, 03:39 PM

توكل على الله وخذ السيكويا ولاتتردد
مكينة وجير لكزس فورويل
موتر ماعليه كلام والناس لين الحين ماتعرف هالموتر
على فكره السيكويا من سنة 2000 مكتسح سوق الفورويل في امريكا وفايز بعدة جوايز
ومافي مقارنة كلششش مع الجمس والتاهو

الصراحه ماسمعت مادري وين قاري ان السيكويا مكتسح من 2000 ؟!

واما قطع المكينه والقير امريكيه يعني هذا صناعه امريكيه هذي بليتت السيكويا شوف

http://farm2.static.flickr.com/1176/706819899_f15bb54b0d.jpg?v=0

شوف مكينه صناعه امريكيا 100%

وقير صناعه امريكيا 100%

وقطع 75% من كنده وامريكا

و20 % من اليابان

مكينة الكزس والسيكويا امريكيا بتقنيه امريكيه

المحافظ

13-10-2011, 03:49 PM

أنا ما جربت السيكويا ، لكن قريت عنها في النت ، الموتر فيه قوة مكينة ، واسع ، و قوة سحب (قلص) ، وعيوبه
صعب في المواقف لانه حجمه كبير
من داخل الموتر بلاسيتك يطلع اصوات بعد فترة مثل الارمادا
صرف البترول (بس هذا طبيعي لان حجم المكينة كبير)

بالمقارنة مع التاهو واليوكن ..اثنيهم خذوا رقم أعلى من السيكويا ، لكن السيكويا خذت نفس الرقم مع الارمادا ، في رأيي الشخص اليوكن افضل

mubarak2006

13-10-2011, 06:15 PM

رفيجي عنده تاهو 2007 ماشي الحين 230 الف كيلو ماقال اح للعلم..والله موتر ..يسافر عليه فالشهر من ثلاث الى اربع مرات ..اقولك لك ماقال اح..مكيفه كلمه روعه شوي عليه

شكرا

العساس

14-10-2011, 06:13 AM

جزاكم الله خير ع النصيحه

وذا كان السيكويا امريكي بتقنية يابانية

فهو موتر ناجح

نفسه نفس الافالون والكامري والهلكس

وهي الاكثر مبيعا

والشي الي خلاني ابتعد عن اليوكن والتاهو

هو كثر خرباته

وفي ناس عندهم ٢٠١١ ويتشكون من السنسر
الكمبيوتر
الجير
صوت في المكينه
وجلد الشاصي
ورجه بعد ١٢٠
وطقه في الجير
وووووووو

وذا تبون الدليل

ادخلو موقع مكشات وشوفو بنفسكم الماّسي

أنا انسان ابي ارتاح مابي عوار راس

وذا شركة تويوتا يذلونك
عادي
بس بالآخر يعرفون العطل ويعدلونه

لكن الجمس والشفر

خل الموتر عندهم اسبوع واكثر ويقولون صلحنا الموتر

وتتفاجئ انهم ماعرفو العطل

يعني يلتهونك

وفوق هذا ضمان خمس اسنين او عشر

وتتفاجئ انه بعد ٣ سنين الضمان ع المحرك والجير

يعني شغل نصب

ولذالك رسيت على الوحش

والله الموفق

المخفي

14-10-2011, 12:56 PM

اخوي العساس لا تحمل شي على التنده تراها ضعيفة و تنخفس و لا الموتر ما يعيبه شي الا الصرفية لانه خزانه صغير و ركب فاصل للتراكشن و بيطلع الموتر وحش في الطعوس

العساس

14-10-2011, 03:57 PM

اخوي العساس لا تحمل شي على التنده تراها ضعيفة و تنخفس و لا الموتر ما يعيبه شي الا الصرفية لانه خزانه صغير و ركب فاصل للتراكشن و بيطلع الموتر وحش في الطعوس

جزاك الله خير اخوي المخفي على المرور والنصيحة

لكن دغمة التراكشن موجوده في الدبل طبيعي

ويركبونها ع 2 ويل لانه مب دبل

وبخصوص التنده الله يخلي التيدر الأماني

موجود في الاطبيله

qatari 111

14-10-2011, 09:02 PM

الصراحه اجوف السيكويا مقتبسه من الكامري الاستيشين

ولحد الان اليوكن والتاهو من سنة 2000 لحد الان محد اشتك منه

الا اللي يتعبث بكهربته ..

الله يهنيك بالسيكويا ويبعد عنك شرها ويعطيك خيرها مقدما

العساس

15-10-2011, 09:43 AM

الصراحه اجوف السيكويا مقتبسه من الكامري الاستيشين

ولحد الان اليوكن والتاهو من سنة 2000 لحد الان محد اشتك منه

الا اللي يتعبث بكهربته ..

الله يهنيك بالسيكويا ويبعد عنك شرها ويعطيك خيرها مقدما

جزاك الله خير

بس اشلون ماتعبث في كهربت اليوكن والتاهو
اذا بتحط شاحن تلفون يضر بكهربته

يعني اسكر مخارج الكهرب في الجمس وريح راسي
وشحن التلفون في البيت

qatari 111

15-10-2011, 01:02 PM

جزاك الله خير

بس اشلون ماتعبث في كهربت اليوكن والتاهو
اذا بتحط شاحن تلفون يضر بكهربته

يعني اسكر مخارج الكهرب في الجمس وريح راسي
وشحن التلفون في البيت

لا اخوي اقصد تركب زنن او مسجل غير مسجل الشركه او تبرمجه كبيوتر او تصليح شي في كهربة السياره عند واحد مب متخصص بالامريكي ..

اما الشاحن الامريكي متخصص فيه وعندك الصدام الخلفي فيه مكان للكهربه حق اللمبات والاشياء الخفيفه.

وان شاءالله اذا خذيت السيكويا خبرتا عن ايجابياتها

طاش

17-10-2011, 01:13 AM

لسكويا سيارة افضل من تجربة عندنا عدد٢ في البيت وحدة دبل ٢٠١٠ والثانيه سنقل وسيارة ماعليها كلام ابدااااااا من جميع النواحي على الخط في السفر في الدوحة وال٢٠١١ انزلت دبل وثلاجة يعني دلع وسع أنا اقول لك أوسع سيارة عائلية بس العيب الوحيد خزان البترول صغير مايوصل الا ٤٥٠ كيلوا على الطريق وفي البلاد ٣٥٠ الى ٤٠٠ وأي استفسار أنا حاضر واذا حاب اتجرب السيارة موجودة ابشر

ولد المنصور

17-10-2011, 09:28 AM

السلام عليكم ...
انا اسال نفسي ليش مب منتشره في السوق ؟؟؟
واليوكن من تعرضه طار وبسعر ززززززين ..
انا عن نفسي افضل اليوكن بواااااا يد ... وعندنا من ثلاث سنين الحمدلله ماعليه كلام ..
والله يباركلك

العساس

18-10-2011, 12:34 AM

لسكويا سيارة افضل من تجربة عندنا عدد2 في البيت وحدة دبل 2010 والثانيه سنقل وسيارة ماعليها كلام ابدااااااا من جميع النواحي على الخط في السفر في الدوحة وال2011 انزلت دبل وثلاجة يعني دلع وسع أنا اقول لك أوسع سيارة عائلية بس العيب الوحيد خزان البترول صغير مايوصل الا 450 كيلوا على الطريق وفي البلاد 350 الى 400 وأي استفسار أنا حاضر واذا حاب اتجرب السيارة موجودة ابشر

جزاك الله خير

وماقصرت كفيت ووفيت

والعضو حمد ماقصر عطاني رقمه وتصلته وكلمني عن السياره
ومدحها

وانت اللحين ثبت الموتر بكلامك بس ننطره يخلص من الميناء

بس غريبه في الخط 450 كيلو مع ان الخزان يشيل 100 لتر

وع الكلام الي شفته في منتديات ثانيه قالو يمشي ع الخط 550 الى 600

العساس

18-10-2011, 12:37 AM

السلام عليكم ...
انا اسال نفسي ليش مب منتشره في السوق ؟؟؟
واليوكن من تعرضه طار وبسعر ززززززين ..
انا عن نفسي افضل اليوكن بواااااا يد ... وعندنا من ثلاث سنين الحمدلله ماعليه كلام ..
والله يباركلك

الله يعطيك من خيره ويكفيك من شره

وانا والله خلاص اقتنعت بالسيكويا

والدنيا تجارب

الله يوفقنا وياك انشالله