حسبي الله هو نعم المولى ونعم الوكبل ....عام

[بوغانم995]

بسم الله ......الموضوع جائني صديقي في العمل يقول تصدق : سيارتي GX موديل 2005 م ..
أمس العصر ...خذتها ...لتغير السفايف ....تصدق...أن سعر تغير السفايف .أول ...قدام بس 120 - 140 ريال ...و الخلفيه 180 ريال ....قبل الزيادة.!!!
سعر السفايف ...Shoes Break ..بعد الزياده ....اليوم وصل ...قدام 312 ريال قطري ...و السفابف الخلفيه ...من 180 الى 200ريال ....من موزع قطع غيار سبارات التيوتا المعتمد .
أي زياده فيفي سعر قطع الغيار ....يساوي= 75% ....؟؟؟ ...

السؤال الذي يطرح نفسه هل الشركة الأم زادت في سعر قطع الغيار والسيارات , ام هذه زياده يضعها وكيل السيارات بشكل خاص وتقدير خاص بقصد الربحيه التي تصل الى 200% من السعر الأصلي لسيارات وقطع الغيار على العموم ...:secret:

واليوم أصبح العالم قريه صغيره ....وأصبحت المسافات غريبه جداً ...يمكن بأصبعك التواصل مع من تريد من غربها الى شرقها ..عن طريق أوطرق الشبكه العنكبوتيه ...:victory:

للعلم صديقي هذا أخوه ذهب الى الرياض .... ...وأخذا معه سيارته ....حلف ان السفايف للتيوتا...حدها 140 ريال قدام ...موديل 2005 م ...لماذا هذا التفاوة في الأسعار ...على الرقم من ان دول مجلس التعاون منظومه واحدة .....:omg:

على فكره ...يقول صديقي ان أخونا في العمل ....أبوناصر ....في الصيف ذهب للتيوتا ليشتري سياره G ستاندر حق المدرسه ...قالوله ...سعر السياره 180 الف ......فقال ...السائق مسافر ...وسيرجع قبل المدارس ...جاء السائق في نهاية شهر 9م

بعد الزياده ....ذهب لنفس الوكاله... وقالوا له السيارة اليوم 190 الف ....وتحسف انه ماشراها قبل الزياده ...يقول من 180 الى 190 ..يعني عشرة آلف زياده ....وبقول ان ...2012 - G يمكن تكون الزياده 15 ألف.....والحسابه تحسب ...ووين حماية المتكلف .....أي المواطن ....وذو كل نعمه محسود .....الصراحه هذا فيض من غيض على عدم استقرار الأسعار ومقارنتها ...بجيراننا في دول الخليج .....وبس

ممكن اتكون أضافات منكم بس اللهم أجعلها تصب في المصلحه العامه يارب ...والسلام :nice:

[R 7 A L]

ماتوقعناها من عبدالغني صراحة

[ضوى]

امس ولدي مبدل زيت السيارة برادو ، في التيسير ب351 انصدمت

[حمد بن سعد]

دام الذمه معدومه ولا حسيب ولا رقيب خاصه للهوامير الله المستعان

[رجل الجزيرة]

الحسا وإلا فلا.

[عيون Qatar]

الله المستعاان

[بوخالد911]

والله

من 3 ايام

بدلت الدرام وويل الأمامي ب 2220 ريال مع تنظيفهم


صباح النوم يا حماية ............. !!!

[MAZEN37]

الحسا وإلا فلا.
كلام الكاتب صحيح وتعقيب رجل الجزيره صحيح
والدليل
من اسبوع جايب من الحسا بتكسي ماخذ 100 ريال توصيل
اغراض للكروزر بعد الخصم بالوكيل والفرقيه طلعت 650 ريال على 1450
يعني اشكره اشكره اشكره عبدالغني ( لا تعليق)

[صدى الحق]

تغيير السفايف 140 ؟
وانا اخوك توني مغير لسيارتي بـ 40 ريال شغل يد طبعاً .

بالنسبة للي يبي قطع غيار من الحسا يكلمني على الخاص وباعطيه رقم محل وان شاء الله الاغراض توصل له بنفس اليوم اذا كلمته الصبح .

[MAZEN37]

تغيير السفايف 140 ؟
وانا اخوك توني مغير لسيارتي بـ 40 ريال شغل يد طبعاً .

بالنسبة للي يبي قطع غيار من الحسا يكلمني على الخاص وباعطيه رقم محل وان شاء الله الاغراض توصل له بنفس اليوم اذا كلمته الصبح .
تحياتي لك ممكن الرقم؟
شاكر تعاونك

[قلبى طيب]

صدق الحق ممكن الرقم

[صدى الحق]

تحياتي لك ممكن الرقم؟
شاكر تعاونك

شوف الخاص.
ولا تنسى تتفق معاه على قيمة توصيل القطع قبل يطلع من الحسا بارك الله فيك .

[بن رومي]

امس ارسلت لدريول يغير السفايف

جدام و ورا

وقلت له تتصلي قبل ليشتغل الميكانيكي ( لانه جديد )

المهم رد على بعد التغيير وقالي بابا 100 ريال كلش

بغيت اذبحة

المهم الله يرحم قبل كنت اغير السفايف اللي جدام 15 ريال للكروزر سنة 2001

بن رومي

[A bin M]

توني مغيير سفايف على ما اظن السبت .!

استغربت من السعر اللي قالي اياه
( نوبل ) 315 ..

[التأمل]

المفروض يفتح وكيل اخر منافس للتويوتا
او يسحبوا الوكالة منه ويعطوها لوكيل اخر
يخاف رب العالمين في الناس
ولا حول ولا قوة الا بالله

[bo_s3ood]

شباب انتم الي ترووحون له من عرفة عبدالغني وهو غالي

خذ رقم السعودي ولا الي يبي قطع اكبر وسوالف من الامارات ارخص من السعوديه

وفي شركه توصل بس تاخذ لها وقت تقريبا اسبوع

بس السفايف في الامارات ورى وقدام كلهم مايتعدون 260 ريال وكل شي من عبدالغني نار

والي يبي ياخذ درام ويل يروح عند التيسير وياخذ الاستراليه احسن جوده وتعمر وقيمتها 360 او 340 ابرك من مال عبدالغني كل تبديلة سفايف تورنه وقيمتها 550 عسى ماشر والي يبي رقم قطع غيار الحمادي في الامارات يبلغني عشان ارزه لكم في العام

[الحال مايساعد]

تغيير السفايف 140 ؟
وانا اخوك توني مغير لسيارتي بـ 40 ريال شغل يد طبعاً .

بالنسبة للي يبي قطع غيار من الحسا يكلمني على الخاص وباعطيه رقم محل وان شاء الله الاغراض توصل له بنفس اليوم اذا كلمته الصبح .

بارك الله فيك
ممكن الرقم أخوي؟

[الحال مايساعد]

وفي شركه توصل بس تاخذ لها وقت تقريبا اسبوع



وين هالشركة؟

[bo_s3ood]

طبعا شركة توصيل بس تجيب الاقرااض من الامارات

يعني من فتره خذة اقراض حق موتري كان قيمتها في الدوحه حول 6000 وخذتها من الامارات ب 2450 مع التوصيل كان 250 اضن وخلال اسبوع في الدوحه الاقراض

الشركه في صناعيه اضن اسمها الوان في شارع 10 هي
وطبعا كقطع حق تويوتا ارخص شي الامارات بعدين السعوديه وطبعا قطر اغلى شي

[bo_s3ood]

طبعا في شركة توصل غير شباب الدوحه

يكلمهم راعي المحل ويخليهم يوصلون اذا كانت اقراض بسيطه مافيها وزن ياخذونها معاهم

وفي بعد واحد تعاملة معه هو ياخذ الاقراض كل ويكند يروح الامارات مقابل 50 ريال او 100 ريال انت تعطيه

ويستاهل اكثر

[صدى الحق]

بارك الله فيك
ممكن الرقم أخوي؟

تم الرد اخوي .

[كازانوفا]

لا بارك الله فيه ولا بربحه اللى سرق جيوب الناس
والله لاتم ادعي عليه وعلي كل التجاررررررر

[فيصل الشمري]

حسبنا الله ونعم الوكيل,, طيب لــــــــــش,, هو ربحان بالسعر القديم
يعني تتوقع اليابان دروا بالزيادة ورفعوا السعر,, ياناس حرام,,
المفروض واحد يتكفل كل اسبوع يجمع طلبيات الشباب من قطع غيار يجيبها من الرياض ولا من الحسا وياخذ على كل شخص 100 ريال
والله يربح ويطلع الفرق اقل بواجد حتى مع النسبة,, وين تجار المنتدى بس,,

[عضو نشيط]

لا حول ولا قوة إلا بالله

وين وزير المالية من كلمته يوم قال ،،،

سنضرب المخالفين
بيد من حديد ،،

[صدى الحق]

المشكلة اللي من المفروض يكون دوره حماية المستهلك تاجر.

قصاب والجلوة بيده .

[الامير]

ماتوقعناها من عبدالغني صراحة

توقع اكثر ...........

[التأمل]

تغيير السفايف 140 ؟
وانا اخوك توني مغير لسيارتي بـ 40 ريال شغل يد طبعاً .

بالنسبة للي يبي قطع غيار من الحسا يكلمني على الخاص وباعطيه رقم محل وان شاء الله الاغراض توصل له بنفس اليوم اذا كلمته الصبح .

هلا اخوي ممكن الرقم

[صدى الحق]

تم الرد اخوي .

[ضوى]

اللي يبي شي من الحسا او الامارات من قطع غيار لاي سيارة ومستغليها بقطر يكتب اللي يبيه من الكراج نفسه يعني اسم القطعة ورقمها وراح اوفرها خلال يومين او ثلاثة بالكثير وبنسبة بسيطة جدا وراح ابا تجميع الطلبات من يوم السبت ان شاء الله خلال اسبوع كامل شرط دفع عربون بسيط بس عشان اضمن حقي وانه مايصير تلاعب والكل يطلب وعقب يهون


هذا كلام زوجي واللي يبي التواصل يكون عالخاص معاه هو


كل التوفيق للجميع

[..er..]

اوكي عبدالغني الله بالخير وماكل الاخضر واليابس ...

انا وش يضمن لي ان الاغراض بالسعوديه او الامارات راح توصلني اصليه
لاني اذا ماشفتها بعيني وانا اللي مدور لها ومتعني لها محد بيضمن لي انها اصليه الا بالكلام ..

انا شخصيآ رآيح آلحسآ .. وماخذ سفآيف ودرامات ويل من شارع آلملك .. واخر شي طلعت كلها تجآريه مع اني بالبدايه استغربت سفايف قدام وورى ودرامات ويل قدام وورى طلعت بـ 1900 .. وهنآ بـ 2600 ..
قلت يمكن صحيح انها رخيصه وكذا ..

تفاجأت انها تجآإآإآريـه .. ورجعتهآ .. وخذت من آلقطري لـ قطع الغيار

[البهتري]

تغيير السفايف 140 ؟
وانا اخوك توني مغير لسيارتي بـ 40 ريال شغل يد طبعاً .

بالنسبة للي يبي قطع غيار من الحسا يكلمني على الخاص وباعطيه رقم محل وان شاء الله الاغراض توصل له بنفس اليوم اذا كلمته الصبح .

ممكن الرقم واسم المحل لو سمحت

[Bu-Khalid]

امس ولدي مبدل زيت السيارة برادو ، في التيسير ب351 انصدمت

عفوا اختي شكله ولدج غشيم

علبة الايل ٥٠ ريال بياخذ ثنتين + فلتر ٢٥ ريال = ١٢٥ ريال

+ تبديل فالتيسير تقريبا ٥٠ ريال والمحلات العاديه ٣٠ ريال = ١٧٥

بس التيسير يضرب دبل اذا خذت الايل والفلتر من عنده