يهمني رايكم يااخوان [الأرشيف] - منتديات شبكة الأسهم القطرية

مشاهدة النسخة كاملة : يهمني رايكم يااخوان

جود الحزن

13-10-2011, 07:47 AM

السلام عليكم

انا حبيت استشيركم لاني اثق فيكم وفي رايكم :nice:
انا ناويه اعيد ان شاء الله بالبحرين بس متخوفه من الاوضاع هناك ولما سألت عن الاوضاع هناك :telephone: قالو لي كل شي تمام ومافيه شي والوضع عادي
انا اخاف اروح واتسبب على عيالي ونفسي واخاف مااروح واتحسف
متردده وااااااااايد
تدرون هالشيعه دايم في المناسبات لازم يسوون لهم حركات :anger1:

الزبده هل تأيدون اني اسافر واغير جو مع العيال البحرين في العيد والا لا
كل الشكر والتقدير لكم :shy:

R 7 A L

13-10-2011, 07:49 AM

روحي لدبي الحين صارت احلى من قبل
وجربي القطار يمدحونه

جود الحزن

13-10-2011, 07:51 AM

دبي توني راجعه منها بعيد الفطر عيدت هناك والعيال ما يبون يروحون لها بالاضحى يبون يغيرون مع اني ابي دبي والله :weeping:
كل الشكر لك رحال

Aaziz

13-10-2011, 07:53 AM

اذا غيرتي النيه عن البحرين فتاكدي انج حققتي احد اهداف الروافض من اعمال التخريب

توكلي على الله و اختاري فندق ذو سمعه طيبه

الاجتماعي

13-10-2011, 07:54 AM

انا شخصيا عندي رأي في (( الكويت )) طبعا معظم الناس بيستغربون وبيقولون لك ان الكويت ممله ... بس عن تجربة اربع مرات للكويت ، اقيمها جيد جدا للعيال وللتسوق .
واذا بغيت جدول تفصيلي حااضرين :)

umabdulla77

13-10-2011, 07:57 AM

جوفي اختي حتى انا ودي اروح البحرين بس بو العيال يحاتينا :eek5:

وهلي هناك مطمنيني عالوضع لانه منطقتنا بعيدة عن مصايبهم :victory:

فخلنا انروح انا وانتي ونشقل عيالنا وماعلينا شر :nice:

نجي للموضوع يقولج سوالفهم ماتبتدي الا فالليل فانتي روحي وردي وطلعي من الصبح لين المغرب ومن يصير الليل ردي البيت

وربي يحفظكم ويحفظنا ويحفظ اهل البحرين من كل شر

الأصيلة

13-10-2011, 07:58 AM

إذا لج أهل فيها وبتعيدين عليهم روحي..
لكن سياحة ..لا اتعبين نفسج ...
روحي الكويت ونيسه وحلوة وترد العافية...

جود الحزن

13-10-2011, 07:59 AM

الاجتماعي

13-10-2011, 07:59 AM

إذا لج أهل فيها وبتعيدين عليهم روحي..
لكن سياحة ..لا اتعبين نفسج ...
روحي الكويت ونيسه وحلوة وترد العافية...

مؤيد :nice:

جود الحزن

13-10-2011, 08:03 AM

ام عبدالله تهقين نروح اجل؟؟
خل نتوكل على الله ولن يصيبنا الا ماكتب الله لنا :victory:
ياختي وين نرد البيت من المغرب اصلن الطلعه ماتحلى الا من بعد المغرب الصبح والعصر مووووووت لواهيب وخبرج لازم نقيل الظهر
مشكوره فديت عمرج

الاصيله انا عندي اهل هناك بس مااسكن عندهم اسكن بفندق كل مره اريح لي ولهم
تسلمين فديتج على تكرمج بالرد:)

الاجتماعي

13-10-2011, 08:03 AM

الشهيد انا ناويه اسكن بفندق كمبينسكي الجديد اللي بالسيتي سنتر يمدحونه وااااايد
بس هلي يقولون لي اشحادج تروحون بمركز المشاكل المنامه والاعمال التخريبيه :weeping:
مشكور اخوي الشهيد

الاجتماعي الكويت انا ناويه اروح لها قبل رمضان ان شاء الله اذا الله احيانا علشان جلابيات رمضان والقرنقعوه :victory: او بشهر فبراير علشان المهرجان
بس للعيال ماتصلح الكويت مافيها العاب وملاهي انا رحت لها من قبل احلى مافيها الشوبينق بس العاب لليهال مافيه كلش
مشكور وماقصرت اخوي كفييت ووفيت

فيها العاب ، يعني صج مب متطورة وايد بس يعتمد على اعمارهم يعني عندج :
1/ حديقة الشعب اللي على الكورنيش جميلة وخاصة ان الجو يكون روعة في العيد .
2/ المدينة الترفيهية ، كبيرة وحلوة ويبغيلكم يوم كامل فيها .
3/ النادي العلمي .. وما ادراج ما النادي العلمي ، انا شخصيا استانست عليه اكثر من العيال :victory:
4/ العاب المجمعات اللي في المارينا والافينوز
5/ فيه مكان الحين نسيت اسمه اذا بغيتي باجيبه لج عبارة عن دورين العاب الالكترونية ومطاعم

جود الحزن

13-10-2011, 08:04 AM

الاجتماعي شكلك فيك عرج كويتي او ان الكويت عاجبتك حيييييييييييييل من قلب:)
اشوفك تشجع السياحه للكويت

ماشاااااااااااء الله كل هالاماكن وانا ماادري عنها بس شفت حديقة الشعب وانا كنت ماره بالسياره
ماقصرت اخوي اذا عزمنا نروح الكويت تاكد اني باخذ كل العناوين منك
والله يعينك على عوار الراس من حنتي واسألتي
كفييت ووفيت اخوي

umabdulla77

13-10-2011, 08:05 AM

اختي انا افتكرت عندج اهل هناك

لو رايحة سياحة ماايد انج تروحين لان بجذي تضطرين تسكنين بفندق او شقة

فجوفي لج بديل افضل لان حسب ماقريت انج تبين تسكنين قريب السيتي والمجمعات اوردي فمناطقهم
فاجلي موضوع البحرين شوي ماانتي بناقصة سلندر غاز ينفلت منهم عليكم ( الله لا يقول ) وربي يحفظكم

الاجتماعي

13-10-2011, 08:09 AM

الاجتماعي شكلك فيك عرج كويتي او ان الكويت عاجبتك حيييييييييييييل من قلب:)
اشوفك تشجع السياحه للكويت

لا والله ولا اعرف حد الا القليل وما اروح حق حد ... بس جربته مره واستانست على الجو اهناك وطريقة الحياة هناك اعجبتني :victory:
يعني المطاعم حدث ولاحرج اذا انتي من النوع الاكييل :tease:
ومثل ماقلت لج ان الكويت اللي امخرب عليها سمعتا اشوي انه مب سياحية ، بس انا في وجهة نظري حق 4 ايام وايد حلوة

جود الحزن

13-10-2011, 08:14 AM

ام عبدالله هههههههههههههههه ذبحتيني ضحك الله يسعدج على سالفة السلندر
انا عندي اهل هناك بس مااسكن عندهم علشان ماازعجهم وعلشان اريح لي انا بعد
ياختي وين نروح اجل دبي ورحنا مافيه الا البحرين والكويت مخططه لها على فبراير او قبل رمضان

الاجتماعي اي والله حياتهم حلووووه عايشين من قلب ومونسيين عمرهم
اما بالنسبه للمطاعم اخر همي لاني مو اكييله كلش اهم شي عندي الشوبينق :nice:
والملاهي للعيال
يبي له الكويت والله :nice:

QatariFallah

13-10-2011, 08:39 AM

حسب المنطقه

الجفير (بس لاتروح صوب المعهد الديني والجامعه التكنولوجيه باخر الجفير)، المعارض، العدليه، بداية المحرق (مش من صوب الحد) من صوب الفاتح ، الزلاق، الرفاع الغربي، بديّع ، والبسيتين

هالاماكن مافيها شي

الاماكن الثانيه تصير فيها مضايقات خصوصا على حدود مناطقهم عال هاي واي تنتبه وانت تسوق
مثل جد حفص، الرفاع الشرقي، فريج الكاظم فالمنامه (سوق شعبي)، سوق واقف، دمستان، مدينة حمد من دوار 7 وانت طالع، عراد، جد علي، جد حفص، كرزكان، السند، سنابس، سماهيج

اوسخ الاماكن تصير فيها بلاوي (جد علي, دمستان, سنابس " (اعوذ بالله)، بابار ، الدرّاز

باختصار خلك يا جنوب غرب البحرين (سنتر)
يا شمال شرق البحرين (سنتر)

اما اذا دشيت..راحت عليك

الزعفراني

13-10-2011, 08:45 AM

الأمور طيبة ، والاضطرابات والمشاكل اللي نسمع ونشوف عنها ذي بس في فرجان البحارنه لكن في المدن الرئيسية مافي شي ولله الحمد .

تروحون وتردون بالسلامة والله الله في المتّاي :)