انطلاق مسابقة ركض الكلاب في سيلين ،،،، بعد 8 ايام

[سلطان23]

ستبدأ مسابقة ركض الكلاب ،،، او البطولة التنشيطية للسلوقي العربي بعد 8 ايام في منطقة سيلين

سؤال

هل تؤيد او تعارض هذا النوع من المسابقات؟

وهل هي من عادات الناس في قطر ؟ ام هي دخيلة على المجتمع؟

[@north_star@]

بنظري ما فيها شي وممكن نعتبرها تمرين للكلاب على السرعة .... وتحياتي لك

[QatariFallah]

عادي اشارك فهد وياهم ؟

[بوحارب]

لكل واحد هوايته

[سلطان23]

راح تغسل شراعهم بالفهد

[سلطان23]

لكل واحد هوايته

كلامك سليم

ولكن هل هذا يعني اسوي مسابقة صراع ديكة

او اجيب مسابقة اجمل كلب او خنزير مثل امريكا

هل ستتقبلها الناس ام سيرفضونها

[رآعي موآجيب]

آجلنا وآجلك الله :)

طيب طال عمرك

هل سباقات السيارات والدراجات الناريه والهوائيه التي خصص لها مضامير بمئات الملايين

من عادات الناس في قطر أم دخيله علينا !!؟ :nice:

شوف ولا تبرّق :omen2:

[هنت المهونه]

لا والله ماني بمؤيد ..

ولاهي من عادات اهل قطر ولا سلوم العــرب ..

الكلاب للمقانيص ولى حراسة القطعان وبيوت البدو سابقا" ..

وشكرا" لك اخي

[سلطان23]

سباق السيارات موجود في كل دول الخليج العربي

ولكن سباق الكلاب لايفعله اي احد لاسباب دينيو واجتماعية معروفة

فالكلب نجس وذكره الرسول صلى الله عليه وسلم والسيارة لا

[سلطان23]

لا والله ماني بمؤيد ..

ولاهي من عادات اهل قطر ولا سلوم العــرب ..

الكلاب للمقانيص ولى حراسة القطعان وبيوت البدو سابقا" ..

وشكرا" لك اخي

شكرًا علي الراي والتوضيح

[almaf1a]

كلاب صيد
اذا ما المانع

[الخيالة]

لا تعليق

[بوحارب]

كلامك سليم

ولكن هل هذا يعني اسوي مسابقة صراع ديكة

او اجيب مسابقة اجمل كلب او خنزير مثل امريكا

هل ستتقبلها الناس ام سيرفضونها

الله يعزك

اخوي القصد من هالمسابقات الجمعة والوناسة وتغيير جوو بس :)

[رآعي موآجيب]

سباق السيارات موجود في كل دول الخليج العربي



سؤالك كان محدد لعادات اهل قطر وهل هي دخيله عليهم وإلا لا :)

وأنا جاوبتك بسؤال لتوضيح الصوره لك :nice:

أما بالنسبه للتأييد من عدمه فأنا لا مؤيد ولا معارض

أشوفها هوايه عند البعض وأحسن من بعض الهوايات الدواهي :rolleyes2:

بس الأكيد ان هالهوايه مش من هواياتي ابد :victory:

[سلطان23]

كلاب صيد
اذا ما المانع

اي صيد

قطر بكبرها محمية طبيعية

[سلطان23]

سؤالك كان محدد لعادات اهل قطر وهل هي دخيله عليهم وإلا لا :)

وأنا جاوبتك بسؤال لتوضيح الصوره لك :nice:

أما بالنسبه للتأييد من عدمه فأنا لا مؤيد ولا معارض

أشوفها هوايه عند البعض وأحسن من بعض الهوايات الدواهي :rolleyes2:

بس الأكيد ان هالهوايه مش من هواياتي ابد :victory:

شكرًا على التوضيح

[هبوب الكوس]

كلاب صيد للتحدي مثل هواية صيد بأنواعها

وطبعاً ليس مثل الكلاب الزينه اللي في البيت

ايام ذكرني بسلق اسمه مدواخ ههههههه

[سلطان23]

1- عن أبي هريرة رضي الله عنه قال: قال رسول الله صلى الله عليه وسلم: مَنْ أمْسَكَ كَلْباً فَإنَّهُ يَنْقُصُ كُلَّ يَوْمٍ مِنْ عَمَلِهِ قِيرَاطٌ إِلاَّ كَلْبَ حَرْثٍ أوْ مَاشِيَةٍ. رواه البخاري [5/6] و مسلم [10/240].

2- عن أبي هريرة رضي الله عنه أنَّ النَّبيَّ صلى الله عليه وسلم قال: مَنِ اتَّخَذَ كَلْباً إِلاَّ كَلْبَ مَاشِيَةٍ أوْ صَيْدٍ أوْ زَرْعٍ انْتُقِصَ مِنْ أجْرِهِ كُلَّ يَوْمٍ قِيرَاطٌ. رواه مسلم [10/240].

3- عن عبد الله بن عمر رضي الله عنه قال: قال رسول الله صلى الله عليه وسلم : مَنِ اقْتَنَى كَلْباً إِلاَّ كَلْبَ مَاشِيَةٍ، أوْ ضَارِياً(2) نَقَصَ مِنْ عَمَلِهِ كُلَّ يَوْمٍ قِيرَاطَانِ.
رواه البخاري [9/759)ومسلم [10/237].ولمسلم [10/241]: مَنِ اتَّخَذَ كَلْباً إِلاَّ كَلْبَ زَرْعٍ (3) أوْ غَنَمٍ أوْ صَيْدٍ نَقَصَ مِنْ أَجْرِهِ كُلَّ يَوْمٍ قِيرَاطٌ.

4- عن عبد الله بن مغفل رضي الله عنه قال: قال رسول الله صلى الله عليه وسلم : مَنِ اتَّخَذَ كَلْباً إِلاَّ كَلْبَ صَيْدٍ أوْ كَلْبَ غَنَمٍ أوْ كَلْبَ زَرْعٍ فَإِنَّهُ يَنْقُصُ مِنْ عَمَلِهِ كُلَّ يَوْمٍ قِيرَاطَانِ.
رواه الترمذي [4/80]و النسائي [7/185]و ابن ماجه [2/1069]، وحسَّنه الترمذي.

[الحجاجي]

http://www.mqanes.com/vb/uploaded/1510_1318488370.jpg

[QatariFallah]

وسباق السيارات ايش اللي امحلله؟
ولا شي
تعريض النفس للتهلكه..وهالشي حرام

حد بيقول في لبس خاص وسلامه وغيره...اوكي..تضمن انه مايصيدك نزيف داخلي؟
ياما ناس سوت حادث او انضربت ومافيها شي ابد اسبوع الا وهو طايح..شفيه شصار..وده المستشفى..وهناك بس توصل ميّت

شصار يادكتور؟ والله نزيف داخلي صارله اسبوع ومحد يدري

لاحول الله

اذا كان حللتوا وحرمتوا الكلاب الا للحراسه..ف لا بأس
للصيد مرات البعض مايحببها..نجسه الكلاب

والسيارات والدراجات وغيرها هالشي بعد تهلكه

[سلطان23]

[QUOTE=الحجاجي;7706555]http://www.mqanes.com/vb/uploaded/1510_1318488370.jpg[/QUOTE

يعطيك العافية

[super jet]

سباق كلاب الصيد بما ان قطر تقريبا صارت كلها محميه !! ولافيه صيد
وبحيث لا تنقطع هذه الهوايه او العاده او الطريقه القديمه في الصيد قدم الازل
حيث اعتاد العرب على الصيد بالسلاح وبالطير وبالسلوقي ولذلك هي من التراث الجميل
ويجب المحافظه عليه والصيد بالسلوقي ليس شيء غريب على المنطقه او الجزيره العربيه

الغريب هو الاستفسار في امور بديهيه !!

[سلطان23]

اي تراث

وأي بديهيه ياخوي

الكلب نجس

والناس في قطر قبل مب لاقية شي تاكل عيالها ،، فمن وين تأكل كلاب

اذا كنت تقصد تاريخ ٢٠ الى ٤٠ سنة فيمكن

اقتناء الكلاب للصيد والكشخة والسباق لم يعرفها الناس حتى في زمن الصحابة

قبل كل واحد بالغصب يحصل اكل لنفسه وعياله من الفقر

*

[هبوب الكوس]

اي تراث

وأي بديهيه ياخوي

الكلب نجس
والناس في قطر قبل مب لاقية شي تاكل عيالها ،، فمن وين تأكل كلاب

اذا كنت تقصد تاريخ ٢٠ الى ٤٠ سنة فيمكن

اقتناء الكلاب للصيد والكشخة والسباق لم يعرفها الناس حتى في زمن الصحابة

قبل كل واحد بالغصب يحصل اكل لنفسه وعياله من الفقر

*

نعلم ان نجس بس مب مثل كلب الزينه اللي اغلبه عند الاجانب

يحظنون الكلب ويحبونه

هي مسألة صيد وتحدي لا اكثر ولا اقل

وبعدها الى العزبة او الزرع في الشبك

[super jet]

اي تراث

وأي بديهيه ياخوي

الكلب نجس

والناس في قطر قبل مب لاقية شي تاكل عيالها ،، فمن وين تأكل كلاب

اذا كنت تقصد تاريخ ٢٠ الى ٤٠ سنة فيمكن

اقتناء الكلاب للصيد والكشخة والسباق لم يعرفها الناس حتى في زمن الصحابة

قبل كل واحد بالغصب يحصل اكل لنفسه وعياله من الفقر

*


عزيزي كلامك مردود عليك وغير صحيح معلوماتك مغلوطه والسلوقي انعرفه
ويعرفونه جدانا مثل ما يعرفون الطير ! واذا تقول فقر من وين يأكلون عيالهم !
الطير والسلوقي من اساسيات الصيد علشان يأكل عياله ! على قولتك

عزيزي السلوقي والطير وغيره شي ماهوب بغريب على قبايل الجزيره وليس قطر فقط
استغرب منك هذا التعجب !

ممكن اسألك !



من انتم ؟ ؟ :rolleyes2:

[سلطان23]

سلامتك

روح صحح معلوماتك

هل قطر كانوا عايشين في فقر

واغلبهم صيد لولو وسمك

واغلبهم يموت من سوء التغذية او الامراض

ماعندهم وقت يربون هاوهاو *

[hamoor4ever]

سلامتك

روح صحح معلوماتك

هل قطر كانوا عايشين في فقر

واغلبهم صيد لولو وسمك

واغلبهم يموت من سوء التغذية او الامراض

ماعندهم وقت يربون هاوهاو *

اسمح لي على المداخله اخوي ، الاخ ذكر ان ذلك من بعض عادات قبايل شبه الجزيره ، يعني لاتقس الامور عليك انت وبس ، ومثل ماكان فيه فقر اكيد فيه ناس كانت بخير وفي غنى فياليت لاتقيس الامور على بيئتك انت فقط او على مقياس معيشتك انت فقط ، قطر يميزها وجود الحضر والبدو ، هناك ناس عاشو على البحر وهناك ناس عاشو على البر .

ملاحظه اخوي قطر جزء من شبه الجزيره فطبيعي وجود قبائل من شبه الجزيره

[عقد اللآلي]

سلامتك

روح صحح معلوماتك

هل قطر كانوا عايشين في فقر

واغلبهم صيد لولو وسمك

واغلبهم يموت من سوء التغذية او الامراض

ماعندهم وقت يربون هاوهاو *

ماهذا الكلام؟!!!
هل أنت من أهل قطر؟!!

[أم مشعل]

سلامتك

روح صحح معلوماتك

هل قطر كانوا عايشين في فقر

واغلبهم صيد لولو وسمك

واغلبهم يموت من سوء التغذية او الامراض

ماعندهم وقت يربون هاوهاو *

كلامك مردود عليك ...........هذا أول شي

بعدين بنفسك تقول أهل قطر عايشين على صيد اللؤلؤ يعني في خير ونعمة

من وين جبت ان أهل قطر عايشين في فقر عندك احصائية بهالشي ولا تبي تكتب وبس

لا تفتكر لما تكتب باسم سلطان ما راح نعرفك أو نعرف من انتوا ............

أحسن لك تختار اسم ثاني يليق بك لما تبي تكتب عن قطر وأهل قطر اللي عايش على

أرضها وماكل من خيرها .........ولا تتخفى ورى اسم قطري

انت اللي صحح معلوماتك مو أهل قطر اللي يصححون ..........

[آخر حبه]

والله موضوعك تافه من الاساس قول انك معارض وفكنا

خلو الناس تفتل بهواياتهاا وتستانس وقصر الهرج بس :)

[سلطان23]

ام مشعل

صححي معلوماتك انتي ،، مب أنا

كان فيه صيد لولو صحيح ،،، بس كان فقر

ما ادري في اي كوكب عايشة

مافي انسان مايعرف ان كل الي عايشين في المنطقة كانوا فقرا حتى عام ١٩٥٠ لين ظهر النفط

ماعندهم شي يأكل عيالهم غير سمك وتمر ،،، فكيف يأكلون كلاب



*

[R 7 A L]

نعلم ان نجس بس مب مثل كلب الزينه اللي اغلبه عند الاجانب

يحظنون الكلب ويحبونه

هي مسألة صيد وتحدي لا اكثر ولا اقل

وبعدها الى العزبة او الزرع في الشبك

:omg:

أسكت لايسمعونك ربعنا الامريكان
تصدق لما رحت لواشنطن قبل رمضان وأخذت خريطة لواشنطن دي سي أكثر المتنزهات كلها الله يعزك للكلاب
على شان تاخذ راحتها :rolleyes2:

[سلطان23]

والله موضوعك تافه من الاساس قول انك معارض وفكنا

خلو الناس تفتل بهواياتهاا وتستانس وقصر الهرج بس :)

يعطيك العافية

بس اذا الموضوع تافه ليش تشارك فيه اخوي

اشرب كبتشينو واتمنى لك التوفيق في هواية سباق الكلاب

الي يحب هواية ركض الكلاب فهو هوايته وهو حر فيها

[Mohammed2]

اخوي سلطان اسمح لي عالمداخله
انا مابي ارد على موضوعك بس ابي ارد على ردودك اللي فيها نوع من الاستهزاء لبعض الاعضاء
انا ادري ان ماتحب حد يستهزء بك او بالاسم المستعار
والمنتدى محترم ومن احسن المنتديات
فرجاء ان ماتطلع منك الفاظ فيها نوع من الاهانه للبعض

واذا عن الفقر اللي تتكلم عنه في قطر
ترى السنه اللي انت ذاكرها كانوا الناس في قطر عايشين ماكلين شاربين
حالنا حال الدول المجاوره ذاك الوقت
كانت التجاره شغاله ومزدهره والحمدلله

والسموحه اذا بذر مني شيء غلط

[سلطان23]

يعطيك العافية اخ محمد

مافي اي استهزاء لاسمح الله

بس تخيل يجيك رد سخرية او يقول لك تافه

كيف ترد عليه

لو يجيني رد محترم مثل ردك او ردود باق الشباب الي أيدوا المسابقة فارد باحترام

جاك رد سخرية اضطر ارد عليه بما يحب

وتسلم علي النصيحة اخوي

[أم مشعل]

ام مشعل

صححي معلوماتك انتي ،، مب أنا

كان فيه صيد لولو صحيح ،،، بس كان فقر

ما ادري في اي كوكب عايشة

مافي انسان مايعرف ان كل الي عايشين في المنطقة كانوا فقرا حتى عام ١٩٥٠ لين ظهر النفط

ماعندهم شي يأكل عيالهم غير سمك وتمر ،،، فكيف يأكلون كلاب




الحمدلله والشكر.............اشلون فيه صيد لؤلؤ وفقر ما تمشي

لابد ان النعمة بتبين على أهل قطر مهما كان ...........أنا اقول لك ليش تقول

مثل هالكلام هذا لأنك توك جاي لبلاد .........وما تعرف أهل قطر وعيشتهم ومستواهم

المالي في ذيك الفترة فأحسن لك لا تدخل نفسك في هالمواضيع ولا تخوض فيها ......

[سلطان23]

ام مشعل

ان شاء الله

ويعطيك العافية

[وحش قطر]

الله يعزك

اخوي القصد من هالمسابقات الجمعة والوناسة وتغيير جوو بس :)

سبحان مغير الاحوال

بوحارب انا العام متناشب معاك على هالموضوع

الحين شنو اللي غير رايك

افااا طلعت من النوع معاهم معاهم عليهم عليهم