تسجيل الدخول

مشاهدة النسخة كاملة : نويت اشتري سياره عن طريق الايباي


تمون
13-10-2011, 04:18 PM
السلام عليكم ورحمة الله وبركاته

نويت اشتري سياره عن طريق ايباي

طبعا الان دخلت مزاد على السياره فرضا انا الي فزت بالمزاد

س1 كيف اقوم بدفع مبلغ السياره ، هل هي نفس طريقة شراء اي منتج عن طريق الباي بل
س2 كيف اقوم بفحص السياره و اعرف تقرير كامل عنها وانا في بلاد و السياره في بلاد
س3 ما هي طريقة الشحن او طرق الشحن بالظبط و كم التكلفة من امريكا الى قطر مثلا
س4 كم فتره وصول السياره

وشاكر لكم حسن تعاونكم
Store
13-10-2011, 05:18 PM
الله يوفقك لازم تتفق مع شركة شحن خاصه بنقل السيارات
Exclusiveperfumes
14-10-2011, 02:13 AM
انا مابي احطمك بس اخووي واحد من الربع انصب عليه من موقع ايباي في مزاد السيارات فحاسب انت منهم

في بعضهم اوك لكن كثير منهم لو انت من بلد ثاني يحاولون ينصبون عليك

انا اتكلم عن ايباي البريطاني
وافق شنن طبقة
14-10-2011, 02:17 AM
مستحيل يصير نصب فال الاي باي


اخوي اوصفك محل أخذ الرقم الي فالصفحة حقت الاي باي ورح لهم وبيسنعونك من كل النواحي


مر بكرة على معرض ليوا عند بو سيف او بو مبارك وبيسنعونك


او روح ل إشارات المناصير كنك تبي دوار الخزان بتشوف على يسارك فله عليها اعلام

انترناشينال تعال عندهم وبيجيبون لك الموتر وخلال ٤٠ يوم وبو سيف اتوقع خلال ٣٥ يوم


انتر ناشينال. تاخذ عمولة على سعر السيارة والشحن. بو سيف لا بس التخليص والشحن
رُفق المجنّا
14-10-2011, 08:24 AM
ما أنصحك تشتري شي قبل المعاينة ولو أعطاك مية ورقة تثبت نظافة السيّارة

فيه ناس هنا في أمريكا وانلعب عليهم ومنهم من دفع مبالغ كبيرة

أنصحك تشوف لك شخص تعرفه هنا ويشوف السيارة ويعطيك خبر


والله يوفقك
المحافظ
14-10-2011, 07:24 PM
أخوي العملية مب سهلة ، أولا لازم تفحص قبل ما تحط سعر على السيارة ، فيه شركة ممكن تفحص هناك بس أحيانا تاخذ وقت (3 أيام) لين يعاينون السيارة ، فحصهم يكلف 300 دولار ، وبعدين تزايد عليها او تاخذها بسعر الطلب ، تدفع عربون عن طريق الكارد او طريق باي بال ، والباقي تحويل بنكي من حسابك لحسابهم ، هم بيعطونك معلومات عن حسابهم واسم البنك ، وبعدين لازم ترتب الشحن مع شركة شحن ، والشحن مب رخيص (يعتمد وين مكان السيارة ، في أي مكان) لانها أولا بتنشحن شحن بري لين الميناء ، و بعدين شحن الميناء ، وميناء الدوحة ياخذ وقت حوالي شهر او اكثر على حست موعد الباخرة ..

سالفة طويلة ، وإذا حد بيخلص لك المعاملة في الدوحة ترى احسن ، على الاقل ناس عندهم خبرة و بيريحونك من السالفة كلها ..

بالتوفيق ..
تمون
15-10-2011, 06:34 AM
مشكورين جميعا

بس وين الشركات القطريه الي تقولون عنها تنفذ كل شي وانا بس علي ادفع المبلغ كامل

الي يعرف شركه يقولي لايبخل علي

لاني شاري السياره شاريها
بوسيف الهاجري
15-10-2011, 08:33 AM
مرحبا الشيخ انا اجيبها لك
طرش لي رقم الايتيم مال السياره
الرقم الطويل الي على يمين الصفحه
وانا انشالله اجيبها لك
الزد توها جايه ما خذت ٣٣ يوم شحن
تمون
15-10-2011, 11:00 AM
Item number: 250909012419

والسياره الي ابيها بعد زد

http://cgi.ebay.com/ebaymotors/1983-DATSUN-280ZX-NISSAN-WITH-T-TOPS-/250909012419?pt=US_Cars_Trucks&hash=item3a6b57b1c3#ht_500wt_1064

كم بيكلفني الشحن وعمولتك والفحص فقط غير احساب السياره لاني بدش فيها مزاد والمشكله باقي يوم واحد للمزاد بس بتواصل مع التاجر
و هل بقدر اسجلها في قطر ولا بظطر اشحنها دوله خليجيه للتسجيل

<<< باخذها حتى لو بدون ارقام بصفها فالبيت ابي اشوفها بس كل ما ادش البت واطلع
بوسيف الهاجري
15-10-2011, 12:24 PM
اول شي ما تدخل قطر
والسياره حالتها مب لين هناك لك عليها شوي
ماشيه فوق 490 الف كيلو يعني مكينها خرفت
واتوقع الصدا ماكل بديها من تحت
وديكورها تعبان
اذا تبي بطلبها لك ماعندي مشكله
وافق شنن طبقة
15-10-2011, 12:32 PM
بالتوفيق
تمون
15-10-2011, 01:26 PM
اول شي ما تدخل قطر
والسياره حالتها مب لين هناك لك عليها شوي
ماشيه فوق 490 الف كيلو يعني مكينها خرفت
واتوقع الصدا ماكل بديها من تحت
وديكورها تعبان
اذا تبي بطلبها لك ماعندي مشكله

المشكلة يالغالي ماحصلت انظف منها لو حولك شي انظف بشتريها ماعندي مشكله
المشكله الثانيه انها ماتدخل قطر هذي مصيبه وش الحل في نظرك
و ثالث شي كم تسوى السياره الي حطيت معلوماتها عشان اقول للبايع اني ابيها بالسعر الفلاني لانه قالي قول بكم تبيها
وماقلت لي عمولتك والشحن كم

في انتظارك يالغالي
بوسيف الهاجري
15-10-2011, 03:59 PM
عندي ١٩٩٢ تون تيربو قير عادي حمرا فتحتين بحاله الوكاله ماشيه ٩٩ الف مايل يعني تقريبا ١٥٠ الف كيلو
عندي من ٤ سنوات شاريها من مالكها الاول قطري جايبها معاه في سنتها ما استعملها كثير ستمارتها توها مجدده من شهرين و واقفه في الستور مطربله ما يبيلها شي دق سلف وحرك
اذا لك نيه كلمني ٥٥٤٣٢٢٩٩
تمون
15-10-2011, 04:16 PM
ماقصرت يابو سيف خاطري فالقديمه ام المقابر
بوسيف الهاجري
15-10-2011, 04:41 PM
١٩٧٤ تمشي معاك ٢٤٠
ffxxx
15-10-2011, 05:05 PM
بوسيف انا ابي اطلب موتر موديل السنه حصلت
سعره حلو ومواصفات غير ارخص من عندنا
الموتر امريكي هل بيكون معاه ضمان او اذا جبته اقدر اسويله ضمان خليجي
بوسيف الهاجري
15-10-2011, 05:26 PM
بوسيف انا ابي اطلب موتر موديل السنه حصلت
سعره حلو ومواصفات غير ارخص من عندنا
الموتر امريكي هل بيكون معاه ضمان او اذا جبته اقدر اسويله ضمان خليجي
نجيبه لك الشيخ
عموما السيارات الامريكيه ما عليها ضمان
بس الماني ويكون جديد عليه ضمان سنتين يعني موديل السنه
الياياني ما عليه ضمان
ffxxx
15-10-2011, 05:33 PM
لا صعبه موتر جديد بدون ضمان
لاقدر الله صار شي شسوي في الموتر
ام علي1981
16-10-2011, 11:11 AM
انا شارية فستان لبنتي من الايبا ي طالبته من 15-9 وللحين ماوصل
khalid.qtr
16-10-2011, 01:34 PM
بالتوفيق إن شاء الله
محمد11
16-10-2011, 05:27 PM
روح عند اخونا بوسيف
معرض ليوا مب مقصر معااااك