لو كنت مكاني كيف تتصرف؟!!؟

[فارس الميدان]

السلام عليكم
باختصار لو أردت أن تستخدم الصراف الآلي ووجدت أمامك سيارة متقدمة على الصراف بمترين تقريباً وفيها شابان يشربان الكرك (يعني لازم يتحرك إلى الأمام كم متر عشان تقدر تستخدم الصراف وأنت بداخل سيارتك)وبعدين اعطيته اشارة تنبيه بنور السيارة عشان يتقدم ، ثم استخدمت الهرن ولم يحرك ساكن ، كيف تتصرف وما شعورك وما رأيك في هذه النوعية من الشباب وهل من جهة ممكن تحاسب هذه النوعية (رقم السيارة محفوظ عندي) شكرا

[شنايدر]

اسفهه، وخذه على قد عقله، ولا تخلي الشيطان يتمكن منك وانت في حاله قهر،

ولا تدعي عليه، بل ادع له بالهدايه،

هذا هو موقفي لو كنت بدالك

موفق ، ، ،

[عيون الدوحة]

شكلك تتكلم عن منطقة العزيزية باب السلام

[شنايدر]

اسفهه، وخذه على قد عقله، ولا تخلي الشيطان يتمكن منك وانت في حاله قهر،

ولا تدعي عليه، بل ادع له بالهدايه،

هذا هو موقفي لو كنت بدالك

موفق ، ، ،

[ghanim911]

السلام عليكم ... اخي العزيز الدين النصيحة.. انزله واطلب منه يتحرك بكل ادب مع ابتسامه... وصدقني بيحس انه مخطي وبينحرج ... واكيد بيتعذر منك ... صدقني بيكون درس له ماينساه

[المهندس عبدالعزيز]

جيب العجرة من تحت الكرسي واضربه واحسن لك تسفله

[سيف الحرية]

الامر يرجع لتربيته ..

إذا في مجال كلمه وإذا ما في مجال حرك وأنساه ...

الحياة ملئية بمثل هذه المواقف

[qatara]

كلمه باحترام اذا كان متربي وولد ناس راح يحترم

اما كانه خبل و سفيه اسفهه

بتاخذ الرقم وبتشتكي بكل موقف يصادفك بتقضي حياتك قضايا

[لابس بشت]

بصراحه انا ما اعتقد اني اقدر اسكت
مب مخلي كلمه مب قايلها لهم واذا ردوا وطال لسانهم هي هوشه هوشه واللي فيها فيها

[barod]

اعتقد هل كلام عند كرك النعيمي بالدحيل والحل اذا ما انتبه لك انك تنزل له وتكلمه اذا كنت محتاج للجهاز

[فارس الميدان]

اسفهه، وخذه على قد عقله، ولا تخلي الشيطان يتمكن منك وانت في حاله قهر،

ولا تدعي عليه، بل ادع له بالهدايه،

هذا هو موقفي لو كنت بدالك

موفق ، ، ،

أخلاقك عاليه ، يعطيك العافية

[فارس الميدان]

شكلك تتكلم عن منطقة العزيزية باب السلام

طبعاً لا , مو مهم المكان المهم أن الخطأ خطأ في أي مكان كان

[فارس الميدان]

السلام عليكم ... اخي العزيز الدين النصيحة.. انزله واطلب منه يتحرك بكل ادب مع ابتسامه... وصدقني بيحس انه مخطي وبينحرج ... واكيد بيتعذر منك ... صدقني بيكون درس له ماينساه

صدقت والله بس الشيطان حريص ، نادر ما يفكر واحد صح في مثل هذه المواقف ، شكرا على مرورك

[فارس الميدان]

جيب العجرة من تحت الكرسي واضربه واحسن لك تسفله
هههههههه شكرا على مرورك

[ريتويت]

لا تهتم وكانك لاتراه

والله المستعان

[بوحارب]

لو انا مكانك بتصرف معاه على حسب الموتر اللي طالع فيه

لأنه عندي موترين فلو كنت طالع فالجي بدعمه بشويش وادز سيارته لقدام :)

مب على كيفه يكرك عند الصراف !!

[فارس الميدان]

لو انا مكانك بتصرف معاه على حسب الموتر اللي طالع فيه

لأنه عندي موترين فلو كنت طالع فالجي بدعمه بشويش وادز سيارته لقدام :)

مب على كيفه يكرك عند الصراف !!

والله فكرت فيها ، بس الحمد لله مسكت أعصابي

[غريب الداّر]

اخذها بحسن نيه يمكن الرجال ما درى بك ولا انتبه, انا عني بنزل له وبقول له يا طويل العمر تراك اعقت الحركه فياليت توخر

[ALHAJAJI]

اشتك عليه في المرور بسبب تعطيل حركة السير اما الصراف الالي.


الا ما قلت لنا انت اشسويه مع هالبزر

[فارس الميدان]

اشتك عليه في المرور بسبب تعطيل حركة السير اما الصراف الالي.


الا ما قلت لنا انت اشسويه مع هالبزر

والله خالجتني أفكار عديدة منها ما هو العقلاني وغير العقلاني، ولكنني في النهاية رأيت أني لا أعيره أي اهتمام وترجلت من السيارة وسحبت المبلغ وتركته منتصراً علي بوقاحته

[بن موسى]

الحل الاول --

تتقبل الوضع والحمدلله كل راح في حالة والحكي في الفايت نقص في العقل

الثاني

تستخدم لة مثل ماذكر المهندس عبد العزيز
واللي مايخلى ذل مايخلى حشمة

واذا لم تقبل بالحل الاول وفات وقت استخدام الحل الثاني
فاعندك الحل الثالث وهو -

بما أن رقم السيارة عندك تكتب كتاب باسم مدير المرور وتذكر فية الوقت والمكان وتسلمة لمكتب التحريات وانسى الموضوع راح يطلبونة عند اول مراجعة لة للمرور وعندما يعترض وينكر راح يطلب لمحكمة المرور وفي اسوى الحالات راح يطلبونك للشهادة بما انك تعتبر محرر المخالفة

[Abdullah_89]

لاتعليييييييييق

لو مكانك انزله من السياره واكلمه واحرجه

[بو طالب]

جيب العجرة من تحت الكرسي واضربه واحسن لك تسفله

:eek5::eek5::eek5:

[MAZEN37]

اكيد طريقتك بالهرن وتنبيهه ما عجبته

[الجوكر90]

السلام عليكم
صارت لي قبل اسبوع
كم عند الحلاق وجنب الحلاق في معصره ودكان
وفي موقف فاضي ابي اصف
بس واحد كان مغطي ع الموقف
واديم له واهرن
اشوفه من المراه يطالع وينزل راسه
سويتها مره ومرتين وثالث مافي فايده
نزلت له وطقيت الدريشه واشرت له اني ابي اصف ع طول حرك موتره
كان بوالشباب يتعبث فالجوال

[حيهور]

ادعمه وخل يشتكي وقول مانتبهت عبالك ان واقف بعيد

خله في الحديد وخله يموت قهر

[فارس الميدان]

اكيد طريقتك بالهرن وتنبيهه ما عجبته

لا والله ما ستخدمت الهرن إلا بعد أمرين الامر الاول انتظرت كم ثانية عله يفهم بعدها استخدمت النور للتنبيه بعدها استخدمت الهرن ولاحياة لمن تنادي

[فارس الميدان]

ادعمه وخل يشتكي وقول مانتبهت عبالك ان واقف بعيد

خله في الحديد وخله يموت قهر

المشكلة موتره قديم ، , يعني أنا الخسران لو دعمته

[آلنـجــلآ]

كالعاده في بعض الشباب ، يحسبون هالحركات انها مرجله

عندهم ان الواحد لو صارت ماعنده قيَم ولا مبادئ ، و متمرّد على القوانين وضميره ميّت = رجّال