اسعار العاب دوحة بارك [الأرشيف] - منتديات شبكة الأسهم القطرية

بوحارب

14-10-2011, 12:51 PM

امس كنت هناك مع الأهل بس مارحت العب رحت اتمشا بين المحلات والبضاعه حليوة الصراحة وخاصة اغراض اخوانا المصريين والصينيين

اما بالنسبة للألعاب واسعاهم ما سألت عنها بس فيه العاب حلوة ومثيرة

والسيفتي مب موجود ابدا يعني لو طفل يروح يمشي صوب الألعاب اعتبره في عداد الموتى لأنه بيتعرض للضرب من اللعبه لأنه مافيه حواجز في بعض الألعاب !!!!

والمكان بشكل عام حلو وكأنك في القرية العالمية في دبي لكن بنسبة 10% هههه

عسولة

14-10-2011, 12:54 PM

وووين مكانة ؟؟؟

المدريدي

14-10-2011, 12:55 PM

وووين مكانة ؟؟؟

مكانه جنب قاعة المعارض

بوحارب

14-10-2011, 12:56 PM

وووين مكانة ؟؟؟

احذى قاعة المعارض

ALHAJAJI

14-10-2011, 01:24 PM

يعني المعرض حق العاب بس , والا فيه اشياء ثانية نفس كل مرة

زهرة بنفسجية

14-10-2011, 02:35 PM

الاسعار مبااااالغ فيها
و خيالية
!!!!!!!
بنتي ركبت لعبة القطار و نزلت منها مادري شلون شفايفها السفليه دم و متعورين الظاهر دخل سنها بالشفة و نزل دم منها
انا اللي سالت عنهم بخصوص الالعاب السيارات ٢٥ ريال للشخص
الدولاب الهوائي ٢٥ ريال
الكرات حق الاطفال تطلع ١٠ دقايق ب ١٥ ريال
لعبة القوارب المائية خربانه
و القائمين على الالعاب اشكالهم استغفر الله
يعني بالمختصر اللي بيروح المفروض يحط بجيبه لا يقل عن ٢٠٠٠ ريال و يسكر عيونه عن المناظر اللي يشوفها
و اهم شي انه يروح و هو مو بجوعان او يمكن اليوم المطاعم تعدل حالها لانه امس كانت المطاعم مو جاهزة مثلا بوسطن انتظرنا ساعة و يقول مكنته خربانه اما تنتدور مسكين يشتغل بدون ليت و كهربا لانه فجاة انقطعت و في مطاعم كانت بترتب اغراضها
مع انه المفروض الافتتاح يكون كل شي جاااهز
انا صراحة رجعت مقهووورة منهم و ما افكر اعيد الزيارة

Lap top

14-10-2011, 10:09 PM

اما انواع التحطيم الصراحه ...
ما جهوزا لافتتاح ... يعني في رايكم ما نروح لالعاب ؟؟!!

Best Man

14-10-2011, 10:16 PM

الاسعار مبااااالغ فيها
و خيالية
!!!!!!!
بنتي ركبت لعبة القطار و نزلت منها مادري شلون شفايفها السفليه دم و متعورين الظاهر دخل سنها بالشفة و نزل دم منها
انا اللي سالت عنهم بخصوص الالعاب السيارات ٢٥ ريال للشخص
الدولاب الهوائي ٢٥ ريال
الكرات حق الاطفال تطلع ١٠ دقايق ب ١٥ ريال
لعبة القوارب المائية خربانه
و القائمين على الالعاب اشكالهم استغفر الله
يعني بالمختصر اللي بيروح المفروض يحط بجيبه لا يقل عن ٢٠٠٠ ريال و يسكر عيونه عن المناظر اللي يشوفها و اهم شي انه يروح و هو مو بجوعان او يمكن اليوم المطاعم تعدل حالها لانه امس كانت المطاعم مو جاهزة مثلا بوسطن انتظرنا ساعة و يقول مكنته خربانه اما تنتدور مسكين يشتغل بدون ليت و كهربا لانه فجاة انقطعت و في مطاعم كانت بترتب اغراضها
مع انه المفروض الافتتاح يكون كل شي جاااهز
انا صراحة رجعت مقهووورة منهم و ما افكر اعيد الزيارة

لو سمحتي ممكن تفسرين لي الي بالاحمر .شالسبب

هل انتي رايحه حديقه المائيه الي في دبي ..ولا دوحه بارك ؟؟ :nice:

آلنـجــلآ

14-10-2011, 10:22 PM

والله مادري شهالالعاب اول مره اسمع فيها

بس أني ويز .. ألعاب قطر خايسآآ

بوجاسم 75

14-10-2011, 10:36 PM

اقسم بالله اليوم اخوي راح هناك وقالي والله المكان غاااااالي ومصخره بنات فى منتهى قلة الأدب اي والله والأسعار مبالغ فيها ع الفاضي 0

STAR

14-10-2011, 11:06 PM

الاسعار مبااااالغ فيها
و خيالية
!!!!!!!
انا اللي سالت عنهم بخصوص الالعاب السيارات ٢٥ ريال للشخص
الدولاب الهوائي ٢٥ ريال
الكرات حق الاطفال تطلع ١٠ دقايق ب ١٥ ريال
لعبة القوارب المائية خربانه

بل اشدعوووة.. وااااااايد مبالغين في الاسعااار :rolleyes2:

عاشق الشهادة

14-10-2011, 11:26 PM

عندكم دريم بارك عاملين عرض تدفع قيمه تذكرة يعطونك تذكرة ثانيه مجانيه والتذاكر عندهم تبدأ من 5 ريالات الى 15 ريال .

Markato

15-10-2011, 12:09 AM

والسرك تبتدي سعر التذاكر من 100 ريال الى 500 ريال

جرح الزمان

15-10-2011, 12:28 AM

عندكم دريم بارك عاملين عرض تدفع قيمه تذكرة يعطونك تذكرة ثانيه مجانيه والتذاكر عندهم تبدأ من 5 ريالات الى 15 ريال .

:nice:

تدرج في الجدول الترفيهي للأولاد

بس اخوي عاشق تنصحنا في اي يوم

لاني انسان ما احب الزحمه >>> :shy:

جرح الزمان

15-10-2011, 12:29 AM

والأحلى انها قريبه جداً من معيذر ستي

عاشق الشهادة

15-10-2011, 12:50 AM

:nice:

تدرج في الجدول الترفيهي للأولاد

بس اخوي عاشق تنصحنا في اي يوم

لاني انسان ما احب الزحمه >>> :shy:

عندك الايام يكون الزوار فيها قليل >> الاحد - الاثنين - الثلاثاء - الاربعاء , ويوم الخميس والجمعه والسبت الله لايوريك اليوم قارب العدد من الـ 4500 زائر :rolleyes2: واذا نويت علمني اي يوم وانا حاضر وبالشوفه والله .

جرح الزمان

15-10-2011, 01:07 AM

عندك الايام يكون الزوار فيها قليل >> الاحد - الاثنين - الثلاثاء - الاربعاء , ويوم الخميس والجمعه والسبت الله لايوريك اليوم قارب العدد من الـ 4500 زائر :rolleyes2: واذا نويت علمني اي يوم وانا حاضر وبالشوفه والله .

جزاك الله خير

ما تقصر أخوي عاشق الشهادة :)

غالباً الثلاثاء أو الأربعاء ...يعتمد على واجباتهم المدرسيه ونشاطهم ..وحالتي السكيولوجيه <<< لا تسئلني ..ما اعرف معناها :secret:

abdo222

15-10-2011, 01:10 AM

رحتها امس ويا الاهل،، السوق كبير بس مب لهناك ،، جنك داخل زون،،

بالنسبه للالعاب ،، عجبتني الصراحه !! نفسي العب فيها هههه ،، سألت السكيورتي الهندي يقول يفتحون من ٣ العصر لل ١ بالليل،، ويقول كل الايام عائلات و ممنوع دخول الشباب !!!! :( !!! حد يتاكد لنا من هال المعلومه،،

في العاب للكبار،، بالنسبه للاسعار،، مب مشكله لو واحد يدفع ٥٠-٦٠ ريال لان العاب الكبار ما يتعدون ٣ او ٤ العاب ،، الاسعار مبالغ فيها لو الواحد بياخذ اليهال يكون الله يكون في عونه ،،،

الناس المنظمين جنسيات مختلفه ويهال،، كان احسن لو يجيبون ناس كبار شوي،،

زهرة بنفسجية

15-10-2011, 01:42 AM

لو سمحتي ممكن تفسرين لي الي بالاحمر .شالسبب

هل انتي رايحه حديقه المائيه الي في دبي ..ولا دوحه بارك ؟؟ :nice:

و الله شفت واحد مثلا مع انهمو صغير بالسن فاسخ ازرار قميصه و مو لابس تحته القميص شي
و الاشخاص اللي على الالعاب منهم اللي حط حلق في حواجبه و الثاني باذنه و كلهم الوشم اشكبره على زنودهم و ماشكلهم الا عباد الشيطان عياذا بالله
ما ادري هل هاالمناظر عاديه يعني!!

Lady

15-10-2011, 09:35 AM

أنا رحت المدينة في يوم الافتتاح ورحتها ثاني يوم بعد .... المشاكل اللي حصلت في اول يوم المسؤولين حلوها جزاهم الله خير...
الألعاب سعرها معقول ١٥ للأطفال و ٢٥ للكبار..
الألعاب عجيبه والمكان مرتب ومتعوب عليه وجزاهم الله خير انهم سوا لنا شي عشان نغير جو ...
دوحة بارك تستحق الزياره فعلا *

NOOUR

15-10-2011, 11:23 AM

الألعاب سعرها معقول 15 للأطفال و 25 للكبار.. *

!!!!!!!!!!!!!!!! سعرها معقول .... في ألعاب للأطفال مش للكبار ب 25 ريال
يعني إذا الواحد عنده 4 أو 5 عيال كم بحط !!!!!!!!

والله الصراحة الفلوس اللي عندنا مو لامينها من الأرض ... فلوسنا متعوب عليها كتير

الله المستعان .....

@north_star@

15-10-2011, 11:32 AM

انا رحت يوم الافتتاح بالليل والمكان ما فيه زحمة ومحلات بيع الملابس اسعارهم مقبولة .... بالنسبه للمطاعم الصراحة ولا مطعم عليه العين وكل ما تسال عن وجبة معينه يقولك ما عندنا او خلص او يتحججون انه اول يوم وما كانوا مستعدين (عيل ليش فاتحين )

وبالنسبه للالعاب مب كثيرة بس تعتبر جيدة

والمكان بشكل عام مقبول ويصلح للعائلات

لمعة الالماس

15-10-2011, 11:36 AM

لين متى بتم الالعاب ؟؟

وان شاء الله يراجعون اسعار الالعاب والاكل

انا للحين ما رحت خل شوي تخف الزحمة ونروح

بس اللي يعرف متى اخر يوم يقول لي

الخيالة

15-10-2011, 11:42 AM

لين متى بتم الالعاب ؟؟

وان شاء الله يراجعون اسعار الالعاب والاكل

انا للحين ما رحت خل شوي تخف الزحمة ونروح

بس اللي يعرف متى اخر يوم يقول لي

42 يوم:nice::victory:

لمعة الالماس

15-10-2011, 12:00 PM

والسرك تبتدي سعر التذاكر من 100 ريال الى 500 ريال

معقولة :eek5:

السعر وايد غالي

اذا بتدخل عائلة

ياليت يراعون العوائل

لمعة الالماس

15-10-2011, 12:01 PM

42 يوم:nice::victory:

زين يمدي في وقت

شكرا على المعلومة :victory:

المفترسه

15-10-2011, 12:21 PM

عاديه مب لي هناك

حد عنده خبر متى يفتحون مدينة سكس فلاق في لوسيل!!

قطر 88

15-10-2011, 02:05 PM

امس كنت هنآآك

الالعاب ممتعة للصغار بس بعضهآآ لو ركب فيهآ الياهل , الواحد يحط يده ع قلبه

بصراحة ونصهم اشكرى مستعملين الالعاب مب يدآآد

واسعار التذاكر غالية بعد , مابين 15 - 25 وو 5 ريال حق الالعاب بوكور الصغيرة

وبصراحة ستاف الالعاب اغلبهم الحمدللنه والشكر مب حاشمين نفسهم ولبسهم فاضح

واللي يدخن قدام اليهآل اشكرى وهو يشغل اللعبة !!!!

....

Lady

16-10-2011, 09:21 AM

الناس ما يعجبها شي..
أسعار السيرك مب غالي 95 أقل تذكره والصغار مجانا..
شتبوون بعد!!!!!!؟؟
وحتى لو قاعد اخر شي تقدر تشوف وانت مرتاح

بوخالد911

17-10-2011, 10:47 AM

احذى قاعة المعارض

طيب

وووين قاعة المعارض؟!!؟

:secret::eek5::eek5::secret:

بو الجوري

17-10-2011, 10:59 AM

طيب

وووين قاعة المعارض؟!!؟

:secret::eek5::eek5::secret:

احذى دوحه بارك
:secret:

بو الجوري

17-10-2011, 11:00 AM

امس كنت هنآآك

الالعاب ممتعة للصغار بس بعضهآآ لو ركب فيهآ الياهل , الواحد يحط يده ع قلبه

بصراحة ونصهم اشكرى مستعملين الالعاب مب يدآآد

واسعار التذاكر غالية بعد , مابين 15 - 25 وو 5 ريال حق الالعاب بوكور الصغيرة

وبصراحة ستاف الالعاب اغلبهم الحمدلله والشكر مب حاشمين نفسهم ولبسهم فاضح

واللي يدخن قدام اليهآل اشكرى وهو يشغل اللعبة !!!!

....

:eek5:
يعني صحيح الكلام اللي و صلني :..

عن الإيطاليات :shy:

بصمة قطرية

17-10-2011, 06:17 PM

بصراحة الأسعار غالية ..!!
اممممممم
15 نضربها في 6 = 90 ريال اللعبة الوحدة
25 = 150

وايد بصراحة كم لعبة بيلعبون ..
اقل شي الفين ريال بس للالعاب ..!!!

مصراوية

20-10-2011, 11:12 AM

عندكم دريم بارك عاملين عرض تدفع قيمه تذكرة يعطونك تذكرة ثانيه مجانيه والتذاكر عندهم تبدأ من 5 ريالات الى 15 ريال .

ودي فين مكانها دريم بارك يا اخ عاشق الشهادة؟

عاشق الشهادة

21-10-2011, 09:46 PM

ودي فين مكانها دريم بارك يا اخ عاشق الشهادة؟

في حديقه حيوان الدوحه :nice:
وفي الوقت هذا عاملين عرض ممتاز تاخذين تذكرة ويعطونك تذكرة ثانيه مجاناً .

تاج المراجل

22-10-2011, 12:48 PM

ألعـاب مافيها سفـتي ومافيها وسائل السلامـَــه ، من وجهه نظري ، الابتعاد عنها هو الافضــل .

لان مازلنا بحاجه الى ابنائنا ، يذهب الاب واطفاله اليــها وبدال مايستمتعون ، ويوسعون صدورهم ، لاقدر الله

يحدث العكس ، احد ينكسر ، او مالى ذلك ، فالابتعاد عن مثل هذه الالعاب افضل ، وخلوكم على جنقلزون ،

افضل الالعاب ، اودي اخواني لها ،

تحيأتي