المساعد الشخصي الرقمي

مشاهدة النسخة كاملة : حصرياً : جوله مع الصور داخل برج أسباير 13-10-2011


بروكن برايس
14-10-2011, 01:24 PM
بسم الله الرحمن الرحيم

http://shabaktqatar.com/up/uploads/images/domain-d4aac06ae1.jpg

في هذا الموضوع ، راح اتطرق لبعض المعلومات والصور عن برج اسباير الشهير في الدوحة ، لكن هذه المرة من داخل البرج نفسه :victory:

بالأمس 13- أكتوبر-2011م ، كنا بالقرب من برج اسباير ، فقررنا الدخول إلى البرج ، حيث أن معلوماتي كانت تقول أن البرج سيتم افتتاحه في عيد الفطر الفائت وكنت أظن ان البرج قد تم افتتاحه ، لكن اكتشفت أن البرج سوف يتم افتتاحه رسميا في عيد الاضحى حسب رواية الموظف اللي في الاستقبال ، مع العلم بأن البرج مفتوح حاليا ويمكن لأي شخص الدخول وأخذ جولة فيه ، والتعرف على مرافقه كما حدث معنا بالأمس :nice:

قبل البدء في التفاصيل استعرض وياكم بعض المعلومات عن برج اسباير وجدتها في ويكيبيديا ويمكن لمن اراد معلومات أكثر عليه البحث في قوقل :nice:

والسموحه ماقدرت اترجم المحتوى لأن اللغة لكم عليها :secret:

برج اسباير الدوحة :

يبلغ ارتفاعه 300 متر وهو اطول بناء في قطر حتى الآن - هالمعلومات من زمان مادري اذا في مبنى اطول منه الحين والا لا - يتكون من 51 طابقاً ، يحتوي على غرف فندقية ومتحف رياضي ، ومطعم دوّار متحرك ، وسويتات ، وغرف دبلوماسية خاصة جدا ، ومسبح ، وقاعات أفراح واجتماعات ونادي صحي ..إلخ

تم البدء في بناء البرج في 2006 والانتهاء منه تماما في نوفمبر 2007 ، المقصود الهيكل والبناء الخارجي والله أعلم .

صمم البرج المهندس المعماري هادي سمعان وAREP و المهندس Ove Arup and Partners .

بلغت تكلفة انشاء البرج 133 مليون يورو وخرده ، بالقطري حسب سعر صرف اليوم 670 مليون ريال وخرده :secret:

تم انشاء البرج في منطقة اسباير بالقرب من استاد خليفة الدولي ، وكان الغرض ايقاد شعلة الاسياد 2006 في هذا البرج ، والذي يحمل الرقم القياسي حتى الآن كأطول شعلة تم ايقادها في الالعاب الآسيوية :victory:

كانت هذي معلومات مختصرة وبسيطة عن البرج .

دقايق أرفع الصور وراجع لكم فأبقوا معنا :nice:



:nice:
بروكن برايس
14-10-2011, 01:49 PM
الزيارة كانت تقريبا الساعة 11 من مساء يوم الخميس 13- اكتوبر-2011م ، طبعا اعتذر لرداءة التصوير لأن التصوير كان من كاميرا بلاك بيري 9700 كحيان ، وعقب ما فضت البطارية فجأة تم الاستعانة بكاميرا أيفون ثري جي اس :rolleyes2:

وما كان في البال زيارة البرج ولكن الصدفة قادتنا والا كنا بنرتب تقرير معتبر ومصور باحترافيه لكن ان شاء الله يكون هالتقرير حافز للمصورين والمهتمين لتقديم تقرير أفضل عن هالبرج . :secret:

بسم الله نبتدي ، والتقرير راح يكون عرض الصور مع التعليق عليها وكذلك بعض المعلومات اللي فيها شي من التفاصيل حسب اللي اتذكره

عند دخولنا من البوابة الرئيسية للبرج - توجد أكثر من بوابة للبرج - تم الترحيب بنا كالعادة طبعا بس المكان كان فاضي يعني الموظفين متمللين و ما صدقوا انه في ضيوف جايينهم :secret:

استقبلتنا فتاة أوروبية هي اللي تكفلت بأخذنا في جولة للتعرف على البرج ومرافقه ومحتوياته .


http://files.mothhelah.com/img/ElW87219.jpg

صورة لأجزاء من اللوبي ، طبعا الكلام اللي فوق عبارة عن مجموعة من العبارات المتعلقة بالنجاح وهواية كرة القدم ومش عارف ايش .

http://files.mothhelah.com/img/iwO87219.jpg

صورة أقرب للعبارات .


بعد ذلك اتجهنا نحو المصاعد لزيارة الغرف في الفندق والتعرف عليها من الداخل ، طبعا يوجد في الفندق عدة انواع من المصاعد مخصصة حسب الطوابق والخدمات اللي فيها ، يعني في مصعد خاص للطوابق 17 و 28 و 36 و 47 فقط . يعني ان بغيت تنتقل لأحد هالطوابق تستخدم هالمصعد لانه سريع :rolleyes2:

17 طابق الغرف
28 طابق المسبح ان ما خاب ظني
36 طابق ماعرف شنهو
47 طابق المطعم المتحرك اللي يدور فيك :nice:

المهم حاولنا تفقد أحد الغرف العادية ، لكن الموظفة كانت مصرقعه وجديده ، فتحت باب غرفة فيها ناس :rolleyes2:

وعقب قامت تعتذر لنا وتعتذر لهم ، ولذلك ما مدانا نصور الغرف العادية ، واكتفينا بمعرفة السعر وهو

1000 ريال لليلة الواحدة في الغرفة العادية ، وعموما احس الغرف صغيره لانها جايه على نمط مستدير مثل استدارة البرج من الخارج .

بعد ذلك انتقلنا لمعاينة السويت او الجناح ، طبعا التكلفة لليلة الواحدة للجناح 4000 ريال :victory:

طبعا الجناح صغير نوعا ما ، ونظامه نظام عصري ، يعني يصلح حق رجال الاعمال والرياضيين اكثر من العوائل ، هذي وجهة نظري ، وكل شي في السويت يعمل بنظام الريموت كنترول ، وكله تقنيات حديثه ، بدءا من تحكمك بتغيير اضافة السويت كامل حسب الالوان المتوفرة ، وانتهاءا بشاشات التلفزيون ، وخدمات الاتصال والستاير الكهربائية وغيره .


http://files.mothhelah.com/img/HK789101.jpg

صالة الجناح ، ونلاحظ الاضاءة اللي في الخلف يمكن تغييرها لأي لون تبيه .

http://files.mothhelah.com/img/zsN87926.jpg

جزء آخر من الجناح

http://files.mothhelah.com/img/TYu87926.jpg

السرير ، ويمكن أيضا تغيير الاضاءة في الغرفة .

http://files.mothhelah.com/img/Qv187926.jpg

زاوية أخرى من الجناح ، ويبين باب الحمام أجلكم الله ، وللحمام بابين باب من غرفة النوم ، وباب من المدخل الرئيسي للجناح ، وفيه جاوكوزي ، طبعا لين بغيت اصور الحمام فضت بطارية البلاك بيري :anger1:


للامانة الجناح مسوينه ستايل عصري وعملي ، وصغير في مساحته ، وأشوف الليلة ما تسوي 4000 ريال ، ومثل ما ذكرت الظاهر مخصص لرجال الاعمال الرياضيين مب للعائلات .


فاصل ونواصل فأبقوا معنا

:nice:
بروكن برايس
14-10-2011, 02:03 PM
طبعا أثناء تجولنا في مرافق البرج والممرات والمصعد كانت هناك عمليات انشائية للبرج من الداخل ، وواضح انها اللمسات الأخيرة وواضح انها اللمسات الأخيرة قبل الافتتاح الرسمي الذي سيكون غير عادي حسب رواية موظف الاستقبال :omen2:

بعد زيارة الجناح ، طلبنا منها اخذنا في جولة صوب المسبح ، فاعتذرت لنا وقالت ممنوع تدخلون المسبح بثيابكم والغتر لازم تلبسون نفس لبس الاوروبيين ، وطبعا اكتشفنا ان المسبح حوله بار والظاهر ستيج لفرق موسيقية شي من هالقبيل ، طبعا المسبح هو الجزء البارز من الشكل الخارجي للبرج اللي شكله نفس المنصه .

بعد ذلك اتجهنا الى المطعم المتحرك في الدور الـ 47 طبعا اضطرينا ننزل للدور الأرضي عشان نستقل المصعد المخصص للمطعم ، اقصد المصعد اللي ينقلنا للطوابق الـ 17 و 28 و 36 و 47 فقط .

وصلنا المطعم وكان مغلق لأنه يغلق الساعة 11 مساء ، وأخر وقت لاستقبال الزوار في المطعم هو قبل الساعه 10:30 مساءا ، لأن بعد هالوقت لا يتم تقديم أي طلبات .

المطعم يقع في الدور الـ 47 على شكل دائري ويطل على الدوحة بأكملها ، والمنظر من فوق رهيب ، بس عيبه شي واحد يفتقد للخصوصية ، الدخول للمطعم بدون رسوم ، فقط كل اللي عليك تتصل للفندق وتحجز طاولة وتستمتع عقب .

http://files.mothhelah.com/img/8OV87219.jpg

نموذج لطاولات المطعم ، ويتضح في الخلف منظر الدوحة من الأعلى ليلا :nice:

طبعا الطاولات دار ما دار ، مرتبه على شكل دائري .

http://files.mothhelah.com/img/ym987219.jpg

منظر للدوحة من المطعم .

http://files.mothhelah.com/img/VQh87219.jpg

منظر آخر من زاوية آخرى .

المطعم متاح وأي واحد يقدر يتغدى او يتعشى فيه ، عاد ما ادري عن اسعارهم لأن ما كانت متاحه حيث ان المطعم كان مغلق :telephone:


آخر فاصل عشان نختم :shy:



:nice:
عيون Qatar
14-10-2011, 02:05 PM
ماشاءالله احجز لي المقعد الاول هههههههه متابعة
بروكن برايس
14-10-2011, 02:14 PM
طبعا اكتفينا بهالجولة السريعة في البرج ، لأن الوقت ما كان يسمح نتجول في باقي المرافق ، وتبقى شي آخير الغرف أو الاجنحة الدبلوماسية هذي الغرف مساحتها كبيرة نوعا ما وتتراوح بين 100 م إلى 150 م والشي المذهل في الموضوع ، الليلة الواحدة في هالغرف تصل إلى 15 الف ريال :secret:

ومش متذكر في أي طابق هالغرف ، بس ما كان متاح نزور هالغرف .

طبعا للاسف البرج مافيه اي بروشورات او مطويات او حتى كروت شخصية للموظفين عشان التعرف على المرافق أكثر ، وحتى تلفونات للفندق للحين مافي شي رسمي .

وكل اللي قاله لنا موظف الاستقبال هو ضرورة الاستفادة من مرافق البرج مثلا زيارة المطعم او حجز غرفة خلال هذه الايام لأن بعد الافتتاح الرسمي احتمال الفرصة ما راح تكون متوفرة ، ماعرف شنو يقصد هل قصده ان الحجوزات راح تكون full أو أن الفندق راح يكون تابع لاسباير ومخصص فقط للرياضيين او زوار قطر من المسؤولين الرياضيين ، يعني مب أي شخص ممكن يحجز فيه . أو يمكن يبينا نحجز وخلاص :rolleyes2:


بهذا انتهى التقرير ، واتمنى قدرت أقدم شي بسيط عن هالبرج والمرافق اللي فيه ، واتمنى يكون حافز لكم لزيارة هذا البرج اليوم قبل بكره :nice:

وتفضلوا بقبول فائق الاحترام والتقدير واعتذر مره ثانيه لرداءة الصور ، أو التقصير في نقل المعلومات

:nice:

أخيرا الرجاء ذكر المصدر عند نقل الموضوع والصور ، لأن حد علمي هالصور حصرياً ولأول مره في قطر وقبل الافتتاح الرسمي

:shy:
بروكن برايس
14-10-2011, 02:37 PM
ماشاءالله احجز لي المقعد الاول هههههههه متابعة

مافي مقاعد الكل وقوف :secret:
عيون Qatar
14-10-2011, 02:45 PM
مافي مقاعد الكل وقوف :secret:

:(



تقرير رائع ومرتب :nice:

مشكوور اخوي وتسلم على التقرير
وننتظر جديدك الحصري
تحداني
15-10-2011, 12:43 AM
يعطيك العافيه يارب .. والتقرير جميل جدا من ناحيه الشرح
لكن للاسف الصور قليله وكنا طمعانين في صور أكثر

حقيقه انا كنت اتوقع ان البرج مازال مغلق وممنوع الدخول له
ولكن عكست لي النظره بعد التقرير الله يرضى عليك
بس لي طلب بعد اذنك اذا تذكر اسم المطعم ودي اروح له



جملك الله برضاه
FCB 123
15-10-2011, 08:43 AM
يعطيك العافية
alma3ani
15-10-2011, 09:27 PM
يعطيك العافيه اخوي

تدري للحين مو مصدق انه فندق كله في بالي انه الي داخل غاز مال الشعله واي حد يقولي بيستوي فندق ماكانت المعلومه ادش مخي كنت اقول يمكن يسونه برج بنورامي للدوحه بس فندق مااتوقع

بس بعد تقريرك الصراحه عجبني مو كفندق بس عجبني انهم استغلو البرج وحولوه الى مبنى حلو

بس بسالك ما سالتو المطعم شنو يقدم من ال يعين هو لبناني هندي عالمي ولا شسالفه

وتنصح فيه للعوائل ولا يعني هل في مسافه بين الطاولات ولا

وشكلي بجربه قريب ويعطيك العافيه اخوي على التقرير الحلو
قطريه ماركه
15-10-2011, 10:00 PM
ما شاء الله تقرير مميز ...

يعطيك العافية ...
موضي قطر
16-10-2011, 12:04 AM
يعطيك العافية واحلى صورة اللي كانت تطل على الدوحة الله لا يخلينا منها
بو الجوري
16-10-2011, 07:02 AM
ما شاء الله يعطيك العافيه :.. :)
warq-3nb
16-10-2011, 09:48 AM
يعطيك العافيه على التقرير
مرتبش
16-10-2011, 10:02 AM
اهم شوي المطعم الدوار
تاكل وتطمش
بروكن برايس
16-10-2011, 09:20 PM
:(



تقرير رائع ومرتب :nice:

مشكوور اخوي وتسلم على التقرير
وننتظر جديدك الحصري

اشكرج وان شاء الله نشوف لج زيارة للبرج وتقرير مميز منج أحسن من هالتقرير :victory:
بروكن برايس
16-10-2011, 09:22 PM
يعطيك العافيه يارب .. والتقرير جميل جدا من ناحيه الشرح
لكن للاسف الصور قليله وكنا طمعانين في صور أكثر

حقيقه انا كنت اتوقع ان البرج مازال مغلق وممنوع الدخول له
ولكن عكست لي النظره بعد التقرير الله يرضى عليك
بس لي طلب بعد اذنك اذا تذكر اسم المطعم ودي اروح له




جملك الله برضاه

الله يعافيج ، واعتذر ع القصور لأن الموضوع ما كان مرتب ولكن صدفه ، عموما الكل يقدر يزور البرج وياخذ لفه فيه ، وراح يكتشف روعة أكثر بوايد من الصور الموجودة في هالتقرير .

بالنسبة لإسم المطعم ما أعرف والله ، ولا سألتهم ، بس عموما هو المطعم الوحيد في الدور 47 .





يعطيك العافية

الله يعافيك اخوي :victory:
بروكن برايس
16-10-2011, 09:31 PM
يعطيك العافيه اخوي

تدري للحين مو مصدق انه فندق كله في بالي انه الي داخل غاز مال الشعله واي حد يقولي بيستوي فندق ماكانت المعلومه ادش مخي كنت اقول يمكن يسونه برج بنورامي للدوحه بس فندق مااتوقع

بس بعد تقريرك الصراحه عجبني مو كفندق بس عجبني انهم استغلو البرج وحولوه الى مبنى حلو

بس بسالك ما سالتو المطعم شنو يقدم من ال يعين هو لبناني هندي عالمي ولا شسالفه

وتنصح فيه للعوائل ولا يعني هل في مسافه بين الطاولات ولا

وشكلي بجربه قريب ويعطيك العافيه اخوي على التقرير الحلو

الله يعافيك الشيخ :victory:

بالنسبة للبرج يمكن انت ما زرت البرج من مسافة قريبة ، لأن حجمه وارتفاعه ومساحته كبيره ، يعني مب شي بسيط ، وبدال الفندق ممكن ينعمل فيه مجمع تجاري بعد لو يبون :victory:

في معلومه قالها لنا موظف الاستقبال بس كان يتكلم انقليزي بس اللي فهمته يقول ان السيارات ممكن تطلع لفوق :rolleyes2:

عاد ما أدري هل يقصد من:rolleyes2: البيزمنت للقراوند أو يقصد الأدوار اللي فوق .

هالمعلومة مب متأكد منها عشان كذا ما ذكرتها في التقرير .

المطعم والله أعلم من شكل الطاولات والكراسي وديكوره يتضح لي إنه مطعم أوروبي ، وللاسف يوم جيناه ما كان فيه حد لا ناس ولا موظفين وسألنا عن المنيو والأسعار قالت لنا المرافقة ويانا ما عرف .

بس قالت لنا تقدرون تحجزون قبل وتشرفونا في المطعم .

بالنسبة للخصوصية لا ما فيه خصوصية ، يعني تشكيلة الطاولات دار ما دار ، والطاولات قريبة من بعض .

تقدر تزور المطعم وتشوف المكان وعقب تقدر تقرر اذا بتاخذ هلك والا لا .

المطعم في الدور 47 اذا بتجربه هالأيام اعتقد مناسب لأن للحين المطعم مب معروف ومحد يدري عنه :victory:
Best Man
17-10-2011, 02:05 AM
تسلم على هالتقرير
بوخالد911
17-10-2011, 08:13 AM
اسلمت يدااك
harry potter
17-10-2011, 01:52 PM
كنت كله اتسائل عن اللي داخل البرج
يعطيك العافيه
بروكن برايس
17-10-2011, 09:49 PM
ما شاء الله تقرير مميز ...

يعطيك العافية ...

الله يعافيج :victory:
بروكن برايس
17-10-2011, 09:53 PM
يعطيك العافية واحلى صورة اللي كانت تطل على الدوحة الله لا يخلينا منها


الله يعافيج ، وان شاء الله اتهيأ لج الفرصة تشوفين الاطلاله على الطبيعه :victory:
بروكن برايس
17-10-2011, 09:54 PM
ما شاء الله يعطيك العافيه :.. :)

الله يعافيك أخوي :victory:
SOUD.QA
17-10-2011, 10:12 PM
ابدعت ياخوي عساك عالقوه شوقتني الظاهر خلال هاليومين بروح اكتشفه واجرب المطعم احب المطاعم المرتفعه اللي تدور >>> اسعد الطفل اللي بداخلي :shy::shy::shy:

سعر الغرفه العاديه ممكن نعتبره مقبول بس السويتات مبالغين واجد فيها اتمنى يعيدون النظر بالاسعار
NOOUR
18-10-2011, 07:55 PM
بعد زيارة الجناح ، طلبنا منها اخذنا في جولة صوب المسبح ، فاعتذرت لنا وقالت ممنوع تدخلون المسبح بثيابكم والغتر لازم تلبسون نفس لبس الاوروبيين ، وطبعا اكتشفنا ان المسبح حوله بار والظاهر ستيج لفرق موسيقية شي من هالقبيل ،
:nice:


!!!!!!!!!!!!!!!!!!!!! :eek5:

ليش يبه .... سبحان الله البلد للقطريين ولا لهم !!!!!

والله ما أدري ايش اللي يصير في قطر!!!

على كل .. شكرا لك أخي على تقرير الجميل :nice:
تحداني
18-10-2011, 09:21 PM
مازلت انتظر اسم المطعم الموجود في برج سباير
اتمنى احد يرد علي



جملك الله برضاه
AL-MAYSTRO
19-10-2011, 01:23 AM
والله عجيب التصميم من الداخل وماتوقعته يكون بهالحلاوة

خووش قدام بيتنا وتوني ادريبه خخخخخ
يعطيك العافيه ع التقرير الروعه
عيون الدوحة
19-10-2011, 12:30 PM
يعطيك العافية
بروكن برايس
22-10-2011, 01:56 AM
يعطيك العافيه على التقرير

الله يعافيك اخوي
بروكن برايس
22-10-2011, 01:58 AM
اهم شوي المطعم الدوار
تاكل وتطمش

في الليل ما ينفع حلاته في النهار :victory:
بروكن برايس
22-10-2011, 01:59 AM
اسلمت يدااك


تسلم على هالتقرير

الله يسلمكم :victory:
FCB 123
22-10-2011, 09:09 AM
الله يعافيج ، واعتذر ع القصور لأن الموضوع ما كان مرتب ولكن صدفه ، عموما الكل يقدر يزور البرج وياخذ لفه فيه ، وراح يكتشف روعة أكثر بوايد من الصور الموجودة في هالتقرير .

بالنسبة لإسم المطعم ما أعرف والله ، ولا سألتهم ، بس عموما هو المطعم الوحيد في الدور 47 .






الله يعافيك اخوي :victory:


يعطيك العافية والصراحة رحت المطعم .. صج ماعنده أكلات كثيرة في المينو .. بس المكان كان هادي ومحد غير 3 طاولات كان عليهم ناس والجو حلو والمنظر مع المغرب وايد حلو

شكرا لك على الإختيار
الفتى
23-10-2011, 07:10 AM
كفييت و وفييت

بصراحة ماتوقعت برج سباير راقي من داخل

واول مره ادري ان فيه غرف فندقية ومسبح

مجهوود تشكر علييه
Education
24-10-2011, 10:50 AM
تقرير رائع
فيزيائية
24-10-2011, 04:22 PM
ماشاء الله تقرير وافي
تعجبني هالنوعية من التقارير
الى الامام !!
Miss
25-10-2011, 10:22 PM
كنا نبغي صوور اكثر :(

الله يعطيك العافيه
كازانوفا
30-10-2011, 12:28 PM
تسلم على التقرير الاكثر من الرائع
بروكن برايس
15-11-2011, 11:04 PM
كنت كله اتسائل عن اللي داخل البرج
يعطيك العافيه

الله يعافيك أخوي :victory:
بروكن برايس
15-11-2011, 11:06 PM
ابدعت ياخوي عساك عالقوه شوقتني الظاهر خلال هاليومين بروح اكتشفه واجرب المطعم احب المطاعم المرتفعه اللي تدور >>> اسعد الطفل اللي بداخلي :shy::shy::shy:

سعر الغرفه العاديه ممكن نعتبره مقبول بس السويتات مبالغين واجد فيها اتمنى يعيدون النظر بالاسعار

تسلم أخوي سعود ، وتقريرك المصورعن المطعم اللي في البرج ولا أروع ، وأهم شي أسعدت الطفل اللي بداخلك وارضيت غروره :nice:
ماجد البدر
23-11-2011, 01:36 PM
اووو ما شاء الله كل هذا في البرج
يعطيك العافيه
ريتويت
23-11-2011, 01:38 PM
يعطيكم العافيه .. وين صور المطعم
بروكن برايس
29-11-2011, 06:10 AM
يعطيكم العافيه .. وين صور المطعم

الله يعافيج ، وبالنسبة لصور المطعم الأخ سعود جزاه الله خير منزل تقرير كامل ومفصل عن المطعم تفضلي على هالرابط :

http://www.qatarshares.com/vb/showthread.php?t=481710

:victory: