استفسار : بخصوص ايطاليا

[mohamed ahmd]

السلام عليكم يالربع انا ناوي اروح ايطاليا باجازه عيد الاضحي وخلاص حجزت فميلان و روما ميلان ايام وروما يومين بس ابي حد منكم الله لا يهينكم يقترح علي الاماكن السياحيه الزينه فالمكانين وجزاكم الله خير

[SOUD.QA]

اخوي ميلان ما فيها شي غير ساحة الدويمو بس اللهم سوق بالنسبه لي حدها يومين لانها ممله ان طولت فيها بس اهم شي مر على كافيه دولتشي اند غابانا قولد

روعه ما يتفوت

http://www.dolcegabbana.com/gold/

عندك فينيسيا قريبه لازم تروح لها حلو تبات فيها ليله وتعود ميلان بالليل وإذا ما تقدر روح الصبح وعود آخر الليل

اما روما ما عندي فكره عندها لاني ما رحت لها من قبل

عندك هالموقع واجد بيفيدك للسفر

http://travel.maktoob.com/vb/travelarab89/

بشكل عام ايطاليا افضل دوله اوروبيه رحت لها شعبها بشوش ويحاول يخدمك بكل طريقه ولو ان اغلبهم ما يعرفون انجليزي بس يحاولون يتفاهمون بالاشارات اهم شي يساعدونك وما يردونك

اتمنى لك رحله سعيده وتروح وترجع بالسلامه إن شاء الله

[هنت المهونه]

عندك فينيسيا ..

ساعتين من ميلان..

انا توني من اسبوع ونص جايها

زينه واجد ..يعني شغلة يوم او يومين تمشيه ..

تقدر تشوف صور منها في النت ..

وسلامتك وعفاك ..

[هنت المهونه]

سعود ..

شدعوه ياخي نفس الدقيقه ونفس الموضوع

ههههههههههههه

[SOUD.QA]

سعود ..

شدعوه ياخي نفس الدقيقه ونفس الموضوع

ههههههههههههه



ههههههه شفت ياخوي الظاهر ايطاليا تأثيرها جامد علينا

:nice:

[mohamed ahmd]

مشكورين يالربع ماقصرتو بيظ الله وجيهكم

[آلنـجــلآ]

ودّي أجيها والله

بس ماعرف فيها شي ما قد رحتها

لاتنسى التقرير عقب ماترجع :shy:

[mohamed ahmd]

ودّي أجيها والله

بس ماعرف فيها شي ما قد رحتها

لاتنسى التقرير عقب ماترجع :shy:

والله ودي اسوي تقارير بس ماحب اصور مادري ليش:( معني شريت كانون ونيكون بروفشنال يبه الفيت اني كنت بكون مصور محترف بس يعني ماللاقتلي السالفه بس بحاول قد ماقدر يعني

[غير البشر]

ياهلا فيك اخوي بخصوص ايطاليا

بالنسبه لروما انا جلست فيها يومين بس ماطولت

عندك ساحه الاسبان جنب شارع الماركات

شارع الماركات ظيييييييييييق وزحمه :rolleyes2:

اسمه شارع كوندتي
بس ناس كشخه ههههههههههه

وقدامها ساحه الاسبان وكلها منطقه اسواق تمشى فيها وغير جو

وعندك المدرج الروماني لو بتروح مشي من شارع الماركات تقريبا ربع ساعه

بس لازم اتروح المدرج وجنبه في كذا مبنى للسجون ومدخل للقصر

بالنسبه لفنادق روما انا جربت فندق ويسترن ماعجبني بس موقعه حلو جنب المحلات وشارع الماركات


بالنسبه لميلان

عندك طبعا الدومو
وانصحك بالسكن في Park Hyatt Milano

فندق راقي وجنب الدومو

طبعا انا ماسكنته

انا كنت ساكن في فندق غراند بلازا هوتيل

وعندك قلعه castello sfor zesco ومعاها حديقه تتمشى فيها


اذا لك خاطر فينيسا عطني خبر :telephone:

[mohamed ahmd]

ياهلا فيك اخوي بخصوص ايطاليا

بالنسبه لروما انا جلست فيها يومين بس ماطولت

عندك ساحه الاسبان جنب شارع الماركات

شارع الماركات ظيييييييييييق وزحمه :rolleyes2:

اسمه شارع كوندتي
بس ناس كشخه ههههههههههه

وقدامها ساحه الاسبان وكلها منطقه اسواق تمشى فيها وغير جو

وعندك المدرج الروماني لو بتروح مشي من شارع الماركات تقريبا ربع ساعه

بس لازم اتروح المدرج وجنبه في كذا مبنى للسجون ومدخل للقصر

بالنسبه لفنادق روما انا جربت فندق ويسترن ماعجبني بس موقعه حلو جنب المحلات وشارع الماركات


بالنسبه لميلان

عندك طبعا الدومو
وانصحك بالسكن في Park Hyatt Milano

فندق راقي وجنب الدومو

طبعا انا ماسكنته

انا كنت ساكن في فندق غراند بلازا هوتيل

وعندك قلعه castello sfor zesco ومعاها حديقه تتمشى فيها


اذا لك خاطر فينيسا عطني خبر :telephone:

مشكور اخوي بس تقدر اتفصلي اكثر فميلان انا حاليا حجزت ودفعت في فندق موسكينو؟ عن طريق بوكنق دوت كوم بس مادري اذا يصير اكنسل الحجز:shy: وفي روما حجزت في فندق اسمه هاسلر اشوف ماعطينه تصنيف عالي في بوكنق! وبخصوص فينيسيا ماعتقد بروح:( لاني بروح بروحي ولى مع اثنين هتليه من الربع فيعني احس شباب رايحين فينيسيا يعني مقيزه ودعوه مفتوحه للطنازه انه شكلنا اخوانيه يعني

[MBK]

السلام عليكم أخوي محمد أنا العام نفس هالوقت كنت في ميلان الجو كان رؤوووعه ولأ تزيد عن 4 أيام فيها أنا عن نفسي قعدت أسبوع وحلوه البلد واذا تبي تسكن اسكن في فندق اسمه قرآند رؤسا (grand rosa) أقرب فندق للدومو وحلو عالقهاوي ع طووول واخذ الغرف الجديده لا تأخذ القديمه
واذا بتمر فلورانس بعد حلووه حق يوم فيها أوت لت عجيب

[mohamed ahmd]

السلام عليكم أخوي محمد أنا العام نفس هالوقت كنت في ميلان الجو كان رؤوووعه ولأ تزيد عن 4 أيام فيها أنا عن نفسي قعدت أسبوع وحلوه البلد واذا تبي تسكن اسكن في فندق اسمه قرآند رؤسا (grand rosa) أقرب فندق للدومو وحلو عالقهاوي ع طووول واخذ الغرف الجديده لا تأخذ القديمه
واذا بتمر فلورانس بعد حلووه حق يوم فيها أوت لت عجيب

وعليكم السلام مرحبتين الشيخ ياخي لو تعطيني وين اماكن الاوتليتات واذا فيه في ميلان اكون ممنولك؟ وهل فيه خصم هالايام ولى لا؟

[SOUD.QA]

اخوي محمد عندك هالشارع في ميلان فيه محلات نفس H&M واللي نفسهم اسمه Corso Buenos Aires

وبخصوص فينيسيا حتى لو شباب خير يا طير روح استانس لا تفوتونها ولا عليك من حد

[MBK]

سيرافالي هذا في ميلان/ والفكس تاون في لوغانو غريب من ميلان 45. دقيقه / وألاوت لت إلي في فلورانس كلهم عجب

[mohamed ahmd]

اخوي محمد عندك هالشارع في ميلان فيه محلات نفس h&m واللي نفسهم اسمه corso buenos aires

وبخصوص فينيسيا حتى لو شباب خير يا طير روح استانس لا تفوتونها ولا عليك من حد

تسلم ماقصرت بيض الله وجهك ياسعود

[mohamed ahmd]

سيرافالي هذا في ميلان/ والفكس تاون في لوغانو غريب من ميلان 45. دقيقه / وألاوت لت إلي في فلورانس كلهم عجب

تسلم ماقصرت يامحمد واسمحلي اذا استنتاجي قلط واسمك مب محمد

[we-r-sawa]

السلام عليكم بخصوص فلورنس هي مشهورة بمحلات الoutlet يمينك وشمالك وبسعر حلو جدا وهي صغيرة وسكيكها ونيسة والساحة الرئيسية حلوة وايد وكلها مطاعم وكوفي شوبس
أما بخصوص فينيسيا فلا تفوتها أبدا لأنها مشهورة بالأعمال الزجاجية الفنية الرائعة واكتسبوها من العرب قديما وراح تشوف في الساحة الرئيسية واسمها ماركو سكوير المطاعم والمحلات والجلسات الحلوة والموسيقى الكلاسيكية الراقية وجرب الطراد اللي هو عبارة عن تاكسي خاص والعبارة هي التاكسي العام وروح جزيرة الليدو اللي يسوون فيها سنويا مهرجان الأفلام العالمية ويروحون لها كل الممثلين من هوليود وغيرها..وروح جزيرة مورينو وجزيرة مورانو ومشهورة بصناعة الأعمال الزجاجية ..

[التيما]

ميلانو مافيها شي بس روما وايد فيها اماكن سياحية ورووعه .. مايكفي يومين حق روما .. ولو حجزت فندق في روما تاكد انه قريب من محطة ترميني لانها اهم محطة في روما وكل الباصات والقطارات والترام يوقف عندها فاي شي بتركبة من مواصلاتهم بيوديك هناك ماتحاتي رقم باص او قطار ..

[غير البشر]

مشكور اخوي بس تقدر اتفصلي اكثر فميلان انا حاليا حجزت ودفعت في فندق موسكينو؟ عن طريق بوكنق دوت كوم بس مادري اذا يصير اكنسل الحجز:shy: وفي روما حجزت في فندق اسمه هاسلر اشوف ماعطينه تصنيف عالي في بوكنق! وبخصوص فينيسيا ماعتقد بروح:( لاني بروح بروحي ولى مع اثنين هتليه من الربع فيعني احس شباب رايحين فينيسيا يعني مقيزه ودعوه مفتوحه للطنازه انه شكلنا اخوانيه يعني


السموحه اخوي محمد على التأخير في الرد

بالنسبه لميلانو انصحك تغير الفندق
مش عشان مستوى الفندق لان موقعه مب حلوو

انصحك السكن بالقرب من الدومو في ميلان وهو احسن مكان في ميلان
والفندق الي انت ساكن فيه بعيد وايد عنه



بالنسبه لروما
شوف لك فندق يناسبك في منطقه spanish steps

كل شي جنبك حديقه كبيره وساحه المسله
والصوب الثاني قريب منك منطقه ترميني
وخلفك شارع الماركات وساحه الاسبان

انصحك في السكن بنفس المكان

اذا بغيت مساعده اني ابحث لك عن فندق

ماعندي مانع بس عطني في حدود كم السعر تبغيها :victory:

بخصوص حجزك للفندق في ميلانو راجع سياسه الحجز متى اخر يوم تقدر تلغي الحجز
لان في بعض الاسعار المخفضه اذا حجزت يكون الزامي ماتقدر تلغي الحجز :rolleyes2:

[mohamed ahmd]

السلام عليكم بخصوص فلورنس هي مشهورة بمحلات الoutlet يمينك وشمالك وبسعر حلو جدا وهي صغيرة وسكيكها ونيسة والساحة الرئيسية حلوة وايد وكلها مطاعم وكوفي شوبس
أما بخصوص فينيسيا فلا تفوتها أبدا لأنها مشهورة بالأعمال الزجاجية الفنية الرائعة واكتسبوها من العرب قديما وراح تشوف في الساحة الرئيسية واسمها ماركو سكوير المطاعم والمحلات والجلسات الحلوة والموسيقى الكلاسيكية الراقية وجرب الطراد اللي هو عبارة عن تاكسي خاص والعبارة هي التاكسي العام وروح جزيرة الليدو اللي يسوون فيها سنويا مهرجان الأفلام العالمية ويروحون لها كل الممثلين من هوليود وغيرها..وروح جزيرة مورينو وجزيرة مورانو ومشهورة بصناعة الأعمال الزجاجية ..

مشكور الف مليون اخوي بس انا بروح 9 ايام بس ماعندي وقت اسوي هاي كله:(

[mohamed ahmd]

ميلانو مافيها شي بس روما وايد فيها اماكن سياحية ورووعه .. مايكفي يومين حق روما .. ولو حجزت فندق في روما تاكد انه قريب من محطة ترميني لانها اهم محطة في روما وكل الباصات والقطارات والترام يوقف عندها فاي شي بتركبة من مواصلاتهم بيوديك هناك ماتحاتي رقم باص او قطار ..

والله الفندق الي حجزته في روما اسمه هاسلر وقريب وايد من الخطى الاسبانيه ب ماعرف الباقي عنه

[mohamed ahmd]

السموحه اخوي محمد على التأخير في الرد

بالنسبه لميلانو انصحك تغير الفندق
مش عشان مستوى الفندق لان موقعه مب حلوو

انصحك السكن بالقرب من الدومو في ميلان وهو احسن مكان في ميلان
والفندق الي انت ساكن فيه بعيد وايد عنه



بالنسبه لروما
شوف لك فندق يناسبك في منطقه spanish steps

كل شي جنبك حديقه كبيره وساحه المسله
والصوب الثاني قريب منك منطقه ترميني
وخلفك شارع الماركات وساحه الاسبان

انصحك في السكن بنفس المكان

اذا بغيت مساعده اني ابحث لك عن فندق

ماعندي مانع بس عطني في حدود كم السعر تبغيها :victory:

بخصوص حجزك للفندق في ميلانو راجع سياسه الحجز متى اخر يوم تقدر تلغي الحجز
لان في بعض الاسعار المخفضه اذا حجزت يكون الزامي ماتقدر تلغي الحجز :rolleyes2:

الفندق الي فرما وايد قريب من الخطي الاسبانيه اسمه هاسلر بس فيه ميلان ممكن لو سمحت تعطيني اسامي فنادق قريبه من المكان الي قتلي يعنه؟ لانه هاي موسكينو يقولون حلو