المساعد الشخصي الرقمي

مشاهدة النسخة كاملة : ظاهرة ( القنز) والدعوة عامة لاشباع غرائز الرجال !!


بوعلى 1
15-10-2011, 12:46 AM
ظاهرة ( اللقنز) والدعوة عامة لاشباع غرائز الرجال !!!

يعض الاسالة تحتاج لاجابة او تفسير :---------

1- ماهو الهدف من لبس هذا النوع من البنطلون الشبية بلهلهوب (اللقنز)؟
2- ماهو احساس من يلبسة خارج حدود البيت ( مجمعات -- زيارة --- مستشفى؟
3- ماهو اعتقاد لابسة هذا النوع من الفتن ولو تحت العباة بشي من الستر او لابراز تفاصيل الجسم للعامة من الناس ؟
4- ماهو الفرق بين لبس هذا النوع وبين عدم لبسة تحت العباة ؟
5- هل يتم لبس هذا النوع في البيت بدون عباة امام الخدم والاطفال ولماذا ؟
دروب
15-10-2011, 12:53 AM
الحياء شعبة من شعب الإيمان

الله يهدي الجميع ..
الـقـاسـي
15-10-2011, 01:07 AM
كل البنات صاروا يلبسونه تقريبا ..
وكله عشان يلفتون النظر وتبين رجلها واتحدا اللي بتقول غير هالكلام ..

والحين بيردون البنات اللي فالمنتدا كلهم وبيقولون مانلبسه
بوعلى 1
15-10-2011, 01:11 AM
[quote=الـقـاسـي;7710618]كل البنات صاروا يلبسونه تقريبا ..
وكله عشان يلفتون النظر وتبين رجلها واتحدا اللي بتقول غير هالكلام ..

والحين بيردون البنات اللي فالمنتدا كلهم وبيقولون مانلبسه[/quote

بنتظار رد المعنين منهم شاكر مرورك 0
بوعلى 1
15-10-2011, 01:20 AM
الظاهر الاسألة صعبة مافية حد يبي ايجاوب !
R 7 A L
15-10-2011, 01:21 AM
مانبي أسالة عن لماذا وكيف

نبي توعيه اذا كان محرم أو خطاء لاي موضوع

لاتفتحون الابواب للمهاترات بين الاخوة والاخوات في المنتدى
حقيقه
15-10-2011, 01:23 AM
فيه اللي تلبسه لغرض الاغراء والدلع

وفيه اللي تلبسه لانه مريح

ومابي اشرح اكثر لانه شيء يفشل وعيب نتكلم عنه
بوعلى 1
15-10-2011, 01:24 AM
مانبي أسالة عن لماذا وكيف

نبي توعيه اذا كان محرم أو خطاء لاي موضوع

لاتفتحون الابواب للمهاترات بين الاخوة والاخوات في المنتدى



لم نفتح الابواب بل هي مفتوحة للنقاش
بوعلى 1
15-10-2011, 01:26 AM
فيه اللي تلبسه لغرض الاغراء والدلع

وفيه اللي تلبسه لانه مريح

ومابي اشرح اكثر لانه شيء يفشل وعيب نتكلم عنه



اذا كان العيب في الكلام فهل في لبس العيب حلال شاكر مرورك
SOUD.QA
15-10-2011, 01:27 AM
مانبي أسالة عن لماذا وكيف

نبي توعيه اذا كان محرم أو خطاء لاي موضوع

لاتفتحون الابواب للمهاترات بين الاخوة والاخوات في المنتدى


اشكرك اخوي رحال قلت اللي بخاطري مع احترامي لكاتب الموضوع واحنا ما نقصد شخصك الكريم كلامنا بشكل عام وللكل

البارح واحد حاط موضوع عن الاخوانيه وموضوعه عباره عن اسأله بنفس الطريقه والشباب قالوا يتسكر ابرك والاداره احذفته وانا واحد وشفت انه فيه عنصريه لان اي موضوع فيه نقد للجنس الناعم يتم ويصير الهواش

اتمنى من الكل إذا طرح نقد يطرحه نفس ما اخوي رحال تفضل بطريقه محببه للكل وما فيها هجوم عالجنس الآخر الدين النصيحه وهذول خواتنا واخوانا لازم نكلمهم من وجهة نظر دينيه بأسلوب ما ينفرهم نكسبهم فيه ولا نخسرهم

والسموحه يا راعي الموضوع والله يحفظك وجميع بنات وابناء المسلمين
do7ani
15-10-2011, 01:27 AM
المشكله مش في البنات على الاقل البنت لابسه
عبايه تقدر تخشه لكن
المشكله في المايعين الي طايحين فيه طيحه
الحمدلله والشكر اللهم لاتبلينا
مضاد
15-10-2011, 01:27 AM
وشو (القنز)؟

والله اول مره اسمع به هو ابن عم الجينز ..؟
بوعلى 1
15-10-2011, 01:31 AM
اشكرك اخوي رحال قلت اللي بخاطري مع احترامي لكاتب الموضوع واحنا ما نقصد شخصك الكريم كلامنا بشكل عام وللكل

البارح واحد حاط موضوع عن الاخوانيه وموضوعه عباره عن اسأله بنفس الطريقه والشباب قالوا يتسكر ابرك والاداره احذفته وانا واحد وشفت انه فيه عنصريه لان اي موضوع فيه نقد للجنس الناعم يتم ويصير الهواش

اتمنى من الكل إذا طرح نقد يطرحه نفس ما اخوي رحال تفضل بطريقه محببه للكل وما فيها هجوم عالجنس الآخر الدين النصيحه وهذول خواتنا واخوانا لازم نكلمهم من وجهة نظر دينيه بأسلوب ما ينفرهم نكسبهم فيه ولا نخسرهم

والسموحه يا راعي الموضوع والله يحفظك وجميع بنات وابناء المسلمين

وين النقد الشيخ في الموضوع بلعكس مجرد اسالة للنقاش بعيد عن اي هجوم على احد شاكر مرورك الطيب
بوعلى 1
15-10-2011, 01:33 AM
وشو (القنز)؟

والله اول مره اسمع به هو ابن عم الجينز ..؟

اعتقد هو مستنسخ من الجنز بشكل شفاف لاصق !
do7ani
15-10-2011, 01:33 AM
وشو (القنز)؟

والله اول مره اسمع به هو ابن عم الجينز ..؟

بنطلون ستريتش ضاغط
بس خفيف على الجسم
*
حقيقه
15-10-2011, 01:34 AM
اذا كان العيب في الكلام فهل في لبس العيب حلال شاكر مرورك


عيب انه نشرح تفاصيل عن هالشغله

وبعض البنات يلبسونه بس لانه مريح وخصوصا في الدوام والسوق او رياضة المشي في اي مكان وتكون العباه ساتره


اما بعض البنات اللي يكشخون بعبايات مفتوحه ويظهرون القنز للدلع والأغراء

او بس حق الكشخه بدون قصد منهن ان يغرون الرجال
لانه مب كل بنت اكشخت يعني اتفكر بالرجال
بوعلى 1
15-10-2011, 01:35 AM
لحد الان لم يجب احد من المعنين عن الاسألة !
بوعلى 1
15-10-2011, 01:37 AM
عيب انه نشرح تفاصيل عن هالشغله

وبعض البنات يلبسونه بس لانه مريح وخصوصا في الدوام والسوق او رياضة المشي في اي مكان وتكون العباه ساتره


اما بعض البنات اللي يكشخون بعبايات مفتوحه ويظهرون القنز للدلع والأغراء

او بس حق الكشخه بدون قصد منهن ان يغرون الرجال
لانه مب كل بنت اكشخت يعني اتفكر بالرجال


ولماذا لا نشرح التفاصيل اذا كان هو اصلا مفصل لها !!
مضاد
15-10-2011, 01:38 AM
اعتقد هو مستنسخ من الجنز بشكل شفاف لاصق !






بنطلون ستريتش ضاغط
بس خفيف على الجسم
*


:looking:

سترك يارب
تحداني
15-10-2011, 01:38 AM
هو اسمه " لقنز " بدون الألف الي قبلها
او يلفظ " لقن "


نوع من انواع البواطلين
من زمان موجوده وقديمه وايد .. كنا نلبسها لما كنا يهال حق الرياضه في المدرسه



جملك الله برضاه
حقيقه
15-10-2011, 01:44 AM
ولماذا لا نشرح التفاصيل اذا كان هو اصلا مفصل لها !!


اعتقد اللي شرحته يكفي
بوعلى 1
15-10-2011, 01:46 AM
اعتقد اللي شرحته يكفي


شاكر مرورك حقيقة وبنتظار من يجاوب على اسألة الموضوع ؟
قطوه مربربه
15-10-2011, 01:55 AM
والله الاخت حقيقه ماقصرت وقالت الصج واعتقد هي بنت وعبرت بصدق بكلمها عن الي بخاطر البنات
انا اشوفها حرية شخصيه مدام انه ملبوس تحت عبايه مسكره والصراحه الجو حر وذبحه واحنا نلبس كم طبقه من الملابس بنطلون تي شيرت فوقه عبايه فوقه شيله :eek5: ياربي حر
وهذا الليقنز خفيف ويساعد على الحركه والمشي بسهوله
وطبعا مب شرط اي وحده تكشخ تبي تغري حد ولا تلفت النظر نفس ماقالت حقيقه
ومب شرط الوحده تضايق نفسها باللبس وتلبس عشر طبقات علشان ينقال عنها محترمه
وياريت ماتكون النضره نضره سطحيه
القحطاني505
15-10-2011, 02:01 AM
نسأل الله أن يصلح بنات المسلمين
بوعلى 1
15-10-2011, 02:01 AM
والله الاخت حقيقه ماقصرت وقالت الصج واعتقد هي بنت وعبرت بصدق بكلمها عن الي بخاطر البنات
انا اشوفها حرية شخصيه مدام انه ملبوس تحت عبايه مسكره والصراحه الجو حر وذبحه واحنا نلبس كم طبقه من الملابس بنطلون تي شيرت فوقه عبايه فوقه شيله :eek5: ياربي حر
وهذا الليقنز خفيف ويساعد على الحركه والمشي بسهوله
وطبعا مب شرط اي وحده تكشخ تبي تغري حد ولا تلفت النظر نفس ماقالت حقيقه
ومب شرط الوحده تضايق نفسها باللبس وتلبس عشر طبقات علشان ينقال عنها محترمه
وياريت ماتكون النضره نضره سطحيه


بلعكس هي نظرة شمولية وليست سطحية فهي ظاهرة قد يتقبلها طرف ولا يتقبلها الطرف الاخر وهي قد تكون حرية شخصية ولكن ليس كما نراة ويراة الجميع شاكر مرورك
قطوه مربربه
15-10-2011, 02:04 AM
ظاهرة ( القنز) والدعوة عامة لاشباع غرائز الرجال !!!
تطمن الرجال المحترم مايقعد يقزيقز في فلاتانه وعلانه لان الدين امر بغض البصر

يعض الاسالة تحتاج لاجابة او تفسير :---------
وهذي الاجوبه

1- ماهو الهدف من لبس هذا النوع من البنطلون الشبية بلهلهوب (القنز)؟الوقايه من الحر والبقعه والكتمه والمشي براحه وعدم الاختناق :)2- ماهو احساس من يلبسة خارج حدود البيت ( مجمعات -- زيارة --- مستشفى؟
احساس بالراحه وذلك افضل من التاتير والجلابيات الفضافاضه التي تعيق الحركه
3- ماهو اعتقاد لابسة هذا النوع من الفتن ولو تحت العباة بشي من الستر او لابراز تفاصيل الجسم للعامة من الناس ؟
كيف علمت انها تريد ان تفتن الرجال :omg:او تريد ابراز مفاتنها لماذا لم تحسن النيه والظن
4- ماهو الفرق بين لبس هذا النوع وبين عدم لبسة تحت العباة ؟
الفرق شاسع جدا وهل يعقل ان نوصف لك :eek5:
5- هل يتم لبس هذا النوع في البيت بدون عباة امام الخدم والاطفال ولماذا ؟
لا اعلم البعض نعم والبعض لا ودع الخلق للخالق:)
:) :) :) :) :)
SOUD.QA
15-10-2011, 02:07 AM
وين النقد الشيخ في الموضوع بلعكس مجرد اسالة للنقاش بعيد عن اي هجوم على احد شاكر مرورك الطيب


اخوي كل اللي نقصده لو انك طارح الموضوع من زاويه ثانيه كان افضل شفت ردود بعض البنات خذوا الموضوع بحساسيه كونك قلت ان هالشي تسويه البنت بس لجل تثير غرائز الرجل وللفت الانتباه لو انك فاتح الموضوع بحديث ولا بآيه وبدون الاسأله اللي ذكرتها اتوقع بتلاقي تفاعل اكثر من العضوات ومو بعيد وحده منهم تراجع نفسها وتخلي عنها هاللبس

والهجوم مو منك محشوم اخوي القصد ان في ناس تهاجم بعض بقصد التقليل والتجريح في الجنس الآخر ويطلعون من محور الحديث ووقتها محد بيستفيد من الموضوع الا بيصير الهواش وبيتسكر الموضوع وينحذف
مخطط قطري
15-10-2011, 02:16 AM
بوعلى الله يهداك انت موضوعك يبيلة تصحيح املائي كامل
وبعدين اسمه الليقنز مب القنز انا مافهمت انت شتقصد الا عقب ماشفت الردود
و تعليقي على الموضوع كل شي في دنيا يطور وحتى اللبس يطور اشوف من متطلبات البنت العصريه
تلبس وتكشخ وعادي ماجات على هنوع من اللبسه خصوصا اذا متستره انت اهم شي غض البصروالامور بخير
Aaziz
15-10-2011, 02:19 AM
بنطلون ستريتش ضاغط
بس خفيف على الجسم
*

حسبي الله ونعم الوكيل . ضنيت صاحب الموضوع اخطاء في الاملاء و يبي يكتب قز اي النظر للبنات المتبرجات

من ارتضت على نفسها ان تكون محط انظار الغير فلانلومها في باقي تصرفاتها
بوعلى 1
15-10-2011, 02:19 AM
تطمن الرجال المحترم مايقعد يقزيقز في فلاتانه وعلانه لان الدين امر بغض البصر

الم يامر الدين بغير ذالك !!
قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يصنعون "30" وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها وليضربن بخمرهن على جيوبهن ولا يبدين زينتهن إلا لبعولتهن أو آبائهن أو آباء بعولتهن أو أبنائهن أو أبناء بعولتهن أو إخوانهن أو بني إخوانهن أو بني أخواتهن أو نسائهن أو ما ملكت أيمانهن أو التابعين غير أولي الإربة من الرجال أو الطفل الذين لم يظهروا على عورات النساء ولا يضربن بأرجلهن ليعلم ما يخفين من زينتهن وتوبوا إلى الله جميعا أيها المؤمنون لعلكم تفلحون "31 )
بوعلى 1
15-10-2011, 02:26 AM
بوعلى الله يهداك انت موضوعك يبيلة تصحيح املائي كامل
وبعدين اسمه الليقنز مب القنز انا مافهمت انت شتقصد الا عقب ماشفت الردود
و تعليقي على الموضوع كل شي في دنيا يطور وحتى اللبس يطور اشوف من متطلبات البنت العصريه
تلبس وتكشخ وعادي ماجات على هنوع من اللبسه خصوصا اذا متستره انت اهم شي غض البصروالامور بخير

مخطط قطري جزاك اللة خير القصد ليس في تصحيح المسمى بل في تصحيح اعوجاج ما يندرج تحت هذا المسمى الذي اعتبرتة انت بة الكثير من الاخطاء الاملائية شاكر مرورك
مخطط قطري
15-10-2011, 02:52 AM
اخوي بوعلى مع كامل احترامي وتقديري لشخصك الكريم
انت تقول اعوجاج في اللبس انا اختلف وياك كليا بالعكس قمه الانوثه انه البنت تكشخ وتلبس وهذي غريزه انثويه
مثلك انت يالرجال دايمن تحب تكون كاشخ وزقرتي وتلبس ماركات ومطيب ومتبخر بازرق العود هذا وانت رجل فما بالك بنت
بتلبس اخر صيحات الموضه وبتكشخ بعد هي وهذي فطرتها
بوعلى 1
15-10-2011, 03:01 AM
اخوي بوعلى مع كامل احترامي وتقديري لشخصك الكريم
انت تقول اعوجاج في اللبس انا اختلف وياك كليا بالعكس قمه الانوثه انه البنت تكشخ وتلبس وهذي غريزه انثويه
مثلك انت يالرجال دايمن تحب تكون كاشخ وزقرتي وتلبس ماركات ومطيب ومتبخر بازرق العود هذا وانت رجل فما بالك بنت
بتلبس اخر صيحات الموضه وبتكشخ بعد هي وهذي فطرتها


كل الاحترام والتقدير لشخصك الكريم اخي مخطط قطري قمة الانوثة في البيت وليس في الشارع والمجمعات التجارية وقمة الكشخة في محيط النساء والزوج والاقربون فقط وقمة الغريزة الانثوية ليس في لبس ما اسميت وكشخة الرجال لا تقاس بمقياس ما اسرفت اشكرك لمرورك مخطط قطري
مخطط قطري
15-10-2011, 03:18 AM
عزيز وغالي اخوي بوعلى وكلامك على عيني وعلى راسي واختلاف الاراء لايفسد للود قضية
Store
15-10-2011, 03:26 AM
لا حول ولا قوة الا بالله الله يستر على الجميع ويهدي الجميع
مسك روز
15-10-2011, 03:30 AM
1- ماهو الهدف من لبس هذا النوع من البنطلون الشبية بلهلهوب (القنز)؟
للبنت اللي عبايتها مفتوحه:
هدفها الاغراء ولفت الانتباه لحد يقول غير هالكلام لان اللقنز ضيق ويفصل الجسم .
للبنت اللي عبايتها مسكره:
عشان تاخذ راحتها في المشي، غير عن التنوره او الجلابيه .


2- ماهو احساس من يلبسة خارج حدود البيت ( مجمعات -- زيارة --- مستشفى؟
للبنت اللي عبايتها مفتوحه: اكيد شعور بلفت الانتباه والتباهي ( شوفوني معصقله):nice:
للبنت اللي عبايتها مسكره: شعور بالراحه اكثر.


3- ماهو اعتقاد لابسة هذا النوع من الفتن ولو تحت العباة بشي من الستر او لابراز تفاصيل الجسم للعامة من الناس ؟
مافهمت السؤال .


4- ماهو الفرق بين لبس هذا النوع وبين عدم لبسة تحت العباة ؟
الفرق بين لبسه من عدمه هو الراحه في الحركه اكثر.

5- هل يتم لبس هذا النوع في البيت بدون عباة امام الخدم والاطفال ولماذا ؟
بالنسبه لي لا طبعا اما عن غيري مادري عنهم:rolleyes2:

يعطيك العافيه ..
محاسب طيار
15-10-2011, 06:23 AM
يالربع السلام عليكم اتكلمون عن ligan حرام اوحلال على حسب اذا هي كاشفه فهو حرام بس للمعلوميه اذا الكعب بين فهو عوره المشكله مب في ligan خلو البنات ايعلمونكم عن Tights مثل المريول او ايسمونه في لبنان كيلون يجي شفاف تحت التنوره ياشباب اسهل عليكم دلاغ طويل يالربع الناس وصلت القمر البنات يالربع وصلو القمر طبعا مب كلهم عندكم الشركات وهي wolford and Victoria secret يالربع محد يرضا على خواته يلبسون فالكل يقول الحمدلله على الي احنا فيه واسمحولي يااخواني واخواتي وشكرآ*
هبوب الكوس
15-10-2011, 06:49 AM
وبعدين ليش يلبسونه والعباية مفتوحه هل ان عرض ازياء :telephone:

طبعاً البعض :(
الأصيلة
15-10-2011, 07:39 AM
اللقن يلبسونه البنات من مدة طويلة
وفيه فرق لما تكون العباية مسكرة او مفتوحة...
يضايقني جدا لما تكون مفتوحة ولما يكون بنفس لون الجسم
( أكبر عيب وفضيحة )يعني كأنها بدون لبس ..
وفوق هذا أصبح البعض يلبسون اللقن البرمودة
يعني إلى ماتحت الركبة شوي
يعني الساق يبين ..الحمدلله الذي عافانا مما ابتلاهم فيه..
الآن ألاحظ ظهرت موضة البنطلون الوسيع
وأشوف معروض في زارا وباقي المحلات...
لكن بعض البنات الله يهديهم مايلبسونه للسوق ويفضلون اللقن..
بالنسبة للبنات اللي حولي يلبسونه اللقن ولكن فوقه فستان قصير
أو بلوزة للركبة بحيث ماتظهر باقي المفاتن
والله يهدي الجميع...
ابن الجزيرة
15-10-2011, 07:44 AM
لا زالت المراءة القطرية من اكثر النساء حشمة واحتراما للباس المحتشم

بعض الاخوات ذكرت ان ذلك اللباس يقي من الحر ويسهل الحركة وانا مصدقهن

على الرجال ان يغضوا البصر ...زهذا امر من الله تبارك وتعالى

نحن نحمل المراءة كل الاوزار ولا ننظر الى اوزارنا واثامنا


"الادارة اغلقت موضوع ظاهرة "الشذوذ الجنسي" عند الرجال ..مع انها تركت موضوع "البويات" شهورا للنقاش..


ارى ذلك تحيزا ضد النساء ...وهذه الظواهر موجودة ويجب نقاشها باستفاضة من كل نواحيها الاجتماعية والنفسية


الا اذا لا زلنا مصرين على سياسة "النعامة" فذلك شان اخر
الأصيلة
15-10-2011, 07:48 AM
لا زالت المراءة القطرية من اكثر النساء حشمة واحتراما للباس المحتشم

بعض الاخوات ذكرت ان ذلك اللباس يقي من الحر ويسهل الحركة وانا مصدقهن

على الرجال ان يغضوا البصر ...زهذا امر من الله تبارك وتعالى

نحن نحمل المراءة كل الاوزار ولا ننظر الى اوزارنا واثامنا

والله أشوف أن أغلب الرجال اشبعوا من هذه المناظر..
لكن مب معناه تلبسه الأخت والعباية مفتوحة وتقول عشان الحر..
أي حر والمجمعات مكيفة...
وأي حركة اللي بيسهلونها..
كلها كم خطوة لداخل المجمع وتسوق وقعدة على القهوة...
والحين الستر هو اللي صار غريب وشاذ عن المنظر العادي الطبيعي...
الله يستر على بناتنا وبنات المسلمين...
هبوب الكوس
15-10-2011, 08:05 AM
اعتقد والله اعلم لبس هذا البنطلون يساعد على الحركة وبعد علشان الوحده تتجنب امراض الصيف والرطوبة مثل ام زليقه

هل هوا سبب الانزلاق الغضروفي
نورهان88
15-10-2011, 08:06 AM
أنتم يارجال بس عينكم على للي لابسة الليقنز تحت العباءة .... واللي لابستة بدون عباءة

مشلول عنها القلم...

طيب وينكم من حريم العرب والأجانب للي يتمشون في المجمعات اللي لابسه بنطال والليقنز

وغيرة ....

هذا مايلفت نظركم ... ولا فالحين بالتقزيقز على اللي لابسه العباءة وماذا تلبس تحت العباءة

الدين أمركم بغض البصر الحين أنتم تقزون العباءة ومايلبس تحتها.... خافوا ربكم يارجال

النظرة الأولى لك وبدون أستطاله بالنظرة أمداك في هذه النظرة تعرف ويش لابسه المراة تحت

العباءة ...

لا حولا ولا قوة إلا بالله
MAZEN37
15-10-2011, 08:07 AM
فهمتكم فهمتكم
نورهان88
15-10-2011, 08:11 AM
اخوي بوعلى مع كامل احترامي وتقديري لشخصك الكريم
انت تقول اعوجاج في اللبس انا اختلف وياك كليا بالعكس قمه الانوثه انه البنت تكشخ وتلبس وهذي غريزه انثويه
مثلك انت يالرجال دايمن تحب تكون كاشخ وزقرتي وتلبس ماركات ومطيب ومتبخر بازرق العود هذا وانت رجل فما بالك بنت
بتلبس اخر صيحات الموضه وبتكشخ بعد هي وهذي فطرتها




تعجبني مخطط قطري...

بس يلبس تحت العباءة ويش المشكلة
wadha-qa
15-10-2011, 08:39 AM
فيه فرق بين اللي تلبسه و تخلي العباه مفتوحه و اللي تلبسه و عباتها مسكره و ساترتها لانه مريح و خاصه الانواع القطنيه منه !
اسعاف
15-10-2011, 08:46 AM
ظاهرة ( اللقنز) والدعوة عامة لاشباع غرائز الرجال !!!

يعض الاسالة تحتاج لاجابة او تفسير :---------

1- ماهو الهدف من لبس هذا النوع من البنطلون الشبية بلهلهوب (اللقنز)؟
2- ماهو احساس من يلبسة خارج حدود البيت ( مجمعات -- زيارة --- مستشفى؟
3- ماهو اعتقاد لابسة هذا النوع من الفتن ولو تحت العباة بشي من الستر او لابراز تفاصيل الجسم للعامة من الناس ؟
4- ماهو الفرق بين لبس هذا النوع وبين عدم لبسة تحت العباة ؟
5- هل يتم لبس هذا النوع في البيت بدون عباة امام الخدم والاطفال ولماذا ؟

من شروط اللباش الشرعي للمسلمة

ان لا يصف (مب شفاف)

ولا يصف (مب لاصق على العضو فيبين حجمه)

وليس فيه مخيلة(كبرياء )

ولا من يشبه لباس الرجال

وهناك شروط اخرى للباس الرجال ليس بطويل (تحت الكعبين )وليس بحرير،وليس بمزعفر (اي اللون الأحمر
Carbon911
15-10-2011, 08:46 AM
خليتوا المفاصيخ وقعتوا طالعون اللي تحت العباية ههههههه الحمدلله وشكر...
انا البسة بس عباتي مسكرة ووووايد اريح واحسن ...
ريتويت
15-10-2011, 08:49 AM
لبس الحريم عباره عن حريه شخصيه لا اعتقد ان من المستحسن يتدخل الرجل منعا للاحراج
هبوب الكوس
15-10-2011, 08:54 AM
لا ماله خص الغضروف بالبنطلون . . . الانزلاق الغضروفي يكون اسبابه لبس الجاكيت فوق العباه

يقولك الضعط على الجسم يولد الانفجار
المفترسه
15-10-2011, 08:54 AM
هاي طبيعة الرجال يقز ويخلص عقب ينتقد
عيل وين غض النظر ؟؟؟
قناص 787
15-10-2011, 09:16 AM
هاي طبيعة الرجال يقز ويخلص عقب ينتقد
عيل وين غض النظر ؟؟؟

عيل الوحده تطلع شبه عاريه جدام العالم وماتبغي الناس

تشوفها واذا حد التفت عليها قالت مايستحي يقزززز

مادري من اللي مايستحي
المفترسه
15-10-2011, 09:28 AM
عيل الوحده تطلع شبه عاريه جدام العالم وماتبغي الناس

تشوفها واذا حد التفت عليها قالت مايستحي يقزززز

مادري من اللي مايستحي

وليش تشوفها اخوي العزيز وتاخذ اثم
رب العالمين امر الرجال بغض النظر عن عورات الناس
ولا تنسى انه العيون تزني بالنظر للمحرمات
والمتبرجه تاخذ ذنب من كل رجل غير محرم نظر لها

عرفت الحين من اللي مايستحي
قناص 787
15-10-2011, 09:36 AM
وليش تشوفها اخوي العزيز وتاخذ اثم
رب العالمين امر الرجال بغض النظر عن عورات الناس
ولا تنسى انه العيون تزني بالنظر للمحرمات
والمتبرجه تاخذ ذنب من كل رجل غير محرم نظر لها

عرفت الحين من اللي مايستحي

ورب العلمين يقول : «و قرن في بيوتكن و لا تبرجن تبرج الجاهلية الأولى

ولعلمج سبب الفتنه الحريم اللي مايستحون على وجيهم

واللي الوحده طالعه من بيتها مسويه عرض ازياء

وماخلت شي ماحطته ولا هالعبايات اللي طالعين فيها

الحين حشى مهب عبايه قميص نوم

عرفتي من اللي مايستحي
آلنـجــلآ
15-10-2011, 09:52 AM
كلكم تنطقونه غلط !

اسمه Leggings .. ليقينقز

وانا ألبسه كل مكان "دوام - مجمع - مستشفى - فندق - سوق الغنم - سوق الخضره - سوق المقاصيص"

لكن .. ما ألبس عبايه مبطله !

عبايتي مسكره لين تحت .. ومستحيل احط نفسي في موقف غبي وابطلها واخلي كل شي يبين .. هههه اصلا يضحك شكل الوحده هالشكل تمشي كنها ساحره رجول قدام وشي اسود وراها يرفرف .. أحس هلاقــه .. وانا مب هيلقيه : )

سو .. محد راح يعرف انا شلابسه اصلا .. والعبايه لو كانت ضيقه ومخصّره واللي تحتها تنوره بعد بتتفصل .. السالفه مب سالفة اللي تحت العبايه بعد ..

وطبعا البنطلون أستر بـ واجد من التنوره .. ياما اشوف أمهات وبنات مساكين لابسين تنانير ومنقبات ومحتشمات ولين جاوا يركبون السياره ولا ينزلون منها سيقانهم تبيّن بدون لايحسون .. وهالهنووود واقفين جدام البيبان بس شغلتهم يقزقزون

ترى مب كشخه ولا هو حلو لو الوحده تطلّع ريولها والعبايه تسحب وراها ..
المفترسه
15-10-2011, 09:52 AM
ورب العلمين يقول : «و قرن في بيوتكن و لا تبرجن تبرج الجاهلية الأولى

ولعلمج سبب الفتنه الحريم اللي مايستحون على وجيهم

واللي الوحده طالعه من بيتها مسويه عرض ازياء

وماخلت شي ماحطته ولا هالعبايات اللي طالعين فيها

الحين حشى مهب عبايه قميص نوم

عرفتي من اللي مايستحي

هههههه بالغت شوي في كلامك
لعلمك انه الوحده اللي تطلع بهالمواصفات اللي ذكرتها اخوها وابوها او زوجها
راضيين عن لبسها وانعدمت الغيره في قلوبهم ف ليش كله ننتقد البنت
وننسى الخرفان اللي وراها الله يهديهم ويستر على بنات امة محمد
قناص 787
15-10-2011, 09:57 AM
هههههه بالغت شوي في كلامك
لعلمك انه الوحده اللي تطلع بهالمواصفات اللي ذكرتها اخوها وابوها او زوجها
راضيين عن لبسها وانعدمت الغيره في قلوبهم ف ليش كله ننتقد البنت
وننسى الخرفان اللي وراها الله يهديهم ويستر على بنات امة محمد

الخرفان خرفان سواء في الدوحه والا غير الدوحه

لكن المشكله في الحريم اللي مالهم والي ولا لهم

حد يسنعهم اللي والوحده منهم تخيط وتبيط على كيفها

ف لا تلومون الشباب لين شافوا هالاشكال اللي يعرضون

نفسهم بس بشكل غير مباشر :)
Ahmed25
15-10-2011, 09:59 AM
كل البنات صاروا يلبسونه تقريبا ..
وكله عشان يلفتون النظر وتبين رجلها واتحدا اللي بتقول غير هالكلام ..

والحين بيردون البنات اللي فالمنتدا كلهم وبيقولون مانلبسه

ههههههه اي و الله ! كل البنات هنا محافظين وما يلبسون و ما يسوون شي غلط .. معصومين سبحان الله ...

بالنسبه لهالموضوع فهو كغيره من المواضيع ، اللي اهلها يسألون فيها ، بتحشم اهلها و تحشم الناس و تحترم نفسها .. و اللي اهلها مب سائلين فيها ، خلاص وش عليها من الناس وش على الناس منها :)
آلنـجــلآ
15-10-2011, 10:06 AM
ههههههه اي و الله ! كل البنات هنا محافظين وما يلبسون و ما يسوون شي غلط .. معصومين سبحان الله ...

بالنسبه لهالموضوع فهو كغيره من المواضيع ، اللي اهلها يسألون فيها ، بتحشم اهلها و تحشم الناس و تحترم نفسها .. و اللي اهلها مب سائلين فيها ، خلاص وش عليها من الناس وش على الناس منها :)

ماشالله يعني انتوا يا شباب المنتدى بعد كللللكم معصومين من الغلط ! :)

لان ماشوف حد يعترف بـ شي سواه !

عالاقل انا اعترف اني البس ليقينقز لكن قلت لكم انا اشلون البسه << هو مب جريمه عشان اعترف لكن شقول بس :secret:

وبعدين لاتنسى ان المنتدى فيه بنات واجد ومب كلهم بيردون

طبعا اللي بيردون هم اللي منقهرين على اعتقاداتكم العجيبه الغريبه
اليافعي 1
15-10-2011, 10:10 AM
أرى إن الموضوع بدأ يدخل في المهترات
ومن رأيي إن الموضوع وضع للنصيحة ليس الإ ,, وليس للتشفي بالفتيات

كذلك ينبغي على الأخوات إرتداء من يستر سواء كان في البيت أو خارج البيت
مع العلم إن إرتداء مثل هذا اللباس لا ينبغي حتى لو كان مع حريم , حيث يظهر الجسم مفصل ,, وهذا لا يجوز شرعاً ,,,
والله يحفظ بنات المسلمين
قناص 787
15-10-2011, 10:11 AM
ماشالله يعني انتوا يا شباب المنتدى بعد كللللكم معصومين من الغلط ! :)

لان ماشوف حد يعترف بـ شي سواه !

عالاقل انا اعترف اني البس ليقينقز لكن قلت لكم انا اشلون البسه << هو مب جريمه عشان اعترف لكن شقول بس :secret:

وبعدين لاتنسى ان المنتدى فيه بنات واجد ومب كلهم بيردون

طبعا اللي بيردون هم اللي منقهرين على اعتقاداتكم العجيبه الغريبه

افهمي الموضوع الله يرحم والديج الليقنقز او اللي يقز كلهم نفس الاسم

المهم الليقينقز لاهو بعيب ولا هو بحرام طالما البنت ساتره نفسها بعبايتها

لكن الكلام موجه حق الاشكال اللي تطلع عصاقيلها مادري ليش

ولا الحين قاموا يفتحون العبايه لين البطن وفي اشكال تطلع ظهرها

مادري ليش يلبسون عبايه بعد خلاص قطوا العبايه افضل لكم

هذول الاشكال اللي الناس تنتقدها اما اللي تلبس بس ساتره عمرها

مااعتقد حد بينقد عليها :)
آلنـجــلآ
15-10-2011, 10:15 AM
سبيـد فور إيفر ،

آنا فاهمه الموضـوع !

لكن أرد على اللي يتمسخر ان كل البنات اهني ماشالله بيطلعون محافظين ومايلبسوونه ومعصومين من الغلط

بليز يعني .. خايفين منكم ؟ اخاف حد يطلع لي من الشاشه مثلا ؟

كل وحده اكيد بتقول رايها فالموضوع فلا تقعدون تشككون بكلام العضوات

لا الكلام الزين يعجبكم ولا الكلام الشين . . مادري شتبون
هبوب الكوس
15-10-2011, 10:19 AM
سبيـد فور إيفر ،

آنا فاهمه الموضـوع !

لكن أرد على اللي يتمسخر ان كل البنات اهني ماشالله بيطلعون محافظين ومايلبسوونه ومعصومين من الغلط

بليز يعني .. خايفين منكم ؟ اخاف حد يطلع لي من الشاشه مثلا ؟

كل وحده اكيد بتقول رايها فالموضوع فلا تقعدون تشككون بكلام العضوات

لا الكلام الزين يعجبكم ولا الكلام الشين . . مادري شتبون

http://alweeam.com/wp-content/uploads/moammar-gaddafi.jpg
قناص 787
15-10-2011, 10:21 AM
سبيـد فور إيفر ،

آنا فاهمه الموضـوع !

لكن أرد على اللي يتمسخر ان كل البنات اهني ماشالله بيطلعون محافظين ومايلبسوونه ومعصومين من الغلط

بليز يعني .. خايفين منكم ؟ اخاف حد يطلع لي من الشاشه مثلا ؟

كل وحده اكيد بتقول رايها فالموضوع فلا تقعدون تشككون بكلام العضوات

لا الكلام الزين يعجبكم ولا الكلام الشين . . مادري شتبون

حنا مهب طالعين من الشاشه ولا نبيكم تخافون منا

نبيكم تخافون من الله وبسسسسسس والستر زين بارك الله فيج
آلنـجــلآ
15-10-2011, 10:23 AM
اشفيك بابا ضيّعت الموضوع؟ يعني انك اللي قايل كلام عجيب؟

انا قصدي خايفين منكم لو بنرد فالموضوع ان احنا مانلبس ؟ وشدخلني ابرر حق حد اصلاً

وليش تجمعني مع هالبنات اني ما اخاف الله؟

ترى صج صج .. النقاش وياكم عقيم ومايجيب نتيجه
قناص 787
15-10-2011, 10:26 AM
اشفيك بابا ضيّعت الموضوع؟ يعني انك اللي قايل كلام عجيب؟

وليش تجمعني مع هالبنات اني ما اخاف الله؟

ترى صج صج .. النقاش وياكم عقيم ومايجيب نتيجه

الله يهديج بسس من اجمعج معاهم الحين

وياماما روحي استحمي ونامي ياماما

الله يهديج ويصلحج بسس مادري شلون

تفهمين الموضوع الحين من داس لج على طرف

والا من قال النجلا معاهم شكلج للحين ماتريقتي :)
موضي قطر
15-10-2011, 10:33 AM
للجميع .. صلوا على النبي ..




غض البصر مطلوب .. والستر أولى للنساء
التيما
15-10-2011, 11:35 AM
لو طبقوا الرياييل سنة الله ورسوله بغض البصر مانتبهتوا اصلا .. بالعربي في اللي تلبسه لانه مريح وفي اللي تلبسه اغراء وشتان بينهم .. مثل ماهو في رياييل تغض بصرها عشان ماتشوف ورياييل تخصصها تغز الحريم وحجتهم ايش .....!!
لجين
15-10-2011, 11:36 AM
كلكم تنطقونه غلط !

اسمه leggings .. ليقينقز



ليقينقز من وين جايبتها !

اسمه ليقنز

عموما مثل ماقالوا الخوات اذا العباة مسكرة مافيها شي بالعكس اريح من التنورة
آلنـجــلآ
15-10-2011, 11:41 AM
ليقينقز من وين جايبتها !

اسمه ليقنز

عموما مثل ماقالوا الخوات اذا العباة مسكرة مافيها شي بالعكس اريح من التنورة

أوكي فديتج اكتبي leggings في قوقل .. واكتبي كلمتج " ليقنز " بالانجليزي بعد في قوقل وشوفي ايش يطلع لج :) ((عاد مادري شلون كلمتج تنكتب لانها اولريدي غلط!))

لانها كلمه انجليزيه مش عربيه اذا ماكانت عندج فكره

بس الناس مساكين يسمونها ليقنز او ليقن لان شوي لغتهم الانجليزيه ضعيفه
بوحمود500
15-10-2011, 11:47 AM
هاي مشكله ثانيه الحين لازم نقوي اللغه .......
آلنـجــلآ
15-10-2011, 11:49 AM
هاي مشكله ثانيه الحين لازم نقوي اللغه .......

المفروض ..

لان مب حلوه في حق الشخص نفسه انه يتكلم في كلمه هي محور الحديث ويكون نطقه لهالكلمه غلط

فكان واجب مني اني اصححها لكم :)

لأن اوصلت المواصيل ان في اعضاء كاتبينها "ليقن" .. شدعوه لقَن الخروف وانا مادري :/
التيما
15-10-2011, 11:53 AM
ماشالله يعني انتوا يا شباب المنتدى بعد كللللكم معصومين من الغلط ! :)

لان ماشوف حد يعترف بـ شي سواه !

عالاقل انا اعترف اني البس ليقينقز لكن قلت لكم انا اشلون البسه << هو مب جريمه عشان اعترف لكن شقول بس :secret:

وبعدين لاتنسى ان المنتدى فيه بنات واجد ومب كلهم بيردون

طبعا اللي بيردون هم اللي منقهرين على اعتقاداتكم العجيبه الغريبه

وليش تحرقين اعصابج ههههههه خلي اللي يتكلم يفتش ورا خواته ومرته وبناته وبيلاقي الكبت مليان وهو خبر خير هههههه حبيبتي من عاب في الناس مايشوف نفسه .. واللي يبي ينصح على قولة البعض لا يعيب في الناس قبل مايشوف بيته .. اللهم لا تبلينا من هالاشكال بس ..
طنشي ربي يسلمج دوم اللي ينتقدون عيونهم برا بيوتهم :nice:
mohamed ahmd
15-10-2011, 11:58 AM
امم الصراحه انا ملاحظ انه وايد كابسين عالبني فالمنتدى هم صج يستاهلون كبس بس مب لهالدرجه يعني اعتقد لازم نركز في اشيا اهم مثل ليش الخوانيه يلبسون ليقنقز:( يعني بنت فهمتها تبي تدلع ولى تبي ريل ولى ولى بس الاخوانيه ليش يلبسون! حد يفهمني
آلنـجــلآ
15-10-2011, 12:00 PM
الأخ طارق العلي

طبعا اكيد كاتب كلامك بمشاركة صديقتك الحلوه *هيّونه* .. سلَم عليها وخلها تخف شوي لاتنفجر

نرجع لـ محور الحديث ، مثل ماقلت سابقاً .. ما أقدر اشوف اخواني واخواتي الاعضاء الكرام يتكلمون في كلمه نعتبرها هي عروس النّص وفـ الاخير ينطقونها غلط

فإذا الله عطاني الثقافه العربيه والانجليزيه وكذلك الفرنسيه ، *الأسبانيّه انشالله فالطريق* .. ليش ما أصحح شي اشوفه غلط ؟

وبعدين هي كلمه وصلّحتها انتوا ليش نقزتوا وتضايقتوا؟ ..

وكل تفكيركم انه مهايط؟ :)
بوحمود500
15-10-2011, 12:03 PM
انا اشوف مافيها شي الواحد يتعلم المكسيكي بعد
دااانة قطر
15-10-2011, 12:04 PM
قبل ما أرد عالأسئله اكتشفت ان البعض من الشبااب عيونهم زاايغه .. وحجتهم البنت هي السبب انها تفتن بلبسها وكشختها .. طيب اذا الشي وااضح لكم بنقول هي السبب لكن اللي تحت العباايه شلون وصلتوا له بدون ماتقزون :eek5:
والعيب على أشبااه الرجاال في البيوت اللي يشوف هله يطلعون بهالصوره ولا يتكلم خاايف يشتكون عليه مو الحين عندنا حريه في كل شي:anger1:

1- ماهو الهدف من لبس هذا النوع من البنطلون الشبية بلهلهوب (اللقنز)؟
يختلف الهدف

2- ماهو احساس من يلبسة خارج حدود البيت ( مجمعات -- زيارة --- مستشفى؟
الله العاالم هل هي ونااسه لأن العاالم تطاالع فيهم
أم الإحسااس بالنقص لأن محد ملتفت صوبهم
أم هو مجرد تقليد أعمى لضعف الواازع الديني:weeping:
أم هل هو فعلااا اريح واسهل كما قرأت في بعض الردود ( عامي وفصحى):shy:

3- ماهو اعتقاد لابسة هذا النوع من الفتن ولو تحت العباة بشي من الستر او لابراز تفاصيل الجسم للعامة من الناس ؟
اختلف مفهوم العباايه لدى البعض فأكيد تغيرت نظرة الستر والاحتشاام لديهم

4- ماهو الفرق بين لبس هذا النوع وبين عدم لبسة تحت العباة ؟
الفرق وااضح اللي تبي الستر وعدم تفصيل الجسم تلبس شي مريح وفضفااض لأني ماشوف في البنطلون ولا الليقنز أي رااحه :rolleyes2:

واشوف العبااايه مع الهوااء تلصق بالجسم سوااء كاانت مسكره او مفتوحه والتنوره استر واللي حجتها ظهور السيقاان يعتمد عالوحده شلون بتنزل من السيااره وغير السيااره .. الحريم الكباار ماشااء الله صرااويلهم هي اللي تبين مو سيقاانهم:rolleyes2:
وحريم الأول اللي تمشي في الشاارع بعبااية الرااس والبطوله ماقد شفت عبيهم لاااصقه عليهم

5- هل يتم لبس هذا النوع في البيت بدون عباة امام الخدم والاطفال ولماذا ؟
في البيت نعم لكن مع البلوزه الطويله

ليت الأسئله كاانت كالآتي
1)لمــــــاذا تفضل الفتاة اللبس العاري على اللبس المحتشم ؟؟
2)لمـــــاذا لانرى اللبس المحتشم في السوق بكثرة مثل اللبس العاري؟؟
3)ماهي الأضراااار الناتجة عن التخلي باللبس المحتشم؟؟
3)كيف نستطيع أن نعيد اللبس المحتشم إلى مجتمعنا ؟؟

وأعتقد كاان في موضوع عن اللبااس المحتشم بين النسااء
وان شااء الله يفيدكم هالراابط
http://www.saaid.net/Doat/assuhaim/85.htm
آلنـجــلآ
15-10-2011, 12:10 PM
انا اشوف مافيها شي الواحد يتعلم المكسيكي بعد

مافي لغه مكسيكيه

لان المكسيكيين يتكلمون اللغه الاسبانيّه .. أو بالاحرى .. يسمونها "كاستيليان" لكن هي الاسبانيه ، بغض النظر عن انهم شوي لهجتهم تفرق في بعض الكلمات

نفس الانجليزي في بريطانيا .. والانجليزي في امريكا

// شفتوا شلون انا مفيده :)
Best Man
15-10-2011, 12:17 PM
مافي لغه مكسيكيه

لان المكسيكيين يتكلمون اللغه الاسبانيّه .. أو بالاحرى .. يسمونها "كاستيليان" لكن هي الاسبانيه ، بغض النظر عن انهم شوي لهجتهم تفرق في بعض الكلمات

نفس الانجليزي في بريطانيا .. والانجليزي في امريكا

// شفتوا شلون انا مفيده :)


انا من هالمنبر اطالب بان يحطونج في متحف قطر الوطني للمحافظه عليج

مخزون ثقافي عندج لا يستهان فيه ..اتوقع البترول بيخلص وثقافتج للحين
<< ناوي يعطيج عين :omg:
هبوب الكوس
15-10-2011, 12:19 PM
ودكم اي وحد لابسته وفاتحه العبايه ومطلعه عصاقيلها

ترصها بخيزران علشان اتحرم تلبسه مره ثانية
دااانة قطر
15-10-2011, 12:21 PM
ودكم اي وحد لابسته وفاتحه العبايه ومطلعه عصاقيلها

ترصها بخيزران علشان اتحرم تلبسه مره ثانية

:nice::nice::nice:

وانا بتطمش
آلنـجــلآ
15-10-2011, 12:23 PM
انا من هالمنبر اطالب بان يحطونج في متحف قطر الوطني للمحافظه عليج

مخزون ثقافي عندج لا يستهان فيه ..اتوقع البترول بيخلص وثقافتج للحين
<< ناوي يعطيج عين :omg:


الافضل يسوون مجسّم بالشمع على مخّي ويحطونه في متحف مدام توسو بكل فروعه :pic:
قطر دزاين
15-10-2011, 12:31 PM
ما اعرفة
Hamada-Sama
15-10-2011, 12:32 PM
قبل ما أرد عالأسئله اكتشفت ان البعض من الشبااب عيونهم زاايغه .. وحجتهم البنت هي السبب انها تفتن بلبسها وكشختها .. طيب اذا الشي وااضح لكم بنقول هي السبب لكن اللي تحت العباايه شلون وصلتوا له بدون ماتقزون :eek5:
والعيب على أشبااه الرجاال في البيوت اللي يشوف هله يطلعون بهالصوره ولا يتكلم خاايف يشتكون عليه مو الحين عندنا حريه في كل شي:anger1:

1- ماهو الهدف من لبس هذا النوع من البنطلون الشبية بلهلهوب (اللقنز)؟
يختلف الهدف

2- ماهو احساس من يلبسة خارج حدود البيت ( مجمعات -- زيارة --- مستشفى؟
الله العاالم هل هي ونااسه لأن العاالم تطاالع فيهم
أم الإحسااس بالنقص لأن محد ملتفت صوبهم
أم هو مجرد تقليد أعمى لضعف الواازع الديني:weeping:
أم هل هو فعلااا اريح واسهل كما قرأت في بعض الردود ( عامي وفصحى):shy:

3- ماهو اعتقاد لابسة هذا النوع من الفتن ولو تحت العباة بشي من الستر او لابراز تفاصيل الجسم للعامة من الناس ؟
اختلف مفهوم العباايه لدى البعض فأكيد تغيرت نظرة الستر والاحتشاام لديهم

4- ماهو الفرق بين لبس هذا النوع وبين عدم لبسة تحت العباة ؟
الفرق وااضح اللي تبي الستر وعدم تفصيل الجسم تلبس شي مريح وفضفااض لأني ماشوف في البنطلون ولا الليقنز أي رااحه :rolleyes2:

واشوف العبااايه مع الهوااء تلصق بالجسم سوااء كاانت مسكره او مفتوحه والتنوره استر واللي حجتها ظهور السيقاان يعتمد عالوحده شلون بتنزل من السيااره وغير السيااره .. الحريم الكباار ماشااء الله صرااويلهم هي اللي تبين مو سيقاانهم:rolleyes2:
وحريم الأول اللي تمشي في الشاارع بعبااية الرااس والبطوله ماقد شفت عبيهم لاااصقه عليهم

5- هل يتم لبس هذا النوع في البيت بدون عباة امام الخدم والاطفال ولماذا ؟
في البيت نعم لكن مع البلوزه الطويله

ليت الأسئله كاانت كالآتي
1)لمــــــاذا تفضل الفتاة اللبس العاري على اللبس المحتشم ؟؟
2)لمـــــاذا لانرى اللبس المحتشم في السوق بكثرة مثل اللبس العاري؟؟
3)ماهي الأضراااار الناتجة عن التخلي باللبس المحتشم؟؟
3)كيف نستطيع أن نعيد اللبس المحتشم إلى مجتمعنا ؟؟

وأعتقد كاان في موضوع عن اللبااس المحتشم بين النسااء
وان شااء الله يفيدكم هالراابط
http://www.saaid.net/Doat/assuhaim/85.htm

من وجهة نظري هذا أحسن رد قريته لهذا الموضوع ... :nice:
Hamada-Sama
15-10-2011, 12:40 PM
لبس الحريم عباره عن حريه شخصيه لا اعتقد ان من المستحسن يتدخل الرجل منعا للاحراج

كشف مفاتن المرأه وعورتها للرجال يعتبر حرية شخصية !!! ... والله كلام جميل :nice:
super jet
15-10-2011, 12:51 PM
شي تحت العبايه مالنا حق نسولف فيه المهم مستوره

لكن بنات الدون اللي من بعض الجنسيات العربيه اللي تلبس سترج وبديات وكل شي مرصص والجسم
كله شحوم ولحوم كنها بقره هولنديه ومعا هذا كله لابسه حجاااااااااااااااااااااااب !!!! الله يخرب بيت التناقض
اللي عايشته !
كيلو حديد
15-10-2011, 01:00 PM
عاد لحد يقنعني وحده تلبسه وتفتح العباه قصدها تكشخ وما همها الرجال
عسى ما شر

عسى عسى ما شر

اشخلت وشبقت

تلبس بنطلون يبين كل تفاصيل وروجها وسيقانها وعورتها وعقب تقول لا تطالعوني
عسى ما شر

اوكيه انا ما اقزقز واحاول ما اطالع بس بعد في مناظر غصب عن الواحد يشوفها
يعني امشي ووجهي بالارض عشان فلانه ولا علانه تبي ترتاح بمشيتها وتفتح العباه

انزل راسي عشانها ، اتخسي والله

المفروض هي تستحي وتحشم نفسها وتغطي بالعباة لو عاجبها

وبعدين الي تقول مريح ومن هالسوالف عاد الله يخليكم بس لا تكثرون من هالكلام
زمان الواسع كان مريح ويهوي والحين الضيق صار هو المريح

الموضوع موضوع موضه وبيجي يوم بتنتهي هالموضه والبنات يغيرون وبعد بيقولون مريح

الجنز اول ما البسوه قالوا مريح ويريحنا بالحركه

جا لسكني قالوا مريح ويريحنا

والحين هاليقنز بعد يريحهم

كله كلام يقصوا فيه على بعضهم

الحين هالضيق الي يلم الحرمه لم اريح من الجلابيه
ههههههههههههههههههههههههه

الي يسمعهم يقول يتنططوا تنطط مب يمشون براحتهم

القصد واضح جري اعمى ورى الموضه وبس

ولا دامه من زمان موجود مثل ما قالوا البعض ليش ما كانوا يلبسونه

الا يقهرني وحده تلبس هالشكل وتقول ما قصد اثير الرجال

عيل الرجال لو يلبس مثل هاللبس وش بيقولوا عنه الحريم
يلبس ليقنز ضيق يبين معالم جسمه عدل

بيقولون وع

مقرفه الي تلبس هاللبس واحسها ما تعرف ان المرأه في تعريها وإظهار جمالها تتحول من
جميلة لشي مقرف يثير أخس ما بالانسان من شهوه وهي شهوة الجنس

يبي لنا على الافكار الي تنتشر بالبلد نفصل ثياب شفافه وصراويل شفافه بعد
ليش احنا بعد ندور الراحه
هههههههههههههههههههه
.Q a T a R.
15-10-2011, 01:05 PM
قبل مانلوم البنات

انلوم الخرفان الي في البيت , الاخ ,, الزوج ,, الاب

الي كل واحد منهم قرنه صار اطول من الثاني

لو الوحده عندها رجال فالبيت كان ماشفت هالاشكال في اي مكان وكان ماشفت لاتحت العباه ولا غيره

ولاكن شدقول فالخرفان الي عندها فالبيت ,, ولا وطالعين بعباه وعليها حزام ,, البسي فستان وخلاص

ارد وقول الشره على الخرفان الي فالبيت , والى البنت ماينشره عليها ناقصه عقل ودين
لحد يجي وفهمني ويتفلسف في ناقصه عقل ودين ,, خلكم في الخرفان وهم سبب الفتن

وسلامتكم
كيلو حديد
15-10-2011, 01:07 PM
كلامي موجه للي تفتح العباة

الي تلبس تحت العباه تلبس وش ما تبي هذا كيفها دام متستره

،

طبعا اهلها وجماعتها يبي لهم ضرب

بس بعضهم ما يهمهم وبعضهم ما يدرون تطلع متغطيه
توصل المجمع تفتح الستاره وتعالوا شوفوني


عقب فتره تجيك وحده تفتح نص نحرها وتقول ما همني الرجال اهم شي اكشخ
ههههههههههههههههههههههههههههههههه


والله حاله

حتى الغرب ما همهم الرجال بس يهمهم يكشخون بس
مريومة
15-10-2011, 01:15 PM
موضوع الخوانية بالاول حذفتوه

والثاني سكرتوه ..

وفي هالموضوع اللي يناقش هلهوب البنات .. الكل يفتي

والمشكلة رجال .. يتكلمون عن الهلهوب .. اشخليتوا لليهال

والله عيب ..

ماقدرتوا تصلبون الاخوانية .. رديتوا على البنات وهلهباتهم

الله المستعان