المساعد الشخصي الرقمي

مشاهدة النسخة كاملة : اقتراح ضروري الى حماية المستهلك



sh50
15-10-2011, 12:07 PM
اخواني واخواتي لا بد نتكاتف ونطالب بشده من ولاة الامر الله يحفظهم
وان شاء الله ما يقصرون لكن علينا النصح

اولا حمايه المستهلك بالشكل الحاضرليست قويه والدليل ما نراه من ارتفاع في الاسعار لذلك نطالب
بوزارة او هيئه قويه تردع التجار والمحلات التجاريه بقوة
ثانيا فتح مكاتب حماية المستهلك في كل منطقة
ثالثا تزويد كل مكتب مع التنسيق مع الشرطه بسيارتان من الشرطه تدور يوميا على المحلات التي تابعه لها
رابعا توظيف عدد كبير من المواطنين وابناء القطريات في حماية المستهلك 000
خامسا اعادة الاسعار الى ما قبل خمس سنوات

واعادة الاسعار ضرورية الى ما قبل خمس او حتى عشر سنوات لان الارتفاعات غير مبرره ولا بد من ضرب بيد من حديد على جشع التجار

شموخ دائم
15-10-2011, 01:36 PM
,

,


مرحبا


علينا ان نطلب الامور بالمعقول وحمايه المستهلك امامها امور تحطها في الاعتبار

قبل عشر سنوات ايجار المحل بقطر 3000 ريال ورسوم الاقامه من الجوازات للعامل الهندي 100 ريال
والان اسعار ايجار المحل 12 الف ريال ورسوم الاقامه من الجوازات 1200 ريال

خل الدوله ترجع سعر الايجار 3000 ريال وترجع سعر الاقامه للعامل الى 100 ريال
:)
بترخص الاسعار اكيد

حمايه المستهلك تراعي هذه الامور
هذا يسمونه التضخم في البلد وهو يحصل بكل دول العالم

كان راتب القطري 6000 ريال ذيك الايام وسعر الكروزر 80 الف ريال
والجريده سعرها ريال
والان سعرها ريالين

كان راتب الوزير 30 الف وكنا نتخرع من هذا الراتب
ههههه
الحين كل واحد ياخذ هذا الراتب وبنفس الوقت الاسعار تطلع معاه


ولان شوفوا الراتب القطري كم وشوفوا سعر السيارات كم صار

كان سعر الفيلا بقطر 400 الف ريال
والبيت الشعبي 200 الف ريال


الان هذا المبلغ ما يجيب حتى نص ارض خاليه

:)

هذا هو التضخم ويحصل بطريقه معينه وخلال 10 سنوات او 20 سنه تختلف كل الامور

وعليك تتوقع شنو راح يصير بعد ( 20 سنه من الان ) اذا الله عطانا عمر



,

,


اخوك


شموخ دائم

sh50
15-10-2011, 02:38 PM
شموخ دائم
اقدر اهتماك لكن دفاعك عن هالارتفاعات الرهيبه غير مبرر الا اذا كنت تاجر ومساهم بشكل كبير في الارتفاعات
ودفاعك المستميت عن جشع التجار يدل علئ ذلك وغير مبرر
سوف نطالب من حكومتنا ان
تضرب بيد من حديد علئ جشع التجار واستغلاهم طيبة الناس ورفع الاسعار بشكل جنوني في كل شي
وان يفعل عمل حمايه المستهلك بشكل يوقف هذا الارتفاع الرهيب في كل شي

شموخ دائم
15-10-2011, 03:22 PM
,

,


مرحبا

كنت اتمنى يكون النقاش على الموضوع ونتحاور فيه بالعقل وبعيد عن التعصب

لكن من الواضح الي يختلف معاك بالفكره او النقاش بصبح ( تاجر جشع )

الحين اصبحت انا سبب ارتفاع الاسعار وانا سبب مشاكل قطر
:)

لازم يعني تحولون كل موضوع شخصي لمجرد اختلاف في الراي

ووضعي في قائمه التجار الجشعين واتهامي بهذا والدخول في النيات

دليل على عدم توافق النقاش هنا

اذا ما عندك سعه صدر لسماع الراي الاخر فالاحسن ما تنزل موضوع

او نزل موضوع وخل المشرفين يعملون اغلاق له حتى محد يزعجك ويحط رد يخالف راي سعادتك

:)

شكرا لك

,

,


اخوك


شموخ دائم

wld q6r
21-10-2011, 10:27 AM
,

,


مرحبا


علينا ان نطلب الامور بالمعقول وحمايه المستهلك امامها امور تحطها في الاعتبار

قبل عشر سنوات ايجار المحل بقطر 3000 ريال ورسوم الاقامه من الجوازات للعامل الهندي 100 ريال
والان اسعار ايجار المحل 12 الف ريال ورسوم الاقامه من الجوازات 1200 ريال

خل الدوله ترجع سعر الايجار 3000 ريال وترجع سعر الاقامه للعامل الى 100 ريال
:)
بترخص الاسعار اكيد

حمايه المستهلك تراعي هذه الامور
هذا يسمونه التضخم في البلد وهو يحصل بكل دول العالم

كان راتب القطري 6000 ريال ذيك الايام وسعر الكروزر 80 الف ريال
والجريده سعرها ريال
والان سعرها ريالين

كان راتب الوزير 30 الف وكنا نتخرع من هذا الراتب
ههههه
الحين كل واحد ياخذ هذا الراتب وبنفس الوقت الاسعار تطلع معاه


ولان شوفوا الراتب القطري كم وشوفوا سعر السيارات كم صار

كان سعر الفيلا بقطر 400 الف ريال
والبيت الشعبي 200 الف ريال


الان هذا المبلغ ما يجيب حتى نص ارض خاليه

:)

هذا هو التضخم ويحصل بطريقه معينه وخلال 10 سنوات او 20 سنه تختلف كل الامور

وعليك تتوقع شنو راح يصير بعد ( 20 سنه من الان ) اذا الله عطانا عمر



,

,


اخوك


شموخ دائم


كلامك صحيح طال عمرك بس اذا انت راتبك 17 الف انا موظف قطري اشتغل في احد البنوك و راتبي 16 و شئ تعتقد لو وصل 20 ولا 25 بيكفي اصرف على زوجتي و عيالي و كل شئ غالي ليش التجار يشوفون انت شنو عندك و ياخذونه منك بالغصب لو عن الغلى على كلامك طال عمرك بعد 20 سنه الريال القطري بيصير نفس التومان لانه مليون تومان يصير 3500 تقريبا هل انت تبي يصير اسعارنا جذي يعني :secret: الصراحه اتمنى التجار ما يرفعون الاسعار و ان يكون في توازن بالاسعار والسموحه على الكلام اذا كان فيه شئ من المضايقه لك طال عمرك

ابوالكلام
21-10-2011, 01:00 PM
الدولة تشجع الاستثمارات يعني تتوقع بتطلع قوانيين صارمة ضد التجار ماعتقد

OREO
21-10-2011, 02:43 PM
المشاكل كلها بسبب سوء تخطيط الجهات المسؤوله من بداية ٢٠٠٣ و هذا رايي الشخصي و لحد يزعل ،،،

شموخ دائم ،،، عجبني كلامك و فعلاً اذا بغينا نقضي على التضخم اللي احنا فيه لابد الدولة تبادر بالتغيير و ترجع المياه لمجاريها ،،، لكن حكومتنا هي اللي بادرت و رفعت اسعار الضرائب المباشرة و الغير مباشرة لان ما فكت ارتباط الريال بالدولار من البدايه او بالاصح الريال القطري مربوط مع عمله واحده بخلاف العملات الثانيه اللي مربوطه بعدة عملات منها الذهب ،،،

الجمله هذه فقط للناس اللي فاهمين معنى التضخم ،، ( سعر الشاورما ما راح ينزل الا تكون في بادره من الدولة لاجل تثبيت سعر الصرف مع الذهب او شراء الذهب و تجميده لاجل سعر الشاورما ينزل ) ،،، و هذا يكلفنا كثير كثير لان علينا شراء الذهب بالمليارات و تجميده في البنك الدولي لاجل ارجاع سعر الصرف على ما كان ،،،

للاسف زيادة الرواتب اللي جاتنا اعتبرها مجرد تعديل دخل الفرد مقابل سعر الصرف امام بقية العملات لا اكثر ،،،