ليش الدوام من الساعة 7 إلى 2

[سيف الحرية]

ليش الدوام من الساعة 7 إلى 2

وهل في انتاجية طول وقت الدوام

ليش ما يكون مثلا للساعة 1 عشان الناس تستفيد من وقت العصر

[R 7 A L]

لانه من الساعة الواحد حتى الثالثة
هو افضل وقت لكي تظهر القدرات الخارقه للموظفين
:secret:


يتعذرون بالمراجعين !!!!

اغلب المراجعين ماعاد له نفس يراجع بعد الساعه 11
اي بعد صلاة الظهر

[بوخالد911]

هي مش بالمزاج

وتبي الصج : ساعات الانتاج في الساعات الاولى من الدوام

والباقي سوالف وووو

[سيف الحرية]

لازم تكون للموظفين كلمة من إضاعة الوقت بطول الدوام لو في انتاج قلنا زين بس ما فيه ...
تضيع اعمارنا في الدوام وبعدين نرجع نبي ننام خلاص خلص يومنا ... إلى متى السكوت ؟؟؟

[بوحارب]

احنا دوامنا من 6 لين 2

ونص الوقت يروح على الفاضي :(

[بوعلي 8]

المفروض من 8 الى 1 أشوف هالوقت جدا مناسب

[بـن عدوان]

عشان اللي يخلص دوامه قبل يروح يراجع معاملته عند اللي بيخلص الساعه 2

[alma3ani]

المفروظ الدوام من 8 الين 1

قبل فترة قريت احصائية ان الدول العربيه مايشتغلون بليوم الا 30 ثانية فقط وهي نسبة الانتاجية

اول شي ماصدقت لاني ما اشتغل بس لمى اسال الناس الكل يقول نشتغل يومين ثلاثه بشهر والباقي اسم ان احنا انداوم

[ام السعف]

مع ان في اماكن يقولون لك لا مراجعات بعد الساعة 12 ونص :(

طول الدوام مب حلو كلش بالمرة :(

[بن رومي]

احسن شي تصلي في الدوام او على الخط وانت راجع ,

تاخذ اعيالك وترجع البيت , وتتغدى وعندك وقت اتقيل اشوووووووووووي


يازين ايام اول


بن رومي

[راسي براسك]

ندااوم سبع ومانصحصح الا 9 ونشتغل لين 10 وشي وباقي الوقت نفتر بين الاقسام


:)

[ريتويت]

حنا دوامنا من 9 لين 6

[همي رضاكم]

انا من 7 لين 3 ونص

الله يعين بس

[romepalaces]

نحن في الامارات من 7 الى 3 :weeping:

[بوحمد1]

كانت فيه خطة للاخوات الموظفات بتقليل ساعات العمل بس مدري وش صار في الموضوع !!!

[للصبر اخر]

عيل اللي يداومون من 7 لين 3 ونص شيسوون
الله المستعان

[آلنـجــلآ]

يعني شدعوه تبون تمشون عكس دول العالم

ترضونها في حق بلادكم ان دواماتكم لين 12 مادري 1 .. تبون يضحكون علينا الناس ان احنا كساله مثلا!

اصلا هو شي مب طبيعي وحتى لو كان فيه راحه لي ولغيري انا ما أأيده صراحه -_-

[moonبنتnight]

صار شي عادي في هل زمن 00
بس دوام المدارس عيلنا لي عله 00

[jeep-srt8]

دوامي 8 لين ال1

عصر 4 لين 9

والراتب الله بالخير :(

[البيت بيتك]

من 7,30 الى 1
والله العظيم انا ايام قبل احسن والوقت غيروالجمعه على الغداء ولا اروع بس كل شي تغير مع تغير العالم

[همسه]

كانت فيه خطة للاخوات الموظفات بتقليل ساعات العمل بس مدري وش صار في الموضوع !!!

من فتره كنت افكر في هالموضوع ماعاد سمعنا عنه شي

:)

[Meero]

عيل احنا دوامنا من

7 لين 3 ونص العصر :weeping:

والله ولا ورقه نسوي بس جي قاعديين

(( عماله فائضه )) :secret:

[al saad]

زادو ساعات العمل عشان عطوكم يوم اجازه زيادة يوم السبت فقسمه على الاسبوع

خلاص تنازلو عن يوم السبت وداومو من 7 الى 12

اسف على التعبير بس سبحان الله الانسان طماع ^___^

[دااانة قطر]

يعني شدعوه تبون تمشون عكس دول العالم

ترضونها في حق بلادكم ان دواماتكم لين 12 مادري 1 .. تبون يضحكون علينا الناس ان احنا كساله مثلا!

اصلا هو شي مب طبيعي وحتى لو كان فيه راحه لي ولغيري انا ما أأيده صراحه -_-


اول شي خلهم يوظفون للحااجه مو يوظفونا ويعينونا بمسمى وظيفي غير والشغله غير اسبوع شغل كرف والباااقي شي بسيط اياام تمر مبققين عيونا بالمنتديات ولا نقرا في المصحف او في كتاب
صرت اخااف يوم من الأياام يعتبرني مسؤؤلي عماالة فاايضه ويستغني عني
وكل ماطلبنا شغل او دورات تعللوا مافي حد يغطي طيب وين الشغل عشاان حد يغطيه
ويوم جبنا طااري الشغل من البيت قاالوا بتهملون الشغل وبترااكمونه؟؟!!

[warq-3nb]

احنا دوامنا من 7 ونص لين 3 عادي

[MAZEN37]

زادو ساعات العمل عشان عطوكم يوم اجازه زيادة يوم السبت فقسمه على الاسبوع

خلاص تنازلو عن يوم السبت وداومو من 7 الى 12

اسف على التعبير بس سبحان الله الانسان طماع ^___^:nice::nice::nice:

[almaf1a]

5 ساعات كافيه جدا

الحياة الاجتماعيه راحت والسبب الدوامات الطويلة

[عازف العود]

شرايك تبدل معاي بدوامي انا دوامي من الساعه 7 ونص لين 3 ونص

[fooz55]

(الحمد لله)
يارب لك الحمد على كل نعمة أعطيتها أو منعتها، فأنت أعلم بي مني بما يفيدني وبما يضرني يارب لك الحمد،

وظيفتي من الساعه 6:30 واحلى طلعت من الفجر

وبعد احلى فنجال قهوة عند ابوي فالمجلس

والعودة للغداء الساعه 1:00 الظهر مع زحمه الناس

والى احلى من هذا كله .. وكنت اتمناه من زمان .. ما معانا بنات ولا تمييز

رابع وظيفه اروح لها .. والاخيرة ان شاء الله

[ضيف الدولة]

في الفترة الاخيرة صارت هناك خطة للدوام في بعض الوزارات او كلها ما ادري وهي أن من دوام

الساعة 7 ينصرف الساعة 1
ومن داوم
الساعة 7.30 ينصرف 1.30
ومن دوام
الساعة 8 ينصرف الساعة 2

وهو مرن كما تلاحظون وفيه فوائد كثيرة لان بعض الناس نشيط ويحب ياتي مبكرا وينصرف مبكرا وبعض الناس يتاخرون صباحا وما عندهم مانع يبقون إلى وقت متأخر في الدوام

[دااانة قطر]

في الفترة الاخيرة صارت هناك خطة للدوام في بعض الوزارات او كلها ما ادري وهي أن من دوام

الساعة 7 ينصرف الساعة 1
ومن داوم
الساعة 7.30 ينصرف 1.30
ومن دوام
الساعة 8 ينصرف الساعة 2

وهو مرن كما تلاحظون وفيه فوائد كثيرة لان بعض الناس نشيط ويحب ياتي مبكرا وينصرف مبكرا وبعض الناس يتاخرون صباحا وما عندهم مانع يبقون إلى وقت متأخر في الدوام


ياليت يطبقونها

[الفرحه]

اي والله يا ليت

[QatariFallah]

في ناس اداوم من 6 ل 3 و 4
احمد ربك
وبعدين ترى للحين محد خصم من رواتبنا على الساعه مالت الغدا اللي تضيع عالفاضي بالدوام..في شركات تخصمها من الراتب وتقول هذا الوقت مافيه اي شي يفيد الشركه

فقول الحمدلله

الدوام الرسمي بالقانون 8 ساعات
عاد وكل شركه تسوي الوقت اللي تبيه..المهم 8 ساعات

[سيف الحرية]

نعم ضاعت اعمارنا بالدوام الطويل ....

[شميرام]

هو الدوام الرسمي من 7-2 لكن الواقع شي ثاني نصهم المنتظم يداوم من 7.30 -1.30 طبعا في غير منتظمين اذا صار الدوام من 8-1بيصير من 8.30 او 9 لين 12.30 ورمضان اقرب دليل
*

[شميرام]

يعني شدعوه تبون تمشون عكس دول العالم



ترضونها في حق بلادكم ان دواماتكم لين 12 مادري 1 .. تبون يضحكون علينا الناس ان احنا كساله مثلا!

اصلا هو شي مب طبيعي وحتى لو كان فيه راحه لي ولغيري انا ما أأيده صراحه -
_- هههههههههه تمر علي شهور قاعده جيه لا شغله ول مشغله وتمر علي اسابيع ماقدر احك راسي كراف كراف كراف أنا ما ركم الشغل بس طبيعه شغلنا شغل في شهور معينه ،،، الله يخلي الجرائد واليوتيوب أنا وحده اذا عندي شغل اقعد اذا ما عندي شغل و اخر شهر استأذن ول شنسوي في الدوام النشاط والكسل ماله خص في اوقات الدوام ،،، اليهال في المانيا
ا يطلعون وحده وخطوتين بالسيكل ول سكوتر الا هم في بيوتهم وعيالنا وعليه عليهم 2 ونص يوصلون البيت في ذي الحر ،،،، طبعا في المانيا وغيرها يقصون ساعه في الشتاء ،،،مافي مجال للمقارنه بين باقي الدول المفروض المقارنه بين اوقات الدوام وكميه إنجاز العمل بسرعه المطلوبه او في الوقت المناسب

[غابت الشمس~]

محد ماكلها الا المدرسين

من 7 لين 2 وهم شغالين مايقعدون

الراحه بالجنــــــــــــــــــــه إن شاء الله

[LiL iNVe$ToR]

من 7 لين 7 :)

[حفيدعمر]

الداوم من 6 الى 1 افضل

[na7ees]

ماتبي امشونلك راتب وانت قاعد في البيت
هههههههههه
اضحك معاك

[رجل الجزيرة]

ليش الدوام من الساعة 7 إلى 2

وهل في انتاجية طول وقت الدوام

ليش ما يكون مثلا للساعة 1 عشان الناس تستفيد من وقت العصر

بس انت قول الحمد لله ويش رايك ان دوام مؤسسة حمد الطبية من الساعة 7 لين الساعة 3.

[A.L.I]

المفروض من 8 الى 1 أشوف هالوقت جدا مناسب

ذكرتني بدوام في رمضان

[بوسلمان 2010]

والله الدوام من الساعة 6 الى الساعه 1 الظهر هذا دوام مظبوط اما الى الساعة 2 و3 و4 الله لاجيبه صوبنا

[بوعلي 8]

الدوام العادي من : 7.30 ألى 1.30

من الساعه : 8 يعتبر متأخر ...

[ام علي1981]

من 7-3
ادش البيت 3 ونص مااحس ببركة اليوم

[جمال اليافعي]

انا كان دوامي باليابان من 9:30 الصبح لـ 5:30 المغرب .. طبعا في ساعه أستراحه غدا من 1 لـ 2 الظهر .. غير بريك صلاة الظهر والعصر ههههه ..

يحترمون الأديان بشكل مهب طبيعي بس أهم شي الواحد شغوول

[يافعي]

احمد ربك في ناس تداوم لين 5 !

[حلاة الروح]

الحمدالله على كل حال

كان دوامي من الساعه 7:00 الى 3:30 يعني اوصل البيت الساعه 4:15 الحمدالله على كل حال

[سيكل]

هذا الدوام تغير في كل مكان ، في جهات عمل من الساعة 7.30 - 2.30 وأخرى من الساعة 7 - 2 ، لأن اجازه الجمعة والسبت ولذلك ساعات العمل للسبت توزعت على ايام الاسبوع

[سيف الحرية]

الي يقول أحمد ربك هذا شخص مستسلم لواقعه غير راضي عليه.ومع هذا مستسلم ...

وبعد ناسي أن من حقه ان يرفض ويحتج على تضيعة العمر بالدوام الطويل دون فائدة !!

[M7ammd]

بصراحة موضوع الدوام سبب مشكلة كبيرة بالنسبة لي و الحين راح اشرح لكم

انا ابي اقوم لصلاة الفجر وشوفوا مثلا على مدار السنه يأذن من 3 تقريبا الين 5 حسب الفصل

انا دوامي يخلص من 7 ونص الين 3 و اطلع و اوصل البيت الساعة 4 او اربع الا ربع بعد ما اصلي العصر و احاول انام لي نص ساعة او ساعة اذا كان فيه وقت طبعا و بعدها اكمل حياتي العادية اروح اسلم على اهلي واقعد معاهم و بعدها اروح مجلس الوالد و اقعد معاة واخلص لي شوية مشاوير وارجع البيت على 10 ونص او 11 .

طبعا تعال حاول تنام يبي لك مش اقل من نص ساعة او ساعة يعني قول بتنام على الساعة 12 قولي كيف بتقوم الساعة 3 الفجر عشان تصلي الفجر ؟!

والله يا جماعة الوضع صعب مرات انام ساعتين بس و اروح اصلي ولما ارجع ما يجيني نوم و المشكلة الويك اند الي المفروض نجتمع فيه مع الاهل اعوض حاجتي لنوم .

والله لو يصير الدوام من 8 الين 1 زين و يكسبون فينا اجر والله يا جماعة الخير اني اشتغل يمكن مرات فاليوم ما تمر علي معاملة وحده .. مب حرام هالوقت يروح عالفاضي ؟!

حتى احنا كموظفين والله صرنا ملينا من الدوام و حتى الي معانا فالدوام والله اني اشوفهم واقعد معاهم اكثر من اهلي .

والله يا الربع اني احب الشغل و استانس لما يجيني شغل واحاول انجزة بافضل شي بس حتى لو الدوام ساعات العمل كثيرة والشغل مب محتاج لها .. يعني مرات اقعد و احط يدي على خدي و لا اسولف مع الشباب بس عشان الوقت يمشي .

من 8 الين 1 اعتقد انها معقولة جدا

[سيف الحرية]

بصراحة موضوع الدوام سبب مشكلة كبيرة بالنسبة لي و الحين راح اشرح لكم

انا ابي اقوم لصلاة الفجر وشوفوا مثلا على مدار السنه يأذن من 3 تقريبا الين 5 حسب الفصل

انا دوامي يخلص من 7 ونص الين 3 و اطلع و اوصل البيت الساعة 4 او اربع الا ربع بعد ما اصلي العصر و احاول انام لي نص ساعة او ساعة اذا كان فيه وقت طبعا و بعدها اكمل حياتي العادية اروح اسلم على اهلي واقعد معاهم و بعدها اروح مجلس الوالد و اقعد معاة واخلص لي شوية مشاوير وارجع البيت على 10 ونص او 11 .

طبعا تعال حاول تنام يبي لك مش اقل من نص ساعة او ساعة يعني قول بتنام على الساعة 12 قولي كيف بتقوم الساعة 3 الفجر عشان تصلي الفجر ؟!

والله يا جماعة الوضع صعب مرات انام ساعتين بس و اروح اصلي ولما ارجع ما يجيني نوم و المشكلة الويك اند الي المفروض نجتمع فيه مع الاهل اعوض حاجتي لنوم .

والله لو يصير الدوام من 8 الين 1 زين و يكسبون فينا اجر والله يا جماعة الخير اني اشتغل يمكن مرات فاليوم ما تمر علي معاملة وحده .. مب حرام هالوقت يروح عالفاضي ؟!

حتى احنا كموظفين والله صرنا ملينا من الدوام و حتى الي معانا فالدوام والله اني اشوفهم واقعد معاهم اكثر من اهلي .

والله يا الربع اني احب الشغل و استانس لما يجيني شغل واحاول انجزة بافضل شي بس حتى لو الدوام ساعات العمل كثيرة والشغل مب محتاج لها .. يعني مرات اقعد و احط يدي على خدي و لا اسولف مع الشباب بس عشان الوقت يمشي .

من 8 الين 1 اعتقد انها معقولة جدا

كلامك عدل حتى من 7 لين 1 زين بعد

[M7ammd]

كلامك عدل حتى من 7 لين 1 زين بعد

ياخي ليه من 7 الين 1 ليش ما تصير من 8 الين 1

6 ساعات كفاية ترى ومناسبة .. المشكلة يا الغالي احنا نداوم من 7 ونص الين 3 يعتبر دوام كامل وحاسبين على كل دقيقة تأخير والمصيبة ما فيه شغل معاملة او معاملتين فاليوم يعني قول نص ساعة وتخلص كل شغلك والباقي شلون تصرفها ؟!

ياخي تعال شوف حتى الطلاب .. واللخ بعضهم يدخل بيته 2 ونص و 3 مب حرام ؟!

والمصيبة الاكبر مع زحمة الصبح تلاقيهم يقومون الساعة 5 الصبح عشان يتجهزون لدوام ويطلعون قبل الزحمه !!!!!!!!! في ذمتك متى ياخذ راحة هذا الطفل ولا هذا الطالب ؟!

طالب / طالبة الثانوية الي يوصل بيته الساعة 3 قولي شلون يقدر ينام الظهر ( اقصد العصر ) ويقعد مع اهله و يدرس و ينام بدري ؟!!!!!!!!!!!

على ايامنا كان فينا نشاط وماخذين راحتنا و حقوقنا من دراسة ولعب و راحة مع اننا كنا نداوم ويوم واحد اجازة فالاسبوع الي هو يوم الجمعة بس بعد ما عطونا الخميس اجازة ارتحنا وجزاهم الله خير بس قسموا ساعات هاليوم على الايام الباقية .

والله اتمنى من المسئولين مراجعة هذا الموضوع و مراعاتنا احنا و واخوانا و عيالنا الطلاب .

وكلي ثقة في الاخوان المسئولين انهم راح يعدلون هالوضع

[حفيدعمر]

والله الدوام من الساعة 6 الى الساعه 1 الظهر هذا دوام مظبوط اما الى الساعة 2 و3 و4 الله لاجيبه صوبنا

كلامك صح الدوام من 6 الى 1 افضل شي

[out]

انا دوامي من 7ونص لين 3

لكن اداوم من 7 لين 3

[يحفظك ربي]

حلاة الدوام من 8 لين 1

ياليت والله يتطبق هالنظام ونرجع لايام اول
الحيان الواحد مايمديه يرجع البيت يريح له ساعه الا صار مغرب !

[بو الجوري]

أولا اللي يسمعك يقول الكل يداوم 7 و يطلع 2 !!!

ثانيا إحنا فالبترول من 6:30 لين 2:30

ثالثا ياريت يخلون الدوام من 6 لين 1 ، و الشغل مب طاير

:)

[sho_sha]

ياخي انا مايبط جبدي غير اللي يتفلسفون زياده عن للزوم . يعني لو قللو ساعات الدوام وخلوها لين وحده بتحتجون وبتقولون لا بنداوم لين 3 (لبعض المحتجين واللي مب عاجبهم )
دوامنا الرسمي من 7 لين 2 وكل الموظفين على الساعه 12 يقفلون والنوده واصله مليون وانا اول وحده .والمسائيل ورؤساء الاقسام بعضهم يطلعون ياخذون عيالهم من المدراس(وعليه) واحنا مقعدين لاشغله ولا مشغله
ايقول لكم العمر يخلص والشغل مايخلص مهما زادو الساعات او قصروها مابيخلص الشغل بس يومنا يخلص ومع الزحمه والشوارع والجسور الذكيه اللي زادت الزحمه نوصل مع اذان العصر .اتغدى وادرس عيالي في نفس الوقت . وخلص اليوم والويكند غمض فتح الا انت( في صباح يوم الاحد)

[لابس بشت]

خلوها من الفجر لين الظهر 11 ونص 12
" اللهم بارك لأمتي في بكورها"
يمدي الواحد يقيل ويقوم لصلاه العصر ويقضي اشغاله

استغفر الله العظيم الواحد ماصار يقوم لصلاه الفجر ويحط منبه للدوام
منها يصلي ويداوم وياخذون الحكومه فينا اجر على هالتوقيت الجديد :)

[sh50]

المفروض ان ينتهي بعد صلاة الظهر الساعة 12

[عازف العود]

انا دوامي من 7 ونص لين 3 ونص

[ANONYMOUS]

لو لا التمني لمات الفقير

حلاتها الدوام من 9 ونص لين 1

يادوبك الواحد يروح سوق واقف يتريق ويضرب راس قبل الدوام :cry:

[هدوء الليل]

حلاته الدوام 7 لين 1 والحمد لله

ياريت يراعوناا

الحمد لله على كل حال..

[Bu 7amad]

في بعض الشركات عندهم حركه حلوه في اوقات الدوام
يقولونلك الدوام 8 ساعات وانت بكيفك داوم الوقت اللي تبيه
اهم شي انك تكمل 8 ساعات
يعني تقدر أداوم الساعه 6 الصباح وتطلع الساعه 2 الظهر
او أداوم الساعه 9 الصباح وتطلع الساعه 5 العصر

يعني بكيف الموظف متي ماقام من الرقاد يروح يداوم

[al-bake2002]

بصراحة موضوع الدوام سبب مشكلة كبيرة بالنسبة لي و الحين راح اشرح لكم

انا ابي اقوم لصلاة الفجر وشوفوا مثلا على مدار السنه يأذن من 3 تقريبا الين 5 حسب الفصل

انا دوامي يخلص من 7 ونص الين 3 و اطلع و اوصل البيت الساعة 4 او اربع الا ربع بعد ما اصلي العصر و احاول انام لي نص ساعة او ساعة اذا كان فيه وقت طبعا و بعدها اكمل حياتي العادية اروح اسلم على اهلي واقعد معاهم و بعدها اروح مجلس الوالد و اقعد معاة واخلص لي شوية مشاوير وارجع البيت على 10 ونص او 11 .

طبعا تعال حاول تنام يبي لك مش اقل من نص ساعة او ساعة يعني قول بتنام على الساعة 12 قولي كيف بتقوم الساعة 3 الفجر عشان تصلي الفجر ؟!

والله يا جماعة الوضع صعب مرات انام ساعتين بس و اروح اصلي ولما ارجع ما يجيني نوم و المشكلة الويك اند الي المفروض نجتمع فيه مع الاهل اعوض حاجتي لنوم .

والله لو يصير الدوام من 8 الين 1 زين و يكسبون فينا اجر والله يا جماعة الخير اني اشتغل يمكن مرات فاليوم ما تمر علي معاملة وحده .. مب حرام هالوقت يروح عالفاضي ؟!

حتى احنا كموظفين والله صرنا ملينا من الدوام و حتى الي معانا فالدوام والله اني اشوفهم واقعد معاهم اكثر من اهلي .

والله يا الربع اني احب الشغل و استانس لما يجيني شغل واحاول انجزة بافضل شي بس حتى لو الدوام ساعات العمل كثيرة والشغل مب محتاج لها .. يعني مرات اقعد و احط يدي على خدي و لا اسولف مع الشباب بس عشان الوقت يمشي .

من 8 الين 1 اعتقد انها معقولة جدا

هذي سياسة مدروسة من فترة طويلة ,, حتى يضيع عمرك وانت تشتغل وتدخل في روتين يربطك بمشاغل الحياة وما يكون عندك وقت تفكر فيه بحقوقك او حتى تفكر في تحقيق احلامك ..الخ والشاهد على كلامي المشاكل الي طلعت علينا هاليومين من زحمة وتفكك اسري وطلاق

[طير حوران]

سمو الامير: زيادة الاجور وخطر انتشار ثقافة الكسل


لقد قمنا مؤخراً كما تعلمون برفع رواتب المواطنين القطريين في الدولة والقطاع العام بنسب عالية. إن رفع الرواتب بمثل هذه النسب هو خطوة استراتيجية مبدئية ذات علاقة بزيادة معدلات النمو، وإنصاف أولئك الذين شكوا بحق من انخفاض رواتبهم.
ولكنني أنتهز هذه الفرصة لأحذر من الميل لاعتبارها أمراً مفروغاً منه. فنحن نفرح لارتفاع مستوى معيشة المواطنين القطريين، وهذا حقهم في دولة أصبحت تعتبر دولة غنية. ولكننا سنكون بلا بصيرة إذا لم نر المخاطر الناجمة عن المكافأة المالية دون جهد مبذول أو دون تحسن في الأداء لدى الموظف القطري. المطلوب من الوزارات، والمطلوب منكم أيضاً، التأكيد على ثقافة العمل والإنتاج مقابل خطر انتشار ثقافة الكسل والاستهلاك، لا سيما إزاء ما قد يعتبره المواطن زيادة سهلة في الأجور دون جهد. إن مستقبل قطر مرتبط باعتبار أخلاق العمل والإنتاج والاتقان جزءاً من قيمناً، وهذا لا يتم بالوعظ والنصيحة الحسنة فقط، وإنما أيضاً بالمراقبة والمحاسبة وتقديم التقارير الحقيقية التي لا تجمل الواقع، بل تطرحه بدقة وأمانة لكي نتمكن من مـعـالـجـتـه، ولنا في حديث رسول الله صلى الله عليه وسلم أسوة حسنة حين قال "إن الله يحب إذا عمل أحدكم عملا أن يتقنه".


لاتعليق!!!!!!!!

[فيصل 89]

اقووول احمدو ربكم وبلا دلع

بنسبه لساعات العمل قطر يمكن اقل دوله بالعالم ساعات عمل

القطاع الحكومي نادر ماتلقى شغل اساساً والي يشتكي من الدوام الحكووومي خرااااااااااااااااااااااااااااااط

لنه اذا شغله محتاجه شخصين حاطيلك عشره

بخصوص الشركات دوامهم لساعه 2 احمدو ربكم على النعمه

بسعوديه لساعه 6 وفي ناس دوامين

بالكويت كذالك دوامين وحتى برمضان دوام لساعه 1 ودوام من اساعه 9-11 << هاي الشركات اتكلم عشان لحد يتفلسف

اقول قولو الحمد الله ترى الفسق الزايد يجيب المصايب

ولازم تشتغل عشان تحلل معاشك

عشان تبني بلدك وتطورها وتخدمه وكيد بمقابل
وكلن يقوم بعمله على اكمل وجه

انا من الناس كنت اروح اوقع ورجع تصدقون مانت احس بقيمة معاشي الين ماهداني الله وصرت ماضيع وقتي وشتغل من قلب صارت عندي خبره وتعلمت بامور الدنياء اشياء كثير وكونت علاقات وقدوه بين اشباب زملائي والحمدالله

اذكرو الله ياربع اي شغل الي تسوالفون عنه

[طير حوران]

اقووول احمدو ربكم وبلا دلع

بنسبه لساعات العمل قطر يمكن اقل دوله بالعالم ساعات عمل

القطاع الحكومي نادر ماتلقى شغل اساساً والي يشتكي من الدوام الحكووومي خرااااااااااااااااااااااااااااااط

لنه اذا شغله محتاجه شخصين حاطيلك عشره

بخصوص الشركات دوامهم لساعه 2 احمدو ربكم على النعمه

بسعوديه لساعه 6 وفي ناس دوامين

بالكويت كذالك دوامين وحتى برمضان دوام لساعه 1 ودوام من اساعه 9-11 << هاي الشركات اتكلم عشان لحد يتفلسف

اقول قولو الحمد الله ترى الفسق الزايد يجيب المصايب

ولازم تشتغل عشان تحلل معاشك

عشان تبني بلدك وتطورها وتخدمه وكيد بمقابل
وكلن يقوم بعمله على اكمل وجه

انا من الناس كنت اروح اوقع ورجع تصدقون مانت احس بقيمة معاشي الين ماهداني الله وصرت ماضيع وقتي وشتغل من قلب صارت عندي خبره وتعلمت بامور الدنياء اشياء كثير وكونت علاقات وقدوه بين اشباب زملائي والحمدالله

اذكرو الله ياربع اي شغل الي تسوالفون عنه

صح الله لسانك

وعلى الرواتب اللي ناخذها لازم نداوم دوامين صباحي ومسائي حتى نرضي ضمائرنا تجاه وطننا وقيادتنا الرشيده ولانستكثر شي نقدمه لها

اقترح يكون هناك دوامين 4 ساعات صباحيه و4 ساعات مسائيه

[روح الاطلس]

انا كان دوامي باليابان من 9:30 الصبح لـ 5:30 المغرب .. طبعا في ساعه أستراحه غدا من 1 لـ 2 الظهر .. غير بريك صلاة الظهر والعصر ههههه ..

يحترمون الأديان بشكل مهب طبيعي بس أهم شي الواحد شغوول

يعني الدوام في اليابان بس سبع ساعات!

واحنا 8 ساعات وازود بعد:(

[لمعة الالماس]

بصراحة ياليت تقل عدد ساعات العمل لانه بالاساس مافي شغل وايد

يعني لو مرت ورقة والا ورقتين باليوم زين وما نحتاج الا لساعه بالكثير ساعتين ونخلص الشغل

وانا من الناس اللي تحب الشغل

وعن نفسي انتظر بس الدوام يخلص عشان ارجع البيت لان اتملل وانا قاعدة بدون فايدة

مب الاولى نستفيد من ساعات العمل اللي نمضيها بدون ما نستفيد منها او ننجز فيها شي

على الاقل نودي العيال وناخذهم من المدارس



وحتى المدارس مساكيين اليهال يداومون وقت طويل وعقلهم مايستوعب

انا اعرف مدارس كل يوم اخر حصة تكون ( احتياط / لعب ) لو يرجعون البيت ابرك من القعدة اللي مالها معنى

والله كل يوم نتغدى ونبي نرقد الظهر الا اذن العصر وين الواحد يقدر يقيل


انا لو في شغل ما راح احتج على عدد ساعات العمل لكن مافي شي نسويه بس جي قاعدين ع الكرسي ونطالع الساعة !!!

ياليت لو يتم تعديل في الساعات وانا اشوف الدوام يبدا من ٨ احسن عشان انزل اليهال المدارس

[المرسى الأخير]

ما شاء الله عليكم

إحنا من كثر الشغل يخلص الوقت الرسمي للدوام واحنا ما خلصنا

صدق الساعات تمر علي مثل الدقايق

الحمدلله على كل حال و البركة فينا شباب و بنات الديرة نخدمها بكل حب :shy:

[المفترسه]

بااااال جيل كسلان من صجكم تطالبون بتقليل ساعات العمل!!!
ليش ليكون احنا من الدول الصناعيه المتقدمه تصنع طيارات وسيايير وعندها
نوابغ وعباقره خذوا براءة اختراعات وجوائز نوبل للكيمياء والادب !!!
الله يهديكم بس تركوا عنكم الدلع واحمدوا ربكم على النعمه والمفروض
عقب الزياده الاخيره يزيد نشاطكم وعطاكم في خدمة بلدنا المعطاء

[Mohammed2]

الصراحه انا ماشوف فيها كلافه كبيره اذا الدوام كان من 7 الين 2
يعني 7 ساعات عمل شيل منها بريك الغدا صارت 6 ساعات

ومب كلها الـ6 ساعات شغل في شغل اكيد في فترات راحه بين فتره وفتره

يعني تقريبا وقت الشغل طول اليوم 5

وشتبون احسن من هذا هذا اذا ماكان في تاخير

الحمدلله على كل حال

[Northqatar]

السلام علييكم


انا اقول يخلون الدوام من عقب صلاة الفجر او نقول بعد الاشراق بساعه : 6.30 صباحاً

ونهاية الدوام بعد صلاة الظهر مباشرةٌ : 11.45 ظهراً

اى بمعدل 5 ساعات يومياً
واعتقد انها كافية لانجاز كافة المعاملات


خلونا نطبق الحديث الرسول :

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
" اللَّهُمَّ بَارِكْ لأُمَّتِي فِي بُكُورِهَا "

http://islamweb.net/hadith/display_hbook.php?hflag=1&bk_no=1271&pid=337227



اما دوام

من 7.30 الى 2.00 ونص الموظفيين

برع الا يدخنون والا يتريقون والا يقرون جرايد
عمرها الـ 7 ساعات ماراح تكفى

[Abdullah_89]

عشان الواحد يحلل راتبه

ههههههههههههههه

انا اشوف الدوام زين من 7 ونص لين 1

لان الفتره اللي بعد صلاه الظهر الموظفين يقضونها بالسوالف

[ام ناصر1]

الدوام المفروض ...من 8 صباحا لين 4 العصر مع ساعتين بريك للوناسة
وللمدارس من 7-1 بيمشي

[بوفهد 5555]

احسن شي تصلي في الدوام او على الخط وانت راجع ,

تاخذ اعيالك وترجع البيت , وتتغدى وعندك وقت اتقيل اشوووووووووووي


يازين ايام اول


بن رومي

صدقت والله صح السانك

[الرويـس]

اللهم لك الحمد على كل حال واي حال وكيفما حال
وادم علينا نعمة الصحة والامن والاهل والاحباب

واي شي دونه يهوون

[ضوى]

ليش عالمياً المفروض كم تكون ساعات العمل الفعلية ؟؟؟؟

[سهم سهم]

احنا دوامنا من 6:30 ليييييييين 1

[بوالبيض]

احنا دوامنا من 6 لين 2

ونص الوقت يروح على الفاضي :(

بل صج تعب والله الله يعينكم والله

[بوالبيض]

اي والله المفروض من 7 لين 12 ونص او 1 مناسب جدا علي الاقل ترتاح شوي تقدر
تطلع وتخلص مشاويرك العصر وتقعد مع عيالك ..
خاصه المدارس حرام طالب يتم لين 2 ويوصل البيت 3 والله تعب علي ام وابو الطالب
والله لزم تقليل وقت الدوام ضروروي

[لمعة الالماس]

لا تنسون ساعة او ساعة ونص تضيع في الشارع

[PGR]

شكلكم يوم من الايام بتقولون بعد لا ليش انروح الدوام خل الدوام يجينا البيت ,, احمدوا ربكم عيل اللي يداومون شفتات 12 ساعه شيقولون ؟

[طير حوران]

شكلكم يوم من الايام بتقولون بعد لا ليش انروح الدوام خل الدوام يجينا البيت ,, احمدوا ربكم عيل اللي يداومون شفتات 12 ساعه شيقولون ؟

:nice::nice::nice:

اعتقد اننا نتجه لليوم اللي يقول فيه الموظف ان الدوام سيكون بمقتضى انتاجيتي للعمل فاءن انجز الموظف مجموعه من المعاملات يوميا خلال ساعه اوساعتين اصبح ليس للدوله الحق في الابقاء عليه الى نهاية الدوام

[سيف الحرية]

احنا نبي الدوام مثل السابق من 7 أو 7 ونص لين 1

[لاجل QT]

اثبتت دراساتى ان العمل في المستقلة الى بعد الساعة 12 ظهرا الجهد يقل و مافي تركيز والالم في الظهر وصداع والريول تحرول والصوت يروح:omen2: وزغللة في العين:eek5: يعنى اذا سقنا السيارة وردينا بيوتنا سالمين نعمة من الله:(

يعنى ما تجي نهاية السنة الا صرنا سكراب:(

[Super Cool]

القطريين و الكسل اخوان

مب حالة وياكم و التذمر.....كل دول العالم تداوم جذيه و اكثر من جذيه!!!!!

انا شخصيا انتاجيتي بعد الظهر اكثر بكثيييييييييير من الصبح....ولا تخولننا نطلع فضايحكم....اول ساعتين فالدوام الكل متيس و عيونه منتخفه و وقته كله رايح عالقهوة و الجرايد!!!!!

[الجوكر90]

السلام عليكم
انا لا مع ولا ضد
بس الي يقول مافي شغل
لو جاك الشغل الصح راح تقول ليش الدوام كرف
انا اشوف لو كل واحد ماعنده شي يسويه يطلب من ادارته ان تخليه يشتغل شوي فقسمه وشوي فقسم عليه ضغط
هالشي له اكثر من فايده
او شي راح تكتسب خبره
ثاني شي راح تساعد ربعك
ثالث شي انتاجيتك راح تزيد
رابع شي الكل راح يدور عليك ( اقصد الشركات ) لانك تقدر تشتغل فاي مكان

وبالتوفيق ان شاء الله

[سيف الحرية]

المقصد من كل ذلك أعمارنا ضاعت مع طول الدوام وقت العصر راح ...

وأكثر أعمالنا إدارية مكررة مب محتاجة وقت طويل للدوام ...

[أم حمد]

يالله صباح خير

اي والله ماعاد باقي الا يستلم الموظف راتبه وهو قاعد فالبيت !!

سمو الامير نهى عن ثقافة الكسل !!

اللي مب قد الشغل والانتاج يقعد فالبيت ويترك المكان لغيره !

[بوحارب]

بل صج تعب والله الله يعينكم والله

الله يعين الجميع

وازيدك من الشعر بيت لو تتأخر ثانية وحده تنحسب غياب يوم كامل

والله ثانية مب دقيقة !!!!!!! حسبي الله على اللي حط هالقانون :anger1:

[المرسى الأخير]

عدل كلامك اخوي :nice:

هذا الي يسير بدوامنا نشتغل شغلنا و شغل زملائنا اذا غابوا و نساعد الأقسام الثانيه اذا فيه مجال

وأي واحد يحس بالملل من قل الشغل يطلب من المسؤول شغل زيادة

و أشوف هالحركة خلتنا نفهم بكذا شغلة و سار عندنا اطلاع و خبرة بعدة مجالات في مدة زمنية قصيرة

الحمدلله الإنتاجية و تحليل الراتب عندنا 100٪ :victory:


السلام عليكم
انا لا مع ولا ضد
بس الي يقول مافي شغل
لو جاك الشغل الصح راح تقول ليش الدوام كرف
انا اشوف لو كل واحد ماعنده شي يسويه يطلب من ادارته ان تخليه يشتغل شوي فقسمه وشوي فقسم عليه ضغط
هالشي له اكثر من فايده
او شي راح تكتسب خبره
ثاني شي راح تساعد ربعك
ثالث شي انتاجيتك راح تزيد
رابع شي الكل راح يدور عليك ( اقصد الشركات ) لانك تقدر تشتغل فاي مكان

وبالتوفيق ان شاء الله

[الـخـالـدي]

اخوي هو يعتمد على حسب القسم ونوع الشغل

بعدين انت ماتقدر توظف ناس لمده مؤقته وتخليهم يشتغلون شغل موسمي وانت محتاجهم خلال هالمواسم

[qatari1]

لا وانت الصاج المفروض ما نداوم أصلاً!

نجيب لنا هنود على 2000 ريال يشتغلون بدالنا.

أتمنى تقرأون خطاب سمو الأمير في افتتاح مجلس الشورى لأن فيه دروس ينبغي تعلمها.

وإذا عندك وقت فراغ استفيد منه بالقراءة أو الأذكار.

واستحوا شوي..بعد الزيادة الأخيرة المفروض تشتغلون أكثر!

[نورهان88]

بصراحة تعتقدت من كثر ما سمع عن المجلس الأعلى

أن شاءالله بعد التخرج مستحيل اتعين باي وظيفة كانت

بالمجلس الأعلى المؤقر...

يأخواني بالمجلس الأعلى خفوا شوي على المعلمين والمعلمات ...

ضغط من الإدارة وضغط الوقت طويل الضائع آخر النهار..

والله أخوي مايرجع البيت الساعة 2 إلا وراسة مفتر ...

ارحموا من في الأرض يرحمكم الله

[محمد11]

لا وانت الصاج المفروض ما نداوم أصلاً!

نجيب لنا هنود على 2000 ريال يشتغلون بدالنا.

أتمنى تقرأون خطاب سمو الأمير في افتتاح مجلس الشورى لأن فيه دروس ينبغي تعلمها.

وإذا عندك وقت فراغ استفيد منه بالقراءة أو الأذكار.

واستحوا شوي..بعد الزيادة الأخيرة المفروض تشتغلون أكثر!

كلامك من ذهب اخوي
:nice:

[ام ناصر1]

ليش الدوام من الساعة 7 إلى 2

وهل في انتاجية طول وقت الدوام

ليش ما يكون مثلا للساعة 1 عشان الناس تستفيد من وقت العصر
سيأتي يوم تترحم على الدوام من 7-2
لأنه ممكن يصير من 9-5 : ( :omen2:

[نجدي قطري]

سيأتي يوم تترحم على الدوام من 7-2
لأنه ممكن يصير من 9-5 : ( :omen2:

هذا هو الدوام الأمريكي.
الله يستر وجماعتنا ما يغصبونا عليه.

[qataria]

انا اشوف ندوام من الساعه 5 لين الساعه 12:30 بدون بريك وساعات الصباح الاولى كلها بركة ورزق و بننجز فيها اكثر، ونستغل وقت الفجر اللي يروح على الفاضي في النوم. ولما نرجع نقدر نقيل ساعه او ساعتين. واليوم بكبره لنا.

[ام السعف]

وايد مبالغة من البعض

يعني معقولة اللي يداومون ما عندهم شغل ويبون يردون البيت ينامون ؟

ما ادري ليش اشوية ناس يخربون على ناس يجدون ويشتغلون ويساهمون
في تنمية المجتمع :(

[الساهر 17]

والله انا بيدي القرار كان الدوام من 7.30 ص الى 12 للنساء المتزوجات في جميع الوزارت مع الطلاب الى بالمدراس
علشان ترجع الاسر مع بعض تتغداء وتجتمع على سفره وحده وتقل المشاكل الاجتماعيه وانا اعتقد هذا الموضوع بنتركه للاخوان الي بيكونون مرشحين نفسهم للانتخابات بمجلس الشورى اذا الله احينا على طاعته 2013م وشكرا لموضوعك

[الساهر 17]

وايد مبالغة من البعض

يعني معقولة اللي يداومون ما عندهم شغل ويبون يردون البيت ينامون ؟

ما ادري ليش اشوية ناس يخربون على ناس يجدون ويشتغلون ويساهمون
في تنمية المجتمع :(


المجمتع يتكون من اسر واذا كان هناك اراء فلا تتحتقري اراء الناس .... التنميه لا تتأي بدوام من الساعه 7 الى 3 العصر التمنيه تتاي بالتخطيط السليم .... والمبني على اسس سليمه وليست مبنيه على عدد الساعات

[ام السعف]

المجمتع يتكون من اسر واذا كان هناك اراء فلا تتحتقري اراء الناس .... التنميه لا تتأي بدوام من الساعه 7 الى 3 العصر التمنيه تتاي بالتخطيط السليم .... والمبني على اسس سليمه وليست مبنيه على عدد الساعات

عفوا شكلك قريت ردي من اليسار لليمين :omen2:

وعلشان اوفر عليك قرايته من اليمين لليسار اقول ،،

ان هناك ناس يداومون ويشتغلون ونغمة ان اللي يطلعون من بيوتهم
ما يشتغلون ولا ما عندهم شغل يسوونه هذي كذبة سببها بعض الكسالى

وما كان كلامي مركز على وقت الدوام ،،:shy:

[أحاول]

المجمتع يتكون من اسر واذا كان هناك اراء فلا تتحتقري اراء الناس .... التنميه لا تتأي بدوام من الساعه 7 الى 3 العصر التمنيه تتاي بالتخطيط السليم .... والمبني على اسس سليمه وليست مبنيه على عدد الساعات

فعلا التنمية تأتي بالتخطيط السليم والمتابعه والمرونة اذا كان جل همنا العمل وننسى الترابط الاسري والاجتماعي والتي ظهر بدلها التواصل الافتراضي في الوسائط وفي الانترنت الانسان بطبعه اجتماعي كيف يتواصل مع افراداسرته بدوام طويل لابد ان تتأثر الادوار في الاسرة وغياب احد الزوجين في الاسرة من البيت يؤثر بشكل كبير في تربية الابناء في رأيي كلما كان وقت العمل متوازن من الصباح الى الظهر يكون افضل واذا كان هناك ضغط في العمل لابد ان يكون هناك عمل اضافي ويكون اختيار الموظف لاستكمال العمل اذا الموظف اب ولديه ابناء او ام ولديها ابناء يمنعون من العمل الاضافي مراعاة للترابط الاسري وما له من تأثير على البناء لاجتماعي والتنمية

[حفيدعمر]

للمناقشة

[AHLAM222]

الصراحة المفروض اللي دواماتهم لساعة 3 يتم تقليلها لساعه 2 يعني احنا دوامنا في مؤسسة حمد من 7-3 والشفت الثاني من 2-10 وايد متاخر وتضييع للوقت لو يقل لساعه 2 الظهر ومساء لحد 9 وايد حلو ما راح تأثر الساعه على وقت الدوام وانتاجيته بس راح تفرق في حياة الموظف على الاقل يطلع الساعه 2 الظهر يمديه ينام شوي او الساعه 9 المساء ويلقى شي يسويه
اتمنى حد يغير شوي الروتين والاحتكار اللي مسويه لنا الدوام واللي مرتاح في دوامه الطويل على راحته بس في ناس مو مرتاحه

[الهاجري 2]

صح قضيه تستحق النقاش المفروض تقل ساعات الدوام

[الخيالة]

:-(
عيل أحنا شنقول
متحكمين فينا الأجانب اهمه يداومون صبح وجمعه والسبت أجازه واحنا شفتات 5 ايام او 6 ايام في الاسبوع وثمان ساعات دوام وهم مو عاجبهم :-(

[catqat]

لازم تكون للموظفين كلمة من إضاعة الوقت بطول الدوام لو في انتاج قلنا زين بس ما فيه ...
تضيع اعمارنا في الدوام وبعدين نرجع نبي ننام خلاص خلص يومنا ... إلى متى السكوت ؟؟؟

دليل انكم اتداومون في حكومة،،، زين بدل الهدر في الطاقة والوقت ليش مايعطونكم دورات وكورسات واشياء مفيدة !!!




لانه من الساعة الواحد حتى الثالثة
هو افضل وقت لكي تظهر القدرات الخارقه للموظفين
:secret:


يتعذرون بالمراجعين !!!!

اغلب المراجعين ماعاد له نفس يراجع بعد الساعه 11
اي بعد صلاة الظهر

هي صلاة كوني مابعدها صلاة ، تصير صلاة القيام وتنطر الموضف لما يجي،،،ونصهم يختفون بعد الصلاة يسيرون ع ربعهم بالمكاتب وانت انتظر بمكتبه لين مايقوولون تراه طلع (اختفي) تعال بكرة

[Lady]

إحنا دوامنا من 7:30 الى 1:30 بس انا اداوم من 8 الى 12:30 والسبب اني اوصل عيالي المدرسة الصبح بنفسي واروح اخذهم بنفسي.. وأسرتي وبيتي في المرتبة الأولى كوني أم.
المفروض دوام المتزوجة أقل .. وما عندي مانع يعطوني راتب على عدد ساعات عملي.. لان وبكل صراحه يخلص الدوام وأنا ما عندي شغل ابدا بهالطريقة الدوام يكون مضيعة للوقت بدون شغل وإنتاجية.