موضوع مهم جدا جدا جدا [الأرشيف] - منتديات شبكة الأسهم القطرية

تواااق

16-10-2011, 02:41 AM

اول شي السلام عليكم ورحمة الله وبركاته اخواني واخواتي فيه موضوع في خاطري اقوله من زمان وابي رايكم فيه الدوله كم المبالغ الي تدفعها للطلاب للابتعاث للدراسه منهم بنات ومنهم شباب ملايين الدولارات الطلاب وش يبون من السفر للدول الاجنبيه يبوون اللغه الانجليزيه في الاول وبعدها الجامعات الراقيه طيب الجامعات الراقيه عندنا في قطر الحين افضل الجامعات طيب باقي اللغه ليش القائمين على التعليم مايسوون مجمع فلل ضخم كبير ويحطون في النص المجمع الفلل هذا معهد لغه انجليزيه معروف في اوروبا او بالاحرى افضل معهد لغه في بريطانيا او امريكا طيب ويجيبون عائلات اجنبيه برواتب مغريه وكل عائله يكون معها طالب او طالبين قطريين وممنوع خروج الطلاب من البيت او من مجمع الفلل الى في الاجازه الاسبوعيه ويكون طلابنا قريبين من عندنا ومانخاف عليهم في الدول الاوروبيه من عيال الحرام وبنات الحرام والسكر والخراب الي ماله نهايه ويكونون طلابنا عندنا وكل طالب يدفع مبلغ معين للالتزام بالمعهد ومنها تستفيد الدوله ومنها عيالنا يكونون عندنا والي يخلص دراسة اللغه يدخل الجامعات الراقيه الي عندنا وبدون سفر وغربه وعلى فكره انا طالب وادرس في الاردن الحين واحس بمعنى الغربه شنهي والله ياجماعه الغربه شينه وايد واتمنى اسمع ارائكم والكل يحط رايه

alma3ani

16-10-2011, 03:22 AM

لا انا ضد الي انت اتقوله بشكل عام الي بتعلم يقدر يتعلم وحتى وهو في بيته

المفروظ التعليم يرتقي في المدارس لان التعليم من الصغر هو الي بفيدهم

وانت ما تقدر تجبر طالب انه يقعد عند عائلة ومايطلع وكانه سجن لو اتسويها وانت برا ما تقدر هذا يسمونه حبس

انا اشوف يكثفون التركيز على اللغة الانجليزية في المدرسه وما اتخليهم يتخرجون من الثانيوة الا ولغتهم زينه

شوفو الاوربين الفرنسي مع انه فرنسي يعرف انجليزي واسباني والماني ليش لان في مناهج من وانت صغير

بس مب اتقولي والله انسويلهم مجمع وابلوك وغيره وعلى فكره مو الكل الي يروح برا يتعلم لان بنهاية بيقعد عند العرب وبكلم عرب فوين اللغة الي بتعلمها

رجل الجزيرة

16-10-2011, 05:39 AM

أنا جربت الدراسة في المجلس الثقافي وبريطانيا فرق بين الثرا والثريا.

مرة درست اللغة الإنجليزية هنا في المجلس القافي البريطاني عن طريق العمل لمدة 3 سنوات في كل سنة فصلين، في كل فصل 12 إسبوع وفي كل إسبوع 3 ساعات، يعني يوم بعد يوم ولا إستفدت حاجة والسبب شغلي بالعربي وفي البيت والربع والسوق وكل مكان، وثاني مرة سافرت بريطانيا مدينة نوريتش شرق كيمبرج مثل ما تقول الخور منطقة كانت ريفية والعرب قليل لمدة ستة شهور من ولا شيء، حت عر فت لبقراءة والكتابة و الإستماع وكنت ساكن مع عائلة بريطانية تخيل أخي العزيز: إن الدراسة من الساعة والله نسيت يا 8 أو 9 لين الساعة 4 العصر ووقت الغداء في المدرسة كان المدرس يفهم من قلب قراءة وكتابة وشرح ممتاز ومرة مع جماعات الطلبة وكانت فيها ليسنغ لاب إلي مختبر اللإستماع عن طريق المسجل لتصحيح الإستماع والنطق وفوق هذا كله حاطينا على شكل مجموعات علشان الواحد منا يفتك من حاجز السكوت لأن البعض يستحي يتكلم أمام الطلبة فيتجرأ ويتكلم مع الطلبة وبعد الدراسة أجبرت أن أتكلم إنجليزي مع العائلة وكنت أشوف التلفزيون وأقرأ الجرايد والمجلات وحتى في السوق أخالط الباعة والناس فالأفضل الواحد يسافر يدرس اللغة الإنجليزية في بريطانيا أو أمريكا أو كندا أو إستراليا فيحس بالفرق.

مبارك سعد

16-10-2011, 06:15 AM

ام السعف

16-10-2011, 07:09 AM

مشكلة هاللغة بوت مشكلهي :(

QatariFallah

16-10-2011, 11:01 AM

اهيه فكره..لكن ماراح تكون بالضبط 100% مثل الواقع ترى
حتى لو جبتهم هني
لاتنسى في ثلج والثلج له دور ههههههههههه..

لا صج..مش 1005 نفس الاحساس والواقع..حتى بسبب البيئه ك فكره بس انه بالخارج يتغير احساس الطالب او الطالبه ومشاعره ويبدى شي فيه يقول "انتبه أو ابدئ قاوم أو اعتمد على نفسك شوي" وكذا

هني بيكون هالشي اخف شوي

بس الافضل ان الدوله لمن تبتعث حد تشوف شنو خلفيته الدراسيه
وتقيمه
وترجع لمدارسه ك ريفرينسيس
وتختبر قدراته وعقليته
افضل من اللي يطرشونهم على عماهم نص سنه الا وراجعين هالشباب والبنات وساحبين جناسيهم..يعني لا استفادوا من الابتعاث واخسروا جناسيهم بسبب الفضايح اللي صارت
:\

بس مع ذلك فكرتك معقوله لو تكون تأهيل أولي لما قبل الابتعاث..بس على شكل مصغّر

وسمي2016

16-10-2011, 11:25 AM

اجمل تحيه وسلام للموضوع الشيق والمفيد,,,,

السفر للتعلم فيه فوائد كثيره ولاتحصى وليست اللغه
هي الحافز للسفر,,,,ولكن تجربة الحياه والعيش في الدول
المتقدمه هو بحد ذاته تعلم وفائده يعود بها الطالب لخدمة اهله
ووطنه,,,وقبل ذلك دينه,,,,,

,,,,,,,,السكر والعربده او التقوى والصلاح ذلك شيء يعود للتربيه
وتأسيس الطالب او الشاب,,,,,

ممكن الطالب يخترب والفرص تكون وارده واحنا شايفين وعايشين
هنا ومايحتاج نتكلم":omen2:"" اللهم استر علينا ووفقنا للهدايه والصلاح,,,اللهم امين

وبالنسبه للامان,,,,اتصور الامر سواسيه ويمكن التعرض للحوادث بالنسبه
للشباب"الله يحفظهم" اكثر خطرا هنا من كونهم يتعرضون لمضايقات بالخارج,,:secret:,,

والمثل يقول:: اسأل مجرب ولا تسأل طبيب""

واختمها بالحديث الشريف::اطلبوا العلم ولو بالصين""
صدق رسول الله
صلى الله عليه وسلم

وشوف بعد الصين ذاك الزمان,,,,لا فيه جامبوجيت ولا قطارات!!!!!!!

تواااق

16-10-2011, 02:30 PM

ياجماعه انا جلست مع شباب سافروا لبريطانيا وامريكا بعض العوائل عندهم وسكي في البيت يشربونه كانهم يشربون بيبسي عندهم عادي جدا فهذا سبب وبدايه للدمار وخاصة كل طالب يسافر مايكون عقله كامل لانه يسافر وعمره 18 سنه يعني في عز المراهقه ومافيه رقيب ولا حسيب ياجماعه انا طالب الحين ومتغرب الحين في الاردن الي موب كبير في السن ولا بيروح فيها خمر ومراقص وغيرها وغيرها ومافيه احد يراقيب عليه لا ابوه ولا امه ولا احد من اهله وخاصة في بريطانيا ولا امريكا كل شي عندهم عادي لو تسوي ماتسوي كل شي عندهم عادي ترا عيالنا في مرحله خطيره جدا جدا وخاصة الي يتغربون انا اعرف ناس شخصيا راحو ورفضو العوده اعجبهم الوضع ومايبون يردون لان محد يقول له عيب هناك كل شي عادي

تواااق

17-10-2011, 07:24 PM

للرفع

قطر دزاين

17-10-2011, 07:33 PM

شلون تبي يتعلمون انجليزي في المدارس والمدرسين والمدرسات من دول العربيه

نطق للغه الانجليزيه غلط في الاساس
this ينطقونها ززس
وكلمات كثيره

تحداني

18-10-2011, 01:44 AM

مشكلة هاللغة بوت مشكلهي :(

ماهي مشكله كبيره
لكن عيت النفس تبيك

:(

جملك الله برضاه

بوسلمان 2010

18-10-2011, 07:51 AM

والله المدرسين العرب خبر خير في الانجليزي الا من رحم ربي الله المستعان

ام السعف

18-10-2011, 08:17 AM

ماهي مشكله كبيره
لكن عيت النفس تبيك

:(

جملك الله برضاه

:(

صرنا انترجم حق عيالنا الكلام من الإنجليزي للعربي :(
آخ قلبي :(

تحداني

18-10-2011, 10:01 AM

:(

صرنا انترجم حق عيالنا الكلام من الإنجليزي للعربي :(
آخ قلبي :(

لا وتعالي تلقين ولي الأمر يقول
والله اعيالي يعرفون انجليزي عدل .. ايش تبيهم يتعلمون وهم قاعدين ليل نهار في مدرسه اجنبيه
يتعلمون هندي مثلا ولا لغى عربيه فصحى
اهم شي يكتب عربي؟؟ .. ولا يكتب وما ايعرف يقرى الي كتبه لان هاذي بعد ظاهر جديده

اعطي املاء لدرس في اللغه العربيه لواحد من هالجيل الي ما ايعرف عربي وايد
والله يا ام السعف بعد ما ايخلص كتابه اقول له اقرى الي كتبته يقول ما اعرف اش كاتب
حيرني .. بصير مينونه

جملك الله برضاه

ام السعف

18-10-2011, 10:04 AM

لا وتعالي تلقين ولي الأمر يقول
والله اعيالي يعرفون انجليزي عدل .. ايش تبيهم يتعلمون وهم قاعدين ليل نهار في مدرسه اجنبيه
يتعلمون هندي مثلا ولا لغى عربيه فصحى
اهم شي يكتب عربي؟؟ .. ولا يكتب وما ايعرف يقرى الي كتبه لان هاذي بعد ظاهر جديده

اعطي املاء لدرس في اللغه العربيه لواحد من هالجيل الي ما ايعرف عربي وايد
والله يا ام السعف بعد ما ايخلص كتابه اقول له اقرى الي كتبته يقول ما اعرف اش كاتب
حيرني .. بصير مينونه

جملك الله برضاه

المشكلة في الخط :( مب في اللي يكتبه يا تحداني ،،

اللحين ولدي لقلت له اكتب هالجمل ،، ما يعرف يقرا خطه
وان طلب مني اكتبها ما يعرف يقرا خطي
لكن لو كتبناه له بالخط اللي في الكتاب قراه :(

هذا دليل انهم ما يكتبون وايد ،، الحين عرفنا فايدة نسخ الدرس
بخط اليد :(

تحداني

18-10-2011, 10:08 AM

المشكلة في الخط :( مب في اللي يكتبه يا تحداني ،،

اللحين ولدي لقلت له اكتب هالجمل ،، ما يعرف يقرا خطه
وان طلب مني اكتبها ما يعرف يقرا خطي
لكن لو كتبناه له بالخط اللي في الكتاب قراه :(

هذا دليل انهم ما يكتبون وايد ،، الحين عرفنا فايدة نسخ الدرس
بخط اليد :(

الحمد لله طمنتيني
قلت يمكن الي عندنا فيهم شي
طلع الوجع واحد

اي لانهم حافظين شكل الكلمه
مو حافظين الكلمه نفسها واحروفها

جملك الله برضاه

ام السعف

18-10-2011, 10:15 AM

الحمد لله طمنتيني
قلت يمكن الي عندنا فيهم شي
طلع الوجع واحد

اي لانهم حافظين شكل الكلمه
مو حافظين الكلمه نفسها واحروفها

جملك الله برضاه

لا مب جذيه ،،

هو حافظ شكل الحرف بنوع خط الكتاب ،،
يعني حرف الميم لازم تكون دائرية علشان يعرف انها ميم

لكن لو انكتبت بنوع خط ثاني اللي يخلي الميم مثل الشرطة المتورمة
ما يعرف يقراها ،، فعندي قصص مستخدمين نوع خط المفروض
ما يستخدمونه للأطفال ،، فيعاني وايد لما يقرا وياكل الحروف
فاضطر اقول له هذيه حرف الميم بس نوع الخط كذا
هذيه ياء بس مكتوب على شكل الف مقصورة :(

فلو خليتيه يقرا من الكتاب اللي متعود عليه راح تلقينه يعرف يقرا
بس مثل ما قلت لج ،، يبي لهم قراية أكثر وكتابة أكثر
و في مستقبل افضل للتعليم في قطر الغوا الكتابة ن قاموس اليهال
فصاروا ما يعرفون يكتبون وخطوطهم نقش دياي :(

تحداني

18-10-2011, 11:46 AM

لا مب جذيه ،،

هو حافظ شكل الحرف بنوع خط الكتاب ،،
يعني حرف الميم لازم تكون دائرية علشان يعرف انها ميم

لكن لو انكتبت بنوع خط ثاني اللي يخلي الميم مثل الشرطة المتورمة
ما يعرف يقراها ،، فعندي قصص مستخدمين نوع خط المفروض
ما يستخدمونه للأطفال ،، فيعاني وايد لما يقرا وياكل الحروف
فاضطر اقول له هذيه حرف الميم بس نوع الخط كذا
هذيه ياء بس مكتوب على شكل الف مقصورة :(

فلو خليتيه يقرا من الكتاب اللي متعود عليه راح تلقينه يعرف يقرا
بس مثل ما قلت لج ،، يبي لهم قراية أكثر وكتابة أكثر
و في مستقبل افضل للتعليم في قطر الغوا الكتابة ن قاموس اليهال
فصاروا ما يعرفون يكتبون وخطوطهم نقش دياي :(

حتى المدارس المستقله والعربيه .. تلقين مفهوم النسخ والاملاء عندهم
مفهوم رجعي ومتخلف .. ويعتبرونه وسيله للعقاب ماهو وسيله لان يتعلم الطفل
خط جميل .. وهمزه اين توضع .. وشكل الحروف والكلمات

تلقين في معايرهم يجب ان تحفظ قصيده من العصر الجاهلي
ولكن ليس من المطلوبمنك نسخه وكتابته

خليها على الله

" سامحنا صاحب الموضوع "

جملك الله برضاه

قطري !

18-10-2011, 11:52 AM

انا ضد رايك أخوي

و أشجع ان الطالب يتعلم في دولة اوروبيه

العلمك الهدف من الدراسه برا ليس فقط اللغه والجامعه , إنما هناك أشياء مهمه مثل الاطلاع علي التكنلوجيا الموجوده , ثقافة البلد اللي انت تدرس فيها , الاطلاع علي العقول الممتازه وهم الدكاتره المحاضرين في الجامعه اضف الي هذا تعلم اللغه الانجليزيه في فتره وجيزه

أما سالفة الخراب والخمر وغيره من الخرابيط هذي موجوده في كل مكان ...

انا من الطلبه اللي تعلموا في بريطانيا وسافرت وانا صغير في السن ولله الحمد رجعت وانا محافظ علي نفسي من الخراب وغيري من الشباب اللي محافظين علي انفسهم ...

اللي يحصل فرصة تعليم برا يروح والله يوفقه ..

التعليم فرق فرق فرق كبير بيننا وبينهم

رايق البال x

18-10-2011, 12:36 PM

ياجماعه مادري ليش مهتمييييييين في اللغه الانجليزيه وتاركين لغتنا لغة القرآن الكريم العربيه
ياريت تنتبهووووووون على أكثر ممثلين الدول سواء الصيني الكوري الفرنسي الروسي الالماني , بل معضمهم يعتز ويتكلم بلغته
ولايهتم باللغه الانجليزيه مع أعتقادي أنه يتقنها , المراد أنهم يعتزووون بلغتهم
فكيف نحن لانعتز بلغتنا وهي أهم , فهي لغة ديننا الحنيف , وعلى العموم لايمنع تعلم لغتهم أذا دعت الحاجه لذلك وشكرآ ... :omen2:

طحت على الجرح اخوي
صارت اللغة الانجليزية هي اللي تاكل عيش في بلدنا المسلم
اللي عنده لغة بيدرس وبيحصل احسن الوظائف
واللي ماعنده لا بيخلص جامعة ولا له وظيفة
صارت عقدة حياتنا هاللغة التي ما انزل الله بها من سلطان
هذا هو الاستعمار اخوي ,, ولا معقولة نترك لغتنا العربية ونهجرها ونتمسك باللغة الانجليزية صارت موضوع حياة او موت ,, ما نقول الا صبر جميل والله المستعان
عيالنا تعقدوا في المدارس تعبوا كل شي بالانجليزي حتى الامهات تعقدوا من التعليم العقيم
احنا عرب ياناس عرب لغتنا الاولى العربية وبس ...

شبح الصمت

18-10-2011, 12:40 PM

المقصد من الابتعاث الدراسه

وتعلم ثقافات الغير ..

وتعلم الاعتماد على النفس

اشياء كثيرة اخوي ترى مش بس اللغة الانجليزية

تواااق

21-10-2011, 02:49 PM

والله ياجماعه انا اتكلم في موضوع وبعض الشباب الله يجزاهم خير يتكلمون في موضوع ثاني واحد يقول لي مدرسين عرب ومادري شنو انا اتكلم ياجماعه يكونون دكاتره يستضيفونهم في معهد اللغات براواتب مغريه وعائلات اجنبيه يستضيفونهم برواتب ومايكون فيها مشاكل ويكونون عيالنا قريب منا ويستفيدون وعندهم اجازه يوم الجمعه والسبت في الدول الاوروبيه الي يدرسون طلابنا عندهم اجازه اسبوعيه بعدين اذا واحد ولا اثنين راح وخلص دراسته برا ورجع سالم في غيرهم لا رجع خربان ولا كمل دراسته وبعضهم تزوج له عله وجابها معاه للدوحه وبعضهم تعلم اسلوب الاجانب في الحياه ولا يرضى بالعادات وتقاليدنا لانه تاثر بعادات الغرب واتمنى انه يتطبق هذا المشروع واتوقع بيكون ناجح ميه في الميه وعلى فكره تراني طالب ادرس في الاردن وعندنا شباب قطر ماشاء الله عليهم من مرقص في مرقص ومن دوله في دوله سن المراهقه خطير جدا جدا وخاصة اذا حس الشخص انه مافيه رقيب عليه ممكن يسوي بلاوي لان ماعنده رقابه ولا يحس ان فيه احد يوجهه او يراقبه

The Watcher

21-10-2011, 05:49 PM

يا اخي الكريم .. في عندي عدة نقاط ..
- لو كانت التربية على أسس سليمة وواعية ، ومب على يد الخدامات الأفاضل .. ماكان خفت على احد مهما كانت المغريات
- المغريات والحرام موجود في كل مكان حتى في قطر .. ياما ناس سافروا ورجعوا وما صار فيهم شي .. وياما ناس ماتعدوا الحدود وتفوقوا على العلمانيين في الفساد
- الهدف من الدراسة في الخارج مب بس اللغة والجامعات الراقية .. احد اهم الاهداف هو تعلم اسلوب الحياة ومهارات الحياة .. وهالشي صعب الواحد يحصله بدون سفر

تحياتي