المجلس الأعلى . عطني فرصه . وانا ارجع القطريين

[بنز]

انا اقول .. للمجلس الاعلى :
اتعهد لك اني ارجع كل القطريين والقطريات للمدارس .. :

اها ااا قلتولي اشلون ؟؟

1- اول شي اسوي تكريم واعتذار لجميع المدرسين والاداريين في افخم فندق في الدوحه اللي طلعتوهم من الباب الشرجي .

2-طبيعة العمل 100% . بدال 35 %

3- الدوام من 7 الى 1

4- ارتب جدول داخل المدرسه بحيث يستطيع المدرس مغادرة المدرسه الساعه 11:30 للي ماعنده حصه سابعه .

5- الاجازه السنويه 60 يوم .

6- اجازة الربيع 3 اسابيع.

7- نصاب المدرس لايزيد عن 14 حصه ولا يقل عن 6 .

8- 4تذاكر آخر السنه درجه اولى .

9- تامين صحي له ولاسرته .

10 - التقيل من الدورات وتنسيقها بحيث لايتضرر منها المدرس .

11- الابتعاث لمدة 4 شهور لدراسة اللغه الانجليزيه بالتنسيق مع توجيه الماده .

12- حضور ندوات ومؤتمراتوورش عمل خارج الدوله بما لايقل عن مره واحده خلال العام .

13 -منح المدرس والاداري القطري بطاقه تعريفيه v.v.i.b تخوله بتخليص معاملاته داخل الوزاره باسرع واحسن مايكون .
اشرايكم ؟؟ اموافقين ؟؟

[بوطويشم]

السلام عليكم

عنصر التعليم و التدريس مهم ومهم جداً

لكن لو أنا مدرس وعرضت علي هالعرض بارفض

شالفايده استلم راتب قوي ومميزات

واخرتها يجيني الطالب يسب ولا يستهبل و ماتقدر تسوي له شي غير تعهد او فصل

الكرامة اهم من الراتب

بالتوفيق

[عقار]

سبحان الله
التعليم في اي دوله في العالم وفي اي زمن هو احد اهم الاعمده الرئيسية في اساس الدوله
وان شاء الله عندنا بعد
لكن ،،، داخل اسوار المدرسة المستقلة ، تجد صاحب الترخيص او النواب يحترمون ويخافون من الطالب
عكس المدرس ( يبردون حرتهم فيه )

[بنز]

هلا اخوي .. شاكر لك المرور والمشاركه .. :)

من بدا التعليم في العالم .. وهناك طلاب يثيرون الشغب ..
ومن بدا التعليم في العالم .. وهناك اساليب كثيره ومتنوعه لمعالجة هذا الشغب ..

اي انسان في العالم .. اخي العزيز لايساوم في كرامته هذا امر لا فصال فيه ..

لكن ليست الكرامه ان نعلق المشانق في مدخل المدرسه لاي طالب يتجاوز !!

وتأكد عزيزي مثل هالمواضيع موضوعه في الحسبان ..

[بنز]

ردي الأول كان للأح : بوطويشم:)

اما ردي على اللأخ ((عقار)) ايضا اشكرك للمرور والرد .. وصدقني الموضوع اللي ذكرته من حيث تقليل الاحترام للمدرس في مقابل تعظيم الاحترام للطالب .. امر لا اكاد تصديقه .. في حين يجب تعظيم الاحترام للمدرس والطالب .. وتوجيه ولفت نظر من يحتاج لذلك ..

[تصانيف]

مع احترامي لك اخوي...
بس وش عنده المدرس عشان ياخذ كلل هالمميزات الي ما يأخذونها الا الاستشاريين والأطباء الي كرفوا ودرسوا ع الاقل 10سنوات..

اما المدرس ما عنده غير شهادة بكالوريوس اذا ما كان اقل..فبأي وجه حق ياخذ هالكثر مميزات..

صح التعليم مهم..وانه نعيد اخراط المدرس القطري مهم جدا..

بس ماتوصل لتذاكر درجة اولى كل سنة!!

الظاهر ودك المهندسين يقلبون مدرسين رياضيات وكيميا..!!

لك ودي

[alma3ani]

لو بتعطيني كل هلمميزات انا راضي اغير تخصصي من الحين هههههههههه

[بوطويشم]

هلا اخوي .. شاكر لك المرور والمشاركه .. :)

من بدا التعليم في العالم .. وهناك طلاب يثيرون الشغب ..
ومن بدا التعليم في العالم .. وهناك اساليب كثيره ومتنوعه لمعالجة هذا الشغب ..

اي انسان في العالم .. اخي العزيز لايساوم في كرامته هذا امر لا فصال فيه ..

لكن ليست الكرامه ان نعلق المشانق في مدخل المدرسه لاي طالب يتجاوز !!

وتأكد عزيزي مثل هالمواضيع موضوعه في الحسبان ..

اخوي بنز

عندك اخ في المراحل الدراسية المختلفه ؟؟؟

لان الي اسمعه انه المدرس ما عنده صلاحية غير استدعاء المشرف او طرد الطالب

اما من 10 سنين كان الواحد يهاب المعلم ويخاف منه ويحترمه

اما الحين الطالب الي يثير المشكلة أشلون توقفه

في مراحل من العمر الضرب الخفيف غير المبرح احياناً يكون هو الحل

و السموحة اذا طلعت اشوي عن الموضوع

[بنز]

مع احترامي لك اخوي...
بس وش عنده المدرس عشان ياخذ كلل هالمميزات الي ما يأخذونها الا الاستشاريين والأطباء الي كرفوا ودرسوا ع الاقل 10سنوات..

اما المدرس ما عنده غير شهادة بكالوريوس اذا ما كان اقل..فبأي وجه حق ياخذ هالكثر مميزات..

صح التعليم مهم..وانه نعيد اخراط المدرس القطري مهم جدا..

بس ماتوصل لتذاكر درجة اولى كل سنة!!

الظاهر ودك المهندسين يقلبون مدرسين رياضيات وكيميا..!!

لك ودي

كلام جميل جدا ..
بس شكلك ماداومت في مدرسه ولا عرفت طبيعة عمل المدرس ..

اخي العزيز .. من اهل الطبيب الناجح كي يكون طبيب؟؟
اخي المحترم .. من حبب وشجع الاستشاري كي يكون استشاري ناجح ؟؟

لذلك يجب ان لاندخر اي جهد في سبيل اعادة القطري والقطريه للمدارس .

بعدين هالمميزات اللي مستكثرها على ابناء جلدتك ان كنت قطري فهي لاتساوي شيئا عند الاجانب في اماكن اخرى .. خلنا ساكتين :secret:

[بنز]

اخوي بنز

عندك اخ في المراحل الدراسية المختلفه ؟؟؟

لان الي اسمعه انه المدرس ما عنده صلاحية غير استدعاء المشرف او طرد الطالب

اما من 10 سنين كان الواحد يهاب المعلم ويخاف منه ويحترمه

اما الحين الطالب الي يثير المشكلة أشلون توقفه

في مراحل من العمر الضرب الخفيف غير المبرح احياناً يكون هو الحل

و السموحة اذا طلعت اشوي عن الموضوع
هلا اخوي .. بالعكس انت اتكلم في صلب الموضوع :nice:

بس سؤال .. هل اشرت من قريب او بعيد في ردي السابق بمنع الضرب ؟!!

اخوي انا مدرس سابق وحتى من قبل ال 10 سنوات اللي ذكرتها ..

وايضا كان هناك طرق ووسائل وحلول لمعالجة اي مشكله (( قبل الضرب)) .

سؤال : ما الافضل معالجة تجاوز الطالب بالحل العلمي التربوي في البدايه ام بالضرب المباشر ؟؟!!!!

بعدين يخي مايصير نحصر المشكله بالضرب وعدم الضرب .. هناك امور كثيره يجب ان تعالج

[بنز]

لو بتعطيني كل هلمميزات انا راضي اغير تخصصي من الحين هههههههههه


ههههه هلا اخوي .. والله انتشرف بضم اي قطري للسلك التربوي حسب ((الكادر الخاص)) الذي وضعته .. وان اتى طمعا بالمميزات .. ولكن !! مع الوقت ستحب المدارس والتعليم بشكل عام .. فاهلا وسهلا :nice:

[بنز]

طبعا مع الأخذ بعين الاعتبار ،، الاستفاده من الوضع القديم للوزارة والوضع الحالي للمجلس ،، وأخذ فائدة ومحصلة التجربتين وتطبيقها في النظام الجديد،،

وين المدرسين والمدرسات ؟؟

نبي نسمعهم:)

[ام السعف]

الأهم نبي كفاءات ما نبي مدرسين والسلام :(

[R 7 A L]

لين مايرضون بالواقع الى فرضته عليهم الجهات العليا
ويساهون في أهم ركيزة

[بنز]

الأهم نبي كفاءات ما نبي مدرسين والسلام :(

الكفاءات موجودة ، لا اتحاتين ، محتاجة من يدعمها ويوفر لها المناخ الممناسب للابداع ،

التدريس مثله مثل أي مهنه ، يجب أن تحب المهنة كي تعطي ، وبالأخص التدريس ،
شاكرلج مرورج

[بوالبيض]

افكار حلو بس انسي وانسي احد يمسع لك ولا ياخذ بافكارك
بعدين لو شنو تعطيهم الي طلعوا محد راح يرجع لك علي
فكره الي طلعوا معي الزياده والله محد يبي يرجع وناسين
وشالين الفكره من الاساس انا واحد منهم ابي اطلع وافتك
من عوار الراس والسنداره مدرس رحت ولا جيت لا ترقيه
ولا شي بعدين يومنا كله عذاب صراخ وحشره واشراف
ولا اذ جاك المدير زفت لا رحت فيها بقعد لك علي الصغيره
والكبيره وبعدين يحطون قوانين علي المدرس ومخلين
الطالب سايبه لا حسيب ولا رقيب وبعدين الناس لحد اليوم
تنظر لمهنة التدريس انها ولا شي مدرس انت بل الله يعينك
ولا مره قاعد في ميلس واحد من الربع قال هي مدرس قلت
له اي يقول تصدق طاح من عيني وانا فكره مدير شي لهدرجه
نظره دونيه ينظرون للمدرس انه ولا شي ولا يعطونه اهتمام
ناس قاعده علي مكاتب واحنا نربي ونتعب بمشاكلهم ولا نحصل
شي . الله كريم موفق اخوي علي الموضوع

[بنز]

بو البيض ،، نكك عجيب :)
امزح معاك ،،
على كل ،، كلامك حلو وواقعي ،، بس صدقني في فئة في المجتمع لازالت تفدر وتحترم المدرس ،،

والمدرس هو من يفرض احترامه ،، سواءا للمدير أو غيره ،،

نظرة المجتمع للمدرس بهذه الدونية لانجدها الا في مجتمعاتنا العربية وبالأخص الخليجية ،، لكن باستطاعة المسؤولين تغيير هذه النظرة ،، باتباع الكادر الذي نتحدث بصدده أولا وبتوعية المجتمع ثانيا .

[دلة الرسلان]

فعلا الوضع متأزم في ظل غياب الكفاءات القطرية من الجنسين أدارات تحاسب على لون

الشباصة للبنت وجوتي الولد أسود ولا بني - وانتوا بكرامة - بينما المستوى الأكاديمي هابط

بسرعة صاروخية .

[بنز]

فعلا الوضع متأزم في ظل غياب الكفاءات القطرية من الجنسين أدارات تحاسب على لون

الشباصة للبنت وجوتي الولد أسود ولا بني - وانتوا بكرامة - بينما المستوى الأكاديمي هابط

بسرعة صاروخية .
نحن لا نطعن في الكفاءات العربية من الأخوان ،، ولكن وجود المواطن هو دعم لهم لدفع العملية التعليمية ،،

اما بخصوص الشباصات ،، فلاتعليق !!:secret:

[دلة الرسلان]

نحن لا نطعن في الكفاءات العربية من الأخوان ،، ولكن وجود المواطن هو دعم لهم لدفع العملية التعليمية ،،

اما بخصوص الشباصات ،، فلاتعليق !!:secret:

وأنا كذلك ما اطعن في كفائتهن كلهن - لأن بعضهن ما تستحق لقب معلمة - ولكن قليل منهن

من يمكنها السيطرة على الصف عكس المدرسة القطرية .

[بنز]

وأنا كذلك ما اطعن في كفائتهن كلهن - لأن بعضهن ما تستحق لقب معلمة - ولكن قليل منهن

من يمكنها السيطرة على الصف عكس المدرسة القطرية .

ممتاز ،، من تثبت جدارته يبقى والا ،، يبحث عن وظيفة أخرى ،،
اتفقنا ؟ :)

[QatariFallah]

شرايك بعد نبدأ انفصلهم نجوم ع كتوفهم

[مخطط قطري]

اخوي اقتراحك جميل ولكان طل المجلس الاعلى لتعليم يسوي اقتراح من اقتراحتك ياريال اذبحوهم على طكبيعه العمل 35% تصدق كانوا مايبغون يحطون لهم 35% اقل بس بعد مشاورات حطوااا وعلى قولتك تامين صحي تبي المستشفيات تموت تخيل هو وزوجته وعياله كم مدرس ولا كم مدرسة بعدين تذاكر درجة اولى خلهم يعطون سياحية راضين ياريال عموما احلام حلوة هم مابغوا يرفعون رواتب الاكاديمي( المدرسين) عشان ينفذ لهم اها الطلبات

[بنز]

اخوي اقتراحك جميل ولكان طل المجلس الاعلى لتعليم يسوي اقتراح من اقتراحتك ياريال اذبحوهم على طكبيعه العمل 35% تصدق كانوا مايبغون يحطون لهم 35% اقل بس بعد مشاورات حطوااا وعلى قولتك تامين صحي تبي المستشفيات تموت تخيل هو وزوجته وعياله كم مدرس ولا كم مدرسة بعدين تذاكر درجة اولى خلهم يعطون سياحية راضين ياريال عموما احلام حلوة هم مابغوا يرفعون رواتب الاكاديمي( المدرسين) عشان ينفذ لهم اها الطلبات

والله عاد اهم اللي خربوا التعليم وشردوا القطريين ،، ايتحملون طلباتهم عشان يرجعون ،، والا مافي رده

[ريماس الغلا]

ارفع الرواتب مثل الحاصل الحين وبتشوف اعداد هائله من المدرسات بيرجعون

[روعة الجوري]

انا اقول .. للمجلس الاعلى :
اتعهد لك اني ارجع كل القطريين والقطريات للمدارس .. :

اها ااا قلتولي اشلون ؟؟

1- اول شي اسوي تكريم واعتذار لجميع المدرسين والاداريين في افخم فندق في الدوحه اللي طلعتوهم من الباب الشرجي .

2-طبيعة العمل 100% . بدال 35 % (ما اعتقدبيوافقون بس لا مانع من المحاولة)

3- الدوام من 7 الى 1 (ما ينفع)

4- ارتب جدول داخل المدرسه بحيث يستطيع المدرس مغادرة المدرسه الساعه 11:30 للي ماعنده حصه سابعه . (الكل بيتهاوش على هالطلعة وكلن بيقول ابغي الحصص الاولى)

5- الاجازه السنويه 60 يوم . (حلو اوافقك الراي)

6- اجازة الربيع 3 اسابيع. (ماشي الحال اوكي ولامانع انها تزيد)

7- نصاب المدرس لايزيد عن 14 حصه ولا يقل عن 6 . (ما يزيد عن 12 حصة)

8- 4تذاكر آخر السنه درجه اولى . (ما تكفي نبي لجميع افراد العائلة وما اقصد عيالها واخوانها وخوالها)

9- تامين صحي له ولاسرته . (ممتاز)

10 - التقيل من الدورات وتنسيقها بحيث لايتضرر منها المدرس . (ممتاز)

11- الابتعاث لمدة 4 شهور لدراسة اللغه الانجليزيه بالتنسيق مع توجيه الماده . (:victory:)

12- حضور ندوات ومؤتمراتوورش عمل خارج الدوله بما لايقل عن مره واحده خلال العام . (:nice:)

13 -منح المدرس والاداري القطري بطاقه تعريفية V.I.P تخوله بتخليص معاملاته داخل الوزاره باسرع واحسن مايكون .
اشرايكم ؟؟ اموافقين ؟؟
اوكي مع الاخذ بالاعتبار ما كتب بين الاقواس

السلام عليكم

عنصر التعليم و التدريس مهم ومهم جداً

لكن لو أنا مدرس وعرضت علي هالعرض بارفض

شالفايده استلم راتب قوي ومميزات

واخرتها يجيني الطالب يسب ولا يستهبل و ماتقدر تسوي له شي غير تعهد او فصل

الكرامة اهم من الراتب

بالتوفيق
وين وقفة المدرس فالصف؟ وين ثيادته للعملية التعليمية فالصف؟

مع احترامي لك اخوي...
بس وش عنده المدرس عشان ياخذ كلل هالمميزات الي ما يأخذونها الا الاستشاريين والأطباء الي كرفوا ودرسوا ع الاقل 10سنوات..

اما المدرس ما عنده غير شهادة بكالوريوس اذا ما كان اقل..فبأي وجه حق ياخذ هالكثر مميزات..

صح التعليم مهم..وانه نعيد اخراط المدرس القطري مهم جدا..

بس ماتوصل لتذاكر درجة اولى كل سنة!!

الظاهر ودك المهندسين يقلبون مدرسين رياضيات وكيميا..!!

لك ودي
بكل بساطة المدرس لازم يتحرك لمدة 55 دقيقة كل حصة وممنوع يقعد غير انه يتعب صوته بالكلام خصوصا مع تغيير نبرة الصوت بما يتلائم والمعلومة او السؤال ولازم يخلص شغله بين الحصص اللي هو عبارة عن وسائل تعليمية وتحضير و كويزز ويسويله كوب شاي او كوفي وينساه ويروح الحصة وزين اذا تذكر ياخذ له ماي وهو ماشي ولازم يغطي 4 حصص فاليوم تقريبا و يروح ورش او دورات ويرجع البيت يادوبه يتغدى واذا لقى وقت يرتاح فهذا شي ممتاز ولا يكمل شغل المدرسة ويشوف اللي البيت محتاجه

الكلام اسهل من الواقع بالف مرة

للعلم المدرس ما يدرس بشهادة اقل من البكالريوس ولا لا يعتبر مدرس :victory:

امور كثيرة ترفع قدر المدرس وتخليه يستحق اكثر من الطبيب والمهندس كفاية انه يتعامل بصورة مباشرة مع مالايقل عن 100 طالب فاليوم اذا درس 4 حصص بس

شرايك بعد نبدأ انفصلهم نجوم ع كتوفهم
نسستاهل والله

والله عاد اهم اللي خربوا التعليم وشردوا القطريين ،، ايتحملون طلباتهم عشان يرجعون ،، والا مافي رده
والله :anger1:

[نتفـه]

هييييه لنا الله يا ولد الحلال هذا اولا ..
وثانيا الله يسامح الاخ اللي قال ومن المدرسين علشان يحصلون كل هالمميزات .. ما فيني شدة اعلق باقتباس لان الواحد من الكلام لسانه طلع فيه شعر .. ومن الكتابه اصابعه صادها تشنج فالسكون ارحم من الرد ..
الف شكر على الموضوع اللي يبرد الخاطر :)

[بـــــــنت النوخـّــــذه]

اغلب المدرسين والمدرسات شلو شلايلهم وراحوا لوظايف ثانية مرتاحين فيها هذا اولا"
وثانيا" معظمهم مقدم استقالتة وفي فئة قليله نقل بالمخصصات 00

ثالثا" عملية ارجاع المدرسين لمهنة التدريس مهب بالعملية السهلة لا بحوافز ولا بتقليل الوقت وغيره من الامور بتقدر اترجع المدرسين

ألي نبغيه هو كفاءات فقط في مجال التعليم, ذمة وضمير بالتدريس , معايير تتناسب مع بيئة الطالب وقيمة وعاداتة وتقاليدة ,تحمل أمانة تعليم الجيل , ميزانية لتأهيل الموهوبين والاهتمام بهم من خلال تطبيق خطة تدريسية بالتعاون مع الهيئات والمؤسسات 00000إلخ

المطلـــــــــــــــــــــــــــــــــوب خطة مدروسة في مجال التعليم مهب تعالوا وارجعوا بنخفف عليكم او بنزيدكم ولا تعال وطبق والله بالخير مايدرون شسالفة حفظ وتلقين ومعايير في شرق وبيئة الطالب في غرب 00 الخطة التعليمية بكبرها يبغيلها إعادة تخطيط ويبغيلها من يرسيها على برّ الأمان
تحياتي

[بنز]

مشكورين ،، كل اللي شارك وطرح رايه ،، محتاجين مثل هالنقاش ،، ترا لاتقولون مافي فايده ،، صدقوني ترا هالكلام اللي انقوله وانتناقش فيه مهم جدا لتوعية الجيل الجديد ،،

وانا متأكد الكل وده ان الحال ينصلح ،، الله كريم

[خزامئ]

ياليت لو يسير
ويكثفون المراقبات علي بعض المديرات
الي يعملون المدرسه كنهم جايبينها على كفالتهم الشخصيه
حسبي الله على كل ضالم ونعم الوكيل

[غابت الشمس~]

اممممممممممممم


حلوه

ا
لأ
ح
لا
م

[بنز]

اممممممممممممم


حلوه

ا
لأ
ح
لا
م

صدقوني مب احلام ،، ترا المدرسين اللي على البند حاليا مرتا ا ا ا حين وفي خير ونعمه ولله الحمد ،
ولا هب محتاجين ،،
الدوله اهيا اللي محتاجه للكادر القطري ،،
وهذا الموضوع من حوافز وخلافه ماهو الا اجتهاد مني لارجاع القطري والقطريه للمدارس ،، وعساهم يرضون !

[QatariFallah]

ها بشّر

عطوك فرصه وللا للحين ؟