اعلان عن سرقة كابينة (( بالصور ))

[بوغزلان28]

السلام عليكم ورحمة الله وبركاته

الموضوع سارقين كابينة نسيبي من شارع (3) بالصناعية , يعني انا مادري اشلون قلبه قوي يسمح له يسحب كابينه صراحه هذا واحد في قمة الوقاحة !

الكابينة بحط لها صوره ((واللي يلاقيها او يدليني عليها له مكافأة مالية))
مواصفات الكابينة

المساحة 8*3
صناعة السعودية

الرجاء من الجميع التعاون معاااي وارسال الصوره بالبلاك بيري والآي فون
http://www.m5zn.com/uploads2/2011/10/15/photo/101511221052co7cz6tv9e4z83.jpg (http://create-avatar.m5zn.com/)

[الـقـاسـي]

حسبي الله على اللي سرقها
ان شالله تحصلونها

[بوغزلان28]

امين اخوي القاسي

[ajabor]

الله يعينك

[..er..]

لهدرجه وصلت فيه

نقصت التواير ولا البيبات

داخل جامد هالحرامي ..

بتلقونهآ بأذن الله ..

وانا هاليومين بالصناعيه .. وان شفته رديت لك خبر :)

[نمساوي]

تأكد من البلدية يمكن ساحبينها ؟؟

[بوغزلان28]

تأكد من البلدية يمكن ساحبينها ؟؟

تأكدنا من البلدية وقسم النظافة ومافي عندهم خبر

[ALRAYYAN]

تحسب عليه والله ياخذ لك حقك منه هذا اللي مايخاف ربه

وصدقني إحنا الحين موسم تخييم يعني أنسى يخليها في الدوحة والله اعلم

الله يعوض عليكم

[al_qa76ani]

صارت معانا قبل ولقاها اخوي كراج يسوي كباين واللي هناك من جنسيه عربيه اسرقوها وباعوها في سوق الحراج

نصيحة دور حوالين سوق الحراج او شيك في ورش الصناعيه اللي تسوي كباين .

وانشاء الله تحصلها ..

[الـخـالـدي]

حسبي الله عليه .. و ان شاء الله تلقون حلالكم

[نبض الخفوق]

ان شاء الله تصيدة

[المظلومة]

حسبي الله على اللي سرقها
ان شالله تحصلونها



بس تري الحين هابين ف السرقة

ياخذون اى شي ويبيعونه ف الصناعيه

[رذاذ]

الله يعوضة خير وعسا تلاقيها .. بس سوال ليش حاصها بالشارع !!
وين ومتى انسرقت ^_^

جاررررري التحري عن الموضوع .

بخصوص الباصات يا بوغزلان امس رحت صوب الاهل بالريان عند دوار القلعة مصففين شكثرهم . الصفر مادي اي موديل بس مر شوفهم عسا شي يصلح لك

[بوغزلان28]

الله يعوضة خير وعسا تلاقيها .. بس سوال ليش حاصها بالشارع !!
وين ومتى انسرقت ^_^

جاررررري التحري عن الموضوع .

بخصوص الباصات يا بوغزلان امس رحت صوب الاهل بالريان عند دوار القلعة مصففين شكثرهم . الصفر مادي اي موديل بس مر شوفهم عسا شي يصلح لك

اي شفتهم بس والله ما قدرت اوقف لانه مافي باركن

[بوحسن2009]

حسبي الله عليهم حتى الكباين ما اسلمت اخوى بوغزلان شكله بيبيعها وبوهق الرجال الى بيشتريها تدري ربعنا يشترون بدون اوراق للاسف ..
الله يكون فى عون راعيها .. اكيد بلغت الشرطة اهم شى ...

[قطري123]

الصناعية صارت مرتع للمجرمين واصحاب السوابق...الله ايكافينا شرهم

والله لايهنيهم في اللي اسرقو،والله ايرد لك حقك من عيونهم

[حسن الاحمد]

الله لا يعطيه اللي باقها

[al saad]

مال الحلال مايضيع

[diver]

السلام عليكم
أتصدق أخوي العام سوي فينا هذي الحركه بس سرقوا الحمام الله يعزك
قبل كم يوم من موسم العنن كنت مأخذها الصناعيه عشان شويه
تصليحات .
بس ما اقول إلا حسبي الله عليهم واضطرت اسوي واحد ثاني .
وطول الموسم وانا ادوار بين العنن يمكن ألقه .

[محمد الجفيري]

بالتوفيق ان شاءالله

[مستثمر 999]

ياليت تحط لنا صوره اوضح

[barod]

ان شاء الله تلاقيها وياخذ جزاه الي سرقها

[ولد سالم]

الله يعوضه نسيبك
انا من شهر ونص انسرق طرادي من الفرضه والحلال ما يضيع لقيته صابغه ومغير اشياء بس انا حاط فيها علامات باماكن
وخذت حقي منه اهم شي انه يبلغ ويدور لانه لو ما يدور ما راح يلقونه نفس سالفتي قالو لي معوض خير بس ما خليت مكان لين ما لقيته فكراج فالشمال
اخوي بو غزلان لوعندك صور اوضح انا بكره بدور لك فالخور لين ارد من الدوام بس انا بقولك وين تدور الكراجات المتخصصه بالبورت كبن
والسموووحه ع الاطاله

[احساس رابح]

السلام عليكم

اخوي لو تمر على محطه ام الافاعي فيه كذا وحده هناك معروضه للبيع على خط الشحانيه

والصوره اللي منزلها مب واضحه وفيه كبينه تقرب عن هالصوره بس مب متاكد مر وتاكد بنفسك

[ولـ بلادي ـد]

الله المستعان ... الله يستر من هاي السرقات تخيلو اني صاف موتر قدام البيت طلعت ما حلصت ليتاته الخلفيه الله يعينك وتحصل حلالك

[نبض الخفوق]

السلام عليكم

اخوي لو تمر على محطه ام الافاعي فيه كذا وحده هناك معروضه للبيع على خط الشحانيه

والصوره اللي منزلها مب واضحه وفيه كبينه تقرب عن هالصوره بس مب متاكد مر وتاكد بنفسك




صح كلامك يوجد كبير من الكباين في محطة بترول ام الافاعي

[OM_OMAR_QATAR]

معقول ! انا اقرا مو مصدك !

لاحول ولاقوة الا بالله ..
بعد لازم يخلون ارقام ع الكابينات
والا الحين شلون الواحد يميزّ هذه كابينته

[كتكوت الوحش]

يمكن البلديه ساحبينها لانها صارت فينها لقيت كبينتي بالسكراب المشاف مر عالسكراب وشيك يمكن ساحبينها

[بوسلمان 2010]

والله مااظن انه قطري هذولا عصابه اجانب الله ينتقم منهم

[بوغزلان28]

حسبي الله ونعم الوكيل فيه

[alamri78]

السلام عليكم ورحمة الله وبركاته

صارت معنا من قبل ، المشكلة ياخوي اذا صبغها وغير شكلها ،،،،

صدقني مال الحلال مايضيع ، الي انسرقت من عندي حصلتها في الصناعية في كراج يعدلون فيها وكانوا بيصبغونها ،، والحين موسم التخييم بيبدأ ،،يعني احتمال كبير انها في الصناعية يجهزها الحرامي للبيع او للتخييم ( الله يوفقك ،، وان حصلتها لاوصيك على هالاشكال لاترحمهم )

[بوشاهين2]

أنا أنسرق مني طراد كنت صافه قدام (حدادة جاجي) بالصناعية وهالكلام من 5 سنوات ولين يومك ماحصلته وماخليت مكان مادورته .. الله أيعينك ..

[كود نمبر]

شكلي شفتها من قبل اعتقد صار لها فتره طويله موقفه في شارع 3

على العموم اخوي انا مره اسحبت من سياره بلغت عليها وشيكنا مع كراج البلديه

ولا فيه فايده في الاخير طلعت البلديه ساحبينها ومودينها الشبك الجديد في الوكير

على العموم مر على حوطة البلديه الي في الوكير احنمال كبير تحصلها هناك

والله يوفقك

[وتبقى الدنيا حلوه]

قول هالدعاء وانشالله تحصلها

اللهم يا جامع النااااااااس ليوم لا ريب فيه أجمعني بضالتي كم جمعت بين الجسد والروح ويوسف بأبيه

[وتبقى الدنيا حلوه]

و اقراء سورة الضحى

[بوغزلان28]

تسلمين اختي وتبقى الدنيا حلوه

[بوغزلان28]

وحياتك بس اصيده لا اقطه فيها وابند عليه واولع الكابينه بنار , السبب قضاء وقدر

[Abu Abboud]

من يومين بايقين تيدري من عند باب قاراج مسكين راعي القاراج عوضني بغيره وحلف علي أني اخذه بيض الله وجه بس والله لو احصل التيدر في الشارع لا الف عليه واقلبه حسبي الله عليهم ماخلو شي عيال الحرام معوض خير اخوي

[متعاون000]

السلام عليكم ورحمة الله وبركاته

الموضوع سارقين كابينة نسيبي من شارع (3) بالصناعية , يعني انا مادري اشلون قلبه قوي يسمح له يسحب كابينه صراحه هذا واحد في قمة الوقاحة !

الكابينة بحط لها صوره ((واللي يلاقيها او يدليني عليها له مكافأة مالية))
مواصفات الكابينة

المساحة 8*3
صناعة السعودية

الرجاء من الجميع التعاون معاااي وارسال الصوره بالبلاك بيري والآي فون
http://www.m5zn.com/uploads2/2011/10/15/photo/101511221052co7cz6tv9e4z83.jpg (http://create-avatar.m5zn.com/)

عليك بالدعاء ( اللهم ياجامع الناس ليوم لاريب فيه تجمعني بضالتى ويسمى الشئ وقراءة سورة الضحى )

[alansari]

السلام عليكم ورحمة الله وبركاته

الموضوع سارقين كابينة نسيبي من شارع (3) بالصناعية , يعني انا مادري اشلون قلبه قوي يسمح له يسحب كابينه صراحه هذا واحد في قمة الوقاحة !

الكابينة بحط لها صوره ((واللي يلاقيها او يدليني عليها له مكافأة مالية))
مواصفات الكابينة

المساحة 8*3
صناعة السعودية

الرجاء من الجميع التعاون معاااي وارسال الصوره بالبلاك بيري والآي فون
http://www.m5zn.com/uploads2/2011/10/15/photo/101511221052co7cz6tv9e4z83.jpg (http://create-avatar.m5zn.com/)

الله يعينك

[مثمن معتمد]

وحياتك بس اصيده لا اقطه فيها وابند عليه واولع الكابينه بنار , السبب قضاء وقدر



تخيل انها تحترق فيه على هالجملة بيتهمونك

وعلى قولت اخواننا المصريين ( موت وخراب ديار )

هههههههههههه

[kayed]

الله يعينك