تسجيل الدخول

مشاهدة النسخة كاملة : ممكن شرح لطريقة الشراء من الانترنت؟


الفيصل
16-10-2011, 02:19 PM
السلام عليكم ورحمة الله وبركاته

اخواني ممكن شرح لطريقة الشراء عن طريق الانترنت من موقع امازون وايباي او مواقع ثانيه؟

نبي لمن عندهم الخبره نصائح وماهي افضل شركة شحن عندنا بقطر

وماهو افضل بنك يقدم بطاقة الفيزا المدفوعه

في انتظاركم ...
QatariFallah
16-10-2011, 02:54 PM
سهله
مافي شي

حسب المواقع
تختار الشي اللي تبيه
وتأكد من الباسكيت مالك ان هالشي مش مكرر مرتين
بعضهم يخدعون الناس ويكتبلك العدد بالباسكيت صغير (2) وانت تبي بس كمية عدد واحد بس
فانتبه لها
بعدين عب بياناتك
وبيانات الكريديت كارد
اهم شي تنتبه له اللي هو ال postcode
في بريطانيا وبعض الدول اللي ماشيه على السيستيم الوروبي..يبون منك هالشي
هذا مش الzipcode ولا فتح خط
بالنسبه بقطر مافي بوست كود..لإ بعض البنوك اتقولك حط اخر ثلاث ارقام سيكورتي كود خلف البطاقه..بمكان البوست كود بعد وبتمشي

غير كذا مابيصير الا اذا الموقع مايهتم بالبوست كود او اذا بتحط اي شي وتكون واثق بيوصلونه

اكثر الناس تعتمد على بوستات كود ل اراميكس مثلا
يعطونك 3 بوستات وعناوين (امريكا، بريطانيا، الصين) وانت حر استخدم هذول او اي شركه غيرهم

ماعتقد في شي ثاني يستاهل اقولك اياه او صعب
@north_star@
16-10-2011, 04:42 PM
بنك الريان اخوي بطاقتهم حلوة تحط فيها من 500 الى 5000 ريال كحد اقصى ورسوم البطاقة لاول مرة 20 ريال وتستلم البطاقة بنفس الوقت ومب شرط يكون عندك حساب هناك .....

وثانيا عندك ارامكس تمر عليهم تفتح حساب shop & ship وبياخذون عليك مبلغ بس نسيت كم ولمرة وحده وبيعطونك عناوين بامريكا وبريطانيا والصين ....

ولازم تفتح حساب بالموقع الي بتشتري منه مثل ebay وحط عنوانك اللي تبغي تشحن عليه ....

وافتح حساب في pay pal لضمان المبلغ اللي بتدفعه بحال تخلف البايع او صار اي شي يردونلك فلوسك
للصبر اخر
17-10-2011, 10:57 AM
ماقصر اخوووي نورث اختصر كل شي
الفيصل
23-10-2011, 09:04 AM
بيض الله وجيهكم جميعا

north_star@
كلي الي ابيه اختصرته في جملتين( كفيت ووفيت بالغالي )