سمعتوا عن الولد الشمري الي ضايع

[شرقاويه]

يقولون اسمه خالد الشمري بصف سادس ابتدائي ضايع من الفجر الله يرده لاهله يارب والله عورني قلبي .اللهم ياجامع الناس ليوم لا ريب فيه اجمع بين خالد واهله يااااارب.

[Locale]

يارب:(
صج ولا اشاعه ؟؟*

[شرقاويه]

لا الخبر اكيد تكفوون ادعوا له

[غابت الشمس~]

جاني برود كاست من شوي اسمه خالد هلال الشمري بمنطقة معيذر وهو بمدرسة بلال بن رباح



الله يرده لأهله سالم يارب

[نــــظــــره]

اللهم يا جامع الناس ليوم لا ريب فيه اجمع بين خالد واهله


اللهم آآآآمين

[Locale]

ضايع من الفجر وتونا نسمع الخبر
الله يصبر هله
ياارب تطمن قلوبهم برجعته

[البحار00]

غريبه تقولين في بدايه كلامج انهم يقولون

وبعدين تقولين الخبر أكيد


وانا اقول انها اشاعه بلاك بيري

[طير حوران]

للأسف صحيح

[ريتويت]

يارب يرد لهله باقرب وقت ومايصيبه مكروه

[خوي الدرب]

هذا ماهو بطفل هذا رجل

في الصف السادس وينقال عنه ضائع

لا هذا ومثله لا يضيع الا بكيفه

[المسك1969]

أنا بعد ماوصلني شيء وأن شاء الله مايوصلني

بس خلونا نفكر فيها شوي... الطفل من رابع يعرف وين بيته؟ يعني في سادس مابيعرف

وأن شاء الله الديرة أمان ويمكن منخش عند حد من أهله أو ربعه مايبي يروح المدرسة أو يكون البرود كاست كذب

[..er..]

الله سبحانه العالم ..

البلاك بيري ماقمنا نعرف الاشاعه من الكلام الصحيح

الله يرده سالم لـ آهله .. :)

[التميمي 3]

لو في صوره له يكون أفضل
حتى يتم التعرف عليه بسهوله
الله يستر عليه يارب ويحفظه من كل شر

[شرقاويه]

صوره انتشرت والاخت الي قبل شوي تحلل كل كلمه تنقال انا قلت يقولون لا رفيقتي تدرس بمدرسه بلال بن رباح وهي قالتلي وبعدين قلت مو اشاعه الخبر اكيد استغفرالله يارب نااااس عقولها فارغه

[حراير قطر]

الله يرده سالم لاهله

والله يستر عليه والله يحفظه من عيال الحرام ...

[الحياة الخالدة]

اللــــــــــه يرده و يرد كل غايب لأهله بالسلامـــــــة

[Miss]

الله يرجعه لاهله سالم معافى من كل شر
ويبعد عنه عيال الحرام

[راجية الرحمة]

الخبر 100%

وبعدين احمدوا الله على النعمة اللي انتوا فيها
وما فيه داعي على التعليقات اللي تفسر على كيفها
ماتدرون بالظروف اللي يعيش فيها الولد واهله
وماهو شرط ان مخطوف بمعنى الخطف ، مثلاً ممكن لا سمح الله دعمته سيارة
وللاسف السايق ما يبغي يلحقه شئ ، قام وشله وبعده عن الأنظار
الله يرده لهله سالم
الله يعين هله :(

[طير]

لا حول ولا قوة الا بالله

[عيون Qatar]

الله يرده لاهله سالم بأذن الله

[حراير قطر]

الخبر 100%

وبعدين احمدوا الله على النعمة اللي انتوا فيها
وما فيه داعي على التعليقات اللي تفسر على كيفها
ماتدرون بالظروف اللي يعيش فيها الولد واهله
وماهو شرط ان مخطوف بمعنى الخطف ، مثلاً ممكن لا سمح الله دعمته سيارة
وللاسف السايق ما يبغي يلحقه شئ ، قام وشله وبعده عن الأنظار
الله يرده لهله سالم
الله يعين هله :(

بل فالج ما قبلناه

الله يحفظه يمكن الصبي مسوي شيء

وشرد عن اهله ليه هالفال اللي مب زين

الله يرده لاهله :( ...

[Right]

السالفة صج 100%


أنا ما أعرف الولد ولا أعرف أهله


بس إلي خلاني أتأكد أن السالفة صج


كنت جالس بالمجلس بحدود الساعة 9:10 الليلة


ودش على واحد وسألني إذا شفت الولد ولا لا


لأن الولد كان يلحق باص يبي يركب فيه الساعة 5:45 الصبح وكان هالباص جدام المجلس


وأنا أتكلم معاه كانت الشرطة تتصل فيه ويآخذون منه بيانات


الله يرده لأهله سالم غانم ... اللهم آآآآآآآآآآآآمين


يا جماعة الخير إنتبهوا لأعيالكم

[عيون الدوحة]

يقولون حصلوة في اسباير

[حراير قطر]

يقولون حصلوة في اسباير

اتمنى انهم لقوه صج :( ...

[الحياة الخالدة]

يقولون حصلوة في اسباير


يا رب يكون صج

[بوعلي 8]

يمكن حد طار فيه الفجر من جذي مالقوه

[غابت الشمس~]

توه جاني برود كاست يقولون حصلوه في سباير رايح مع عايله هنديه يلعب معاهم بدون مايخبر اهله :secret:

[راجية الرحمة]

بل فالج ما قبلناه

الله يحفظه يمكن الصبي مسوي شيء

وشرد عن اهله ليه هالفال اللي مب زين

الله يرده لاهله :( ...


حراير والله ماهو القصد اني افاول عليه :secret:
بس القصد اختلاف الاسباب ، وانا قلت مثلا لو تلاحظين
واتمنى انهم عينوه :eek5:

[Locale]

الحمدلله رب العالمين

[Aaziz]

الله يرده لاهله سالم معافا
بشرونا ياجماعه الخير

[بوحارب]

الله يرده لأهله سالم يارب

[حقيقه]

حصلوه

[]ام جاسم[]

انا استغرب معقوله يلعب من الصبح لين بليل ولا سال عن اهله ولا فكر فيهم والام متخرعه ادور عليه حسب مصادري الولد طالع تسع الصبح من البيت والام انتبهت الساعه عشر
سؤال وينهم عن عيالهم مايشوفونهم *

[الـقـاسـي]

الله يرده لأهله سالم يارب

[بوخالد911]

ما سمعت عنه

[حقيقه]

اتوقع طلع من البيت على اساس يروح المدرسه وشرد وابعد عن بيتهم عشان كذا ماقدر يرجع

لانه مب صغير

[do7ani]

ام جاسم[;7716300']انا استغرب معقوله يلعب من الصبح لين بليل ولا سال عن اهله ولا فكر فيهم والام متخرعه ادور عليه حسب مصادري الولد طالع تسع الصبح من البيت والام انتبهت الساعه عشر
سؤال وينهم عن عيالهم مايشوفونهم *

بالضبط
مر وقت الغدا ومر وقت العشا ماانتبهتي ان ولدج مفقود
ماينلام لو ضاع الصراحه

[أم مشعل]

الولد ضايع وقلنا تحصل ..........قالوا حصلوه .........قلنا ألف الحمدلله على سلامته

لكن تفسيرات انه طلع الساعة خمس الا ربع الفجر يلحق الباص ...........بعدين طلع الساعة

تسع الصبح ...........الأم انتبهت الساعة عشر .......لقوه مع عايلة هندية في سباير ........

كلمات متقاطعة .......أو ألغاز تبي من يحلها.........

انزين هالعايلة الهندية اشلون لقته ؟؟؟ليش خلته عندها هالمدة الطويلة ؟؟؟ما قالوا ان له أهل بيدورونه؟؟؟

اشلون الأهل اعرفوا ان الولد في سباير ؟؟؟كلها اسئلة وغيرها كثير تحتاج الى اجابة .......

[hasss1969]

الخبر مؤكد ومن مصدر ثقة انهم لقوه في سباير وسلموه لاهله ....عمر الطفل 11 سنة...

[بنت الأجوادQ]

ياررررربي رجعنا لسالفه البلاكبيري وخرابيطه سويتوا مثل سالفه الشبيه اللي ضاع في الخور وعفسوا هالخور اللي هناك وأخرتها لقوه يتمشى ....وهذا إحنا كل ما طلع حد وغاب كم ساعه بيطرشون لنا مسجات وبيقولون لنا فلان لتخطف وفلان ضاع وفلان شارد ياليت البلاكبيري انقطع على طول وافتكينا منه *

[موضي قطر]

الحمدلله على سلامته .. هذا هو المهم

[do7ani]

الخبر مؤكد ومن مصدر ثقة انهم لقوه في سباير وسلموه لاهله ....عمر الطفل 11 سنة...

11 وضايع :whistling:

[نورالهدى]

الله يرده لاهله سالم بأذن الله

[نورالهدى]

الحمدلله على سلامته .. هذا هو المهم

[PIX]

اتوقع الولد زابن في اسباير

على اساس العب وقربه من المنزل مب اكثر

واحتمال العائلة الهندية اعرفت من بسالفته منه او طلب هاتف لاتصال باهله فتم اتخاذ الازم هذا والله اعلم

وعلى كل حال الاهم سلامة الولد

الف الحمدلله على سلامته

[R 7 A L]

ياررررربي رجعنا لسالفه البلاكبيري وخرابيطه سويتوا مثل سالفه الشبيه اللي ضاع في الخور وعفسوا هالخور اللي هناك وأخرتها لقوه يتمشى ....وهذا إحنا كل ما طلع حد وغاب كم ساعه بيطرشون لنا مسجات وبيقولون لنا فلان لتخطف وفلان ضاع وفلان شارد ياليت البلاكبيري انقطع على طول وافتكينا منه *



ياخوفي الحين العالم والناس في قطر يدورون لي
ويقولون ( ضايع ) من سنه :secret:



عموماً الحمدلله على سلامته

كان من الافضل ان اهله تعاملوا مع الشرطة دون اللجوء للبلاك بيري الى ماحل المشكلة الا زاد الطين بله وخوف العوائل والاهالي

[امـ حمد]

الله يرده سالم

[مشتاقة لقطر]

الله يحفظه يارب

[basma222]

الحمدلله على سلامته

[بدوور]

الحمدلله على سلامته

[بـــــــنت النوخـّــــذه]

الحمد الله على سلامة الولد 00

هذا ماهو بطفل هذا رجل

في الصف السادس وينقال عنه ضائع

لا هذا ومثله لا يضيع الا بكيفه

على فكرة انا مره اشكبري ومادل بيتنا عدل إلا اذا قربوا من المنطقة ألي احنا فيها 00فما بالك بطفل 00هو طفل حقيقه طالما مابلغ سن الرشد

الله يحفظ لكم عيالكم

[khalid Qtr]

الحمدلله الولد رجع لاهله امس الساعة 11 في الليل ، لقاه رجال في حديقة اسباير وجابه للبيت
هو شكله هرب الصباح عشان ما يداوم للمدرسة وبعدها خاف يرجع البيت وتم هناك
الله يعينهم اهله والله مر عليهم يوم صعب وكل طلع يدور في اتجاه بس الحمدلله في الاخير رجع