أنا قطرية وابــي اتوظف في احدى بنوك قطر افزعولي

[دولة قطر.]

سيدة قطرية

ترغب بالعمل في مصرف قطر الاسلامي او بنك الدوحة كاشير او خدمة العملاء اللغة الانكليزية متوسطة الشهادة ثانوية تحب العمل
مجتهدة

يا ريت اللي يقدر يساعد يرسل لي على الخاص محتاجة وظيفة والله محتاجتها مطالب الحياة زاده

انا صاحبة الطلب ليست صاحب النك نيم
وجزاكم رب العالمين مليون خير ويوفق من يساعدني
يارب لا تحجني لحد غيرك وارزقني والمسلمين اجمعين

*

[do7ani]

اختي قدمي في برج برزان
البنوك بيردون عليج بسرعه

[البحار00]

الله يعطيج على قد نيتج

وموفقه خير اختي الكريمه

[بوحارب]

الله يوفقج بس اهم شي ابتعدي عن البنوك الربوية

[دولة قطر.]

ليش برج برزان

ابي اقدم لمصرف قطر الاسلامي

وهل البنوك قطاع خاص

ولكم كل اشكر

[do7ani]

ليش برج برزان

ابي اقدم لمصرف قطر الاسلامي

وهل البنوك قطاع خاص

ولكم كل اشكر

اي اختي تقدمين هناك وبعدها يطلبونج
البنوك للمقابلات انا وحده من هلي قدمت وسوت مقابله في بنك قطر وبنك الدوحه
بشرط انج تطلبين انج تشتغلين في البنوك
وهم بدورهم بيشوفون لج شواغر

[hamoor4ever]

روحي الحكومه ابرك او شركات البترول
اجازات حالج حال العالم ، راتب قليل صح وكل مره ينزل غير ، لكن افضل من راتب عالي واداره متعاليه دوامهم عسكري لا عارضه ولا غيره غير الاختلاط اللي ماله مبرر . ولايقصون عليج يقولون لج مستقبل اخرتها عندج واسطه تترقين ماعندج ومحترمه وفي حالج محد بيعطيج ويه حتى لو تكرفين ليل ونهار

هالكلام من مجرب

[monatee]

روحي الحكومه ابرك او شركات البترول
اجازات حالج حال العالم ، راتب قليل صح وكل مره ينزل غير ، لكن افضل من راتب عالي واداره متعاليه دوامهم عسكري لا عارضه ولا غيره غير الاختلاط اللي ماله مبرر . ولايقصون عليج يقولون لج مستقبل اخرتها عندج واسطه تترقين ماعندج ومحترمه وفي حالج محد بيعطيج ويه حتى لو تكرفين ليل ونهار

هالكلام من مجرب



هالكلام الصح

وقدمت استقالتي من البنك شهر 9

اعوذ بالله من شغل البنوك حتى العسكريه ارحم وراتب اعلى واجازات اكثر

[ABO MUBARAK]

نصيحة اخوية ، ابتعدوا عن الرباء والبنوك الربوية ويغنيكم الله ويصلح احوالكم .

[قطوه مربربه]

لو بيدي شي كان ساعدت
ان شاء الله تحصلين شغل يريحج ويعينج يارب
وان شاء الله اذا حد هني يقدر يسااعد يارب يساعد

[دولة قطر.]

شكرًا لكم على نصائحكم الطيبة

وبصراحة أنا محتاجة للشغل في احد البنوك الاسلامية

ولكم كل الشكر إخواني وأخواتي

عندي التزمات وديون ومتاجة اسددها

[العتوي]

راجعي الخاص اختي

[العتوي]

اختي الايميل عندج فول
امسحي شي عشان اقدر اطرشلج رساله ع الخاص

[QatariFallah]

خلها عالمصرف وتبتعد عن بنك الدوحه

[دولة قطر.]

والله نصائحكم فيها خير ودي اشتغل في مكان كافية ربا لا بارك الله في مال الحرام


وبالنسبة لوظيفة ابي اتوظف في بنك المصرف او الجزيرة ايش رايكم

اخي العتوي انتر منك بالنسبة لصندوق البريد بامكان مراسلتي

وشكرا لكم كلكم

[toghma]

والله نصائحكم فيها خير ودي اشتغل في مكان كافية ربا لا بارك الله في مال الحرام


وبالنسبة لوظيفة ابي اتوظف في بنك المصرف او الجزيرة ايش رايكم

اخي العتوي انتر منك بالنسبة لصندوق البريد بامكان مراسلتي

وشكرا لكم كلكم

توه من شوي ودج تشتغلين في بنك الدوحة ،، الحين تقولين كافي ربا ؟؟
على العموم إذا ودج في التجاري طرشيلي على الخاص ، وموضوع الربا هذا فيه فتاوي كثيرة
وإذا انتي بعيدة عن العقود الربوية فإنشاء الله ما عليج إثم .
ورجاء لا نطلع من الموضوع ونحوله لفتاوي إسلامية

[دولة قطر.]

اخي الفاضل ماقلت يشتغل في بنك الدوحة أنا طلبت المصرف والشغل شغل ودام فئة فتاوي بإذن الله إحنا بعيد عن الربا وربي ايسر الامور

وشكرا لك

[دولة قطر.]

الله ايسر الامور يا رب

[مخطط قطري]

بنك بروة يبون موظفات قدمي هناك تراه اسلامي

[دولة قطر.]

الله وجزاكم خير واللى فئة الخير ربي بيقدمة انشالله

[فطووم]

الله يرزقها ويفتح لها ابواب رزقه من اوسع ابوابه .

[دولة قطر.]

الله يجزاك خير يا رب

[الـخـالـدي]

الله يوفقها وتلقالها وظيفه طيبه

[دولة قطر.]

الله يجزاكم خير

[وطن]

الله يوفقج وييسر لج امرج

[دولة قطر.]

جزاك الله خير
ويوفق الجميع انشالله

[Carbon911]

البنوك اسهل الاماكن اللي ممكن الواحد يتوظف فيها.. روحي وزارة العمل قسم ادارة القوى العاملة.. وهم يتوصلون مع البنوك واغلب اللي وظفوهم في البنوك والله يكتب اللي فيه الخير

[حامدمحمد]

بالتوفيق اختي

[دولة قطر.]

شاكرة لكم مروركم

[Abdullah_89]

اختي ماانصحج بالبنوك

لان دوامات البنوك تكون من 7 الى 3 العصر وساعات تقعدين وقت اكثر ومن غير راحه والراتب مايسوى

نصيحتي لج روحي اي وزارة او هيئه

جربي هيئه التركات
جربي النيابه العامه ( مدنيه )
جربي الجوازات ( مدنية )
جربي المدارس ولو انها تعب شوي


والله يوفقج

[دولة قطر.]

تحية شكر لكم كلكم إخواني ولكل من رسالني
لا خلا ولا عدم

[الجوكر90]

تبين بنك قطر الوطني

[دولة قطر.]

جزاك الله خير اخوي
شيك الخاص

[وحيد-الشوق]

لازم بنك اختي !!!!

مستغرب اصرارج عالبنوك ترى في وايد اشغال احسن من البنوك بس يبيله مراكض

عالموم اللـَّه يوفقج ويسخر لج عباده

[دولة قطر.]

بيض الله وجيهكم يا اعيال ديرتي بالعون ماقصرتو
وانشالله اول ما اتوظف أبشركم ولكم دعوة مني بالتوفيق للي حب يساعدني واللى دخل وتمنى لي التوفيق

وبالنسبة اخوي لطلبي للبنوك حابة العمل في هالقطاع.

واسعدني مرورك *

[دولة قطر.]

دعواتكم لي ان الله يوفقني.

[غير عنهم]

ابتعدي عن الرباء ونتمى من الله لكي الاصلح

[دولة قطر.]

الله يجزاك خير اخوي

بس في فتاوي كثيرة وللالله الحمد في هذا المجال

[دولة قطر.]

يارب يا ارحم الراحمين
انك ترزقني رزق حلال طيب بوظيفة في بنك قطر او بروة لان مستقبلهم واعد

وتحياتي للجميع