على من يقع اللوم في اصابة ابني

[أبو سعود]

منذايام عاد ابني وهو في الصف الخامس من المدرسة واثناءعودتة ومن كثر التعب نام في الباص وبعد ونتيجة احدى الحفر في شوارعنا والتي تعتبر هي غيض من فيض من هذة الحفريات تعرض الباص لمطب بها مما ادى الى اصطدام ابني بحاجز الكرسي الذي امامة وقد اصيب بانفة بجروح والحمد للة هو الان بخير

تم الاتصال بالمدرسة في اليوم التالي واخطارهم بذلك والتنبية عليهم بضرورة عدم تاخير الطلاب وضرور حرص سائق الباص على القيادة السليمه

وكان رد المدرسة بان دوام الطلبة وفي جميع المدارس ينتهي من بعد الساعة الواحدة وكان الاولى ان ينتهي الساعه الثانية عشر مثل ايام المدارس الحكومية اما الان زاد وقت الدوام ولهذا نجد الطلبة يشعرون بالتعب نتيجه استيقاظهم مبكرا وخروجهم متاخرين من المدرسه وبالتالي يصلوا المنازل متاخرين قبل العصر بقليل نتيجة زحمة الطرق

السؤال الذي ابحث عن اجابتة من يتحمل المسئوولية
1هل نحمل ابني الخطا لانه نام في الباص الذي نراة على الواقع ان ابني وامثالة من الطلبة فقدوا حريتهم في اخذ قسط من النوم اي انحرموا من قيلولة الظهر
ويوم امس قال ابني بالحرف الواحد خاطري انام يوم واحد في فترة الظهر نريد ان نرتاح ايام المدرسه

2هل نحمل لجنه حقوق الطفل المسئوولية لانها اهملت في حق ابنائنا في اخذ قسط الراحة

3ام نحمل المدرسة لتطبيقها نظام الخروج المتاخر

4او نحمل المجلس الاعلى للتعليم الذي يصر على تطبيق نظام ساعات التمدرس الطويل ولا يهمه خروج الطلاب متاخرين في وقت الحر

وعلى فكرة الايام القادمة سيكون موعد اذان العصر الساعة الثانية والنصف اي مع موعد وصول الابناء من المدارس متى ياكلوا وجبه الغذاء ومتى ياخذوا قسط من الراحة

5 او نحمل سائق الباص لعدم اخذ حذرة من هذة الحفرة ولكن كم حفرة سيتجنبها السائق

6او نحمل وزارة الاشغال العامة والتي لم تستطع ان تحل مشاكل شوارع دولتنا رغم صغر حجم مساحة العاصمة الدوحة والمدن القطرية
حفريات شوارع دولتنا على الرغم من صرف الاموال الباهظة جدا عليها للتخلص منها فانني اجزم بانه لم ولن تنتهي من مسلسل هذة الحفريات
وكما سمعت من قبل احد الاشخاص لو تم عمل مسابقة اكثر الحفر في دول العالم فان دولتنا ستكون من المتفوقين لهذة المسلبقة

وكل مرة عندما تقع سيارتنا في احدى الحفر والمطبات اتذكر قول سيدنا عمر بن الخطاب لو ان دابة في ارض العراق تعثرت لسالني الله تعالى عنها لما لم تمهد لها الطريق يا عمر


والسؤال كم مسئول سيحاسب نفسة عن التقصير في شوارعنا

[بوخالد911]

تقع على :

ابنك
السايق

أشغال

[شبح الصمت]

خطاه الشر

على السائق وانتباه

لانه سواقين كروه لا يحاسبون ولا شيء

اللوم الكبير عليهم

[@north_star@]

بصراحة اللوم على الابن لانه نام بالباص والحمد لله على سلامته

[SASAS]

من غير زعل

الغلط عليكم أنتوا في البيت ..

الولد عمره 10 سنين

لازم ينام مبكر ... وانتوا المسؤولين على هالشي ...

وإذا حصل على النوم الكافي ... راح تلقونه في المدرسة منتبه وصاحي للدروس ..

وبيأثر حتى على نتائجه ..

كلامي من تجربة لي مع أبني .......

[كازانوفا]

بصراحة اللوم على الابن لانه نام بالباص والحمد لله على سلامته

ايش ذنبه هالمسكين هذا يعتبر طفل ما قدر يقاوم ...
المهم الحمدلله علي سلامته ...
والحق على السائق اللى مستعجل بالسواقه واشغال اللى تناااام على مشاريعهااا

[غير البشر]

فقط على المدرسه

اطفال عمرهم في عمر 6 سنوات واكثر اشوي

من الساعه 7 الى بعد الواحده ظهرا
واايد عليهم الصراحه

واكاديميه المها لين 1.45

اشدعوه مايحطون ببالهم تعب على الاطفال

من زود التعليم بس
واخر السنه قبل لاتنتهي السنه الدراسيه بشهر ماعندهم دروس

بسبب الظغط عليهم اول الايام


مايشوف شر ولدج ان شاء الله
وتستاهلين سلامته

[almaf1a]

الغلط عليك
كان لازم تنومون الولد بدري

:)

[Abdullah_89]

اللوم عليكم لان الطفل ماياخذ ساعات كافيه من النوم

الليوم على سواق الباص لان مو منتبه للحفريات والمطبات اللي بالشارع

اللوم على اشغال لأهمالها

[بصمة قطرية]

للأسف سواقين باصات كروة سواقتهم زفته
وايد يسرعون وما يحاسبون
عيالي يجون يقولون لي يمه السواق كان بيشيل على تايرين :eek5:
يعني تخيل شلون سواقتهم ..
لحد يتفلسف و يقول لي تبالغين ..
انا راكبة الباص اول يوم دوام عشان يدل البيت
و شفت سواقته شلون وقلت الله يستر على عيالنا من سواقتهم ..
يوم قلت لادارة المدرسة قالوا لي ان شاء الله راح نبلغ السواق انه يحاسب و يخفف من سرعته..
طبعاً ما زال نفس الوضع أسأل عيالي يقولون يمه
يسرع ويلف بسرعه ..:eek5:

الغلط على سواق الباص ..
ليش الوم طفل تعب ونام في الباص ..
بعض الباصات الطفل يوصل بيته بعد ساعه يعني طبيعي يتعب و يدوخ في الباص ..
يا عالم هذا طفل و كثير من الاطفال ينعسون في السيارات ..

[حراير قطر]

الحمدلله على سلامته اختي

ما ادري ليش انقط الوم على الولد

يمكن حس بالدوخه وريح نفسه او متسندر من المدرسة

او طول الوقت في الباص من مكان لين مكان

انا عيالي ينامون بدري ولين ركبوا السيارة في الرده

بعض المرات يغطون والحين ولدي مريض

ويشرب الدواء ويخدره يحس بالنوم يقولي برقد لين نوصل

احنا الكبار انتملل من طول الطريق والزحمة ويجينا النوم فما بالك طفل

الوم على سايق الباص واشغال ...

[المدريدي]

اللوم على راعي الباص والادارة الي ماسكه كروة
واللوم على اشغال والبلدية بالوعات وسط الشوارع وحفر
وحق الخراب يخربون بيوم وعلى الاصلاح يبيلهم سنوات

[آلنـجــلآ]

ياحياتي : (
مايشوف شر انشالله

بس قولي له يلبس حزام الامان .. لان حتى وهو قاعد كان ممكن يصير فيه نفس الشي

اتذكر اني لين ثالث اعدادي كنا غصب 8 فليل في فرشنا

ويوم صرت فالثانويه صرت انام 9 ونص اقصى حد

طبعا هاذي اوامر القرقوشه اخاف أقول لا بسهر مافيني نوم ، القى عضو من اعضائي طاير في صوب

بس عيال هالوقت لاحظت الاهالي واجد متساهلين وياهم وكله كاسرين خاطرهم ومايبون يحرمونهم من شي

[شبح الصمت]

اشدعوه يالربع اللوم على الياهل ..

مسكين طفل تعبان مب نفس مقدرتنا احنا الكبار

عالعموم اللوم اللوم على الي يسوق الباص يحاسب عن السرعه

في التأني السلامه وفي العجله الندامه ..

وخطاه الشر اقولها مره ثانية وثالثه

الله يحفظ عيالنا وعيال المسلمين من كل شر

[أبو سعود]

للاسف معظم الردود تقع علينا وعلى ابني الصغير لانه نام في الباص وعلى ساءق الباص

وردي على المنتقدين نسيت ان اشير في موضوعي ان ابني ينام كل يوم من الساعة الثامنه مساء لغاية الساعة الرابعة والنصف فجرا ليقوم بتادية صلاة الفجر ومن ثم استعدادة للذهاب في الباص الساعة الخامسة والنصف اي يعني انة اخذ وقت قسط من النوم

ولكن ارى من الاخوة عدم القاء المسؤولية على المجلس الاعلى لتبيقطها الساعات الطويلة والعودة المتاخرة مع الجو الحار

ايضا عدم تحميل وزاررة الاشغال على سوء شوارعنا التي كثير منها متهالكة

اي معظم الردود تتهم المظلوم وهو ابني وتبرا المسئوؤلين المقصرين عن شوارعنا

[استغفرالله]

احسن وافضل حل ان يكون مشرف في الباص يلزم الطلاب على ربط حزام الامان

[ام علي1981]

اول شي اسمحيلي اختي ماعليج من اللي قاعدين يسوون عمرهم تربويين ومثاليين ويرمون اللوم على الولد الصغير اللي نام في الباص اي واحد فينا ساعات يكون ماخذ كفايته من النوم ويحس بالتعب لين يركب السيارة
انا احط اللوم في الاول والاخير على سائق الباص واشغال اللي ماتحط علامة تنبيه قبل مكان الحفرة
وارد واقولج خطاه الشر والحمدلله على سلامته

[QatariFallah]

من ناحية العاطفه لو انا مكان هذي الام..بلقي اللوم عالكل بصراحه..لانه ابني اكيد..ومستعد اذبح اي انسان مهما كان من غير استثناء لو حد بيتعرض لابني او بنتي

بس لو بطلع نفسي من العاطفه وبحكم
اعتقد وان شاء الله اكون صائب ان اللوم يقع بالترتيب على:

1- سائق الباص (خل يسوق عدل ويتجنب هالاشياء)
2- ادارة المدرسه (خل يتابعون مع الباصات طرق سيرها والطرق المؤديه للبيت واذا في حفر او اشغال بالطرق..يحاولون ينبهون ويعلمون السايق انه يغير مساره الى اتجاه سليم اخر حتى لو اطول والاداره تتفهم هالشي)
3- المجلس الاعلى للتعليم (خله ينسق مع كل الجهات السابقه المذكوره (1) و (2) على ضرورية تأهيل السائقين للقياده السليمه وعدم العجله والمتابعه مع مديرة المدرسه او المسؤولين عن الباصات هذه وصيانتها وموافقتها 100% أمنياً وسلامةً من اي اعطال او خشونه في القياده لاسباب فالباص نفسها..ك قدم الباص او تهرءات تحصل او صيانات دوريه

والاهم..وجود وتوافر احزمة الامان في الباصات وتكون الكراسي من النوعيه التي لا تؤذي الطلاب والطالبات لو حصل اي مكروه
يكون نوعها ارتطامه وصدمته قليلهه او تمتص الصدمات بشكل اقل

وصحيح ان البعض بيقول اشغال ماتحط لافتات ولا اشياء تنبيهيه..بس لو ماحطت هل بنرمي نفسنا للتهلكه؟ انت بعد خلك حريص ياسائق الباص وانتبه وتجنب هالاشياء وقول للمدرسه وهم يكلمون االجهات
التنسيق مع بعض شبه معدوم الا اذا فيها سالفة مطالبه بفلوس تلاقيهم ينسقون

وشكرا

[ام جاسم 111]

بل اذكر العام ولدي في الصف الثالث اول يوم من الدوام تعب ورقد في الباص ولا انتبه له وامي تتصل علي في شغلي الولد ما وصل وتمينا على اعصابنا وعقب قام ولدي ووداه البيت ومن ثاني يوم لين اليوم

ولدي ماشاف رقعة الباص حتى بنفسه يقول خلوني اروح في الباص لكن لا ما يسوى علينا

والحين الدريول والخدامه يودونه ويرجعونه والحمدلله