المساعد الشخصي الرقمي

مشاهدة النسخة كاملة : هل تؤيد الزواج من هذه؟


سيف الحرية
17-10-2011, 03:14 PM
هل تؤيد الزواج من بنت أو مطلقة أو أرملة تشارك بالمنتديات؟


ولماذا بصراحة؟؟

هذا الموضوع يحتاج لطرح بصفة دائمةعدة مرات لكثرة دخول النساء بكل أنواعهم المنتديات وتحيتهم وسلامهم للشباب والرجال وتبادل الرسائل معهم ...

هل تؤيد الزواج من هذه؟؟؟
آلنـجــلآ
17-10-2011, 03:16 PM
لاتتزوجني تحمل -_-

توني إمسلمه خشم على واحد من الاعضاء ههه
..er..
17-10-2011, 03:18 PM
الحين ثلاث ارباع هالمنتديات بنات .. وقفت على دخول النت والمشاركه بالمنتديات ؟
ماعتقد حرآم او فيها اي شي يمنع من الزواج :)
واعتقد مافيه بيت مايخلو من خدمه آلآنترنت .. ..
غير البشر
17-10-2011, 03:20 PM
انا مستغرب ليش حاطين الي اتشارك في المنتديات ان الي اتسويه غلط

بالعكس انا اشوفه شي عادي

تزوج ارمله او مطلقه سواء تشارك في المنتديات او لا

اهم شي دينها واخلاقها
والمشاركه في المنتديات خلها خارج الحسبه :nice:
سيف الحرية
17-10-2011, 03:21 PM
السالفة التبادل الحاصل ... التحيات والسلامات والسوالف والرسائل هو مثل الكلام أو قريب!!!!!
غير البشر
17-10-2011, 03:22 PM
السالفة التبادل الحاصل ... التحيات والسلامات والسوالف والرسائل هو مثل الكلام أو قريب!!!!!


اخوي لو الواحد بيدقق على كل شي محد تزوج :rolleyes2:
آلنـجــلآ
17-10-2011, 03:22 PM
عاد عقب مب تجي يا سيف الحريه *اسم على غير مسمى ههه* وتقول مرتي ممله واحس مافي تفاهم ومافي اشيا نتشاركها واحس ماتعرف شي فالحياه وماتعرف تتكلم

خلاص انت تبي تاخذ وحده "إكمكه" لاتتحلطم عليها عقب

واتوقع اي بنت في هالزمن تعيش في فقاعه بعيده عن الدنيا ولا شي يقرب منها ~ معقده

وطبعا مب قصدي تصير قليلة ادب وتنسى عمرها عشان تكون تواكب العصر على قولتهم

Kaifee //
سيف الحرية
17-10-2011, 03:23 PM
النت ممكن الواحد يستخدمه في وايد أشياء مفيدة غير التحيات والسلامات والرسائل
..er..
17-10-2011, 03:25 PM
وممكن ينحرف انحراف شامل بعيد عن السلامات والتحيات ههههه
سيف الحرية
17-10-2011, 03:29 PM
الحرية هو أني غير ملزم أن اتزوج أنسة أو سيدة أو مطلقة!!!! أو أرملة توزع التحيات والسلامات والرسائل وبعد غير ملزم أن الزم أحد على يكون نفسي ولكن لي الحق والحرية أن أعبر عن رأيي برفضي الصريح ...

والحرية الحقيقية مب ضد السنع ...
ابو محمد7
17-10-2011, 03:39 PM
مع احترامي للكاتب الموضوع غريب بصراحة

ما اعتقد دخول البنت للمنتديات له علاقة بالزواج منها من عدمه
QatariFallah
17-10-2011, 03:39 PM
والله الردود بتكون مضحكه
بتبين نفاق البعض وتناقض البعض وبتكون فضيحه على البعض
واحراج لبعض وعدم مشاركة بعض..والمشكله احساس البعض بانهم "بففففت"

المسرحية قيد المتابعة ...
سيف الحرية
17-10-2011, 03:43 PM
عدم مشاركة البعض!!!!
SOUD.QA
17-10-2011, 03:43 PM
اخي الكريم حط في بالك ان كلنا من رجال ونساء في يوم الحساب بنتحاسب بنفس الثواب والعقاب على كل شي سويناه في حياتنا ما راح ناخذ استثناء كوننا رجال وكونهم إناث من صوبهم شديد العقاب

لا تحلل على نفسك شي وتحرمه على المرأه تدخل حالها حالك لا خرابيط ولا قلة ادب ومن الحين ما يدخل منتديات حتى البزران صاروا يدخلونه خصوصا منتدانا له ثقله فالبلد اصحاب المناصب والكتاب يدخلونه لما فيه من فائده ومنفعه لمجتمعنا الكريم

ارجو منك اخي الفاضل انك تعيد النظر بهالفكره اخوي وخلك عادل بنظرتك للجنسين ممكن الرجل والمرأه يغلطون بالمنتديات وهذول فئه بسيطه اما البقيه والله والنعم فيهم من نساء ورجال ما تجمعنا غير الاخوه والاحترام
سيف الحرية
17-10-2011, 03:47 PM
أنا ما عندي تحيات وسلامات ورسائل إلا لمحارمي ..

أنت الي قبلي راجع نفسك خلك موضوعي ..أنا ما أطعن بأحد هل تؤيد أنت سوال أوجه لك ؟؟ جاوب
ريتويت
17-10-2011, 04:01 PM
بالعكس انا مؤيده لسبب بسيط

لان كل شخص تختلف نظرته عن الثاني
SOUD.QA
17-10-2011, 04:02 PM
أنا ما عندي تحيات وسلامات ورسائل إلا لمحارمي ..

أنت الي قبلي راجع نفسك خلك موضوعي ..أنا ما أطعن بأحد هل تؤيد أنت سوال أوجه لك ؟؟ جاوب


اخوي انا لي اسم مو حلوه تناديني انت ياللي قبلي وانا ما قلت انك طعنت في حد قاعد اكلمك بشكل عام وما خصيتك انت بالذات بهالكلام اعتقد ردي عليك موضوعي ومن ردي بتعرف إذا انا مع او ضد والناس اقيسهم باخلاقهم ودينهم وصلاتهم إذا صلحت هالاشياء ما راح اخاف من منتدى ولا هي راح تخاف من منتدى ونحسب هالشي عيب وننسى كل الحسنات
سيف الحرية
17-10-2011, 04:02 PM
خوش نظرة
سيف الحرية
17-10-2011, 04:04 PM
ما تخاف من السوالف والتحيات والرسائل والسلامات!!
الموضوع أخلاق وتربية ومستقبل مب لعبة ..

جاوب بشكل صريح
SOUD.QA
17-10-2011, 04:08 PM
ما تخاف من السوالف والتحيات والرسائل والسلامات!!
الموضوع أخلاق وتربية ومستقبل مب لعبة ..

جاوب بشكل صريح


جاوبتك بشكل صريح اخوي

بس ودي تحدد سؤالك اكثر لجل توضح لي ولباقي الاعضاء الصوره انت تقصد ان الرجال يتعرف عالبنت فالمنتدى ويتزوجها ولا تقصد بعد الزواج يشوفها تدخل منتديات ؟
ريتويت
17-10-2011, 04:11 PM
ما تخاف من السوالف والتحيات والرسائل والسلامات!!
الموضوع أخلاق وتربية ومستقبل مب لعبة ..

جاوب بشكل صريح

ممكن توضح قصدك اكثر اخوي..
سيف الحرية
17-10-2011, 04:12 PM
سؤالي واضح ؟؟ جاوب هذي حرية محد يلزمك بشيء جاوب جاوب
سيف الحرية
17-10-2011, 04:13 PM
العضو نبات كل شيء واضح
سداوي&مدريدي
17-10-2011, 04:17 PM
والله الردود بتكون مضحكه
بتبين نفاق البعض وتناقض البعض وبتكون فضيحه على البعض
واحراج لبعض وعدم مشاركة بعض..والمشكله احساس البعض بانهم "بففففت"

المسرحية قيد المتابعة ...

كلام :nice:
لاجل QT
17-10-2011, 04:19 PM
عيل ابشرك دام المقياس كذا وهذي طريقة التفكير محد بيتزوج

بس للامانة اللى مايستخدمون النت هم عيايزنا وجداتنا بس
ريتويت
17-10-2011, 04:20 PM
العضو نبات كل شيء واضح


توني طالعه من الدوام صراحه ..

لاتعليق..
قناص 787
17-10-2011, 04:29 PM
بالنسبه لي عادي جدا جدا جدا وبعد جدا

ياخي طالما هي محترمه نفسها وتشارك بشي يفيد المجتمع ويفيدها ياخي مااشوف ان
مشاركاتها في المنتديات تمنعني اني ارتبط فيها الا بالعكس باخذها وبشارك بعضويتها
في المنتدى هههههه

وبعدين ياخي في بنات تسخدم المنتدى للرزق يعني تتجار وتبغي تترزق وهالشي لاهو بعيب
ولاهو بحرام الا بالعكس ابرك من انها تمد يدها حق اللي يسوى واللي مايسوى
وبعدين اكثر البنات المشاركات هني في المنتدى ماشاالله عليهم واعين وفاهمين
والشي هذا تقدر تلاحظه من ردودهم ومشاركاتهم تقدر تعرف البنت
قهوة الضحى
17-10-2011, 04:31 PM
اعتقد صاحب الموضوع يقصد الكلام والمزاح والسلام اللي يصير بين العضوة والعضو

خلال المواضيع :omen2:



يعني يا راعي الموضوع وانت واللي بنفس طريقة تفكيرك

لين متى بتفكرون بهالمنطق المضحك ؟؟؟؟


لين متى ما نتزوج البنت اللي تدخل النت اللي تطلع اللي تلبس كذا وكذا

اللي واللي واللي

فكووووووووووووووووووونا عااااد محد غاصبك تتزوج في غيرك بيتزوجها اوقفت الدنيا عليك :tease:
STAR
17-10-2011, 04:37 PM
عيل ابشروا يالعضوااات محد بيتزوجكم ههه


بس ياصاحب الموضوع خل اشوي موضوعك اكثر موضوعية

وليش ماوجهت نفس السؤال للبنات!!‏


هل تقبلين برجل يشارك في المنتديات ‏‏(‏‏=‏
SOUD.QA
17-10-2011, 04:37 PM
سؤالي واضح ؟؟ جاوب هذي حرية محد يلزمك بشيء جاوب جاوب


ما سألتك اعتباطا اخوي لان توضيحك بيخلي ردود الناس تتغير من حاله للثانيه فالحاله الاولى اللي بيتزوج وحده عرفها من المنتدى هو حر وقتها وياها واكيد عارف العواقب اما اللي بيتزوج بالطريقه اللي نعرفها عن طريق الاهل ووقتها خبرته انها تدخل منتدى وقتها لكل حادث حديث ممكن يطلب منها ما تدخل ممكن يدخلون اثنينهم بنفس الوقت لجل كل واحد فيهم يعرف طريقة الثاني فالحوار وممكن تدخل وهو جنبها يشوف اسلوبها وردودها مع الجنس الآخر
منيرة الطواش
17-10-2011, 04:40 PM
اعتقد من بعد هالموضوع الشباب بدل مايطلبون يشوفون العروس الشوفة الشرعية بيطلب لاب توبها وبيشيك عليه وبعدين لكل حادث حديث
سيف الحرية
17-10-2011, 04:48 PM
سؤالي واضح .. وماعندي اعتراض على دخول النت للاستفادة أو التجارة أوالمشاركة بالمنتديات النسائية ...ولكن موضوعنا يا ناس السلامات والتحيات والرسائل والسوالف وأنت رائع وأنت ما في أحسن منك وووووو

يقعد جنبها وهي تشارك بالمنتديات كلام مستحيل يكون واقعي أو مقبول..
سيف الحرية
17-10-2011, 04:50 PM
اسمك طارق العلي وطارق العلي منهو ... الناس تعرفه عدل ... غير هذي الاسم أحسن...
روح الاطلس
17-10-2011, 04:51 PM
عفوا كم عمرك ياصاحب الموضوع؟
قناص 787
17-10-2011, 04:53 PM
هل تؤيد الزواج من هذه ؟

بصراحه العنوان ماله حل ..... :eek5:

انا قلت يمكن وحده شعرها مجكس ( اجعد ):confused:

او وحده قصيره ودبه وفي راسها قمل وحب شباب في وجهها :threaten:

او وحده ضعيفه وحلوه بسس قرعه :cry2:

او وحده تشارك في المنتدى تكتب باصابع ارجولها crazy

يعني موضوعك ماله حل

شكلك كنت يوعان وانت تكتب الموضوع
سيف الحرية
17-10-2011, 04:53 PM
كم عمري ... جواب بصراحة يا اطلس على سؤالي !!!
mohamed ahmd
17-10-2011, 04:54 PM
موضوع تافه ولا يستحق العرض فالحوار العام اتمنى من المشرفين حذفه وين الاداره عن هالمواضيع التافهه؟
سيف الحرية
17-10-2011, 04:55 PM
المطلوب فقط جواب ... التعلقيات فيما بعد موضوع آخر ... الحين بس جواب
قناص 787
17-10-2011, 04:55 PM
سؤالي واضح .. وماعندي اعتراض على دخول النت للاستفادة أو التجارة أوالمشاركة بالمنتديات النسائية ...ولكن موضوعنا يا ناس السلامات والتحيات والرسائل والسوالف وأنت رائع وأنت ما في أحسن منك وووووو

يقعد جنبها وهي تشارك بالمنتديات كلام مستحيل يكون واقعي أو مقبول..

مااعتقد انه في وحده بطرش حق واحد بتقوله انت رائع

يمكن تقوله ردك حلو نعم لكن انت رائع صعبه هههه:secret:
سيف الحرية
17-10-2011, 04:58 PM
الردود ما تكون بانفعال ... لان الانفعال اسلوب غير حضاري وكل واحد حر برايه وما في حجر على الاراء والافكار
الي ما يبي يجاوب لا يجاوب محد يلزمه ...

والسؤال مازال مطروح ؟؟؟
STAR
17-10-2011, 04:58 PM
اعتقد من بعد هالموضوع الشباب بدل مايطلبون يشوفون العروس الشوفة الشرعية بيطلب لاب توبها وبيشيك عليه وبعدين لكل حادث حديث


اشحقه ‏
يتعب نفسه ويفتش حرااام


انا اقووول قبل الشوفة الشرعية يسأل اهلها اذا عندها لاب توب او بلاك بيري..

واذا طلع عندها فخل يرفضها ويفك عمره...
غالية قطر
17-10-2011, 04:59 PM
الله يعينك على نفسك ..صراحة تفكير رجعي ..معقـــــــــــــولة؟؟
إذا لقيتلك بنت مالها في المنتديات هذا وجهي :rolleyes2:
SOUD.QA
17-10-2011, 05:00 PM
سؤالي واضح .. وماعندي اعتراض على دخول النت للاستفادة أو التجارة أوالمشاركة بالمنتديات النسائية ...ولكن موضوعنا يا ناس السلامات والتحيات والرسائل والسوالف وأنت رائع وأنت ما في أحسن منك وووووو

يقعد جنبها وهي تشارك بالمنتديات كلام مستحيل يكون واقعي أو مقبول..


للاسف مروا علي شباب سووا هالحركه لعدم الثقه فحريمهم

شوف اخوي بقولك حاجه الناس تفكيرهم تغير نوعا ما بحكم دراستهم المختلطه بالمدارس والجامعات الاجنبيه وحكم شغلهم المختلط في منهم اللي ما يرضى بهالشي خير شر وفي منهم الفري نوعا ما وفي اللي ماعنده مانع ابدا ان يتم الزواج عن طريق التعارف بالمنتدى ومن ثم الرسائل الخاصه ووقتها ما اتوقع انهم بيعارضون النقطه اللي ذكرتها

وفالاخير الناس انواع منها الشديد ومنها اللي يرخي والله يسخر قلوب كل زوجين لبعض ويرزقهم بالذريه الصالحه
قناص 787
17-10-2011, 05:01 PM
الردود تكون بدون انفعال ... لان الانفعال اسلوب غير حصاري وكل واحد حر برايه وما في حجر على الاراء والافكار
الي ما يبي جواب لا يجواب محد يلزمه ...

والسؤال مازال مطروح ؟؟؟

محد منفعل اخوي كلنا متعاطفين معاك :nice:
موضي قطر
17-10-2011, 05:05 PM
عيل ابشروا يالعضوااات محد بيتزوجكم ههه

بس ياصاحب الموضوع خل اشوي موضوعك اكثر موضوعية

وليش ماوجهت نفس السؤال للبنات!!‏


هل تقبلين برجل يشارك في المنتديات ‏‏(‏‏=‏




:omg:






فالج ماقبلناه :anger1:




يعني خلاص بنعنس :shy:
قناص 787
17-10-2011, 05:06 PM
ايه :weeping:
موضي قطر
17-10-2011, 05:08 PM
هل تؤيد الزواج من هذه ؟

بصراحه العنوان ماله حل ..... :eek5:

انا قلت يمكن وحده شعرها مجكس ( اجعد ):confused:

او وحده قصيره ودبه وفي راسها قمل وحب شباب في وجهها :threaten:

او وحده ضعيفه وحلوه بسس قرعه :cry2:

او وحده تشارك في المنتدى تكتب باصابع ارجولها crazy

يعني موضوعك ماله حل

شكلك كنت يوعان وانت تكتب الموضوع



عضو جديد وداخل بعنف على الساحة :)



تذكر هذا الاسم جيداً:victory:
mohd89
17-10-2011, 05:10 PM
وين المشكله في المشاركه في المنتديات
يعتمد على الهدف من المشاركه طبعا اذا كان منتدى تعارف وكلام من هذا اكيد اعارض
اما اذا كان منتدى موضوعي وله مغزى ما اشوف فيها مشكله
اتوقع الانسان لازم يكون بينه وبين زوجته ثقه اكبر من انه يدقق على هالامور

ذكرتني بواحد من الشباب يبي يتزوج وحده ما عندها فيس بوك.
قناص 787
17-10-2011, 05:11 PM
عضو جديد وداخل بعنف على الساحة :)



تذكر هذا الاسم جيداً:victory:

:eek5::eek5: مايشوف شر العنيف على الساحه
سيف الحرية
17-10-2011, 05:13 PM
الي مسمي نفسه طارق العلي خل ردك حضاري ... انت مب في هوشة ..

رايك هل تؤيد والا تكتفي بالمشاهدة...
موضي قطر
17-10-2011, 05:13 PM
وين المشكله في المشاركه في المنتديات
يعتمد على الهدف من المشاركه طبعا اذا كان منتدى تعارف وكلام من هذا اكيد اعارض
اما اذا كان منتدى موضوعي وله مغزى ما اشوف فيها مشكله
اتوقع الانسان لازم يكون بينه وبين زوجته ثقه اكبر من انه يدقق على هالامور

ذكرتني بواحد من الشباب يبي يتزوج وحده ما عندها فيس بوك.


اهاا


يعني اذا عندها حساب في Twitter‏ مب مشكله :rolleyes2:
قناص 787
17-10-2011, 05:17 PM
الي مسمي نفسه طارق العلي خل ردك حضاري ... انت مب في هوشة ..

رايك هل تؤيد والا تكتفي بالمشاهدة...

انا اكتفي بالمشاهده لان مافي فايده :)
SOUD.QA
17-10-2011, 05:17 PM
:omg:

فالج ماقبلناه :anger1:

يعني خلاص بنعنس :shy:


موضي توقيعج ماله حل صراحه ذكرني في ناس الله يصلحهم

:nice:

بتعرسون وبياخذكم الرجال الصالح اللي يقدركم ويسعدكم إن شاء الله

للامانه هالمنتدى الوحيد اللي ما شفت فيه قلة ادب بين الجنسين نفس باقي المنتديات الهابطه واغلب العضوات اللي فيه شيخات والنعم فيهم من خوات الواحد ما يخاف من اللي نفسهم
Arab!an
17-10-2011, 05:20 PM
خلاص اهل المنتدى متزوجين وخالصين .. تكلم عن التعدد =)
غالية قطر
17-10-2011, 05:28 PM
هههههه متى تهاوشت معاك !!

وبعدين وشو اؤيد ولا اكتفي بالمشاهدة

هههههههههه

يعني يقولك يا تأيده أو تشاهد بس المهم ماتخالفه!

الرجال ديموقراطي مثل اسمه :taunt:
com
17-10-2011, 05:28 PM
اخوي لو الواحد بيدقق على كل شي محد تزوج :rolleyes2:

وعادي ماتغار
هبوب الكوس
17-10-2011, 05:30 PM
:unsure:
غالية قطر
17-10-2011, 05:33 PM
وعادي ماتغار

يعني يا يدقـــــــــــق ياما يغــــــــــــار؟؟
مافي شي اسمه ثقـــــــــــة؟؟:discuss:
بوعلي2
17-10-2011, 05:40 PM
يافتاح ياعليم يارزاق ياعليم


:shy:
سيف الحرية
17-10-2011, 05:40 PM
المشكلة لازم الناس تقبل تعدد الاراء .. انا ارفض واقولها بصراحة ان اتزوج وحده تشارك في المنتديات وتبعث تحياتها وسلاماتها ورسائلها للشباب والرجال .. اما اذا بتستفيد من النت ما في بأس ...
اين الحرية انا سيف الحرية ارفض ذلك ..
انت تؤيد قول لا تخاف ولا تستحي ... انت الآخر لا تؤيد قول لا تخاف ولا تستحي
ما في كتم لحرية الاراء والافكار !!!!
هبوب الكوس
17-10-2011, 05:42 PM
زين تخيل لو فرضاً انا بنت مشاركة معاك في نفس المنتدى وعجبني اسلوبك وطحت في دباديبك مع انه مستحيل افكر اني احبك

بس نفرض يعني . . . المهم شوي الا جتك رسالة مني اعترف فيها اني احبك وميته فيك وماانام الليل كله افكر فيك

وشو بيكون ردة فعلك ! ! اكيد راح تبادلني نفس الشعور صراحة تخيلت نفسي صج احبك ( ووووووووع )

اعجبتي الدباديب طارق

صراحه اي احد عنده دباديب ينعجب فيه
سيف الحرية
17-10-2011, 05:43 PM
الي مسمي نفسه طارق العلي ارتقي في مشاركاتك ...
qatari911
17-10-2011, 05:45 PM
http://www.ankawa.com/forum/index.php?action=dlattach;topic=319682.0;attach=58 0024;image
ياسيف الحرية :rolleyes2:
انت شتبي توصله؟؟؟
اذا ترد على الموضيع وتشارك في المنتدى عاااااااااااااااااااااااادي شفيها ؟؟:eek5:
لاكن الي ترسل رسائل على الخاص
لها رب يحاسبها وماندري عنها
شفيه المنتدى <<<<<بعض الموضيع مالها داعي
خاطري اشوف المشكله مطروحه والحلول معها او نتناقش في شي مفيد
في حفظ الرحمن يالصريح واضح
موضي قطر
17-10-2011, 05:47 PM
المشكلة لازم الناس تقبل تعدد الاراء .. انا ارفض واقولها بصراحة ان اتزوج وحده تشارك في المنتديات وتبعث تحياتها وسلاماتها ورسائلها للشباب والرجال .. اما اذا بتستفيد من النت ما في بأس ...
اين الحرية انا سيف الحرية ارفض ذلك ..
انت تؤيد قول لا تخاف ولا تستحي ... انت الآخر لا تؤيد قول لا تخاف ولا تستحي
ما في كتم لحرية الاراء والافكار !!!!




لماذا تتحدث بهذه العبارات يافتى ؟!


وان كنت لا تستحي ان تعبر برايك فبعض الأعضاء يستحون ان يعبروون بشعورهم نحوك :secret:
خليفـة
17-10-2011, 05:47 PM
انا لم أقرأ الردود حتى الآن
ولكن

وبصراحه اخوي
موضوعك غريب جداً .. وماله أي داعي ابداً

حسستني من كلامك وكأن البنت لما تدخل منتدى وتشارك وتسام بطرح افكارها
وتثقيف نفسها .. ومعرفة ما يدور حولها
وكأنها أرتكتب جريمة بحق نفسها .. وبحق سمعتها وشرفها
!!

انا ما أدري الى متى سيظل الرجل خصوصاً الخليجي
ينظر للمرأة هذه النظرة الدونية !!

الى متى يتم تقزيم حجم المرأة التي اصبحت تشارك في بناء المجتمع
تماماً كما يشارك الرجل .. بل ربما بشكل احترافي وأفضل من مشاركة الكثير من الرجال !

اين الجريمة .. واين العار .. واين الشبهة .. واين الفضيحة
عندما تدخل المرأة بغض النظر سواء كانت بنت .. او ارملة .. او مطلقة
الى منتدى عام وتساهم بطرح افكارها .. وتقرأ هموم الشارع .. وتنور فكرها بما يدور من حولها
؟؟
للأمانة .. وبكل صراحة
هذا المنطق من التفكير .. وهذا الأسلوب الذي ينتهجه ( بعض ) الرجال
يذكرني بجريمة وأد البنات في عصر الجاهلية

ولا بد من طمس ومحوا هذا الفِكِر
عن طريق تثقيف ابنائنا منذ الطفولة بمعرفة ان للمرأة حقوق أقرها الاسلام
ويجب أيضاً زرع فكرة تقبُل المرأة ودور المرأة في المجتمع

وفي النهاية .. أود ان أذكر الجميع وبدون استثناء
وللمرة المليون
ان المرأة هي :
أمك .. وأختك .. وبنتك .. وزوجتك .. وعمتك .. وخالتك .. وجدتك
ولولاها .. لما كان للرجل وجود على ظهر الأرض

:)

خليفــة
هبوب الكوس
17-10-2011, 05:47 PM
http://www.ankawa.com/forum/index.php?action=dlattach;topic=319682.0;attach=58 0024;image
ياسيف الحرية :rolleyes2:
انت شتبي توصله؟؟؟
اذا ترد على الموضيع وتشارك في المنتدى عاااااااااااااااااااااااادي شفيها ؟؟:eek5:
لاكن الي ترسل رسائل على الخاص
لها رب يحاسبها وماندري عنها
شفيه المنتدى <<<<<بعض الموضيع مالها داعي
خاطري اشوف المشكله مطروحه والحلول معها او نتناقش في شي مفيد
في حفظ الرحمن يالصريح واضح

http://1.bp.blogspot.com/-8AMQDqDEv0c/TWKlCUz0hsI/AAAAAAAADBg/V0UhmXHAVH4/s400/7.jpg
سيف الحرية
17-10-2011, 05:48 PM
الي اسمه 9 11 شيل الصورة لو سمحت نبي المشاركات حضارية
موضي قطر
17-10-2011, 05:50 PM
موضي توقيعج ماله حل صراحه ذكرني في ناس الله يصلحهم

:nice:

بتعرسون وبياخذكم الرجال الصالح اللي يقدركم ويسعدكم إن شاء الله

للامانه هالمنتدى الوحيد اللي ما شفت فيه قلة ادب بين الجنسين نفس باقي المنتديات الهابطه واغلب العضوات اللي فيه شيخات والنعم فيهم من خوات الواحد ما يخاف من اللي نفسهم



تدري حاسه في يوم بدش المنتدى بحصل موضوع يحرم الجنة على النساء :rolleyes2:
qatari911
17-10-2011, 05:51 PM
الي اسمه 9 11 شيل الصورة لو سمحت نبي المشاركات حضارية

خف علينا والي يرحم والديك
اي حضاري شفيك مشتط
حاسب لا ينط لك عرق
سيف الحرية
17-10-2011, 05:52 PM
اكثر الانفعالات من البنات يبدو ذلك وين البرستيج؟؟

ما نبي انفعالات ..

محد قدر يخليني انفعل لاني اقبل تعدد الاراء وما انزل لمستوى مب مستوى الانسان العادي


الي ما يبي يجاوب مع السلامة
آلنـجــلآ
17-10-2011, 05:54 PM
هههههههههههههههههههههههههههههههههههههههههههههههههه هه
ههههههههههههههههههههه خلّيتني اشرق بقهوتي يا سيف الحريه ونعم الوكيل
لوووووووووووووووووووول
ميّت على كلمة *حضاري*
مايسوى علينا دعايات رمضان شكلك للحين مانسيتها
بـــــــنت النوخـّــــذه
17-10-2011, 05:58 PM
لاتتزوجني تحمل -_-

توني إمسلمه خشم على واحد من الاعضاء ههه

اهههههههه

والله ضحكني ردج

عموما" من هذا المنبر العملاق اسمحولي احيي العضو الفاضل soud.qa
ولا يهونو الباقيين جد ردوده اعتبرها رد شامل عن استفسارات صاحب الموضوع ولو بيدي اغلق الموضوع لان الاجابة وصلت من خلال رده وأي استمرار ممكن يعرضنا لخساير مادية وبشرية

ولكن بعد سبحان الله يمكن الريال مار بتجربة وطرح السؤال يبغي يستفسر !!!! او يبغي تقنعونه ؟؟؟؟
احيانا" الاسئلة الغير منطقية أو ألي تميل للقاعدة الشاذة اصحابها ذوي تجارب سابقة فاشلة من خلال تعرضهم لفتيات وفتيان اسائو استخدام الشبكة العنكبوتية 00


المهم ذكرتني بعضو من فترة كان اهنيه وعطوه باند نفس اسلوبك واخطاءك الإملائية يخلق من الشبه اربعين سبحان الله
تحياتي للجميع
غالية قطر
17-10-2011, 06:00 PM
هههههههههههههههههههههههههههههههههههههههههههههههههه هه
ههههههههههههههههههههه خلّيتني اشرق بقهوتي يا سيف الحريه ونعم الوكيل
لوووووووووووووووووووول
ميّت على كلمة *حضاري*
مايسوى علينا دعايات رمضان شكلك للحين مانسيتها


هههههههههه:nice:

اسمه سيف الحرية ويبي الحضارة ومنتديات بلا بناااااااااات!!!!!!!!!!!

صج عــــــــــــــــــــــــاد ؟:rolleyes2:
SOUD.QA
17-10-2011, 06:00 PM
تدري حاسه في يوم بدش المنتدى بحصل موضوع يحرم الجنة على النساء :rolleyes2:


الحمدلله ان الموضوع مو بيد بعض الرجال كان ودونا في داهيه الرجل ما يقدر يعيش من غير المرأه بس مدري ليه التكبر ونظرة التعالي من البعض حللوا كل شي على نفسهم وحطوا مليون خط احمر لتصرفاتها وتحركاتها
غالية قطر
17-10-2011, 06:07 PM
اهههههههه

والله ضحكني ردج

عموما" من هذا المنبر العملاق اسمحولي احيي العضو الفاضل soud.qa
ولا يهونو الباقيين جد ردوده اعتبرها رد شامل عن استفسارات صاحب الموضوع ولو بيدي اغلق الموضوع لان الاجابة وصلت من خلال رده وأي استمرار ممكن يعرضنا لخساير مادية وبشرية

ولكن بعد سبحان الله يمكن الريال مار بتجربة وطرح السؤال يبغي يستفسر !!!! او يبغي تقنعونه ؟؟؟؟
احيانا" الاسئلة الغير منطقية أو ألي تميل للقاعدة الشاذة اصحابها ذوي تجارب سابقة فاشلة من خلال تعرضهم لفتيات وفتيان اسائو استخدام الشبكة العنكبوتية 00


المهم ذكرتني بعضو من فترة كان اهنيه وعطوه باند نفس اسلوبك واخطاءك الإملائية يخلق من الشبه اربعين سبحان الله
تحياتي للجميع

اي والله كفى ووفى ..
أنّــــــــــــا أشّـــــــــــــــــــــــهد انه رجــــــــــــــــــل ومن خيــــــــــــــــرة الرجاااااااااااال ..
ولا يهونو البـــــــــــــاقين كلكم على العين والرأس ما عدى صاحب الموضوع!
qatari911
17-10-2011, 06:10 PM
اي والله كفى ووفى ..
أنّــــــــــــا أشّـــــــــــــــــــــــهد انه رجــــــــــــــــــل ومن خيــــــــــــــــرة الرجاااااااااااال ..
ولا يهونو البـــــــــــــاقين كلكم على العين والرأس ما عدى صاحب الموضوع!

غالية قطر
امبيييييييه
تمدحين الرجال
محد بيتزوجج:weeping:
موضي قطر
17-10-2011, 06:10 PM
الحمدلله ان الموضوع مو بيد بعض الرجال كان ودونا في داهيه الرجل ما يقدر يعيش من غير المرأه بس مدري ليه التكبر ونظرة التعالي من البعض حللوا كل شي على نفسهم وحطوا مليون خط احمر لتصرفاتها وتحركاتها


ولا المره تقدر تعيش بدون رجل .. بس بعض المواضيع مالها داعي خير شر ومالها اي هدف :rolleyes2:
SOUD.QA
17-10-2011, 06:11 PM
اهههههههه

والله ضحكني ردج

عموما" من هذا المنبر العملاق اسمحولي احيي العضو الفاضل soud.qa
ولا يهونو الباقيين جد ردوده اعتبرها رد شامل عن استفسارات صاحب الموضوع ولو بيدي اغلق الموضوع لان الاجابة وصلت من خلال رده وأي استمرار ممكن يعرضنا لخساير مادية وبشرية

ولكن بعد سبحان الله يمكن الريال مار بتجربة وطرح السؤال يبغي يستفسر !!!! او يبغي تقنعونه ؟؟؟؟
احيانا" الاسئلة الغير منطقية أو ألي تميل للقاعدة الشاذة اصحابها ذوي تجارب سابقة فاشلة من خلال تعرضهم لفتيات وفتيان اسائو استخدام الشبكة العنكبوتية 00


المهم ذكرتني بعضو من فترة كان اهنيه وعطوه باند نفس اسلوبك واخطاءك الإملائية يخلق من الشبه اربعين سبحان الله
تحياتي للجميع


الله يحييج اختي ويرحم والديج اشكرج على كلامج والله يبعدنا عن الخساير الماديه والبشريه ،،، وللمره الالف اقول مثل ما غيري قال لما نطرح موضوع ياليت نرغب ونحبب الناس بالطرح ونتجنب اسلوب الاسأله لانه ينفر خصوصا لما اسأل وماكون اول المجاوبين على اسألتي اطرحوا القضيه والسبب في نظركم من وراها وبعدها افتحوا باب النقاش بعيدا عن الردود المبهمه والردود الاستفزازيه >>> مع احترامي لصاحب الموضوع وكلامي للكل مو لشخصه الكريم
qatari911
17-10-2011, 06:14 PM
الله يحييج اختي ويرحم والديج اشكرج على كلامج والله يبعدنا عن الخساير الماديه والبشريه ،،، وللمره الالف اقول مثل ما غيري قال لما نطرح موضوع ياليت نرغب ونحبب الناس بالطرح ونتجنب اسلوب الاسأله لانه ينفر خصوصا لما اسأل وماكون اول المجاوبين على اسألتي اطرحوا القضيه والسبب في نظركم من وراها وبعدها افتحوا باب النقاش بعيدا عن الردود المبهمه والردود الاستفزازيه >>> مع احترامي لصاحب الموضوع وكلامي للكل مو لشخصه الكريم

:nice:
ياليت واتمنى من كل قلبي يصير هالشي علشان الكل يستفيد<<<<<:shy:
SOUD.QA
17-10-2011, 06:14 PM
اي والله كفى ووفى ..
أنّــــــــــــا أشّـــــــــــــــــــــــهد انه رجــــــــــــــــــل ومن خيــــــــــــــــرة الرجاااااااااااال ..
ولا يهونو البـــــــــــــاقين كلكم على العين والرأس ما عدى صاحب الموضوع!


ارحم الله والديج وجعلج الجنه

راعي الموضوع عالعين والراس اختي رجال كله غيره ودمه حامي عساه ذخر لهله وشوفاته
SOUD.QA
17-10-2011, 06:19 PM
غالية قطر
امبيييييييه
تمدحين الرجال
محد بيتزوجج:weeping:


لوووووول حتى الشباب العزوبيه شكلهم بيعنسون بسبة المنتديات ياخوي

:tease:


:nice:
ياليت واتمنى من كل قلبي يصير هالشي علشان الكل يستفيد<<<<<:shy:


إن شاء الله عاجلا وليس آجلا

:victory:


موضي قطر

المرأه والرجل مكملين لبعض محد فيهم يستغني عن الثاني لو هالشي يصير البشريه بتنقرض
سيف الحرية
17-10-2011, 06:29 PM
انا مقدر المعاناة التي سببتها للبنات والمطلقات والارامل وووو بسبب طرحي التساؤل؟؟

بس السؤال هل سوف أحد يتزوج وحدة منكم بعد مشاركاتكم السنعة والمحترمة؟؟؟

بالتأكيد لا أنا تقينت بعد مشاركاتكم انكم تعيشون حالة نفسية سيئة رد على السؤال المطروح الله يعينكم ويصبركم

انا لن انزل لمستوى دون مستوى الانسان العادي الله يصلحكم
موضي قطر
17-10-2011, 06:32 PM
انا مقدر المعاناة التي سببتها للبنات والمطلقات والارامل وووو بسبب طرحي التساؤل؟؟

بس السؤال هل سوف أحد يتزوج وحدة منكم بعد مشاركاتكم السنعة والمحترمة؟؟؟

بالتأكيد لا أنا تقينت بعد مشاركاتكم انكم تعيشون حالة نفسية سيئة رد على السؤال المطروح الله يعينكم ويصبركم

انا لن انزل لمستوى دون مستوى الانسان العادي الله يصلحكم




:eek5:



طبيب روحاني حضرتك :rolleyes2:





ياصبر الأرض :(
آلنـجــلآ
17-10-2011, 06:32 PM
" هل سوف أحد يتزوج وحده منكم "

والله اني نمّلت من الضحك هههههههههههههههههههههههههههههههههههههههههههههههههه ههههههههههههههههههههههههههه
qatari911
17-10-2011, 06:34 PM
ايه بتزوجها
طيب وبعدين يالله انا جاوبت
شنو ردك ؟؟؟
موضي قطر
17-10-2011, 06:35 PM
" هل سوف أحد يتزوج وحده منكم "

والله اني نمّلت من الضحك هههههههههههههههههههههههههههههههههههههههههههههههههه ههههههههههههههههههههههههههه




لا تضحكين ايتها الفتاه .. فالرجل يبشرك بالعنوسه في مقوله هذه " هل سوف أحد يتزوج وحده منكم " :secret:
موضي قطر
17-10-2011, 06:36 PM
" هل سوف أحد يتزوج وحده منكم "

والله اني نمّلت من الضحك هههههههههههههههههههههههههههههههههههههههههههههههههه ههههههههههههههههههههههههههه




لا تضحكين ايتها الفتاه .. فالرجل يبشرك بالعنوسه في مقولته هذه

" هل سوف أحد يتزوج وحده منكم " :secret:
سيف الحرية
17-10-2011, 06:37 PM
اتركوا عنكم التمثيل انتم تعيشون حالة اضطراب نتيجة الموضوع المطروح...

انتم غيرملزمين بالمشاركة ... و ليس الكل يمتلك الاخلاق !!
ROSE
17-10-2011, 06:40 PM
سبق وان تم النقاش في هذا الموضوع الاف المرات ،، ارجو من العضو صاحب الموضوع الرجوع لهذه المواضيع واستكمال بحثه ،،

يغلق الموضوع لعدم تحديد الهدف من طرحه لهذا الموضوع