المساعد الشخصي الرقمي

مشاهدة النسخة كاملة : برنامج الدار


عيون الدوحة
17-10-2011, 07:26 PM
بداء يتوجة البرنامج شوي شوي لبرنامج فني شعري

وش السالفة مافي مواضيع بالبلاد غير الشعراء والفن

يستحدثون برامج خاصة بالفن ليش الدمج يعني

وش رايك يا أعضاء والله أيام المذيع القدير حسن الساعي
غالية قطر
17-10-2011, 07:46 PM
بالعكس أمس كان الموضوع طبي ..
أنا شايفه إن برنامج جيد ومنوع ويرصد كل الاحداث والتغيرات في الدوحة ..
ومافي مانع من ادخال عالم الفن والشعر إلى البرنامج لتخفيف من حدته وللتسليه ..

من هنا مررت فتقبلي مروري
حمد بن سعد
17-10-2011, 07:55 PM
نحن في مجتمع للأسف من يقول دوما السمع والطاعه يصل الى مبتغاه في لمح البصر....

واصحاب الكرامه والمبداء والعقل الواعي للأسف ليس لهم سوى التقاعد بعمر الزهور .....
moonبنتnight
17-10-2011, 08:01 PM
زين 00
انا ما شوف تلفزيون قطر 00
بوحارب
17-10-2011, 08:22 PM
خلصت المواضيع اللي تهم المواطن ولا شالسالفة يعني !! :)
بـــــــنت النوخـّــــذه
17-10-2011, 08:28 PM
جرت العادة ان الجزء الاخير من البرنامج يستضاف فيه المواهب 00

وعلى حسب علمي المتواضع أي حد عنه موهبة ممكن يتصل فيهم وينظمون معه اللقاء واحتمال اغلب المتقدمين من الشعراء فعشان جذيه يلاحظ البعض ان البرنامج متجه للشعر عن دونه من المواهب 000

من الاخير يعتمد على حسب الشخص ألي طلب منهم اجراء مقابلة معه لان يمتلك موهبه

وشكرا"
عيون الدوحة
17-10-2011, 09:08 PM
بالعكس أمس كان الموضوع طبي ..
أنا شايفه إن برنامج جيد ومنوع ويرصد كل الاحداث والتغيرات في الدوحة ..
ومافي مانع من ادخال عالم الفن والشعر إلى البرنامج لتخفيف من حدته وللتسليه ..

من هنا مررت فتقبلي مروري

أحترم رايك ومايمنع فصل الفن في برامج لحالها
pink pearl
17-10-2011, 10:41 PM
برنامج طيب وأتمنى يلتفتون أكثر لهموم المواطن أكثر من ناحية غلاء الأسعار و الأراضي وغيرها من القضايا اللي تهم المواطن والمقيم
OM_OMAR_QATAR
18-10-2011, 02:03 AM
مافيها شي الي عنده فكرة او يطور فكره يرسلها للبرنامج حتى يتطور
بوسلمان 2010
18-10-2011, 07:43 AM
من كم يوم وفي احد المشاهد مر قطو في الاستديو اثناء التصوير
QatariFallah
18-10-2011, 07:55 AM
برنامج الدار برنامج ناجح ومافيه اي شي
فقط عقول المشاهدين تغيرت ونظرتهم بسبب مشاهدتهم للقنوات الأخرى

والى الامام يابرنامج الدار...شعر وفن وصحه واخبار محليه واخبار دينيه ومقتطفات عالميه ..
آلنـجــلآ
18-10-2011, 08:05 AM
كان خاطري ارد على هالموضوع امس بس نسيت

ممكن تقترح لنا يا صاحب الموضوع ايش المواضيع اللي تبيها تنطرح في البرنامج؟

انا اللي احبه في هالبرنامج انهم يقابلون القطريين حتى لو كان واحد موهبته عاديه بعد يحطونه مساكين

بس انا ودي يقابلون بعد الناس الكبار .. يعني مثلا الوزراء ودكاترة الجامعه السابقين مب شرط على راس عملهم ..

المفروض ماينسون ان هاذيلا ناس عطوا البلد واخدموها سنين طويله ولازم نقدّرهم بمقابله عالاقل

ليش بس اللي تحت الاضواء واللي ماسكين اشغالهم هم اللي يحصلون الاهتمام فالجرايد والتلفزيون واللي يقاعدونه خلاص مايدرون عنه
pink pearl
18-10-2011, 04:59 PM
ياريت يستضيفون مشايخ
بحّار
18-10-2011, 06:41 PM
ياريت يستضيفون شيبان هالقطر.
يوثقون بعض التراث مثل البرامج اللى انتهت من سنين.

البرنامج كوبي من برنامج ذهبية جابي ... بس تغيير بعد ما طلع الساعي.
وصاروا ضايعيين المواد الإعلامية ...

ياليت يشوفون بعض القنوات الخليجية لنا ويتعلمون منهم شوي في اختيار الفقرات المنوعه الإعلامية .....

والاهم من هذا كلة ..... انهم في وادي و رؤية سمو الامير فوادي ثاني.

الله يكون فالعون.