في مصليات المجمعات التجارية

[ms-qtr]

بسم الله الرحمن الرحيم

في ظاهرة بدت تنتشر في مصليات المجمعات التجارية

وخصوصا من الاخوات العرب

وهي ظاهرة تبديل حفاظة الطفل وانتوا بكرامة في المصلى مكان ما الناس تسجد لربها:anger1:

و في ظاهرة ثانية بعد الا وهي رضاعة الاطفال في المصليات بلا خجل !!!!!وانا جفتها اكثر من مرة

يعني هي رايحة مكان عام ليش ما تودي معاها مرضاعة؟؟؟؟

اتمنى ان ما نجوف هذي الظواهر الغريبة

[بوحارب]

الله المستعان متى المسلم يسوي حرمة لبيت الله

وفي بعض مصليات الرجال نحصل الرجال مسدحين وقالبين المسجد سكن عزاب !!!


ياريت تتدخل ادارة المجمعات من هالظاهرة !

[SOUD.QA]

والله ياليت الداخليه في كل مصلى فالمجمعات يخلون حد من وقت صلاة الظهر للعشاء على شفتين في ناس محتاجه هالشغله منها يكسبون اجر فهالمصلين ومنها يزيدون الشواغر وينفعون الناس ولو يخلونهم من حملة الاعداديه افضل يترزقون يخلونهم داخل المصليات لجل يردعون الناس واللي يتمادى على طول الدوريه زهقنا من المناظر اللي نشوفها وانتوا يالحريم اخس الله يعينكم

اتوقع الناس بتخاف اكثر من الداخليه غير لما يشوفون سكيوريتي يلعبون في حسبته

[مريومة]

ارحم الله والديج

اذا في الحرم يبدلون حق عيالهم

ويتوضون فوق السجاد (سجادة الصلاة )

ولا احترموا المكان اللي هم فيه ولا قدسيته ..

جات على المصليات



والله المستعان

[قناص 787]

مب ناقص الا ان الوحده تطلق

في المصلى ... يمكن اسهل عليها :eek5:

[فلور]

صحيح انا مر علي هذا الموقف

[khaleeji]

التبديل للاطفال غلط

ولكن الرضاعه للأطفال في المسجد صح ولا زم تتعلمون هذا الشي منهم واحسن من المراضيع والخدامات

[clouds]

انا بعد شفت هالمناظر وكذا مره شفت بمصلى اللاند مارك ناس نايمه ومنسدحه واجانب مش مسلمين بس يريحون وينامونف ي المصلى بين الصلوات!!والا عربيات فاتحينها مجلس سوالف ولما كلمت وحده منهم عصبت علي قلت لها والله لو تبين تسولفين طلعي برا المصلى هذا بيت الله وله حرمته والناس تصلي ومانبيج تخربين وتقطعين علينا صلاتنا بسوالفج

[جرح الزمان]

وين المشكلة في ارضاع الطفل داخل المصلى ؟

في ناس ما ترضع عيالها صناعي

[سداوي&مدريدي]

التبديل للاطفال غلط

ولكن الرضاعه للأطفال في المسجد صح ولا زم تتعلمون هذا الشي منهم واحسن من المراضيع والخدامات

اي والله صدقت :victory:

[بوسلمان 2010]

سبحان الله لايحشمون المساجد ولا شي سبحان الله ليش مايكون هناك من يراقب هذي المساجد حق الرقود


في المسجد وهذولا الي يبدلون حق اعيالهم في المسجد الله يهديهم ويصلحهم

[ثابت]

ان لم تستح فافعل ما شئت

ناس ما تستحي وللاسف انهم عرب

[MAZEN37]

ملاحظات جيده

[وتبقى الدنيا حلوه]

في ناس تسوي قيلوله بعد

[Amal_QTR]

انا معاكم في كل اللي قلتووه بس بعد يا ليت كل هالاماكن تسوي مكان لتبديل الاطفال .. مافي مكان المره تحط ولدها و تبدله !!!! في الخارج نحصل شي مثل قطعه بلاستيك معلقه على الحائط ولا تاخذ مساحه و تفتحها و تبدل الطفل بمنتهى الراحه .. بس هني مافي كلش و اذا حاطين في فيلاجيو مكان تحصله ارض صلبه ما تقدر تحط الطفل عليها و اللي تنظف مستخدمتها مستودع لادوات التنظيف ..

[ام علي1981]

التبديل في المصلى غلط
لكن شنو المشكلة في الرضاعة انا ماشوف فيها شي خاصة ان في ناس ماترضع صناعي
وبعدين انتو مابتيوزون عن تخصيص المشاكل الا على الاخوات العرب ماشالله عليكم كانكم ماشيين وتسلون هوية كل واحد انا اعرف الكثير من القطريات يرضعون بالمسجد
ياحبكم للمبالغة بطرح المواضيع

[QatariFallah]

الرضاعه ماعتقد فيها شي..والله اعلم..بس لها ضوابط اعتقد
بس مش حرام حرام

لكن بس ظاهرة الاطفال وتبديل حفاظاتهم؟
اكيد مافي شي ثاني؟
اكيد مافي شي له علاقه ب (ان تقابل ربك بالمظهر الصحيح الحسن) ؟؟
من ناحية كيفية الملبس وكيفية التبرج والنظافه .. وللا موضوع اخر تعودنا عليه وصار عادي؟

[فيزيائية]

لو اي احد فينا شاف وحدة تبدل بامبرز وكلمها بطريقة صحيحة
كان ماتمادوا ...لان دورة المياة ماتبعد عن المصلى الا امتار...
اما بالنسبة للرضاعة مافيها شي وخصوصا اذا المرأة قاعدة بسترها ..
انا اللي لاحظته في فيلاجيو خواتنا السعوديات للاسف....
يفرشون سفرتهم وياكلون غير السوالف بصوت عالي وعيالهم الموزعجين
انا عن نفسي ماسكت واتكلم بس ادارة المجمع لازم يكون لها دور.