البلد والزحمة

[حفيدعمر]

السلام عليكم من فترة اونا افكر في موضوع الزحمة الصراحة صار الواحد يفكر مليون مرة اني يروح وسط البلد او نجمة اواي مكان في الدوحة أقتراح الى البلدية في تصنيف المحلات وتحديد فترات العمل يعنى على سبيل المثال محلات مواد البناء من المفروض تفتح من الخامسة صباحآ الى الخامسة مسآء ( دعوة للنقاش )

[FCB 123]

الزحمة مالها حل الله يسلمك

وماتقدر تحدد ساعات دوام المحلات بأنواعها

فــ عليك إنك تطلع للمشوار واحسب المشوار الي كنت تروح له في نص ساعه ,, عطه ساعه ونص


بالتوفيق إن شاءالله

[آلنـجــلآ]

مو احنا لان كل شي متكوّد فالدوحه
so that's why

لو شوي يتوسّعون في ذا البرّان الفاضيه بدال ماهي محاوطينها بـ سور ، يكون احسن

وبعد اقتراح ان يمددون ساعات العمل حق الاسواق والمحلات الثانيه لين الساعه 12 بيكون بيرفكت

خاصه ان قطر ماشالله صارت كنها مصر ، تعيش وتحيا فالليل

ومانرقد الا عقب الساعه 1 ونص

[MAZEN37]

الحل توسيع الشوارع ل7 حارات لكل اتجاه

[الرويـس]

الحل توسيع الشوارع ل7 حارات لكل اتجاه

اضافة الى ان كل بيت يكون فيه سيارتين ونص فقط ..

[Abdullah_89]

انا مريت امس الصبح عالكورنيش


كانت بتجيني جلطه من المنظر

الزحمه من دوار الاعلام إلى فندق شرق وانت جاي من خط سلاح الجو

تخيل @@

[Amal_QTR]

الزحمه صارت لا تطاق
اليوم ساعه كامله لين وصلت دوامي .. قعدت اقول دعاء السفر !
مع ان بالصيف لين سكرت المدارس و سافروا الاجانب اوصل ب 20 دقيقه
حتى الطلعه صار اذا المشوار مب قريب البيت ما اروح
معظم التسوق صرت اسويه عن طريق النت

المفروض مب كل الاشغال تبدا نفس الوقت ! و الشوارع صغيره جدا و الاجانب كل يوم يزيدون

[الـقـاسـي]

بصراحة الزحمه تسبب جميع الامراض الضغط والسكري وامراض القلب صدقوني اخطر من التدخين ..

انا صرت اكنسل اشياء كثيرة والسبه الزحمه ..

المشكله في كل مكان زحمه صدق صدق تخنق زحمتنا

[للصبر اخر]

الزحمة صارت ترفع الضغط
غصب الواحد يعصصصب
انا اطلع 6 وربع من البيت واوصل الدوام 7 ونص

[ضوى]

الله المستعان عالزحمة اللي صايرة

[الحال مايساعد]

اضافة الى ان كل بيت يكون فيه سيارتين ونص فقط ..

:nice::nice::nice:

[حفيدعمر]

الحل بسيط ترتيب عمل بعض المحلات

[تحداني]

طيب ليش هالزحمه ؟؟
هل هناك اغلاقات ؟؟ ولا الناس صايره تطلع وايد
ولا زادت السيارات ..؟؟ قبل شهرين كانت الامور طيبه


جملكم الله برضاه

[تحداني]

الحل توسيع الشوارع ل7 حارات لكل اتجاه




بالغت وايد يا اخوي
7 حارات اذا دبي ما سوتها احنه بنسويها
صعبه وايد وايد


جملك الله برضاه

[بوخالد911]

واليووم تصريح من الخرجي : يوميا تسجيل عدد 350 سيارة

!!!!!!!!!!!!!!!!!

واحسبوووها كم بالشهررررررررررر

[بصمة قطرية]

المشكلة دوام المدارس والاشغال كلهم نفس الوقت ..
و لا ننسى عدد السيارات زاد وايد في الفترة الأخيرة ..
سواء بعد ما بدوا الحريم يسوقون او عقب ما زادوا المقيمين ..
و الشوارع مثل ما هي مافي توسعه ..
بس في بعض الجسور والانفاق شوي قللت الزحمة ..

[جرح الزمان]

واليووم تصريح من الخرجي : يوميا تسجيل عدد 350 سيارة

!!!!!!!!!!!!!!!!!

واحسبوووها كم بالشهررررررررررر

10500 سيارة

يعني المشكله قاعده تزيد

واللي يزيدها ان كثير من السواقين

سواقتهم ضعيفه ..وتخلي الواحد :anger1:

[قطريه ماركه]

زحمه يادونيا زحمه :(

زحمه و مافيش رحمه :(

[رويس]

حل واحد فقططططططط انه اتجاه السير يكون باتجاه واحد يا إنه رايح أو جاي .... نفس نظام شوارع فيننا ( النمسا ) واللي راح بيعرف .....,,,,,,,,,,,,,,,,,, والحمدلله .

[almaf1a]

الي استغرب منه في الويكند الشوارع فاضيه

[حفيدعمر]

ركزو معاي ياشباب لازم بعض المحلات تسكر قبل المغرب

[تحداني]

اشلون تسكر قبل المغرب يا اخوي والحين الليل قصير وايد
ويأذن المغرب من وقت .. واحنه ما نرد من الدوام الا صارت الساعه 3
متى نتغدى .. متى نرتاح .. متى نقضي مشاويرنا


وانت عارف محلات البناء ما تقدر تدخل محل واحد تختار
الا لازم تلف وتلف وتشوف الانواع والالوان والاذواق ورايح وجاي الين ما تستقر على شغله
انا ستاره ابي اختارها رديت 10 مرات للمحل


اقتراحك ما ادري اشلون
قول خل تفتح الين الساعه 12 في الليل مو يبندون المحلات الساعه 5 المغرب



جملك الله برضاه

[دااانة قطر]

المشكلة دوام المدارس والاشغال كلهم نفس الوقت ..
و لا ننسى عدد السيارات زاد وايد في الفترة الأخيرة ..
سواء بعد ما بدوا الحريم يسوقون او عقب ما زادوا المقيمين ..
و الشوارع مثل ما هي مافي توسعه ..
بس في بعض الجسور والانفاق شوي قللت الزحمة ..

انا اطلع من البيت 6.20 واوصل العيااال مداارسهم في دحيل والدفنه واوصل الدواام قبل 7 ونص يوميا

[مرتبش]

اليوم
اخيرا الشرطة كانوا متواجدين على دوار بنك قطر ودوار الديوان..

صار لهم فترة مانظموا السير بهالمكان وكانوا يكتفون بدوار الاعلام فقط

[الألماسي]

و القادم مذهل

عدد السكان في قطر مليون و 700 الف حسب اخر احصائيّه

83% من عدد السكان الإجمالي يسكن " الـدوحه "

إذن تقريباً مليون و 400 الف عدد سكان الـدوحه

الـخرجي بتصريحه اليوم تقريباً 10 الاف سياره تسجّل شهرياً و في مقابلها لنفرض جدلاً 5 الاف ليسن يصدر للسواقين

اتوقع عدد السيارات في الدوحه المسجله بالمرور من مليونين لـ 4 مليون سياره

هـل الطرق تحتمل هـ الرقم و خـاصه ان بين كل نفـق " دوار " . .!!!!!

رجال المرور ما يقصرون امانةً . . و لكن يجب ان تكون هناك ثقافه ذاتيّه من المواطن و المقيم انفسهم . .
يمكن الأفكار كثيره و لكن خلني اقولك نبدأ فيها نحن أولاً و بعطيك ابسط مثال

تلقى بالبيت 3 خوات و كل وحده دريول و دوام كل وحده بمنطقه الأبراج . .!!
بيتين لأخوه ساكنين بجنب بعض و العيال نفس المدرسه تلقى كل شخص عنده سيارته الخاصه مودي عياله لنفس المدرسه . .!!!
الشباب لنفرض 3 او 4 و كلهم رايحين يشوفون " فيلم " بفيلاجيو إذن هـذه 4 سيارات
السوق . .

اعلم تماماً ان البعض يقول في خاطره " انا شلي بعوار الراس " و ما الى ذلك و لكن هذه حلول قد تساعد على التخفيف من الازدحام . . و لكن المعارض لها سيعيش في واقع مرير حتى لما بعد 2022
اذن جيل 2030 هـو الجيل الذهبي اللـي بيكون مرتاح ذهنياً

بكل بساطه البلـد في حاله بناء . .

بالتوفيق للجميع

[تحداني]

و القادم مذهل

عدد السكان في قطر مليون و 700 الف حسب اخر احصائيّه

83% من عدد السكان الإجمالي يسكن " الـدوحه "

إذن تقريباً مليون و 400 الف عدد سكان الـدوحه

الـخرجي بتصريحه اليوم تقريباً 10 الاف سياره تسجّل شهرياً و في مقابلها لنفرض جدلاً 5 الاف ليسن يصدر للسواقين

اتوقع عدد السيارات في الدوحه المسجله بالمرور من مليونين لـ 4 مليون سياره

هـل الطرق تحتمل هـ الرقم و خـاصه ان بين كل نفـق " دوار " . .!!!!!

رجال المرور ما يقصرون امانةً . . و لكن يجب ان تكون هناك ثقافه ذاتيّه من المواطن و المقيم انفسهم . .
يمكن الأفكار كثيره و لكن خلني اقولك نبدأ فيها نحن أولاً و بعطيك ابسط مثال

تلقى بالبيت 3 خوات و كل وحده دريول و دوام كل وحده بمنطقه الأبراج . .!!
بيتين لأخوه ساكنين بجنب بعض و العيال نفس المدرسه تلقى كل شخص عنده سيارته الخاصه مودي عياله لنفس المدرسه . .!!!
الشباب لنفرض 3 او 4 و كلهم رايحين يشوفون " فيلم " بفيلاجيو إذن هـذه 4 سيارات
السوق . .

اعلم تماماً ان البعض يقول في خاطره " انا شلي بعوار الراس " و ما الى ذلك و لكن هذه حلول قد تساعد على التخفيف من الازدحام . . و لكن المعارض لها سيعيش في واقع مرير حتى لما بعد 2022
اذن جيل 2030 هـو الجيل الذهبي اللـي بيكون مرتاح ذهنياً

بكل بساطه البلـد في حاله بناء . .

بالتوفيق للجميع




:omg:

:eek3:

[حامدمحمد]

الله يعيننا

[حليتان*]

الحل توسيع الشوارع ل7 حارات لكل اتجاه

قوويه


اضافة الى ان كل بيت يكون فيه سيارتين ونص فقط ..

وذي اقوووى

[ابوالكلام]

الحل انشاء مدن حديثة خارجية غير الدوحة احس ان الدوحة بتنفجر

[يافعي]

الله يهديك بس !
بدال ماتقول نبي جسور ، نبي مترو ، نبي نقل عام ...

[المهندس عبدالعزيز]

1- منع إقامة أي مشروع جديد في الدوحة وإقامة المولات الكبيرة والمشاريع والتجارية والعمارات خارج الدوحة مثل الخور أو الوكرة

2- تطوير كروة وزيادة التكاسي والباصات

3- توسيع الشوارع وإنشاء الكثير من الجسور مثل الإمارات

[بوسلمان 2010]

مالك وانا اخوك الا بطابط مكدنول او هرديز ولا سيكل احسن اذا على السيارة الله يعينك على الزحمة وحرقة الاعصاب

[مبتدئة]

وفي عززز الزحمة
نلقى الشاحنات .. بمختلف الأحجام
يزيدون المرض مرررض

وشاحناتنا الله بالخير ما يمشي معاهم وقت الذروة ال 6 لين 8
ولا لافتات ممنوع مرور الشاحنات
حالهم من حالنا في كل شارع وكل داعوس

[حفيدعمر]

السلام عليكم من فترة اونا افكر في موضوع الزحمة الصراحة صار الواحد يفكر مليون مرة اني يروح وسط البلد او نجمة اواي مكان في الدوحة أقتراح الى البلدية في تصنيف المحلات وتحديد فترات العمل يعنى على سبيل المثال محلات مواد البناء من المفروض تفتح من الخامسة صباحآ الى الخامسة مسآء ( دعوة للنقاش )

[حفيدعمر]

المطلوب من البلدية ترتيب مواقيت عمل بعض المحلات التجارية