سر اختفاء خالد الشمري على وطني الحبيب والحقيقه

[غير البشر]

السلام عليكم ورحمه الله وبركاته

صبحكم الله بالخير .......

بخصوص اختفاء خالد الشمري
احدى المواطنات متصله وقالت كلام انصدمت منه


ياريت نتناقش في الموضوع الي حصل :eek5:

خالد اختفى لانه خايف والسبب انه دافع عن نفسه

هل بدئنا نفقد الامان في بلدنا مع دخول الاجانب

السالفه ان هندي حاول يختطف خالد
وخالد حاول يدافع عن نفسه
خالد يطعن سكين في بطن الهندي للدفاع عن نفسه

واختفى في اسباير من الخوف

هذا ماقيل في وطني الحبيب صباح الخير قبل قليل

[ثابت]

صرنا المكسيك

[Locale]

:rolleyes2:
من المتصل احد والدينه؟؟

[@north_star@]

القصة غريبة طيب والهندي ليش يخطفه مثلا ؟؟!!! وخالد من وين جاب السكين ؟؟؟

[الحياة الخالدة]

بااااااااال

صار فيلم هنـــــــــدي صجي .. أحسن من أفلام طارق العلي

و اللي تكلمت من وكالة يقولون .. و الا شاهد على العصــــــــــر ؟؟
يعني شافت بعينها و سمعت بإذنها .. و الا بس أعتقد و اتوقــــــع ؟؟!!

ما سمعنا المكالمة الصراحة .. فما نحط في ذمتنا :rolleyes2:

يا ريت لو تعطينا تفاصيل يا غير البشر :telephone:

[FCB 123]

بل ... طيب وين هله ؟ وشلون راح سباير ؟

ومعقوله في هاي العمر عنده سكين وقدر يطعن الهندي فيها ؟؟

إلي يقدر ولا يعرف حد في الشرطة يمكن يفيدنا وبسنا إشاعات وخرابيط

[غير البشر]

:rolleyes2:
من المتصل احد والدينه؟؟



لا اختي وحده ساكنه بنفس المنطقه
ولدها كان في اسباير وشاف الولد بالليل منخش وخايف

[غير البشر]

القصة غريبة طيب والهندي ليش يخطفه مثلا ؟؟!!! وخالد من وين جاب السكين ؟؟؟



السالفه بالظبط غير معروفه
لكن الي قالته المتصله ان الهندي كان يحمل السكين

[غير البشر]

بااااااااال

صار فيلم هنـــــــــدي صجي .. أحسن من أفلام طارق العلي

و اللي تكلمت من وكالة يقولون .. و الا شاهد على العصــــــــــر ؟؟
يعني شافت بعينها و سمعت بإذنها .. و الا بس أعتقد و اتوقــــــع ؟؟!!

ما سمعنا المكالمة الصراحة .. فما نحط في ذمتنا :rolleyes2:

يا ريت لو تعطينا تفاصيل يا غير البشر :telephone:



هههههه اي والله صدقتي

ننتظر اشوي ويمكن تطلع تفاصل اكثر

تابعو وطني الحبيب الحين يمكن تطلع تفاصيل اكثر

[بـــــــنت النوخـّــــذه]

يطعن سكين ؟؟؟؟؟؟؟

اشعرفه يمسكن ويطعن

صراحة اتمننى ولي امره يطلع ويصرح بكل شي عشان يسد باب الاشاعات

وبالنسبة للعماله الوافده وبعدين معاهم خلاص يسمحون لهم يجيبون حريمهم معاهم ويفكونا من شرهم00 او ان يطبقون حد الأعدام في حالةثبت وجود تحرش :looking:

[قطريه ماركه]

لا حول ولا قوة الا بالله ...

صرنا نخاف من هالقصص

... الله الحافظ ...

[كازانوفا]

يالله رحمتك يعني اللى فهمته السكين بيد الهندي شل الله يده عشان يخوف فيها الضحيه
فانقلبت الايه سبحان الله
المهم الهندي مات والا توفى مين فيهم ان شالله الاتنين مع بعض
والولد وين صار وايش وضعه ؟؟؟

[Aaziz]

لاحول ولا قوه الا بالله

ما اعتقد الهندي كان صاحي

[خوي الدرب]

طيب السؤال الكبير

..

..


وين المطعون ؟!

[ودي أكون]

الولد لو ماكان بروحه .. كان ماتجرأ الهندي أو غيره .. ان يقرب منه

خافوا ع أعيالكم ولا تتركونهم بروحهم الله يصلحكم ..

والخوف مو بس من الهنود .. الخوف من كل شخص غريب نفسه شريرة .. سواء كان مواطن او آسيوي ..!!

لا نقعد عقب نلقي اللوم على الجاني .. اذا الاهل ماعرفوا يحافظون على المجني عليه .. << جاني ومجني عليه ، شسالفه، انا وين رحت :unsure:


عموما الغلط الاول على الاهل .. وشي طبيعي الولد بيخاف وبيشرد لان حاط في باله ان اللي سوه شي كبير !! كالقتل !

والهندي لازم يتحاسب حساب عسير .. عشان يكون عبره ..

[سهم طويل الأجل]

مادري ليش هالقصة بالذات تذكرني بسالفة نمر الخريطيات :omen2:

[غير البشر]

اتمنى تسمعون المحادثه الي اتكلم عنها

اختارو اليوم الثلاثاء

الجزء الثاني

بدايه المقطع في الدقيقه 16.25

http://www.qatarradio.net/


لمن اراد للأستماع للمكالمه :telephone:

[غرِيبهـ]

انا سمعت المكالمة و فعلا احداث غريبة

ياليت حد يطلع و يوضح التفاصيل بالضبط

[البربهاري]

قصة ولا في الخيال !!
واحد ينخش من هندي (( لنفرض انه مسلح جدلا )) وفي يده سكين (( من متى بقطر الواحد يتمشى ومعاه سكين )) لا وفي مكان عام في اسباير (( واللي معروف عنها تواجد الامن فيها على مدار الساعة سواء التابع للداخلية او السكيورتي التابع لادارة اسباير ))
مدري ليش ان القصة مب مظبوطة وان فيها
شي ناقص .
عالاقل لو صارخ عالهندي الف واحد بيفزع له فليش الخوف اساسا ومن اوله .
ودي اصدق بس فعلا ...... قوووووووووووية :nice:

[غير البشر]

قصة ولا في الخيال !!
واحد ينخش من هندي (( لنفرض انه مسلح جدلا )) وفي يده سكين (( من متى بقطر الواحد يتمشى ومعاه سكين )) لا وفي مكان عام في اسباير (( واللي معروف عنها تواجد الامن فيها على مدار الساعة سواء التابع للداخلية او السكيورتي التابع لادارة اسباير ))
مدري ليش ان القصة مب مظبوطة وان فيها
شي ناقص .
عالاقل لو صارخ عالهندي الف واحد بيفزع له فليش الخوف اساسا ومن اوله .
ودي اصدق بس فعلا ...... قوووووووووووية :nice:


اخوي ليش مستغرب :eek5:
وقسم بالله هندي داخل البيت بسكين والقضيه موجوده بالشرطه
وحاول يفتح الباب على اليهال بالبيت

وحاصله لي شخصيا :rolleyes2:

[basma222]

القصة غريبة طيب والهندي ليش يخطفه مثلا ؟؟!!! وخالد من وين جاب السكين ؟؟؟

السكين كانت مع الهندي وكان يهدد بها خالد وكان يبي يدخله دبه السيارة

[بوخالد911]

هلا

استمعت للاتصال


وهناك أمور غريبة مثل :

السكينة من جابها؟
وكيف طفل قدر يطعن رجال هندي؟
وووووو

أدرري السالفة صح

بسس يبيلها توضيح أكثرررررررررر ...............

تحياتي قبل اعلان اندهاشاتي

[basma222]

الولد كان ينتظر باص المدرسة الساعه 6 عند بابهم في معيذر الهندي حاول يخطفه وهدد يالسكين وحاول يدخل دبة السيارة بس الولد ضرب الهندي وادخلت السكين في بطن الهندي

[غير البشر]

يالله رحمتك يعني اللى فهمته السكين بيد الهندي شل الله يده عشان يخوف فيها الضحيه
فانقلبت الايه سبحان الله
المهم الهندي مات والا توفى مين فيهم ان شالله الاتنين مع بعض
والولد وين صار وايش وضعه ؟؟؟


طيب السؤال الكبير

..

..


وين المطعون ؟!


حطيت لكم رابط المحادثه اسمعوها

تفاصيل اكثر ماعندي للأسف :rolleyes2:

[غير البشر]

الولد لو ماكان بروحه .. كان ماتجرأ الهندي أو غيره .. ان يقرب منه

خافوا ع أعيالكم ولا تتركونهم بروحهم الله يصلحكم ..

والخوف مو بس من الهنود .. الخوف من كل شخص غريب نفسه شريرة .. سواء كان مواطن او آسيوي ..!!

لا نقعد عقب نلقي اللوم على الجاني .. اذا الاهل ماعرفوا يحافظون على المجني عليه .. << جاني ومجني عليه ، شسالفه، انا وين رحت :unsure:


عموما الغلط الاول على الاهل .. وشي طبيعي الولد بيخاف وبيشرد لان حاط في باله ان اللي سوه شي كبير !! كالقتل !

والهندي لازم يتحاسب حساب عسير .. عشان يكون عبره ..



المذيعه كانت تقول ليش اخوه ابوه امه حد عندهم ليش مايشوفون اعيالهم لين يركبون الباص عشان يتطمنون عليهم :victory:

[بوخالد911]

صورة توقيعك مووووووووووووووووووووووجعة

الله يرحمنا برحمته

[صوت الضمير]

لاحول ولاقوة الا بالله

[غير البشر]

صورة توقيعك مووووووووووووووووووووووجعة

الله يرحمنا برحمته






اي والله يا بوخالد :weeping:

اللهم امين

[Miss]

حسبي الله عليهم :cry2:

ما عاد به أماااااان :(

ووين نرووح يعني :weeping:

http://upload.up3.cc/uploads/images/up313189262791.jpg

[غير البشر]

اخوي ليش مستغرب :eek5:
وقسم بالله هندي داخل البيت بسكين والقضيه موجوده بالشرطه
وحاول يفتح الباب على اليهال بالبيت

وحاصله لي شخصيا :rolleyes2:


حسبي الله عليهم :cry2:

ما عاد به أماااااان :(

ووين نرووح يعني :weeping:

http://upload.up3.cc/uploads/images/up313189262791.jpg



:( ....

[Miss]

اخوي ليش مستغرب :eek5:
وقسم بالله هندي داخل البيت بسكين والقضيه موجوده بالشرطه
وحاول يفتح الباب على اليهال بالبيت

وحاصله لي شخصيا :rolleyes2:

:eek5::eek5:

بعد!!

يا قواتهم :weeping:

[Abdullah_89]

وبعدين مع هالاجانب والاسيويين في بلادنا

شنسوي نخترع بف باف أجانب ونرشه عليهم

:@

حسبي الله ونعم الوكيل

[أم شيوخ]

انا سمعتها من اول حرف لين اخره....

قالت الولد كان ينطر الباص جنب باب البيت وكان يومها ضباب ياله الهندي بسجين ومتلثم وهدده المهم دافع الولد عن عمره الي اهو في صف السادس وضربه في بطنه اهي قالت احنا في معيذر وقالت الولد شرد وحصله واحد بعد ما نشرنا سالفته وصورته على البلاك بيري وشافه واحد يعرفهم ورجعه البيت ....

تقول الحين الولد حالته النفسيه تعبانه وكله يرجف وخايف....

ليش يعني ما تصير هني تصير الف لنه العماله زادت وكل مكان صاروا يروحونله وشحقه كان يبي يخطف الولد هذا عند الله يعني بياخذه يتمشى معاه مثلا!!!!
ياما سمعنا مثل هالقصص واخر شي اغتصاب وذبح وهتك باعراض الصغار او لطلب المني اي الفلوس بس بعد هذا كله بغيب الله...

الله سلم الولد بس بعد شي مب هين هاي ياهل لو الكبير صاده مثل هالموقف اكيييد حالته النفسيه بتتعب والا شرايكم

[Rider]

هندي ومتلثم وليش يبغي يخطف الولد لازم يكون هناك سبب

[حمد بن سعد]

بزر شايل سكين ويطعن اكيد ابوه في مخباه بازوكه


شي مايدش العقل

[اسباير]

بزر شايل سكين ويطعن اكيد ابوه في مخباه بازوكه


شي مايدش العقل



يقولونلك كان بيد الهندي :anger1: وسبحان الله انقذه بعد ولد دافع عن شرفه من حقه والا كان اهو الميت انا لو منهم اطلعه للمجتمع وافتخر فيه مو اخليه يفقد ثقته بنفسه يللا تحركوا :telephone: هاي حالة نفسية لطفل لازم انشجعه انطلعه من الرعب اللي اهو فيه
مسكين والله:(

[الحجاجي]

الله لا يبلانا ..

نعيد ونكرر

الرقابة

الرقابة


أين الرقابة


أين الرقابة


أين الرقابة

[وتبقى الدنيا حلوه]

مسكين كسر خاطري

الله يعينه

[المفترسه]

احس السالفه فيها فبركه

عالعموم الحمدلله على سلامة الولد

[غابت الشمس~]

اي والله صارت مثل سالفة نمر الخريطيات

كلن يملّح ويبهّر على كيفه *_*

[Mohammed VIP]

الكلام يمكن يكون صح في اجزاء واجزاء غلط وزيااده القصه مركبه .... وجهة نظرر

[9umt aljroo7]

>< انا مب فاهمه السالفة


الحيييينالصصبي ن في اسباير ولا ينطر البااص؟؟؟؟

[رمــش الغلا]

يعني الولد في هاليوم ماراح المدرسة؟؟؟؟
وإلا ركب الباص وعادي كمل يومه وطلع من المدرسه وراح اسباير؟؟؟؟؟
ومن خذاه من سباير ورجعه البيت؟؟؟؟

ياليت توضيــــــــــــــح

[Cafe way]

الهندي غبي وما يفهم وصج هندي

يعني ما لقى حد يتحرشبه غير ولد شمر ؟ زين ما قطعه وعلقه بنص سباير وكتب عليه f-16

هههههههههههه كفو يا ولد الطنايا

[roma27]

الهندي غبي وما يفهم وصج هندي

يعني ما لقى حد يتحرشبه غير ولد شمر ؟ زين ما قطعه وعلقه بنص سباير وكتب عليه f-16

هههههههههههه كفو يا ولد الطنايا

هاااهاااهااا انا اشهد ان الشمر ما ينغلبون كفوا عليك يا خالد والله.:nice:

[حليتان*]

>< انا مب فاهمه السالفة


الحيييينالصصبي ن في اسباير ولا ينطر البااص؟؟؟؟





يعني الولد في هاليوم ماراح المدرسة؟؟؟؟
وإلا ركب الباص وعادي كمل يومه وطلع من المدرسه وراح اسباير؟؟؟؟؟
ومن خذاه من سباير ورجعه البيت؟؟؟؟

ياليت توضيــــــــــــــح

اسمعو المقطع ..

باختصار الولد ينطر الباص قدام باب البيت
جا الهندي فيده سجين وشاله وحطه فدبة الموتر
والولد دافع عن نفسه وطعن الهندي بالسجين مالت الهندي
وشرد عنه وانخش :weeping:

[khalid Qtr]

اصلا الولد يروح مع الدريول للمدرسة

[بو طالب]

هذي نهاية سكن الهنود والعزاب وغيرهم في الفرجان والاحياء السكنيه اللي فيها عائلات ...اليوم الطفل البريء المسكين خالد الشمري
وبكره ما يندرى منو .. واللي عقبه الله اعلم ... يارب تحفظنا وتحفظ عيالنا وبيوتنا منهم
والله العظيم انه صرنا نخاف على سياراتنا وبيوتنا واشيائنا وقمنا انحطها في الحوش داخل البيت ونتأكد انه البوابه مقفوله عدل
الله يرحم ايام اول يوم تكون بوابة البيت مبطله ليل نهار والواحد ما يخاف على شي والسيارات مبطله
حتى انه باب البيت ما ينقفل في الليل

اتمنى اتمنى اتمنى ومن كل قلبي انه يتم تطبيق قرار ترحيل العزاب بأسرع وقت لحمايتنا وحماية اعيالنا واهلنا منهم

[Store]

http://www.qatarshares.com/vb/showthread.php?t=481546

[الغالي!]

والله الصووووووووووووره التوقيع موثره اكبر من القصه

[بوسلمان 2010]

والله بلشه في هذي العماله الله يغربلهم حراميه مشاكلهم اكثر منهم ولا دين ولا مله حسبي الله ونعم الوكيل فيهم

[عابر سبيل]

التحية لصاحب الموضوع..
اخونا / غير البشر..
على حرصه على وضع رابط لمصدر نقله...
و هوبرنامج "وطني الحبيب صباح الخير"..

و لولا ذلك لما ترك الموضوع..

لكن..نعتقد ان الموضوع
يستحق رد و توضيح "رسمي"
من الجهات المعنية..

يوضح الرد المسألة
و يطمئن الشارع..

و الاهم..أنه يدحر و يحذر
من اشاعات الابتلاء العصري
المسمى "البلاك بيري"..

اضافة..الى ما قاله العضو/khalid Qtr
http://www.qatarshares.com/vb/showthread.php?t=481546