كباب طرزان صار بــ 12 ريال

[wedodi]

استوحيت الفكره من موضوع في المنتدى

خلونا نشوف الأشياء اللي ارتفع سعرها مع هذي الطفره

ويا ليت الكل يشارك باللي عنده .. أبدأ بسم الله

1- مطعم طرزان (صحن الكباب المشكل) كان بــ 10 ريال .. صار بــ 12 ريال

2- مطعم بيروت (صحن الحمص) كان بــ 5 ريال .. صار بــ 6 ريال

3- مطعم البتراء سندويتش الفلافل كان بــ 2 ريال .. صار بــ 3 ريال

أتمنى المشاركه من كل شخص عنده سعر قديم وسعر جديد لكل البضائع

وليس فقط المطاعم

ودمتم سالمين

[راعي البورصه]

حليب كيكوز رقم 1 للاطفال قبل 15 ريال الان 19 ريال

[القانوني]

مخابر كوريا

ارتفعت جميع اسعار خبزها والروتي

اما نص ريال او ريال :strong

[راعي البورصه]

البترول فول سوبر للكامري قبل 42 الان 52

[القانوني]

كنت ابدل ايل وفلتر بخمسين ريال :nice:


من كم شهر صار 53 ويقول الهندي الايل غلى قلنا ماشي


الشهر اللي طاف بدلت ب 58 قلنا الظاهر بوصل 100 crazy

يااخوان كلشي يغلى والمعاش مايكفي اذا ماتسوي كنترول والله من 10 الشهر يطير كله

[الرسام القطري]

السلام عليكم ورحمة الله وبركاته


موضوع جميل جدا ؟

1- أمس رحت حمضت فلم كاميرا عادية عقب مارجعت قالي 52 ريال 32 صورة قلت له ليش قالي الإيجار صار غالي ..

والله ما عطيته الى 32 ريال وطلعت قالي ما يصير قلت له قول حق الشرطة


1- كيكة السويسرية كانت 85 ريال صارت 100 ريال
2- الصيدليات أرفعت أسعاها وايد في فتامين ياخذونه البنات الحمل كان 17 ريال الحين 22 ريال
3- الخبز الإيراني قبل 5 حبات بريال الحين 4 حبات بريال وصغير
واليوم بدور بعد ......

بس سؤال ؟؟؟
من السبب في الغلاء مب أحنا والله العظيم أحنا

أنا سألت مطعم البتراء الي في الوكرة قلت له ليش 3 ريال وانا معصب عليه قالي والله الإيجار كان 2600 صار 9000 ريال قلت له بل والله قالي والله

لازم يرفع السعر شسوي اشلون كم سندويش فلافل يبع علشان يطلع إيجار المحل ...

بعد كم شهر أذا ما أرتفع سعر قوطي البيبسي اصبروا بس والله

كل الي زادو الإيجارات ما أستفادوا من إيجاراتهم قاعدين يصرفونه في كارفور هاهاها :dance :dance :dance :dance

صورة للكورنيش قديما

[القانوني]

الحلاق اللي كنت اروح له في شارع المطار القديم

كنت احلق العراض ;) ب 10 ريال

وألحين من شهر خلاه ب 15 يقول كل الحلاليق ارفعوا بسبب رفع الايجارات

[المخلب]

اقول والله حراميه..

مثل ماقلت ! كل شئ رفعوا قيمته !! .. مع انه اصلا سعرهم بالنسبه للشئ نفسه غالي ! ..

والله عيب ! ان ماتكون عندنا اداره تحمي المستهلك ! ..

ياااخي كلهم بياعين كلام ! الاجار مااغلى هل الدرجه ! الي تخلي الناس يرفعون اسعارهم دبل !

على العموم مقيوله ! .. قطر راح تصير لندن الخليج ! ..

الله يعينا .. بكره بنشتري البيبسي بـ6 ريال ! .

[wedodi]

السلام عليكم ورحمة الله وبركاته

موضوع جميل جدا ؟

1- أمس رحت حمضت فلم كاميرا عادية عقب مارجعت قالي 52 ريال 32 صورة قلت له ليش قالي الإيجار صار غالي ..

والله ما عطيته الى 32 ريال وطلعت قالي ما يصير قلت له قول حق الشرطة

1- كيكة السويسرية كانت 85 ريال صارت 100 ريال
2- الصيدليات أرفعت أسعاها وايد في فتامين ياخذونه البنات الحمل كان 17 ريال الحين 22 ريال
3- الخبز الإيراني قبل 5 حبات بريال الحين 4 حبات بريال وصغير
واليوم بدور بعد ......

بس سؤال ؟؟؟
من السبب في الغلاء مب أحنا والله العظيم أحنا

أنا سألت مطعم البتراء الي في الوكرة قلت له ليش 3 ريال وانا معصب عليه قالي والله الإيجار كان 2600 صار 9000 ريال قلت له بل والله قالي والله

لازم يرفع السعر شسوي اشلون كم سندويش فلافل يبع علشان يطلع إيجار المحل ...

بعد كم شهر أذا ما أرتفع سعر قوطي البيبسي اصبروا بس والله

مشكورين على المشاركه
راعي البورصه
القانوني
الرسام القطري
المخلب

وأتمنى الاستمرار فالموضوع شيق ... يعني لا توقفون .. نبي نعرف كل شي غلا

اخوي الرسام القطري ترى انت من أوحى لي بفكرة الموضوع لما قريت ردك

في احد المواضيع وذكرت سندويتش الفلافل في البتراء كان بـ 2 ريال وصار بـ 3 ريال

وكان كلامك طالع من القلب عشان كذا كان مؤثر

بارك الله فيكم جميعا ونبي مشاركتكم .. لا خلا ولا عدم

[راعي البورصه]

البنيان الاول فيلا دورين تشطيب كامل 850 الف الان مليون ونص اذا كانت مساحه البنا 600 متر

[khaldoon]

موضوع رائع احييك عليه ......

مطاعم الوجبات السريعه مثل كنتاكي و الوجبه الشهيه غليت بزياده ريالين على اي وجبه,,,ولي عوده ان شاء الله

[بويوسف]

http://www.qatarshares.com/vb/showthread.php?t=21431

:)

[مجرد مساهم]

معجنات العربي اللي عند جمعية اليرموك ، رحت له يوم ، طلبت منه ، قال لي سكرنا خلاص

قلت له ليش

قال لي إن أصحاب الجمعية قالوا له ، نزل اللوحة نبغى نسوي دهان ،

قال لهم : زين

بعد ما نزلوا اللوحة قالوا رفعنا الإيجار من 8 آلاف إلى 25000 ألف .

ما رضى صاحبنا

قال لي : وعن طريق معارفهم شكوا عليه في البلدية إنه يسوي بخاري ، وإنه غير متوافق مع الشروط الصحية .

قامت البلدية أعطته إنذار ، ومنعته من عمل البخاري ، فقط معجنات .

قال لي : أحسن شيء أسكر ، لأن العملية ما جايبه ثمنها .


رحت بعدها على العربي اللي في النصر ، أخذت كم من سندويش حق شخصين ، وطفلين ، تخيلوا كان الحساب تقريبا 54 ، قلت لو شاري بيتزا كان أحسن .

[السهم الذهبي 2007]

تغير زيت الجي اكس ار كان 85 ريال = 115 ريال
بمبرس حفاظات 38 ريا ل = 40 ريال
سيشه زغلول او سلوم من ريالين =4 ريال
شيشه بحريني 8ريالمن 5ريال
هذا التقدم والا بلاش كلم دفعت واسرفت تصبح حضاري وكريم
الله يعين

[متسبب]

كل شي ارتفع الا الاسهم :funny:

[اللورد]

كل شي ارتفع الا الاسهم :funny:
وأزيد عليه الراتب .......... محلك سر

[Dana]

مسحب الدجاج بمطعم فينيسيا كان اب 25 صار اب 28

[لمت داون111]

ادري الموضوع قديم شوي بس حبيت ارفعه للتناقش فيه :)

ميزانيه التواير عند اغلب المحلات المعروفه كانت ب40 ريال حق 4 تواير والحين صارو 80 ريال

طبعا اغلب التواير ارتفعت اسعارها واولهم بالون سيام من 320 لين 450 ( للتاير الواحد طبعا )

وامممممممممم خلوني اتذكر بعد واقولكم :)

[خاربه خاربه]

الصالونات اللي للحريم غلت

مثلا قص الشعر كان بـ 50 _30 والحين صار بـ80_100

والمنكير والبدكير كان بـ70 صار بـ100

وطبعا في اغلى هذه الصالونات الوسط

وربي يعينكم على الغلاء

[jajassim]

والكيوتل ،، اتصال جزء من الثانية 35 درهم ، واذا تعدت الدقيقة وجزء من الثانية 70 درهم والعداد شغال

[قطري طموح]

الاسمنت كان قبل 9,5 الحين 13 الحكومي الغير حكومي 22 ريال
مواد البناء صارت كل يوم لمت اب اللي تحصلة اليوم بــ 100 بكره تحصلة 120

[لمت داون111]

ماشاء الله ! الله يزيد ويبارك خخخخخخخ

معقوله خلال السنتين الي طافو ولا شي ثبت علي سعره؟؟

[شاهيناز]

المكياج وايد غلى

بس روج وكحل وشادو
يطلع ب500 ريال

يعني لو بنكمل كل المكياج مب اقل من 2000:looking:

[عاشق الريم]

ما شالله عليكم مخليتو شي كل شي يجي في بالي لقيته مكتوب

الاول الله يخليلي العيوز كانت لين تعطيني مصروف 10 ريال من اول اليوم كنت استانس حدي :eek2: ومافوقي فوق واعزم ربعي كلهم بعد

الحين ال 500 ريال صار مالها قيمة وماتييب حتى خضره للبيت

واللي نسيتوا تذكرونه اسعار السمج تدرون اذا دخلت سوق السمج والله كأني داخل البورصه
كيلو الهامور 25
الصافي 23
الجنعد 25 الى 28
سبيطي وشعم 35 الى 40
كل شي ولا الربيان من 25 الى 55
يعني اذا بتشتري من كل شي 4 كيلو حق اسبوع ولا عشر ايام !!! عيل حق شهر كم؟ :deal: وعليكم الحساب :looking: الله يرحم ايام قبل الثلاجة تنترس ب 200 ريال
طبعا واسعار الذباح اللي كانت من 400 و 450 الحين وصلت من 600 الى 700
و و و و و الله يعين الكل بس
=========
تحياتي لك اخوي على الموضوع الرائع