سحب ترخيص

[الفرحه]

سحب ترخيص
عيادة شهيرةأكد مصدر مسؤول في المجلس
الأعلى للصحة ان اللجنة الدائمة للتراخيص
سحبت ترخيص إحدى العيادات الجلدية
الشهيرة بالدوحة بعد تكرار
المخالفات والشكاوى عليها.
وأضاف المصدر أنه تم تنبيه
صاحب العيادة أكثر من مرة .

[<اضرب واشرد>]

ألا وهي عيادة الدكتور وليد أبوحلاوة

[المليونير الفقير]

طيب ليش مايذكرون اسمها والا خايفين على سمعته وايضا شنو هالمخالفات التي خلتهم يسحبون الترخيص

[غير البشر]

امس واحد يقول لي عن الموضوع

استغربت الصراحه اشوف شغله جيد ووصفاته زينه

ورجل طيب

اتمنى يكون في توضيح حق هالموضوع

[<اضرب واشرد>]

عاجل

سحب ترخيص الدكتور وليد أبوحلاوة. دكتور الأمراض الجلدية. وشطب اسمه من سجل الأطباء بدولة قطر.

(( وصلتني أمس بالبلاك بيري ))

[الفرحه]

ما توقعت ان الدكتور وليد ابو حلاوة لان تشخيصة وايد زين .الموضوع منقول من جريدة الشرق

[المليونير الفقير]

ألا وهي عيادة الدكتور وليد أبوحلاوة

الدكتور ابوحلاوه من افضل الاستشارين في قطر للجلديه وايضا اخلاق عاليه وسمعه طيبه

[فنجان قهوة]

بعد ما شبع و ملين من الفلوس.....و ضحك على الناس ....بطلع له واسطة ويرجع يفتح

[المليونير الفقير]

يمكن عشان ماعنده ظهر او واسطه والا فيه وايد دكاتره فاشلين وقصابين وعليهم شكاوي ولاحد سحب تراخيصهم

[غير البشر]

ما توقعت ان الدكتور وليد ابو حلاوة لان تشخيصة وايد زين .الموضوع منقول من جريدة الشرق .




الدكتور ابوحلاوه من افضل الاستشارين في قطر للجلديه وايضا اخلاق عاليه وسمعه طيبه

:nice:
رجال طيب وفيه خير
ويقطع مرضاه ويوقف ويروح المسجد

ولا ازكي على الله احد

[وطن]

طيب شنو الشكاوي اللي واصله عليه
او المخالفات
اشوف في المنتدى يمدحونه

[FCB 123]

أكيد في سبب خلاهم يسكرون العيادة ويسحبون ترخيصة ...

[بوخالد911]

وووصلني أمس

ولا نشرته

قلت بتأكد من الخبر

[<اضرب واشرد>]

يمكن اشتكى عليه واحد أو وحدة من الهاي هاي

[الفرحه]

والله ما يندرى كل شي جايز بس اللي اعرفة انه دكتور شاطر .

[مخطط قطري]

اكيد الدكتور مخالف ولا ما اسحبوا ترخيصه

[المليونير الفقير]

يمكن اشتكى عليه واحد أو وحدة من الهاي هاي

هاي هاي تخليهم يسحبون ترخيص دكتور نافع اهل قطر ومن افضل الدكاتره:eek5:

[R 7 A L]

مسكين انقطع رزقه

[المليونير الفقير]

مسكين انقطع رزقه

قال عليه الصلاة والسلام (قطع الاعناق ولاقطع الارزاق)

[غير البشر]

انا معاه من سنه 2000
ومارحت حق دكتور جلديه غيره

وايد مرتاح له ووصفاته جيده وفاهم

بس محد راح يعرف السبب كل شي عندنا سري في قطر cia

[المليونير الفقير]

انا معاه من سنه 2000
ومارحت حق دكتور جلديه غيره

وايد مرتاح له ووصفاته جيده وفاهم

بس محد راح يعرف السبب كل شي عندنا سري في قطر cia

السبب طال عمرك هم مايبون دكاتره على مستوى يبون مثل الدكتور حمدي وطخته:tease:

[مونس]

الحين كلن قام يمدح فيه - رجال طيب وخلوق - وينكم من زمان يوم الكل يذم فيه وانه يعطي اجازات للعالم و و و .. أقول والله ما ينقع في عينكم شي .. بس تدرون هو من احسن الدكاتره والحمد لله عندنا كوادر طبية روعه وحرام نفقدها.

[الأستاذ]

قال عليه الصلاة والسلام (قطع الاعناق ولاقطع الارزاق)


أخي المليونير الفقير ..
أما وقد ترددت هذه الجملة كثيراُ ..(قطع الأعناق .....)
فهي ليست بحديث عن الرسول صلى الله عليه وسلم ولا حتى أثراً ..
ولم ترد عن الصحابة والتابعين ..
وهي من العبارات التي أشتهرت بين الناس ..
بل أن ظاهرها غير مُستساغ لجعل الأرزاق بيد البشر ..
بينما هي بيد ربَُ البشر ..
وأظن تركها أولى وأنفع ..
ويجب علينا التحريّ فيما نضع عن رسولنا الكريم ..
ولا ننسب له شئ إلاّ ونحن متأكدون منه ..
جزيت خيراً .. وبورك فيك ..

[سهم صعب]

والله الدكتور هاي عن تجربه شخصيه طيبه واخلاق عاليه
حتى تكاليف العلاج عنده ماتقارن بعيادات اخرى اول مره اشوف دكتور يوصف لمريض دواء
ب6 ريال
اذاهو مظلوم الله ينصره

[الفرحه]

السؤال اللي يطرح نفسه انتوا الحين متأكدين ان هو الدكتور وليد ابو حلاوة.

[missperfect]

اذا هو نفسه الدكتور وليد ابوحلاوة يمكن لان يسوي عمليات تجميل وهو ماعنده ترخيص لهذا ،، وحتى يقولهم ان لازم محد يعرف :rolleyes2:

[البربهاري]

بصراحة حرام والله ليش الحين بدال ما نشجع
الدكاترة الجيدين والممتازين ونعطيهم فرصة ان كان عندهم قصور من نواحي ادارية .
نقوم ونقطع ارزاقهم
الان في مايسمى بالسياحة العلاجية اي هناك هناك اناس يسافرون لدول اخرى من اجل الفحص والعلاج وهذا افضل دعم للسياحة
فبدال ما نشجع الدكاترة الجيدين نقوم نحاربهم
فعلا شي غريب

[الفرحه]

اذا هو نفسه الدكتور وليد ابوحلاوة يمكن لان يسوي عمليات تجميل وهو ماعنده ترخيص لهذا ،، وحتى يقولهم ان لازم محد يعرف :rolleyes2:


:eek5:

[بوخالد911]

قال عليه الصلاة والسلام (قطع الاعناق ولاقطع الارزاق)



ليس حديثا
:nono::nono::nono::nono::nono:

[Miss]

ما سمعت عنه صراحه
الظليمه شينه :(

[بوعلي2]

الله يقدم الخير

[بوالبيض]

اي والله كم مره عالجت عنده رجل اخلاق ودين وتشخيصه ممتاز ذو خبره
اي والله في دكاتره لا تشخيص ولا علاج ومخلينهم يسرحون ويمرحون
الله كريم

[المتحدث الرسمي]

.....

الدكتور بوحلاوه من أحسن الدكاتره اللي تعالجت عندهم

محد نفعني بعد الله سبحانه مع الحساسيه اللي كانت عندي غيره لا نفعني حسن العبدالله و لا الباكر

اذا كان مظلوم الله ينصره

و اذا كان مذنب عقابه و حسابه عند رب العالمين

.....

[غير البشر]

الحين كلن قام يمدح فيه - رجال طيب وخلوق - وينكم من زمان يوم الكل يذم فيه وانه يعطي اجازات للعالم و و و .. أقول والله ما ينقع في عينكم شي .. بس تدرون هو من احسن الدكاتره والحمد لله عندنا كوادر طبية روعه وحرام نفقدها.


اي الصدق ينقال امدح فيه وماشفت منه الا كل خير

اذا النوعيات ادور اجازات انا مش هالنوع
واول مره ادري انه يعطي اجازات
وعمري ماشفت حد ذمه
انا تكلمت من واقع تجربه
لاتجيب كلام من مخك

[بوالبيض]

:eek5:

ما توقع ان الدكتور بو حلاوه يسوي شي من غير ترخيص قلنا لك رجل اخلاق وخايف الله

[دااانة قطر]

.....

الدكتور بوحلاوه من أحسن الدكاتره اللي تعالجت عندهم

محد نفعني بعد الله سبحانه مع الحساسيه اللي كانت عندي غيره لا نفعني حسن العبدالله و لا الباكر

اذا كان مظلوم الله ينصره

و اذا كان مذنب عقابه و حسابه عند رب العالمين

.....


حتى عياالي مانفع معااهم الا العلاااج اللي كتبه لي
الله ينصره ان كاان مظلوم

[وطن]

أخي المليونير الفقير ..
أما وقد ترددت هذه الجملة كثيراُ ..(قطع الأعناق .....)
فهي ليست بحديث عن الرسول صلى الله عليه وسلم ولا حتى أثراً ..
ولم ترد عن الصحابة والتابعين ..
وهي من العبارات التي أشتهرت بين الناس ..
بل أن ظاهرها غير مُستساغ لجعل الأرزاق بيد البشر ..
بينما هي بيد ربَُ البشر ..
وأظن تركها أولى وأنفع ..
ويجب علينا التحريّ فيما نضع عن رسولنا الكريم ..
ولا ننسب له شئ إلاّ ونحن متأكدون منه ..
جزيت خيراً .. وبورك فيك ..


جزاك الله خير

[missperfect]

ما توقع ان الدكتور بو حلاوه يسوي شي من غير ترخيص قلنا لك رجل اخلاق وخايف الله

انا بنفسي كلمته ع موبايله الخاص وسالته في البدايه يقولك مايعرف وعقب اذا وثق في الشخص يقول تعالي اعطيك موعد

[الفرحه]

ما توقع ان الدكتور بو حلاوه يسوي شي من غير ترخيص قلنا لك رجل اخلاق وخايف الله

اخوي بو البيض انا بالعكس امدح الدكتور لان زوجي تعالج عنده واعرف ناس تعالجوا عنده ما شاء الله عليه تشخيصة وعلاجه ممتازين بس اول مره اسمه انه يسوي عمليات بس الصراحه هو دكتور ممتاز.

[كازانوفا]

اذكرو محاسن موتاكم
هههههههههههههههههههههههه

[مابدل العادات]

ياجماعه الخير انتو متأكدين انه عيادة الدكتور بوحلاوه ماغيره

ياريت والله واحد يمر على عيادته ويتأكد ولو اني في الدوحه كان رحت تاكددت بنفسي

[سهم مديون]

افا !!!
مايستاهل رجل ونعم فيه زرته قبل يومين واعطاني وصفة طبية للحين ماصرفتها :eek5: ياليت اللي عنده سبب واضح عن اغلاق هذه العيادة يوضح لنا السالفة :omen2:

[الـخـالـدي]

الله يعينه

[وتبقى الدنيا حلوه]

اول مره اسمع فيه انا عبالي صكروا عيادة حسن عبدالله

صراحه استانست شوي

[بوحسن2009]

شهادى فيه مجروحه هذا الدكتور ...
الله يعينه ويعوضه خير
كفايه اسعار الادوية رخيصه جدا بالنسبه لباقى العيادات
وللاسف بعض العيادات خاصتا الجلدية اقل دواء تحصله 150 وانت طالع
ارقام خيالية ...
سبحان الله والدكتور وليد / كل ادويته رخيصه وفعاله بفضل الله .

[ام السعف]

دكتور خبرة وطيبة وعصامي ،،

شفته وهو ينظف عيادته بنفسه في مرة من المرات انسان متواضع
وطيب وكلامه سلسل ومب متكلف وصريح في توجيهه لنا ،،

راجعته مرات ومرات لي وحق عيالي كلمة حق اسجلها في الموضوع هذا

[ام السعف]

الحين كلن قام يمدح فيه - رجال طيب وخلوق - وينكم من زمان يوم الكل يذم فيه وانه يعطي اجازات للعالم و و و .. أقول والله ما ينقع في عينكم شي .. بس تدرون هو من احسن الدكاتره والحمد لله عندنا كوادر طبية روعه وحرام نفقدها.

هل انفتح موضوع في المنتدى فيه ذم فيه ؟
اول مرة اقرى اسمه في المنتدى ،، وكلمة الحق والمدح يستاهله
لأنه أهل له ،،

هو طيب وخلوق وانسان محترم ،، وصريح في كلامه مع المريض
لا عنده لف ولا دواران ،،
ربنا يعوضه خير في ماله وعياله ،،

[حسن]

مسكين انقطع رزقه

رب العالمين هو متكفل بالارزاق

[khaldoon]

هل هو نفسه اللي عيادته في المعمورة....الصراحه لو هو نفسه فهو انسان محترم....مرة رحت له و اعطاني دواء و قالي بالحرف الواحد: ما تفرجيني وجهك الا بعد شهرين ....بس كان محترم و طيب و الله يذكره بالخير

[المليونير الفقير]

هل هو نفسه اللي عيادته في المعمورة....الصراحه لو هو نفسه فهو انسان محترم....مرة رحت له و اعطاني دواء و قالي بالحرف الواحد: ما تفرجيني وجهك الا بعد شهرين ....بس كان محترم و طيب و الله يذكره بالخير
نعم هو نفسه الدكتور وللعلم الدكتور وليد غير استغلالي همه اشلون يعالج المريض فقط مب نفس الدكاتره الحراميه مايعطيك العلاج الزين عشان ترجعله كذا مره او يتفلسف عليك الدكتور وليد ابوحلاوه قمة الاحترام والاخلاق ويراعي الله في عمله لاكن مانقول الا الله المستعان

[التيما]

والله ممتاز هالدكتور انا للجلد ماروح الا عنده ..

[ALA-N]

رجال يخاف ربنا ويتقي الله في الناس

الله يعينه ويرزقه من حيث لا يحتسب

[مرتبش]

ماسمعت عن الدكتور
بس الى الان اغلب الردود تمدح فيه..

نقطتي اللي ابي افهمها..لما الجريدة الموقرة تنشر خبر ناقص وتذكر انه تم بعد تكرار المخالفات والتنبيهات ومع ذلك لاتذكر السبب ولا اسم العيادة واسم الدكتور.

احنا كبشر شنو نستفيد؟ غير الشك في الاطباء.. وتزيد الاشاعات على ايش؟ تقصير الجريدة ومن سرب لهم الخبر او لنقل من عطاهم الاذن بالنشر

[نتفـه]

الله يهداكم ما قلتوا لنا عنه من زمان انه ممتاز جذي جان رحت عالجت عنده .. الله يعينه ان شاء الله اذا كان مظلوم ..

[الحاقول]

العيب في المجلس الاعلى للصحه

حيث من حقنا ان نعرف اسم العياده الجلديه

التي تم اغلاقها .. وليس من حقهم ان يجعلوننا نخمن اسم العياده

الموضوع مهم ويتعلق بصحة الانسان فلامجال التستر والمجامله

لكل عياده تتلاعب بصحة من يعيش على هذه الارض الطيبه

[خزامئ]

الي اعرفه ان وليد ابو حلاوه يسوي شفط دهون في الدمام يمكن سوها هنا لحد وسار فيه شي من المضاعفات

[ام السعف]

الي اعرفه ان وليد ابو حلاوه يسوي شفط دهون في الدمام يمكن سوها هنا لحد وسار فيه شي من المضاعفات

اللي اعرفه انه اوائل من عمل في مجال زراعة الشعر في قطر
وكان يسوي العمليات هذي في السعودية وعقب قام يسويها في قطر ،،
اما بخصوص شفط الدهون ،، ما عندي فكرة عنها كلش :(

[مابدل العادات]

ياجماعه الخير انتو متأكدين انه عيادة الدكتور بوحلاوه ماغيره

ياريت والله واحد يمر على عيادته ويتأكد ولو اني في الدوحه كان رحت تاكددت بنفسي

[ام السعف]

ياجماعه الخير انتو متأكدين انه عيادة الدكتور بوحلاوه ماغيره

ياريت والله واحد يمر على عيادته ويتأكد ولو اني في الدوحه كان رحت تاكددت بنفسي

:telephone:
من مر وشاف ؟

[مضارب مستثمر]

ماسمعت عن الدكتور
بس الى الان اغلب الردود تمدح فيه..

نقطتي اللي ابي افهمها..لما الجريدة الموقرة تنشر خبر ناقص وتذكر انه تم بعد تكرار المخالفات والتنبيهات ومع ذلك لاتذكر السبب ولا اسم العيادة واسم الدكتور.

احنا كبشر شنو نستفيد؟ غير الشك في الاطباء.. وتزيد الاشاعات على ايش؟ تقصير الجريدة ومن سرب لهم الخبر او لنقل من عطاهم الاذن بالنشر

الجريده امكانياتها بالنسبه للنشر محدوده,,,,

ولكن,,,,

الجهه التي سحبت الترخيص يجب ان تتحلى

بالثقه العاليه,,,,وتنشر البيانات كامله نظرا لاهمية

الموضوع ,,,,ولكن يبدو بأن هنالك ازمة ثقه!!!!!

[غـيـد]

الي اعرفه ان وليد ابو حلاوه يسوي شفط دهون في الدمام يمكن سوها هنا لحد وسار فيه شي من المضاعفات

شفط الدهون احد الاسباب والمشكله إنه يشفط من ناس و .... مب مكمله

وزين منهم سكروا عيادته نفاد يفنده في ستين داهيه دام سواته سوده و يسوي

اشيا بدون ترخيص

[ام السعف]

شفط الدهون احد الاسباب والمشكله إنه يشفط من ناس و .... مب مكمله

وزين منهم سكروا عيادته نفاد يفنده في ستين داهيه دام سواته سوده و يسوي

اشيا بدون ترخيص

:eek5:

[R 7 A L]

مافهمنا
ياليت احد يفهمنا
شنو معنى شفط دهون ؟

[ام السعف]

مافهمنا
ياليت احد يفهمنا
شنو معنى شفط دهون ؟

كرشتك اربع امتار جدام ،، يحطون لك بيب في هالكرشة
ويشفطون لك الدهون بعدة تقنيات ....> لا تسألني عنها لأني ما اعرف عنها :shy:

[missperfect]

كرشتك اربع امتار جدام ،، يحطون لك بيب في هالكرشة
ويشفطون لك الدهون بعدة تقنيات ....> لا تسألني عنها لأني ما اعرف عنها :shy:

هههههههههههههههههههههههههههههههههههههههههههههههههه ههه

[R 7 A L]

كرشتك اربع امتار جدام ،، يحطون لك بيب في هالكرشة
ويشفطون لك الدهون بعدة تقنيات ....> لا تسألني عنها لأني ما اعرف عنها :shy:

:omg:
بيب



وليش ابو كرشه مايوخر يده شوي عن الاكل
ويسوي تمارين سويدية قاسية :anger1:
بدال ما يفجع اهله بوفاته

[missperfect]

لا بجد انا سامعه عنه هالدكتور ان يسوي عمليات وهو ماعنده ترخيص لها وغير هذا بأشياء بدائية ،،،:rolleyes2:
بغض النظر ان هو محترم وزين وماعليه كلام وعلاجه صح ويصرف ادويه رخيصه اوكي ماقلنا شي بس ليه يسوي شي هو ما عنده خبرة فيه ولا دراسة ولا ترخيص ولو يستاهل ويقدر ع العمليات كان عطوه ترخيص مو يسويها بالخش ويحذرونا الصحه ويستمر هذا الصراحه يستاهل الي جاه :(والله يعوضه خير
بس ما عليه خوف بيشتغل برا وعقب كمن سنه بيرد يفتح عيادته ولا كنه صار شي مثل عمربوزينب وغيره

[ام السعف]

:omg:
بيب



وليش ابو كرشه مايوخر يده شوي عن الاكل
ويسوي تمارين سويدية قاسية :anger1:
بدال ما يفجع اهله بوفاته

عاد انت الله يهداك اتحاسب الناس على ما افسده الدهر :(

[R 7 A L]

عاد انت الله يهداك اتحاسب الناس على ما افسده الدهر :(

يعني مستحيل ترجع لحالتها الطبيعية الا بهذه التقنيات :weeping:

[ام السعف]

يعني مستحيل ترجع لحالتها الطبيعية الا بهذه التقنيات :weeping:

شفت عاد ....> شفط وعقبه شد :weeping:

[مرتبش]

نرجع ونقول
خلكم قدها يالمجلس الاعلى للصحة.. سكرتوا العيادة اوكي ..بس لازم تذكرون الاسباب ..لاتخلونها فوازير رمضان.

اذا الدكتور يسوي عمليات شفط وماعنده رخصة مثل ماقال بعض الاعضاء فيستاهل سحب الرخصة ..بس ايضا لابد من اتباع الاجراءات السليمة ..انذار وتنبيه وعقبها المحاسبه

طيب اغلقتوا العيادة وسحبتوا ترخيصه هل بتحاسبونه ان كان اخطأ في عملياته الغير مرخصة وتسبب بضرر لمرضاه.

بسياسة التعتيم اللي تتبعونها تثيرون اسئلة اكثر من الاجوبة .

[البربهاري]

كرشتك اربع امتار جدام ،، يحطون لك بيب في هالكرشة
ويشفطون لك الدهون بعدة تقنيات ....> لا تسألني عنها لأني ما اعرف عنها :shy:

اما عاااد بيب وشفط !!:eek5:

ليش بيشفط دهون ولا بسوي له جارج كهرباء !!

[Rashid554]

عاد انت الله يهداك اتحاسب الناس على ما افسده الدهر :(


اي والله صدقتي ما افسده الدهر :weeping:

ماتعرفين دكتور زين شفط دهون او ربط معده :weeping:

[shuhrzad]

أنا مريت العيادة وفعلا مغلقة :eek5: .. وأنا وحدة من اللي عالجهم الدكتور بعد معاناة سنة ونصف بعيادات أخرى ومعروفة وتكلفت مراجعات وأدوية دون فائدة .. وبفضل الله تعالجت بالدواء اللي وصفه لي الدكتور وليد من زيارة وحدة مع إن سعر الدواء كان لا يتجاوز ال 50 ريال :cry2:

[الخزرجي قطر]

الكل يمدح في الدكتور والنعم فيه بس اكيد هو غلطان والا ماسحبوا الترخيص بدون سبب

[alkatalony]

اي والله صدقتي ما افسده الدهر :weeping:

ماتعرفين دكتور زين شفط دهون او ربط معده :weeping:

شفط وشد مستشفى العمادي عند دكتور كمال صديقي امسوي عنده والنتائج ممتازه وما يشتكي من شيء
أما ربط المعده في اماكن كثيره يسوونها منها العمادي والاهلي التخصصي وحتى مستشفى حمد

[حيهور]

لان رخيص ويعرف شغله مخرب على باقي القطاعات الخاصة من العيادات

فلازم يلتزم بااسعار السوق العالية التي لاترضي الا التجار الجشعيين

وبدل مايغلقون العيادات الداخلية الاهلية الي اذا عرفوا ان عندك تأمين مصوك مص لانهم متأكدين ان التأمين يدفع

وادفع يا تأمين ومحد راح يحاسب العيادات اذا غلو الاسعار

بس الي يرخص ويكون عنده ضمير يتحاسب هنا

الله اكبر

[الجوكر90]

السلام عليكم
ياجماعه انا سالت واحد يشتغل فسحب التراخيص من الدكاتره
وصج طلع الدكتور غلطان
السبب الاول ان رخصته منتهيه من زمان ولا جددها
السبب الثاني يعطي اجازات بالهبل
وماله خص لان رخيص او غالي او يخرب ع المستشفيات الغاليه
لاتحطون فذمتكم
وبالتوفيق

[حسن الاحمد]

لان رخيص ويعرف شغله مخرب على باقي القطاعات الخاصة من العيادات

فلازم يلتزم بااسعار السوق العالية التي لاترضي الا التجار الجشعيين

وبدل مايغلقون العيادات الداخلية الاهلية الي اذا عرفوا ان عندك تأمين مصوك مص لانهم متأكدين ان التأمين يدفع

وادفع يا تأمين ومحد راح يحاسب العيادات اذا غلو الاسعار

بس الي يرخص ويكون عنده ضمير يتحاسب هنا

الله اكبر

وأزيدك من الشعر بيت انه يتردد حالياً بين اوساط الطبقة الطبية ان وراء سحب الترخيص شكاوي من عيادة أخرى لاتريد الخير لهذا الطبيب