استفسار : الجو في تركيا في آخر ديسمبر ؟

[لولو ومرجان]

السلام عليكم ورحمة الله وبركاته ،،
حبيت تفيدوني بخصوص الجو في تركيا في آخر ديسمبر ان شاء الله ناويه اروح في هالوقت :nice:
واذا عندكم فكره عن شقق فريزر في تقسيم ؟
في انتظار ردودكم ،، جزاكم الله كل خير

[(عبدالله)]

السلام عليكم

جو اسطنبول في ديسمبر بيكون بارد وممطر
أذكر في ديسمبر 2009 كنت متصل في واحد من الربع سافر مع هله اسطنبول، قال لي الحين احنا 3 أيام معظم الوقت في السكن بسبب المطر

والله أعلم

[we-r-sawa]

السلام عليكم ورحمة الله وبركاته ،،
حبيت تفيدوني بخصوص الجو في تركيا في آخر ديسمبر ان شاء الله ناويه اروح في هالوقت :nice:
واذا عندكم فكره عن شقق فريزر في تقسيم ؟
في انتظار ردودكم ،، جزاكم الله كل خير

السلام عليكم شوفي هذا الرابط وفيه مديح لهذه الشقق
http://www.sfari.com/forums/sfari122/travel74451/

والجو في ديسمبر بارد طبعا ولكن في ناس تحب البرد وتعشق هذا الجو وتستمتع فيه مثلي:)
وفي ناس تنحاش من البرد وماتتحمله...يعني كل واحد ودرجة تحمله

[FCB 123]

برررررررررررررررررد والله

الحين اصلا عندهم برد ولازم تثقلين من الملابس

ومثل ما تفضل الأخوان الأمطار مابتخليج تطلعين من الفندق

وترى الفندق بعيد وايد عن ساحة تقسيم وشارع الإستقلال الي فيه الزحمة والفعاليات والناس والمطاعم
وتكاسيهم تكسر الظهر هناك بما إنك ( عربوا ) بهاي الاسم يسمون العرب .والسعر سياحي يعني عالي جدا

بالتوفيق إن شاءالله

[we-r-sawa]

برررررررررررررررررد والله

الحين اصلا عندهم برد ولازم تثقلين من الملابس

ومثل ما تفضل الأخوان الأمطار مابتخليج تطلعين من الفندق

وترى الفندق بعيد وايد عن ساحة تقسيم وشارع الإستقلال الي فيه الزحمة والفعاليات والناس والمطاعم
وتكاسيهم تكسر الظهر هناك بما إنك ( عربوا ) بهاي الاسم يسمون العرب .والسعر سياحي يعني عالي جدا

بالتوفيق إن شاءالله

السلام عليكم المطر مهب مشكلة وبالعكس حلاة البرد بالمطر:)والمظلات تقوم بالواجب،أما التكاسي فلا تركب تاكسي بدون عداد وأنبهكم لازم تحطون البال على العداد لأن في طريقة يتلاعبون فيه لما يحط يده عالكير وييحاول يغطي العداد اذا كان مثبت تحت وصارت معانا بس صدناه:victory:
بحيل الله راح تنبسطون وايد وشهر ديسمبر يعتبر بداية البرد ومايعتبر في عز البرد

[مشتاقة لقطر]

احب البرد

رحلة مووووفقة

[clouds]

بيكون ثلج مو برد..اخبر رحت شهر 10 موووووووووووووووووت برد
بس شهر 12 سنوووو

[مهرة]

هلا حبوبة أنا أقولج الجو بارد وحلو وأكثر من روعة والبرد يبدا عندهم من منتصف شهر 10 والامطار شغالة حتى من قبل شهر 9 وبالعكس الجو بغاية الرومانسية مطر ومظله وتيركيش كوفي+تيراميسو والشلالات كلها بتكون في أوجها وجمالها وريحة المشاوي بأحلى المطاعم قدام الشلالات مو فريزينج ولا ذاك الثلج الا بالمناطق الشمالية والي يبيلها طيران داخلي لأكثر من 5 ساعات وأعتقد ان التمشية ومعظم الرحلات بتكون في الطرف الأوروبي ولا يفووووتج اذا الله وفقكم ورحتو الرحلات البحرية مثل مضيق البسفور والتنقل بالعبارة وانتو داخل السيارة والأفضل تاخذووون مرشد سياحي عربي مقيم بتركيا,, وحبيبتي من رايي لا تسكنوون بشقق لأنها بعيدة وخدماتها بسيطة ومش بكثرة في مركز المدينة او المجمعات وكل مايلزم ,, انصحج بفندق الأنتر الي فية فرع للقطرية واذا ودج بداخل تقسيم وقيرب شارع الأستقلال الي ماخلصناه من طوله!!! فندق جراند بالاس وطبعاً في اكثر من خيار لأنها منطقة كلها فنادق ومحلات راقية وغاااااااااااااااااالية بس تستاهل واذا عالملابس الشتوية خذيلج كم شغلة لا تكثرين لأنه عندهم كولكشنات اتجنن واذا بغيتي أي مساعدة حاضرين للطيبين..

والله يوفقكم وتروحون وتردوون بالسلامة..

[تحداني]

بررررررررد بكل ما تحمله الكلمه من معنى
اذا الحين قع يتجمدون اشلون ديسمبر


ودي احد ياخذني تركيا


جملك الله برضاه

[كازانوفا]

الله يكون بالعون البرد عندهم قاااااااارص