مدرسة ثانوية بنات وغياب الرقابه عنها..

[ROSE 26]

بسم الله الرحمن الرحيم

عندي شكوى على مدرسة ثانوية بنات في منطقة معيذر..
وشكوى ان في شباب الله يهديهم يكونون واقفين حولين المدرسه ينطرون البنات وفي اللي يطلع معاهم <<< ماجبت كلام من عندي هاي اللي صاير والله يستر على الجميع ،، وادارة المدرسة ولا تدري عن طالباتها وتصميم المدرسة حده غلط اي وحده تقدر تهرب بسهووله...
وناطور المدرسه ولا منه فايده على قولة طالبه اعرفها تقول مانعرف شكله:eek5: والبنات حزة انصرافهم من الدوام لما ينطرون سياييرهم يطلعون برا!! المفروض ينطرون داخل المدرسه عند الباب ...
وهالشباب مسوين زحمه حق اولياء الامور لين يجون ياخذون بناتهم..

وكم مره سمعت شكوى عن مديرة المدرسة في اذاعة قطر بس ماشفنا حل!!

على الاقل قبل هالمدرسه من سنتين ثلاث كان في شرطة توقف عند الباب حزة الامتحانات لكن الحين لا !!!:anger1:*

اذا عندكم حل ياليت تقولونه...

وجزاكم الله خير..

[Miss]

شوفي حبيبتي .. وقت الانصراف اذا طلعت البنت برا سور المدرسه .. المدرسه ما لها شغل فيهاا ..
اذا صار شي اثناء الدوام المدرسه تكون المسؤوله ..
انا اذكر بنات كانوا اذا خلص الدوام واطلعوا برا شلوا الحجاب واذا كلمناهم قالوا انتوا مالكم شغل خلص الدواام .. تخيلي !!
هالبنات ووين اهلهم ؟؟ ليش ما يجوون قبل نهاية الدوام بربع ساعه .. وبعدين ثانويه من يمسكهم اصلا ..

مابي احطمج بس ما أظن فيه حل الا عند الاهل

[وطن]

اوبيــــــــــــــه
للحين في شباب يحاوطون عند مدارس البنات

توقعت ان خلاص تغيرت هالحركات القديمه واختفت

الله يهديهم ويصلحهم

[ROSE 26]

شوفي حبيبتي .. وقت الانصراف اذا طلعت البنت برا سور المدرسه .. المدرسه ما لها شغل فيهاا ..
اذا صار شي اثناء الدوام المدرسه تكون المسؤوله ..
انا اذكر بنات كانوا اذا خلص الدوام واطلعوا برا شلوا الحجاب واذا كلمناهم قالوا انتوا مالكم شغل خلص الدواام .. تخيلي !!
هالبنات ووين اهلهم ؟؟ ليش ما يجوون قبل نهاية الدوام بربع ساعه .. وبعدين ثانويه من يمسكهم اصلا ..

مابي احطمج بس ما أظن فيه حل الا عند الاهل

لا اختي المفروض ان ادارة المدرسة ماتخليهم ينطرون برا الباب
انا مدرستي كانت كفو وادارة المدرسة كانت شديده وتسيطر على البنات ومافي وحده كانت توقف برا
اما الحين الصراحه بعض المدارس مادري الرقابه وين عنها؟!!

والاهالي بعد لازم مايغفلون عن بناتهم ويتعاونون ويا المدرسة

[شبح الصمت]

عندهم حل واحد ماله ثالث ...

كاميرات مراقبة على اسوار المدرسه

ما تصور داخل المدرسه فاهمين قصدي تكون بعيده عن البوابه يعني ما تصور البنات تصور اسوار المدرسه فقط

تنوضع ويتصور كل شيء وتكون الشاشات عند وحده من الاداريات ..

هذا اهو الحل لهم ..

[Miss]

لا اختي المفروض ان ادارة المدرسة ماتخليهم ينطرون برا الباب
انا مدرستي كانت كفو وادارة المدرسة كانت شديده وتسيطر على البنات ومافي وحده كانت توقف برا
اما الحين الصراحه بعض المدارس مادري الرقابه وين عنها؟!!

والاهالي بعد لازم مايغفلون عن بناتهم ويتعاونون ويا المدرسة

مديره عن مديره تفرق وبنات عن بنات يفرقون ..
واذا ياهم شاب وقال ابي اختي وهي مب اخته وطلعت معاه .. من يتحمل المسؤوليه؟؟ المدرسه بعد

[ROSE 26]

اوبيــــــــــــــه
للحين في شباب يحاوطون عند مدارس البنات

توقعت ان خلاص تغيرت هالحركات القديمه واختفت

الله يهديهم ويصلحهم

الا الحين اكثر من قبل...
الله يستر على الجميع بس..

[sara jsm]

باااااااااال مال اول ههههههههههههههه
ايامنا كانوا يوقفون الشرطة ,, وساعات اذا محد نحن البنات نسجل ارقام المواتر ,,
ونعطيها حق الادارة ,, واذا البنت طلعت مع اي حد نشتكي على طووووول ,,
وهالحركات تبين اصلا ,, من اللي ناطر من ! من اللي تواعد من ! ماتنخشن هالاشياء بالمدرسة ^ ^

[sara jsm]

مديره عن مديره تفرق وبنات عن بنات يفرقون ..
واذا ياهم شاب وقال ابي اختي وهي مب اخته وطلعت معاه .. من يتحمل المسؤوليه؟؟ المدرسه بعد

اشدعوه مس مب لهالدرجة ,,
يوم كنت امرض واخوي يمر ياخذني مايطلعوني الا لما يشوفون بطاقته الشخصيه وغير جذي لالالالا

[تحداني]

ذكرتيني ابحماني كان اجمل واحد في الفريج
وكل البنات ينتظرونه بفارغ الصبر واخر شي تزوج له وحده من امريكا
لانه يدرس اهناك .. وراح حماني ولا رد .. حب القعده في " فلوريدا "
الله يذكره بالخير


وعليه عليهم .. توهم يشوفون الحياه
حسبالهم ان الدنيا بس هالنظره .. لو يدرون الحقيقه كان غمضوا اعيونهم


جملك الله برضاه

[Miss]

اشدعوه مس مب لهالدرجة ,,
يوم كنت امرض واخوي يمر ياخذني مايطلعوني الا لما يشوفون بطاقته الشخصيه وغير جذي لالالالا

ساره هذا اذا كان في نص الدوام ياخذون البطاقه منه

هي اتكلم عن نهاية الدوااااام بعد ياخذون البطاقه منه؟؟

[قطريه ماركه]

عندهم حل واحد ماله ثالث ...

كاميرات مراقبة على اسوار المدرسه

ما تصور داخل المدرسه فاهمين قصدي تكون بعيده عن البوابه يعني ما تصور البنات تصور اسوار المدرسه فقط

تنوضع ويتصور كل شيء وتكون الشاشات عند وحده من الاداريات ..

هذا اهو الحل لهم ..

رأي سديد :victory:

[حمد بن سعد]

لاحول ولا قوة الا بالله

[تهامي باشا]

يستطيع المجلس الأعلى أن يلزم صاحبة الترخيص بضبط المدرسة من خلال مراقبة المداخل والمخارج والأسوار، وإبلاغ الأهل في حال تغيب البنت عن المدرسة أو عن الحصص، وكذلك الاستعانة برجال الأمن ان استدعت الحاجة..
كل ما عليكم فعله هو التوجه إلى المجلس الأعلى وإبلاغهم بالشكوى
.
.
أمام الشباب خارج المدرسة فهم من اختصاص الشرطة

[الـخـالـدي]

لا حول ولا قوة الا بالله

[ريتويت]

الحلول:

1. كاميرات مراقبه طوال ال24 ساعه
2.وقوف سكيورتي عند باب المدرسه ومراقبه المكان

[وتبقى الدنيا حلوه]

بذمتها لانها مسئوله عنهم

[وطن]

ذكرتيني ابحماني كان اجمل واحد في الفريج
وكل البنات ينتظرونه بفارغ الصبر واخر شي تزوج له وحده من امريكا
لانه يدرس اهناك .. وراح حماني ولا رد .. حب القعده في " فلوريدا "
الله يذكره بالخير


وعليه عليهم .. توهم يشوفون الحياه
حسبالهم ان الدنيا بس هالنظره .. لو يدرون الحقيقه كان غمضوا اعيونهم


جملك الله برضاه

هاهاهاهاهاها
اما حماني

:secret:


صادقه والله بخصوص النظره
الله يهديهم

[حسن]

اوبيــــــــــــــه
للحين في شباب يحاوطون عند مدارس البنات

توقعت ان خلاص تغيرت هالحركات القديمه واختفت

الله يهديهم ويصلحهم

على حسب المناطق اللي فيها بشمرقه

[الفا برافو]

بل للحين في محاوط على مدارس البنات

:)

[بوعلي2]

لحين في ناس تدور عند المدارس
نياسين وكروزرات ع ايام التسعينات خخخخخ

الله يستر على الجميع ويهديهم والتربيه لها دور من الطرفين قبل الرقابه بالمدرسه او الشرطه


النفس اهم شي وترويضها بالتربيه الصالحه

فمان الله

[وطن]

على حسب المناطق اللي فيها بشمرقه

يعني شنو بشمرقه

[nadeemy]

على حسب المناطق اللي فيها بشمرقه

هههههههههههههه
الله يقطع بوليسك

[موضي قطر]

يعني شنو بشمرقه



نفس السؤال :telephone:

[toomi9]

خخخخخخخخخخخ
اخبر فعدادي الشباب يستعرضون قدام المدرسه يعني جوفوونا خخخ
بس ماجفت هالسوالف الا ناادرا فالثانوي

اتوقع حل الكيمرا عند اسوار المدرسه والبوابات الخارجيه احسن حل
ماتوقع حد يعترض على هـ الحل لان الكيمرا برع والكل محتشم عكس داخل المدرسه

[.Q a T a R.]

على حسب المناطق اللي فيها بشمرقه

كااااااااااااااااااااااااااااااااااك مشكله البشمرقه يابوعلي :fight:

[الأصيلة]

من قال إن المدرسة غير مسؤولة عن البنت خارج السور
بالعكس ..والله العظيم لما نشوف وحده من الطالبات في السوق
وتتصرف تصرف خطا ..نحس بالمسؤولية...
مديرة عن مديرة تفرق
في الأحساس وتحمل المسؤولية والخوف على الطالبات...
شوفوا مدارس قطر الثانوية والإعدادية
كيف المديرة حاطه حواجز أمام باب المدرسة وزجاج مخفي
بحيث إن الطالبة تنتظر سيارتها من ورى الحاجز وتشوفها من الزجاج
حفاظا على الطالبات...
المسألة تحتاج تقدير المسؤولية والإحساس بثقل الأمانة...

[الأصيلة]

مديره عن مديره تفرق وبنات عن بنات يفرقون ..
واذا ياهم شاب وقال ابي اختي وهي مب اخته وطلعت معاه .. من يتحمل المسؤوليه؟؟ المدرسه بعد

طبعا المدرسة تتحمل المسؤولية كاملة...
ليش اطلع الطالبة لـ غير أمها أو ابوها فيه مدارس
لا العمة ولا الخالة يسلمونها البنت إلا بالتحقق
من الشخصية تحقيق كامل...
البنات مسؤولية كبيرة والتفريط فيها مشكلة أكبر...
أنا أشوف لما المديرة تكون كبيرة وعندها بنات تحس بالمسؤولية أكثر..
أما خريجة صغيرة أو وحده ماعندها خبرة وتستلم مدرسة
صراحة تضيع المسؤولية ...أصلا ماتحس بها ...

[الأصيلة]

ساره هذا اذا كان في نص الدوام ياخذون البطاقه منه

هي اتكلم عن نهاية الدوااااام بعد ياخذون البطاقه منه؟؟

هنا الحارس لازم يكون منتبه ومفتح عينه
وعنده فكرة عن الطالبات ومع من يركبون ومن يجيبهم...
والأفضل يكونوا مصريين أو عرب
عكس البنغاليين والهنود...

[حسن]

ايامكم يالاصيله غير والحين غير الاول البنت تخاف من ضل المدرسه الحين العكس صار
وبعدين هناك بنات قويات عين ولايستحون واذا فيك خير غلطي ولا اختاضي على البنت لا تيج امها لسانها تلوط اذانها
بتقولك بنتنا وحنا نبيها حتى لو هي عويه بس هذه التصرفا ت مهب موجوده قبل لان المجتمع صغير وكلن يعرف بعض اما الحين من هب ودب وبيئات مختلفه واصول نختلف ضاعت الحسبه

[حسن]

طبعا المدرسة تتحمل المسؤولية كاملة...
ليش اطلع الطالبة لـ غير أمها أو ابوها فيه مدارس
لا العمة ولا الخالة يسلمونها البنت إلا بالتحقق
من الشخصية تحقيق كامل...
البنات مسؤولية كبيرة والتفريط فيها مشكلة أكبر...
أنا أشوف لما المديرة تكون كبيرة وعندها بنات تحس بالمسؤولية أكثر..
أما خريجة صغيرة أو وحده ماعندها خبرة وتستلم مدرسة
صراحة تضيع المسؤولية ...أصلا ماتحس بها ...

يالاصيله ليش احمل المدرسه ولا ادارتها بخروج بنت مع واحد ماخبرنا مدارس قطر الاول عليها حواجز وغير اما الحين بطاقات انصراف يبل فيت انه نظام امني وهم فاشلين مايعرفون ان النظام الامني لازم اتاكد من الشخص نفسه وبطاقته وبعدين اتاكد من البنت واسلمها باليد هذا هو النظام الامني اما اللي اشوفه خربطه مديرات ويسون لهم شغله مهب اختصاصهم

[الأصيلة]

ايامكم يالاصيله غير والحين غير الاول البنت تخاف من ضل المدرسه الحين العكس صار
وبعدين هناك بنات قويات عين ولايستحون واذا فيك خير غلطي ولا اختاضي على البنت لا تيج امها لسانها تلوط اذانها
بتقولك بنتنا وحنا نبيها حتى لو هي عويه بس هذه التصرفا ت مهب موجوده قبل لان المجتمع صغير وكلن يعرف بعض اما الحين من هب ودب وبيئات مختلفه واصول نختلف ضاعت الحسبه


أي أيامنا الله يهديك أخوي حسن,.,,,
كله إلا أول العام
أنا ماقلت في السبعينات أو الثمانينات...
بالعكس فيه بنات متربيات وأمهات بعد..
وفيه بنات أمهاتهم مقّوينهم ومعلمينهم طولة اللسان...
إلا الخطأ من المجلس الأعلى اللي ألغى الكثير من
العقوبات...
لكن بعض المدارس مازالوا يفتشون البنات عند دخول المدرسة
ويلقون أشياء كثيرة ممنوعة مثل التيلفونات أو الكاميرات
أو أدوات المكياج...ومن ذلك...

[حسن]

مادري يالاصيله ماسمعتي شكاوي اولياء الامور على المدرسين والمرسات بسبب اضربو عيالهم ولا حاجزينهم وصياحهم في البرنامج وغيره يا انحجزنا في العسكريه ماصر فينا شي
الا الدلع الزايد اللي ماله سنع والحمدلله انه قليل عند هل قطر وحطيها بين قوسين اما الباقي ماعلي منهم
وبعدين ليش نلوم المجلس ونقط جميع البلاوي عليه هم يدرسون مهب ملزومين يربون عيالنا الاكثريه اللي ربوهم الخدم وين امهم وين ابوهم ليش مايدري عنهم ليش كله مطيح 000000النقاط ذي اختاري من سفر مجمع عزيه مقتاص السعوديه الى اخره
الاهمال منا الاول والاخير والمجلس غير شماعه نعلق عليها اخطائنا

[ROSE 26]

مديره عن مديره تفرق وبنات عن بنات يفرقون ..
واذا ياهم شاب وقال ابي اختي وهي مب اخته وطلعت معاه .. من يتحمل المسؤوليه؟؟ المدرسه بعد
اكيد المدرسة لازم اتحمل المسؤولية البنات امانه برقبتها لين ماتوصل البنت عند اهلها
ولازم يكون في نظام عدل يتم فيه مراقبة البنات والتحري من اللي ياخذهم بالبطاقه الشخصيه

او نفس الجامعه عندنا بالسياير المصرحه<<< وحتى هاي ماصاروا يسونها من هب ودب صار يدش ,, شنقول الله المستعان


باااااااااال مال اول ههههههههههههههه
ايامنا كانوا يوقفون الشرطة ,, وساعات اذا محد نحن البنات نسجل ارقام المواتر ,,
ونعطيها حق الادارة ,, واذا البنت طلعت مع اي حد نشتكي على طووووول ,,
وهالحركات تبين اصلا ,, من اللي ناطر من ! من اللي تواعد من ! ماتنخشن هالاشياء بالمدرسة ^ ^
اول البنات كانو كفو مايرضون بالغلط لكن الحين حتى الشينة تخرب الزينة
وكانت اول مديرة المدرسة تشتغل بذمه وضمير وتكون قد المسؤولية اما الحين البعض منهم ماصار عنده امانه في شغله..





ذكرتيني ابحماني كان اجمل واحد في الفريج
وكل البنات ينتظرونه بفارغ الصبر واخر شي تزوج له وحده من امريكا
لانه يدرس اهناك .. وراح حماني ولا رد .. حب القعده في " فلوريدا "
الله يذكره بالخير


وعليه عليهم .. توهم يشوفون الحياه
حسبالهم ان الدنيا بس هالنظره .. لو يدرون الحقيقه كان غمضوا اعيونهم


جملك الله برضاه
اي والله صدقتي..


يستطيع المجلس الأعلى أن يلزم صاحبة الترخيص بضبط المدرسة من خلال مراقبة المداخل والمخارج والأسوار، وإبلاغ الأهل في حال تغيب البنت عن المدرسة أو عن الحصص، وكذلك الاستعانة برجال الأمن ان استدعت الحاجة..
كل ما عليكم فعله هو التوجه إلى المجلس الأعلى وإبلاغهم بالشكوى
.
.
أمام الشباب خارج المدرسة فهم من اختصاص الشرطة

لازم المديره تطلب الامن وتشوف حل وهي مسؤوله عنها
(كلكم راع وكلكم مسؤول عن رعيته)


الحلول:

1. كاميرات مراقبه طوال ال24 ساعه
2.وقوف سكيورتي عند باب المدرسه ومراقبه المكان

المفروض تطبق هالاقتراحات بس من اللي يسمع لا حياة لمن تنادي






عندهم حل واحد ماله ثالث ...

كاميرات مراقبة على اسوار المدرسه

ما تصور داخل المدرسه فاهمين قصدي تكون بعيده عن البوابه يعني ما تصور البنات تصور اسوار المدرسه فقط

تنوضع ويتصور كل شيء وتكون الشاشات عند وحده من الاداريات ..

هذا اهو الحل لهم ..

اقتراح حلو وليته يسوونه المجلس الاعلى ويطبقونه على جميع المدارس

[الأصيلة]

مادري يالاصيله ماسمعتي شكاوي اولياء الامور على المدرسين والمرسات بسبب اضربو عيالهم ولا حاجزينهم وصياحهم في البرنامج وغيره يا انحجزنا في العسكريه ماصر فينا شي
الا الدلع الزايد اللي ماله سنع والحمدلله انه قليل عند هل قطر وحطيها بين قوسين اما الباقي ماعلي منهم
وبعدين ليش نلوم المجلس ونقط جميع البلاوي عليه هم يدرسون مهب ملزومين يربون عيالنا الاكثريه اللي ربوهم الخدم وين امهم وين ابوهم ليش مايدري عنهم ليش كله مطيح 000000النقاط ذي اختاري من سفر مجمع عزيه مقتاص السعوديه الى اخره
الاهمال منا الاول والاخير والمجلس غير شماعه نعلق عليها اخطائنا

أنا ما أقصد العقوبة بالضرب والحبس..
إلا البنات صاروا يشتكون على أتفه الأسباب على
المدرسة وبالذات مع عودة المدرسات الأجانبيات ..
يعني الحين الإدارة صارت مع الطالبة دائما وفي صفها على طول
خلت المدرسة تخاف تقول لها شيء...
لـ درجة ياكلون ويشربون في الصفوف...
وطاحت الميانة بينهم وبين بعض المدرسات القريبات من سنهم...
هذا ماجعل البنت تتمادى في تعاملهم مع المدرسات...

[الأصيلة]

وكانت اول مديرة المدرسة تشتغل بذمه وضمير وتكون قد المسؤولية اما الحين البعض منهم ماصار عنده امانه في شغله..


لازم المديره تطلب الامن وتشوف حل وهي مسؤوله عنها
(كلكم راع وكلكم مسؤول عن رعيته)


المفروض تطبق هالاقتراحات بس من اللي يسمع لا حياة لمن تنادي

اقتراح حلو وليته يسوونه المجلس الاعلى ويطبقونه على جميع المدارس

الحين بعض المديرات تفكيرهم مادي لا أكثر
والبعض أصلا ماخذ الترخيص لـ هذا السبب...
وين أول ذيك من ذيك اللي تترقى وبمجهود مضاعف
حتى تصير مديرة..
الحين خل أحد يكتب لك رؤية وشوية تقارير واطلبي مدرسة..
وعلى كيفج ومتى مابغيتي تصيرين مديرة ومع مرتبة الشرف...!!!

[يافعي]

الحل ان تعود دوريات التحريات كما كانت :)

[الأصيلة]

الحل ان تعود دوريات التحريات كما كانت :)

:nice:

[Miss]

من قال إن المدرسة غير مسؤولة عن البنت خارج السور
بالعكس ..والله العظيم لما نشوف وحده من الطالبات في السوق
وتتصرف تصرف خطا ..نحس بالمسؤولية...
مديرة عن مديرة تفرق
في الأحساس وتحمل المسؤولية والخوف على الطالبات...
شوفوا مدارس قطر الثانوية والإعدادية
كيف المديرة حاطه حواجز أمام باب المدرسة وزجاج مخفي
بحيث إن الطالبة تنتظر سيارتها من ورى الحاجز وتشوفها من الزجاج
حفاظا على الطالبات...
المسألة تحتاج تقدير المسؤولية والإحساس بثقل الأمانة...

اييه مب مسؤوله اذا اطلعت وقت نهاااية الدوام ..
انا اقولج حادثه صارت جدامي .. بنت ثانويه واقفه عند الباب من داخل تنتظر سيارتها وفاصخه الشيله .. كلمناها قلنا لها البسيها التفتت علينا وقالت ابله الحين مالكم خص خلص الدوام :eek5::eek5: ويوم اجبرتها المديره على لبس الشيله جات سيارتها وراحت ووقفت عند باب السياره وشافتنا وفصخت الشيله :secret:
تخيلتي المووقف ..
فهاللحظه شتسووين ؟؟ تلحقينهاا مثلا !! ويوم كلمنا الام قالت دامها اطلعت من المدرسه انا المسؤوله عنها مب انتوا :rolleyes2:
الكلام غير واللي تشوفينه في ارض الواقع غيييير



طبعا المدرسة تتحمل المسؤولية كاملة...
ليش اطلع الطالبة لـ غير أمها أو ابوها فيه مدارس
لا العمة ولا الخالة يسلمونها البنت إلا بالتحقق
من الشخصية تحقيق كامل...
البنات مسؤولية كبيرة والتفريط فيها مشكلة أكبر...
أنا أشوف لما المديرة تكون كبيرة وعندها بنات تحس بالمسؤولية أكثر..
أما خريجة صغيرة أو وحده ماعندها خبرة وتستلم مدرسة
صراحة تضيع المسؤولية ...أصلا ماتحس بها ...
بس في الفتره الاخيره صاااار ضغط كبير عليهم ..
شبيخلون وشبيجابلوون !! اذا الاهل اللي لهم الدور الاول ما اهتموا في بناتهم ..



هنا الحارس لازم يكون منتبه ومفتح عينه
وعنده فكرة عن الطالبات ومع من يركبون ومن يجيبهم...
والأفضل يكونوا مصريين أو عرب
عكس البنغاليين والهنود...

مب كل مره نفس الشخص يجيب ويودي .. شكثر بيحفظ هالناطوور
نص الدوام انا اقوولج فيه تحقيق من شخصية الشخص اللي بياخذ البنت بس نهاوية الدوام ما فيه

وفي النهايه يا الاصيله لو البنت متربيه تربيه صالحه .. صدقيني لو تحطينها في بؤرة فساد ما اختربت دام اساسهاا صح

[وطن]

هنا الحارس لازم يكون منتبه ومفتح عينه
وعنده فكرة عن الطالبات ومع من يركبون ومن يجيبهم...
والأفضل يكونوا مصريين أو عرب
عكس البنغاليين والهنود...

أنا استغرب
البنت اللي نهاية الدوام تطلع مع واحد

وين اهلها
ما يسألونها وين انتي
مع من
ما يتأكدون !!
لهذي الدرجة وصل الاهمال في الأهالي !!!

اعوذ بالله

[ROSE 26]

لحين في ناس تدور عند المدارس
نياسين وكروزرات ع ايام التسعينات خخخخخ

الله يستر على الجميع ويهديهم والتربيه لها دور من الطرفين قبل الرقابه بالمدرسه او الشرطه


النفس اهم شي وترويضها بالتربيه الصالحه

فمان الله
صحيح التربية لها دور ..
بس المدرسه ايضا لها دور كبير.. ويمكن تلاقي الطالب يجلس مع ربعه وزملائه فالمدرسه اكثر من البيت فهو تقريبا يقعد سبع الى ثمان ساعات فالمدرسه..

نسو دور المدرسة في التربيه للاسف بعد ماشلو وزارة التربية والتعليم



من قال إن المدرسة غير مسؤولة عن البنت خارج السور
بالعكس ..والله العظيم لما نشوف وحده من الطالبات في السوق
وتتصرف تصرف خطا ..نحس بالمسؤولية...
مديرة عن مديرة تفرق
في الأحساس وتحمل المسؤولية والخوف على الطالبات...
شوفوا مدارس قطر الثانوية والإعدادية
كيف المديرة حاطه حواجز أمام باب المدرسة وزجاج مخفي
بحيث إن الطالبة تنتظر سيارتها من ورى الحاجز وتشوفها من الزجاج
حفاظا على الطالبات...
المسألة تحتاج تقدير المسؤولية والإحساس بثقل الأمانة...
:nice: ونعم المديرة
كل فرد فهالمجتمع لازم يحس بالمسؤوليه اتجاه الاخرين.. وبكل اماااانة


ايامكم يالاصيله غير والحين غير الاول البنت تخاف من ضل المدرسه الحين العكس صار
وبعدين هناك بنات قويات عين ولايستحون واذا فيك خير غلطي ولا اختاضي على البنت لا تيج امها لسانها تلوط اذانها
بتقولك بنتنا وحنا نبيها حتى لو هي عويه بس هذه التصرفا ت مهب موجوده قبل لان المجتمع صغير وكلن يعرف بعض اما الحين من هب ودب وبيئات مختلفه واصول نختلف ضاعت الحسبه
صح.. بعض الاهالي الله هداهم وايد مدلعين بناتهم وحتى وهم غلط يوقفون معاهم..
المفروض يكون هناك تعاون بين الطرفين
والام لها دور كبييييييييييير ..الام مدرسة اذا اعددتها اعددت شعبا طيب الاعراق

[Class]

قتل القطط أو غيرها من الحيوانات غير المؤذية بدون سبب مشروع وبدون إضرار منها هو
حرام يأثم فاعله، كما أنه ينافي ما ينبغي أن يكون عليه المسلم من خلق الرحمة،

ففي سنن النسائي أنه صلى الله عليه وسلم قال: ما من إنسان قتل عصفوراً فما فوقها بغير
حقها إلا سأله الله عز وجل عنها،

قيل: يا رسول الله ما حقها، قال: يذبحها فيأكلها ولا يقطع رأسها يرمي بها.

شكراً على الموضوع يا - سكر -

[روعة الجوري]

اصلا معروف الطالبات ينطرون داخل سور المدرسة اي طالبة سيارتها توصل عند الباب ينادون باسمها عقب ما ياخذون البطاقة الشخصية مالت الولد او الرجال ومافي طالبة تروح مع دريولبدون خدامة ودايما في مناوبات من الاداريات نفسهم وخلاص كملنا شهر وزيادة المفروض ان الاداريات حافظين اشكال البنات وعارفينهم

بس اشلون البنت يطلعون برى سور المدرسة ينطرون سياراتهم؟ والحارس وين شغلته اذا ما نظم حتى المرور؟؟؟!!!


الله يعينكم

[ANONYMOUS]

قتل القطط أو غيرها من الحيوانات غير المؤذية بدون سبب مشروع وبدون إضرار منها هو
حرام يأثم فاعله، كما أنه ينافي ما ينبغي أن يكون عليه المسلم من خلق الرحمة،

ففي سنن النسائي أنه صلى الله عليه وسلم قال: ما من إنسان قتل عصفوراً فما فوقها بغير
حقها إلا سأله الله عز وجل عنها،

قيل: يا رسول الله ما حقها، قال: يذبحها فيأكلها ولا يقطع رأسها يرمي بها.

شكراً على الموضوع يا - سكر -




قطط مين والناس نايمين

انا اشوف بعض المدارس مسويه سياج نفس الشبك فوق طوفة المدارس معقوله عشان ماحد يشقح.. توقعت تجميل المدرسه

السؤال الاهم

وش يعني بشمرقه

[Ţĥę őήę]

الحل ان تعود دوريات التحريات كما كانت :)

:victory::nice:

[أساور حلم]

أكيد في حل بس الموضع يفرق إذا كان وقت الانصراف أو أثناء الدوام ,لأن أثناء الدوام الغلط من المدرسة وعدم الرقابة من الادارة , أما اثناء الدوام فالحل أن الطالبات ينتظرون داخل ويتم النداء إذا جات سيارتهم أظن في بعض المدارس تتبع هالشي بس موقع المدرسة يكون أول عامل للحد من هاذي المشكلة

[ريتويت]

قتل القطط أو غيرها من الحيوانات غير المؤذية بدون سبب مشروع وبدون إضرار منها هو
حرام يأثم فاعله، كما أنه ينافي ما ينبغي أن يكون عليه المسلم من خلق الرحمة،

ففي سنن النسائي أنه صلى الله عليه وسلم قال: ما من إنسان قتل عصفوراً فما فوقها بغير
حقها إلا سأله الله عز وجل عنها،

قيل: يا رسول الله ما حقها، قال: يذبحها فيأكلها ولا يقطع رأسها يرمي بها.

شكراً على الموضوع يا - سكر -



أخوي كلاس اشكر مرورك الكريم ولكن موضوعي دهس القطط مب هنا ... الموضوع عن بنات الثانويه..

خطأ مطبعي بس ولا يهمك

[ROSE 26]

اصلا معروف الطالبات ينطرون داخل سور المدرسة اي طالبة سيارتها توصل عند الباب ينادون باسمها عقب ما ياخذون البطاقة الشخصية مالت الولد او الرجال ومافي طالبة تروح مع دريولبدون خدامة ودايما في مناوبات من الاداريات نفسهم وخلاص كملنا شهر وزيادة المفروض ان الاداريات حافظين اشكال البنات وعارفينهم

بس اشلون البنت يطلعون برى سور المدرسة ينطرون سياراتهم؟ والحارس وين شغلته اذا ما نظم حتى المرور؟؟؟!!!


الله يعينكم
الحارس كلش مايسوي شي!
والشباب بكثره عند الباب

لدررجه ان في ابنيه الله يستر عليها اهيا الي بطلت باب سيارة الشاب وماتعرفه بس الرجال طلع كفو وسكر الباب وحقرها

[بـــــــنت النوخـّــــذه]

مره دخلت مدرسة ثانوية خفت طلعت بسرعه كلها بويات ونظراتهم اتخرع

الله يهديهم هم وادارة مدرستهم00لازم يكون فيه رغابة بعض البنات استغفر الله فيهم شسمه مايقدرون يصبرون الا يعني عيونها تطاير يمين يسار وبالمثل الشباب اشصادهم

[يراعٌ فراتي]

الحل كتاب الى المرور او الفزعة بتامين سيارة لمدة نصف ساعة يوميا اثناء خروج الطالبات

وخلنا نشوف الزقرت اللي بيوطوط صوب المدرسة

[نورهان88]

الله يستر علينا وعلى أمة محمد

[ROSE 26]

مره دخلت مدرسة ثانوية خفت طلعت بسرعه كلها بويات ونظراتهم اتخرع

الله يهديهم هم وادارة مدرستهم00لازم يكون فيه رغابة بعض البنات استغفر الله فيهم شسمه مايقدرون يصبرون الا يعني عيونها تطاير يمين يسار وبالمثل الشباب اشصادهم
هالجيل يخوف الشباب والبنات الله يستر من هالاجيال :rolleyes2:
لكن الشره مب عليهم على اهاليهم اللي معطينهم الحريه زيادة عن االلزوووم
الله المستعاان..


الحل كتاب الى المرور او الفزعة بتامين سيارة لمدة نصف ساعة يوميا اثناء خروج الطالبات

وخلنا نشوف الزقرت اللي بيوطوط صوب المدرسة
يبيله :nice:

[واثق بالله]

بعض الناس يقولون

اذا البنت او الولد متربيين عدل

مافيه خوف عليهم ... ومن يقول ؟؟؟

الرقابه لازم تكون مستمره حتى

يتعدى مرحلة الخطر المراهقه

ويعرف راسه من رجله

لأن اصدقاء السوء لهم تأثير بالغ

في حياة المراهقين وممكن في

لحظه ينجر وينسى كل اللي

تربى عليه اذا ماكان فيه رقابه

[التيما]

انا ادرس في ثانوية .. اااه لو نتكلم ولا نقول البلاوي اللي نشوفها ؟ صاروا البنات جريئات ووقحات مو طبيعين .. ولا عالبيت !!! قمة المصخرة عند الباب .. وبعض المديرات عالفاضي .. الله يستر على بناتنا اللي صار همهم الشباب والزواج والنوم ..