المساعد الشخصي الرقمي

مشاهدة النسخة كاملة : قانون الكادر الطبي


سهم مساهم
19-10-2011, 04:29 PM
يالربع مافي اخبار عن قانون الكادر الطبي اسوة بقانون المدارس المستقلة ؟؟؟
chloe
19-10-2011, 10:15 PM
نتمنى من الدولة النظر في حالة الكادر الطبي القطري المظلوووووم في مؤوسسة حمد الطبية والذين هم قلة قليلة بالمقارنة مع عدد الاجانب
المسك1969
19-10-2011, 10:52 PM
أي قانون الكادر الطبي؟ في شيء جديد وألا تقصدون القديم؟؟؟

أن القديم دشوا الويب سايت حق حمد وأقروه وأن يديد مابعد سمعت فيه

بالتوفيق أن شاء الله:nice:
المسك1969
19-10-2011, 10:52 PM
نتمنى من الدولة النظر في حالة الكادر الطبي القطري المظلوووووم في مؤوسسة حمد الطبية والذين هم قلة قليلة بالمقارنة مع عدد الاجانب


مب جنه الوضع أفضل مع الزيادة:)
chloe
19-10-2011, 10:59 PM
الحمد لله ع كل حال بس احنا انطالب بعلاوات وبدلات لازم تنصرف لنا تنصرف للاجانب مثل علاوة معيشة وبدل تدريس للاطفال وبدل خطر ووووو لنا ماالوم الدكتورة حنان في الظلم الوم مدراء الادارات اللي مايوصلون صوت القطري للادارة وهمهم نفسهم واغلبهم من برع
المسك1969
19-10-2011, 11:11 PM
الحمد لله ع كل حال بس احنا انطالب بعلاوات وبدلات لازم تنصرف لنا تنصرف للاجانب مثل علاوة معيشة وبدل تدريس للاطفال وبدل خطر ووووو لنا ماالوم الدكتورة حنان في الظلم الوم مدراء الادارات اللي مايوصلون صوت القطري للادارة وهمهم نفسهم واغلبهم من برع

عفوا شنو يعني بدل معيشه أول مرة اسمع عنه؟ وبدل خطر مافيه اصلا؟

وأنت/انتي أي درجه؟ لأن من 112 لك الحق في بدل تدريس الاولاد
U Welcome
19-10-2011, 11:32 PM
اشياء واجد يبيلها تعديل ومنها

1- ساعات العمل
حيث ان العقد مع المؤسسه ياعات العمل 48 ساعه بالاسبوع
من 7 لين 3
ولكن الاطباء الرزدنت يداومون من 6 الفجر لين 5 واكثر
بدوووون اي اوفر تايم او تعويض

2- دوام ايام الويكند والاعياد
بدووون اوفر تايم او احتساب اجازات رصيد

3- معاشات واجد ضعيفه وخصوصا
لاطباء الامتياز واطباء الرزدنت واللي هم شالين المرضي والمستشفى

4- تعامل الاداره والاقسام الزفت مع الاطباء القطرين
ومحاوله عرقلتهم معنويا ونفسيا والوقوف ضدهم

5- القرارت المبهمه والغامضه
اللي تصدر من الاداريين ضد الاطباء

6- عدم وعي وادراك المسؤولين عن الكادر الطبي
بحقوق وواجبات ومعاشات وتفاصيل العمل والظلم اللي يتعرض له الطبيب القطري

7- معاش الطبيب القطري اول سنوات العمل عقب الدراسه لسبع سنوات او اكثر
لا يتجاوووووز ال 20 الف اذا خذ سكن
وبدون سكن حده حده حده اذا مضبط اموره مع الاداره 23 الف ريال قطري فقط*







ختاما
اشلون تبون اطباء قطريين يخدمون البلد
وكل شي ضايق عليهم
ساعات عمل مرهقه
ما فيه اجازات ويكند
مناوبات 36 ساعه كل ثالث والا رابع يوم بدووون اي تقدير
chloe
20-10-2011, 11:08 AM
اختي المسك تدرين ان في ظلم ومافي قانون معين للترقية وحدة في قسم التمريض ارفعوها من ١٠٩ الى ١١٢ لان غيرت قسمها وصارت إدارية لكن معظم الرزدنت الاطباء القطرين ١١١ واشكثرمنهم استقالوا لانهم اسنين نفس الدرجة وحتى الفنيين نفس الدرجة ومايستحق ١١٢ الا اذا كمل ١٥ سنة في المؤوسسة مب ظلم أجانب توهم جايين لهم تدريس ولهم marketing allowance واحنا عيال البلد مالج حق اتطالبين وكل ماقلتي شي قالوا قانون وانتو عقد محلي والله وثم والله وربي شاهد انا إحنا مجموعة قطريات كنا انداوم قبل قانون الأوفر تايم ببلاش لله ولكن كانت تنصرف للأجانب وكانوا ايقولون بنعطيكم بدال الساعات اللي اتداومونها ساعات اجازة وعندي أسامي أطباء قطريين اطفشوا من الظلم لمؤوسسات اخرى
غــرشة عطــر
20-10-2011, 12:00 PM
في قانون للكادر الطبي بيصدر بس للحين قيد الدراسة والنقاش ..... وان شاء الله ينصفكم
U Welcome
20-10-2011, 03:50 PM
من مصادر قريبه جدا من اصحاب القرار

والله العظيم ان مدراء مؤسسه حمد والمسؤلين الكبار عن الصحه
لا يعلمون عن بنود الكادر الجديد ولا باحتياجات الاطباء
حيث يتم تعيين لجان من الاداريين والاطباء الاستشاريين المغتنين من المطبليين
اللذين يحاولون عرقله جذب القطريين للقطاع الصحي لاغراض في انفسهم

وانما مديره المؤوسسه يقتصر دورها فقط
على اعتماد الكادر الجديد
بعد الانتهاء منه بلا تحقيق





ما اقوووول الا كلكم راع وكلكم مسؤول عن رعيته
والله العظيم حقي باخذه يوم القيامه من كل مسؤول عن هالمصخره اللي تصير
سهم مساهم
05-04-2012, 11:07 PM
مافي اي خبر جديد عن قانون الكادر الطبي قالوا الربع الاول ومافي شي لحد الان
رجل الجزيرة
06-04-2012, 05:31 AM
مافي اي خبر جديد عن قانون الكادر الطبي قالوا الربع الاول ومافي شي لحد الان

يقولون تحت مضلة المجلس الأعلى للصحة.