تسجيل الدخول

مشاهدة النسخة كاملة : حضره صاحب السمو الاب الشيخ خليفه بن حمد ال ثاني


مخطط قطري
19-10-2011, 05:16 PM
الله يحفظ الشيخ خليفة ويعطيه طول العمر ويمتعه بالصحه والعافية
عندي مقاطع فيديو نادره ومش موجوده في نت عن سيرة حياة سمو الامير السابق
ومقاطع مقناص قديمه لسموة بالاضافه الي عدد من المقابلات
وانا مهتم بجمع وتوثيق الصور والفيديو لحكام الدوله السابقين وسمو الامير حفظه الله
فالحين بادي ارتبها تاريخيا من عام 1963 لين 2011 وفي بعض السنوات وخصوصا من 84 لين 89 ماعندي اي شي يتعلق بمسيرته وحضوره للمؤتمرات او الاجتماعات الخارجيه او الداخلية
فحبذا الي عندي اي مقطع فيديو سواء موجود في نت حاليا(مع اني بحثت بس ماحصلت) او مش موجود على نت انه يتواصل وياي
وبيكون من ضمن الاسماء الي بتكون ساهمت بشكل فعال في صياغه العمل الي بيطلع في نهايه السنة ان شاءالله
نبض الخفوق
19-10-2011, 10:12 PM
ممكن نشوفها اخوي
حرف العين
19-10-2011, 11:33 PM
عليك بمكتبة التلفزيون ... :thumbup:

اذا عندك احد يقدر يجيبها ..
شمـوخ
22-01-2012, 06:43 PM
مرحبا اخوي عندي صور لـ بابا خليفه
بحاول عقب انزلها بس باخذ وقت لانها محفوظه في بيت هلي
باقرب فرصه اوعدك برسل لك اياها :)


احترامي


..
دااانة قطر
22-01-2012, 06:55 PM
يازين الطااري
الله يطول بعمره ويحفظه
HelperIT
22-01-2012, 10:01 PM
هلا الشيخ ...انا ماعندي صور ولا وثائق تاريخيه ...بس بما اني مبرمج و مصمم ويب...

اذا حاب يكون عندك موقع الكتروني تجمع فيه كل الوثايق ، انا على استعداد اعمل لك كلشي و بسعر رمزي

اذا مهتم في الموضوع تواصل معاي عن طريق الموقع

www.helperit.com
غايه الطواش
22-01-2012, 10:19 PM
والله يا خوي انا عندي سيدي كله صور قديمه عن قطر وعن الحكام الاولين
قلت بنشره بس الشخص الي عطاني الصور قالي لين الحين ماتوثقت الصور في وزاره الثقافه ...وقالي لاتنشرين الصور هاي الكلام العام ....
اكيد يمديها الحين توثقت
المهم بشوف الصور ..بس مراح اعطيك اياهم تبي بعرض كم صوره وبحط فالنص غايه الطواش:shy:
بـومحمد
23-01-2012, 07:29 AM
اخوي شوفلك حد في التلفزيون ووووايد بينفعك لانه اكيد كل شي محفوظ عندهم
بو خليفه 123
23-01-2012, 08:24 AM
الله يمده بالصحه والعافيه

اذكر اني صورته صوره بالبلاك بيري اثناء زيارتي الى زيورخ من كم شهر اذا تحس انها بتفيدك علمني و برسلها لك (لكنها لا تعتبر زياره رسميه او مؤتمر) كان كاشخ بالجاكيت والسكارف :)
راشد محمد
24-01-2012, 10:40 AM
الله يمده بالصحه والعافيه
مخطط قطري
26-01-2012, 09:40 AM
مرحبا فيكم جميعا واشكر تواصلكم ويليت طرشون كل شي نعم حتى لو صوره عاديه
وطرش الي عندك بوخليفه واكون شاكر لك وشموخ بعد وغايه الطواش..... الاخ هلبر احنا ماجلين فكره الموقع شوي لين تكتمل جميع الامور وخصوصا في اشياء مكرره قاعدين نشلها بالاضافه الي شخص قريب جدا من سمو الشيخ ارسلي بعض المقاطع المهمه والنادره والي اول مره اشوفها مع ابنائه بما فيهم سمو الامير الشيخ حمد الله يحفظه وهم صغار وقالي بعد عنده بعض المقاطع واالصور وانا في انتظاره لين يرجع من زيورخ
بخصوص مكتبه التلفزيون تم التواصل وياهم بشكل ودي ومعرفه بعض الاصدقاء هناك وبعد منتظر منهم المزيد
وبيض الله وجيهكم كلكم وان شاءالله قريب جدا العمل سيرى النور وكل شخص شارك في التوثيق راح ينذكر من المراجع
السكين
27-01-2012, 03:22 AM
تم ارسال موقع وبعض الصور اتمنى اكون اضفت شي جديد لمجموعتك

وبالتوفيق
مخطط قطري
27-01-2012, 06:57 PM
بيض الله وجهك يالسكين وماقصرت يالشيخ
الزعفراني
28-01-2012, 01:00 PM
يعطيك العافيه على هالتوثيق ، أنصحك بمجلة الريان بتلقى عندهم إرشيف ممتاز وبعض الصور حصرية لهم وان شاء الله بتلقى شي يسرك ، والله يحفظه الوالد الشيخ خليفة بن حمد ويشفيه إن شاء الله .