لــيـش زعــلان ولـيش زعــلانة !؟؟ [الأرشيف] - منتديات شبكة الأسهم القطرية

ام السعف

20-10-2011, 06:45 AM

http://t0.gstatic.com/images?q=tbn:ANd9GcQpOB081qBb-eBNXBwe9GpGVqwNQCO4v9oLQ3YRU0Stq3vg4ZdJFwBNrV5f

تصادفنا المشاكل والهموم ،، ونصارع امواج الكدر والضيق
مواقف مؤلمة في العالم الحقيقي والعالم الافتراضي ،،

هذا يجرح وذاك يهين وآخر يتفنن في زيادة الجروح
نحمل انفسنا ونذهب بها هنا وهناك ،، نجلس مع الاقارب
وقد تسحبنا جلسات غير الاقارب ،،

وقلة من يعرف ما تحمله انفسنا من آلام واحزان ،،

ومع هذا هناك من يعرف بنظرة واحدة مقدار ما تحمله انفسنا من
الام واحزان و يقرأها بيسر دون جهد او سؤال ويبادر على الفور بالسؤال
ليش زعلان ؟ او ليش زعلانة ؟

http://t2.gstatic.com/images?q=tbn:ANd9GcT2uYsOZCtkfsXLWjLvRNeGDRLtgzz1A uUgnO1by24h2ClcDZWDHmBltBc

السؤال بحد ذاته يثير الدهشة كيف له ان يعرف ؟ ،،

فهناك من
يقرأ لغة العيون ويدرك ما في النفوس ،، ويطلق تساؤله اللحوح ليش زعلان او ليش زعلانة ؟

وهناك من لا يجيد لغة العيون بينما ينتبه لإسلوب الحديث
ويسرع في السؤال ،، ليش زعلان او ليش زعلانة ؟

وهناك من يحكم على المزاج والمود واي تغيير فيه يتساءل
ليش زعلان وليش زعلانة ؟

http://t2.gstatic.com/images?q=tbn:ANd9GcSqET1sTDnuSeo9gVHtbnMTQeCT5TK1_ O7F5Sqod9gBSHd1cY6heV0OsA

اللحين ،،
كيف تعرف ان من تحادثه زعلان ؟
ومن يكتشف زعلك حتى لو كنت تبتسم ؟

mohamed ahmd

20-10-2011, 06:55 AM

ام السعف

20-10-2011, 07:02 AM

يعتمد الشخص المذكور لو كان شخص مرح فانه اختفاء عنصر المرح منه يعني زعلان لو كان شخص متامر مستقوي فغياب عنصر اعطاء الاوامر يعني زعلان وهكذا هذا من ناحيه تحليل الكلام من ناحيه العيون. فعاده تكون عين الزعلان والزعلان تلمع تدور بغير ادراك او تركز على شيئ غير مهم مثل الارض او شي معين فيبين انه هالشخص قاعد يسوي بلايباك لموقف معين فمخه وقاعد يفكر فيه.

بهلشكل نعرف بس المهم هو انه المفروض الواحد ما يزعل اساسا لا من عالم واقعي ولا خيالي فالدنيا قصيره احيانا احس اني غريب احس الناس تسوي زوم اين وايد فالاشياء والمواقف بينما انا لو يقطون علي الي يقطونه فبالي وسيع وصج اقولج ما اكترث كلش ولا يهمني لاني ادري انه مجرد كلام وادري انه العمر قصير ولا يستاهل ازعل نفسي دقيقه. فلو عندي شي اقوله فبيكون ليش نزعل اصلا؟

كلامك حلو وواقعي ،، بس ما يصير ما تزعل ،،
مستحيل الواحد ما يزعل او ما يتأثر حتى لو لحظات من بعد تعرضه لمواقف
تصدمه او تجرحه او تخدش مشاعره ،،
يمكن اتفق معاك الاستمرار في الزعل اكبر غلط لكن ما تتفاعل مع المواقف
كلش ؟ ما يصير ما يصير ما يصير ،،

ومن ثم اسمح لي اسئلك بناء على الفقرة الأولى ،، في العالم الحقيقي
نقدر نعرف الزعلان من خلال النقاط اللي ذكرتها ،،

لكن في العالم الافتراضي ، اللي كل واحد فينا قاعد خلف شاشته
اشلون اتعرف روز مثلا ان ام السعف زعلانة ؟
او متضايقة مع انها تكتب وتضحك وتسولف عادي مثل كل يوم ؟ :shy:

R 7 A L

20-10-2011, 07:05 AM

كيف تعرف ان من تحادثه زعلان ؟

بحكم اني أنسان راح اعرف من أول كلمتين أو نظرتين

ومن يكتشف زعلك حتى لو كنت تبتسم ؟

لا احد لاني لو كنت زعلان ماراح املغ على خلق الله واناقز قدامهم بقعد بروحي لين ارضى

ام السعف

20-10-2011, 07:21 AM

بحكم اني أنسان راح اعرف من أول كلمتين أو نظرتين

لا احد لاني لو كنت زعلان ماراح املغ على خلق الله واناقز قدامهم بقعد بروحي لين ارضى

اوبيه :eek5:

يعني تبي تقول انك ما تطلع وانت زعلان ؟
يعني ما تطلع كلش او ما تزعل كلش :telephone:

مرات كثيرة اصلا يصادف انك بتطلع مب ابكيفك ،، فهل يعقل
ما صادفك حد واكتشف انك زعلان وما بحت بزعلك على الرغم
من انك طبيعي في تصرفاتك ؟

R 7 A L

20-10-2011, 07:28 AM

اوبيه :eek5:

يعني تبي تقول انك ما تطلع وانت زعلان ؟
يعني ما تطلع كلش او ما تزعل كلش :telephone:

مرات كثيرة اصلا يصادف انك بتطلع مب ابكيفك ،، فهل يعقل
ما صادفك حد واكتشف انك زعلان وما بحت بزعلك على الرغم
من انك طبيعي في تصرفاتك ؟

مافية احد مايزعل
شدعوة ترا انا انسان والانسان يزعل ويحزن ويفرح ويمرض
بس قصدي لو زعلت او أحد ضايقني على طول ما أناقشه وطلع اي مكان بروحي لين اهدى

برشلوني قطر

20-10-2011, 07:28 AM

انا عرفت من موضوعج انج اليوم مبسوطه ومب زعلانه..لانج كاتبه

الموضوع من صبح الله خير وهذا يبيين ان مزاجج رايق:rolleyes2:

انا اعرف الواحد الزعلان اذا تغير اسلوبه عن طبيعته اليوميه...

الاااااااااا واحد من الربع تعبت ولا عرفت زعله من وناسته من ضيقه :(

ام السعف

20-10-2011, 07:34 AM

مافية احد مايزعل
شدعوة ترا انا انسان والانسان يزعل ويحزن ويفرح ويمرض
بس قصدي لو زعلت او أحد ضايقني على طول ما أناقشه وطلع اي مكان بروحي لين اهدى

يعني ،، تبي تقول ان رفيجك بيعرف انك زعلان لو شافك طلعت من المكان :telephone:

في الأخير في شي يدل على ان رحال زعلان ،،

بغض النظر انك اتناقشه او ما اتناقشه ،، مرات كثيرة الواحد يسكت
لكن تلقى مع سكوتك في حد يحس فيك ويعرف انك زعلان ،، :shy:

انا عرفت من موضوعج انج اليوم مبسوطه ومب زعلانه..لانج كاتبه

الموضوع من صبح الله خير وهذا يبيين ان مزاجج رايق:rolleyes2:

انا اعرف الواحد الزعلان اذا تغير اسلوبه عن طبيعته اليوميه...

الاااااااااا واحد من الربع تعبت ولا عرفت زعله من وناسته من ضيقه :(

لا ولله الحمد اليوم مب زعلانة ومحصلة مزاجي رايق وخالي،، ربي يديم هالمزاج ،،

اهاا ،، طيب انت اشلون يعرفون انك زعلان ؟

وخلني اقول لك من اللي يعرف اني زعلانة حتى لو ما تكلمت

ولدي الصغير ،، لو كنت زعلانة حتى لو ما بين علي
القاه يطالعني ويطالعني واخيرا يقول لي اشفيج ؟
لقلت له ما فيني شي ،، يقول لي انت مب زعلانة ؟
اقول له لا حتى لو كنت زعلانة :(

اما رفيجك هذا ،، في ناس يغلفهم الغموض ،، ما تدري ان كان يضحك
فهو فرحان او زعلان ،، وما تدري متى تقول له نكتة او متى تقول له
عظم الله اجرك :telephone:

برشلوني قطر

20-10-2011, 07:53 AM

لا ولله الحمد اليوم مب زعلانة ومحصلة مزاجي رايق وخالي،، ربي يديم هالمزاج ،،

اهاا ،، طيب انت اشلون يعرفون انك زعلان ؟

وخلني اقول لك من اللي يعرف اني زعلانة حتى لو ما تكلمت

ولدي الصغير ،، لو كنت زعلانة حتى لو ما بين علي
القاه يطالعني ويطالعني واخيرا يقول لي اشفيج ؟
لقلت له ما فيني شي ،، يقول لي انت مب زعلانة ؟
اقول له لا حتى لو كنت زعلانة :(

اما رفيجك هذا ،، في ناس يغلفهم الغموض ،، ما تدري ان كان يضحك
فهو فرحان او زعلان ،، وما تدري متى تقول له نكتة او متى تقول له
عظم الله اجرك :telephone:

ههههههههههههههه اعجبتني سالفة رفيجي والله انج صادقه..كل يوم

نفس الويه وساكت ولا يقول سالفه الا بالياااالله طالعه منه..واذا حد

قال بيتزوج قاله خل عنك الزواج :eek5: << سكتي لا نغتاب الريال:secret:

مادري كيف الناس يعرفون..بس انا اشوف نفسي فعلا وااضح عند الناس اذا زعلان

واعتقد من شكلي وسكووتي واسكر اي سالفه حد يبي يفتحها معاي..

والله يا ام السعف من كم يوم كنت عند ريال وتقريبا ثلاثه من الشباب ادخلو

ع فترات وكل واحد منهم قالي اشفيك :eek5: << والله والله الحين الي معاي

فالمكتب يقولي اشفيييك اليوم ,, الحين الحين وانا اكتب وقالي يبين من ويهك فيك شي:eek5::eek5: امااا ذي سااحر << طحت من الضحك << بس خانه التعبيرلاني مب زعلان

ع طاري ولدج الله يحفظه كم عمره علشان يميز ويعرف ان الي جدامه زعلان ؟؟

ممكن من حدث صار جدامه وعرف...ولدي اذا كنت معصب يعرف بس:nice:

سوري ع الاطاله:shy:

همر

20-10-2011, 07:57 AM

كيف تعرف ان من تحادثه زعلان ؟

من طول البرطم..

ومن يكتشف زعلك حتى لو كنت تبتسم ؟

محّد..

وبعدين ابي اعرف من يبتسم وهو زعلان ؟!!
يبتسم وهو متضايق يمكن .. اما زعلان !! يعني حزين .. شلون يضحك وهو حزين ؟!!

من انتم ؟!!

شبح الصمت

20-10-2011, 07:59 AM

ام السعف

20-10-2011, 08:00 AM

ههههههههههههههه اعجبتني سالفة رفيجي والله انج صادقه..كل يوم

نفس الويه وساكت ولا يقول سالفه الا بالياااالله طالعه منه..واذا حد

قال بيتزوج قاله خل عنك الزواج :eek5: << سكتي لا نغتاب الريال:secret:

مادري كيف الناس يعرفون..بس انا اشوف نفسي فعلا وااضح عند الناس اذا زعلان

واعتقد من شكلي وسكووتي واسكر اي سالفه حد يبي يفتحها معاي..

والله يا ام السعف من كم يوم كنت عند ريال وتقريبا ثلاثه من الشباب ادخلو

ع فترات وكل واحد منهم قالي اشفيك :eek5: << والله والله الحين الي معاي

فالمكتب يقولي اشفيييك اليوم ,, الحين الحين وانا اكتب وقالي يبين من ويهك فيك شي:eek5::eek5: امااا ذي سااحر << طحت من الضحك << بس خانه التعبيرلاني مب زعلان

ع طاري ولدج الله يحفظه كم عمره علشان يميز ويعرف ان الي جدامه زعلان ؟؟

ممكن من حدث صار جدامه وعرف...ولدي اذا كنت معصب يعرف بس:nice:

سوري ع الاطاله:shy:

هم عيالي بشكل عام مفضوحة جدامهم ،،

بس يمكن لأن الصغير اخر العنقود وكثر قربه مني يعرف اكثر من غيره
عمره الله يسلمك يأشر هالشهر 9 بيده انه صار تسع سنين
وهو توه امخلص 8 سنين :(

مرات كثيرة الاحساس بالآخرين يخليك اتميز اذا ذيه مبسوط والا زعلان
وان كان يبتسم او يضحك ،،

دونت ووري وتيك يور تايم وتكلم مثل ما تبي :nice:

مخطط قطري

20-10-2011, 08:02 AM

ام السعف

20-10-2011, 08:02 AM

من طول البرطم..

محّد..

وبعدين ابي اعرف من يبتسم وهو زعلان ؟!!
يبتسم وهو متضايق يمكن .. اما زعلان !! يعني حزين .. شلون يضحك وهو حزين ؟!!

من انتم ؟!!

من طول البرطم ....> البعير مسكين كله زعلان :(

وايد يناس يبتسمون ويضحكون وغليان في قلوبهم ،،
تلقاهم جدام الناس مسويين انفوسهم في قمة الفرح
وفي الوحدة وفي زاوية الغرفة الدموع همايل والقلب ينزف من الألم ،،

فلا تغرق الوجوه الضاحكة قد تكون أكثر تألما من المبوزة والمبرطمة :(

بلوتنيوم

20-10-2011, 08:04 AM

الزعلان
ويهه يكون عليه سحابة :)

ام السعف

20-10-2011, 08:07 AM

الله يعطيج العافيه اختي ام السعف

صراحه الناس تنعرف من ملامح الوجه هذا اول شيء ان كان قدامك ..

اما ان كان من وراء التلفون طبعا من نبرة صوته ..

وهالاثنين انا صايدهم صايدهم
:(

يعني متضايق فيه شيء في خاطره شيء اطلع الي بخاطره ..

وصراحه ومفروض في هاللحظات انه نحاول نخفف على الشخص الي فيه حالة ضيقه او آيا كانت

لانه في الاول والاخير

الصديق وقت الضيق

في سؤال يقرقع في بالي ..
:weeping:

ليش احنا نلاحظ عبارات الوجه والزعل على البعيد والقريب من أهلنا ما نلاحظ عليـه وهذا الشيء حاصل وكثير لنا ..

طيب واحد اتكلمه من خلال الكمبيوتر بالكتابة ،، اشلون يعرف انك متضايق
وزعلان ،، واشلون اتعرف انه متضايق .....> لا تقول ما تصير تصير ووايد بعد ،،

اما بخصوص تلاحظ علامات الزعل والحزن على البعيد
ما لاحظت هالشي ،، يعني ناس ما يقربون لي اعرف انهم زعلانين ؟
اعتقد ان مدى قوة العلاقة هي اللي اتخلي الواحد يلاحظ الأمور هذي ،
او كثرة ترداد الواحد على ناس معينين ممكن يكتشفون حالته المزاجية
ويعرفون انه زعلان حتى لو ما كانت بينهم علاقة قوية ،،

يعني خلنا ناخذ المنتدى كمثال ،،
اليوم ممكن وحدة تقول لي سعوف انتي زعلانة ،، بالفعل اشوف
كلامها واقعي ،، طيب اشلون اعرفت ؟

ام السعف

20-10-2011, 08:09 AM

تبي اطير زعللك وهمومك في طريقه سوها نفس لي اسويها كل يوم الصبح تدري ايش هي اعتبر انه الله سبحانة وتعالى معطيك فرصه اليوم انك تتوب وانه ماعليك ذنوب وانه الله مد في عمرك يعطيك فرصه عشان ترجهع له صدقني بيك شي ينشرح به صدرك

مشاركتك ربنا يجزيك خير عليها ،،
ترى حتى الواحد لما يفكر انه ممكن يتوب تلقاه يفكر في اللي راح من عمره وهو
تايه وضايع ويحزن على حالته ،،
وايد ماتوا حزنا و خوفا من مقابلة الله ،، فالحزن والزعل له اوجه كثيرة ،،
فالموضوع مب متخصص في كيفية طرد الحزن كثر ما هو يبي يركز يااخوي المخطط
على اشلون ينكشف الواحد امام الآخرين لو كان زعلان ،، او اشلون يكشف
الآخرين لو كانوا زعلانين ،،

الزعلان
ويهه يكون عليه سحابة :)

:unsure:

شبح الصمت

20-10-2011, 08:11 AM

طيب واحد اتكلمه من خلال الكمبيوتر بالكتابة ،، اشلون يعرف انك متضايق
وزعلان ،، واشلون اتعرف انه متضايق .....> لا تقول ما تصير تصير ووايد بعد ،،

اما بخصوص تلاحظ علامات الزعل والحزن على البعيد
ما لاحظت هالشي ،، يعني ناس ما يقربون لي اعرف انهم زعلانين ؟
اعتقد ان مدى قوة العلاقة هي اللي اتخلي الواحد يلاحظ الأمور هذي ،
او كثرة ترداد الواحد على ناس معينين ممكن يكتشفون حالته المزاجية
ويعرفون انه زعلان حتى لو ما كانت بينهم علاقة قوية ،،

يعني خلنا ناخذ المنتدى كمثال ،،
اليوم ممكن وحدة تقول لي سعوف انتي زعلانة ،، بالفعل اشوف
كلامها واقعي ،، طيب اشلون اعرفت ؟

انا قصدت الله يسلمج الي اعرفهم طبعا مب الي ما اعرفهم
وبخصوص الكتابات تبين خلاص انتي معانا في المنتدى مرحه اليوم وتسولفين

ثاني يوم دخلتي مشاركاتك كانت بسيطه وقليلة او يمكن بس داشه واطالعين ..

فخلاص انا اعرف انتي زعلان وقولج ام السعف فيج شيء واكون متاكد من ملاحظتي ..

فانتي اليوم متضايقه لانج كتبتي هالموضوع

لانه من طبعج ما تكتبين مواضيع

فصدقيني في شيء خلالج تكبين هالموضوع في شيء بخاطرج

:nice:

بلوتنيوم

20-10-2011, 08:13 AM

مشاركتك ربنا يجزيك خير عليها ،،
ترى حتى الواحد لما يفكر انه ممكن يتوب تلقاه يفكر في اللي راح من عمره وهو
تايه وضايع ويحزن على حالته ،،
وايد ماتوا حزنا و خوفا من مقابلة الله ،، فالحزن والزعل له اوجه كثيرة ،،
فالموضوع مب متخصص في كيفية طرد الحزن كثر ما هو يبي يركز يااخوي المخطط
على اشلون ينكشف الواحد امام الآخرين لو كان زعلان ،، او اشلون يكشف
الآخرين لو كانوا زعلانين ،،

:unsure:

واتز اب :yawn:

الأصيلة

20-10-2011, 08:14 AM

قلب المؤمن دليله
بالنسبة لي بسرعة أعرف الزعلان ودائما ظني مايخيب
أصلا يبين من كلامه وحركاته...

http://www.redcodevb.com/smiles/smiles/39/www.hh50.com-Photos-Images-Expressions-Forums-0025.gif (http://www.redcodevb.com/smiles/)
يا أم السعف

ضوى

20-10-2011, 08:15 AM

تصدقين يام السعف ، اني اعرف من بنرة الصوت ومن كشل الواحد اذا زعلان والا لا ، وبالذات مع بوعيالي وخواتي بسرعة يبين عليهم :)

ضوى

20-10-2011, 08:16 AM

الا تعالي ليش كنتي زعلانة ذاك اليوم ؟؟

ام السعف

20-10-2011, 08:17 AM

انا قصدت الله يسلمج الي اعرفهم طبعا مب الي ما اعرفهم
وبخصوص الكتابات تبين خلاص انتي معانا في المنتدى مرحه اليوم وتسولفين

ثاني يوم دخلتي مشاركاتك كانت بسيطه وقليلة او يمكن بس داشه واطالعين ..

فخلاص انا اعرف انتي زعلان وقولج ام السعف فيج شيء واكون متاكد من ملاحظتي ..

فانتي اليوم متضايقه لانج كتبتي هالموضوع

لانه من طبعج ما تكتبين مواضيع

فصدقيني في شيء خلالج تكبين هالموضوع في شيء بخاطرج

:nice:

اشرايك اني رايقة اليوم ؟
ما عندي منقصات ابدا ،، ولا يعني اني اكتب او ما اكتب مواضيع
فهذا دليل الزعل ،، كثر ما هو يدل على مدى حاجتي للكتابة وطرح موضوع
جديد يقضي لي على الروتين المتداول ،،

اما بخصوص كلامك ،، اتفق معاك ان مرات في اختلاف نوعية مشاركة
الاعضاء ممكن يعطينا انطباع عن حالته المزاجية ،، وممكن انعرف انه زعلان ،،

واذا تبي اتعرف اني زعلانة ،، لاحظ لو ما حطيت تعابير
فتأكد اني مالي خلق للوييه هذي حتى :(

ام السعف

20-10-2011, 08:21 AM

الا تعالي ليش كنتي زعلانة ذاك اليوم ؟؟

اممم
مب متذكرة اي يوم ؟
لا تقولين يوزم زرناكم ،، ما شفتيني مبسوطة وشاقة الحلج :nice:

تصدقين يام السعف ، اني اعرف من بنرة الصوت ومن كشل الواحد اذا زعلان والا لا ، وبالذات مع بوعيالي وخواتي بسرعة يبين عليهم :)

مرات كثيرة اضيع من حالات المزاجيين فماعرف ان كانوا زعلانين والا المزاج
مضروب امبيره عندهم ،،

فمن جذيه احاول اتجنب التدقيق في المزاجيين ،، اما غير المزاجيين
تفضحهم تصرفاتهم المخالفة لطباعهم ،، بس اهم شي عندي
لو يمونون علي لازم اسألهم ،، ليش زعلانين ؟:shy:

واتز اب :yawn:

the sky is up
:(

ام السعف

20-10-2011, 08:22 AM

قلب المؤمن دليله
بالنسبة لي بسرعة أعرف الزعلان ودائما ظني مايخيب
أصلا يبين من كلامه وحركاته...

http://www.redcodevb.com/smiles/smiles/39/www.hh50.com-photos-images-expressions-forums-0025.gif (http://www.redcodevb.com/smiles/)
يا أم السعف

ايوااا قلب المؤمن دليله ،، اعتقد انج قريبة منهم وايد فسهل عليج
تكشفين الزعل اللي فيهم ،،

بس اسمحي لي يا الاصيلة اسئلج هالسؤال :

لما نقول قلب المؤمن دليله

طيب هل الكفار ما يحسون بالثانين ؟

الدمعه

20-10-2011, 08:40 AM

ام السعف

20-10-2011, 08:44 AM

صباح الخير ...

الزعلان يبين عليه من ملامحه ومن لمعة عينه ..

وتحسينه ثقيل في ردة فعله ..

حتى لو غطى هالشي بالضحك والغشمره تلاقينه جاته لحظه وانغم وكتم وتقلبت ملامحه ..
يسلمو عالموضوع الصباحي .. :nice:

http://im19.gulfup.com/2011-10-19/1319089124801.jpg (http://www.gulfup.com/show/X29dwq04u8g2sc)

http://im19.gulfup.com/2011-10-19/1319089124801.jpg

وي يحليلها ما خلت حد ما بينت له انها زعلانة
يازنيها البراءة والله ، ما اكتبت انها زعلانة والا وهي عارفة ان
الكل بيداري خاطرها وبيراضيها ،،

ام الكبار لما يكتمون زعلهم ، يكونون واثقين ان مب لايقين اللي
بيحس فيهم لو تكلموا ،،

فمن جذيه مثل ما قلتي مرات الزعل يبان في لحظة هدوء او سكون،،

صباحج نور وسرور يا دمعة

ام ناصر1

20-10-2011, 09:10 AM

كيف تعرف انه الي جدامك زعلان ........ما تلقاه على طبيعته اذا كان الشخص دائما بشوش وماخذ الدنيا
سهالات بتلقاه غير الموجه لنكد ....نكد
والعكس اذا كان يحب النكد وهاي طبيعته تلاقينهم يزيدون بقط الحجي ويقعد يتفرغ لتصيد اخطاء من امامه
فتعرف انها مقفله معاه اليوم
وفي ناس اتعرف انهم زعلانين اذا قعدوا يفضفضون عن موضوع واحد بعينه ويعيدون تكراره لكل
من قابلوه او يعيد لك السالفة عشر مرات لين تحفظها ..
اما الواضحين كالاباء والامهات ...على طول صراخ وشالين البيت على راسهم
واعرف انه من امامي متضايق وزعلان اذا التزم الصمت وتجنبني ....تكون واصله معاه من صوبي
كيف يعرف الاخرين انني زعلانه .....سهل جدا انا من النوع الهادي اذا انفجرت يعرفون اني زعلانه :anger1:
الزعلان ( الصادق ) جزء من طبيعته يتغير بعفوية
الزعلان الكاذب ..... يمثل انه مبوز ويتصدد وماله خلق يسمع منج كلمة ومب فاضي ....لين تسألينه او تسألينها يقعدون يقولج القصة الي زعلته فهذا الزعل الخرطي

ام السعف

20-10-2011, 09:27 AM

كيف تعرف انه الي جدامك زعلان ........ما تلقاه على طبيعته اذا كان الشخص دائما بشوش وماخذ الدنيا
سهالات بتلقاه غير الموجه لنكد ....نكد
والعكس اذا كان يحب النكد وهاي طبيعته تلاقينهم يزيدون بقط الحجي ويقعد يتفرغ لتصيد اخطاء من امامه
فتعرف انها مقفله معاه اليوم
وفي اذا ناس اتعرف انهم زعلانين اذا قعدوا يفضفضون عن موضوع واحد بعينه ويعيدون تكراره لكل
من قابلوه او يعيد لك السالفة عشر مرات لين تحفظها ..
اما الواضحين كالاباء والامهات ...على طول صراخ وشالين البيت على راسهم
واعرف انه من امامي متضايق وزعلان اذا التزم الصمت وتجنبني ....تكون واصله معاه من صوبي
كيف يعرف الاخرين انني زعلانه .....سهل جدا انا من النوع الهادي اذا انفجرت يعرفون اني زعلانه :anger1:
الزعلان ( الصادق ) جزء من طبيعته يتغير بعفوية
الزعلان الكاذب ..... يمثل انه مبوز ويتصدد وماله خلق يسمع منج كلمة ومب فاضي ....لين تسألينه او تسألينها يقعدون يقولج القصة الي زعلته فهذا الزعل الخرطي

تشكرين يا ام ناصر على هالمشاركة ،، صنفتي الزعلان
واحد صادق وواحد كاذب .......> حلوة سالفة يتصدد :(

mohamed ahmd

20-10-2011, 12:08 PM

كلامك حلو وواقعي ،، بس ما يصير ما تزعل ،،
مستحيل الواحد ما يزعل او ما يتأثر حتى لو لحظات من بعد تعرضه لمواقف
تصدمه او تجرحه او تخدش مشاعره ،،
يمكن اتفق معاك الاستمرار في الزعل اكبر غلط لكن ما تتفاعل مع المواقف
كلش ؟ ما يصير ما يصير ما يصير ،،

ومن ثم اسمح لي اسئلك بناء على الفقرة الأولى ،، في العالم الحقيقي
نقدر نعرف الزعلان من خلال النقاط اللي ذكرتها ،،

لكن في العالم الافتراضي ، اللي كل واحد فينا قاعد خلف شاشته
اشلون اتعرف روز مثلا ان ام السعف زعلانة ؟
او متضايقة مع انها تكتب وتضحك وتسولف عادي مثل كل يوم ؟ :shy:

لا تجزمين احينا تجارب الحياه تقير الشخص وتعلمه يفعل عقله اكثر من اي عضو ثاني في جسمه وبذلك يلغي الباقي وتصير الحياه حلوه بكل بساطه. روز بتعرف انج زعلانه من طريقه كتابتج نفسها غالبا لو فعلا كانت هي تهتم لامرج فبتعرف لا يمكن اخفاء المشاعر خلف الحروف بالذات دايما ماتكون الكتابه نقطه ضعف للزعلان بشكل عام. ودليل على ذلك يقولج انه الكي جي بي كان يحط ورقه وقلم امام المعتقل ويخلونها قدامه ايام لين مايكتب شي وبعدين يحللون كتابته :(

بـــــــنت النوخـّــــذه

20-10-2011, 12:15 PM

ام السعف

21-10-2011, 10:02 PM

لا تجزمين احينا تجارب الحياه تقير الشخص وتعلمه يفعل عقله اكثر من اي عضو ثاني في جسمه وبذلك يلغي الباقي وتصير الحياه حلوه بكل بساطه. روز بتعرف انج زعلانه من طريقه كتابتج نفسها غالبا لو فعلا كانت هي تهتم لامرج فبتعرف لا يمكن اخفاء المشاعر خلف الحروف بالذات دايما ماتكون الكتابه نقطه ضعف للزعلان بشكل عام. ودليل على ذلك يقولج انه الكي جي بي كان يحط ورقه وقلم امام المعتقل ويخلونها قدامه ايام لين مايكتب شي وبعدين يحللون كتابته :(

معقولة الحياة تصير حلوة بكل بساطة ؟

هي الحياة حلوة بالفعل بكل بساطة ،، بس الانسان بداخله زحمة
زحمة زحمة مشاعر تخلي الحياة البسيطة تصير معقدة :(

شوف بخصوص الكي جي بي ......> ترى هذا اللي اتسويه روز
بشكل عام بس من خرف تجريد الحروف من معانيها والغوص
في نفسيات اللي يرتبونها :telephone:

الأصيلة

21-10-2011, 10:03 PM

ايوااا قلب المؤمن دليله ،، اعتقد انج قريبة منهم وايد فسهل عليج
تكشفين الزعل اللي فيهم ،،

بس اسمحي لي يا الاصيلة اسئلج هالسؤال :

لما نقول قلب المؤمن دليله

طيب هل الكفار ما يحسون بالثانين ؟

أعتقد يحسون لكن مب بنفس الصدق
اللي يحسه قلب المسلم...

ام السعف

21-10-2011, 10:03 PM

اكره شي تجي وحده اتحن علي اشفيج زعلانه قولي اتخشين علي مب قايلة لاحد فضفضي وتحن وتحن وتحن

واخرتها السالفة ومافيها انا فيني النوده وابغي انام وضاربه حوله والعيون نعسانه وشكلي يبين اني زعلانه

لي رجعه إذا لزم الامر^_^

ايه ارجعي ولازم ترجعين ،،

لأني ابي افهم منج ،، انج لما تحولين من النعاس ينغشون البعض
فيج ويظنونج زعلانة ؟:shy:

بوحارب

21-10-2011, 10:05 PM

اقرب الناس لي اعرف اذا هم زعلانين مني على طووووول

ام السعف

21-10-2011, 10:06 PM

أعتقد يحسون لكن مب بنفس الصدق
اللي يحسه قلب المسلم...

اممم ،،

اعتقد يحسون مثلنا ،،، بس يمكن " القول هذا " مب في هالمجال
اقول ربما له مغزى ثاني ،،

لأن لو راجعنا كتب علم النفس وترويضها والتعامل معها
وتفسير تحركات وسكنات الانسان والشعور به كلها كتب اجنبية
وناجحة ويتداولها العرب بنسخ مترجمة ،،
فهل قلوبهم لا ادلة لها في استشعار مشاعر الآخرين ؟
اشرايج انت يالاصيلة ؟

ام السعف

21-10-2011, 10:07 PM

اقرب الناس لي اعرف اذا هم زعلانين مني على طووووول

زعلانين منك ،، اهااا
شكلك مزعلهم على طول :(

بوحارب

21-10-2011, 10:09 PM

زعلانين منك ،، اهااا
شكلك مزعلهم على طول :(

لا بالعكس قلبي طيب على اراضي الزعلان مني :)

ام السعف

21-10-2011, 10:13 PM

لا بالعكس قلبي طيب على اراضي الزعلان مني :)

هذا الأهم في كل الموضوع،،

مب شرط تعرف الزعلان منك كثر ما هو شرط انك تعمل على ارضائه

فشنهي الفايدة لما اعرف انسان عزيز علي زعلان وفي الأخير
اعطيه ظهري و اروح ؟

جميل جدا وايد خالص ،، لما الواحد يسأل الثاني ليش زعلان؟
او ليش زعلانة ؟

ويقدم اعتذار حلو يليق باللي يكلمه ويحاول يطيب له خاطره
وما يتركه والا الابتسامة مرسومة على وييه وتشع من عيونه ،،

فتحية لك يا بوحارب على انك رديتني للموضوع
اللي الهدف منه كان اساساا التركيز على هالنقطة ،،

بنت حواء

21-10-2011, 10:28 PM

بالنسبه للمحادثات في الكمبيوتر ولا برامج المحادثه

الفيس هذا :) يأكدلي ان في ضيق او زعل من الطرف الآخر...
...

ام السعف

21-10-2011, 10:39 PM

بالنسبه للمحادثات في الكمبيوتر ولا برامج المحادثه

الفيس هذا :) يأكدلي ان في ضيق او زعل من الطرف الآخر...
...

اوه :eek5:

هالفيس الأصفر محصور في الاستهزاء او السخرية او دلالة على الزعل
كل يفهمه حسب تعامله وياه ،،
تحية لج يا بنت حواء

mohamed ahmd

21-10-2011, 10:44 PM

معقولة الحياة تصير حلوة بكل بساطة ؟

هي الحياة حلوة بالفعل بكل بساطة ،، بس الانسان بداخله زحمة
زحمة زحمة مشاعر تخلي الحياة البسيطة تصير معقدة :(

شوف بخصوص الكي جي بي ......> ترى هذا اللي اتسويه روز
بشكل عام بس من خرف تجريد الحروف من معانيها والغوص
في نفسيات اللي يرتبونها :telephone:

وليش ما تصير حلوه؟ ركبي اشارات ضوئيه وانتهي الموضوع. عندي سؤال روز هذي شخصيه خياليه ولى شخص موجود معاكم فالمنتدى؟!:rolleyes2: لانه وايد هامتج يعني

ام السعف

21-10-2011, 10:49 PM

وليش ما تصير حلوه؟ ركبي اشارات ضوئيه وانتهي الموضوع. عندي سؤال روز هذي شخصيه خياليه ولى شخص موجود معاكم فالمنتدى؟!:rolleyes2: لانه وايد هامتج يعني

وااااو ....> سؤالك عن روز يعتبر بالنسبة لي صدمة كصدمة خبر وفاة انيس منصور:weeping:
اللي زفته لي بنتي وهي تبتسم ....> مب عارفة ليش قالت لي الخبر وهي تبتسم ،،:looking:

طبعا روز المقصودة هنا هي ابلتنا Rose :telephone:
واخذي لها كمثال لا يعني ابدا انها تزعل مني او ازعل منها
بس هي بروحها اعترفت انها اتحب اتمحص الشخصيات من خلال
كتاباتهم يوم كانت على كرسي الاعتراف

mohamed ahmd

21-10-2011, 10:54 PM

وااااو ....> سؤالك عن روز يعتبر بالنسبة لي صدمة كصدمة خبر وفاة انيس منصور:weeping:
اللي زفته لي بنتي وهي تبتسم ....> مب عارفة ليش قالت لي الخبر وهي تبتسم ،،:looking:

طبعا روز المقصودة هنا هي ابلتنا Rose :telephone:
واخذي لها كمثال لا يعني ابدا انها تزعل مني او ازعل منها
بس هي بروحها اعترفت انها اتحب اتمحص الشخصيات من خلال
كتاباتهم يوم كانت على كرسي الاعتراف

اهااا:rolleyes2:

ام السعف

21-10-2011, 10:57 PM

اهااا:rolleyes2:

:shy:

المسك1969

21-10-2011, 11:54 PM

اللحين ،،
كيف تعرف ان من تحادثه زعلان ؟
ومن يكتشف زعلك حتى لو كنت تبتسم ؟

من هو أمامك سوف تعرف أنه زعلان أو حنق إما من طريقة كلامه أو من تعابير وجهه أو هدوئه وسكوته فجأة أو من سرحانه

ولكن لو قلنا هنا مثلا في النت فكيف نعرف أن شخص ما حنق:

1) طريقة مباشرة في الكتابة :فهو يتهجم ويسب
2) طريقة غير مباشرة : فهو يحاول أن يكتم مشاعره ليرد ويكتب ولكن بحدة
3) أن يكون من الناس الذين يستطيعون أن يتحكموا بمشاعرهم ويترفعوا عما يقال (وهذا أنا) ويرد ليفيد ذلك الشخص والأخرين بغض النظر عما قاله من كلام قد يكون جارح

وعن اكتشاف الزعل؟

عن زعلي لا يعلمه إلا الله.. فأنا حريصه على دموعي ألا تذرف مع أنها مثل البحار ألا في وقت خلوتي بنفسي ...لأن ليس للأخرين ذنب فيما أعانيه مثلا ولن ينعفني أحد من البشر في أمري مثلا... ألا أن القى كلمة لوم أو كلمة عتاب أو كلمة مسكينه ماعليه (وهي مالا أطيق)
فليس هناك من نستطيع أن نفتح له قلبنا أو نتناقش معه في أمر ما لعدم تفهمه أو تسرعه في القرار... وهكذا لن يبقى لنا ألا أن نكتم ما بنا ولا نخرجها إلا في أخر الليل لله فقط لله

وأما الناس وأن كانوا مقربين فلن يروا غير الخشم الحمر والعيون الحمراء:tease:

جزاكم الله خيرا:nice:

بـــــــنت النوخـّــــذه

22-10-2011, 12:58 AM

ايه ارجعي ولازم ترجعين ،،

لأني ابي افهم منج ،، انج لما تحولين من النعاس ينغشون البعض
فيج ويظنونج زعلانة ؟:shy:

اي حاطه يدج على خدج وعيونج نعسانه توحي للاخرين انج حزينه ومكتئبه

واخرتها السالفه ومافيها تبين ترقدين وانتي في عالم آخر رايحه فيها 000

يعني الخلاصه ان بعضهم قصب يطلعج زعلانه كن مكشوف عنهم الحجاب هالنوعيه ماحبها

انتي زعلانه امبله قولي من صوتج من شكلج من خشمج اف اف ماحب هالناس الي يسوون نفسهم صايدين السالفة , يمكن انا فيني مقص ولا شي يوجعني وقاعده متكدره مهب بالضروره زعلانه منج ولا من فلانه وفلان وعلانه 00

وبشكل عام انا من النوع ألي ما احب اسئل انسانه اذا زعلانه او لا خصوصا" اذا كانت السالفه ماتخصني وواثقة اني ماغلطت ماحب اللقافة وقت ماحبت تفضفض بكون لها صدر الأم الحنون :shy:

موضوعج يبيله هذره طويلة اتصدقين لان في انواع من الزعلانين والفضوليين الي يحبون يعرفون بالسالفة وانواع يقلطون عليج وبعدها يسألون بستعباط يقولون انتي زعلانه 00000إلخ

فهمتي شقصد من كلامي لان الناس هاليومين صايرين مايفهمون كلامي اههههههههههه

ريتويت

22-10-2011, 01:28 AM

mohamed ahmd

22-10-2011, 01:39 AM

من مرتضى منصور؟ وهل صج مات!:(

فرحة ايامي

22-10-2011, 08:23 AM

http://t0.gstatic.com/images?q=tbn:and9gcqpob081qbb-ebnxbwe9gpgvqwnqco4v9olq3yru0stq3vg4zdjfwbnrv5f

تصادفنا المشاكل والهموم ،، ونصارع امواج الكدر والضيق
مواقف مؤلمة في العالم الحقيقي والعالم الافتراضي ،،

هذا يجرح وذاك يهين وآخر يتفنن في زيادة الجروح
نحمل انفسنا ونذهب بها هنا وهناك ،، نجلس مع الاقارب
وقد تسحبنا جلسات غير الاقارب ،،

وقلة من يعرف ما تحمله انفسنا من آلام واحزان ،،

ومع هذا هناك من يعرف بنظرة واحدة مقدار ما تحمله انفسنا من
الام واحزان و يقرأها بيسر دون جهد او سؤال ويبادر على الفور بالسؤال
ليش زعلان ؟ او ليش زعلانة ؟

http://t2.gstatic.com/images?q=tbn:and9gct2uysozctkfsxlwjlvrnegdrltgzz1a uugno1by24h2clcdzwdhmbltbc

السؤال بحد ذاته يثير الدهشة كيف له ان يعرف ؟ ،،

فهناك من
يقرأ لغة العيون ويدرك ما في النفوس ،، ويطلق تساؤله اللحوح ليش زعلان او ليش زعلانة ؟

وهناك من لا يجيد لغة العيون بينما ينتبه لإسلوب الحديث
ويسرع في السؤال ،، ليش زعلان او ليش زعلانة ؟

وهناك من يحكم على المزاج والمود واي تغيير فيه يتساءل
ليش زعلان وليش زعلانة ؟

http://t2.gstatic.com/images?q=tbn:and9gcsqet1stdnuseo9gvhtbnmtqect5tk1_ o7f5sqod9gbshd1cy6hev0osa

اللحين ،،
كيف تعرف ان من تحادثه زعلان ؟
ومن يكتشف زعلك حتى لو كنت تبتسم ؟

صباحك اشراقة ود وجميع المتداخلين معك

أستطيع أنا بكل سهولة في الحياة الواقعية أن أكتشف من خلال جميع ما سبق أن أكتشف اذا كان المتحدث أمامي زعلان أم غير ذلك.

وفي عالم المنتدى وهو تصغير للحياة الخارجية أستطيع اكتشاف الحالة المزاجية للشخص في حينها من طريقة مداخلته وأحتفظ بها لنفسي .

أطفالي يستطيعون قراءة ملامحي حينما اكون زعلانة او لا حتى لو لم اتحدث ويقولون ماما ليش وجهك ويمثلون تعابير وجهي حينها.

دمت أختي أم السعف بود.

ام السعف

23-10-2011, 06:40 AM

من هو أمامك سوف تعرف أنه زعلان أو حنق إما من طريقة كلامه أو من تعابير وجهه أو هدوئه وسكوته فجأة أو من سرحانه

ولكن لو قلنا هنا مثلا في النت فكيف نعرف أن شخص ما حنق:

1) طريقة مباشرة في الكتابة :فهو يتهجم ويسب
2) طريقة غير مباشرة : فهو يحاول أن يكتم مشاعره ليرد ويكتب ولكن بحدة
3) أن يكون من الناس الذين يستطيعون أن يتحكموا بمشاعرهم ويترفعوا عما يقال (وهذا أنا) ويرد ليفيد ذلك الشخص والأخرين بغض النظر عما قاله من كلام قد يكون جارح

وعن اكتشاف الزعل؟

عن زعلي لا يعلمه إلا الله.. فأنا حريصه على دموعي ألا تذرف مع أنها مثل البحار ألا في وقت خلوتي بنفسي ...لأن ليس للأخرين ذنب فيما أعانيه مثلا ولن ينعفني أحد من البشر في أمري مثلا... ألا أن القى كلمة لوم أو كلمة عتاب أو كلمة مسكينه ماعليه (وهي مالا أطيق)
فليس هناك من نستطيع أن نفتح له قلبنا أو نتناقش معه في أمر ما لعدم تفهمه أو تسرعه في القرار... وهكذا لن يبقى لنا ألا أن نكتم ما بنا ولا نخرجها إلا في أخر الليل لله فقط لله

وأما الناس وأن كانوا مقربين فلن يروا غير الخشم الحمر والعيون الحمراء:tease:

جزاكم الله خيرا:nice:

صباح الخير من بدري :shy:

اشوفج يا المسك تناولتي معرفة الشخص الزعلان في العالم الحقيقي والافتراضي
وقلتي ان زعلج ما يعلم فيه الا الله ،،وليس هناك من نستطيع فتح قلوبنا لهم ،،

تدرين ان في هالعالم الافتراضي ربنا مرات كثيرة ينعم علينا بناس
قلوبهم كبيرة تتسع سماع اهاتنا وتوجعاتنا ونلقاهم اقرب لنا من اللي عايشين
معانا تحت سقف واحد ؟

يقدمون لنا النصح والمشورة ويمدون يد العون لج ،،
ومرات كثيرة يكون سؤالهم اشفيج زعلانة اشفيك زعلان ؟
السؤال بحد ذاته يسحبنا الى البوح معاهم لمكانين القلب
ومثل هالنوعيات من الناس لا يقدرون بثمن والاحتفاظ بهم
من اولويات الحياة السعيدة ،،

ويجزيج كل خير وميرسي على مشاركتج ،،

من مرتضى منصور؟ وهل صج مات!:(

مرتضى ؟

ماادري ليش من قريت اسم مرتضى تذكر محمد رضا بلهوي
لا تسألني وين العلاقة بس اسم مرتضى ذكرني فيهم :(

يقولون انه مات يوم الجمعة ويوم السبت كان جنازته
اسم انيس منصور ،، وسب ماقريت في النت ان اسرائيل توصفه
بأحد ادباء الربيع العربي :telephone:

ام السعف

23-10-2011, 06:46 AM

اي حاطه يدج على خدج وعيونج نعسانه توحي للاخرين انج حزينه ومكتئبه

واخرتها السالفه ومافيها تبين ترقدين وانتي في عالم آخر رايحه فيها 000

يعني الخلاصه ان بعضهم قصب يطلعج زعلانه كن مكشوف عنهم الحجاب هالنوعيه ماحبها

انتي زعلانه امبله قولي من صوتج من شكلج من خشمج اف اف ماحب هالناس الي يسوون نفسهم صايدين السالفة , يمكن انا فيني مقص ولا شي يوجعني وقاعده متكدره مهب بالضروره زعلانه منج ولا من فلانه وفلان وعلانه 00

وبشكل عام انا من النوع ألي ما احب اسئل انسانه اذا زعلانه او لا خصوصا" اذا كانت السالفه ماتخصني وواثقة اني ماغلطت ماحب اللقافة وقت ماحبت تفضفض بكون لها صدر الأم الحنون :shy:

موضوعج يبيله هذره طويلة اتصدقين لان في انواع من الزعلانين والفضوليين الي يحبون يعرفون بالسالفة وانواع يقلطون عليج وبعدها يسألون بستعباط يقولون انتي زعلانه 00000إلخ

فهمتي شقصد من كلامي لان الناس هاليومين صايرين مايفهمون كلامي اههههههههههه

مب موضوع مب فاهمتج يا فسكورة وصاحبة نظرية الانتكاسة الايجابية:shy:

بس حلو الكلام في الأخذ والعطا ،، وللحين ابي اسولف وياج واقول :

الموضوع هذا مب محصور في العيايرة اللي يدعون الزعل
ولا بهو محصور في اللي تنقرى ملامحه بشكل غلط
ولكن هذا لا يعني ان احنا ما استفدنا لما تطرقتوا للجوانب هذي ،،

الموضوع بكل بساطة وياحلوها البساطة وخاصة على الصبح
لما تلقين نفسج محاطة باهتمام الآخرين وخاصة المقربين لج
ويدركون حالتج النفسية وانتي زعلانة ويبادرون على التخفيف منج ،،

طبعا الحالة السابقة متى اتحصل وكيف وليش ولماذا ؟
احنا اهنيه ما نتكلم عن الزعول بو مد البوز اللي امبوز كل لحظة
نتكلم لما الواحد يحاول انه يعيش حالته من غير ما يزعج حد بس
في لحظة يكتشف انه انفضح وان اللي حوله اكتشفوا حالته
وعلى طول اسئلوه ،، انت ليش زعلان او انتي ليش زعلانة ؟

فالزعل المقصود مب لأن الواحد فيه مغص
لكن بالفعل هناك زعل مدعوس في الخاطر ومرعوص وتلقين
في ناس يقرون هالزعل بكل سهولة على الرغم من ان الواحد
ما يبي حد يعرف عنه ،،

ام السعف

23-10-2011, 06:57 AM

انا زعلانه من نفسي كثيرا.. ولو كنت ادري بحاضري هذا لكنت غيرت من طبعي من زمان وتغيرت الحين للاحسن...مع الاسف الاليم..

كنت دايما افكر ليش الناس معقدين الحياه؟؟ وليش البعض كان يقدم على الانتحار؟؟ وليش الاكتئاب ووووووو....؟؟؟ الحين انا عرفت وتفهمت ووضعت نفسي مكانهم لاني شفت القسوه والالم والمعاناه والمشاكل..

انا اتمنى شي واحد فقط... " الراحه النفسيه والاحساس بالامان والطمأنينه "

هذا وبكل صراحه .. هذا سبب زعلي

شكرا لانكم خليتوني افضفض وابكي

اوه ،، سكر نبات زعلانة من نفسها :(

تدرين بعد حلو الواحد يعرف عن نفسه ،، ولا انه يدعي شي وهو بداخله شي
ثاني ويعيش جمل من التناقضات الحسية :weeping:

وحلو انج تصارحين نفسج واتعرفين ان الحياة مب سهلة وانها صعبة
وان في ناس ينتحرون وفي ناس يكتئبون وناس يعتزلون هالعالم بكبره
ويعيشون مع هواجس النفس واتفاعلاتها الداخلية بصمت منزوي :(

بس الأحلى لما تستفيدين من كل هذا في صالحج

اللي سبب لج المشاكل عايشين حياتهم مستمتعين فيها
وانتي تحترقين مكانج وتفكرين بحظج الردي ،، بينما حظج
ما في احلى منه يوم اكتسبتي من تجارب الحياة ،،

والشيخ سلمان الماجد يقول :
قطوف عافيتنا النفسية تنشأ من داخلنا..
إذا عدلنا من أمزجتنا فسوف تتغير نظراتنا إلى من حولنا..
سترى حينها أثرا إيجابيا في نظرة الناس إليك.

تصالحي مع نفسج وارضيها بترضين عن الدنيا واللي حولج
مب قايلة لج الأمر بيكون سهل مثل شربة الماي ،، بس على قدر
صعوبته راح تتذوقين حلاوته ،،

وربنا يفتحها عليج وييسر لج امورج ويروح عنج الضيق ،،

المسك1969

23-10-2011, 06:57 AM

صباح الخير من بدري :shy:

اشوفج يا المسك تناولتي معرفة الشخص الزعلان في العالم الحقيقي والافتراضي
وقلتي ان زعلج ما يعلم فيه الا الله ،،وليس هناك من نستطيع فتح قلوبنا لهم ،،

تدرين ان في هالعالم الافتراضي ربنا مرات كثيرة ينعم علينا بناس
قلوبهم كبيرة تتسع سماع اهاتنا وتوجعاتنا ونلقاهم اقرب لنا من اللي عايشين
معانا تحت سقف واحد ؟

يقدمون لنا النصح والمشورة ويمدون يد العون لج ،،
ومرات كثيرة يكون سؤالهم اشفيج زعلانة اشفيك زعلان ؟
السؤال بحد ذاته يسحبنا الى البوح معاهم لمكانين القلب
ومثل هالنوعيات من الناس لا يقدرون بثمن والاحتفاظ بهم
من اولويات الحياة السعيدة ،،

ويجزيج كل خير وميرسي على مشاركتج ،،

صباحج فل وياسمين ورضا من رب العالمين

ياغاليتي أما عن القلوب التي مفتوحه فهي كثيرررررة ولكن الانسان لا يريد من يفتح له قلبه ليسمعه ثم إما لا يعطينه نصيحه طيبه، أو يخرب عليه حياته، أو ينشر سره، أو لا يستفيد من كلامه معه... فقط لمجرد الفضفضه

فنستطيع أن نفضفض لمن لا نعرفهم عن طريق الكتابة أو الاتصال على الاستشارات والتحدث لمن هم من ذوي الاختصاص...الخ على الاقل ممكن تستفيد بشيء بعد الفضفضه ولكن الصديق النصوح قل تواجده وأن كنتي تحتفظين بصديقات وليست صديقة واحدة ... وهناك أمور قد تحرجين من قولها لمن هم أقرب الناس إليك مثل أختك... فكتمانها أفضل والبوح بها لله أفضل وأقرب وهو من يحل الامور سبحانه

ونحن كما تفضلتي نحب أن نفضفض وهناك فعلا من نجدهم أقرب لقلوبنا للفضفضه ولكن تبقى ولكن...

جزاكم الله خيرا:nice:

ام السعف

23-10-2011, 07:02 AM

صباحك اشراقة ود وجميع المتداخلين معك

أستطيع أنا بكل سهولة في الحياة الواقعية أن أكتشف من خلال جميع ما سبق أن أكتشف اذا كان المتحدث أمامي زعلان أم غير ذلك.

وفي عالم المنتدى وهو تصغير للحياة الخارجية أستطيع اكتشاف الحالة المزاجية للشخص في حينها من طريقة مداخلته وأحتفظ بها لنفسي .

أطفالي يستطيعون قراءة ملامحي حينما اكون زعلانة او لا حتى لو لم اتحدث ويقولون ماما ليش وجهك ويمثلون تعابير وجهي حينها.

دمت أختي أم السعف بود.

تدرين يا فرحة ،، مع ان علاقاتي الالكترونية عديدة وكثيرة ،،
واشارك في عدة مواقع ،، إلا انني ما اركز على نفسية الكاتب من خلال
ردود افعاله في المواضيع ،، لأني اعتقد ان ردة الفعل سببها نوعية الموضوع
او بعض المشاركات ،، فمب شرط لو شفت فرحة زمانها مغتاضة في موضوع
ما فهي بالفعل مغتاضة لسبب خاص فيها ،،

اما بخصوص اطفالج .....> اقدر اقول ان وجود الأم بجانب اطفالها
بشكل أكبر يجعلها مكشوفة :weeping:

طفلي الصغير يكتشف اللي فيني من عيوني ،، فلو حاولت ابين اني
مافيني شي تلقينه يدقق في عيوني ويتم يشوفني فترة ويسأل
انتي تعبانة ؟ ......> فهذي بدايات اسئلته لين يوصل من امزعلج ،،

ودمتي بخير :shy:

ام السعف

23-10-2011, 07:09 AM

صباحج فل وياسمين ورضا من رب العالمين

ياغاليتي أما عن القلوب التي مفتوحه فهي كثيرررررة ولكن الانسان لا يريد من يفتح له قلبه ليسمعه ثم إما لا يعطينه نصيحه طيبه، أو يخرب عليه حياته، أو ينشر سره، أو لا يستفيد من كلامه معه... فقط لمجرد الفضفضه

فنستطيع أن نفضفض لمن لا نعرفهم عن طريق الكتابة أو الاتصال على الاستشارات والتحدث لمن هم من ذوي الاختصاص...الخ على الاقل ممكن تستفيد بشيء بعد الفضفضه ولكن الصديق النصوح قل تواجده وأن كنتي تحتفظين بصديقات وليست صديقة واحدة ... وهناك أمور قد تحرجين من قولها لمن هم أقرب الناس إليك مثل أختك... فكتمانها أفضل والبوح بها لله أفضل وأقرب وهو من يحل الامور سبحانه

ونحن كما تفضلتي نحب أن نفضفض وهناك فعلا من نجدهم أقرب لقلوبنا للفضفضه ولكن تبقى ولكن...

جزاكم الله خيرا:nice:

احب الفل والورد الجوري والجاردينا والليلي والزنبق واكره الياسمين :(
وربنا ينعم علينا جميعا عفوه ورضاه وهدايته اللهم آمين

طبعا يا المسك ،، موضوع الزعل وقرايته والسؤال عنه مب مقصود فيه
ان الواحد يفضفض لمجرد الفضفضة ،، بس في ناس اتمونين عليهم
فلو اسئلوج اشفيج زعلانة راح تفتحين لهم قلبج ،،

وفي اعضاء اهنيه قالوا ممكن يكتشفون فلان زعلان من اسلوب كتابته
فهل تعتقدين لو لقيت اي عضو امطرش لي رسالة خاصة يقول لي فيها
اشفيج زعلانة .................> راح ابط البرمة وبقول له اللي فيني ؟

طبعا لا ،، بينما هناك اللي تلقيننا بكل سهولة نفتح لهم قلوبنا
ونتكلم معاهم لثقتنا الكبيرة فيهم ،،

واتفق معاج ان هناك امور الواحد يخجل يبوح فيها لأقرب الناس
مثل الأخت او الصديقة المقربة ،، والاحتفاظ فيها افضل ،،

بس في الأخير هالأخت او الصديقة بتلقينها قرت الزعل اللي فيج
اهنيه تدركين انج محاطة باهتمامها لما تتساءل عن الاسباب
وان ما كنتي تبين تقولين شي ،،

وفي الجهة الثانية هذا هو المطلوب منا لما نقرأ وجوه من يمونون علينا
ونحاول نخفف عنهم حتى لو بالسؤال وتقديم العون بعد معرفة الاسباب ،،

ويجزيج ربنا خير الجزاء ،،

الرويـس

23-10-2011, 07:21 AM

كله كوم ,, ونظرية الانتكاسة الايجابية كوم ثاني
واااااااهههههههههههههههه

البعض مختلط عليه الوضع في استفسارج ومنهم أنا
هل هو كيف تعرف ان فلان عرف انك زعلان ! < للذات
والا انه كيف عرف ..! < للغير

ام السعف

23-10-2011, 07:22 AM

البعض مختلط عليه الوضع في استفسارج ومنهم أنا
هل هو كيف تعرف ان فلان عرف انك زعلان ! < للذات
والا انه كيف عرف ..! < للغير

بصراحة مب فاهمة اشتبي تسأل :(

بوسلمان 2010

23-10-2011, 07:24 AM

الرويـس

23-10-2011, 07:28 AM

^
كيف عرف
ولا كيف تعرفين

تحملي تقولين ما فهمتي

ام السعف

23-10-2011, 07:30 AM

في اشياء تخلي الواحد يزعل وخاصه اذا كنت مظلوم او طلبت من واحد اي غرض معين ينتفخ عليك بس اشيل
في خاطري وبسرعة ارضى لاني مااحب اشيل شي في قلبي على احد اذا رب العالمين سبحانه وتعالى يسامح
واحنا شنو باالنسبة لرب العالمين ولا شي فاالواجب يكون التسامح موجود حتى لو كان الموضوع كبير الله

المستعان

يا بوسلمان ......> الحين انت زعلت من اللي تلقاه
يعرف انك زعلت من غير ما تتكلم ولا حرف ؟

واشلون تكتشف ان رفيجك الفلاني زعلان من غير ما ينطق ؟