استفسار :فيضانات تايلند نروح ولا مانروح

[العملة النادرة]

السلام عليكم ورحمه الله وبركاته

حابين نسال اهل الخبره في تايلند نروح ولا مانروح
حاجزين في اجازة العيد على تايلند
يقولون في فياضانات شسالفه
بعدين في ناس وايد حاجزه لدرجه لما تدخل على موقع القطرية يوم الخميس 3/11 ويوم الجمعه 4/11 فل

[Amal_QTR]

اقترح تكلم السفاره القطريه في تايلند تسالهم وهم يعرفون هالامور احسن

[العقل الحر]

الامر يرجع لك في الاول والاخير

وحتى لو اي شخص خبره لا يستطيع ان يجزم لك ماذا تفعل


والخيار لك فلا تنتظر احدا

[A l i]

واحد اعرفه مع هله راح يسوي فحوصات
يقول مافيه شي ... الفياضانات في شمال البلاد

[آلملآزم]

الله يستر عليكم أخوي وجميع أخواننا المسلمين
وهذا تحذير من وزارة الخارجيه والرأي الأول والأخير لكم

الدوحة في 20 اكتوبر /قنا/

دعت وزارة الخارجية المواطنين القطريين الراغبين في زيارة تايلاند خلال الفترة الحالية لاتخاذ التحوطات اللازمة نظرا لموجة الفيضانات التي تجتاح مملكة تايلاند مما يتطب اقصى درجات الحذر حفاظا على ارواحهم وممتلكاتهم.
وفي حالة تعرض أي مواطن لأي طارئ في تايلاند بسبب هذه الفيضانات ترجو الوزارة الاتصال بالسفارة القطرية في بانكوك على الهواتف التالية: هاتف رقم : 006626601111 فاكس رقم: 006626601100.

[Abdullah_89]

انا سألت السفارة وقالوا ان بانكوك مافيها شي مجرد امطار موسمية

اما الفيضانات والامطار الغزيرة في الجزر اللي عالاطراف

[Abdullah_89]

تم الاتصال بالسفاره اليوم الصبح

جميع المستشفيات لاتاخذ اي مرضى

الا ضحايا الفيضانات

محتمل وصول الفيضانات الى بانكوك هاليومين


للتواصل


006626601111

والله يحفظ الجميع

[CASIO]

يعتمد اخوي انت وين رايح في تايلند

انا من اسبوع راجع(اول مره اروح) كنت في بتايا وتشانغ ماي وفي المدينتين ماكان في شي لكن بانكوك غرقانه يعني عندي صور من الطياره ماتشوف شي غير الفيضانات

نصيحه لا تروح بتايا لأنها مع احترامي زباله ومدينه قائمه على الدعاره الله يعز الجميع

تشانغ ماي روعه من طبيعه ورحلات ومغامرات الصراحه وايد حلوه ورحلاتها وطبيعتها حلوه


تروح وترجع بالسلامه ان شاء الله

[رذاذ]

الله يستر صج واحد من الربع توه راد ويقول نفس الكلام

[تاجر]

هذا بلاء من رب العالمين .. والانسان ما يروح حق البلاء برجوله
انتظر لين يهدأ الوضع ومب طايره تايلاند .. وشوف لك بلاد ثانيه

وفي تحذير من كم يوم من السلطات التايلانديه لساكني بانكوك من وصول الفياضات للعاصمه ..

الله المستعان

[أبو بكر سالم]

والله انا قعدت في بانكوك٤ ايام مافيها ولا شي كلش وصار لي في بتايا ٣ ايام واراسلكم من بتايا مطر نص ساعه ويوقف مافيها سوالف فيضانات مافيها شي ون شا الله عقب باجر بوكت بنروح ولي حاجز لايتردد لان وانا في بانكوك اسال الي شغالين في المقاهي والمحلات يقولون بتايا اغرقت لين رحت والله مافيها ولا شي. واتصلت علي السفاره وانا في قطر قالوا فيضانات صراحة والله ماشفت شي . وسلامتكم

[Abdullah_89]

والله انا قعدت في بانكوك٤ ايام مافيها ولا شي كلش وصار لي في بتايا ٣ ايام واراسلكم من بتايا مطر نص ساعه ويوقف مافيها سوالف فيضانات مافيها شي ون شا الله عقب باجر بوكت بنروح ولي حاجز لايتردد لان وانا في بانكوك اسال الي شغالين في المقاهي والمحلات يقولون بتايا اغرقت لين رحت والله مافيها ولا شي. واتصلت علي السفاره وانا في قطر قالوا فيضانات صراحة والله ماشفت شي . وسلامتكم

يعطيك العافيه

ريحتني والله

ابي اودي الوالده حق علاج السرطان هناك فالمنستشفى الملكي وقالوا لي السفاره فيضانات

:omg:


الحين انت ريحتني الحمد لله

يعطيك العافيه :)

[Rashid554]

انا كنت معزم اروح اول ايام العيد بانكوك بس واقعد خمس ايام اريح راسي
لكن سمعت هالخبر من وقت وصوله وعلى طول كنسلت الخطه
لأن الي نشوفه بالاخبار والتحذيرات من حاكم تايلاند بنفسه هي الي تخليك تقعد في مكانك
وماضنتي في اغلى من الروح
فـ نصيحه كنسل لحد ما تعلن الحكومة التايلنديه با استقبال السياح

[بصمة قطرية]

المستشفيات في بانكوك
و بانكوك تأثرت وايد من الفيضانات ..
المستشفيات ما تستقبل مرضى من خارج تايلند
يعني الاوضاع ما تطمن
تجنبوا السفر في هالفترة ..

[قطري vip]

بس بانكوك اللي تضررت اما باقي المناطق ماعتقدفيها شي

[العملة النادرة]

الهدف من الذهاب لتايلند هو زياره العمة موجودة في مستشفى بنمغراد في بانكوك
وتم حجز التذاكر والسكن من شهر تقريبا لكن لو الوضع ما يطمن اكيد ما بنروح ولكم جزيل الشكر على الردود

[مستر راشد]

لاتروح

انا سامع لقاء مع السفير الاماراتي ومحذر مواطنين الامارات عدم زيارة تايلند الفتره الحاليا

اذا على سفارتنا في تايلند الله بالخير ولهم سوابق بالتوهق هههااي

[غير عنهم]

الله يستر عليكم أخوي وجميع أخواننا المسلمين
وهذا تحذير من وزارة الخارجيه والرأي الأول والأخير لكم

الدوحة في 20 اكتوبر /قنا/

دعت وزارة الخارجية المواطنين القطريين الراغبين في زيارة تايلاند خلال الفترة الحالية لاتخاذ التحوطات اللازمة نظرا لموجة الفيضانات التي تجتاح مملكة تايلاند مما يتطب اقصى درجات الحذر حفاظا على ارواحهم وممتلكاتهم.
وفي حالة تعرض أي مواطن لأي طارئ في تايلاند بسبب هذه الفيضانات ترجو الوزارة الاتصال بالسفارة القطرية في بانكوك على الهواتف التالية: هاتف رقم : 006626601111 فاكس رقم: 006626601100.

جزاهم الله خير خطوه ممتازه لتحذير المواطنيين قبل وقوع اي كارثه

[كازانوفا]

خذو الحذر هذه فياضانات وما اعتقد ان في شي بيمنعهاا من انهااا تتحرك لجنوب البلاد

[أبو بكر سالم]

الله يسلمك في فيضانات بس مملكه تايلاند تصرفت بتصريف الفيضانات علي اماكن حول بانكوك واغرقت المناطق الصغيره الي مب سياحيه انتوا عارفين لو مافي تصريف صح للمياه بتغرق بس اهم عندهم احتياطات اذا تصكر مطارهم من الفيضانات الاقتصاد الي سووه في عشر سنوات بيروح ففتحوا طريق علي المناطق الي مالها في السياحه وحولوها عليهم واغرقوا مساكين وبانكوك قلب تايلاند لو فتحوا لتصريف الفيضانات فيها على تايلاند السلام. واللة العظيم ماشفت اي شي للحين بالعكس تمطر نص ساعه في بتايا ربع ساعه ماتلاقي ولا قطره في شوارعهم وين يروح الماي مادري والحياه حلوه

[أبو بكر سالم]

جزاهم الله خير خطوه ممتازه لتحذير المواطنيين قبل وقوع اي كارثه

بالعكس حلو التحذير واهتمام الدوله بس لاني في تايلاند اوصل الوضع الي قاعد يصير للمنفعه العامه

[أبو بكر سالم]

عيوني لك يابوعبدالله واي شي تبي ان شا الله انا حاضر لك واخواني الاعضاء اي شي راسلني علي الرسال الخاصه

[s4qatar]

http://www.almosafr.com/forum/t45732.html

[alkaabi]

الوضع في بانكوك عادي لكن التحذيرات شغال من كل جهه

حتى المستشفى ياجماعة تخيلو اطلبو من المرضى المغادرة وانهم مايتحملون اللي راح يصير

الوالد تعبان ومنوم في المستشفى الامريكي والدكتور من امس يقول حق اخوي ياترجعون وبعيدن تكملون العلاج او ينقلونكم مستشفى بعيد عن الفيضانات

اتصل اخوي بالسفارة وقالهم الوالد تعبان ومانقدر نطلع قالو له ماعليك منهم هم يسوون هالطريقة علشان قد مايقدرون يخففون من المرضى اذا صار شي

يعني الدكتور يقول لاخوي احتمال الكهرباء تفصل

فيه ناس عايشة على الاجهزة وكل مستشفى عنده احتياطه وهذا اسلوب للضغط لتخفيف الزحمة

والله يعين

[4ui]

وصلت الفيضانات بس اطراف العاصمه

[الريمي قطر]

مرحباً أنا حاجزة يوم ٦ / ١١ الى تايلند يومين وبعدها بوكت
اروح والا لا ؟
شنو تنصحووني .. *

[العملة النادرة]

انا عن نفسي قررت اكنسل
الوضع مايطمن لان مو بس المشكله في الفيضانات ولكن مايخلفه الفيضان من تلوث
السفر كان 6/11

[بصمة قطرية]

الأوضاع ما تطمن في تايلند ..
و كل اللي اعرفهم حاجزين على تايلند الغوا السفر ..
اللي سمعته ان الفيضانات قربت من العاصمة بانكوك ..

الله يحفظ المسلمين في كل مكان ~

[الريمي قطر]

غيرت وجهه السفر من تايلند الى ماليزيا

[عازف العود]

المطار غرقان في تايلند بالتحديد بانكوك المحلات اغرقت البنوك اغرقت هههههههه عقاب من رب العالمين

[Abdullah_89]

رفيجي في تايلاند وامس راجع من بانكوك

نفس كلام الاخ ابوبكر سالم ان المطر يكون الظهر نص ساعه او ساعه ويوقف

ومافي مشاكل

والشي الثاني يقولي عادي الناس قاعده تجي وشارع العرب مليان خليجيين والسوق تمام

يعني انا حاجز اول يوم عيد وان شاء الله نتوكل على الله

[أبو بكر سالم]

توكل على الله وباقي من الحين لين العيد اسبوع في شي الاخوان مابيقصرون الي في تايلاند بيقولون وايد اقطريين اشوف يجون هل اليومين وانا صار لي تقريبا١٣ يوم ماشفت شي هو في فيضانات بس سالت واحد تايلاندي صدفه يقول انه كان في قطر ولعب في نادي في الاشبال ويتكلم عربي عدل ويعرف كل شي في قطر يقول الي قاعد يصير في تايلاند من فيضانات ولي تشوفونه في التلفزيون بينه وبين شارع العرب والمستشفيات تقريبا١٠٠ كيلو والله هذا رده لي اشوف انا عند المحلات الي قريب من قريس حاطين اكياس ومن هل الامور الاحترازيه للحيطه لان هل الشي ماجاهم من ٥٠ سنه . مراسلكم من تايلاند ابو بكر سالم

[Abdullah_89]

يعطيك العافيه اخوي ابوبكر سالم

طمنت الخايفين خخخخخخخخخخخخخ

[s4qatar]

انا عن نفسي قررت اكنسل
الوضع مايطمن لان مو بس المشكله في الفيضانات ولكن مايخلفه الفيضان من تلوث
السفر كان 6/11

أنا كانت سفرتي 30/10 الساعة 1 .. لغاية 11/11 والحين أجلت الى 20/11

الخوف ايضاً مش من تلوث بل من امراض

[Abdullah_89]

أنا كانت سفرتي 30/10 الساعة 1 .. لغاية 11/11 والحين أجلت الى 20/11

الخوف ايضاً مش من تلوث بل من امراض



توكل على الله وان شاء الله مافي شي

واللي الله كاتبه بيصير

اذا الله كتب لك تمرض فالدوحة بتمرض واذا الله كمتب لك تمرض هناك بتمرض

الوضع في بانكوك جدا عادي وامطار عاديه موسمسة والاخ أبوبكر سالم ماقصر معانا وعطانا الاكيد واهو توه راجع من هناك ممكن تراسله عالخاص وتستفسر منه

انا حاجز تاريخ 6 اول يوم العيد وان شاء الله باتوكل على الله وباروح

[بصمة قطرية]

توكل على الله وان شاء الله مافي شي

واللي الله كاتبه بيصير

اذا الله كتب لك تمرض فالدوحة بتمرض واذا الله كمتب لك تمرض هناك بتمرض

الوضع في بانكوك جدا عادي وامطار عاديه موسمسة والاخ أبوبكر سالم ماقصر معانا وعطانا الاكيد واهو توه راجع من هناك ممكن تراسله عالخاص وتستفسر منه

انا حاجز تاريخ 6 اول يوم العيد وان شاء الله باتوكل على الله وباروح

واللي ينعرض في التلفزيون في الاخبار ..!!!!
اذا كانت تايلند بنفسها محذرة من الامطار والفيضانات شلون الوضع عادي ..؟

و لا ترموا بأيديكم الى التهلكة ..

[بوخالد911]

العاصمة بعيدة عن المشاكل

المدن الللي قريبة من البحر
هي اللي راحت ووطي