المناطق التي سيتم تركيب بها الالياف الضوئية كيوتل

[Rashid554]

هذا الرابط للأخوه الي يسالون عن اماكن الالياف الضوئية الي بيتم تركيب الخدمه فيهم
دور بيتكم بالخريطة واعرف متى وقت التركيب من موقع كيوتل

اللون الاخضر : جاري التركيب
اللون الاصفر : التركيب بعد 3 شهور
اللون الازرق : التركيب بعد 6 شهور

اللغه العربية .

http://www.qtel.qa/QODPPortal/portal/qodp_portal_consumer_detail?_nfpb=true&detailId=DP_FTTX_AVAILABILITY_AR


اللغه الانجليزية

الي ماشتغل معاه الرابط

http://www.qtel.qa/QODPPortal/portal/qodp_portal_consumer_detail?_nfpb=true&detailId=DP_FTTX_AVAILABILITY_EN


الاخوان الي يواجهون مشكله بالدخول
أولاً ادخل موقع qtel.qa
بعدها اختار لغتك المفضله لنفرض العربيه
اغلق الصفحه بعدها
واختر رابط اللغه العربية الاول

====
في حال الانجليزية نفس الخطوات اختر اللغه الانجليزية بعدها اختر رابط اللغه الانجليزية الثاني

[بولينجر]

شكرا جزيلا اخوي راشد على الرابط.... طلعت المنطقة عندنا لونها اصفر.... الله كريم.... ان شاء الله توفي كيوتل بوعدها لاول مرة في تاريخها....

[استغفرالله]

ما طلعلي شي

[العقل الحر]

الشكر الجزيل لك اخي الكريم

على الافادة الاكثر من رائعه

وطلع بيتنا اصفر

[استغفرالله]

والمناطق الثانية متى بيتفضلون يحطون فيها فايبر

[رجل الجزيرة]

بس شوفوا فرق في السرعة:

http://www.qtel.qa/QODPPortal/portal/qodp_portal_consumer_detail?_nfpb=true&detailId=DP_FTTX_SPEEDS_AR#

[روح الاطلس]

ماطلع لي شي

[رجل الجزيرة]

بيتي لا يوجد في المخطط يمكن يكون بعد سنة والله اعلم.

[حامدمحمد]

ما طلع لي شي !!!!

[Rashid554]

الاخوان الي ماطلع لهم تفضلوا هالرابط

http://www.qtel.qa/QODPPortal/portal/qodp_portal_consumer_detail?_nfpb=true&detailId=DP_FTTX_AVAILABILITY_EN

[we-r-sawa]

ماطلع لي شي غير موقع كيوتل!!!

[حامدمحمد]

في وين الخريطة؟؟؟؟

[رجل الجزيرة]

ماطلع لي شي


تكون 3 ايكونات وهي: الالياف الضوئية من كيوتل وخدمات قطر الانترنت ونجوم
فإضغطي على الألياف الضوئية من كيوتل
وبتحصلين:
المزيد عن خدمة الالياف الضوئية من كيوتل
الصفحة الرئيسية للألياف الضوئية
نظرة عامة
أدوات التأكد من توفر خدمة الألياف الضوئية
بدء الاتصال
الباقات المتوفرة والأسعار
محاكاة السرعة
موزايك تي في عبر الألياف الضوئية من كيوتل
أسئلة متكررة

وإضغطي على:
أدوات التأكد من توفر خدمة الألياف الضوئية

وإنزلي شوي من الصفحة وإنتظري ثواني علشان التحميل وبتشوفين صور مثل إرث جوجل وشوفي الألوان الأخضر والأصفر والأزرق.

[Rashid554]

اشكر الجميع ع المرور :)

وتم التوضيح با اعلى الموضوع
وكانت المشكله اللغه المختاره من قبلك والرابط الي فوق للي مختارين عربي بس
وتم اضافه الانجليزي

[رجل الجزيرة]

ماطلع لي شي غير موقع كيوتل!!!

شوف ردي رقم 13

[استغفرالله]

دوروا موقع الفايبر بعدين بتلقون على اليمين لستة اختاروا فايبر افيلابيليتي http://www.qtel.qa/QODPPortal/portal/qodp_portal_consumer_detail?_nfpb=true&detailId=DP_FTTX_AVAILABILITY_EN#

[رجل الجزيرة]

في وين الخريطة؟؟؟؟

شوف ردي رقم 13

[..er..]

اللي ماطلع لا ازرق ولا بنفسجي ولا اسود

اقصى حد ست شهور

والظاهر منطقتنا لا ست شهور ولا اربع سنين
شسالفه :(

[Rashid554]

er
اذا منطقتك مافيها ولا لون انتظر للتحدث اليديد بس اكيد عقب 6 شهور

[..er..]

er
اذا منطقتك مافيها ولا لون انتظر للتحدث اليديد بس اكيد عقب 6 شهور

خلني اكذب على روحي واقول ..

خلني على مجنوني لايجيني اجن منه :omen2:

[شميرام]

ما يطلع الا موقع كيوتل

[رجل الجزيرة]

ما يطلع الا موقع كيوتل

شوف ردي رقم 13

[HotBlood]

وهل الخور مالهم رب يعني والا شنو

[غابت الشمس~]

اللي داخلين من الايباد والايفون ماراح تطلع لهم الخريطه

[STAR]

الوكرة مافيها شي..!!

والوكير فيها اللون الازرق ><

[شيزكيك]

اللون الاصفر : التركيب بعد 3 شهور

[sendarala]

ابي اعرف بيتنا متى بيكون في المخطط ؟؟؟


الاماكن الفاضية ما راح يشوفون هذا التركيب ولا شنو السالفة ؟؟؟؟؟؟؟


والله حراااام بيتنا مب موجود مع الباقي

[we-r-sawa]

الاخوان الي ماطلع لهم تفضلوا هالرابط

http://www.qtel.qa/qodpportal/portal/qodp_portal_consumer_detail?_nfpb=true&detailid=dp_fttx_availability_en

مشكووووووووور يالغالي ضبطت الحين معاي وطلعت منطقتنا مافيها أي لون من الألوان الثلاثة خير شر!!
وعسى ماشر!!!

[روح الاطلس]

كنت داخلة من الايفون عشان جذي ماطلع شي

منطقتنا بعد ست شهور :(

[we-r-sawa]

وهل الخور مالهم رب يعني والا شنو

شكلنا في الهوا سوا....اللون رمادي:thumbdown:

[الدوحة قطر]

للاسف فريجنا شكله مطول لاهو اخضر ولا اصفر ولا ازرق

الله كريم

[MoTeC]

اول شي يعطيك العافيه والحمدلله المشاف بعد 6 شهور وماعندي مشكله انطر خخخخ
اما الناس اللي ماطلع عند منطقتهم شي ينطرون بعد 3 شهور اعتقد بيجددونها لأن بيكون الاخضر مخلصين منهم والاصفر بيصير اخضر والازرق بيصير اصفر وهكذا ان شاءالله فهمتوا

[الـقـاسـي]

شدعوه اللون الازرق شاطف بيتنا شطف ابيوت اللي مقابلتنا وبينا وبينها شارع فرعي بيركبون لها واحنا كلنا في نفس المنطقه مراح يربكون لنا

[حمد بن سعد]

ولا لون صوب بيتنا هههههههههههههههه

[بعيد النظر]

كاتبين عقب 6 شهور ..
واتوقع بعد سنة و 6 شهور !!



ننطر ونجوف

[جمال اليافعي]

ما يصير جذي ....... الحين مبنى المرور المركزي الجديد في الجنوبيه جنب بيتنا ... ما يصير داخليه بدون فيبر خخخخ

[بوحمد1]

وصلت الخدمة عند مدخل ام صلال محمد ووقفت هههههههههههههههههههههههه والله قراده :(

ننطر غصب ونشوف وش اللي يصير ..................

[أخت التفاؤل]

مافي فالمعموره ههههههههههه

[Rashid554]

وصلت الخدمة عند مدخل ام صلال محمد ووقفت هههههههههههههههههههههههه والله قراده :(

ننطر غصب ونشوف وش اللي يصير ..................


هههههههههههههههههههههههههههههههههههههههههههههههههه ههههه

[أخت التفاؤل]

اول شي يعطيك العافيه والحمدلله المشاف بعد 6 شهور وماعندي مشكله انطر خخخخ
اما الناس اللي ماطلع عند منطقتهم شي ينطرون بعد 3 شهور اعتقد بيجددونها لأن بيكون الاخضر مخلصين منهم والاصفر بيصير اخضر والازرق بيصير اصفر وهكذا ان شاءالله فهمتوا

ننطر .. شورانا :(

[FCB 123]

الاخوان الي ماطلع لهم تفضلوا هالرابط

http://www.qtel.qa/qodpportal/portal/qodp_portal_consumer_detail?_nfpb=true&detailid=dp_fttx_availability_en

الوكرة مب مبين فيها شي ؟؟ يعني منسية ولا شسالفة ؟

[جراسا]

مسيمير غير مشمولة بعد؟؟!!!!

[NeverLand]

الانترنت صار خيااالي وسريع من قلب .. احس نفسي كنت عايش بالعصر الجاهلي قبل الالياف الضوئيه

بس هذيلا موظفين كيوتل اللي يدخلون البيوت ويركبون الالياف الضوئيه حدهم قليلين ادب .. يدشون ويطلعون من غرفه لغرفه بالبيت وكأنه بيت ابوهم .. كنت توني راد من الشغل ومسكر باب غرفتي مسترخي عالسرير ماوعيت الا اللي مبطل الباب ومدرعم بدفاشه تخرعت @@ كلنا تضايقنا منهم

بس الخدمه روعه وصج فرق عن اول

[ثابت]

بصراحة النت صار طيارة مشاء الله

شكرا كيوتل على الخدمة الطيبة هذي

[بوخالد911]

ولا لووون صوووب فريجنا

أحتجججججججججج وبقووووووووووة

:(

[NeverLand]

اما في مناطق بتطول وتاخذ اكثر من 6 شهور!!

الله يعينكم عالنطره

كيوتل المفروض تكون اسرع من جذي!!

[basma222]

الخيسة مب مبين فيها شي

[Rashid554]

الله يعينكم يالي مو مبين عندكم شي

وان شاء الله كيوتل قالت خلال نهايه عام 2012 بتخلص كل مناطق قطر

< منطقته مافيها شي

[ام ناصر1]

انا مش مقتنعة بادخال الخدمة ، ايش الفايدة منها .....؟!
حد جربها

[فرحة الكواري]

احنا من المناطق الخضراء .. ولحد الآن ماوصلوا لنا

يمكن عالطريج .. ^_^

[BoAof]

زين والله طلع اصفر :)

[nor85]

إحنا ركبوا عندنا

[حليتان*]

منسيه منسيه

الله كريم :(

[qatari911]

منسيه منسيه

الله كريم :(

يهون الجرح الاليم:weeping::weeping:

[basma222]

إحنا ركبوا عندنا


الانترنت صار خيااالي وسريع من قلب .. احس نفسي كنت عايش بالعصر الجاهلي قبل الالياف الضوئيه

بس هذيلا موظفين كيوتل اللي يدخلون البيوت ويركبون الالياف الضوئيه حدهم قليلين ادب .. يدشون ويطلعون من غرفه لغرفه بالبيت وكأنه بيت ابوهم .. كنت توني راد من الشغل ومسكر باب غرفتي مسترخي عالسرير ماوعيت الا اللي مبطل الباب ومدرعم بدفاشه تخرعت @@ كلنا تضايقنا منهم

بس الخدمه روعه وصج فرق عن اول


بصراحة النت صار طيارة مشاء الله

شكرا كيوتل على الخدمة الطيبة هذي




وين منطقتكم

[العنيده]

إحنا اليوم ركبوا عندنا

[Rashid554]

بالتوفيق للجميع
وياريت تخبرونا اذا شغلو الخدمه ولا للحين بالنسبه للي ركبو لهم
وبخصوص البيوت الي فيها اكثر من راوتر على رقم واحد ياريت تقولون لنا شصار وياكم

[qatara]

ركبوها عند واحد من الربع وشغاله لاكن ليست مشبوكه على النت
وعنده شبكه لينك سيس يقول ان ارسال اللينك سيس اقوا من جهاز كيوتل من ناحيه قوة الارسال

[خوي الدرب]

ياخوي
دخلت الموقع ولا لقيت هذا اللي تقول عنه
أحمر وازرق واخضر

[Exclusiveperfumes]

تم الانتهاء من تركيبه في منزلي من نحو 3 اسابيع

وفي انتظار التشغيل

[basma222]

كل واحد ركبوا عنده يقول اسم المنطقة

[أخت التفاؤل]

المعمورة مافي:weeping::weeping:

[fhd4]

منطقتنا تحولت إلى اللون الأخضر ... "يتم تركيب خدمة الألياف الضوئية" ...

:nice:

[أخت التفاؤل]

للحين المعمورة خالية من اي اصباغ

[رجل الجزيرة]

للحين المعمورة خالية من اي اصباغ


يعني بعد 6 شهور.

[Navigator 85]

بكرة راح يركبون الخدمة في بيتنا

صار لهم كم يوم شغاليين في فريجنا

[بـارود]

منطقة - الثمامة 47 - الأسبوع الجاي ..

[Ussop]

بالثمامة تم تعليق بروشورات على بيتنا والبيوت الي حولنا تفيد بأنه سوف يتم تركيب الخدمة خلال أسبوع.

بس الظاهر إن التركيب شيء والتشغيل شيء ثاني، لكن ما أعتقد إن التشغيل بيستغرق مدة طويلة بعد التركيب :)

عاد أهم شيء راح يتم الاستفادة منه في السرعة الجديدة وخاصة أرتفاع الـ Upload Speed هو ألعاب الشبكات Online Gaming، لأن كل ما عدا ذلك من الـ Download Speed السرعات الحالية تكفي فيه وتوفي.

وأتمنى أي شخص تم تشغيل الخدمة عنده يدخل موقع SpeedTest ويعرض لنا قراءة السرعة مع خدمة الألياف الضوئية.

وبالتوفيق للجميع.

[المسك1969]

خلهم ينضبطون في مواعيدهم أول

مرتين يطلبون موعد عشان اييون يركبون ونوافق ولا نشوف أحد على اليوم والوقت المتفق عليه

[شيزكيك]

بيت هلي في الدحيل وتم التركيب وبيتي في الخريطيات تم التركيب تقريبا من اسبوعين والتركيب تقريبا ياخذ ساعتين

[القطرية1]

بيتنا فالدفنه
جاء الموظف من شهر وعطانا الابلكيشن انمليه
ولما رجعت الخدامه اتردله الابلكيشن ما لقت الموظف
اتصلت لهم قالوا لي انهم يبون يعيدون تخطيط الدفنه لانه بعض المناطق اللي ركبوا لهم الخدمه طلعت عليها ازاله
وانطر ليما يعيدون التخطيط

هل هذا حصل لاهل الدفنة ؟
هل حد بالدفنه ركبوا له الخدمة ؟ متى ؟ هل في شهر 10 او قبل؟
*

*

[Mariam]

تم التركيب قبل حوالي شهر - الخيسة
بس متى بيكون التفعيل؟

[Navigator 85]

تم التركيب اليوم

وعلى كلامهم التفعيل بعد 3 اسابيع

[قلبى طيب]

اى منطقه الشيخ اللى ركبول لك فيها

[Navigator 85]

اى منطقه الشيخ اللى ركبول لك فيها

المنطفة بوهامور

مقابل النادي العلمي القطري

[basma222]

تم التركيب قبل حوالي شهر - الخيسة
بس متى بيكون التفعيل؟

احنا في الخيسة ولا احد مرعلينا ولا ركبوا لي شىء

[رجل الجزيرة]

يا مشرفينا الغالين:

الله يرحم والديكم نرجوا التثبيت.


على حسب المكتوب في موقع كيوتل:

تكون على مرحلتين وهي الأولى:
بعد تجهيز منطقتك بشبكة الألياف الضوئية، سنترك لك في منزلك بعض المعلومات الهامة. وهذا يشمل استمارة موافقة يجب أن تكون موقعة من قبلك وذلك للموافقة على قيام فريق كيوتل بإعادة تمديد وتركيب المعدات. ويجب أن تكون الاستمارة موقعة من ساكن العقار.

والثانية:

عادة ما تكون الزيارة الثانية بعد الزيارة الأولى ببضع أسابيع وذلك لتجهيز المنطقة. وسنقوم بالاتصال بك لتحديد موعد نهائي. وسيعود فريقنا لتوصيل الجهاز الجديد وإعطاء شرح عنه. وسيطلب منك التأكد من عمل الأجهزة قبل مغادرتنا مقرك.

وإليكم الرابط:

http://www.qtel.qa/QODPPortal/portal/qodp_portal_consumer_detail?_nfpb=true&detailId=DP_FTTX_GETTING_CONNECTED_AR&lang=ar#

[بولينجر]

شباب شكثر انتظرتوا من يوم ما صارت منطقتكم خضرا لين جاوا البيت عندكم؟ احنا المنطقة خضرا لكن لا زيارة ولا علقوا ورقتهم....

[fhd4]

شباب شكثر انتظرتوا من يوم ما صارت منطقتكم خضرا لين جاوا البيت عندكم؟ احنا المنطقة خضرا لكن لا زيارة ولا علقوا ورقتهم....

نفس حالتك ..

صار لها شهر منطقتنا خضرة ... وللحين ما جاوا ..

[ضوى]

احنا منطقة مسيمير وركبوا لنا من اسبوع وقالوا الخدمة بتشتغل بعد شهر ، بس سؤال هل هالشغلة عليها رسوم اضافية ؟؟

[basma222]

التركيب حسب البداله مو المنطقة

[شموخ دائم]

,


,



مرحبا

حصلت سياره كيوتل امام باب البيت في مدينه الخور
وقالي بنركب لكم خلال شهرين مع ان مدينه الخور ما عليها ولا لون بالخريطه
:)

الظاهر بيركبون قطر كلها خلال 4 شهور بالكثير

,

,

اخوك

شموخ دائم

[rarayyan]

ممكن احد الاخوان الأعزاء يضع لنا صورة من المناطق التي تم وسيتم تركيب الالياف الضوئية في قطر وذلك لأنة لايوجد معي الا الاي باد وانا خارج قطر
وشكراًًً

[ماجد]

,



مرحبا

حصلت سياره كيوتل امام باب البيت في مدينه الخور
وقالي بنركب لكم خلال شهرين مع ان مدينه الخور ما عليها ولا لون بالخريطه
:)

الظاهر بيركبون قطر كلها خلال 4 شهور بالكثير

,

,

اخوك

شموخ دائم

الخور عليها لون في الخريطة صوب الذخيرة

واعتقد تحديدا صوب المجمع السكني حق

قطر غاز وراس غاز
,

[fhd4]

ممكن احد الاخوان الأعزاء يضع لنا صورة من المناطق التي تم وسيتم تركيب الالياف الضوئية في قطر وذلك لأنة لايوجد معي الا الاي باد وانا خارج قطر
وشكراًًً

http://img31.imageshack.us/img31/2853/79229915.jpg

http://www.qtel.qa/idc/groups/public/documents/document/mappakey.jpg

[ماجد]

استفسار ياشباب كيوتل المناطق اللي شمال ام صلال محمد مثل امصلال علي وام

العمد متى راح يكون التركيب؟؟؟؟؟؟؟؟؟؟؟؟؟

[الكبير الله]

انا الثلاثاء الساعة 11 صباحاً (معيذر)

[امـ حمد]

جزاك الله خير

[basma222]

الخيسة اى لون متى التركيب

[بوجاسم566]

انا ركبوا لي الجهاز من شهر تقريبا

وانطر التفعيـل

[فريج النجادة]

منطقة دحيل متى جايهم الدور

[Rashid554]

اخوي فريج النجاده
اذا منطقتك ماعليها لون بعد 6 شهور

[فريج النجادة]

اخوي فريج النجاده
اذا منطقتك ماعليها لون بعد 6 شهور

عليها لون اصفر

[بوخالد911]

احنا بعد 6 شهورر

[قطري vip]

في احد فعلو له الخدمه علشان انعرف مستوى السرعه ياليت اذا حد عنده خبر كم السرعه عنده بدل مانسمع من كيوتل عن سرعه يمكن ماتكون اكيده

[Rosso]

متى بيتفعل؟

[nor85]

منطقة دحيل متى جايهم الدور

دحيل والخريطيات ركبوا لهم

[Mariam]

الخيسة اى لون متى التركيب


ركبوا لنا من شهر تقريباً في الخيسة .

[basma222]

ركبوا لنا من شهر تقريباً في الخيسة .

واحنا ليس ما ركبواا لنا

[القطرية1]

حنا جا لنا الموظف من اكثر من شهر وعطانا الابلكيشن
بعد ما مليناه رجعته الخادمة للموظف اللي كان ينتظر عند باب البيت .. الا اننا نفاجأ بان الموظف ذهب وترك الابلكيشن عندنا .
اتصلنا لهم قالوا الدفنه بعض البيوت تحت الازاله وعلينا عمل مسح جديد ..وانتظروا

هل حد بالدفنه منطقة 67 جنب مدرسة جوعان والبيان ركبوا لهم

شكرا لكم

[Rashid554]

عليها لون اصفر


بعد 3 شهور على كلامهم

[Rashid554]

على حسب اعلان كيوتل الغير صريح بموقعهم ان السرعات بتكون 3 باقات
الباقات 10 / 50 / 100 ميغا بايت

[fhd4]

من مصادر مطلعة في كيوتل ... ستكون الترقية كالتالي ...

اللي سرعته 8Mbps ... سيتم ترقيته إلى سرعة 100Mbps ... بنفس السعر 600 ريال في الشهر ..

اللي سرعته 4Mbps ... سيتم ترقيته إلى سرعة 50Mbps ... بنفس السعر 400 ريال في الشهر ..

أما السرعات 1Mbps و2Mbps سيتم دمج الباقتين وترقيتهم إلى 10Mbps ...
أما بالنسبة للسعر فالأغلب أنه سيكون 200 ريال في الشهر ..

[الجوكر90]

احنا ركبوا لنا فالبيت التوصيلات
بس باقي من برع يكملون
ويبيلهم فتره بسيطه
اقصد الثمامه
وبالتوفيق

[bu 3li]

احنا فـ ازغوى ركبوا لنا بداية شهر 10 .. وعلى كلام الفني خلال شهر بتشتغل الخدمه
ولين اليوم اشوف النت مثل ماهو ماتغير عليه شي واشتراكي اللي 300 فـ الشهر

ولو كان اشتراكي 2 ميغا ولا 1 .. ودمجوا الباقتين وصار 10 المفروض الاحظ فرق
لكن للأسف مثل ماهو .. مادري النت مافرق شي ولا الخدمه ماتفعلت لي الحين !!!

[Rashid554]

احنا فـ ازغوى ركبوا لنا بداية شهر 10 .. وعلى كلام الفني خلال شهر بتشتغل الخدمه
ولين اليوم اشوف النت مثل ماهو ماتغير عليه شي واشتراكي اللي 300 فـ الشهر

ولو كان اشتراكي 2 ميغا ولا 1 .. ودمجوا الباقتين وصار 10 المفروض الاحظ فرق
لكن للأسف مثل ماهو .. مادري النت مافرق شي ولا الخدمه ماتفعلت لي الحين !!!

بوعلي للحين الخدمه ما تفعلت :)

[Rashid554]

تم تحديث الخريطة بتاريخ 27/11

[Ussop]

من مصادر مطلعة في كيوتل ... ستكون الترقية كالتالي ...

اللي سرعته 8Mbps ... سيتم ترقيته إلى سرعة 100Mbps ... بنفس السعر 600 ريال في الشهر ..

اللي سرعته 4Mbps ... سيتم ترقيته إلى سرعة 50Mbps ... بنفس السعر 400 ريال في الشهر ..

أما السرعات 1Mbps و2Mbps سيتم دمج الباقتين وترقيتهم إلى 10Mbps ...
أما بالنسبة للسعر فالأغلب أنه سيكون 200 ريال في الشهر ..

جميل جداً ... يعني سرعتي بتكون 100Mbps :nice:

وعليه راح تكون
سرعة الـ Download ... سرعة الباقة (100 ميجا) تقسيم 8 = 12.5 ميجا
وسرعة الـ Upload ... سرعة التحميل (12.5 ميجا) تقسيم 8 = 1.5 ميجا
ممتاز! :)

[أخت التفاؤل]

المعمورة والريان بنات البطة السودة:weeping::weeping:

[عايش عمره]

تم تحديث الخريطة بتاريخ 27/11

وللحين الوكره مالهم حس :weeping:

[رجل الجزيرة]

واحد من أخواني من سكان المعيذر الجنوبي ركبوا في بيته أكثر من 4 ساعات الرئيسي تحت والوايرلس في الطابق الثاني وقالوا له إن تشغيله بعد شهر.

[ALJokar]

واحد من أخواني من سكان المعيذر الجنوبي ركبوا في بيته أكثر من 4 ساعات الرئيسي تحت والوايرلس في الطابق الثاني وقالوا له إن تشغيله بعد شهر.

انا بعد ركبوا لي مثل الويرلس 2 سود جنب بعض في البيت الداخلي الخط الرئيسي هناك وانا في ملحق جنب البيت الي فيه الانترنت برقم ثاني

فما ادري لازم يكون التركيب في مجمع الخطوط في البيت او المكان الي فيه الانترنت والخدمه


لان وقت التركيب كنت بالدوام ولا عطونا خبر كيوتل ولا حصلت اي ورقه برا البيت ينبهونا بس جاو وركبوا خليت الدريول معاهم

[basma222]

انا بعد ركبوا لي مثل الويرلس 2 سود جنب بعض في البيت الداخلي الخط الرئيسي هناك وانا في ملحق جنب البيت الي فيه الانترنت برقم ثاني

فما ادري لازم يكون التركيب في مجمع الخطوط في البيت او المكان الي فيه الانترنت والخدمه


لان وقت التركيب كنت بالدوام ولا عطونا خبر كيوتل ولا حصلت اي ورقه برا البيت ينبهونا بس جاو وركبوا خليت الدريول معاهم

وين منطقتك

[Riku3]

احنا ركبوا لنا فالبيت التوصيلات
بس باقي من برع يكملون
ويبيلهم فتره بسيطه
اقصد الثمامه
وبالتوفيق

هلا والله بالجار p: ..

ركبوا عندنا من شهرين تقريباً وقالوا التشغيل بعد شهر .. وللحين ماصار شي @_@ ..

بس حرام الفارق كبير بين الفئة الاولى والثانية مع ان الفرق ضعف المبلغ فقط .. كان المفروض تكون 25 و 50 و 100

[قلبي الطيب]

يعني الروضة اللي مسمينها الثمامة والهلال ونعيجة اللي حولينا كلهم بيركبون أو يركبون لهم فايبر بس احنا في المطار القديم لا على الاقل حطونا بلون ازرق هم راضيين

[النهار]

شكرا كيوتيل

[Chambray]

في اوروبا والعالم
اذا مدولك خدمة الفيبر يعني انت تتمتع بانترنت فائق السرعه تصل حتى 100 ميغا بنفس سعر اشتراكك السابق

ولكن كيوتل راح تقسم اسعار الانترنت
وتخلي ال 10 ميغا بسعر
و 50ميغا بسعر
و 100 ميغا بسعر

وهذا الي متوقع من كيوتل

متى بتفتح شركة منافسه لكيوتل لتقديم خدمات الانترنت

في فرنسا

اكثر من 8 شركات متخصصه في تقديم خدمة الانترنت

http://www.numericable.fr
http://free.fr
orange.fr
sfr.fr
www.bouyguestelecom.fr/
الخ الخ الخ

شركات منافسه
وكلهم يشترون الخط من فرانس تليكوم الي هي نفس كيوتل
وتعيد تأجيره للمشترك ..

[البوررصة]

من اول مافتوا صفحة الفايبر اوبتك وانا اشوف منطقتنا باقيلها 3 شهور ومروا 6 شهور

[♫ احسـاسـ طفلـهـ ♫]

في مناطق ما تم ذكرها نفس الغرافه والدفنه واللقطه و الريان ؟؟


حد يعرف هالمناطق متى بيتم التركيب فيها ؟؟


وثاني شي بصراحه ظلم يا كيوتل شدعوه اللي اشتراكهم 200 بالشهر بيصير 10 بس واللي 300 بيصير 50 وال600 بيصير 100 ؟؟ فرق كبير جداااااااااااااااااااااااااااااااااااا وكانه بو 200 ولد الطراره شدعوه مب شي جي فيه اجحاف كبير وخصوصا انه الفرق بس 100 ريال بينه وبين الخدمه الثانيه بو 300 وسرعتها 50 ؟؟ ما تهدون سوالفكم يا كيوتل هههههههه :tease: ..

[saddawi4ever]

كيوتل قالوا انه الخدمة بتكون شغالة اخر السنه ولكن لحد الان ماشتغلت

ومفروض الزيادة تكون بنفس السعر الحالي للجميع

[alsahm 12]

كان مفروض من كيوتل ان تجعل السرعه 100.... بسعر 200 ريال ... بدون وضع فوارق ... اهم شيء الاسعار لان الكل بيشترك

[كبير المتداولين]

طلع لون بيتنا احمر ههههههه. اكيد 2022

[Anas_G]

ما فهمت المناطق الي مافيها الوان مثل المطار ما راح يركبون فيها

[كروشيه]

تم التركيب يوم الخميس - عين خالد

[للصبر اخر]

بس شوفوا فرق في السرعة:

http://www.qtel.qa/qodpportal/portal/qodp_portal_consumer_detail?_nfpb=true&detailid=dp_fttx_speeds_ar#

هههههههههههههههههه
ركبو عندنا
قبل كنت اسوي ابديت للايفون في 4 ساعات ان كثرو 6
الحين خذ مني 28 ساعه
بعد ماركبو الخدمه
وازيييدك
لما انزل اي برنامج ولا جهاز بالبيت يشبك بالواير لس الا لما يخلص البرنامج او الشي اللي انا اسويله داون لود
وبعديين يشبكون الباقي
وصار الواير لس مايوصل لمسافات بعيده
يعني اقعد عند المودم
الله المستعان

[khalid Qtr]

تم التركيب قبل اسبوعين والى الان ما اشتغل - معيذر الجنوبي ..

[للصبر اخر]

الانترنت صار خيااالي وسريع من قلب .. احس نفسي كنت عايش بالعصر الجاهلي قبل الالياف الضوئيه

بس هذيلا موظفين كيوتل اللي يدخلون البيوت ويركبون الالياف الضوئيه حدهم قليلين ادب .. يدشون ويطلعون من غرفه لغرفه بالبيت وكأنه بيت ابوهم .. كنت توني راد من الشغل ومسكر باب غرفتي مسترخي عالسرير ماوعيت الا اللي مبطل الباب ومدرعم بدفاشه تخرعت @@ كلنا تضايقنا منهم

بس الخدمه روعه وصج فرق عن اول

عيل ليش احنا بطيء
انا احتجججججججججججج

[رجل الجزيرة]

كلمتهم من إسبوع إلي طاف وعقب الشين حولوني على قسم الألياف الضوئية فقالوا لي: من شهر ونصف إلى شهرين بيركبونه في بيتنا.

[saddawi4ever]

تم التركيب اليوم وقالو تشغيل الخدمة بعد شهرين !!!!

الخريطيات

[Khaber]

كلمتهم من إسبوع إلي طاف وعقب الشين حولوني على قسم الألياف الضوئية فقالوا لي: من شهر ونصف إلى شهرين بيركبونه في بيتنا.

على أي رقم كلمتهم؟

[chillis]

ركبوا لنا بس قالوا بيشتغل بعد شهرين :(

[بصمة قطرية]

ركبوا لنا بس ما كلمتهم للحين ..
لاحظت الواير لس صار اسرع ~

[قلبى طيب]

بصمه اى مكان ركبوا لكم فيه

[kitmat]

انزين احنا ركبو لنا بس متى بيشغلونه وهل بندفع فلوس زيادة

[chillis]

http://im16.gulfup.com/2011-12-29/1325184796491.jpg (http://www.gulfup.com/show/Xkxf88819euu)
هذا شكله

بس مثل ماقلت يبيله شهرين لين يشغلونه

[بصمة قطرية]

بصمه اى مكان ركبوا لكم فيه

مريخ ..

[رجل الجزيرة]

على أي رقم كلمتهم؟

آسف ما كنت منتبه لردك: أنا قلت حولولني عن طريق بدالتهم إلي هي: 111

[بوعلي2]

مدينة الرويس متى بيركبون فيها ان شاء الله ؟

سنة كم

[أخت التفاؤل]

المعمورة للحين مافيها ألوان =(

[قلبى طيب]

الرويس يمكن مع كاس العالم

[بوجاسم566]

هلا والله بالجار p: ..

ركبوا عندنا من شهرين تقريباً وقالوا التشغيل بعد شهر .. وللحين ماصار شي @_@ ..

بس حرام الفارق كبير بين الفئة الاولى والثانية مع ان الفرق ضعف المبلغ فقط .. كان المفروض تكون 25 و 50 و 100


:discuss: نفس الحالة ركب لي المهندس و قالي شهر 12 بتتفعل

ولين اليوم ما اشتغلت الخدمة

[OREO]

لحد الان الخدمه غير مفعله في جميع انحاء قطر رغم السستم شغال في كيوتل ،،

سبب تأخير بث الخدمه للجمهور ،، كيوتل منتظرين المجلس الاعلى للاتصالات (ict qatar) تعطيهم الموافقه ببدئ بث الخدمه ،،


مستغرب من بعض الردود اللي قالوا بأن الخدمه شغاله عندهم ،، :rolleyes2:

[رجل الجزيرة]

الرويس يمكن مع كاس العالم

يا رجال لا تحطم خوينا/ أبوعلي2.
:weeping:

[رجل الجزيرة]

لحد الان الخدمه غير مفعله في جميع انحاء قطر رغم السستم شغال في كيوتل ،،

سبب تأخير بث الخدمه للجمهور ،، كيوتل منتظرين المجلس الاعلى للاتصالات (ict qatar) تعطيهم الموافقه ببدئ بث الخدمه ،،


مستغرب من بعض الردود اللي قالوا بأن الخدمه شغاله عندهم ،، :rolleyes2:

كأني قريت بعض الردود إنها شغالة تجريبية.

[OREO]

كأني قريت بعض الردود إنها شغالة تجريبية.

ما عليك منهم اخوي رجل الجزيرة ،، الخدمه بعدها ما تفعلت في ولا بيت ،،

[رجل الجزيرة]

ما عليك منهم اخوي رجل الجزيرة ،، الخدمه بعدها ما تفعلت في ولا بيت ،،

جزاك الله خير على التوضيح.

[chillis]

احنا من شهر ركبوا لنا بس الخدمه مهب شغاله قال يعد شهرين

[ام السعف]

من الملاحظ ان البيت فيه اكثر من خط تلفون ،، فالتركيب يتم على اي خط ؟

فهل يتم التركيب على الخط اللي يوصلون له الفنيين ،، والا لازم
تحديد الخط اللي نبي نركب عليه الشبكة ؟

والا البيت بكبره يكفيه شبكة وحدة ؟

اسئلة اتمنى الحصول على اجوبة لها ،،

[بصمة قطرية]

من الملاحظ ان البيت فيه اكثر من خط تلفون ،، فالتركيب يتم على اي خط ؟

فهل يتم التركيب على الخط اللي يوصلون له الفنيين ،، والا لازم
تحديد الخط اللي نبي نركب عليه الشبكة ؟

والا البيت بكبره يكفيه شبكة وحدة ؟

اسئلة اتمنى الحصول على اجوبة لها ،،

شبكة وحدة تكفي
و يفل تكون في الخط الرئيسي للتلفون ..
انا عندي خط تلفون واحد في مكانين
الأول الرئيسي ما يشتغل من سنين
و الثاني شغال
اختاروا الأول و ركبوا عليه ..

[رجل الجزيرة]

طيب وإذا عندي البروندباند فهل هو بيشتغل على الألياف الضوئية عن الوايرلس، بس بغيت التوضيح ولا عليكم أمر.

[ام السعف]

شبكة وحدة تكفي
و يفل تكون في الخط الرئيسي للتلفون ..
انا عندي خط تلفون واحد في مكانين
الأول الرئيسي ما يشتغل من سنين
و الثاني شغال
اختاروا الأول و ركبوا عليه ..

اهاااا

متشكرة اوي خالص :shy:

[بصمة قطرية]

اهاااا

متشكرة اوي خالص :shy:

العفو :)

[بولينجر]

واللي عنده حاليا اكثر من اشتراك برق.... بيركبون له لكل واحد والا بيكتفون بواحد؟

[AL.SHMOKH]

شكرا عالافادة

[رجل الجزيرة]

واللي عنده حاليا اكثر من اشتراك برق.... بيركبون له لكل واحد والا بيكتفون بواحد؟

على ما أعتقد بيركبون جهاز واحد وبالجهاز فيه وايرلس يوسع البيت كله.

[Khaber]

آسف ما كنت منتبه لردك: أنا قلت حولولني عن طريق بدالتهم إلي هي: 111

جزاك الله خير

[Khaber]

واللي عنده حاليا اكثر من اشتراك برق.... بيركبون له لكل واحد والا بيكتفون بواحد؟

المفروض كل خط يحولونه لفايبر،، وننتظر التأكيد من الأخوه

[بولينجر]

على ما أعتقد بيركبون جهاز واحد وبالجهاز فيه وايرلس يوسع البيت كله.
ان شاء الله ما يكون هذا الكلام صحيح...

[بولينجر]

المفروض كل خط يحولونه لفايبر،، وننتظر التأكيد من الأخوه
نعم هذا هو المفروض.... لكن لازم أتأكد من الاخوان اللي ركبوا عندهم....

[فريج النجادة]

متى دور منطقة دحيل

[ام السعف]

نعم هذا هو المفروض.... لكن لازم أتأكد من الاخوان اللي ركبوا عندهم....

احنا عندنا شبكتين برق ،، ما اسألوا الا عن الخط الرئيسي وركبوا عليه وراحوا :telephone:

سألت احد المتوسعين في هالمجال ،، قال لي : بشكل عام اصلا ما بيصير ضغط على حجم البيانات المتبادلة في حالة الالياف الضوئية فشبكة وحدة توفي بالغرض ،،

خلونا نتأكد من مصادر رسمية :telephone:

[رجل الجزيرة]

والله من زمان وحن فاقدين: أحب قطر.

[basma222]

احنا عندنا شبكتين برق يعني خطين رقمين ركبواا لنا جهازين كل خط بروحه
المنطقة الخيسة
التركيب اليوم

[رجل الجزيرة]

احنا عندنا شبكتين برق يعني خطين رقمين ركبواا لنا جهازين كل خط بروحه
المنطقة الخيسة
التركيب اليوم

مبرووووووووووووووك وعقبالنا.

[basma222]

مبرووووووووووووووك وعقبالنا.

الله يبارك فيك

[بولينجر]

احنا عندنا شبكتين برق ،، ما اسألوا الا عن الخط الرئيسي وركبوا عليه وراحوا :telephone:

سألت احد المتوسعين في هالمجال ،، قال لي : بشكل عام اصلا ما بيصير ضغط على حجم البيانات المتبادلة في حالة الالياف الضوئية فشبكة وحدة توفي بالغرض ،،

خلونا نتأكد من مصادر رسمية :telephone:
الله يسلمج المسألة مب ضغط البيانات... مادام المشترك دافع في اشتراكين بيكون من حقه انه يحصل على ترقية للاشتراكين مب اشتراك واحد دون الاخر.....

[بولينجر]

احنا عندنا شبكتين برق يعني خطين رقمين ركبواا لنا جهازين كل خط بروحه
المنطقة الخيسة
التركيب اليوم
الله يبارك لكم والله يعطيكم خيرهم وخير مافيهم ويكفيكم شرهم وشر مافيهم.... وعقبالنا :)

[عناد2009]

تم التركيب.. بوسدره

[ام السعف]

الله يسلمج المسألة مب ضغط البيانات... مادام المشترك دافع في اشتراكين بيكون من حقه انه يحصل على ترقية للاشتراكين مب اشتراك واحد دون الاخر.....

يعني لازم جهازين ؟

لأن عندنا خطين وكل خط فيه شبكة منفصلة ،،،

خلاص بكلم العيال :telephone:

[Al-Kuwari]

بس الزبده متى بيشغلون الخدمه

يركبون للناس بشهر 9 ويقولون خلال شهرين
ويركبون لناس ثانيين شهر 10 ويقولون خلال شهرين
ويركبون لبيت اخر في شهر 11 ويقولون خلال شهرين

متى يخلصون هالشهرين !!

[chillis]

احان ركبوه لنا اول 12 قالوا بعد شهرين :(

[بوعلي2]

متى بيجونا شمال قطر :( ؟

[Riku3]

بس الزبده متى بيشغلون الخدمه

يركبون للناس بشهر 9 ويقولون خلال شهرين
ويركبون لناس ثانيين شهر 10 ويقولون خلال شهرين
ويركبون لبيت اخر في شهر 11 ويقولون خلال شهرين

متى يخلصون هالشهرين !!

سيم سيم :anger1: ..

وانا ماصدقت قلت كلها شهر ونشوف اجرب السرعه في كول اوف دوتي P: .. بس شكل السالفة مطوله .

[chillis]

متى بيجونا شمال قطر :( ؟

مع الجسر :secret:

[رجل الجزيرة]

بس الزبده متى بيشغلون الخدمه

يركبون للناس بشهر 9 ويقولون خلال شهرين
ويركبون لناس ثانيين شهر 10 ويقولون خلال شهرين
ويركبون لبيت اخر في شهر 11 ويقولون خلال شهرين

متى يخلصون هالشهرين !!

لازم ينتظرون موافقة إتصالات قطر.

[تاجر كشخة]

والله من زمان وحن فاقدين: أحب قطر.

ايه والله عسى المانع خير:weeping:

[qatar911]

انا اليوم تصلو علي مال كيوتل يقول بكرة بيجونك يركبون اجهزه اضافيه اجهز اش مش عرف هم ركبو لي من شهرين الروتر نشوف بكرة شنهو اجهزه اللي يقولون عنها ان شاءالله يشغلون الخدمة ملينا

[بوعلي2]

مع الجسر :secret:

لا بالله فلحنا عيل اذا مع الجسر هههههه

نبي نستانس مثلكم فالدوحه :(

[أخت التفاؤل]

انا اليوم تصلو علي مال كيوتل يقول بكرة بيجونك يركبون اجهزه اضافيه اجهز اش مش عرف هم ركبو لي من شهرين الروتر نشوف بكرة شنهو اجهزه اللي يقولون عنها ان شاءالله يشغلون الخدمة ملينا

ماشاء الله أجهزة إضافية
احنا الأصلي حتى ما حطوه خخخخخخ
ولا حتى المنطقة عليها لون في الخريطة
الله يخلف علينا

[basma222]

انا اليوم تصلو علي مال كيوتل يقول بكرة بيجونك يركبون اجهزه اضافيه اجهز اش مش عرف هم ركبو لي من شهرين الروتر نشوف بكرة شنهو اجهزه اللي يقولون عنها ان شاءالله يشغلون الخدمة ملينا

شنهو الاخبار عندكم بعد الاجهزة الاضافيه

اشتغل عندكم

[TEAMspirit]

انا عندي في البيت ثلاثه اشتراكات برق (ثلاث خطوط ) وركبوا لي جهاز واحد وانا مركب الثلاث خطوط لاسباب خاصه منها الاستفاده من سرعه الانترنت كامله بدون مشاركه واحد مثلاً لتنزيل البرامج والافلام ٤ ميجا والثاني حق الالعاب اون لاين ٤ ميجا والثالث ١ ميجا للاستخدام العام في البيت وايرلس ( ايفون ايباد لاب توب ) كل هذا عشان استفيد من كل بايت نظراً لسؤ الخدمه الحاليه خصوصا في العاب الاون لاين ، بس حالياً ركبوا جهاز واحد وحسب خبرتي المتواضعه المفروض ثلاثه اجهزه رئيسيه ، بس انا كلمت الفنيين وقلت لهم عندي ثلاثه خطوط انترنت والي سوه فقط جهاز واحد والخطيين الثانيين وصلوا لهم كيبل الفايبر و حطوا سوكت بجانب السوكت القديم . ومكتوب على السوكت انترنت بالانجليزي المعتقد انه راح يطلع من هذا السوكت رواتر ( اكسيس بوينت ) ولكن المفروض جهاز كامل رئيسي نفس الي ركبوه بجانب المجمع الرئيسي . هذا والله اعلم .

[TEAMspirit]

انا اليوم تصلو علي مال كيوتل يقول بكرة بيجونك يركبون اجهزه اضافيه اجهز اش مش عرف هم ركبو لي من شهرين الروتر نشوف بكرة شنهو اجهزه اللي يقولون عنها ان شاءالله يشغلون الخدمة ملينا

ياريت لو ركبوا لك توضح لنا شصار معاك ؟ شوضحوا لك ؟ هل تفعلت الخدمة ؟ ووين ساكن لعل وعسى نحسب متى بيوصلون لنا !

[ام السعف]

انا عندي في البيت ثلاثه اشتراكات برق (ثلاث خطوط ) وركبوا لي جهاز واحد وانا مركب الثلاث خطوط لاسباب خاصه منها الاستفاده من سرعه الانترنت كامله بدون مشاركه واحد مثلاً لتنزيل البرامج والافلام ٤ ميجا والثاني حق الالعاب اون لاين ٤ ميجا والثالث ١ ميجا للاستخدام العام في البيت وايرلس ( ايفون ايباد لاب توب ) كل هذا عشان استفيد من كل بايت نظراً لسؤ الخدمه الحاليه خصوصا في العاب الاون لاين ، بس حالياً ركبوا جهاز واحد وحسب خبرتي المتواضعه المفروض ثلاثه اجهزه رئيسيه ، بس انا كلمت الفنيين وقلت لهم عندي ثلاثه خطوط انترنت والي سوه فقط جهاز واحد والخطيين الثانيين وصلوا لهم كيبل الفايبر و حطوا سوكت بجانب السوكت القديم . ومكتوب على السوكت انترنت بالانجليزي المعتقد انه راح يطلع من هذا السوكت رواتر ( اكسيس بوينت ) ولكن المفروض جهاز كامل رئيسي نفس الي ركبوه بجانب المجمع الرئيسي . هذا والله اعلم .


معليش سؤال خارج الموضوع
شنهي الألعاب اللي تلعبها على الاون لاين ؟

[TEAMspirit]

معليش سؤال خارج الموضوع
شنهي الألعاب اللي تلعبها على الاون لاين ؟

معظم الالعاب القتالية كول اوف ديوتي / جيرز اوف وار / ريزدنت ايفل / سوني بلايستيشن / اكس بوكس .

[ام السعف]

معظم الالعاب القتالية كول اوف ديوتي / جيرز اوف وار / ريزدنت ايفل / سوني بلايستيشن / اكس بوكس .

اهاا
شكرا على التجاوب

[basma222]

انا عندي في البيت ثلاثه اشتراكات برق (ثلاث خطوط ) وركبوا لي جهاز واحد وانا مركب الثلاث خطوط لاسباب خاصه منها الاستفاده من سرعه الانترنت كامله بدون مشاركه واحد مثلاً لتنزيل البرامج والافلام ٤ ميجا والثاني حق الالعاب اون لاين ٤ ميجا والثالث ١ ميجا للاستخدام العام في البيت وايرلس ( ايفون ايباد لاب توب ) كل هذا عشان استفيد من كل بايت نظراً لسؤ الخدمه الحاليه خصوصا في العاب الاون لاين ، بس حالياً ركبوا جهاز واحد وحسب خبرتي المتواضعه المفروض ثلاثه اجهزه رئيسيه ، بس انا كلمت الفنيين وقلت لهم عندي ثلاثه خطوط انترنت والي سوه فقط جهاز واحد والخطيين الثانيين وصلوا لهم كيبل الفايبر و حطوا سوكت بجانب السوكت القديم . ومكتوب على السوكت انترنت بالانجليزي المعتقد انه راح يطلع من هذا السوكت رواتر ( اكسيس بوينت ) ولكن المفروض جهاز كامل رئيسي نفس الي ركبوه بجانب المجمع الرئيسي . هذا والله اعلم .

احنا عندنا اشتراكين حطواا لنا جهازين

انت المفروض 3

[خليفـة]

امس الأثنين
9/1/2012
ركبوا لي الجهاز عندي في البيت
الموقع : العزيزية
سألت الفني متى بتتفعل الخدمة بشكل كامل ؟
قال لي خلال شهر من الآن
بس بصراحه .. شغله طويلة التركيب
وتاخذ وقت طويل
هذا غير بعض العقبات الي يواجهها الفني اثناء التركيب

في انتظار تفعيل الخدمة ان شاء الله
والأستمتاع بسرعه تعادل سرعة الضوء
:)

خليفــة

[TEAMspirit]

احنا عندنا اشتراكين حطواا لنا جهازين

انت المفروض 3

كدرتني ... حاولت اتصل فيهم اليوم حولوني عليهم و ساعه وانا على الخط ومحد يرد .

[Al-Kuwari]

ها بشروا في حد اشتغلت عنده الخدمه ؟

[saddawi4ever]

لحين ماشتغلت الخدمة :(

حد عنده خبر متى بتشتغل :(

[الرويـس]

متى التفعييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييل

[فريج النجادة]

متى دور منطقة دحيل


:shy: :shy: :shy:

[بولينجر]

ناس يقولون متى يصير لون على منطقتنا في الخريطة لان مافي لون...
وناس يقولون متى التركيب...
وناس يقولون متى التفعيل....
وناس يقولون الخدمة ممتااااااااازة والنت صار سرييييييييع....
وناس محتارين في عدد الأجهزة اللي بتتركب لهم وهل هم "من حقهم" جهاز لكل اشتراك والا لا....
وبعدين معاج يا كيوتل؟!!! متى بتصدقين مع المشتركين؟

[ام السعف]

ناس يقولون متى يصير لون على منطقتنا في الخريطة لان مافي لون...
وناس يقولون متى التركيب...
وناس يقولون متى التفعيل....
وناس يقولون الخدمة ممتااااااااازة والنت صار سرييييييييع....
وناس محتارين في عدد الأجهزة اللي بتتركب لهم وهل هم "من حقهم" جهاز لكل اشتراك والا لا....
وبعدين معاج يا كيوتل؟!!! متى بتصدقين مع المشتركين؟

سألت للمرة الثانية ،، قالوا لي جهاز واحد يكفي ،، ماله داعي جهازين

لكن ننتظر التأكيد من كيوتل ،، ونسألهم ،،

1- هل جهاز واحد يكفي ؟
2- اذا كان الجواب نعم ،، ليش تم تركيب جهازين في بعض البيوت ؟
3- اذا كان الجواب لا ،، ليش ما ركبوا جهازين او 3 للي عندهم 3 شبكات ؟

[تحداني]

منطقتنا بعد مافيها ولا لون .. ولا حس ولا نس
والارسال اضعييييييييف واضطر عشان اتواصل مع عالم النت
اروح فوق السطح او اقعد في الحوش .. :(


متى راح يجي دورنا ..

عندي سؤال بعد اهم من اسئله الي فوقي
هو بالواسطه ممكن يستعجلون في موضوع هالالياف ؟؟



جملكم الله برضاه

[fhd4]

لحين ماشتغلت الخدمة :(

حد عنده خبر متى بتشتغل :(


متى التفعييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييل


ها بشروا في حد اشتغلت عنده الخدمه ؟

التفعيل سيتم بعد موافقة المجلس الأعلى للاتصالات على الخدمة …

مع انها بدأت التركيب لكن حتى الان لا توجد موافقة لكيوتل على الخدمة وخاصة على الاسعار المقترحة … فودافون ستقدم نفس الخدمة في المستقبل وتعتقد انها لا تستطيع منافسة اسعار كيوتل …

[ام السعف]

منطقتنا بعد مافيها ولا لون .. ولا حس ولا نس
والارسال اضعييييييييف واضطر عشان اتواصل مع عالم النت
اروح فوق السطح او اقعد في الحوش .. :(


متى راح يجي دورنا ..

عندي سؤال بعد اهم من اسئله الي فوقي
هو بالواسطه ممكن يستعجلون في موضوع هالالياف ؟؟



جملكم الله برضاه

متى اتحطون لهم لون ؟

:(

[ام السعف]

التفعيل سيتم بعد موافقة المجلس الأعلى للاتصالات على الخدمة …

مع انها بدأت التركيب لكن حتى الان لا توجد موافقة لكيوتل على الخدمة وخاصة على الاسعار المقترحة … فودافون ستقدم نفس الخدمة في المستقبل وتعتقد انها لا تستطيع منافسة اسعار كيوتل …

اشلون يسمحون لهم بتركيب شي للحين ما حصلوا الأذن عليه ؟

مب عرض الأماراتية انسحب لأن ما خذوا الإذن بالعرض ؟

اشلون جذيه في قطر ،، كل يسوي الشي على كيفه :(
" معليش اسمح لي ،، مقهورة من كل شي وابرد حرتي اهنيه "

[saddawi4ever]

لازم يكون في تاريخ تدشين الخدمة

او موعد الموافقة من المجلس الاعلى للاتصالات

معقولة مافي اي خبر او تاريخ

مايصير ننتظر الموافقة الى مالا نهاية !

[تحداني]

اشلون جذيه في قطر ،، كل يسوي الشي على كيفه :(
" معليش اسمح لي ،، مقهورة من كل شي وابرد حرتي اهنيه "




ايووووووووه كل من يسوي الشي على كيفه :(
والحمد لله رب العالمين


جملك الله برضاه

[بصمة قطرية]

السلام عليكم
توني مكلمه كيوتل استفسر عن الالياف الضوئية
ومتى راح يتم تفعيل الخدمة ..
قالوا لي :
ما زالوا ينتظرون الرد من المجلس الأعلى للإتصالات بخصوص الأسعار ..
و لما يتفقون على الأسعار راح يفعلون الخدمة ..

[حيهور]

السلام عليكم
توني مكلمه كيوتل استفسر عن الالياف الضوئية
ومتى راح يتم تفعيل الخدمة ..
قالوا لي :
ما زالوا ينتظرون الرد من المجلس الأعلى للإتصالات بخصوص الأسعار ..
و لما يتفقون على الأسعار راح يفعلون الخدمة ..



عيل التأخير من المجلس الأعلى مو من كيوتل!!!!!!!

[حيهور]

المنتج الجديد والي راح تتوفر مع الالياف الضوئية اذا تم تركيبها "المنزل المتصل" وهو عبارة عن واجهة واحدة سهلة الاستخدام وقابلة للتكيف حسب رغبة المستخدم، وهي تتضمن وتتحكم في جميع عناصر الاتصال والترفيه الموجودة في المنازل الذكية.

فمن خلال "المنزل المتصل" يمكنك التحكم في:

• الإضاءة، والستائر والستائر الحاجبة للضوء والأقفال اللاسلكية للأبواب.
• التدفئة والتهوية وتكييف الهواء.
• أجهزة الاتصال الداخلي بين غرف المنزل.
• الأماكن التي تشاهد أو تستمتع بها بالمحتويات الخاصة بك مثل أجهزة التلفزيون الذكية، وجهاز إكس بوكس، وأجهزة تلفزيون أبل، ومشغلات الميديا، وأجهزة بث الموسيقى أي بود وأي فون.
• مشاهدة كاميرات المراقبة الأمنية سواء كنت داخل المنزل أو بعيداً عنه.
• إدارة الميديا الرقمية، ودمج مصادر عدة من المحتويات السمعية والبصرية في مشهد واحد يتم التحكم فيه من نقطة واحدة.
• طرق متعددة للتحكم في منزلك من خلال القوائم الموجودة على شاشة التلفزيون، ولوحات تعمل باللمس قياس 7 بوصة، وأي باد، وأي فون، وأجهزة التحكم عن بعد العالمية.

انتظر هذا الانجاز الصراحة اذا انجحت الفكرة

[بصمة قطرية]

عيل التأخير من المجلس الأعلى مو من كيوتل!!!!!!!

من المجلس الاعلى للاتصالات نعم ..

كيوتل لا تزال تنتظر الرد منهم ..

[ام السعف]

ايووووووووه كل من يسوي الشي على كيفه :(
والحمد لله رب العالمين


جملك الله برضاه

الحمدلله رب العالمين :(

[basma222]

من المجلس الاعلى للاتصالات نعم ..

كيوتل لا تزال تنتظر الرد منهم ..


الحين هم ركبوااا في البيوت وما عندهم موافقة

[بصمة قطرية]

الحين هم ركبوااا في البيوت وما عندهم موافقة

صحيح ركبوا ..
الموافقة اللي ينتظرونها بخصوص الأسعار ..
حاولت اعرف الاسعار اذا كانت نفس اسعار برق او تختلف ..
قال لي الموظف لحد الحين ما عندنا فكرة ..
لما يتم الاتفاق راح نعلن عن الاسعار ..

[Al-Kuwari]

مافي اي اخبار جديده عن الخدمة ؟؟؟

[Al-Kuwari]

لـــلــــرفع

[بصمة قطرية]

للحين ما في اي خبر ~

[basma222]

ما في اخبار عن الخدمة؟

[رجل الجزيرة]

لين الحين ما به خبر.

[عالي الهمم]

بخصوص اللي مش ملونيهم بالخريطة .. نمد وايرات من الملونين ^_^

[fhd4]

السلام عليكم ... الحمدلله تم تركيب الأجهزة عندنا في الدفنة الأسبوع الماضي ...

وطبعا منتظرين موافقة المجلس الأعلى للاتصالات الموقر للسماح لكيوتل بتشغيل الخدمة ... ونتمنى بالاسعار المقترحة ...


حبيت أوضح بعض المعلومات بالنسبة للأجهزة وأرقام التلفونات ...

أولا الأرقام الأرضية ستكون عن طريق هذه الأجهزة وليس الانترنت فقط ... وسيتم استبدال النظام القديم ...

بمعنى ... لو كان عندك رقم أرضي حتى لو بدون انترنت ما راح يشتغل إلا عن طريق الجهاز ...


النقطة الثانية ...

يمكن توصيل رقمين مختلفين للجهاز الواحد ... مثلا اذا عندك في البيت 4 أرقام ... سيتم تركيب جهازين فقط ...

كل رقمين في جهاز ...

[باراكودا]

عندنا في الخريطيات تم تركيب الاجهزة من ثلاثة شهور والوعد من كيوتل الخدمة بتشتغل بتاريخ 15|11
2011م ولغاية الان الخدمة لاتعمل وكيوتل أخلفت الوعد كالعادة .

[رجل الجزيرة]

يقال والعهدة على الراوي:
لن يتم تفعيل (تشغيل) الأياف الضوئية إلا بعد تركيب جميع المناطق بالألياف الضوئية وإذا تم التركيب سيتم التشغيل وبعد ذلك ستسحب المودمات القديمة.

[لبتونه]

انا حاولت افتح جدول مافي يليت حد ينزله لنا هنا في صفحه

[رجل الجزيرة]

انا حاولت افتح جدول مافي يليت حد ينزله لنا هنا في صفحه

إذا في الشغل ما يفتح لبعض الدوائر الحكومية لأن الموقع يحتاج لبرنامج الفلاش بلير.

[basma222]

يقولون التشغيل بتاريخ 22/1/2012م

نتظر التاريخ

[r10]

اخر تحديث لتاريخ 18\1\2012

http://www.qtel.qa/QODPPortal/portal/qodp_portal_consumer_detail?_nfpb=true&detailId=DP_FTTX_AVAILABILITY_EN&lang=en#

[ابوعلي]

سمعنا ان يركبون هالايام بالعزيزية ولكن ما شفنا شي للحين

[خليفـة]

سمعنا ان يركبون هالايام بالعزيزية ولكن ما شفنا شي للحين

اخوي بوعلي
انا في العزيزية
وسووا لي كل التمديدات اللازمة
مع جهاز السيسكوا الخاص بالنظام
هالكلام من حوالي اسبوعين يالغالي
بالتوفيق ان شاء الله اخوي بوعلي

خليفــة

:)

[ابوعلي]

اخوي بوعلي
انا في العزيزية
وسووا لي كل التمديدات اللازمة
مع جهاز السيسكوا الخاص بالنظام
هالكلام من حوالي اسبوعين يالغالي
بالتوفيق ان شاء الله اخوي بوعلي

خليفــة

:)

تستاهلون كل خير اخوي

هل اشعروكم قبل جيتهم

وننتظر جيتهم

[خليفـة]

تستاهلون كل خير اخوي

هل اشعروكم قبل جيتهم

وننتظر جيتهم

تسلم اخوي بوعلي
الصراحة ما اشعروني
انا بطريقتي جبتهم
حرف الواو .. يختصر المسافات وانا اخوك
escape

[TEAMspirit]

اخوي بوعلي
انا في العزيزية
وسووا لي كل التمديدات اللازمة
مع جهاز السيسكوا الخاص بالنظام
هالكلام من حوالي اسبوعين يالغالي
بالتوفيق ان شاء الله اخوي بوعلي

خليفــة

:)
انا في العزيزية مددوا الكيابل وجهاز اسمه هيوي مب سيسكو ليش انت غير او تقصد انهم مركبين لك الجهاز الثاني ( سيسكو ) بالاضافه لهيوي ؟

[شويهينــه]

سمعنا ان يركبون هالايام بالعزيزية ولكن ما شفنا شي للحين

ركبولنا :tease:

[رجل الجزيرة]

وين البعض إلي يقولون إنهم بشغلون الألياف الضوئية في 22/1/2012 هاه صار لكم شيء وإلا كالعادة تسعمون الإشاهات.
:)

يا حبكم للإشاعات.

[رجل الجزيرة]

ركبولنا :tease:

مبروووك عليكم، بس متى ركبوا لكم؟

[شويهينــه]

مبروووك عليكم، بس متى ركبوا لكم؟

نهاية الاسبوع اللي طاف

وهم بنفسهم اللي ياو وركبو محد كلمهم ولاشي

[مرحوم قطر]

يعني العزيزيه الحين فيها الياف ضوئيه

يعني اليوتيوب ما بيقطع عندي

لا لا ما اصدق

شغلو المادري شنو ولا للحين

؟.؟



فديييييييييييييييييييييييييييييت العزيزيه

فديت فريجنا والله وحشني

متى ارجع قطر و افتك :cry2:

[saddawi4ever]

اليوم كيوتل موزعه اعلان مع جريدة الشرق مكتوب قطر تدخل عصرا جديدا مع الالياف الضوئية من كيوتل ؟!

هل معناه انهم شغلوه ؟

[فريج النجادة]

متى دور منطقة دحـــــــــيــــــــــــــــــل

[بوخالد911]

ركبولنا :tease:

هلا

كيف السرررعة الحين؟!؟

جررربي تدشين هالموقع واكتبي كم سرعة الداولوود ؛ لطفا

http://www.speedtest.qa/

:nice:

[لبتونه]

بليز فهونا اشلون يجون لكم يتصلون يطقون باب عطوني حل

انا ساكنه في المرة لاصقه بالعزيزيه خطوتين

متى بيركبون لي

[basma222]

بليز فهونا اشلون يجون لكم يتصلون يطقون باب عطوني حل

انا ساكنه في المرة لاصقه بالعزيزيه خطوتين

متى بيركبون لي

يضربون الجرس ودقيقة واحدة واذا ما فتحتي الباب يتركون ورقه على الباب فيه رقم الجوال

[saad1125]

سنقدم لك سرعة البرودباند المنزلي وفقاً للخطة التي كنت تستخدمها قبل التحويل إلى الألياف الضوئية من كيوتل. كما سنقدم لك التوصيات اللازمة للاستفادة من تجربة عروض المنتجات الحالية بدون فرض أي رسوم شهرية إضافية.

يمكن للعملاء الانتقال إلى خطة جديدة أو طلب خدمة جديدة وفقاً للأسعار الواردة في جدول الأسعار أدناه:

جدول الأسعار
السرعة
الآن
قريباً
البرودباند المنزلي
(المكالمات الصوتية والانترنت) التلفاز والبرودباند
(التلفاز، المكالمات الصوتية والانترنت)
1 ميغابت بالثانية

233 ريال قطري

250 ريال قطري
10 ميغابت بالثانية
333 ريال قطري

350 ريال قطري
50 ميغابت بالثانية
500 ريال قطري

550 ريال قطري
100 ميغابت بالثانية
650 ريال قطري

700 ريال قطري


المصدر موقع كيوتل

http://www.qtel.qa/QODPPortal/portal/qodp_portal_consumer_detail?_nfpb=true&detailId=DP_FTTX_PACKAGES_AR&lang=ar#

[fhd4]

يعطيك العافية أخوي saad ...

تم الاتصال بكيوتل والاستفسار عن الاسعار بالتفصيل ...

وهو كالتالي ...

اللي كانت سرعته 1 ميجابايت سيحتفظ بنفس السرعة وسيدفع نفس المبلغ وهو 200 ريال بالاضافة إلى 33 ريال اشتراك الخط الأرضي ...

اللي كانت سرعته 2 ميجابايت أو 4 ميجابايت سيتم ترقيته إلى 10 ميجابايت وسيدفع نفس المبلغ وهو 300 ريال بالاضافة إلى 33 ريال اشتراك الخط الأرضي ...

اللي كانت سرعته 8 ميجابايت سيتم ترقيته إلى 50 ميجابايت وسيدفع مبلغ 500 ريال بدلا من 600 بالاضافة إلى 33 ريال اشتراك الخط الأرضي ...


وهناك باقة جديدة وهي بسرعة 100 ميجابايت بسعر 650 ريال شهريا ...


أما من يرغب بالاشتراك في خدمة موزاييك TV ... عليه أن يدفع 17 ريال زيادة شهريا ...


الصراحة أسعارهم روعة ... لكن المظلوم اللي سرعته 1 ميجا بايت ...

[ام السعف]

يعطيك العافية أخوي saad ...

تم الاتصال بكيوتل والاستفسار عن الاسعار بالتفصيل ...

وهو كالتالي ...

اللي كانت سرعته 1 ميجابايت سيحتفظ بنفس السرعة وسيدفع نفس المبلغ وهو 200 ريال بالاضافة إلى 33 ريال اشتراك الخط الأرضي ...



اخبر انهم ادمجوا بو اميجابيت مع 2 وما عاد في شي اسمه 1 ؟؟

هل ذاكرتي صادها عطب ما ؟

[fhd4]

اخبر انهم ادمجوا بو اميجابيت مع 2 وما عاد في شي اسمه 1 ؟؟

هل ذاكرتي صادها عطب ما ؟

ذاكرتج ما فيها إلا العافية ... الكلام اللي قبل ما كان رسمي أو الظاهر إنهم غيروا الخطة ...

[ام السعف]

ذاكرتج ما فيها إلا العافية ... الكلام اللي قبل ما كان رسمي أو الظاهر إنهم غيروا الخطة ...

الله يبشرك بالجنة ،،، طمنتني على ذاكرتي

طيب ممكن اتطمني على معلوماتي لو سمحت

بس ما اتحس ان العرض يضحك في بنده الأول

شنهو يعني 1ميجابيت اليوم ؟

مب عيب ينحط في العرض :(

والا معلوماتي فيها خلل :(

[basma222]

اللي كانت سرعته 2 ميجابايت سيتم ترقيته إلى 10 ميجابايت وسيدفع نفس المبلغ وهو 300 ريال بالاضافة إلى 33 ريال اشتراك الخط الأرضي

يعني في بيتنا يبتم ترقيته الى 10 ميجابايت

[qatari911]

http://www2.0zz0.com/2012/01/22/10/918132822.jpg

ناس عايشه وناس مش عايشه
عندهم وصلت قريب 100
واحنا مستانسين على 10 ولا والاسعار عاليه
لان اسعار امريكا اعتقد ارخص من عندنا
خلونا نستمتع لله يستر لايكون يحسبون علينا الداونلد والبلود

[brooq]

سبحان الله .. كيوتل وما أدراك ما كيوتل ..

انظروا الخبث في الاختيار الأول...
كيوتل لديها رغبة أكيدة برفع الرسوم ولكنها لا تستطيع من غير التلاعب والتحايل على المشتركين.

يعني بالله عليكم من سيبقى على اشتراك 1 ميغا ..!!؟

معظم إن لم يكن جميع المشتركين سيطمعون في الاختيار الثاني وبذلك ضمنت كيوتل إلغاء الإختيار الأول بعد حين وطبعاً إلغاء سرعة الواحد ميغا بعدها مباشرة لتضمن بعدها أن أقل اشتراك في باقات الأنترنت هو 300 ريال وهذا هو الهدف على المدى البعيد.

وأين الخيارات الأخرى يا المجلس الأعلى للإتصالات؟؟

[رجل الجزيرة]

بس هم الألياف الضوئية شغالة وإلا لين الحين.

[HotBlood]

بخصوص الخور متى بركبون ان شاء الله؟!

[Riku3]

حسبي الله عليهم ..

وانا كنت اعتقد ان التأخير من المجلس الاعلى للاتصالات ولكن طلع التأخير منهم لان المجلس يبدو انه رفض بعض الطرق الاحتياليه الي كانت كيوتل تبي تطرحها ولكن بالنهاية ماتغير شي ! .

سرعات جديدة ؟ .. 2012 وللحين اقل سرعة 1 ميغا وبنفس السعر .. سخافه .

:)

[Rashid554]

تم تحديث الخريطة 18/01

وما زالت الريان ( عاصمة الدوحه ) غير معترف بها
اعتقد ياينا القص لان "المدينة التعليمية " كل مالها وتغزو مناطقــنا عشان جي ما ركبو

[fhd4]

الله يبشرك بالجنة ،،، طمنتني على ذاكرتي

طيب ممكن اتطمني على معلوماتي لو سمحت

بس ما اتحس ان العرض يضحك في بنده الأول

شنهو يعني 1ميجابيت اليوم ؟

مب عيب ينحط في العرض :(

والا معلوماتي فيها خلل :(

معلوماتج updated ... أتوقع هذي انها حركة من كيوتل ... ورايي من راي أخوي brooq ...


سبحان الله .. كيوتل وما أدراك ما كيوتل ..

انظروا الخبث في الاختيار الأول...
كيوتل لديها رغبة أكيدة برفع الرسوم ولكنها لا تستطيع من غير التلاعب والتحايل على المشتركين.

يعني بالله عليكم من سيبقى على اشتراك 1 ميغا ..!!؟

معظم إن لم يكن جميع المشتركين سيطمعون في الاختيار الثاني وبذلك ضمنت كيوتل إلغاء الإختيار الأول بعد حين وطبعاً إلغاء سرعة الواحد ميغا بعدها مباشرة لتضمن بعدها أن أقل اشتراك في باقات الأنترنت هو 300 ريال وهذا هو الهدف على المدى البعيد.

وأين الخيارات الأخرى يا المجلس الأعلى للإتصالات؟؟

[Class]

تتوقعون شي من ورا كيوتل فيه خير !!!

[ام السعف]

معلوماتج updated ... أتوقع هذي انها حركة من كيوتل ... ورايي من راي أخوي brooq ...



يعني نردد

عيب يا كيوتل عيب :(

ترى الناس بدو يفهمون ،،:telephone: