المساعد الشخصي الرقمي

مشاهدة النسخة كاملة : عيادات الاسنان



مدحوب_ قطر
20-10-2011, 10:23 PM
عيادة د محمد السعيد
الموقع النصر قرب بيت علي بن علي

سعر علاج العصب وحشوة ب3200
كان ب2500
وفي عيادة د عبدالله عبدالرزاق ب700

شوف فروق الاسعار وين الرقابة وتحديد الاسعار؟:telephone:

بوحارب
20-10-2011, 11:34 PM
فرق واضح !!!!!!

قطريه ماركه
21-10-2011, 01:13 AM
قاطعووه !!

راية الفخر
02-11-2011, 09:59 AM
جشع فيهم هالدكاترة وين حماية المستهلك عنهم

محمد 93
02-11-2011, 10:04 AM
وعندك ارخصهم علاج العصب الجلسه 230 ريال والجلستين 450 ريال مستوصف نسيم الربيع بالقرب من اشارات محطه التضامن

الامير
02-11-2011, 10:41 AM
عيادة د محمد السعيد
الموقع النصر قرب بيت علي بن علي

سعر علاج العصب وحشوة ب3200
كان ب2500
وفي عيادة د عبدالله عبدالرزاق ب700

شوف فروق الاسعار وين الرقابة وتحديد الاسعار؟:telephone:

واينكم من عياده تمييم لي في الوعب العصب بس كاتب من 1000ريال الى 5000ريال طبعا بس اذا سويتها مستحيل بالف من 3000الاف وانت طالع وغير وغير انقذونا من دكاتره الاسنان يا حمايه المستهلك وووووووجشعهم ما نقول الى حسبي الله ونعم الوكيل

الحال مايساعد
02-11-2011, 01:28 PM
صحيح من فترة كنت اشكي من سن العقل ورحت عيادة صوب فيلاجيو
الدكتور والحمد لله ماكان موجود ، اللي في الإستقبال قالي راح نسويلك عملية وبتكلف من 8000 إلى 12000 ألف ريال بس !!!
انا اعترف إنه مشكلتي كانت كبيرة لأن سن العقل كامل النمو لكن تحت اللثه والسالفه يبيلها عمليه جراحية ، لكن مب للدرجه هذي الإستغلال ، رحت عقبها عند واحد اتعامل معاه دايما في شارع السد سواها بـ 300 ريال بس

المسك1969
10-11-2011, 06:47 PM
أهو مب عشان الفلوس وبس... لأن الواحد بيدفع بيدفع أن مضطر ولكن المشكله أن طلع الطبيب مايعرف يشتغل وشغله أي كلام ودفعت له الفلوس وعقب إما طاحت الحشوه أو زاد عندك الألم ورحت لغيره وقال لك أن الشغل الاولي مب صحيح اهنيه بتصدق منو؟ غير لو أنك صدقت الثاني بتنقهر على الفلوس اللي اندفعت وما عينت خير من وراء علاج الطبيب والله المستعان

كازانوفا
11-11-2011, 10:49 AM
وعندك ارخصهم علاج العصب الجلسه 230 ريال والجلستين 450 ريال مستوصف نسيم الربيع بالقرب من اشارات محطه التضامن

الهنود عندهم ذمه سبحان الله بالشغل
ان شالله بحجز فيه الاسبوع الجاي لاني سمعت عنه جدا ممتاز بس ان شالله ما يطمع ويعلي السعر

سهم قطر
11-11-2011, 11:49 AM
وعندك ارخصهم علاج العصب الجلسه 230 ريال والجلستين 450 ريال مستوصف نسيم الربيع بالقرب من اشارات محطه التضامن

ممكن رقمهم

وهل عندهم تقويم ولا لا

سهم مساهم
11-11-2011, 03:07 PM
يالربع ترا الشغلة مو فلوس بس لا تنسو شي مهم وهو الدكتور ايش قاعد يسوي شغله زين ولا لا والهشي مابنقدر نحكم عليه الا بعد فوات الاوان وهالعيادات الرخيصة صدقوني تعبانة كثير انتو لوتحسبوعا كل جلسة ب 300 في النهاية بتكون دافع 1500 ريال كيف ماتعرف .

qatar.syria
11-11-2011, 05:16 PM
إن شاء الله يسقط النظام بسوريا وتخلص الازمة هناك
وتنزلون سوريا تساوون اسنانكم فيها
عندهم ارخص اطباء اسنان بالعالم واكثرهم مهارة
تدخل على عيادة الدكتور وبعد شغل نصف ساعة تطلع من عنده واسنانك تمام التمام ولا تدفع اكثر من 200 ريال مهما كانت المشكلة

زهرة بنفسجية
14-11-2011, 11:34 PM
إن شاء الله يسقط النظام بسوريا وتخلص الازمة هناك
وتنزلون سوريا تساوون اسنانكم فيها
عندهم ارخص اطباء اسنان بالعالم واكثرهم مهارة
تدخل على عيادة الدكتور وبعد شغل نصف ساعة تطلع من عنده واسنانك تمام التمام ولا تدفع اكثر من 200 ريال مهما كانت المشكلة

اللهم امين
يارب منك لباب السما

يارب طهر سوريا من حثالة الاسد كلهم

مساهم الشبكه
15-11-2011, 06:55 AM
اول شي خل نوقف عند عدة نقاط النقطه الاولى وانا متاكد من كلامي بنسبة 100 في 100 ان لو الدكاتره رافعين الاسعار تقدرون تشتكون في ادارة التراخيص الطبيه - المجلس الاعلى للصحه - الدور الثالث عند مدير التراخيص وفي نفس الوقت راح يقوم بالاجراء وانا ااكد لكم هالملعومه - النقطه الثانيه - بعض الاخوه الكرام لايمدحون السوريين وايد او حتى غيرهم وان شاء الله ماعليهم عيب ولا قصور ..ولكن هل انتو متاكدين من مستوى التعقيم خاصه في هذيك البلدان ..لان اغلب اعراض الكبد الوبائي تكون من اسبابها الرئيسيه علاج الاسنان لانها تنقل البكتيريا اللي في ادوات علاج الاسنان الى الكبد ..والحمد لله في الجرايد كل فتره نقرى المجلس الاعلى للصحه تغلق عياده فرديه او تسحب ترخيص او تعطي انذار للمخالفين اللي مايلتزمون بشروط وقوانين ادارة التراخيص وانا لي زميل دكتور في القطاع الخاص يقولي تفتيش ادارة التراخيص صارت تشتغل وبشكل يومي وتابع كل صغيره وتفتيشهم صار شبه يومي وطول ايام الاسبوع وعلى فترتين يعني صار يقول زميلي مهب عارفين في اي لحظه بيجونا لهسبب صارو يركزون على تعقيم ادواتهم وعلى الاجرءات الاداريه عندهم ..فلووو عندكم اي مشكله لاترددون في الاتصال بهم والله يوفق لكم يارب واسمحولي على الاطاله

M!$s ĀŁ!eN
20-11-2011, 12:58 PM
والعياده الهنديه نسيم الربيع في الهلال ..
150 وخميسن الي 450 اذا الشغل وايد ..
يعني نصابين نصايب المراكز الثانيه
وتركيب التقويم كلهم 5000 ريال
يعني بلاش
والله حرام عليهم اللي يسونه بعض المراكز الاسنان
الصراحه ولاني اخاف من احد .. كل عياده دكتورها فلسطيني ولا سوري ولا لبناني ولا مصري لازم تكون مبالغ فيها ليش جايب الشهاده احنا ندفع الرسوم الشهاده
ترا اهندي دفع دم قلبه لين طلع شهادته ومبالغهم رخيضه وفي متناول الجميع

لولو ومرجان
01-12-2011, 11:01 AM
الدكتور محمد السعيد كنت اتابعه عنده من يوم ماكان في الملكة للاسنان وسويت تقويم عنده والله العظيم انه مأساااة بعد ماخلع لي الاسنان وركب لي التقويم وبدينا طلع من العيادة وكملت مع الدكتوره الاسوء منه عندهم اعتقد كان اسمها وسام ، وبعد مادفعت المبلغ كامل قريب من 20000 وماحصلت نتيجة اكتشفت انه خلع لي اسنان بدون داعي ولاحصلت اي فايدة ، وطبعا محد قال ان الخطأ منهم الا بعد ماخذت صورة من ملفي ورحت لاكثر من دكتور وخذت رايهم في اللي صار لاني زهقت من المواعيد عندهم والمعاملة السيئة جدا وفي الاخير انا المتضررة الوحيدة .
والحين الدكتور محمد السعيد فاتح له عيادة وصاير يفهم في التقويم وطب الاسنان ولا بعد ضارب ضربته في الاسعار !!!!!!!!!!!!!!!!!!!
لكن مانقول الا الله يرحم حالنا من هاالاستغلال البشع
والله المستعان

لولو ومرجان
01-12-2011, 11:08 AM
اذا بتكلم عن الاسعار والبوق لازم نوقف عند الدكتورة سلوى درويش اللي قاعده تطلع قيمة اجار العيادة الجديدة من المرضى والله العظيم من جلسة وحده !!!!!!!!!!!!!
تصوروا اني وديت عيالي لها مراجعة عاادية ومب اول مره يعني عندي فكرة عن اسعارها وكانت صحيح غاليه بس كنت اقول معليش مب خسارة في سبيل صحة عيالي .
لكن المرة الاخيرة وفي العيادة الجديدة طبعا خذت 5400 ريال والله العظيم بس على تنظيف وفلورايد !!!!!!!!!
يعني ثلث راتب موظف !!!!!!!!!!!!!
وين الضمير ،، والقهر انها ماتقبل اي تامين !!!!!!!!!!!!

M!$s ĀŁ!eN
01-12-2011, 11:15 AM
في واحد في الهلال عياده طبيه فيها اسنان
انا اتعامل معها

عياده الربيع في المشيرب
وعيادة نسيم الربيع في الهلال

ما زادوا في سعرهم شي
ورخيض ما شاء الله واحسن الاطباء الاسنان من الهند

ابوعلي
01-12-2011, 11:21 AM
وعندك ارخصهم علاج العصب الجلسه 230 ريال والجلستين 450 ريال مستوصف نسيم الربيع بالقرب من اشارات محطه التضامن

وعندك اخوي مركز الربيع عند الدكتور شوبير نفس الاسعار ومكانهم قبل السوفتيل وانت جاي من طريق سلوى

qatary 2022
08-12-2011, 11:13 PM
قاطعوا كل جشع وطماع في أي مجال
وشكرا لمستوصف نسيم الربيع

qatary 2022
08-12-2011, 11:15 PM
شكرا نسيم الربيع

الصغيره
11-12-2011, 02:19 AM
عيادة د محمد السعيد
الموقع النصر قرب بيت علي بن علي

سعر علاج العصب وحشوة ب3200
كان ب2500
وفي عيادة د عبدالله عبدالرزاق ب700

شوف فروق الاسعار وين الرقابة وتحديد الاسعار؟:telephone:

اي والله هالمحمد سعيد حاط تسعيره وياخذ على كيفه

قال التقويم 28 الف وافقت بس من رابع جلسه صار يخلع باسعار خياليه احس دفعت تقريبا نص البلغ كيف باقي سنه واربع شهور :(