استشارة قانونية عاجلة

[ديمه]

السلام عليكم يا اخوان واخوات
ارغب في معرفة متى استطيع رفع قضية اضرار على مكتب خدم :anger1:

ارجوا ممن لدية المعرفة والخبرة ارشادي الى الامور التي يحق للعميل فيه اللجوء للقانون :telephone:

:weeping:

[qtr7]

اذا اخل المكتب بالتزم معاك وشرط يكون هو المسؤول . كل عمل أيا كان، يرتكبه المرء ويسبب ضررا للغير يلزم من كان سببا في حدوثه بالتعويض.

[زقرتي ومزاجي]

السلام عليكم يا اخوان واخوات
ارغب في معرفة متى استطيع رفع قضية اضرار على مكتب خدم :anger1:

ارجوا ممن لدية المعرفة والخبرة ارشادي الى الامور التي يحق للعميل فيه اللجوء للقانون :telephone:

:weeping:



عليكم السلام ... عندج يا ديمه .. ادارة العمل .. تراهم مايقصرون اسألي مجرب
وياليت تفيدينا بالتفاصيل عشان ... نعطيج الشور

[ديمه]

والله ياجماعة اللي حصل لي شي غريب وعجيب ولا في الاحلام
انا كنت اجيب الخدامات مباشر من نفس الدولة بس هالمرة قالوا لي لازم تتعاملين مع مكتب من الدوحة وكانت الطامة الكبرى حدث شي لا يمكن اني اتوقع حدوث.

طيب ماهي التعويضات أو العقاب اللي ممكن يعاقب به صاحب المكتب غير الملتزم

[الخبــره]

ايش اللي صار اصلا

لان الموضوع مبهم بهذي الطريقه

ويمكن اللي حصل يكون شي عادي

بس كونك اول مره تتعامل او تتعاملين مع مكتب خدم

فتشو فين الموضوع غريب عجيب

فلازم نعرف اللي صار عشان نقدر نفيدج او نفيدك

او مالكم الا إدارة العمل اذا ما تحبون تكتبون التفاصيل

[ديمه]

اخذت صورة جواز اخت خدامتنا خبرة ومسلمه واختها ناقله لها طبيعة بيتنا وانصح الكل ياخذ الخدامات بهالطريقة لتجنب الكثير من المشاكل واصلا كنت ماخذه اربع خدامات بهالطريقة وخلصت امورهم من السفارة بكل سهولة وراسلت لهم فلوس للتذاكر وتخليص معاملتهم هناك

المشكلة بدت من السفارة لما جيتهم قالوا خلاص وقفنا العقود المباشرة ولازم مكتب من الدوحة
رحت لمكتب بناء على نصيحة احد الاخوة
وطلبوا مني 16 الف حق خدامتين :eek5: ( المبلغ مبالغ فيه لاني من شهرين جايبه وحده) المهم عطيتهم مقدم 8 الاف والباقي يوم وصول الخدامات وكان هالشيء بتاريخ 5 / 9 / 2011

وقالوا خلال 40 يوم توصل واحنا راح انجيبها اسرع خلال 20 يوم

قلت مومشكلة الله يعيني ( مع اني جايبه وحده في شهر 6 بقد مباشر وصلت خلال 15 والامور ما كانت معقدة كلش لا هنا ولا هناك))

عطيتهم كل بيانات الخدامتين ورقم تلفوناتهم علشان يتواصلون معهم على فكرة الخدامتين سبق اشتغلوا في الخليج يعني جوازاتهم واوراقهم كاملة

بتاريخ 13 / 9 اتصلت فيهم استفسر وش صار معهم قالوا الخدامة ماترد قلت اشلون وكان عندي تلفون ثاني دقيت على الخدامة وهو معاي على الخط ( على فكرة الخدامة ماكانت تعرف تلفون اللي دقيت عليها منه لاني كنت اكلم المكتب من التلفون اللي تعرفه يعني يكذب لما قال ماترد)
قلت له هذه ردت قال لا اهما يتصلون فيها ويقولون تعالي وهي ما تجي وهاوشتها وهو يسمع قلت ليش ما رحتي للمكتب يوم دقوا قالت مدام هم ما دقوا علي بس شكيت انها تكذب قلت يالله روحي بكرة من الصبح للمكتب
وسألته طيب اخبار عقد العمل استخرجتوه من السفارة قال ايه وارسلناه اليوم بالدي اتش ال قلت توكم مطلعينه اليوم قال العقد خذ اسبوع لين طلع من السفارة الفلبينية قلت غريبه انا طلعت عقد من شهرين في نفس اليوم قال انا كان معاي 30 عقد ( :eek5: اشدعوه مافيه غيركم في الدوحة ) وياخذ اسبوع لين يوصل للفلبين ( بعد غريبة لاني لما ارسلت العقد يومين الا هو واصل الفلبين - بصراحة هنا خفت ) قلت طيب واللي يسلمك استعجلوا لنا لان البيت جدا محتاج

وبعدها باسبوع دقيت يقول انتي جايتنا في 5/ 9 لين الحين ما كملتي شهر والعقد لين يطلع من سفارة قطر في الفلبين ياخذ له 10 ايام قال والخدامة فحوصاتها سليمة وصالحة للعمل قلت ادري هي ما جاتكم الا خالصة طيب الله يصبرنا بس بعد شدوا حيلك قال والله ان احنا قاعدين نبذل كل جهدنا


بتاريخ 5 / 10 اكتشفت المصيبه الكبرى لما دقيت على الخدامة في الفلبين وقالت مدام انا في المكتب الحين وخذيت رقم المكتب اللي في الفلبين وطلع الاخ سوداني ( قلت الحمدلله بعرف اتفاهم معاه) قلت له اسم الخدامة قال كل شي اوكية وفحصناها وخذت الشهادة اللي تأهلها تشتغل في البيوت بس ننتظر التأشيرة قلت اشلون احنا المكتب مرسلها من 6/9 بالفاكس وذكرت لها اسم المكتب قال لا احنا ما نتعامل مع المكتب والمكتب هذا ما تواصل معنا ابد ( اهني انصدمت وولعت:eek5: )
قال بس مو مشكلة خلي المكتب يرسل التأشيرة واحنا بنخلص كل الامور

المفاجأة ان المكتب لا دق على الخدامة ولا يدري وين راحت ولا سوا ولا شيء لكن المفاجأة الكبرى اكتشفتها بعد ذلك

قالوا حدث سوء تفاهم والخدامة راحت لمكتب ثاني واذا حابه تروحين للمكتب اللي يتعاملون معه تعالي اخذي فلوسج واوراقج قلت بكل سهولة انت تقول هالكلام عقب 35 يوم والاوراق عندكم وياليت انتوا اللي اكتشفتوا هالخطا انا اللي اكتشفته قلت لا انا مراح اقدم على مكتب ثاني انتوا تفاهموا معه وعطوه اللي اخسره وكملوا الاجراءات خصوصا ان التأشيرة وعقد العمل قدها في مكتبكم في الفلبين

قال انتبهوا للقنبلة اللي بيقولها ................

قال لا عقد العمل ما ارسلناه اصلا ما استخرجناه من قنصلية الفلبييين ( اهني بصراحة صحت من القهر )

بتاريخ 12 / 10 رحت ابي اخذ فلوسي وكنت قبلها داقه عليهم وقايلة اني بجي اخذها لما وصلت قالوا المدير مو وجود والفلوس معاه اهني انفجرت عليهم ودخلوني على مساعد المدير اللي بين لي انه لاهو ولا المدير يعرفون باللي صار وطلب الملف ورواني اياه انه لين الحين ما سووا ولا شي وهاوشهم وسووا قدامي تمثلية ونطروني ساعتين لما جا المدير وكمل عليهم وشرشحهم وقال انا بعد بكره بروح الفلبين وباخلص كل الامور بنفسي وقال لهم يستخرجون عقد العمل في نفس اليوم وطار للفلبين 16/10 وادق عليه ومايرد وعقب ارسل لي مسج يقول السوداني اللي في مكتب الفلبين مايرد علي قمت طرشت لهم رقم الخدامة وقلت خلها توصلك بالسوداني وقد لي اسبوع ادق للخدامة صار شي تقول ماحد دق علي وهي تتصل عليه ومايرد
واليوم يوم اتصلت الا رنته داخلية يعني رجع وماسوا شيء وما اتصل لا بخدامه ولا بالمكتب الثاني

حتى الخدامة الثانية لين الحين في قريتها ما احد دق عليها ولا طلبها وتتصل عليهم بعد مايردون عليهاانا اسفه اذا طولت عليكم بس والله شي عجيب غريب وكذب ولعانه ماعمري مرت علي:anger1:

بايش تنصحوني وهل معاي حق لما افكر اشتكي عليهم :weeping:

[حسن]

في ذي الحاله روحي وزاره العمل واشتكي على المكتب وشوفي وش يقولون

[حسن]

شكلها اذا تبين ترقعين قضيه اتوقع هي قضيه نصب واحتيال لكن ساوميهم وخلصي الموضوع لان القضاء عندنا لازم اتكونين عندك صبر ايوب

[زقرتي ومزاجي]

اخذت صورة جواز اخت خدامتنا خبرة ومسلمه واختها ناقله لها طبيعة بيتنا وانصح الكل ياخذ الخدامات بهالطريقة لتجنب الكثير من المشاكل واصلا كنت ماخذه اربع خدامات بهالطريقة وخلصت امورهم من السفارة بكل سهولة وراسلت لهم فلوس للتذاكر وتخليص معاملتهم هناك

المشكلة بدت من السفارة لما جيتهم قالوا خلاص وقفنا العقود المباشرة ولازم مكتب من الدوحة
رحت لمكتب بناء على نصيحة احد الاخوة
وطلبوا مني 16 الف حق خدامتين :eek5: ( المبلغ مبالغ فيه لاني من شهرين جايبه وحده) المهم عطيتهم مقدم 8 الاف والباقي يوم وصول الخدامات وكان هالشيء بتاريخ 5 / 9 / 2011

وقالوا خلال 40 يوم توصل واحنا راح انجيبها اسرع خلال 20 يوم

قلت مومشكلة الله يعيني ( مع اني جايبه وحده في شهر 6 بقد مباشر وصلت خلال 15 والامور ما كانت معقدة كلش لا هنا ولا هناك))

عطيتهم كل بيانات الخدامتين ورقم تلفوناتهم علشان يتواصلون معهم على فكرة الخدامتين سبق اشتغلوا في الخليج يعني جوازاتهم واوراقهم كاملة

بتاريخ 13 / 9 اتصلت فيهم استفسر وش صار معهم قالوا الخدامة ماترد قلت اشلون وكان عندي تلفون ثاني دقيت على الخدامة وهو معاي على الخط ( على فكرة الخدامة ماكانت تعرف تلفون اللي دقيت عليها منه لاني كنت اكلم المكتب من التلفون اللي تعرفه يعني يكذب لما قال ماترد)
قلت له هذه ردت قال لا اهما يتصلون فيها ويقولون تعالي وهي ما تجي وهاوشتها وهو يسمع قلت ليش ما رحتي للمكتب يوم دقوا قالت مدام هم ما دقوا علي بس شكيت انها تكذب قلت يالله روحي بكرة من الصبح للمكتب
وسألته طيب اخبار عقد العمل استخرجتوه من السفارة قال ايه وارسلناه اليوم بالدي اتش ال قلت توكم مطلعينه اليوم قال العقد خذ اسبوع لين طلع من السفارة الفلبينية قلت غريبه انا طلعت عقد من شهرين في نفس اليوم قال انا كان معاي 30 عقد ( :eek5: اشدعوه مافيه غيركم في الدوحة ) وياخذ اسبوع لين يوصل للفلبين ( بعد غريبة لاني لما ارسلت العقد يومين الا هو واصل الفلبين - بصراحة هنا خفت ) قلت طيب واللي يسلمك استعجلوا لنا لان البيت جدا محتاج

وبعدها باسبوع دقيت يقول انتي جايتنا في 5/ 9 لين الحين ما كملتي شهر والعقد لين يطلع من سفارة قطر في الفلبين ياخذ له 10 ايام قال والخدامة فحوصاتها سليمة وصالحة للعمل قلت ادري هي ما جاتكم الا خالصة طيب الله يصبرنا بس بعد شدوا حيلك قال والله ان احنا قاعدين نبذل كل جهدنا


بتاريخ 5 / 10 اكتشفت المصيبه الكبرى لما دقيت على الخدامة في الفلبين وقالت مدام انا في المكتب الحين وخذيت رقم المكتب اللي في الفلبين وطلع الاخ سوداني ( قلت الحمدلله بعرف اتفاهم معاه) قلت له اسم الخدامة قال كل شي اوكية وفحصناها وخذت الشهادة اللي تأهلها تشتغل في البيوت بس ننتظر التأشيرة قلت اشلون احنا المكتب مرسلها من 6/9 بالفاكس وذكرت لها اسم المكتب قال لا احنا ما نتعامل مع المكتب والمكتب هذا ما تواصل معنا ابد ( اهني انصدمت وولعت:eek5: )
قال بس مو مشكلة خلي المكتب يرسل التأشيرة واحنا بنخلص كل الامور

المفاجأة ان المكتب لا دق على الخدامة ولا يدري وين راحت ولا سوا ولا شيء لكن المفاجأة الكبرى اكتشفتها بعد ذلك

انا اسفه اذا طولت عليكم بس والله شي عجيب غريب وكذب ولعانه ماعمري مرت علي:anger1:

اذا حابين تعرفون ممكن اكمل :weeping:



ديمه .. روحي ادارة العمل يوم الاحد وصدقيني وتاكدي اذا كانت معاج كل الاوراق الثبوتيه
بتاخذينن حقج في اقل من اسبوع ... والله احنا مجربين

:nice:

[ديمه]

شكلها اذا تبين ترقعين قضيه اتوقع هي قضيه نصب واحتيال لكن ساوميهم وخلصي الموضوع لان القضاء عندنا لازم اتكونين عندك صبر ايوب

والله اخوي النصب والاحتيال اكتشفته عقب

[ديمه]

ديمه .. روحي ادارة العمل يوم الاحد وصدقيني وتاكدي اذا كانت معاج كل الاوراق الثبوتيه
بتاخذينن حقج في اقل من اسبوع ... والله احنا مجربين

:nice:

والله اخوي اذا بياخذون حقي وبأدبونه على الضرر اللي لحقني من وراه بروح ارابط عند مكاتبهم من الحين

[القائــد]

شوفي اختي اولا الله يسهل عليج ان شاءالله وتنحل مشكلتك بأسرع وقت
ثانيا ترفعين دعوى على اي شخص قبل اي خطوة استشيري صح لان هالايام كل شي بالدليل انا كلمتها هم ما كلموها عندج دليل على كلامج؟ حتى ما تنقلب القضيه ضدج ويطالبونج بالتعويض في رد اعتبار لا تعوري راسج وجلسات ومحاكم وخرابيط هذه، لكن اذا مصرة استشيري ناس قانونيين وبعدين اخذي خطوة للأمام. والله يوفقج وان شاءالله تنحل المشكله على خير

[زقرتي ومزاجي]

والله اخوي اذا بياخذون حقي وبأدبونه على الضرر اللي لحقني من وراه بروح ارابط عند مكاتبهم من الحين



انا اقولج .. روحي وراسج مرفوع ... وبتاخذين حقج .. باذن الله

ديمه تدرين شنو مشكلتنا ..؟؟


ياكلون حقنا (( مكاتب الخدم )) ونسكت واحيان نكتفي بالصراخ فقط


وانصح اي واحد او وحده عنده مشكله مع مكتب الخدم انه يراجع ادارة العمل
وكلي ثقه من كلامي وانا مسؤول عنه بشرط يكون معاه الحق.



بس لا تنسين تعطينا نتيجه التجربه

[ديمه]

شوفي اختي اولا الله يسهل عليج ان شاءالله وتنحل مشكلتك بأسرع وقت
ثانيا ترفعين دعوى على اي شخص قبل اي خطوة استشيري صح لان هالايام كل شي بالدليل انا كلمتها هم ما كلموها عندج دليل على كلامج؟ حتى ما تنقلب القضيه ضدج ويطالبونج بالتعويض في رد اعتبار لا تعوري راسج وجلسات ومحاكم وخرابيط هذه، لكن اذا مصرة استشيري ناس قانونيين وبعدين اخذي خطوة للأمام. والله يوفقج وان شاءالله تنحل المشكله على خير

اخوي انا عندي كل الادلة اللي تثبت انهم ما سووا شي من تاريخ 5/9 الين الحين العقود اللي ما استخرجوها من السفارة
الخدامة اللي ماتواصلوا معها اللي تقول لي مدام انا تعبت
والمكتب الثاني اللي في الفلبين اللي يقول ما احد كلمني ينشدني عن الخدامة
والخدامة الثانية اللي عطيتهم فيزتها ورقمها ولين الحين في قريتها ما احد رفع تلفون عليها منهم


بس هل تشوفون معاي حق والا انا مكبره الموضوع واصلا هذا تعامل المكاتب وهل مكتب العمل بينصفني وبياخذ حقي وايش ممكن يسوون معاه اذا بيرفعون السماعة عليه بيهاوشونه وبيحلف لهم اخر مرة ومعاد اعيدها وبس اقعد في بيتنا ابرك لي

[القائــد]

اخوي انا عندي كل الادلة اللي تثبت انهم ما سووا شي من تاريخ 5/9 الين الحين العقود اللي ما استخرجوها من السفارة
الخدامة اللي ماتواصلوا معها اللي تقول لي مدام انا تعبت
والمكتب الثاني اللي في الفلبين اللي يقول ما احد كلمني ينشدني عن الخدامة
والخدامة الثانية اللي عطيتهم فيزتها ورقمها ولين الحين في قريتها ما احد رفع تلفون عليها منهم
بس هل تشوفون معاي حق والا انا مكبره الموضوع واصلا هذا تعامل المكاتب


انتي معج حق مو حنا ضدك ومكتب الخدم مسخينها هالايام يمكن يسسون هالفيلم عشان تختارين وحدة من اللي هم يبون، على العموم قصدي لو معج دليل على كل شي توكلي على الله لكن احيانا بنظرك يكون دليل بنظر القانون هذا مش دليل استشيري قانونيي وبعدها اخذي الخطوة وموفقة ان شاءالله

[وارث العز]

عليكم السلام ... عندج يا ديمه .. ادارة العمل .. تراهم مايقصرون اسألي مجرب
وياليت تفيدينا بالتفاصيل عشان ... نعطيج الشور


كلام اخوي صحيح 100% كل مكتب خدم يحط تأمين 200 الف ريال عند ادارة العمل

روحي لهم مع كل الاوراق وراح يأدبونه

[ديمه]

كلام اخوي صحيح 100% كل مكتب خدم يحط تأمين 200 الف ريال عند ادارة العمل

روحي لهم مع كل الاوراق وراح يأدبونه

اتمنى يكون فيه تأديب لهم

لان مكتب العمل هم السبب اللي اجبرونا نتعامل مع المكاتب اللي ياخذون مبالغ خيالية ومنعوا القنصلية تعطينا عقود عمل الا عن طريق مكتب في الدوحة

اما اللي يقول انه سياسة الفلبين اقول غلطان لان اللي يهم السفارة سلامة مواطنينها واسلم لهم يتعاملون مع الكفيل مباشرة اما المكتب يلتزم بها 3 شهور او شهرين وعقب ماعاد ينشد منها

[missperfect]

عادي حبيبتي هالمشاكل مع المكاتب والخدم تعونا عليها يمكن لانج اول مرة تتعاملين مع هالمكاتب ،،، وربي يعينج مااعتقد ان بيسوون لج شي

غيري المكتب وطلبيها من اول وجديد واختاري مكتب ثقه يتعامل صح مع الناس
احسج بتعبين نفسج ولا بتاخذين حقج الله ييسرلج امرج يااارب

[ديمه]

عادي حبيبتي هالمشاكل مع المكاتب والخدم تعونا عليها يمكن لانج اول مرة تتعاملين مع هالمكاتب ،،، وربي يعينج مااعتقد ان بيسوون لج شي

غيري المكتب وطلبيها من اول وجديد واختاري مكتب ثقه يتعامل صح مع الناس
احسج بتعبين نفسج ولا بتاخذين حقج الله ييسرلج امرج يااارب


انا اللي قاهرني ان القانون مجبرنا نتعامل مع مكاتب الخدم اللي ملعوزينا

نصب ومبالغ كبيرة مالها داعي واللي يكلفهم نص المبلغ اللي ياخذونه
- عدم التزام بالمواعيد وكذب وخداع
- خدامات حظ ونصيب الوحده تقعد اسبوع وزين اذا كملت شهر وتعالي يااما يجبرونها تشتغل عندج ثلاث شهور وعقب تشرد وفي هالوقت ماراح يتحملون اي خسارة
- يا إما لازم تنتظرين لين يدورون لها كفيل ياخذها وحطي فوقها اسبوعين

والخسران اولا واخيرا المواطن
ياخي خلوا عندنا الحرية ان حن نطلبها بعقود مباشرة وذيك الساعة احنا نتحمل المشاكل اللي بتصير
وصدقوني اغلب مشاكل الخدم من اللي يجون عن طريق المكاتب خصوصا الخدمات

[ديمه]

بس اللي حبيت اعرفه قوة موقفي القانوني وهل في هالحالة بيكون فيه اجراءات تأديبية للمكتب وماهي ؟
وهل تيتم تعويضي في هذه الحالة
ارجو من الاخوة والاخوات القانونيين يفيدوني
او اللي يشتغلون في مكتب العمل

[كحيل]

الأخت / ديمة

ـمنى بأنك لم تستلمي فلوسك بعد ... لأني وحسب خبرتي في التعامل مع مكاتب جلب الأيدي العاملة هناك فقرة نص في القانون تنص بما معناه بأنه يحق للطرف الثاني ( الكفيل ) بأن يعوض مبلغ ( 10 ريال ) عن كل يوم بعد المدة المتفق عليها في العقد لجلب الخادمة ... وهذا أقصى ما ستستفيدينه إذا رفعتي الأمر لإدارة العمل .. أما إدارة العمل فإن لها تصرف آخر مع المكتب ( إنذار - غرامة لإدارة العمل - سحب الترخيص ) وفي جميع الأحوال لن تخسري شي في التقدم لإدارة العمل بالشكوى ع هذا المكتب إن لم تكوني قد ساهمتي في المصلحة العامة وعموم الفائدة ...

ونصيحتي في هذا المقام بأن تتعاملي مع المكاتب ذات السمعة الجيدة والقديمة في هذا المجال ...

تحياتي ..

[راشد محمد]

توكل على الله واشتكي عليه

[ديمه]

الأخت / ديمة

ـمنى بأنك لم تستلمي فلوسك بعد ... لأني وحسب خبرتي في التعامل مع مكاتب جلب الأيدي العاملة هناك فقرة نص في القانون تنص بما معناه بأنه يحق للطرف الثاني ( الكفيل ) بأن يعوض مبلغ ( 10 ريال ) عن كل يوم بعد المدة المتفق عليها في العقد لجلب الخادمة ... وهذا أقصى ما ستستفيدينه إذا رفعتي الأمر لإدارة العمل .. أما إدارة العمل فإن لها تصرف آخر مع المكتب ( إنذار - غرامة لإدارة العمل - سحب الترخيص ) وفي جميع الأحوال لن تخسري شي في التقدم لإدارة العمل بالشكوى ع هذا المكتب إن لم تكوني قد ساهمتي في المصلحة العامة وعموم الفائدة ...

ونصيحتي في هذا المقام بأن تتعاملي مع المكاتب ذات السمعة الجيدة والقديمة في هذا المجال ...

تحياتي ..

والله اخوي المكتب مادحه لي واحد وان شاء الله ما اضطر مره ثانية اتعامل مع مكاتب ويفتحون لنا الاستقدام المباشر علشان مايكون هناك احتكار من مكاتب الخدم

انا لين الحين ما خذيت فلوسي بس هل تنصحني اشتكي عليهم في مكتب العمل قبل اسحب فلوسي منهم

[ديمه]

توكل على الله واشتكي عليه


والله اخوي اذا بيأدبونهم اذا اشتكيت تأديب يحرمون عقبه يهاونون مع الناس بشتكي بس من تصرفهم حسيت كأنهم يقولون وخير ياطير اشتكي عادي اصلا

[فتى الجود]

السلام عليكم

روح ادارة العمل مقسم استخدام العمل
مكتبهم بالدور الثاني في مبنى -ادارة التفتيش العمل

مشاهد جريدة الراية بالهلال - نجمه قبل السينمات

عند الاخ / فارس الكعبي او ابراهيم المعاضيد


وان شاء الله اذا لك حق بتاخذه

[ديمه]

السلام عليكم

روح ادارة العمل مقسم استخدام العمل
مكتبهم بالدور الثاني في مبنى -ادارة التفتيش العمل

مشاهد جريدة الراية بالهلال - نجمه قبل السينمات

عند الاخ / فارس الكعبي او ابراهيم المعاضيد


وان شاء الله اذا لك حق بتاخذه

بيض الله وجهك وجزاك الله خير