هل شخصيتنا بالمنتدى تطابق شخصيتنا الحقيقيه؟؟؟

[ريتويت]

سؤال يحتاج الي جرعه من الشجاعه والجرأه والصراحه..

هل حقا نحن كما يرانا الاخرين من خلال مايذكر ويطرح؟؟

هل حقا شخصيتنا خاليه من العيوب والاخطاء كما هو واضح في عده مناقشات؟؟

واخيرا كيف تصف شخصيتك من وراء الشاشه؟؟ الشخصيه الحقيقيه وبكل صراحه ووضوح؟؟؟

[بصمة قطرية]

السلام عليكم
ليس هناك شخص خالي من العيوب ..
وأحياناً الشخص نفسه لا يشعر بعيوبه ويعتقد بأنه خالي من العيوب ..

الحمدلله شخصيتي هنا لا تختلف عن الواقع ..
اتمنى ان لا أكون أحمل عيوباً أعجز عن معرفتها ..

بما اني اعشق الكتابة
فأستطيع القول وبكل فخر بأن قلمي يعبر عني دائماً ..
ولا أكتب الا ما اقتنع به ..

يسعدني ان اكون أول من أمتلك الشجاعة للإجابة على هذا السؤال ..

[مسك روز]

في المنتدى :

اشوف نفسي اسولف اكثر ، اضحك اتغشمر بزياده

اعلق على بعض المواضيع بعفويه ..

بس في الواقع :

هاديه وااااااايد

احب اسمع اكثر ، ماحب اسولف

جاده نوعا ما .. فيني مرح بس مب مثل المنتدى

ممممم

يمكن لان ماعندي صديقات وايد، فماخذه راحتي مع البنات في المنتدى ..


يعطيج العافيه ..

[ريتويت]

شكرا جزيلا لصراحتكم اخواتي بصمه قطريه ومسك روز

[sara jsm]

اكيد في فرق ,,
يعني خلف الشاشه الواحد يكون جريئ اكثر ,,
بالنسبه لي لما اعصب او ازعل او انحرج عالطبيعه يبين علي ,,
بس هني اسيطر على نفسي لان محد يشوف رده فعلي مباشرة :)

[qatari1]

في رأيي الشخصي لا!

كثيراً ما ندعي المثالية في أفكارنا وأفعالنا أمام الشاشة، ونفعل عكسها خلف الشاشة!

ولو أنها تعبر عن بعض جوانب شخصيتنا، وخاصةً الإيجابية منها.

وغني عن القول أننا لا نخلو من العيوب والنقائص.

[Miss]

صباح الخير

اكيد تختلف الشخصيات ،، وما فيه شخصيه كامله ،،
خلف الشاشه اكون جريئه اكثر ،، لو صار موقف اقدر اسيطر على الوضع لانه مثل قالت ساره محد يشوفنا ،اسولف هنيه اكثر من الواقع ،،
الشي الوحيد اللي يجمع بين شخصيتي خلف الشاشه وشخصيتي في الواقع اني بسررعه اتأثر ،، واي كلمه تجرحني في المنتدى او خارج المنتدى تقعد في بالي فتره طويله وصعب انساها ،، واايد حساسه لمثل هالامور ،،
تسلمين حبيبتي

[MAZEN37]

يعتمد على صدق الشخص مع نفسه

[@north_star@]

أعتقد انه الجرأة من وراء الشاشة بتكون أكثر
وبشكل عام لا يوجد انسان كامل فجميعنا لدينا جوانب ايجابية وجوانب سلبية ....وعن نفسي والحمد لله اللي في قلبي على لساني ..
وفي اعتقادي ان الانسان لا يستطيع معرفة شخصيته الا عن طريق الناس فالناس مرآة الشخص وهذا رأيي المتواضع

[ROSE]

اللي اطبقه هني كقوانين اطبقه في حياتي العمليه كذلك ،، وشخصيتي كعضوه مشاركة للاعضاء هي نفسها شخصيتي الحقيقيه لا اختلاف بينهما ابدا

[Red rose]

محد يقدر يحكم على نفسه اذا هو زين او شين

( اعرف اخلاقك من الناس )

بس انا بقول اللي الناس يقولونه عني اني .....

حساسه ، روحي مرحه ، طيبه ، واذا زعلت حد ما انام الليل الا لما اعتذر له عشان قلبي يرتاح

اعصب بسرعه وارضى بسرعه .....

شخصيتي في المنتدى هي شخصيتي في الواقع

[STAR]

:shy:

[al saad]

المشكله الكل يعيش الدور والمثاليه
وكله اسماء مستعاره والكل يخفي شي وراه ويستغل المنتدى لاغراضه الشخصيه و طرح اراء ولاصرار عليها وهو ماله حق فيها لني اشوف اعضاء يتكلمون بآسم قطر ومشاكل قطر وهم مش قطرين والفتوى ببلاش في المنتدى والكل يفتي
بس كل موضوع و كل رد ينعرف راعيه من يكون وشنهو شخصيته الحقيقيه ^ــــــــ^

[ريتويت]

المشكله الكل يعيش الدور والمثاليه
وكله اسماء مستعاره والكل يخفي شي وراه ويستغل المنتدى لاغراضه الشخصيه و طرح اراء ولاصرار عليها وهو ماله حق فيها لني اشوف اعضاء يتكلمون بآسم قطر ومشاكل قطر وهم مش قطرين والفتوى ببلاش في المنتدى والكل يفتي
بس كل موضوع و كل رد ينعرف راعيه من يكون وشنهو شخصيته الحقيقيه ^ــــــــ^

احيانا كثيره ممكن الانسان يتصنع بغايه التأقلم مع الاطراف الاخرى

[ريتويت]

:shy:

:):):):):):):):):):):):):):)

[بو الجوري]

هلا أختي سكـر نبات :..

أول الكمال لله و محد خالي من العيوب :..

و أتوقع أغلب الأعضاء شخصياتهـم فالمنتدى غير عن الواقـع :..
يمكـن أسوء و يمكـن أحسن :.. و يمكـن أهدى و يمكن العكس :..

يعني في اللي ياخذ راحته غير عن الواقع و في العكس :..

أنا عن نفسـي ،
إسلوبي غيـر برع المنتدى :.. مع الشباب :..

يعني الإسلوب و نوع الكـلام مثلا غيـر ، أقصد مثلا فالمنتدى شبه رسمي شوي في بعض المواضيع :..
و فكاهي شوي في الإستراحـه :..

مثلا اللي يعرفني من خلال المنتدى و عقب يعرفنـي برع المنتدى غير :..:nice:
أقصد إهني الواحد يحاسب في كلامـه :.. لأن في خوات معانا فالمنتدى :..
و لازم الواحـد يحترم المنتدى و يكون إسلوبه حلو و طبعا ماقصد يكون مثالي و يتصنـع :..
لأ ، أقصد يكـون محتـرم و يحترم الأعضاء :..


و بخصوص الشخصيه :..
مثل ماقالو الأعضاء و العضوات :..
في ناس تآخذ راحتها فالنت أكثر من الجمعات العائليه :..


بس فالنهايـه في تصنع للمثاليـه ، ماننكـر :.. :shy:

و شكـرا عالموضوع :..

[بوعلي2]

شخصيتي بالمنتدى هادي شوي ---> كل هاي وهادي :omg: :shy:

بالصج مش ممكن :(


مرح متفائل احب الضحك بالمنتدى وخارج المنتدى

وبس :tease:

[بـــــــنت النوخـّــــذه]

في المنتدى :

اشوف نفسي اسولف اكثر ، اضحك اتغشمر بزياده

اعلق على بعض المواضيع بعفويه ..

بس في الواقع :

هاديه وااااااايد

احب اسمع اكثر ، ماحب اسولف

جاده نوعا ما .. فيني مرح بس مب مثل المنتدى

ممممم

يمكن لان ماعندي صديقات وايد، فماخذه راحتي مع البنات في المنتدى ..


يعطيج العافيه ..

نفسج :)

بس تعليقاتي بكل المواضيع نابعة من قناعة داخلية نفس قناعتي على ارض الواقع يعني مافيها صواريخ

والعيوب متواجده بالجميع كما المزايا متواجده كذاك

الاهم الشخص يكتب ويعبر وماعلية من كلام الباقي انت مثالي انت مادري شنهو 000لان كلن وقناعاته مش مجبور الشخص يبين للاطراف الاخرين انه فعلا" هذا نا وصدقوني تكفون

[بوحارب]

^
^
^

نفسج @@ والله ماظن انتي الرد الواحد لج طول الموضوع العادي ماتتعبين من الكتابه يا بنت النوخذه :(


سكر نبات مواضيعج قديمة نبي شي جديد بليز :(

[بـــــــنت النوخـّــــذه]

88

بوحارب عاد ظنيت ولا ماظنيت كيفك اهههههههههههه المهم كلامك مدح ولا ذم عشان ابدأ الهجمات المرتده بسرعه اكتب ماعندي وقت

[بوحارب]

ههههههههههههههههههههههههههههههههه

مب مدح ولا ذم وجهة نظر <<<< خاف خاف ههههههههههه

لا بس صج ردودج ردودج طويييييلة

لكن مواضيعج اختفت ماقمنا انشوف نشاطج نفس قبل :( الظاهر صكوج بعين

شربي ماي البحر عشان تروح العين !@!

[بـــــــنت النوخـّــــذه]

88
اهههههههههههههههههههههههههههه

بس بوحارب بذمتك احلف اني انا الوحيده الي اكتب وايد 00ترى فيه ناس يكتبون معلقات وفيه ناس مخيمين بالمنتدى 24/24 بس ياخي مادري ليش دوم التركيز علي <<خفي علينا اههههههه

عموما" اتغشمر وجهة نظرك واحترمها ويكفي اني محترمه الكل وماعندي شغل نفاق وكلام نص كم ^_*

[بوحارب]

88
اهههههههههههههههههههههههههههه

بس بوحارب بذمتك احلف اني انا الوحيده الي اكتب وايد 00ترى فيه ناس يكتبون معلقات وفيه ناس مخيمين بالمنتدى 24/24 بس ياخي مادري ليش دوم التركيز علي <<خفي علينا اههههههه

عموما" اتغشمر وجهة نظرك واحترمها ويكفي اني محترمه الكل وماعندي شغل نفاق وكلام نص كم ^_*

لا بالعكس انتي اهون من غيرج ولا بعضهم يكتبون اخس من المعلقات حتى استغرب عليهم وش هالنفسيات اللي عليهم :rolleyes2:بس بعد حزاج عليج ردود طويلة اوي اوي :omg:


زين يمكن محد يقرى هالرد كله:telephone:

خلاص بنت النوخذه كل واحد يصلح موتره والأمور طيبة :shy::tease:

[**هـتــــــان**]

شخصيتي برع المنتدى وداخل المنتدى تقريبا نفس الشي مع اختلافات بسيطة ...عموما احب المرح وماحب النكد واتجنب الناس النكديين :)

[panda]

نفس الشىء سواء هنا او في الحياة الحقيقية ...

[ريتويت]

^
^
^

نفسج @@ والله ماظن انتي الرد الواحد لج طول الموضوع العادي ماتتعبين من الكتابه يا بنت النوخذه :(


سكر نبات مواضيعج قديمة نبي شي جديد بليز :(


يبيلي كرك .. وانشالله بطلع بنتيجه