المساعد الشخصي الرقمي

مشاهدة النسخة كاملة : الشركات في .........


أم مشعل
22-10-2011, 11:43 PM
يمكن تشوفون العنوان غريب شوي ........لكن باشرح الموضوع

أنا موضوعي عن الشركات اللي في شارع سلوى واللي فاتحينها من الناحية الثانية للشارع

يعني من ناحية المنازل وليس الشارع العام .......

في السابق مكان هالشركات كانت اللي ساكنة في الشقق عوائل ...لكن طلعت العوائل

وبدالها صارت شركات ......يعني أمام بيتنا تقريباً ثمان شركات وسياييرهم كلها صايرة

ناحية بيتنا ( الغالبية ) لدرجة ما نقدر نخلي باب البيت مفتوح نهائياً لأن من الممكن ان

يدخلون في البيت وحصلت كذا مرة ........ومرة من كثرهم دعموا جدار البيت واكسروه

واللي يدخل البيت يفتكره شركة..........

والله عوار راس طول اليوم وما نعرف الحل وياهم ......

اللي عنده حل يقول ........واكون شاكرة له
المليونير الفقير
22-10-2011, 11:47 PM
قدمي عليهم شكوى
.خالد
22-10-2011, 11:58 PM
حكروا لهم ، لا تسمحون لهم يصفون قدام البيت
R 7 A L
23-10-2011, 12:01 AM
قدمي شكوى


اذكر كان فية شيشة ( مقهى ) على طريق سلوى وحاطين جلسات خلف المقهى وشوفي السيارات والعالم كل يوم اخر شي راعي البيت الى خلف المقهى اشتكى صكروا المقهى
أم مشعل
23-10-2011, 12:04 AM
قدمي عليهم شكوى

قدمنا شكوى ............كل اللي سووه جا شرطي ووقعهم على تعهد بعدم وقوف

سياييرهم مرة ثانية عند البيت ........كم يوم الله وكيلك وارجعوا لعادتهم

وقال الشرطي هذا اللي نقدر نسويه.....
أم مشعل
23-10-2011, 12:11 AM
حكروا لهم ، لا تسمحون لهم يصفون قدام البيت

اشلون ؟؟؟؟؟

حطينا عواميد وما بينها سلاسل .........والله انهم كسروها وشالوها من الأرض

تقول فيهم شي علينا .......ما ندري شنسوي
أم مشعل
23-10-2011, 12:14 AM
قدمي شكوى


اذكر كان فية شيشة ( مقهى ) على طريق سلوى وحاطين جلسات خلف المقهى وشوفي السيارات والعالم كل يوم اخر شي راعي البيت الى خلف المقهى اشتكى صكروا المقهى

يمكن عشانه مقهى مثل ما تقول .........لكن هذي شركات والشرطة تقول ما فيه قانون

يمنع الشركات من انها تفتح في المناطق المأهولة بالسكان ........اللي نقدر نسويه

نوقعهم على تعهد فقط
بودحوم
23-10-2011, 12:35 AM
انا كنت مستأذي من العزاب اللي في المنطقة

كانوا يوقفون سياراتهم جدام بيتي . وكنت احذر اللي اشوفه بالكلام
واللي يوقف بدون لا اشوفه . كنت احذره بعدم الوقوف بالكتابة على زجاجة السيارة الأمامية بعدم الوقوف هنا مره ثانية .
واللي يعيدها واحس أنه متعمد . ماطول السالفة

اجيب هوز الماي اللي نسقي به الزراعة وادخل الهوز من فتحة الدريشة وافتح الماي وارش كراسي السيارة كلها والطبلون ولا اشيل الهوز لين اشوف الماي يخرخر من السيارة .

والله أني معاد اشوف سيارة توقف جدام بيتي . إلا إذا واحد جديد مغلط .
بوسلمان 2010
23-10-2011, 09:05 AM
عليج بهم ولا ترددين في الشكوى
أم مشعل
23-10-2011, 01:17 PM
الأخوان بودحوم......بوسلمان 2010

شكرا على المشاركة في الموضوع.......بارجع مرة ثانية باشتكي عليهم وان شاالله تفيد
بوعلى 1
23-10-2011, 01:19 PM
ونتوا ليش ساكنين وراى المحلات قلت الاماكن تسكنون هناك!
عازف الاورج
23-10-2011, 04:01 PM
ونتوا ليش ساكنين وراى المحلات قلت الاماكن تسكنون هناك!

:eek5:
أم مشعل
23-10-2011, 10:04 PM
ونتوا ليش ساكنين وراى المحلات قلت الاماكن تسكنون هناك!

الظاهر ما قريت الموضوع عدل ...........الشقق كانوا ساكنين فيها بالأساس عوايل

لما طلعوا خذوها شركات .........فهمت الحين

نقطة ثانية احنا مهب تونا ساكنين عشان تقول ما لقيتوا مكان تسكنون فيه الا هناك؟؟؟!!!!

نقطة أخرى ....السوق اللي تشوفه على طول شارع سلوى من خلفه فلل على مدددد

الشوف ساكنينها عوايل ولا تفتكر الشارع كله سوق ومن وراه بر مثلاً؟؟؟!!!!

آخر حاجة ما لقيت تكتب الا هالرد .......قل خيراً أو اصمت