رهان زوج سعودي لاصدقائه يؤدي لوفاة زوجته !!!!!!!!! [الأرشيف]

مملوحة الفال

23-10-2011, 01:05 AM

الحياة: أدى رهان بين زوج سعودي و أصدقاءه على ضمان قيام زوحته بتحضير وليمة العشاء لحفل زواجه من امرأه أخرى إلى وفاة الزوجه الأولى إثر صدمه عصبيه بعد اكتشافها الحقيقه التي اخفاها عنها
وهزت وفاة الزوجة الأولى سكان محافظة حفر الباطن في السعودية – حيث ان وفاة الزوجة اقترنت بتشريد أربعة أطفال فيما احيل الزوج الى التحقيق لمعرفة ملابسات الوفاة .
و اوضح مصدر قريب من العائلة ان ” السبب في ما حدث يعود للزوج الذي قرر الزواج للمرة الثانية وتراهن مع اصدقاءه على ان زوجته الأولى هي من ستقوم بطهي وليمة الزواج الجديد و احضر الزوج ذبيحتين وقامت الزوجة بطبخها وحضر في وقت لاحق لأخذ وليمة زواجه الى الإستراحه التي قرر ان يقيم فيها حفلة زواج مبتهجا بكسب الرهان غير ان رهان الزوج قاد الى كارثة إذا تلقت الزوجة الأولى اتصالا من امرأة اخبرتها بان زوجها يحتفل الليلة بزواجه من أخرى وان الوليمة التي اعدتها كانت مخصصة لحفلة الزواج فأصيبت الزوجه بصدمه عصبية و أغمى عليها و سرعان ما فارقت الحياة .

حسبي الله عليك من رجال كون صريح ولا تعذر انه رهان مستخسر تسوي عشى عرسك في المطابخ :anger1:
ويومك منت بقد الشي لا تسويه

غير البشر

23-10-2011, 01:08 AM

لاحول ولاقوه الابالله :(

يعني بعظهم يبغون يطلعون فيها ويراهنون على اشياء سخيفه

يعطيج العافيه اختي مملوحه الفال

مملوحة الفال

23-10-2011, 01:17 AM

لاحول ولاقوه الابالله :(

يعني بعظهم يبغون يطلعون فيها ويراهنون على اشياء سخيفه

يعطيج العافيه اختي مملوحه الفال

ان كانه يبي يطلع فيها كان قال للفقيرة المسكينة منها انه قال لها انه بيتزوج ومنها عشان مايفاجئها بخبر زواجه عليها ومن تصرفه مبين انه قليل اصل و خاتمة بعد:anger1:

Best Man

23-10-2011, 01:19 AM

مشكله الي يحس فيه نقص ويحاول يكمل هالنقص على حساب زوجته

يوضح لربعه انه رجل ..الله يرحمها

R 7 A L

23-10-2011, 01:22 AM

شدعوة وصلت السالفة للمراهنه

الحمدلله على نعمه العقل

مملوحة الفال

23-10-2011, 01:23 AM

مشكله الي يحس فيه نقص ويحاول يكمل هالنقص على حساب زوجته

يوضح لربعه انه رجل ..الله يرحمها

وش ذنبها وذنب عياله يعني هو الحين اثبت رجولته !!!!!!!!

Best Man

23-10-2011, 01:31 AM

وش ذنبها وذنب عياله يعني هو الحين اثبت رجولته !!!!!!!!

لو ما ماتت ام عياله ..كان بيعتبر نفسه بطل قومي قدام ربعه لكن بعد الي صار اكيد

تحسف وبيعرف انه محد بيفيده لا ربعه ولا غيرهم ..لكن بعد في شي قاهرني

المره الي اتصلت في زوجته وقالت له زوجج تزوج عليج وانتي الي طبختي له ..

انتي شدخلج بهذا كله ؟؟

بعد في شي لفت انتباهي في نكج اخت مملوحه الفال ..8 متشاركين في نك واحد

مشاءالله عليكم اقتصاديين للابعد الحدود :nice:

مملوحة الفال

23-10-2011, 01:35 AM

لو ما ماتت ام عياله ..كان بيعتبر نفسه بطل قومي قدام ربعه لكن بعد الي صار اكيد

تحسف وبيعرف انه محد بيفيده لا ربعه ولا غيرهم ..لكن بعد في شي قاهرني

المره الي اتصلت في زوجته وقالت له زوجج تزوج عليج وانتي الي طبختي له ..

انتي شدخلج بهذا كله ؟؟

بعد في شي لفت انتباهي في نكج اخت مملوحه الفال ..8 متشاركين في نك واحد

مشاءالله عليكم اقتصاديين للابعد الحدود :nice:

كان بطولته بطوله بن علي وحسني والقذافي مانفعتهم البطولة قدام الشعوب المتعطشة لرقابهم!!!!
النك ياختك قطية بسبب الظروف الاقتصادية ماتشوفهم تظاهروا في وول ستريت ترى بسبة نكي الجماعي:tease:

qtr7

23-10-2011, 01:44 AM

ماعرف احس النت في كذب واجد . ولو صحيح كان طلقها وتزوجت هي مشكلة الجنس الطيف تجيم مع واحد فكرها يوقف عنده وتدور في فلكه والرجال لا, عنده مليون شي وحواء وحده من اشيائه !

Best Man

23-10-2011, 01:47 AM

كان بطولته بطوله بن علي وحسني والقذافي مانفعتهم البطولة قدام الشعوب المتعطشة لرقابهم!!!!
النك ياختك قطية بسبب الظروف الاقتصادية ماتشوفهم تظاهروا في وول ستريت ترى بسبة نكي الجماعي:tease:

لا تقولون بسبب هالنك لا يكتبون عقب " الشعب يريد اسقاط مملوحه الفال "

مملوحة الفال

23-10-2011, 01:49 AM

ماعرف احس النت في كذب واجد . ولو صحيح كان طلقها وتزوجت هي مشكلة الجنس الطيف تجيم مع واحد فكرها يوقف عنده وتدور في فلكه والرجال لا, عنده مليون شي وحواء وحده من اشيائه !

:anger1: ياخي ترضى حواء تقول عن آدم انه واحد من اشيائها!!!!!!!!!!!!

Best Man

23-10-2011, 02:12 AM

انا مايفقع مرارتي الا اذا جاك ذاك الرجال المهايطي ويجلس عند ربعه ويقعد يهايط عليهم

شوفو لي بنت اب اتزوج ام العيال خلاص انتهى تاريخها وماتصلح للأستهلاك الادمي وتعال اسمع التشجيع في المجلس

وبعض المتزوجين الله يهديم خاصة الشيبان تلقاه قاعد عند ربعه في المجلس وتعال اسمع ام الخراط والسوالف

اللي يقولك رحت عند ناس وخطبت بنتهم بس اخوها الكبير رفض واللي يقولك خطبت بنت المدير بس السكرتير رفض يوقع

واللي يقولك خطبت الخباز بس شركة الدقيق القطرية رفضو . . . يارجال خلها على الله . . . اسلم طريقة ان المتزوج مايخالطهم

صدقت وتلقاه عند ام العيال يرقل ..لا وازيدك مطرود من الغرفه ونايم بالمجلس

وعند ربعه يحسسك انه بطل قومي

امـ حمد

23-10-2011, 02:12 AM

لاحول ولا قوة الا بالله

Mr. H

23-10-2011, 02:13 AM

وصلت فيه الوقاحة و الحيوانية بأن يجعل الاولى تعد وليمة عشاء الزواج بالثانية ؟؟

Best Man

23-10-2011, 02:29 AM

شوف اللي مسوي نفسه بطل قومي على زوجته تأكد اخوي انه مسوي له حفره في الحوش ماحد يدري عنها غيره

بس وين ينخش من زوجته اخرتها بينصاد فيها وبيشتونه لين يقول حرام عليكم حرام عليكم

وبهاالحظه ترد عليه ام العيال وتقول له الي الامام الي الامام لا رجووع ثوره ثوره :nice:

الأصيلة

23-10-2011, 06:01 AM

الله لايهنيه بـعرس ولازوجة مرة ثانية
عساه الحسافة والندم...

ام السعف

23-10-2011, 07:20 AM

:(

أي قلبي

بوسلمان 2010

23-10-2011, 07:28 AM

لاحول الله ولاقوة الاباالله حسبي الله ونعم الوكيل فيه وعلى من اتصل وكان سبب في موت المره الله يرحمها و

يسكنها الجنة ان شاء الله

الفتى

23-10-2011, 07:37 AM

لاحول ولاقوه الابالله

الله يرحمها ان شاء الله

انسان يفتقد كلمة ( رجل ) وماتليق عليه ولا على ربعة بعد

الله يشفيه

khaldoon

23-10-2011, 07:53 AM

لا حول ولا قوة الا بالله

اراد ان يكسب الرهان بالغش لزوجته و لاصدقاؤه و يوحي لهم انه اجبر زوجته انها تسوي الاكل و هي تعرف انه الاكل لعرسه عليها مع انه هالشي غير صحيح ...ما يعرف انه في رب يعرف الحقيقة بينما الكل يجهلها.... فعاقبه الله

هذا يخلو من الادمية و الرجولة و المرؤه و الشهامة و الاخلاق

رحمة الله عليها و الحين الرجل في خزي وعار طول عمره

خلي عقله المريض والا اصحابه ينفعوه الحين

هذا انسان غير ناضج

بوخالد911

23-10-2011, 08:00 AM

الله يخسه

العقل نعمة صج

:(

@north_star@

23-10-2011, 08:00 AM

سبحان الله في ناس صارت عندهم المراهنات حتى في العلاقات الزوجية .....الله يرحمها هالمسكينة

MAZEN37

23-10-2011, 08:03 AM

الحين المشكله بنظرك انه الرجال ما طبخ في مطبخ ؟
يا سلام

الصغيره

23-10-2011, 08:03 AM

بعض الرجاجيل ما يبحث الا عن ملذاته وشهواته

Amal_QTR

23-10-2011, 08:17 AM

لاحول الله ولاقوة الاباالله حسبي الله ونعم الوكيل فيه وعلى من اتصل وكان سبب في موت المره الله يرحمها و

يسكنها الجنة ان شاء الله

لا والله مب سبب موتها من اتصل
الا اللي اعتبرته انسان و شاركته حياتها و جابت له عيال ..
و يروح عقب ذا كله يقهرها !!!
من شروط التعدد ان يقول للاولى و مب بالسر !
و يعدل
يا ويله من عذاب ربه
ولا هي والله رايتها بيضه
الله يصبر هاليتامى

ام السعف

23-10-2011, 08:19 AM

لا والله مب سبب موتها من اتصل
الا اللي اعتبرته انسان و شاركته حياتها و جابت له عيال ..
و يروح عقب ذا كله يقهرها !!!
من شروط التعدد ان يقول للاولى و مب بالسر !
و يعدل
يا ويله من عذاب ربه
ولا هي والله رايتها بيضه
الله يصبر هاليتامى

يايبة خلوهم يعددون ،، بس مب بالخساسة هذي :(

أي قلبي عليها :weeping:

بوعلي2

23-10-2011, 08:20 AM

الرجال ينزلون مواضيع عن النساء

والنساء ينزلون مواضيع عن الرجال

الله يرحمها وبنتظار مغامرات الرجال والنساء :)

راشد محمد

23-10-2011, 08:21 AM

لاحول ولاقوه الابالله

غايه الطواش

23-10-2011, 08:27 AM

نذاله مابعدها نذاله ...وش بيستفيد الحين ..الندم..
وش منظره جدام عياله اذا ككبروا

بعض الناس يصنعون عقوقهم بيدهم ...

الله رحمها...

عازف العود

23-10-2011, 08:34 AM

امحق رجال وينه ووين الرجوله خل الرهان وربعه ينفعونه احين

qtr7

23-10-2011, 08:45 AM

:anger1: ياخي ترضى حواء تقول عن آدم انه واحد من اشيائها!!!!!!!!!!!!

اسف خاني التعبير الي اقصده والي حابة يصير انا المرأه ما تموت على رجااااال يقهرها احنا نخلقنا لاشياء اكبر !

moonبنتnight

23-10-2011, 08:47 AM

لا حول ولا قوة الا بالله 00
الله يرحمها 00
دنيا ما تسوه شي 00 في هل زمن تتوقع اي شي 00
ولا يوجد شي يستاهل واحدة تذبح نفسه عليه مو بس زوج حتى عيال 00

UmmAzoz

23-10-2011, 08:59 AM

الله يرحمها والله يعين اليهال
انا استغربت من الاعضاء اللي كتبوا ملاحظات ان في رجال يفاشرون انهم مو بس يدورن زوجه ثانيه لاني اتفهم عقليه ان بعض الرجال ينظرون الى الزواج بثانيه بفخر مع اختلافي معهم
لكن انه يقول ان مرته راحت عليها .....؟ هي زوجته وعرضه الرجال يخجلون انه ينقال اسمها جدام الناس او اسم امه مثلا رغم انه مو عيب يروح يعلق على مثل هالامور والله مستغربه

موضي قطر

23-10-2011, 10:08 AM

الله لايهنيه بـعرس ولازوجة مرة ثانية
عساه الحسافة والندم...

احسج مقهورة وانتي تردين .. الله لايبلى الوحده بزوج نفسه :(

:(

أي قلبي

كلاكيت ثاني مره

أي قلبي :weeping:

بنت مريخ

23-10-2011, 10:34 AM

لاحول ولاقوه الابالله
الله يرحمها ويرحم جميع موتى المسلمين والمسلمات

Amal_QTR

23-10-2011, 11:47 AM

يايبة خلوهم يعددون ،، بس مب بالخساسة هذي :(

أي قلبي عليها :weeping:

بالضبط تصرف يدل على الخساسه و عدم الرجوله
ترى الواحد ما تجيه الامراض الا من الزعل
محد يستاهل

Miss

23-10-2011, 11:53 AM

حسبي الله عليه :(

مخطط قطري

23-10-2011, 11:59 AM

لو المكالمة لي جات ما صارت كان ماصار لها اها الشي المرة تخرب على المرة

الحياة الخالدة

23-10-2011, 12:05 PM

لو المكالمة لي جات ما صارت كان ماصار لها اها الشي المرة تخرب على المرة

و بس !!

هذا اللي نقدت عليه في السالفة كلها يا مخطط قطري ؟؟!! عشان تحط الملامة على المرة في القصة

ما قلت لنا ايش رايك في تصرف الزوج ..
بغض النظر عن كونه من حقه إنه يتزوج مثنى و ثلاث و رباع .. و هذا حق لا يجادله فيه أحد

بس عاجبتك الطريقة ؟؟!!

المفترسه

23-10-2011, 12:06 PM

هذا مب ريال الله يعزكم

mohamed ahmd

23-10-2011, 12:08 PM

الصراحه ماقام به هالذكر هو تعريف للسفاله والانحطاط فالعصر الحديث

فواز1976

23-10-2011, 12:33 PM

هذا فعلاً يمثل السفاله بصوره انسان

يحسب انه رجل لما خلى نفسه و زوجته تسليه لمجموعه من الشباب ...... وبزعمه انه رجل لما خلها المسكينه تطبخ عشاء زواجه

الرجوله لها ميادينها .....

الله يرحمها ويتغمد روحها الجنه امين

الفرحه

23-10-2011, 01:37 PM

يعني المسكينة مسوية ذبحتين حق عرس ريلها ايش هالقلب اللي عليه امحق ريال الحين خله يعابل اعيالة ويحس اشلون مرته كانت تتعب وخل ربعة ينفعونة

مريومة

23-10-2011, 08:13 PM

راحت رجال ترفع الدروازه

وجتنا رجال المطنزة والعازة

والله المستعان

شقرديه

23-10-2011, 09:29 PM

لاحول ولاقوه الا بالله العلي العظيم

زمن اقشر

هذي اخرت العشره .. نهايه هالمسكينه تكون على يد زوجها ..

الله يرحمها ويرحم جميع اموات المسلمين ..

STAR

23-10-2011, 09:48 PM

آآآه لا تعليق..‏!‏

اسباير

24-10-2011, 12:15 AM

اي عليها كانت اتحب ريلها. حيل بس بعض الرجاجيل الله يهديهم طلقوا بالثلاث الإحساس بالمراه جنها جارية عنده الله ياخذ بحقها

مملوحة الفال

24-10-2011, 12:25 AM

انا مايفقع مرارتي الا اذا جاك ذاك الرجال المهايطي ويجلس عند ربعه ويقعد يهايط عليهم

شوفو لي بنت ابي اتزوج . . ام العيال خلاص انتهى تاريخها وماتصلح للأستهلاك الادمي وتعال اسمع التشجيع في المجلس

وبعض المتزوجين الله يهديم خاصة الشيبان تلقاه قاعد عند ربعه في المجلس وتعال اسمع ام الخراط والسوالف

اللي يقولك رحت عند ناس وخطبت بنتهم بس اخوها الكبير رفض واللي يقولك خطبت بنت المدير بس محاسب الشركة رفض يوقع

واللي يقولك خطبت بنت الخباز بس شركة الدقيق القطرية رفضو . . . يارجال خلها على الله . . . اسلم طريقة ان المتزوج مايخالطهم

شي معروف في الاوساط النسائية ان الشباب يحرضون بعض ويتراهنون للمعلومية حتى احنا الحريم نضحك على النوعية هذه من الرجال