مطلوب مكتب استشارات هندسية .. يفكر إبداعيا ..

[رجل المستحيل]

مرحبا يا رفاق المنتدى ..

عدت إليكم بعد أن استغرقت قرونا بالمنام ..

صراحة بحاجة للمساعدة ..

وعذرا إن أثقلت عليكم ..

أحد الإخوة يبحث عن مكتب استشارات هندسية .. به مهندسين يفكرون بطريقة إبداعية ..

لتصميم فيلا بسيطة .. بمساحة ليست كبيرة .. ولكن .. بشكل يتم فيه استغلال المساحة على الوجه الصحيح ..

للأسف معظم المهندسين كما تعلمون يتبعون طريقة القص واللزق .. وقليل منهم من يكلف نفسه عناء التفكير ..

وطبعا .. لا نريد مكتب يقدم أسعار مغالى فيها ..

أين أجد مثل هذا المكتب الأسطوري ..



نكون شاكرين لو حصلنا على أسماء بعض المكاتب المتميزة ..












عفوا فتحت هذا الموضوع بالمنتدى العام .. أحد الإخوة ذكرني بهذا القسم .. ففتحت المووضوع هنا .. وأرجو إغلاق الموضوع الأول

[ولد المنصور]

هلا اخوي عندك مكتب الفن والهندسه ممتازين صراحه ومحترمين ... وعندهم مهندسين اشرافيين للموقع يصراحه ذمه وضمير ..
وعندي خريطه لفيلا مساحتها اعتقد 560 بس مسكته فيها غرفتين تحت واربع فوق كل غرفه بحمام وغرفه ملابس وفيها بنت هاوس.. يعني معقوله جدا .. ولو تبي رقم المهندس اللي في مكتب الفن والهندسه حاضرين وايذا تبي مقاول بعد حاضرين ................
والله يوفق الجميع

[راشد1]

شوف شركات التصميم والهندسة الداخلية

[(عبدالله)]

مرحبا أخوي

أنا ممكن أدليك على ناس يسوون لك تصاميم بكل المواصفات اللي ذكرتها

ماعدا إن سعرهم أعلى من أسعار مكاتب القص واللزق

لكن في النهاية بيسوى أكثر من كل التوقعات، يعني التصميم بيتميز ببالتالي:

(1)

تصميم مطابق لجميع احتياجاتك الخاصة اللي في بالك

(2)

يتميز إن بيجنبك الأخطاء اللي تواجه المقاول وقت التنفيذ

(3)

حسن استغلال المساحة بطرق إبداعية

(4)

أفكار جديدة... وخيارات كثير بتنطرح لك... ومواكبة لأحدث الأشياء تحطها في التصميم

والبعد كل البعد عن التقليد والقص واللزق

إذا مهتم... توكل على الله وراسلني

بالتوفيق

[الامير]

في مكتب الخليجيه .......مهندس اسمه صفاء ممتاز وفنان