المساعد الشخصي الرقمي

مشاهدة النسخة كاملة : أترجاكم يا شباب



أسياد
23-10-2011, 07:33 PM
رجاء يا شباب يجب مقاطعت هذه المحلات بأي طريقة صدقوني كفايه شهر .

الستي سنتر شهر واحد محد يدخل المواقف للستي كل التجار هناك راح يسون مظاهرات لصاحب الستي سنتر ولا بيدفعون اجار. اول مره اشوف مول فيه مواقف بفلوس.


يا شباب احنى ليش نتعرض لهذه الاحتيالات لأننا لا يوجد اتفاق بين الشعب على أنهاء هذه الاحتيالات من التجار احنى لو صرنا مثل الاوربيين في هذه المواضيع ( بس في هذه المواضيع اقصد النظام والاتحاد على انهاء الفساد) بيكون لنا شان كبير ياريب يا شباب نبدا بالستي اول وبيكون عبره لأن الستي المواقف والتجار الموجودين بالمبني كثير بيكون مثال كبير لنا في قطر
من يتفق معاي من بكره تبدا المقاطعه على المواقف وعلى اسعار التجار الموجودين بالستي.

ياريت يا شباب يكون هذه اول بدايه لنا في المقاطعه الجاده صدقوني كل واحد ينصح الذي يعرفه.

أتمنى وهذا حلم لي لو احنا يا أهل قطر اتفقنا على أنهاء الفساد .

سهم عتيج
23-10-2011, 11:38 PM
للأسف يوم اعلنوا أن مواقف السيتي ستر بفلوس,, الأعضاء هللوا هنا في المنتدى لذلك القرار..

والحين تبون تسوون مقاطعة بسبب أن المواقف بفلوس..

أعتقد أن العاطفة دائما توجهنا في مثل هالامور..

نتمنى أ، يعاد النظر في طريقة احتساب أسعار مواقف السيتي,, يعني,, ممكن اللي يشتري بمبلغ معين من أي محل في السيتي يعفى من دفع السعر على حسب المبلغ,, يعني كل ساعة يكون لها مبلغ معين اذا قدم فاتورة..

بوحارب
24-10-2011, 03:43 AM
اخوي صدقني الحين احسن من قبل :)

على الأقل تدخل في الويكند المواقف ممكن انك تحصل باركنج

اما قبل والله مافيه امل !!!!!

كازانوفا
24-10-2011, 08:18 AM
للاسف الخبر يوصل ووصل للاصحاب الستى ان الناس مبسوطه على هالقرار
والكل شايف نفسه انه خير ما سوو في المواقف مساكين عندهم مشكله بانهم يصبرو لحدا ما يلاقو موقف
ويلا شوف الناس كيف صارت
لو كل شي من البدايه في نقاش بين الافراد والمؤسسات ما كان حد طمع فينا بهالطريقه الشجعه مثل الهنود بالدكاكين

غير البشر
24-10-2011, 08:58 AM
للاسف الخبر يوصل ووصل للاصحاب الستى ان الناس مبسوطه على هالقرار
والكل شايف نفسه انه خير ما سوو في المواقف مساكين عندهم مشكله بانهم يصبرو لحدا ما يلاقو موقف
ويلا شوف الناس كيف صارت
لو كل شي من البدايه في نقاش بين الافراد والمؤسسات ما كان حد طمع فينا بهالطريقه الشجعه مثل الهنود بالدكاكين


اختي كازانوفا بالعكس المواقف بفلوس احسن

بقولج ليش
اولا المبلغ يعتبر رمزي مش ذاك المبلغ الكبير
ثانيا على الاقل نحصل مواقف
ثالثا الستي مش كل يوم نروح هناك ولا حد محتاج يروح كل يوم

بالشهر مره او مرتين مايطلع كله 20 ريال

لان في ناس الله يسلمج يحتلون المواقف كل يوم مرتزين هناك وتمشي من المغرب لين اخر الليل

كازانوفا
24-10-2011, 09:10 AM
اختي كازانوفا بالعكس المواقف بفلوس احسن

بقولج ليش
اولا المبلغ يعتبر رمزي مش ذاك المبلغ الكبير
ثانيا على الاقل نحصل مواقف
ثالثا الستي مش كل يوم نروح هناك ولا حد محتاج يروح كل يوم

بالشهر مره او مرتين مايطلع كله 20 ريال

لان في ناس الله يسلمج يحتلون المواقف كل يوم مرتزين هناك وتمشي من المغرب لين اخر الليل



يا اخي الكريم (غير البشر) الناس اللى مرتزه هناك وجوهم طبوقه يعني ما بيستحو ولو في رقابه من ادارة الستى بدل ما تحط اجهزة عشان تاخد تذاكر اتحد جهاز يسجل موعد دخول كل سياره وكم ساعه اتوقف اظن بيكون ارحم الحال واذا انت شايف ان المبلغ بسيط انا وغيري لااا مش شايفه بصراحه بسيط احسبهااا وشوف كلن على قد حاله سبحان الله هي ارزاق موزعه بس كمان بالعقل محتاجين انغير جو من الحياه الكئيبه اللى عايشينهاااا :weeping:
قلبنا دراما حزينه

Rider
24-10-2011, 12:26 PM
انا واحد مب مسوي مقاطعة لاني اصلا مادخل الستي خير شر

رذاذ
24-10-2011, 12:30 PM
يا اخي الكريم (غير البشر) الناس اللى مرتزه هناك وجوهم طبوقه يعني ما بيستحو ولو في رقابه من ادارة الستى بدل ما تحط اجهزة عشان تاخد تذاكر اتحد جهاز يسجل موعد دخول كل سياره وكم ساعه اتوقف اظن بيكون ارحم الحال واذا انت شايف ان المبلغ بسيط انا وغيري لااا مش شايفه بصراحه بسيط احسبهااا وشوف كلن على قد حاله سبحان الله هي ارزاق موزعه بس كمان بالعقل محتاجين انغير جو من الحياه الكئيبه اللى عايشينهاااا :weeping:
قلبنا دراما حزينه

هههههههههه اعجبني الرد خاصة
محتاجين انغير جو من الحياه الكئيبه اللى عايشينهاااا :weeping:
قلبنا دراما حزينه

الله لا يرويك احزان :omen2:

من طول الغيبات جاب احلى الردود :victory:

رذاذ
24-10-2011, 12:32 PM
انا مع ان تكون بفلوس ع الاقل الواحد قبل ما يلاقي مواقف الحين بالعكس موجوده ..

ومع ان يكون باخرج الفاتورة و عفي عن الرسوم ..

فاتوره محلات وليس كوفي شوبات

أسياد
24-10-2011, 10:10 PM
احتمال طلبي للمقاطعة ما كان واضح القصد للمصلحة العامة والله من وراء القصد.

اولا المقاطعة مش بس عشان المواقف عشان الغلاء بصفه عامة يا ناس عشان لا نكون صيد سهل للجشعين يا جماعة المفهوم العام عن أهل قطر في السوق مهما كان ومهما صار يتقبلون بدون احتجاج ولا يوجد اتفاق على المصلحة ليش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بدل ما كل واحد يستهزاء يكتب كلمة تساعد على الاتفاق على الخير ما يحسن الا ارباب العوائل واصحاب العيال. اما اليه يقول الا مره في الشهر او ما يكلف الا 20 ريال ان شاء الله ريال ليش يتاخذ من تعبنا وحلالنا من غير حق. ارجو التفكير بطريقة المصلحة للجميع.

diab911
24-10-2011, 11:35 PM
انا مسوي مقاطعه الستي وجميع المولات من زمان ما روح

بسبب المسخره الموجوده هناك من الشباب والبنات *

naklan
25-10-2011, 12:10 AM
اخوي اسياد المقاطعة لكل ما هو غالي او به استغلال يجب ان يكون
اسلوب حياة وقناعة في الشخص نفسة ولا ينضر الى الناس ان يكونو معه او ضدة
طبقه انت بنفسك ولنفسك وفي كل ما هو متصل بحياتك ومعيشتك وستكون من
الغانمين باذن الله اما اذا بتنضر الى الناس بتتعب ناس مقاطعه وصابرة
وناس تشتري الشوارما من نفس المطعم الاستغلالي ب 7 ريالات
لا ويعطون القرسون اكرامية وهذا خرب على الاف البشر
وطمع القاصي والداني فينا !!!! انت ابدا بنفسك والي
بيشري بسعر غالي بكيفه وعليه بالعافية

qatar.syria
25-10-2011, 08:10 AM
والله انا لما سمعت ان المواقف صارت بفلوس وصار لو اضعت فاتورة الموقف تدفع 100 ريال وانا اركن سيارتي خارج السيتي سنتر

أسياد
25-10-2011, 08:19 AM
اخوي اسياد المقاطعة لكل ما هو غالي او به استغلال يجب ان يكون
اسلوب حياة وقناعة في الشخص نفسة ولا ينضر الى الناس ان يكونو معه او ضدة
طبقه انت بنفسك ولنفسك وفي كل ما هو متصل بحياتك ومعيشتك وستكون من
الغانمين باذن الله اما اذا بتنضر الى الناس بتتعب ناس مقاطعه وصابرة
وناس تشتري الشوارما من نفس المطعم الاستغلالي ب 7 ريالات
لا ويعطون القرسون اكرامية وهذا خرب على الاف البشر
وطمع القاصي والداني فينا !!!! انت ابدا بنفسك والي
بيشري بسعر غالي بكيفه وعليه بالعافية

مع الاسف أخي الكريم من امضيعنه يا خوي في هذه الديره الا الناس السلبيه الي مثل حضرتك مستحيل ينظرون للناس جميعا النضره الخاصه والقصيرة لنفسهم فقط.

الله يهديك اذا كان لديك كلمه مفيده ابديها لفايدة الناس وان كان كلامك سلبي خله لنفسك عشان ناس كثير متضرره. أما عن نفسي فبديت بمقاطعة امور كثيره مع مجموعه كبيرة من الاصدقاء والاخوان ومخلينها بمنهجيه وجالسين ننشر اسماء النصابين والمستغليين ونقدم شكاوي لحماية المستهلك والي الان تم تقديم 27 شكوى وتم النظر فيها وبعض المحلات تم معاقبتها ومحلين منهم تم تسكيرهم لفترة محدودة، أما أنت من الواضح عاجبك الوضع عليك بالعافيه وارجو ان لا تنتقد المصلحة العامة.

القاضي 8
25-10-2011, 09:06 AM
اختي كازانوفا بالعكس المواقف بفلوس احسن

بقولج ليش
اولا المبلغ يعتبر رمزي مش ذاك المبلغ الكبير
ثانيا على الاقل نحصل مواقف
ثالثا الستي مش كل يوم نروح هناك ولا حد محتاج يروح كل يوم

بالشهر مره او مرتين مايطلع كله 20 ريال

لان في ناس الله يسلمج يحتلون المواقف كل يوم مرتزين هناك وتمشي من المغرب لين اخر الليل



اخوي بس ابي اعقب لك على المبلغ الرمزي اللي تقول عنه
ترا اول ساعه بريالين وثاني ساعه بثلاث وثالث ساعه ب5 وكل ماله الرقم يتزايد
وعلى فكره هم يجمعون يعني 2+3+5= وشوف الحسبه واذا مب مصدقني روح اسألهم وبتتأكد بنفسك من كلامي

والسالفه ماكانت على اللي يتمشون بالستي
المشكله في الدريوليه اللي يصفون ومالهم لزمه بالمجمع منزلين معزباتهم ومحتلين الموقف

naklan
25-10-2011, 09:23 AM
مع الاسف أخي الكريم من امضيعنه يا خوي في هذه الديره الا الناس السلبيه الي مثل حضرتك مستحيل ينظرون للناس جميعا النضره الخاصه والقصيرة لنفسهم فقط.

الله يهديك اذا كان لديك كلمه مفيده ابديها لفايدة الناس وان كان كلامك سلبي خله لنفسك عشان ناس كثير متضرره. أما عن نفسي فبديت بمقاطعة امور كثيره مع مجموعه كبيرة من الاصدقاء والاخوان ومخلينها بمنهجيه وجالسين ننشر اسماء النصابين والمستغليين ونقدم شكاوي لحماية المستهلك والي الان تم تقديم 27 شكوى وتم النظر فيها وبعض المحلات تم معاقبتها ومحلين منهم تم تسكيرهم لفترة محدودة، أما أنت من الواضح عاجبك الوضع عليك بالعافيه وارجو ان لا تنتقد المصلحة العامة.




اي سلبي ياخوي اسياد :omg: علشان قلت لك ابدا بنفسك انا مقاطع الستي وغيرة
وكل المطاعم الجشعة واسلوبي اني بديت بنفسي ولم التفت للناس الي ما قاطعوا ولن امشي
في ركابهم اقاطع كل من يحاول استغلال الناس وانا اول المقاطعين وهذي مشاركة لي
في احد الردود تفضل اقراها وبتعرف انك غلطان واني ضد الجشع بكل انواعه



ما عليكم من كلام بعض محبطين الهمم المقاطعة عاملة شغل ورعب :nice:
مريت على احد مطاعم الاتراك كنت اخذ منه اكل لعمال شركتي وبدلته بمطعم ثاني ارخص
تضامنا مع مقاطعة كل غالي وسئلته شلون الشغل معاك قالي بنبرة المخنوق الشغل مضروب
قلت له االناس عاملين مقاطعة لكل ما هو غالي قال انا اسعاري مش غالية قلت له كيف
مش غالي كم الشيش طاووق عندك قالي 7 ريال قلت له انا اخذه 4 ريال منك سابقا
وكم نص الدجاج المشوي قالي 15 بدون رز قلت له انا اخذه 10 منك سابقا
قلت له عدل اسعارك والا الناس بتتجاهلك وبيروحون لمن هو ارخص منك
وانا صادق اخذ وجبة الان 12 ريال لكل طلب وسابقاَ يعطيني نص دجاج
شواية بعد مش مشوي ورز 22 ريال وفرت 10 ووقفت في وجة
الغلاء والجشع حتى المطاعم الي خارج المقاطعة لا تاخذون
الى الطلب الي يسوى قيمته واتركو الغالي له :) ياكله
تحياتي لكل من وقف في وجه الغلاء لاجل بلدة
واهلة ولكم تحياتي بلا حدوووود :nice:



اما عن نصيحتي ان تبدا بالتطبيق بنفسك بناْ على ردود الشباب الي كانو مع فرض رسوم
على مواقف الستي سنتر واما انا فارفض بشدة الاستغلال ولن ادخل الستي سنتر ولن اشجع
على ذالك ولن انتضر راْي الناس , انا ضد الاستغلال بكل اشكاله

أسياد
25-10-2011, 10:33 AM
اي سلبي ياخوي اسياد :omg: علشان قلت لك ابدا بنفسك انا مقاطع الستي وغيرة
وكل المطاعم الجشعة واسلوبي اني بديت بنفسي ولم التفت للناس الي ما قاطعوا ولن امشي
في ركابهم اقاطع كل من يحاول استغلال الناس وانا اول المقاطعين وهذي مشاركة لي
في احد الردود تفضل اقراها وبتعرف انك غلطان واني ضد الجشع بكل انواعه






اما عن نصيحتي ان تبدا بالتطبيق بنفسك بناْ على ردود الشباب الي كانو مع فرض رسوم
على مواقف الستي سنتر واما انا فارفض بشدة الاستغلال ولن ادخل الستي سنتر ولن اشجع
على ذالك ولن انتضر راْي الناس , انا ضد الاستغلال بكل اشكاله وانا متأكد

أنا شاكر لك الرد الجميل هذا وكل همي مصلحتي ومصلحتك ومصلحت الجميع فقط، لازم التجار يعرفون احنى مش اغبياء ولا راح نضل زي الامعه لهم ولجشعهم.

والله يوفق الجميع.

تاج المراجل
25-10-2011, 02:02 PM
مقاطعـه ولا يهــمك

أسياد
26-10-2011, 09:15 AM
مقاطعـه ولا يهــمك


تعجبني رجل من ظهر رجل والنعم فيك يالشيخ

AL-MAYSTRO
26-10-2011, 01:49 PM
يا شباب احنى ليش نتعرض لهذه الاحتيالات لأننا لا يوجد اتفاق بين الشعب على أنهاء هذه الاحتيالات من التجار .

الاتفاق هذا عباره عن وعي مجتمعي نحاتجه في مجتمعنا :( للاسف

وياليت تمر على موضوعي على هالرابط وتقرأ عن هالوعي والثقافه فالمجتمعات الاخرى
ومحاربتهم لتجارهم :( وكيف تغلبوا عليهم

http://www.qatarshares.com/vb/showthread.php?t=482138

SPIRIT_OF_QATAR
26-10-2011, 05:47 PM
ليش المقاطعه اذا الناس قامت اتحصل مواقف وارتاحت شوي
انا الود ودي لو يسوون الشوارع التجاريه كلها بفلوس عشان الواحد يحصل له موقف لو راح يتسوق
يعني قبل اروح الاصمخ افتر لي 3 ولا 4 مرات على ماحصل موقف لا وبعيد عن المحل الي ابيه
ونفس الحاله في اكثر من شارع تجاري
اغلب الي يوقفون هم العاملين في المحلات ولا الي ماجرين الشقق حولين الشارع او سيارات محلات الايجار
معظم الوقت نضطر انصف بالممنوع وغين في المحل وعين على الموتر لاتجي دوريه اتصكنا مخالفه

مع وبقوة للمواقف بفلوس في الاماكن التجاريه المزدحمه

أسياد
26-10-2011, 10:57 PM
الاتفاق هذا عباره عن وعي مجتمعي نحاتجه في مجتمعنا :( للاسف

وياليت تمر على موضوعي على هالرابط وتقرأ عن هالوعي والثقافه فالمجتمعات الاخرى
ومحاربتهم لتجارهم :( وكيف تغلبوا عليهم

http://www.qatarshares.com/vb/showthread.php?t=482138

عجبني الموضوع جدا وياليت نحذي حذوهم وياريت شعب قطر يقلد هذه الامور ويكون عندهم وعي واشكرك جدا على هذه المساهمة وعلى وعيك يا خوي.

واسمح لي سأعرض موضوعك في موضوع جديد للآستفادة.

للصبر اخر
02-11-2011, 07:54 AM
طيب في حل
باحد مولات الامارات
ماتدفع لاول 3 ساعات
تحتسب سعر التذكره من الساعة الرابعة لك بالمووول
وعلى درهميين
ليش مايطبقون هالقرااار
يعني ماتسوى اوقف بالمواقف وانزل كارفور نص ساعة او ساعة ويحسبونها لج بالدقيقة

زهرة بنفسجية
03-11-2011, 11:19 AM
أنا مستغربة من الناس اللي تقول احسن و صرنا نحصل موااقف
!!!!!
الجمعة اللي طاافت مريت امامهم قلت بشوف الوضع لو في اماكن قسم بالله و لا مكان فاضي الا كان في 2 في الطابق العلوي فاضيين فأي مواقف تحصلونها!!!!!!!!!!!
بعدين انتوا شايفينها مبلغ بسيط ؟؟!!!!
كل ما تدور الساعة يضاغف المبلغ عااادي عندكم !!!!!!!!!!
على شنو كل هالاستغلال
انا قاطعته من يوم حطوا هالمواقف الاستغلالية للمواطن
و المشكلة مو رايحة الا علي و على امثالي
لانه اغلب اللي يروح هناك مثل ما تفضل احد الاعضاء التكلفة عليه بسيطة و اصلا هو رايح يضيع و قت و فلوس و مو فارقة معاه لو 30 ريال على كم ساعة @ـ@
اما نحن اذا رحنا نروح الويكند عشان نغير جو من روتين الاسبوع الكئيب كله
على العموم كل واحد ينظر للامور على حسب راتبه
بس لا حد يقاطع و يعلق على كم مطعم رفع ريال و 2
لانه في اولى منهم بالمقاطعة ( اللي يرفع كل ساعة المبلغ هذا لا يدخل بالربا!!!!! ؟؟؟)

فيصل 89
03-11-2011, 05:05 PM
انا مع المقطعه 100% انا الحمد الله حالتي زينه وليومكم هذاء ماعرف كم تسعيرتها وانا كل يوم افطر بالستي ادوم ببرج جنبه وروح افطر دووم والحمد الله عزوبي ومعاشيء يكفيني وزود اوفر اكثر من ثلثينه ما شاء الله

بس ياخوان المقاطعه هي انك تحارب كل من يستغلك وجشع التجار يعني الحين بتقولي الستي سنتر حطوه بفلوس عشان حضرتك لاجيت بالويكند تحصلك مكان ينتظرك


هذا جشع التجار يوم يشوفون انه الرواتب زايده والبلد فيها خيير تبداء لعبتهم بشياء بسيطه بس مدخولها هائل

نفس البيبسي حنا نستهين بشركة تبيع بضاعتها على ريال ونص وطلعت هي اقوى من شركة مارسيدس بالارباح

لنها داخله في كل بيت والفقير قبل الغني واغلب العالم تشربه << رحنا بعيد عن الموضوع الاساسي لوول

المهم انا معاكم ضد هذا الجشع

البهتري
03-11-2011, 10:25 PM
ـعنقد أن سيتي سنتر صار للفلبينيين
والا أنا غلطان

خزامئ
04-11-2011, 10:46 PM
المشكله الي عنده مايهمه
والمسكين ماحد يسمع صوته
واذا الواحد حكاء وقال الجشعين كلونا
قالو كلها الا كم ريال
ماتضر والريال وراء ريال لين
نسير مثل بعض الدول الي كل شي بفلوس
ذيك الساعه الكل بيحكي بس بد فوات الاوان
تسل ياراعي الموضوع

النواخذة
09-11-2011, 11:45 PM
انا مع ان تكون بفلوس ع الاقل الواحد قبل ما يلاقي مواقف الحين بالعكس موجوده ..
ادفع فلوس احسن ابوايد من اقعد نصف ساعة ياللة ياللة احصلى موقف

Roo7MooT
10-11-2011, 11:06 AM
يا اخي الكريم (غير البشر) الناس اللى مرتزه هناك وجوهم طبوقه يعني ما بيستحو ولو في رقابه من ادارة الستى بدل ما تحط اجهزة عشان تاخد تذاكر اتحد جهاز يسجل موعد دخول كل سياره وكم ساعه اتوقف اظن بيكون ارحم الحال واذا انت شايف ان المبلغ بسيط انا وغيري لااا مش شايفه بصراحه بسيط احسبهااا وشوف كلن على قد حاله سبحان الله هي ارزاق موزعه بس كمان بالعقل محتاجين انغير جو من الحياه الكئيبه اللى عايشينهاااا :weeping:
قلبنا دراما حزينه



ياخووي اقنعني رايح السيتي وماعنده خمس ولا عشر للباركنغ بالعقل

كبير المتداولين
10-11-2011, 02:22 PM
مفروض المواقف في كل مكان بفلوس وخاصه الاماكن الخدميه

المسك1969
10-11-2011, 06:21 PM
بااال من سنتين مارحت الستي ورحته بس قبل اسبوعين عشان البنك وحتى مع الطلعه وبفلوس كنت انطر الدور.... وصكروا المداخل وسبحان الله وكأنهم ما يستفيدون من الايجارات ألا صار لازم من يوقف يدفع للموقف وماعرف الهدف منه شنو؟

بس اعتقد أنه إهانة للمتسوق أنه رايح يربحهم وبعد يوقفونه بفلوس؟ ولو كان أمر في مكان عام ويخص الدوله بنبلعها لأن المحلات التجارية تكون استفادتها لنفسها ولصاحب المبنى لاستلامه الايجار
كما هو الحال في الامارات والدول الغربية

qatary 2022
08-12-2011, 11:22 PM
حتى المواقف

qatary 2022
08-12-2011, 11:23 PM
للللليش ياسيتي

السحابة
10-12-2011, 12:32 AM
اخوي لا تتعب حالك حتي لما صار بفلوس مافي مواقف مكتوب فووول مافي مواقف محد فارق معه صراحة المفروض يسوو مكاتب أو نفس المحل يعطيك مع الفاتورة مجانية مواقف لاكن كل مايشفون الأذدحام والأقبال بيزيد بيزيدو المبلغ الله المستعان

sepasteyn
10-12-2011, 07:56 PM
يمقن اقاطع ويمقن لا - اسف بس الاراء مختلفة احترت !!!

مخطط قطري
10-12-2011, 08:30 PM
والله انا اروح ولامره دفعت!!! شسالفه؟ من متى صارت بفلوس؟؟؟؟

wadha-qa
10-12-2011, 09:15 PM
بالعكس انا مع هالقرار شوفوا الفرق بين المواقف اول و الحين
الحين تحصلون الموقف بسهوله مب ندور ساعه ما نحصل مواقف

بس ياليت كل المحلات تسوي نفس كارفور اذا اشتروا بمبلغ معين يعفونهم من رسوم الموقف

ابوالكلام
30-12-2011, 09:53 PM
احتمال طلبي للمقاطعة ما كان واضح القصد للمصلحة العامة والله من وراء القصد.

اولا المقاطعة مش بس عشان المواقف عشان الغلاء بصفه عامة يا ناس عشان لا نكون صيد سهل للجشعين يا جماعة المفهوم العام عن أهل قطر في السوق مهما كان ومهما صار يتقبلون بدون احتجاج ولا يوجد اتفاق على المصلحة ليش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بدل ما كل واحد يستهزاء يكتب كلمة تساعد على الاتفاق على الخير ما يحسن الا ارباب العوائل واصحاب العيال. اما اليه يقول الا مره في الشهر او ما يكلف الا 20 ريال ان شاء الله ريال ليش يتاخذ من تعبنا وحلالنا من غير حق. ارجو التفكير بطريقة المصلحة للجميع.

للحياة لمن تنادي تكلم ميتين

alkatalony
31-12-2011, 02:55 AM
اصلا الستي صار اكثر زواره أجانب ومقيمين يعني مافي أمل يقاطعون الستي وحتى لو القطريين قاطعو الستي ماراح يأثر اصلا وأنا أشوف البوابات سوت زحمه في الويك اند الزحمه كانت توصل لين برع وحتى وقت الخروج بعد زحمه على الدفع ووايد وايد يصير تأخير لكن في الايام العادية وناسة وخير

khaldoon
31-12-2011, 10:18 AM
اخوي روح شوف الستي سنتر بعد الغاء عدد كبير جدا من المواقف بسبب الاعمال الانشائيه

صار الوضع لا يطاق من الزحمة و الانتظار على البوابة نصف ساعة

محمد الجفيري
31-12-2011, 12:03 PM
ابشرك الدور جاي على كتارا والله يعلم يمكن فيلاجيو بعد
واشفففففففففففففط

zizo3000qtr
31-12-2011, 02:24 PM
الله يعطيك العافيه

رحال
31-12-2011, 02:28 PM
عن نفسي قاطعت الستي وللأسباب التالية :

- بهدله وطول انتظار في الدخول والخروج .

- أسعار الباركنج مرتفعه وأصلا مالها داعي .

- كان من المفروض وجود البديل وهي أشتر بقيمة 100 ريال من " أي

محل " وأحصل على باركنج بالمجان ، عكس ماهو حاصل من كارفور فقط ،

وذلك لتوسيع الرزق على الجميع لأن هناك محلات واقف حالها وخسرانه .

khaldoon
01-01-2012, 01:23 AM
صراحة لما صارت المواقف بفلوس صرنا نلاقي مواقف بسهوله جدا و اصبح الوضع مريح و حتى اللي يبي يلاقي طاولة في مناطق المطاعم فوق صارت المسألة اسهل من قبل

لانه ناس كثير كانوا يخلون سياراتهم في مواقف السيتي و اصلا ما يدخلونه و ممكن تلاقيهم يشتغلون في احد الابراج القريبة المنتشرة حول السيتي او شباب يخلون سياراتهم بالسيتي و يطلعون لفة مع اصدقاءهم في شوارع الدوحة تمتد لساعات و الموقف محجوز و معطلين على غيرهم و على المحلات بدون اي احساس او تأنيب للضمير

الحين بعد الغاء عدد كبير من المواقف بسبب الاعمال الانشائيه رجعت الزحمة اكثر من اول و ما عاد في فايدة بالنسبة لنا ...بل بالعكس اصبحت المسألة بفلوس و بهدلة مب الهدف اللي كنا نتمناه انه بفلوس و نشتري راحتنا


يعني بعد ما كنا نؤيد مسألة الفلوس اصبحنا مب مستفيدين منها وما عنا سبب مقنع الحين انه نؤيدها مثل قبل

كازانوفا
01-01-2012, 07:44 AM
صراحة لما صارت المواقف بفلوس صرنا نلاقي مواقف بسهوله جدا و اصبح الوضع مريح و حتى اللي يبي يلاقي طاولة في مناطق المطاعم فوق صارت المسألة اسهل من قبل

لانه ناس كثير كانوا يخلون سياراتهم في مواقف السيتي و اصلا ما يدخلونه و ممكن تلاقيهم يشتغلون في احد الابراج القريبة المنتشرة حول السيتي او شباب يخلون سياراتهم بالسيتي و يطلعون لفة مع اصدقاءهم في شوارع الدوحة تمتد لساعات و الموقف محجوز و معطلين على غيرهم و على المحلات بدون اي احساس او تأنيب للضمير

الحين بعد الغاء عدد كبير من المواقف بسبب الاعمال الانشائيه رجعت الزحمة اكثر من اول و ما عاد في فايدة بالنسبة لنا ...بل بالعكس اصبحت المسألة بفلوس و بهدلة مب الهدف اللي كنا نتمناه انه بفلوس و نشتري راحتنا


يعني بعد ما كنا نؤيد مسألة الفلوس اصبحنا مب مستفيدين منها وما عنا سبب مقنع الحين انه نؤيدها مثل قبل



سبحان الله يا خلدون هذه طبيعة البشر محد عاجبه حاله :rolleyes2:

آلنـجــلآ
02-01-2012, 10:09 AM
انا ماروح الستي اصلا ..
اتوقع انه حق الهنود و البو فلب اكثر شي