المساعد الشخصي الرقمي

مشاهدة النسخة كاملة : تيمور !!!


wadha-qa
23-10-2011, 11:22 PM
السلام عليكم

من كم يوم كنت اتابع برنامج الاطفال على الجزيره للاطفال و لفت نظري شخصيه نعيم الحلاق في هالبرنامج

للاسف لابس الزي القطري بطريقه مضحكه بالاضافه الى كشته اللي كانها كشه مهرج و الطامه الكبرى ان كلامه عربي مكسر ويتكلم بلغه ركيكه للغايه

اذا المنتج و الممثل من اصل فارسي ترا مب حقهم فرض هالشخصيه على الاطفال

المفروض يحترمون زي اهل البلد ويركزون على اللغه العربيه الفصحى لان الطفل يتعلم من هالاشياء اللي يتابعها .. الله يرحم ايام افتح ياسمسم كنا نتقن اللغة العربيه الفصحى من خلال هالبرامج المفيده

اتمنى يشيلون هالشخصيه او يخلونه ساكت احسن له ويغيرون لبسه من ثوب و غتره و عقال الى وزار و فانيله علاقي ولا قميص و بنطلون !

بدال ما هم حاطين شخصيه تسئ للغة العربيه و تشوهها بهالطريقه يخترعون شخصيه تتكلم اللغه بطريقه صحيحه

بس الشرهه مب عليهم على وداد الكواري اللي اشرفت على العمل ولا انتقدت هالشخصيه

واللي يبي يتاكد يشوف حلقات تيمور ع اليوتيوب
ms-qtr
24-10-2011, 12:24 AM
المسلسل بكبره سخيف لو يحطون الابطال اطفال وايد احسن
مع احترامي الممثل دمه ثقيييييل
wadha-qa
24-10-2011, 07:39 AM
من ناحيه سخيف صحيح هو سخيف لدرجة الاشمئزاز ^_^

اتمنى قناه الجزيره للاطفال بادارتها الجديده تعيد النظر في البرامج المقدمه للاطفال لان مستواها متدني صراحه !!!
alfahad1
24-10-2011, 08:06 AM
هذا المسلسل للأطفال هم اللي يقيمونه مب انتم

ولبس العقال عربي يعني ما يسئ لدوله معينه وخلكم من الحساسية الزايده

مشاءالله هديتم البرامج الخليعه ومسكتوا السيد نعيم الحلاق
بوسلمان 2010
24-10-2011, 08:06 AM
يسكرون البرنامج احسن حق الجميع
wadha-qa
25-10-2011, 07:33 AM
هذا المسلسل للأطفال هم اللي يقيمونه مب انتم

ولبس العقال عربي يعني ما يسئ لدوله معينه وخلكم من الحساسية الزايده

مشاءالله هديتم البرامج الخليعه ومسكتوا السيد نعيم الحلاق

ليش تحسب الاطفال مغفلين اصلا هم اللي يعلقون على طريقه كلام هالايراني
بعدين احنا شاردين من القنوات الخليعه على قولتك و حاطين للاطفال براعم و الجزيره على اساس انهم الانظف على الساحه حاليا و اذا انت من النوع اللي يخلي اطفاله يقيمون اللي يتابعونه و انت مالك خص عز الله ضاعوا العيال
wadha-qa
25-10-2011, 07:42 AM
يسكرون البرنامج احسن حق الجميع

ما قلنا يسكرونه بس يعدلون الاخطاء اللي فيه ع الاقل يخلونه يتكلم عربي عدل
ام السعف
25-10-2011, 07:54 AM
شفت اجزاء من حلقة 12 و 23

ما شفت كلامه مكسر او فارسي ،،

هو يتكلم الفصحى مع اضافة بعض الكلمات العامية

هذا رايي في كلامه ،،
Best Man
25-10-2011, 07:57 AM
ماحاولتي تتواصلين معاهم وتوضحين لهم وجهه نظرج ؟؟
الوان
25-10-2011, 08:03 AM
اشكرج اختي

انا بصراحه وايد مستنكره المسلسل بالكامل

غير هالشخصية الحين مسوين تيمور يحب وحده

شهالخرابيط

انا توقعت ان الجزيرة للاطفال ارقى من جذيه
المدريدي
25-10-2011, 08:04 AM
ان شاء الله كلامج يوصل حق هيا النصر مديرة القناة

وهي أكيد بتشوف وبتتصرف مع هالأشكاليات واذا انتي عندج أي ملاحظة

اتصلي في القناة وكلميها وهي بتشرح لج وجهة نظرها ونظرة القناة المستقبلية