تم تغير لوحات البيوت وارقامها وتخريب طوفة البيت!!!

[بوطويشم]

السلام عليكم

اول شي السموحة اذا مكان الموضوع غلط بس بغيتكم تعرفون

تم تغيير ارقام البيوت في جنوب دحيل اليوم وذي اسئلتي

من المسؤل عن ارقام البيوت هل هي البلدية ؟؟؟

ولماذا تم تغيير لوحة رقم البيت ( المبنى ) من دون علم صاحب البيت ؟؟؟؟

ولماذا التخريب من أجل وضع اللوحة الجديدة ؟؟؟

http://files.mothhelah.com/img/ivV07567.jpg (http://files.mothhelah.com/)

فتحت الموضوع للتنبيه و الرد على الأستفسارات المذكورة

[فتى الجود]

عليكم السلام

الموضوع هذا عفس بيت الوالد

تصدق حتى الدكان طنش ماقام يجيب الاغراض بعد تغيير الرقم


عموماً

جهة الأختصاص هي التخطيط العمراني
عند واحد اسمة عامر الحميدي

وهذا رقم البداله اذا ماخب ظنى:

44266666

[R 7 A L]

الرقم الى تغير ولا شكل اللوحة ؟

[بوطويشم]

عليكم السلام

الموضوع هذا عفس بيت الوالد

تصدق حتى الدكان طنش ماقام يجيب الاغراض بعد تغيير الرقم


عموماً

جهة الأختصاص هي التخطيط العمراني
عند واحد اسمة عامر الحميدي

وهذا رقم البداله اذا ماخب ظنى:

44266666

مشكور على الرقم بحاول اتواصل معاه في اقرب وقت



الرقم الى تغير ولا شكل اللوحة ؟

الرقم و اللوحة

الرقم تغير لكن رقم العقار مثل ماهو الي يكون مكتوب تحت

اللوحة كانت بالعرض و الحين بالطول

[Best Man]

المفروض على الاقل يطلع اعلان في الجريده انه بيتم تغير اللوحات وارقام البيوت ..

[بوطويشم]

المفروض على الاقل يطلع اعلان في الجريده انه بيتم تغير اللوحات وارقام البيوت ..

حتى لو حطو في ناس ما تشوف الجرايد

على الأقل يطقون الباب و يقولون بنغير

:anger1:

[Rashid554]

احنا من زمان غيرو اللوحات يعني اقل من سنه ولكن للحين ماحفظت الرقم اليديد
لانه فيه ثلاث او اربع ارقام ونفس الشي مادرينا
جك بم غيرو الرقم

[بوطويشم]

احنا من زمان غيرو اللوحات يعني اقل من سنه ولكن للحين ماحفظت الرقم اليديد
لانه فيه ثلاث او اربع ارقام ونفس الشي مادرينا
جك بم غيرو الرقم

ذي ثاني مره يغيرون الرقم

المره الأولى مب أقل من 5 سنيين

مادري ليش هم يمشون على سياسة الجك بم :rolleyes2:

[فارس قطر]

المفروض على الاقل يطلع اعلان في الجريده انه بيتم تغير اللوحات وارقام البيوت ..

ههههههههههههههه

اكيد انك ناسي يبا انت ساكن في حارة كل من ايدة الة

يحفرون جدام بيتك بدون اشعار
يقطعون الكهرباء بدون اشعار
يحطون مطبات في شارعكم بدون اشعار

هل وزارات شبعنا من عناهم ورتوينا.

[رجل الجزيرة]

رقم المنطقة
ورقم الشارع
ورقم البيت

[ولد شرق]

وبأي حق يخرب لك طوفتك؟
الصراحة اعفسوا طوفتك مهب من حقهم ولا اظن اشغال او البلدية يرضون بالتصرف هذا اكيد هاذي شركة متعاقده معاها الجهة المختصة لتيسير الامور
نصيحتي لك حاول تتواصل مع الجهة المختصة انا صارت معاي مره وخربوا الانتر لوك الخارجي كامل وكلمت اشغال و ابعثوا الشركة مره ثانيه و ارصفوا لي الانترلوك من اورع مايكون بعدها...

[A.L.I]

بيتي ماعليه رقم ليش

:anger1::anger1::anger1:

[Abdullah_89]

لاتسكت عن حقك واطلب منهم يصلحون اللي خربوه

خلصنا من كيوتل ووايرات التلفونات والانترنت والحين التخطيط العمراني وطوف البيوت

كهرماء متى دوركم ؟؟

[بوخالد911]

اشتكي ضد الشركة اللي ركبت اللوحة

[ثابت]

انا اذكر كهرماء مرة كسروا الطوفة وبعد ما خلص شغلة المقاول الي مادري ما جرتة كهرماء او موظف راح بس رقع بلستر اي كلام ولا صبغ ولا شي والبيت جديد وبعد مارجعت من الدوام وشفت الوضع تقفل معاي وقلت بصبحهم باكر والحمدلله رحت لهم و طلعت رقم المقاول وقلت لة ترجع تصبغ مثل ما خربت وبعد ساعة الا هو موقف عند الباب وضبط الطوفة و اتصل علي وطلعت لة يعتذر ويقول لي شوف الحين والحمدلله المفروض يكون فوقة ناس توصية لما يخرب يعدل

والله ومرة شفت تريلة فيها بتاني مريوس ويضرب رصيف الحكومة وكسرة والله وقفت وخذيت رقمة وقلت لة انا بمر باكر من هنية لو شفت رصيف الحكومة مكسور على حالة ولا صلحتة ببلغ عليك والله ثاني يوم مرتب الرصيف.

[al saad]

مادري هل بتصير مشكله مع الجوزات والمرور ولاسعاف لنه العناوين تغيرت بعدين يسجلون هارب وتغير محل الاقامه بغير اعلام السلطلت ههيهيهييه

المشكله راعي البتزه راحت عليه بيتنا من 14 صار رقم 24 ومسكين كله ضايع ^____^

[NeverLand]

اي والله خربوا شكل الطوفه حرام عليهم .. بعد مو دافعين فيها شي اكيد ماراح يهمهم .. اخوي لاتسكت واشتك عليهم عالاقل عشان لايكررونها مع غيرك