تذكره دخول الستي قيمتها 100 ريال ! الايصال موجود

[إنسٌان بسِيط]

الســلام عليكم ورحمه الله وبركاته

صباح الخير اخواني واخواتي اعضاء شبكه الاسهم ... الشبكه المميزه في المواضيع وحلها .. الله يبارك فيكم ....

بقولكم موضوع صار لي البارحه وانا طالع للستي سنتي مع المدرس الامريكي معلمي للغه .. رتب اطلع معه لمشاهده فلم بالسينما ... عند دخولي لمواقف السيتي اخذت تذكره دخول ....

وعند الانتهاء من الفلم وتوجهت لبوابه الخروج وعند بوابه عرض تذاكر الخروج فقدت تذكره الخروج .... قلت لو سمحت التذكره شكلها بالسينما قال تدفع 100 ريال قطري ..

قلت طيب ولو معاي التذكره قال 3 ريال او 4 ريال ... طيب معقوله عند فقدان التذكره ادفع 100 ريال حتى المدرس الامريكي تعجب وقال هذا الشي نصب واحتيال ..

والامر اللي خلاني اكتب الموضوع لما اعطيته الفلوس واعطاني الايصال قال ولو جبت لنا التذكره الحين ما يرجع لك فلوسك 100 ريال .. يعني خلاص ..

انا في الحقيقه سالت نفسي اذكر اني دخلت للسبير الموقع الرياضي وعند فقدان التذكره ادفع 5 ريال ..


وللعلم الإيصال لا زال موجود ..


السؤال هل هذا صحيح انه عند ضياع التذكره ادفع 100 ؟

وهل مكتوب في التذكره هذا الكلام ؟

وهل حمايه المستهلك يتدخل في هذا الامر بخصوص المبالغه في هذا السعر ..؟

مع العلم فيه كيمرات وانا ااكد انه ما كملت ساعتين ..

[كازانوفا]

يلا شوف والناس اطالب انها اضل دفع قيمة رسوم المواقف

[sout qatar]

وعليكم السلام ورحمة الله وبركاته

انا صار معاي نفس الموقف ضاعت التذكره يوم جيت اطلع قالي تدفع 100 ريال قلتله يخي شوفو الكيمرات وبتعرف الوقت الي دخلت فيه قال ماعندنا الكيمرات الي تصور السياره وهي داشه مع العلم ان صارتلي نفس الحركه في سوق واقف وهناك عندهم الكيمرات الي تصور لوحة السيارة اول ماتدخل وشيك على رقم اللوحة ودفعني المبلغ الي انحسب علي بدون اي نصبه
واذكر كنت في سويسرا مع الربع وضيعنا تذكرت المواقف ويوم قلنا للموظف ان الكرت ضاع مادفعنا شي قال خلاص طلعو ماقدر ادفعكم وانا ماعرف اشكثر قعدتو

فعاد هني تحس ان الموضوع بس يبون يطلعون فلوس وخلاص لان كل تفكيرهم ان الواحد يبي يضحك عليهم وينصب عليهم

[طيب]

أنا معاك ... توجد مبالغة في موضوع إيجارات مواقف الستي سنتر أنا قعدت ثلاث ساعات ونصف حسبها علي بـ (18) ريال قلت له ليش؟ بكم الساعة ؟ قال الساعة بثلاث ريالات وإذا طافت الثلاث ساعات تحسب عليك الساعة ب(5) ريال قلت له وش دعوة؟؟؟ هذا نظام قرض بنك ربوي ،،، مهب إيجار مواقف سيارات. خخخخخخ

[AL-MAYSTRO]

تقريبا فاغلب الاماكن للمواقف اللي بفلوس نفس النظام
نفس ماهو حاصل في سوق واقف اذا ضاعت ادفع 75 ريال تقريبا
واذا موجوده معاي ادفع 4 ريال لثلاث ساعات
واللي محيرني اكثر ان فيه كيمرات وسستم يسجل رقم السياره ووقت دخولها ووقت خروجها
يعني بدون بطاقه يقدرون يسوون هالخدمه فالكيمره انها تعطيني دايركت المبلغ كم
مجرد ماتصور رقم السياره :confused:

[almaf1a]

انا استغرب من الي ينزل التذكره معاه
المكان المناسب للتذكره فوق عداد السياره

[للصبر اخر]

هم يبون فلوس
شلون ياخذون
يقصون ع المواطن
مافي غيرها

[qatar.syria]

جاء رجل لسيدنا عمر بن الخطاب وقال له أن سعر اللحم مرتفع ... فأجابه سيدنا عمر: أرخصوه ......
الموضوع بكل بساطة يجب أن نجبر أصحاب السيتي سنتر على إرخاص سعر المواقف وهناك عدة طرق لذلك منها :
1- الامتناع قدر الامكان عن الذهاب للسيتي سنتر واستبداله بغيره من المولات مثل فيلاجيو او لاند مارك او غيره
2- في حال الذهاب للسيتي سنتر أن نذهب مع السائق أو التكسي بحيث لا نضطر لاستخدام المواقف المأجورة
3- في حال لم يكن لديك سائق او لم تجد تكسي للوصول للسيتي سنتر وتريد الذهاب بسيارتك فلا تركن السيارة في المواقف الماجورة بل استخدم المواقف المحيطة بالمبنى مثلا هناك مواقف ترابية بجانب بناء السيتي سنتر وهناك ايضا مواقف ترابية في الشارع المقابل لمدخل السيتي سنتر وهناك مواقف الأبنية المجاورة ومواقف الأبنية طور الإنشاء وفي المساء تكون كل هذه المواقف فارغة وهي تتسع لاضعاف ما تتسعه المواقف الماجورة داخل السيتي سنتر

طبعا قد يقول البعض لماذا أركن سيارتي خارج السيتي سنتر وانا استطيع ان ادفع 4 او 5 ريالات في الركن داخل المواقف ؟؟
وأقول لهؤلاء ليس الموضوع متعلق بـ 4 او 5 ريالات بل هو مقاطعة لهولاء الذين يستغلون حاجة الناس للمواقف ليبعونها ويضيفون عليها الكثير من الاموال

[مستثمر 999]

اكبر الباكر يغرم الناس 500 ريال عند فقدان تذكرة مواقف السيارات


100 ريال سعر عادل وعلى مستوى الخليج


الخرجي يخالف الناس 500 ريال على الحزام والسياره واقفه وخاصه مواقف اللاند وفيلاجيو


اسأل نفسك اخوي لو جاك وافد وصف سارته في مواقف الستي اسبوع او اسبوعين وتعذر ان البطاقه او التذكره ضاعت كم ياخذون منه 3 او 5 ريالات

سلك سلك

[كازانوفا]

اكبر الباكر يغرم الناس 500 ريال عند فقدان تذكرة مواقف السيارات


100 ريال سعر عادل وعلى مستوى الخليج


الخرجي يخالف الناس 500 ريال على الحزام والسياره واقفه وخاصه مواقف اللاند وفيلاجيو


اسأل نفسك اخوي لو جاك وافد وصف سارته في مواقف الستي اسبوع او اسبوعين وتعذر ان البطاقه او التذكره ضاعت كم ياخذون منه 3 او 5 ريالات

سلك سلك



[COLOR="Red"]لا انت عااااااد جبت التايهه ما شالله عليك [/:rolleyes2:COLOR]

[الحال مايساعد]

الردود إلى حد ما مقبولة لكن أنا أشوف إللي تضرر من الموضوع عليه بالمقاطعة للمجمع بكبرة ، أنا من أشد المعارضين للتسعيرة وليس للفكرة ، الفكرة حلوة لأنها توفر مواقف للجميع ، لكن التسعيرة مرتفعه جداً جداً جداً واعتقد إلي حسبها كان الهدف منها مادي بحت
أنا إختصرتها وماقمت أروح خير شر ، وترى المحلات لها أفرع بأماكن ثانيه

[إنسٌان بسِيط]

في الحقيقه انا غسلت يدي من السيتي وفيه البديل .... للآسف أشوف نفسي كمواطن حسيت نفسي كاني بدولة اجنبيه .... وين قطر أول ... أنشهد انها مراح ترجع مثل ما كانت

الموضوع احتيال وعلى اساس الزياده اللي شفته وحللته انهم يحاولون يدخول ارباح اضعاف مضاعفه للهوامير والاكباريه ... وكلها حرام في حرام ...

ولا حول ولا قوه الا بالله حسبنا الله ونعم الوكيل

[ماجد]

نفس الموقف صارلي الجمعة اللي طافت

بطاقة الدخول ضاعت ودفعوني 100 ريال

بس عقب هالضربة مستحيل افهي وانسى البطاقة

[بوعلي 8]

25 ريال ممكن 50 تنبلع بس 100 و 500 مبالغ فيه من قلب

[Aymanbk]

[color="red"]لا انت عااااااد جبت التايهه ما شالله عليك [/:rolleyes2:color]

السلام عليكم

اعتقد الطريقة عقيمة بعض الشيئ ولازم يكون في حل ثاني
لانه فعلا اذا واحد صف السيارة يوم او يومين وقال التذكرة ضايعة ش الحل
اتوقع ان يغرمون 20 او 30 ريال مصاريف التحقق من الكميرات واذا اتضح طول الفترة اكثر من المبلغ يردون ياخذون منه

[khaldoon]

يا جماعة هذا اسمه نصب و احتيال ....بكل بساطه اول من وضع الاسعار على المواقف كان المطار و كان بيقول انه لو ضاعت التذكره بتدفع98 او 100 ريال وقتها علشان الناس اللي بتسافر و بتخلي السيارة في مواقف المطار

انا كنت اعمل في المطار اول ما سووا المواقف...او بمعنى اصح انا شاركت في عمل المواقف و يوم من الايام كنت بجيب الاهل و ضاعت التذكرة مني و كان صارلي بالمطار تقريبا ساعتين او ثلاث ساعات من الانتظار

قلت للموظف انا اعمل في المطار و فرجيته التصريح قالي مب مشكله و شيك على دخول السيارة و لقيه فعلا مثل ما قلت فوق ...و دفعني المبلغ المطلوب لا زيادة ولا نقصان

يعني يقدرون يشيكون لو دخلت السيارة في نفس اليوم على الاقل و ما تاخذ المسألة ثواني

[الأصيل]

كلامك سليم
بس لو صار هذا الموقف لشخص اخر لا يعمل في المطار بيدفعونه وما راح يسمعون له
بيت القصيد يجب عدم تنفيذ العقوبه قبل التأكد التام من صحتها من عدمها
وهذا على كافة المجالات وكافة الناس دون تمييز

[khaldoon]

كلامك سليم
بس لو صار هذا الموقف لشخص اخر لا يعمل في المطار بيدفعونه وما راح يسمعون له
بيت القصيد يجب عدم تنفيذ العقوبه قبل التأكد التام من صحتها من عدمها
وهذا على كافة المجالات وكافة الناس دون تمييز

اتفق تماما معاك في كل ردك و لهالسبب قلة في ردي بالاول هذا اسمه نصب و احتيال

[qatara]

كل شي صار ايجار ما كاننا مواطنين

اذا كان العذر لمن يقفون اسبوع او اسبوعين ويسافرون فابامكانهم استدعاء اي دوريه لمخالفة من يقف مده قانونيه
كمثال تزيد عن يوم كامل

لابد من ايجاد حل ومهله للمتسوقين اول ساعه او ساعتين بدون رسوم وبعد ذالك توخذ رسوم سوا بالستي او بسوق واقف او اي موقف

[الميدان]

جاء رجل لسيدنا عمر بن الخطاب وقال له أن سعر اللحم مرتفع ... فأجابه سيدنا عمر: أرخصوه ......
الموضوع بكل بساطة يجب أن نجبر أصحاب السيتي سنتر على إرخاص سعر المواقف وهناك عدة طرق لذلك منها :
1- الامتناع قدر الامكان عن الذهاب للسيتي سنتر واستبداله بغيره من المولات مثل فيلاجيو او لاند مارك او غيره
2- في حال الذهاب للسيتي سنتر أن نذهب مع السائق أو التكسي بحيث لا نضطر لاستخدام المواقف المأجورة
3- في حال لم يكن لديك سائق او لم تجد تكسي للوصول للسيتي سنتر وتريد الذهاب بسيارتك فلا تركن السيارة في المواقف الماجورة بل استخدم المواقف المحيطة بالمبنى مثلا هناك مواقف ترابية بجانب بناء السيتي سنتر وهناك ايضا مواقف ترابية في الشارع المقابل لمدخل السيتي سنتر وهناك مواقف الأبنية المجاورة ومواقف الأبنية طور الإنشاء وفي المساء تكون كل هذه المواقف فارغة وهي تتسع لاضعاف ما تتسعه المواقف الماجورة داخل السيتي سنتر
.طبعا قد يقول البعض لماذا أركن سيارتي خارج السيتي سنتر وانا استطيع ان ادفع 4 او 5 ريالات في الركن داخل المواقف ؟؟
وأقول لهؤلاء ليس الموضوع متعلق بـ 4 او 5 ريالات بل هو مقاطعة لهولاء الذين يستغلون حاجة الناس للمواقف ليبعونها ويضيفون عليها الكثير من الاموالانا معا اخوي قطر الديره صارت نصب عيني عينك وبخصوص ضياع التذكره تدفع 100 ريال هاي شي منطقي بصراحه بس وين اللي يسمع

[بوعلي-Qtr]

كلامهم صحيح
اقرا الشروط والقوانين

عيل انا بصف 3 ايام وبضيع التذكره .. عرفت شلون

[ll vip ll]

نص واحتياك

حسبي الله والنعم الوكيل

[التيما]

مكتوب في اللوحات في المواقف ان في حالة فقدان التذكرة تدفع 100 ريال.. واللي يقول ليش تنزلون التذاكر اقوله لان لازم نختمها اذادخلنا السينما او كارفور عليهم خصم فنضطر ننزلها .. بس صج 100 ااوفر ممكن50 اشوفه معقول.. *

[النواخذة]

اللة يكون فى العوان

[NOORA2008]

مكتوب في اللوحات في المواقف ان في حالة فقدان التذكرة تدفع 100 ريال.. واللي يقول ليش تنزلون التذاكر اقوله لان لازم نختمها اذادخلنا السينما او كارفور عليهم خصم فنضطر ننزلها .. بس صج 100 ااوفر ممكن50 اشوفه معقول.. *

اول مره اعرف هالمعلومة ان نختمها في كارفور او السينما:rolleyes2:

[abu m7md]

هم كاتبين لك في القوانيين في حالة فقدانها تدفع قيمة 100 ريال
يعني مالك حجه فيها.

لكن ابي اجابة سؤال محيرني الى اليوم.

هل ابو مشعل يرضى فالي يصير في عياله...؟
هل البطانه السوداء ماثره عليه وتنقل له اخبار جميله عن شعبه..؟
هل انا بروح ورى الشمس من ردي ..؟

[naif3]

حسبنا الله ونعم الوكيل

[برقان]

اكبر الباكر يغرم الناس 500 ريال عند فقدان تذكرة مواقف السيارات


100 ريال سعر عادل وعلى مستوى الخليج


الخرجي يخالف الناس 500 ريال على الحزام والسياره واقفه وخاصه مواقف اللاند وفيلاجيو


اسأل نفسك اخوي لو جاك وافد وصف سارته في مواقف الستي اسبوع او اسبوعين وتعذر ان البطاقه او التذكره ضاعت كم ياخذون منه 3 او 5 ريالات

سلك سلك


السلام عليكم

اي والله انك طحت على الجرح ياخوي

سالفة 100 ريال هذي بكل الخليج ترا وبعضهم توصل اكثر من 15 دينار لاصرت بالمطار مثلا

ولكن اللي يقهرك يمشون عليك القانون ومايصير ولا صار وافد من ربعهم على قولتك سلك سلك هذا اللي يقهر

واللي يقهرني اكثر واكثر واكثر انه الجهات المهنيه ساكتين .!

معقوله مايدرون ؟ اذا يدرون وساكتين هذي مصيبه وكارثه واذا مايدرون خير شر عيل المصيبه اعظم واعظم

حسبي الله ونعم الوكيل

[meandme]

والله يا جماعه أسعار الباركنج عجيبه اوكي عملوا تجديدات ووضعوا اضاءة حمراء وخضراء للمصفات

الفاضيةو يبون يطلعون حقها و جات الزيادات ماشاءالله ...لكن 4 ريال للساعه و 8 للساعتين وبعد ذلك المبلغ

يتضاعف ...تصبح الساعة ب 8 ريال و 16 ريال ....لا ولازم ناخذ التذكرة معانا نختمها من الكارفور والسينما

وهذا بطلب منهم عشان مايخسرون زباينهم لانه الكل بيروح فيلاجيو بهل حاله واللي يبي يتعشى ويتسوق قبل

الفلم مايخصموله الا 8 ريال ساعتين سينما و دفعوني 16 اتوقع على الساعتين الثانيين بعد خصم 8 ريال

ساعتين سينما .واذا الفيلم اكثر من ساعتين مالهم شغل ....لكن الفكره مقرفة وجاهلية...وموضوع 100 ريال

هذا غباء...المفروض دام في كاميرا وينطبع رقم اللوحه على البطاقة في نفس اللحظة ...مافي داعي لتسليم

بطاقة اصلا ...الرقم يظهر على الشاشة والنظام يحسب السعر سيدا ويقولك ادفع كذا

[السحابة]

انا استغرب من الي ينزل التذكره معاه
المكان المناسب للتذكره فوق عداد السياره

اللي يأخذ التذكرة معها لأن أحتمال يدش كارفور ويعطوه مجانية علي الفاتورة يعني شئ مو غريب

[صوت الضمير]

من بعد فيلاجو ماعاد رحت للستي ألا يمكن اراجع بنك

واللحين كل فروع البنوك بكل مكان

باي باي يالستي .. مرافق المجمع تحتاج إلى صيانه وتجديد..خاصه دورات المياه اعزكم الله

اتوقع لأصحاب محلات الستي خساره كبيره .. اذا ماكان في تحرك من ادارة الستي

وشكرا

[دااانة قطر]

والله يا جماعه أسعار الباركنج عجيبه اوكي عملوا تجديدات ووضعوا اضاءة حمراء وخضراء للمصفات

الفاضيةو يبون يطلعون حقها و جات الزيادات ماشاءالله ...لكن 4 ريال للساعه و 8 للساعتين وبعد ذلك المبلغ

يتضاعف ...تصبح الساعة ب 8 ريال و 16 ريال ....لا ولازم ناخذ التذكرة معانا نختمها من الكارفور والسينما

وهذا بطلب منهم عشان مايخسرون زباينهم لانه الكل بيروح فيلاجيو بهل حاله واللي يبي يتعشى ويتسوق قبل

الفلم مايخصموله الا 8 ريال ساعتين سينما و دفعوني 16 اتوقع على الساعتين الثانيين بعد خصم 8 ريال

ساعتين سينما .واذا الفيلم اكثر من ساعتين مالهم شغل ....لكن الفكره مقرفة وجاهلية...وموضوع 100 ريال

هذا غباء...المفروض دام في كاميرا وينطبع رقم اللوحه على البطاقة في نفس اللحظة ...مافي داعي لتسليم

بطاقة اصلا ...الرقم يظهر على الشاشة والنظام يحسب السعر سيدا ويقولك ادفع كذا

طيب واذا الفيلم 3 ساعات؟

وفوقهم سااعه ؟؟

[كبير المتداولين]

الله لايهينك ضيعت التذكره روح قص وحده ثانيه من مكان الدخول وفك نفسك يعلبون عليك لا خلك انت الي تلعب عليهم اقعد عشرين ساعه وقص تذكره وقت خروجك بدقائق معدوده وخلهم يحاسبونك لو فيهم خير

[عميد السوق]

سؤال

هل الكاميرا تقدر تقرأ الرقم والتعرف عليه ... يعني لازم المراقب يفحص الأرقام ويقارن الرقم ساعة الدخول والخروج ... ولا السيستم والكامير ييتعرف على الرقم فيمكن تحديد ساعة الدخول والخروج وحساب السعر

[كبير المتداولين]

سؤال

هل الكاميرا تقدر تقرأ الرقم والتعرف عليه ... يعني لازم المراقب يفحص الأرقام ويقارن الرقم ساعة الدخول والخروج ... ولا السيستم والكامير ييتعرف على الرقم فيمكن تحديد ساعة الدخول والخروج وحساب السعر

اخوي بدون رقم ولا كاميرا بالكرت الي تسحبه وتسدد الفاتوره داخل المجمع وانت طالع تفتح البوابه والسلام عليكم

[الالماس2005]

اي شغالين بالنصب حسبي الله عليهم ..انا مودية تلفوني عليه ضمان .. للشركه حقت البلاك بيري اللي شعارها اخضر ..ناسيه اسمهاا ويوم وديته قال مو مشكله بس جيبي الكرتون بيكون اصلا بالرقم المسلسل مسجل الضمان حقه .. بس ادفعي 100 الحين وبنسوي له فورمات واذا جبتي الكرتون بنرجع لك ال 100 قلت اوكي ..يوم رجعت الا يقول لا لازم ورقه الضمان الجهاز مو مسجل والميه بناخذهااا ..حسبي الله عليهم خدعني الهندي ..

[alnoida]

إن شاء الله مع لوح أرقام السيارات الذكية سوف تحل هذه المشكلة
حيث يكون حساب الوقت ألى والدفع الكتروني مثل نظام سالك في دبي

لكن مشكلة المبالغة في التعرفة - لا تحل إلا ....... مادري كيف تحل

[برقان]

اي شغالين بالنصب حسبي الله عليهم ..انا مودية تلفوني عليه ضمان .. للشركه حقت البلاك بيري اللي شعارها اخضر ..ناسيه اسمهاا ويوم وديته قال مو مشكله بس جيبي الكرتون بيكون اصلا بالرقم المسلسل مسجل الضمان حقه .. بس ادفعي 100 الحين وبنسوي له فورمات واذا جبتي الكرتون بنرجع لك ال 100 قلت اوكي ..يوم رجعت الا يقول لا لازم ورقه الضمان الجهاز مو مسجل والميه بناخذهااا ..حسبي الله عليهم خدعني الهندي ..


وبس ؟؟ هذي هي ؟ قال لج هاتي 100 ريال قلتي هاااك ؟؟

لا أختي ماأخدعج اهو , هو شاف ناس مايسألون ولا يهتمون ( قبل حالي من حالج ترا )

وعلى اي اساس ياخذ الـ 100 ؟؟ شسوا هو ؟؟ تدرين ليش خذاها ؟

لانه شافج بنيه بروحج وعلى طول قلتي له هااك تفضل

شاللي خلاهم يتجرأون ؟ وهم اصلا في اوطانهم لاتعليق كلنا نعرف حياتهم في اوطانهم

ولكن الكلام علينا احنا ؟ احنا شحقه جذي اي شي يقولونه على طول اوكي هاك ؟

ولما عطيتيه 100 ريال ؟ خذيتي منه فاتوره او وصل ؟ طبعا لا

لاحول ولا قوه الا بالله

اختي , ارجوج كلنا ندري مو محتاجه الــ 100 ريال

بسس ارجوج عناد فيهم اشتكي عليهم وانشالله توصل اغلاق المحل

لاتخلينهم


حسبي لله ونعم الوكيل عليه وعلى كل نصاب مشرد

[نبيلوو]

اكبر الباكر يغرم الناس 500 ريال عند فقدان تذكرة مواقف السيارات


100 ريال سعر عادل وعلى مستوى الخليج


الخرجي يخالف الناس 500 ريال على الحزام والسياره واقفه وخاصه مواقف اللاند وفيلاجيو


اسأل نفسك اخوي لو جاك وافد وصف سارته في مواقف الستي اسبوع او اسبوعين وتعذر ان البطاقه او التذكره ضاعت كم ياخذون منه 3 او 5 ريالات

سلك سلك
شكله من جماعة الستي سنتر هههههههه

[sqatar]

بغض النظر عن الستي سنتر اكبر مثال مواقف المطار الكاميرا تصور رقم السيارة وعند الخروج او فقدان التذكرة يعرفون الوقت عن طريق رقم السيارة بالاضافة الى غرامة فقدان التذكرة

طيب ليش؟

[@الأدعم@]

بصراحه اسوأ مجمع وخدمه ومواقف الستي سنتر انا تركته من زمان ماعاد اروح له

[@الأدعم@]

على فكره الدور الاول للمواقف تسكر والمواقف زحمه مالك مكان

[لولو80]

ومنكم نستفيد اول مرة اعرف

[براك]

الله المستعان

[علي رشيد]

انا اشوف انهم ما اغلطوا

انت ضيًعت البطاقه
وهذا شرط جزائي .. قانون يعني

و للعلم مطار الدوحه نفس الشي

يعني بالعربي خلك حريص مرًه ثانيه ..



وشكراً

[خيالة قطر]

لاحول ولاقوه ..

الله بيحاسبهم على كل شي ..

[qatar2004]

صراحه الواحد يطلب لموزين يوصله للستي وينطره لين يخلص اقل من مواقف الستي هههههههههه

نسخه لاداره حمايه المستهلك

[ابوالكلام]

كل واحد على كيفه قوانيين مافي تقول عايشين في البر مافي الا الشرطة بس إيذا سويت مشكلة يسحبونك من البيت الامور عندناماشية بالبركة

[smooth]

شدعوه 100 ريال وايد

[قلب الحدث]

ياخوي سهلة مواقف الستي مافيها كاميرا مثل المطار قولة نسيتها مع الاهل داخل ارجع وقف السيارة وروح اي مكان دخول طق تذكرة جديدة وخذلك فرة بالستي وارجع مرة ثانية ولا تدفع 100 عشان شي موب مستاهل