مواشي النحسه...مع احترامي

[بنت السوق]

السلام عليكم...للاسف لقد قمت بشراء سهم مواشي المنحوس في نفس يوم نكبة الاسهم الشهر الماضي لذالك سميته المنحوس...الان اريد النصيحه...انا اشتريته ب(73.5) والحين انا خسرانه وايد..تراودني فكرة بيعه بخساره وشراء سهم قوي له وزنه مب مثل شركة الخرفان هذي...في نفس الوقت كثير قالولي لا تبيعين وانتظري بس انا اشوف انها مامنها فايده...ارجوكم اريد النصيحه واذا كانت النصيحه بلبيع فماذا ترشحون للشراء...جزاكم الله خير

[alsultan]

مرحبا اختي بنت السوق
أنا من رايي تبيعين وتاخذين في المتحدة او النقل البحري او الدولي والله يوفقج ويزيدج انشالله :)

[موادع قطر]

اصبري لين هذا الاسبوع اعتقد بتطلع بس مش مثل السعر الي انتي شريتيه؟؟
ممكن اتقللين الخساير اذا بغيتي اتبعين بالخساره؟
اشتري اسهم البنوك تراها زينه التجاري او الدوحه
التجاري 205 الى 210
الدوحه 200 الى 205
الصناعات 255
والله يوفقك انتي من الناس الي شرو بدون اي تقييم لشركه بس خيرها فغيرها انشاء الله

[شهبندرالتجار]

السلام عليكم
ما انصح بالبيع حالياً
واذا عندك سيولة اشتري في احد الشركات التاليه :
الدولي
صناعات
النقل البحري
العقارية
مجرد راي

[قناص قطر]

السلام عليكم

اختي العزيزة

نصيحه بيعي

وعليك

اما بالصناعات

او المصرف او الدولي


وان شاء الله بتعوضين فيها خير

[هتلر]

مرحبا اختى والله انصحج بصبر و صبر و صبر
لا تستعجلين لا ن السوق يحتاج صبر
على الاقل اتكون خسارتج قليله
وعلى فكره عزيزتى كلنا في نفس القارب :nice:
والله يوفقج

[alsultan]

اخوي هتلر لمتى تصبر !! لصبرت جد انه باقي الشركات ارتفعت وخلها تبيع وتشتري شركات احسن نها دام انهم نازلين والله يوفق الكل

[هتلر]

ياخوى يالسلطان عادى الحين بترتفع و بكره بتنزال هذا حال البورصه

[علي]

بيعي لا تنتظري هذا راي والله ايوفقج

[الرمز]

الواحد من القهر يقول عطوني راي

وبعدين يحتار من كثر ه الأراء لي مختلفه بيع لا تبيع بيع لا تبيع

وبعدين الواحد يقرر من نفسه

نصيحه المفروض الواحد يقرر بنفسه الانه هو من يخسر وهو من يربح

[هتلر]

أحسنت يا شرياص
ولكن في بعض الاحيان الواحد يحتاج من اهل العلم والمعرفه النصيحه
وخاصه اذا كان جديد على السوق
وشكرا

[بنت السوق]

اخوي شرياص...اسمحلي انا لا اتفق معك في هذه النقطه لان الانسان ليس له مفر من بني جنسه يعني لازم يستشير ويسال ويسال ويسال لين مايستقر على الشي الذي يراه مناسبا له...يعني في النهايه راح يكون هو من يتخذ القرار ومن يتحمل مسؤليته...وسائل السؤال لازم بعد يكون ذو حنكه يعني يقرر من خلال صاحب الراي الاقوى والمقنع...انا اسفه بس هذي وجهة نظري ومبدئي يمشي على الشورى....وجزاك الله خير

[هتلر]

بارك الله فيج يابنت السوق
والله يوفقج ان شاء الله

[هتلر]

اختى بنت ممكن اعرف كم سهم تمتلكين في المواشى
هذا اذا ما فيها ازعاج
وشكرا

[roadrunner]

اخوي شرياص...اسمحلي انا لا اتفق معك في هذه النقطه لان الانسان ليس له مفر من بني جنسه يعني لازم يستشير ويسال ويسال ويسال لين مايستقر على الشي الذي يراه مناسبا له...يعني في النهايه راح يكون هو من يتخذ القرار ومن يتحمل مسؤليته...وسائل السؤال لازم بعد يكون ذو حنكه يعني يقرر من خلال صاحب الراي الاقوى والمقنع...انا اسفه بس هذي وجهة نظري ومبدئي يمشي على الشورى....وجزاك الله خير

السلام عليكم..

اختي الفاضلة .... هل انت محتاجه بالوقت الحالي حق قيمة الأسهم .... اذا كانت اجابتج لا ... فنصيحتي لج اصبري .... نزول السوق هذا غير طبيعي .. ومرده بيرتفع .. بس يبيله صبر.

[هتلر]

أسحب سؤال و ذلك لان ممكن فيها ازعاج
واسف مره اخرى
وبتوفيق

[Alemadi]

الدولي والله يوفقج ويزيدج انشالله

[البانوش]

السلام عليكم...للاسف لقد قمت بشراء سهم مواشي المنحوس في نفس يوم نكبة الاسهم الشهر الماضي لذالك سميته المنحوس...الان اريد النصيحه...انا اشتريته ب(73.5) والحين انا خسرانه وايد..تراودني فكرة بيعه بخساره وشراء سهم قوي له وزنه مب مثل شركة الخرفان هذي...في نفس الوقت كثير قالولي لا تبيعين وانتظري بس انا اشوف انها مامنها فايده...ارجوكم اريد النصيحه واذا كانت النصيحه بلبيع فماذا ترشحون للشراء...جزاكم الله خير


حلوة شركة الخرفان

يوم من الايام بتصير شركة غزلان بس تبيلها صبر

[ناصر]

ما في سهم نحس وسهم مهب نحس ................ المسألة ان دخلتك في السهم كان توقيتها غلط..........

وحطي بالج في اسهم ترتفع بسبب المضاربة بس.........وغيرها ترتفع عشان اداؤها الجيد +المضاربة.....

مرة ثانية انشالله ....اشتري الاسهم اللي ترتفع بسبب الاداء لانه يكون صعود حقيقي ومهب وهمي.

وسلامتج

[الصمت]

توووووووووووووبه آخذ في النقل البحري

وانا ما انصح فيه

عليكم بالبنوك ياجماعه للي يبي يعوّض اسئلوووا مجرب :)

[Chambray]

الواحد من القهر يقول عطوني راي

وبعدين يحتار من كثر ه الأراء لي مختلفه بيع لا تبيع بيع لا تبيع

وبعدين الواحد يقرر من نفسه

نصيحه المفروض الواحد يقرر بنفسه الانه هو من يخسر وهو من يربح


هلا اختي

والله انا نفسج شريت سهم الخرفان وتوهقت

ونفس ماقال اخوي شرياص

الواحد يقرر بنفسه

لان الاراء وايد .. وكل واحد له رايه

فالافضل انج تتوكلين على الله وتسوين الشئ المناسب

سؤاء بالاحتفاظ بالاسهم لحد السنة الجاية وبيعها بدون خسارة .. وتعتبر هاذي ادخار لفلوسج

او البيع بخسارة مع اني ما انصح فيه والمضاربه في الاسهم الثانية .. الي ما انصح فيه .. لان الاسهم مالها امان

وشكراً

[502]

وانا بعد بس ابنطر شوي الى ان ان اوصل الى معدل خسار طفيف ومن ثم ابيعها ...
على كل هذا رائي..