هروب الخادمات الى متى

[latof]

في الأونة الاخيرة اصبحت ظاهرة هروب الخادمات شي طبيعي الواحد يعطي دم قلبه ويجيب الخادمه وبعد فترة تهرب الخادمه بدم بارد . وخاصه الاثيوبيات أنا من فترة سافرت خادمتي معززة ومكرمه وصلتها للمطار واولادي الصغار ودعوها وخاصه ابني نصوري كان يعزها . وهي تبكي على فراق الاطفال كانت طيبه ومجتهدة في العمل وكان موعد عودتها بعد شهرين تفاجات بالمطراش قبل أسبوعين من موعدها فرحت أخذت الاطفال لاستقبالها كانت الطامه أنا وصلت وهربت من المطار عند سؤال الشرطي لماذا تعطونهم الجواز كانت الاجابه ان اول مرة لا نعطيها الجواز ولكن ان كانت قديمه لا نمسك جوازها . اين القانون من حقوق المواطنين وهناك فئه من الرجال الاثيوبين لديهم خادمات يؤجرونهم بالساعات وخاصه لغير المواطنيين لانه هؤلاء الخادمات هاربيين من الأسر القطريه في الاصل اين القانون من هذه المهزلة وحقوق المواطن يضيع مع هؤلاء الخدم

[بطل الفريج]

اكيد اكذبو عليها قالو لها روحي وتعالي حق كفيل ثاني يعني لو كانت تبي تشرد منكم كان راحت يوم
كانت عندكم .

[قطريه ماركه]

هروب الخادمات قصة لا نهائية !!

الله يعيننا

[الموضوعي]

الحمدلله من عرفنا الخدم محد شرد من عندنا ، في ناس يكرفون الخدم 24 ساعة في اليوم ومايعرفون الرحمة واذا شردت الخدامة ولا الدريول سووا سالفة اول شي عطوهم حقوقهم المساكين علشان محد يشرد

[Carbon911]

حقوق الانسان وحقوق الانسان؟؟ اين حقوق المواطن!! اللي يدفع دم قلبه تذكرة و9 الف للمكتب ويعلمها ويسنعها بعدين تشرد باردة مبردة :anger1::anger1:

[Carbon911]

الحمدلله من عرفنا الخدم محد شرد من عندنا ، في ناس يكرفون الخدم 24 ساعة في اليوم ومايعرفون الرحمة واذا شردت الخدامة ولا الدريول سووا سالفة اول شي عطوهم حقوقهم المساكين علشان محد يشرد


والله بعضهم تزيدهم وتعطيهم بس فيهم طمع .. وآخرتها تحصلهم في بيوت الــ......؟؟ ويحصلون دبل اللي تعطيهم وصارت وووايد :anger1:

[رجل مثالي]

يجب تفعيل قوانين جديدة و قوية لحماية حقوق الكفيل

[بوسلمان 2010]

هروب الخدمات صار موضه والسبب الرئيسي الاغراء في الراتب مقابل العمل باالسعات انتي تعطينها راتب



لنفرض 800 ريال ونظام الساعة تحصل حوالي 2500 ريال شوفي الفرق وين تبينها تقعد عندك وهذي شبكة منتشره


الحين عندنا ولا الوقاحه قاموا يزلون في الوسيط عنهم في جريدة الشرق انا ماادري وين وزارة العمل عن هذولا


السماسره

[مضاربه]

توني يالسه اتصل في المكاتب ادور على خادمه الا يرد علي واحد قطري اقول له عندك خادمه مؤقته والا مسترجعه يقول اذا عندج انا ابي يقول شردوا من عندي ثنتين وحده اثيبوبيه والثانيه اندونيسيه مع بعض ههههه شر البليه مايضحك

[وتبقى الدنيا حلوه]

اي والله شر البليه مايضحك

اتمنى يحطون قانون صارم و رادع للعماله اللي تهرب

مب اول مايصيدونها يحولونها الابعاد و يسفرونها !!

[شبح الصمت]

نصيحه وصدقوني الي يبي يجيب خدامه

يجيبها عمرها 18 سنه وتعلمها على يدها ..

حتى لو ما تفهم يخليها تتنظف واشوي اشوي تعلمها شغل الطباخ

احسن من عيوز وخبره ولها سوابق

واول ما تنزل تحط رجلها

[رجل مثالي]

يجب تفعيل قانون يحمي حقوق الكفيل من جميع النواحي وحقوق العمالة المنزلية، واليوم نحن في مرحلة تطويره حتى يشمل كل البنود لحماية كاملة من الناحيتين النظرية والعملية» وممكن من «الجانب العملي سيكون صعبا لأن شركات العمالة تمتلكها شخصيات مهمة وكبيرة في المجتمع مما يعرقل القانون
وايظا العمالة الوافدة لها آثار سلبية على بنية المجتمع ، حيث أصبح بغاية الكسل ومعتمد في حياته اليومية على من يخدمه فيبعض الاحيان

ونتمنى وضع قوانين يحمي حقوق الكفيل 0

[sout qatar]

والله احنا عندنا خدامة صارلها 4 سنوات تشتغل وكل مانقولها سافري خذي اجازه ماتبغي ومن شهر اشردت وعالطول ثاني يوم بلغنا عليها الابعاد وسلمناهم الجواز وقالولنا ان خلال اسبوعين اذا ماطلعت التذكره عليها واذا ماعندها فلوس تخيس عندهم لين مادبر فلوس ومن اسبوع كلمتني السفاره قالولي تعال خذ الخدامة كاهي عندنا وماعندها مانع ترد بيتكم قلتلهم خلاص دامها شردت مالها رده البيت وجوازها فالابعاد سلموها هناك مابغي اخذها ولا ابي اشوف رقعت ويها مره ثانيه
واليوم كلموني الابعاد وقالولي تعال بكره جيب اغراضها الشخصيه والراتب اذا كان لها وتذكرتها عليها والحمدلله القانون تغير قبل اذا لقو الخدامه لو ان شاء لله عقب سنه بعد يقولك تعال ادفع تذكرتها

[Mishari]

هذه الحركه قديمه هرووب الشغاالات وصاارت قبل فتره عندنا مووضه بس لماا صاار تشديد حملت الجوزات للمخالفين خفت شوي بس بعد فتره رجعت ليش. عشان في بعض الحريم ضعووف نفووس توكل خادمتها بجلب الي تعرفهم واقناعهم بعمل بعقوود بالباطن يعني اشرح لكم اكثر الشغاله شردت من عندك اليووم وراتبها 900 لا تستبعد تشوفها تخدم في بيت ثااني وراتبها بالشهر 2000 الحل هووو وضع نساء ورجال الجوزاات بجولاات سريه بزي مدني هذا اذا عندكم أو الي خبره عندكم بالدووحه التحرياات وماا ظنيت يقدروون يلحقوون ويجمعوون بين اشغالهم .

تقبل تحياتي

[بنت صقار]

يجب ان يشرد خدم الكباااااريه ليوضع قانون:)

[خزامئ]

صدقتي بنت صقار
دام الكبار بخير محد بحاس فينها

[موضي قطر]

ليش مايفرضون عرامة مالية على الخدم في حال امسكوهم


ماتقل عن 10000 ريال بيفكرون مليون مرة قبل لا يشردون

[Umsultan]

قررت اني اجعل راتب شغالتي 1000 ريال حتى لو هي جديده يكفي انها بتشيل الشغل عني وبتساعدني و 1000 ريال ولا شي من رواتبنا ولله الحمد بس وينها الشغاله الله يجيبها قريب

[vip-qtr]

خلال سنه ونص دافعه حق مكاتب الخدم 27000 واللي تصيح تبغي عيالها واللي شردت مب حاله هاي ولي جيت تقدم بلاغ الهروب هل لك مستحقات من الخادمه؟؟؟ نعم عندي الفلوس اللي جبتها ال 9000 اللي دفعتها مب حق من حقوقي وين راحت ؟؟؟؟
طبعا لان قلوبنا طيبه نقول حرام خلاص الفلوس دفعة بلا


لازم في قانون ورقه قانونيه من وزارة العمل يوزعونها على مكاتب الخدم في حالة هروب او عدم الالتزام بالعقد لمدة سنتين يرجع المبلغ كامل او نصه على حسب المده اللي قضتها

ان صار هالشي صدقوني محد بكفو يتجرا ويشرد

[مضاربه]

يجب ان يشرد خدم الكباااااريه ليوضع قانون:)

من قال لك مايشردون من عندهم انا عندي صديقات من ال ثاني وشاردين خداماتهم الاثيبوبيات