شاليهات سيلين ... جشع

[wedodi]

الصيف اللي طاف خذنا ثلاث فلل عائليه في شاليهات سيلين

الفله بعد الخصم اطلعت بـ 750 ريال

هالأسبوع اتصلت عشان احجز فلتين .. قالوا لي الفلل تحت الصيانه

قلت والحل .. قالوا لي شاليهات العزاب موجوده .. قلت لهم بس أنا معاي عايلتي

قالوا ولا يهمك مخصصين جهه كامله للعايلات .. قلت تمام .. أبي شاليهين

حق ليله وحده يوم السبت ليلة الأحد

قالوا أوكي بس ليلة الاحد يكون نفس سعر ليلة السبت وليلة الجمعه

قلت مايصير يوم الأحد دوام وشلون تحسبون سعر العطله الاسبوعيه

طيب بكم .. قالوا بعد الخصم 1600 ريال الشاليه الواحد يعني 3200 ريال شاليهين

قلت لهم وايد غالي أسافر فيهم أصرف لي

فكرت في الغرف اللي في الفندق .. بكم الغرفه

قالوا الغرفه بعد الخصم 760 ريال

قلت هذا الجشع بعينه واعلمه

طبعا الفلل على هالاسبوع بتكون خلصت صيانه لكن السعر

بعد الخصم فوق الألفين أنا أقول سافروا بالسياره للبحرين أوفر لكم من الشاليهات

[khaldoon]

لا حول ولا قوة الا بالله
جزاك الله كل خير يا الغالي على النصيحه

[العديد]

اضف الي ذلك تدني الخدمة

[نديم]

crazy crazy crazy crazy :confused: :confused: :confused:

[المخلب]

الله يخلي البحرين ..وله السعوديه ..

اما البحرين .. خذلك شاليه بنص القيمه الي عندنا وتونس انت واهلك .!

اما السعوديه مالك الا شاليه نص القمر . (( هاف مون )) .. طعوس وبحر وخيام .. وشوي .. <<< لاتنسونه

وخسروا هل الجشعييين

تحياتي لكم ..

[23سلطان]

الله يرحم ايام التسعينات

رحنا (قروب) من ربع الثانوية بعد ماخلصنا امتحانات الثانوية العامة في اواخر التسعينات

كان الشاليه ب 320 ريال

والغرفة ب 170 ريال

سبحان مغير الاحوال

[flan2222]

شعليه هالاسعار من زين الديره سوسرا .. ولا فرنسا مصدقين عمرهم!! والله هالمبلغ اصرفه برى احسن لي وامبسط مع أهلي وراح يكفي كم يوم .. مالت عليهم وعلى شاليهاتهم .. لا وحتى الغاريه طالعين فيها طلعه علا بالهم بأجر شقه للسكن يا أخي أنا باأسكن ( ويك إند ) والله عجب.............

[خاربه خاربه]

يعطيك العافيه

[الأختصاصي]

الوضع تغير ياجماعه الحين اذ لقيت لك شاليه بسعر 1000 ريال زين ..... انا اقولكم ليش
اولا : زياده عدد السكان الوافدين من الخارج
ثانيا : غلاء المعيشه
ثالثلا : عدم توافر شاليهات اخرى لتنافس الاسعار يعني بالعربي احتكار تبي اسكن ماتبي حط لك خيمه على البحر ....... شكرآ لطرح هل الموضوع

[wedodi]

مشكورين على الرد .. الأسعار مبالغ فيها بشكل خيالي .. عيل

تأجير اسكوتر مائي .. صار بـ 300 ريال للساعه في الشاليهات

وبعدين كل شي غالي في هالبلد قطع غيار السيارات .. قارن بين قطر

وبين الامارات والسعويه .. الفرق كبير

الجشع واضح مو بس في الشاليهات ..

ولولا الكارفور كان للحين نروح دبي لتليفونات الموبايل والأجهزه الالكترونيه والكهربائيه

بس في أشياء كثيره احنا سبب غلائها وكثير منا ما تهمه الفلوس يدفع حتى لو الشي

فوق سعره وهذا غلط .. خل نحرم نفسنا من اشياء عشان يضطرون ينزلون الأسعار

والا تاجير اسكوتر بـ 300 ريال في الساعه .. وين صارت هذي

أنا اتحدى تلقون هالسعر المبالغ فيه في اي دوله .. في البحرين جيرانا بـ 50 ريال

معقوله الفرق 6 اضعاف المبلغ

أنا اقول المفروض ما يزيد أجارهم عن 100 ريال في الساعه وبعد وايد

عن عمر بن الخطاب رضي الله عنه عندما رأى رجل مسرع متجه للسوق

فسأله عن حاجته, فقال الرجل أشتهي التفاح, فقال عمر "سبحان الله

كلما اشتهيتم اشتريتم" وكان عمر معروف بالزهد

فهذه المقوله تُفيد أصحاب الديون التي تراكمت عليهم بسبب ادمانهم على

اقتناء السيارات الجديده بشكل سنوي والسفر على مدار السنه

هم فعلا بحاجه لتعويد أنفسهم على الحرمان والزهد فهو الحل الأمثل لتسديد

ديونهم في فتره وجيزه

[وطن]

بل شدعوه الليلة بـ 2000 وشوي :anger2:

مب من زين مكانهم !!!

بروحه مب حلو وقديم حيل

حتى لو مجددينه بعد ما يحق لهم يرفعون السعر لهدرجة

الحمدلله اني ما احب اروح هناك :dance

[ملكة البورصة]

ذاك اول الشاليه با1600 او 1200 الحين شاليهات العائلات على 2200 تونا هالويكند ماخذين شاليهات بس الصراحه روووووووووعه الشاليهات الجديده مالت العائلات كانك ففندق بس لهم حق اذ ارفعوا

اما شاليهات الغارية فحدث ولا حرج على الاقل سيلين المكان هادي وشرح وفي اشياء وايد تسويها وقعدات ومطاعم وخيول وغيره

اما الغاريه من 650 او 750 الى 1000 فالليله على وشو على زحمه واغاني وقطار مصفح وسياكل فقط ..............

الواحد يسافر احسن له والا شرايكم

[wedodi]

ذاك اول الشاليه با1600 او 1200 الحين شاليهات العائلات على 2200 تونا هالويكند ماخذين شاليهات بس الصراحه روووووووووعه الشاليهات الجديده مالت العائلات كانك ففندق بس لهم حق اذ ارفعوا

اما شاليهات الغارية فحدث ولا حرج على الاقل سيلين المكان هادي وشرح وفي اشياء وايد تسويها وقعدات ومطاعم وخيول وغيره

اما الغاريه من 650 او 750 الى 1000 فالليله على وشو على زحمه واغاني وقطار مصفح وسياكل فقط ..............

الواحد يسافر احسن له والا شرايكم
ملكة البورصه عوافي على الشاليهات

اللي بـ 1600 ريال شاليهات العزاب أما اللي بـ 2200 ريال هي فلل العائلات

والظاهر انتوا أول ناس تفتتحون الفلل هالاسبوع لانها كانت تحت الصيانه

أما شاليهات الغاريه ما رحتها قبل ولاني برايحها الحين

مشكوره اختي على الرد

[واحد من قطر]

الوضع تغير ياجماعه الحين اذ لقيت لك شاليه بسعر 1000 ريال زين ..... انا اقولكم ليش
اولا : زياده عدد السكان الوافدين من الخارج
ثانيا : غلاء المعيشه
ثالثلا : عدم توافر شاليهات اخرى لتنافس الاسعار يعني بالعربي احتكار تبي اسكن ماتبي حط لك خيمه على البحر ....... شكرآ لطرح هل الموضوع


مش احسن لك ان حطيت خيمة على البحر اشووووي ويطبوون عليك جماعة اهل البيئة ... وشل قشك من هنية ولا اتصادر الخيمة والسيارة وان كنت مسوي عشا صادروة بعد ...


الله المستعان ...

شكراً على المضوع ...