الليلة سيعرض الفيلم القطري الذي كلف 180 مليون [الأرشيف]

مشاهدة النسخة كاملة : الليلة سيعرض الفيلم القطري الذي كلف 180 مليون

البدع

25-10-2011, 10:53 AM

http://img.xcitefun.net/users/2011/09/264285,xcitefun-black-gold-movie-poster.jpg

سيعرض اليوم فيلم الذهب الاسود

مافي تذاكر اليوم

ضرب نعل اليوم على الفيلم

اتمنى الي عنده تفاصيل اكثر يخبرنا

عضو قديم

25-10-2011, 11:00 AM

همتكم شباب نبي حد يقدر ينزلة على اليوتيوب علشان ننزلة ونشوفه
لاني حضرت اغلب مشاهد التصوير في العديد

NET MASTAR

25-10-2011, 11:08 AM

وانا حضرت التصوير بالكامل في العديد وكنت مع فريق العمل بس خاطري اشوف اشلون بيطلع

بوخالد911

25-10-2011, 11:08 AM

بل

180 مليون ؟!!!!!!!!!!!!!!!!!!!!!!!!؟

ليش جايبيين ممثليين من كواكب زحل والمشتري وبلوتو ووووووووووووووووووو؟!؟!؟

حقيقه

25-10-2011, 11:16 AM

أشلون أقدر أعرف ساعات العرض
وسعر التذكره ومن وين أخذها

الألماسي

25-10-2011, 11:21 AM

^^

التذاكر sold out

http://www.dohafilminstitute.com/ar/

بوفهد 5555

25-10-2011, 11:34 AM

الفيلم مب قطري بعض التصوير في قطر في سيلين والعديد

أم حمد

25-10-2011, 11:36 AM

بل

180 مليون ؟!!!!!!!!!!!!!!!!!!!!!!!!؟

ليش جايبيين ممثليين من كواكب زحل والمشتري وبلوتو ووووووووووووووووووو؟!؟!؟

غريب ردك مع انك مثقف !

: بوحمود :

25-10-2011, 11:41 AM

اتمنى يكون المضمون يستاهل المبلغ

حمد بن خالد

25-10-2011, 11:43 AM

بل

180 مليون ؟!!!!!!!!!!!!!!!!!!!!!!!!؟

ليش جايبيين ممثليين من كواكب زحل والمشتري وبلوتو ووووووووووووووووووو؟!؟!؟

بوخالد تكاليف بعض الافلام وصل النص مليار وبعضها مليار

وانت وقفت عالـ 180 مليون :nice:

عقد اللآلي

25-10-2011, 11:43 AM

المبلغ كبيير جدا !!!

almaf1a

25-10-2011, 11:45 AM

شكله مب ذاك الزود

العقل الحر

25-10-2011, 11:54 AM

الافلام الغير منتجه من قبل هوليوود تكون ركيكه بوجه عام

والمبلغ المدفوع في الفيلم متوسط بالمقارنة بالافلام العالمية ومبالغ في هذا الفيلم بالذات لانى الاخراج والممثلين لا يساوون هذا المبلغ

وفي الحقيقة لا استطيع ان احكم تماما على هذا الفيلم الى بعد مشاهدته وحكمي السابق مجرد حكم اولي من ناحية الممثلين والاخراج

وسوف نرى لاحقا

تاج المراجل

25-10-2011, 11:58 AM

غريب ردك مع انك مثقف !

مـاالغريب الا الشيطان يـ ام حمـــد :nice:

الرجال استغرب من السعر لا اقل ولا اكثر :nice:

بوعلي2

25-10-2011, 12:01 PM

حد ينزله على اليوتيوب نبي نشوفه

وسعره جيد بالنسبه للافلام بالوقت الحالي

وطن

25-10-2011, 12:02 PM

خاطري اشووووفه :)

نتفـه

25-10-2011, 12:30 PM

عن شنو الفلم عاد ؟

!..فيونكه..!

25-10-2011, 12:40 PM

ياريت نقـدر نشوفه .. وين راح ينعرض ؟

khalid Qtr

25-10-2011, 12:40 PM

عن شنو الفلم عاد ؟

السؤال زاتو :nice:

بدوي

25-10-2011, 12:43 PM

كيوتل مطرشين لي من فترة تعال واستلم تذكرتين

الدوحة ترابيكا مادري ترايبيكا

والله مادري ايش بالضبط

وكالعااااااااده .. اسحب عليهم .. يابلفيت انك عميل نخبة :anger1:

كازانوفا

25-10-2011, 12:44 PM

الفيلم مب قطري بعض التصوير في قطر في سيلين والعديد

ليش بهالاماكن عشان الرمال وراح ينضبط الدور هناااااك
كان مرو بشوارع الدوحه احسن خلي العالم اتشوف الشوارع كيف صارت بعد الزحمه :nice:

قطر دزاين

25-10-2011, 12:51 PM

من اسم الفلم بلاك قولد انه يتكم عن النفط والله اعلم من البدايه حتى الطفره

almaf1a

25-10-2011, 12:52 PM

http://bit.ly/tMF7ZD

بو طالب

25-10-2011, 01:03 PM

حد ينزله على اليوتيوب نبي نشوفه

وسعره جيد بالنسبه للافلام بالوقت الحالي

اي ما شاء الله سعره جيد ولا ممتاز بعد يا بوعلي :tease::tease:

راح بلاش الله يستر عليه

أسير الاسهم

25-10-2011, 01:24 PM

من الممثلين طيب .. حد يعرف منهم احد ؟

barod

25-10-2011, 01:39 PM

بعض ممثلات هوليود وصل اجرهم حوالي 45 مليون ريال في الفلم

العقل الحر

25-10-2011, 01:40 PM

من الممثلين طيب .. حد يعرف منهم احد ؟

الممثلين الكبار المعروفين

اعمالهم متابعه بحذاريفها

مثل

ميل غيبسون , مايكل دوغلاس , ال بتشينو , روبرت دي نيرو , دينزل واشنطن , وغيرهم قليل الخ ..

اما الممثلين الاخرين غير معروفه اعمالهم الى اذا تم الفيلم

مثل فيلمنا هذا

اما البعض من الممثلين لهم اعمال معروفه ولكن ليس لها هاله اعلامية مثل الممثل انطونيو بنديرس بطل هذا الفيلم

مهرة

25-10-2011, 01:45 PM

ليش انت بمنظوركم 180 مليون دولار اشوي؟؟؟!!! ايه وقفت عليها!!!

بس عشان صورو في قطر صار فيلم قطري لازم اتكون فيه كل الأسس من الألف إلى الياء عشان انقول انه فيلم 100% فيلم قطري وبنفتخر..

همر

25-10-2011, 02:05 PM

اشفيكم غالي وغالي ؟!!

كل شي اجار .. كميرات معدات اضاءه ممثلين تراب هوا .. كل شي له سعر ..

عابر سبيل

25-10-2011, 02:13 PM

اشفيكم غالي وغالي ؟!!

كل شي اجار .. كميرات معدات اضاءه ممثلين تراب هوا .. كل شي له سعر ..

و انا اشوف (البنشرشيه) صاروا بالدولار
موب "التومان"... مليارديريه..

عموما..180 مليون اخضر * 3.65 بنفسجي = ؟؟؟ روبية!!

البدع

25-10-2011, 02:31 PM

و انا اشوف (البنشرشيه) صاروا بالدولار
موب "التومان"... مليارديريه..

عموما..180 مليون اخضر * 3.65 بنفسجي = ؟؟؟ روبية!!

اعتذر من الشباب

الفليم كلف 180 مليون ريال

وليس دولار

بعض المواقع تقول 50 مليون دولار

واخرى 55 مليون دولار

نبض الخفوق

25-10-2011, 02:32 PM

وين عرض مكانه بالضبط اي سينما

البدع

25-10-2011, 02:44 PM

وين عرض مكانه بالضبط اي سينما

كتارا

وياليت الي شاف الفيلم

او الي سمع عنه يخبرنا

سلام

المسك1969

25-10-2011, 03:17 PM

http://bit.ly/tMF7ZD

والله عبالي صج حطيت الرابط للفلم القطري:tease:... دار رأسي وأنا أشوفه:rolleyes2:... خفت يكون هو الفلم:(
وفيه مقطع مب حلو

ام ناصر1

25-10-2011, 03:22 PM

من المخرج ؟!

أبو البنات

25-10-2011, 03:54 PM

المخرج جان جاك أنو

عندي تذكرة بس مب رايح الفلم لأن فيه موسيقى :( (موسيقى جايمس هورنر)

بطولة: أنطونيو بانديراس ، مارك سترونغ، طاهر رحيم، فريدا بنتو ، رضا أحمد ، جان أودين وأكن غازي

SPIRIT_OF_QATAR

25-10-2011, 04:01 PM

والله عبالي صج حطيت الرابط للفلم القطري:tease:... دار رأسي وأنا أشوفه:rolleyes2:... خفت يكون هو الفلم:(
وفيه مقطع مب حلو

المقطع الي في الرابط هو الفلم وهاي دعايته
ويتكلم عن بداية اكتشاف النفط وعن امير عربي ضايع بين ابوه المحافظ على العادات والتقاليد وابو زوجته (عمه ) الي منفتح على العالم . وعن الجشع بعد اكتشاف النفط .. وتحدي بين اثنين من الامراء العرب ( بس ماحددوا نوع التحدي هل على المال ولا على المراه الي طالعه في دعاية الفلم )

وطن

25-10-2011, 05:20 PM

قالوا لي ان الفيلم بعد اسبوع بينزل في السينماااا

<=== متحمسه

مع ان ما حمسوني له :(

روح الاطلس

25-10-2011, 05:28 PM

على اي اسساس قطري؟

مواقف النجادة

25-10-2011, 08:50 PM

جيكوا عاللنكات التالية :

فهد الكبيسي يغني مع موسيقى جيمس هورنر في فيلم «الذهب الأسود»
(http://www.alanba.com.kw/AbsoluteNMNEW/templates/oula2010.aspx?articleid=225010&zoneid=12&m=0)

قطر تنتج فيلم "الذهب الأسود" وتصوّر مشاهد منه على أرضها (http://www.alwasatnews.com/3109/news/read/531877/1.html)

حليتان*

25-10-2011, 11:16 PM

شكله حلوو !!

بس اذا مترجم زين

مستجدة

25-10-2011, 11:28 PM

اتمنى يكون المضمون يستاهل المبلغ

:nice:

180 مليون مبلغ مبالغ فيه ومدري من المستفيد
180 مليون كم من فقير يحلم بـــ 10 الاف فقط من هالمبلغ
استخسر الفلوس في الرياضه وفي الافلام :(

NeverLand

26-10-2011, 10:07 AM

الامس رحت العرض الاول للفلم وشفته .. بس قبل لا اقول رايي عن الفلم حبيت انتقد ادارة مهرجان ترايبيكا على سالفة تذاكر العرض الاول .. اذونا بكل مكان تشوفهم منزلين اعلان تعال واحجز ولايفوتك ويوم افتحوا الحجز الساعه 1 الظهر تقريبا طرت من الشغل لفيلاجيو بهالزحمه والحر عشان اوصل واخذ تذكره .. وبعد ماصفيت بطابور طويل وتميت انطر لين ما انكسرت ريلي قالوا والله التذاكر خلصت .. حشى كاس العالم !! شهالتذاكر اللي طارت من اول ساعه؟ والعرض بيكون بمكان مفتوح فيه يمكن حوالي فوق الألف كرسي!! .. اخرتها لما رجعت الشغل لقيت رفيجي عنده تذاكر مجانيه وهو مب ويه افلام مادري من معطه ياها من ادارة المهرجان .. وطلع العرض كله على بعضه مخصص للشخصيات الهامه والفي اي بي وكله واسطات في واسطات طبعاً .. مانكون بقطر اذا ماشفنا هالواو داخله بكل شي .. انا انقهرت لانهم ماحترموا الجمهور اللي تعنا لهم وجاهم واستجاب لدعوتهم .. المهم اخرتها رفيجي تصدق علي وعطاني تذكره من هالتذاكر المكوده عنده عالفاضي .. ورحت الفلم الامس .. وللاسف اغلب القطريين اللي راحوا هناك اطلعوا بعد مابدا الفلم بخمس دقايق .. وتمت كراسيهم فاضيه وفي ناس ميته على هالكراسي .. جايين يتمشون ويتطمشون .. وفي ناس يتمنون يحصلون الفرصه والتذاكر اللي جاتهم .. يالله ماعلينا

بخصوص الفلم .. بصراحه الفلم ممتاز وممتع وصورته قويه جداً .. توقعت اني بشوف فلم مزيج بين لورانس اوف اريبيا وذير ويل بي بلود .. لكن طلع العمل مختلف عن اللي تصورته .. مايوصل لمرتبة انه يكون فلم عظيم ومثالي .. لكنه ممتع بالاخير والاخراج فيه كان قوي خصوصاً بمشاهد الحرب بين القبائل والدبابات بالصحراء اللي تم تصويره بقطر .. هالجزء بروحه بس بصوب والفلم كله بصوب ثاني .. المؤثرات الصوتيه كانت قويه جدا والكراسي تحتنا كانت كلها تهتز من صوت الطلقات الناريه والدبابات .. انطونيو بانديراس كان مالي دوره وقدم اداء رائع وممتع .. بس اللي كان نجم الفلم بنظري هو طاهر رحيم .. الفلم راقي وواضح انه متعوب عليه وصارفين عليه صح وكل ريال اندفع فيه كان باين بالشاشه .. تمنيت بس لو تم التركيز اكثر على دور بانديراس وتكثيف حضوره بالفلم .. وبعدين انا كلش ماتخيلت ان اول ماطلع البترول عند العرب كانت هذي حال القبائل بالصحراء .. ردت فعلهم كانت غريبه بس متوقعه لانه شي غريب عليهم .. الحلو بالفلم بعد انه اكثر فلم هوليوودي صور الدين الاسلامي مثل ماهو دين محبه وسلام .. وحبيت طريقة استشهاد الابطال كل شوي بآيه من القرأن .. حسيت بالفخر وانا قاعد بين الاجانب اللي حاضرين بأني مسلم ..

المهم احلى شي بالفلم بعد واللي زاده روعه اكثر هو الساوندتراك العبقري للمبدع جيمس هورنر .. هالانسان اتعب وانا اقول انه مبدععععع .. قدم قطعة فنيه جميلة جداً ومن اميز ماسمعت هالسنه على مستوى الساوندتراكس .. مازج الحضاره الشرقيه بالفانتازيا بالاجواء الغربيه وعطانا احساس ساحر طول الفلم .. وفهد الكبيسي على هالضجه واللويه اللي سووها لنا توقعت انه غنى شي بالفلم اخرتها طلع بس عامل صوت الآهات .. بس كان صوته حلو ومميز الصراحه ولما بدا الفلم وطلع لوجو وارنر بروس على صوته حسيت باحساس ماينوصف .. الفلم ككل تجربة جميلة وقويه والمشاهد اللي تم تصويرها بقطر كلها رائعه لدرجة اني ماصدقت ان هاي اللي طالع بالشاشه موجود بالبلد اللي انا فيها << يمكن لاني ماروح هالاماكن؟ .. بس طلعوا قطر بشكل وايد حلو .. الفلم بينعرض عندنا بالسينمات العاديه حق الجمهور حسب ماذكر بيوم 4 ديسمبر .. روحوا وشوفوه بتستمتعون ..

بوحارب

26-10-2011, 10:19 AM

نيفر لاند اشكرك على التغطية الحلوة وخلاص ما يحتاي نتعنى ونروح يكفي شرحك ^ ـ *

NeverLand

26-10-2011, 10:35 AM

العفو بو حارب وحاضرين لك يالغالي بس عاد روح شوف الفلم انا مامدحته عشان ماتروح تشوفه هههه .. لا صج اخوي اذا لقيت فرصه روح ولاتتردد راح تستمتع خصوصاً بالمشاهد اللي مصورينها بقطر ..

اي وبغيت اقول شي ..

الجمهور كله كان حاضر وساكت ومندمج مع الفلم ومحترمين المكان والحدث اللي كانوا فيه .. واغلبهم اجانب .. الا 4 قطريات كل وحده شكلها بالاربعين جايين مع بعض خربوا علينا ابو الفلم .. مادري هالاشكال جايه شتسوي بالضبط .. عبالهم قاعدين في بيوتهم قعدت ضحى يسولفون ويصارخون ويتضحكون بصوت عالي؟؟؟ استغربت من اشكالهم الصراحه .. كل شوي اتلفت عليهم ابيهم يحسون لكن مافي امل .. اخرتها تمللوا وخذو قشهم وراحوا بعد نص ساعه من بداية الفلم .. يالله خذوا عندكم .. هذي الاشكال اللي يعطونها بطاقات الافتتاح والناس اللي صج مهتمه بالموضوع قاعدين برا خايسين بهالحر عل وعسى يحصلون مكان فاضي عشان يدخلون ويتابعون الفلم .. شي يقهر!!

بوحارب

26-10-2011, 10:37 AM

هههههههه يمكن عبالهم في عشا وحضروا الفلم هالأربع هههههههه

والله ياخوي انا مالي في الأفلام خير شر واكتفيت من شرحك

انا حتى الحي الثقافي ماقمت اروحه هالأيام من حشره المهرجان :(

ام ناصر1

26-10-2011, 10:46 AM

البدع

26-10-2011, 10:48 AM

NeverLand

26-10-2011, 11:02 AM

هههههههه يمكن عبالهم في عشا وحضروا الفلم هالأربع هههههههه

والله ياخوي انا مالي في الأفلام خير شر واكتفيت من شرحك

انا حتى الحي الثقافي ماقمت اروحه هالأيام من حشره المهرجان :(

والله زين تسوي انك ماتروح هاليومين لانه المكان صاير صج زحمه من قلب

عاد انا كلللش مالي علاقه بهالحي الثقافي وعمري مارحت كتارا من قبل الا الامس .. احسن شي سووه انهم افتحوا المواقف الارضيه ولا كنت ساعتها صج بتوهق من هالزحمه .. عاد وانا ابي اطلع ضعت ودار راسي ماعرفت وين مكان المواقف .. تعرفت على قطري قطيت ويهي عليه لقيته ضايع مثلي وتمينا نسولف ولفينا المكان كله لين مالقينا اخر شي المواقف وافتكينا ..

احس لازم يحطون علامات اكثر عن مكان المواقف الارضيه عشان محد يضيع .. خصوصا حق الناس اللي عندهم زهايمر مبكر مثل حالتي ههه .. بس كان يوم حلو والمتطوعين بترايبيكا كانوا خدومين وماعليهم كلام ..

NeverLand

26-10-2011, 11:03 AM

الفيلم اخرتها يطلع عن نزاعات القبايل والنفط ؟! هاي الي فهمته من شرح نفر لاند
يمكن ينفع الطبقة المخملية تشاهده ....اذا فيلم بيتكلم عن شيء ثاني اهم ممكن احضره
كقصة عايلة قطرية او خليجية عادية .....والاحداث الي تأثر عليهم وكيف تسير احوالهم ...
شي اجتماعي ...بقصة محبوكة

مادري اختي ام ناصر انا اشوف العبره مو في انهم يقدمون لنا عايله قطريه او اماراتيه او اياً كانت جنسيتها .. العبره انج تشوفين القبائل العربية عموماً شلون كانت ردت فعلها اول ماظهر عندهم النفط .. في زمن كانوا العرب اللي ساكنين بأراضينا عباره عن مجموعة من الناس البسيطين عمرهم ماسمعوا بشي اسمه بترول .. وشلون لما اكتشفوا اهمية البترول قاموا يتنازعون عليه .. وشلون كانت بداية التدخل الاجنبي واطماعهم بالمنطقه .. بالعكس احس ان الفلم وايد مهم ويصور فتره لازم كلنا سواء كنا من الطبقه المخملية او العاديه ان نشوفها بعمل سينمائي ضخم تعطينا فكره واضحه عنها .. تخيلي عاد تشوفين هالشي المهم مع موسيقة جيمس هورنر الملهمه وتمثيل انطونيو بانيراس .. بتكون فرصه حلوه وماتتعوض

NeverLand

26-10-2011, 11:06 AM

يعطيك العافية

الليلة بروح اشوف الفيلم

ماقصرت يانيفرلاند

الله يعافيك يالغالي .. بس غريبه اليوم مافي عرض للفلم شلون بتروح تشوفه؟ .. كانوا عاملين بس عرضين الامس بمناسبة افتتاح المهرجان .. العروض الرسميه للفلم بتبدا بأخر نوفمبر وعندنا بقطر بيكون بأول ديسمبر ..

البدع

26-10-2011, 11:44 AM

الله يعافيك يالغالي .. بس غريبه اليوم مافي عرض للفلم شلون بتروح تشوفه؟ .. كانوا عاملين بس عرضين الامس بمناسبة افتتاح المهرجان .. العروض الرسميه للفلم بتبدا بأخر نوفمبر وعندنا بقطر بيكون بأول ديسمبر ..

افهم من كلامك ان ماراح ينعرض الفيلم مرة ثانية ؟

حسب الي اعرفه ان فيه عروض افلام لدوحة ترابيكا بالسيتي اليوم .. لا اعرف من من الافلام راح يعرض ... ولكن توقعت الذعب الاسود راح يعرض

NeverLand

26-10-2011, 01:25 PM

افهم من كلامك ان ماراح ينعرض الفيلم مرة ثانية ؟

حسب الي اعرفه ان فيه عروض افلام لدوحة ترابيكا بالسيتي اليوم .. لا اعرف من من الافلام راح يعرض ... ولكن توقعت الذعب الاسود راح يعرض

صح اخوي في عروض لافلام المهرجان بالستي وكتارا .. لكن كل فلم له عرض واحد او عرضين بالكثير وبلاك قولد اعرضوه الامس مرتين واحد البريمير والثاني بعده بنص ساعه .. يعني اللي ماشافه مايقدر يشوفه الحين الا لين شهر 12

نورهان88

26-10-2011, 02:19 PM

شــدعــوى ...

ومن يدفع لهم هااااي المبلغ أي دولــة دولتنا

:anger1:

مساهم عادي

26-10-2011, 09:12 PM

شفت الفيلم :

القصة ضعيفة ....
واخراج الاكشن ضعيف ويذكرني بافلام هوليوود ايام السعبينات والثمانينات....

فيلم مثل هذا مفروض ماتتعدي ميزانيته 20 مليون دولار على الأكثر...

Qtr95

26-10-2011, 09:22 PM

شفت الفيلم :

القصة ضعيفة ....
واخراج الاكشن ضعيف ويذكرني بافلام هوليوود ايام السعبينات والثمانينات....

فيلم مثل هذا مفروض ماتتعدي ميزانيته 20 مليون دولار على الأكثر...

:omg::omg::omg:

اخوي حرام عليك , انت شكلك ما تعرف تطالع أفلام و مافهمت قصة الفلم !

انا حضرت الفلم , والفلم كان اخراجه روعه وله طابع مميز , بفتح
موضوع مخصص وبتكلم عن الفلم قريباً

مساهم عادي

26-10-2011, 10:38 PM

:omg::omg::omg:

اخوي حرام عليك , انت شكلك ما تعرف تطالع أفلام و مافهمت قصة الفلم !

انا حضرت الفلم , والفلم كان اخراجه روعه وله طابع مميز , بفتح
موضوع مخصص وبتكلم عن الفلم قريباً

انزين قولي شنهي فكرة الفلم الأساسية ... او المحور الذي يدور حوله الفيلم..؟؟
هل هو صراع القبائل حول مناطق النفط ؟؟ لا ....
هل هو صراع ثارات بين القبائل ؟؟ لا

فيلم طويل مدته قريب ثلاث ساعات على شنو ؟؟؟ مشاهد كثيرة مقحمة وممطوطة ولا لها اي هدف الا اطالة مدة الفيلم وبس ... على غرار الافلام الهندية

بالنسبة للاخراج احنا في 2011 ...والمعركة اللي في الفيلم طريقة اخراجها تذكرني بفيلم عمر المختار المنتج سنة 1980 !!
انا اتحدى انه تم استخدام التقنيات الحديثة وبرامج الكمبيوتر في المؤثرات البصرية .. كلها تقنيات قديمة ايام السبعينات والثمانينات في امريكا لا تستخدم الا في افلام الهوم فيديو!

ميزانية 60 مليون دولار على فيلم مثل هذا ...ليش.. الا اذا الممثل بانديريس خذ نص الميزانية هذا شي ثاني ... مع ان دوره ماكان الدور الرئيسي بالفيلم

منتظرين تحليللك

شمس

26-10-2011, 10:55 PM

على اي اسساس قطري؟

:nice:

تحداني

27-10-2011, 12:33 AM

ليه ما يكون التحليل بهذه الطريقه
افلام هوليوود لاشهر الافلام واطقنها اخراجا وانتاجا يصل لــ 180 مليون دولار
لو لنقل 190 دولار وبالعاده الارباح يجب ان تكون اعلى من الانتاج نفسه
والا يقال عن العمل " عمل فاشل "

الفلم القطري ان كان انتاجه بــ 180 مليون ريال ولا دولار
يا ترى كم من الارباح سيحصدها لكي يغطي تكاليف الانتاج والزائد منها

اعتقد الرقم غير صحيح ومبالغ فيه
وراح نشوفه قريب ولكن لايمكن يكون منافس لافلام هوليوود ولا في الاحلام وانا متأكده

جملكم الله برضاه

تحداني

27-10-2011, 12:41 AM

NeverLand

بارك الله فيك على هالتفاصيل كلها
اذا الموعد سيكون 4 - 12 -2012

خلينا ننتظر

جملك الله برضاه

الصغيره

27-10-2011, 08:31 AM

فلمنا ولا نشوفه ؟

لازم نشوفه :)

كيف ؟

NeverLand

27-10-2011, 08:41 AM

اخوي مساهم بخصوص كلامك عن السكريبت اتفق معاك بأنه كان اضعف جزء بالفلم .. كان فيه خلل واضح وثغرات كثيره .. خصوصاً للناس اللي قروا الرواية الاصلية ..

ويمكن هذا اللي خلى مغزى الفلم يضيع وسط الضعف الواضح بكتابة السكريبت .. لكن عالعموم بشكل عام الفلم يتكلم عن الطمع والجشع لما ظهر النفط بين ابناء القبائل وكيف ان هالطفره النوعيه بالمنطقه احدثت عند البعض شلخ بالقيم اللي تربوا عليها ..

لكن بخصوص مشاهد الحرب اختلف معاك الصراحه وبقوه .. مشاهد الصراع اللي كان دائر بين الدبابات والقبائل كانت قمة بالاحترافيه .. واذا كان التصوير ذكرك بالمشاهد الحربية اللي تمت بالتسعينات فهذي نقطة ايجابية تحسب للفلم مش ضدها .. لانه اعظم الافلام الحربية تم انجازها بهالفتره .. والتكنيك اللي تم تصوير مشاهد الحروب فيها صالحه لاي وقت والدليل انها مازالت تدرس لطلبة الاخراج بالمعاهد والجامعات ..

انا على فكره مش من محبين الافلام الحربية ابداً واميل للدراما اكثر لكن اللي شفته بهالخصوص ببلاك فولد كان شيء رائع .. والفلم كتجربة اولى لدولة قطر ككل بمجال الانتاج السينمائي يعتبر جيد جداً .. مانبي نقسو على هالتجربة لانها الاولى لهم بهالمجال .. كفايه بس ساوندتراك الفلم هالنقطه بس تخليني احييهم عليها وارفع لهم القبعه على جلب جيمس هورنر للفلم ..

حلو نشوف النص المليان من الكوب بعد ..

بيانو

27-10-2011, 08:42 AM

أولاً - مبلغ إنتاج الفيلم عادى جداً وليس وااااااو يعنى

لأن هادى أسعار هاى الأيام فعندك على سبيل المثال الممثل (فلان) يأخذ 25000,000 مخمسه وعشرون مليون فى المسلسل - وعدم ذكرنا للأسم عشان الأرزغاق بيدى الله . ترا مصري بعد .

حتى الأفلام المصريه بعضها يوصل لهذه الأرقام مثل فيلم عمارة يعقوبيان وحليم هذا بسبب كثرة الابطال أصحاب منصب ممثل الشباك .

أما بخصوص التذاكر مدري كيف خلصت وماشوفنا أحد من ربعنا ولا ربع ربعنا ولا ربع ربع ربعنا أشترو تذاكر

أتوقع خلصت بالتوزيع الهدايا المجانيه لأشخاص معنيين

NeverLand

27-10-2011, 08:47 AM

neverland

بارك الله فيك على هالتفاصيل كلها
اذا الموعد سيكون 4 - 12 -2012

خلينا ننتظر

جملك الله برضاه

الله يخليك يالغالي ويبارك فيك .. كلك ذوق والله .. وموعد عرض الفلم عندنا بالسينمات مثل ماقلت بيكون بأول ديسمبر ان شاء الله ..

ناطر رايك بالفلم اول ماتشوفه

NeverLand

27-10-2011, 08:50 AM

أما بخصوص التذاكر مدري كيف خلصت وماشوفنا أحد من ربعنا ولا ربع ربعنا ولا ربع ربع ربعنا أشترو تذاكر

أتوقع خلصت بالتوزيع الهدايا المجانيه لأشخاص معنيين

للاسف كلامك صحيح .. انا لما رحت ماشفت غير كم قطري وقطريه ينعدون بالاصابع حاضرين البريمير .. الباقي كلهم اجانب .. واخرتها يقولون لك المهرجان موجه لاهل قطر بالدرجة الاولى .. شي يضحك!!

كل ربعي حاولوا يحصلون تذاكر لكن ماقدروا ..

عازف العود

27-10-2011, 09:00 AM

مجرد دعايه وحق ارضاء الاجانب والزلمات ههههه

NeverLand

27-10-2011, 09:03 AM

شباب الامس رحت عرض فلم The Artist ..

http://upload.wikimedia.org/wikipedia/en/f/f3/The-Artist-poster.png

اسمحولي اذا طلعت برا الموضوع وتكلمت عن فلم غير بلاك قولد .. لكن هالفلم ابدااااااع مش طبيعي والله .. افضل فلم شفته هالسنه بلا منازع .. الفلم معمول على اساس انه فلم ابيض واسود وصامت .. فلم راقي ويخليك تطلع وانت حاب الحياه ومليان طاقه .. يتكلم الفلم عن نجم مشهور ومحبوب ايام السينما الصامته بهوليوود .. فجأه يلاقي نفسه بتحدي بعد ظهور تقنية الصوت بالسينما .. وصار لازم يمثل وهو يتكلم وهو مش متعود انه يتكلم بالافلام اللي يمثلها .. وتنحدر نجوميته ويصير ممثل درجة ثالثه وينسونه الناس ..

الكلام مايعطي هالفلم حقه .. كل اللي اقدر اقوله ان هالفلم قطعه فنيه فخمه من اول لحظه لاخر لحظه ..

وبصراحه مش متخيل فلم غيره ياخذ البيست بيكشتر اوف ذا يير بالاوسكار هالسنه ..

بعد ماخلصنا الفلم طلع عالمسرح الممثل James Cromwell اللي شارك بالفلم وقال لنا تفاصيل مشاركته وكيف تمت صناعة الفلم وقاموا الجمهور يسألونه وكان الجو حميمي وممتع .. والحلو انه كان قاعد قدامي على طول بالسينما ههه .. كنت اشوف الشاشه وارجع اشوف قمة راسه قدامي مو مصدق انه هذا هو :P .. كان حليو وطيب وبعد ماخلص رحت وصورت معاه صوره تذكاريه .. اللي شاف فلم دابليو .. هو نفسه اللي مثل دور بوش الاب ..

المهم الفلم غير مودي من الامس لليوم بصراحه .. عمل رائع ماشفت مثله من فتره طويله .. استعراضات هوليوود القديمه وطريقة تمثيل البطل والبطله .. والارت دايركتر كانوا كلهم مميزين .. اتمنى تشوفونه وتحبونه مثل ماحبيته ..

تحداني

28-10-2011, 11:37 PM

شباب الامس رحت عرض فلم the artist ..

http://upload.wikimedia.org/wikipedia/en/f/f3/the-artist-poster.png

اسمحولي اذا طلعت برا الموضوع وتكلمت عن فلم غير بلاك قولد .. لكن هالفلم ابدااااااع مش طبيعي والله .. افضل فلم شفته هالسنه بلا منازع .. الفلم معمول على اساس انه فلم ابيض واسود وصامت .. فلم راقي ويخليك تطلع وانت حاب الحياه ومليان طاقه .. يتكلم الفلم عن نجم مشهور ومحبوب ايام السينما الصامته بهوليوود .. فجأه يلاقي نفسه بتحدي بعد ظهور تقنية الصوت بالسينما .. وصار لازم يمثل وهو يتكلم وهو مش متعود انه يتكلم بالافلام اللي يمثلها .. وتنحدر نجوميته ويصير ممثل درجة ثالثه وينسونه الناس ..

الكلام مايعطي هالفلم حقه .. كل اللي اقدر اقوله ان هالفلم قطعه فنيه فخمه من اول لحظه لاخر لحظه ..

وبصراحه مش متخيل فلم غيره ياخذ البيست بيكشتر اوف ذا يير بالاوسكار هالسنه ..

بعد ماخلصنا الفلم طلع عالمسرح الممثل james cromwell اللي شارك بالفلم وقال لنا تفاصيل مشاركته وكيف تمت صناعة الفلم وقاموا الجمهور يسألونه وكان الجو حميمي وممتع .. والحلو انه كان قاعد قدامي على طول بالسينما ههه .. كنت اشوف الشاشه وارجع اشوف قمة راسه قدامي مو مصدق انه هذا هو :p .. كان حليو وطيب وبعد ماخلص رحت وصورت معاه صوره تذكاريه .. اللي شاف فلم دابليو .. هو نفسه اللي مثل دور بوش الاب ..

المهم الفلم غير مودي من الامس لليوم بصراحه .. عمل رائع ماشفت مثله من فتره طويله .. استعراضات هوليوود القديمه وطريقة تمثيل البطل والبطله .. والارت دايركتر كانوا كلهم مميزين .. اتمنى تشوفونه وتحبونه مثل ماحبيته ..

صادق
هالفلم راااااااائع بكل ما وصفته
وبكل ما تحمله من كلمات الابداع
عمل لا يتكرر دائما

جملك الله برضاه

halcrow

29-10-2011, 08:28 AM

بخصوص الفيلم الثاني في عرض له ولا خلاص والساعه كم. نبي نشوف بعد